Friday, April 27, 2012

၎/ ၂၇/ ၂၀၁၂ သတင်းများ

ထားဝယ် စီမံကိန်းမှ အီတာလျန်-ထိုင်းကုမ္ပဏီ ရပ်ဆိုင်းတော့မည် 

နယူးဒေလီ (မဇ္ဈိမ) ။       ။ ထားဝယ်ရေနက်ဆိပ်ကမ်း စီမံကိန်းတွင် ငွေကြေး ရင်းနှီးမြှုပ်နှံမှုများအား ၂၀၁၂ ခုနှစ်ကုန် တွင် ရပ်ဆိုင်းတော့မည် ဖြစ်ကြောင်း Italian-Thai Development Pcl က ပြောသည်။

ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီတခုဖြစ်သည့် အဆိုပါ ITD ကုမ္ပဏီ၏ ဥက္ကဋ္ဌ Premchai Karnasuta က အစုရှယ်ယာဝင်များအား သောကြာနေ့က ပြောကြားလိုက်ခြင်း ဖြစ်ကြောင်း ရိုက်တာသတင်းတရပ်တွင် ပါရှိသည်။

ထားဝယ်အထူးစီးပွားရေးဇုန် စီမံကိန်း ပထမအဆင့်အနေဖြင့် ကုမ္ပဏီက ဒေါ်လာသန်းပေါင်း ၈,၅ဝဝ ရင်းနှီးမြှုပ်နှံ သွားမည်ဟု ဇန်နဝါရီလပိုင်းက ပြောဆိုခဲ့သော်လည်း မဂ္ဂါဝပ် ၄,ဝဝဝ ထုတ်လုပ်မည့် ကျောက်မီးသွေးသုံး ဓါတ်အားပေး စက်ရုံအား မြန်မာအစိုးရက ရုတ်ချည်း ရပ်ဆိုင်းလိုက်သဖြင့် စီမံကိန်းအနာဂတ်အား သံသယဝင်လာခြင်း ဖြစ်သည်ဟု ဆိုသည်။

ဒေသခံများအပြင် သဘာဝပတ်ဝန်းကျင် ထိန်းသိမ်းရေးအဖွဲ့များနှင့် မီဒီယာများမှ ကန့်ကွက်မှုများကြောင့် အဆိုပါ
ကျောက်မီးသွေးသုံး လျှပ်စစ်ဓာတ်အားပေး စက်ရုံကို တည်ဆောက်တော့မည် မဟုတ်ကြောင်း အမှတ် ၂ လျှပ်စစ် ဝန်ကြီး ဦးခင်မောင်စိုး က ဇန်နဝါရီလ ၉ ရက်နေ့တွင် ပြောကြားခဲ့သည်။
htwal

ထားဝယ်စီမံကိန်းအတွက် အထူးအခွင့်အရေးများ ရရှိခဲ့သော ITD အနေဖြင့် သံမဏိစက်ရုံ တည်ဆောက်ရန်အတွက် ထားဝယ်တွင် မြေရောင်းစာချုပ်တခုကို ဇူလိုင်လမတိုင်မီ ချုပ်ဆိုရန် ပြင်ဆင်ထားကြောင်းလည်း ကုမ္ပဏီဥက္ကဋ္ဌ Premchai က ရှယ်ယာဝင်များ အစည်းအဝေးတွင် ထည့်သွင်း ပြောဆိုသွားခဲ့သည်။

ထားဝယ်စီမံကိန်းတွင် လျှပ်စစ် ဓာတ်အားပေးစက်ရုံ၊ ရေနံဓာတု စက်ရုံ၊ ရေနံချက် စက်ရုံအပြင် သံမဏိ စက်ရုံတို့လည်း ပါဝင်မည် ဖြစ်သည်။

စီမံကိန်းမှာ တနင်္သာရီတိုင်း သာဂရမြို့ဟောင်းအနီး တည်ရှိကာ ထားဝယ်မြို့ အနောက်မြောက်ဘက် မိုင် ၂ဝ ခန့် အကွာရှိ ရေဖြူမြို့နယ် နဖူးလယ် ကျေးရွာအနီးတွင် ရှိပြီး နအဖ အစိုးရလက်ထက် ၂၀၀၈ ခုနှစ်တွင် ထိုင်းနိုင်ငံ Italian-Thai Development Public Co.,Ltd  နှင့် နားလည်မှု စာချွန်လွှာ လက်မှတ်ရေးထိုးခဲ့ကာ ၂၀၁၀ ပြည့်နှစ်
တွင် ၇၅ နှစ် လုပ်ငန်း လုပ်ဆောင်ခွင့် သဘောတူစာချုပ် ချုပ်ဆိုထားခြင်း ဖြစ်သည်။ 




အနီးမှုန်လား။ အဝေးမှုန်လား
 
ထက်အောင်ကျော်။ (၂၆-၀၄-၂၀၁၂)


အသက် ၄၀-ကျော်ရင် မျက်စိမှုန်တယ်ဆိုတဲ့ ဆိုရိုးနဲ့အညီ ကျနော်လဲ စာကြည့်မျက်မှန် တ 
 
လက် ဆောင်ထားရတာ ၂-နှစ်လောက်ရှိနေပါပြီ။ ကြားဖူးနားဝစကားတွေအရ ၂-နှစ်တကြိမ်မျက်မှန် 
 
ပုံမှန်စစ်သင့်တယ်ဆိုတာကြောင့် အော်စလိုမြိုတော် နိုဗယ်စင်တာအနီးရှိ ပင်လယ်ကမ်းစပ်က မျက်မှန် 
 
ဆိုင်ကို သွားပြီးစစ်ကြည့်မိပါတယ်။ "အနီးမှုန်လား။ အဝေးမှုန်လား" ဆိုပြီး မျက်မှန်စစ်ဆေးသူက မေး 
 
ပါတယ်။ "စာကြည့်မျက်မှန် တပ်ထားမှတော့ အနီးမှုန်ပေါ့ဗျ" ဆိုပြီး ပြောတော့ မျက်မှန်စစ်ဆေးသူက 
 
မယုံသလိုလိုနဲ့ အနီးရော။ အဝေးပါ စစ်ဆေးနေပါတယ်။
 
 
 

နာရီဝက်နီးပါး စစ်ဆေးစမ်းသပ်ပီးတော့မှ စာလုံးတွေမကြည်လင်တဲ့ အနီးမှုန်သက်သက်ဆို တာကို 

သူကလက်ခံသွားပုံရပါတယ်။ ပါဝါနဲနဲထပ်တိုးရမယ်။ မှန်လဲရမယ်။ မှန်ခက ဘယ်လောက်။ လက်ခက 

 ဘယ်လောက်ကျတယ်။ ဘယ်နေ့ပြန်လာယူပါလို့ပြောပါတယ်။ ကျနော်လဲ သူပေးလိုက်တဲ့ Appointment 

စာရွက်ကိုယူပြီး အော်စလိုကမ်းနားက ရဲတိုက်ကုန်းပေါ်တက်။ နေစာလှုံရင်းနဲ့ "ငါဖြစ် နေတာက 

အနီးမှုံသက်သက်ကောဟုတ်ရဲ့လား" ဆိုပြီး တကိုယ်တော် စဉ်းစားခန်းဖွင့်နေမိပါတယ်။


 


သာမန်စဉ်းစားမယ်ဆိုရင်တော့ မြန်မာနိုင်ငံနဲ့ မိုင်ပေါင်း ၅၀၀၀-လောက်အကွာ အော်စလိုမြို 

မှာရောက်နေတဲ့ ကျနော့်ရဲ့ ဒီနေ့နိုင်ငံရေးအမြင်ဟာ ရန်ကုန်မြိုမှာနေထိုင်သူတဦးရဲ့ ရှုမြင်မှုနဲ့စာရင် မှုံ 

ဝါးဝါး ဖြစ်နေနိုင်ပါတယ်။ ဒါမေပဲ့ တဖက်ကနေ ပြန်စဉ်းစားမယ်ဆိုရင်လဲ ဒီနေ့လို နည်းပညာခေတ်။ 

အင်တာနက်ခေတ်မှာ အနီးမှာနေမှပိုမြင်ပြီး အဝေးရောက်ရင် မှုံဝါးဝါးဘဲ့မြင်နိုင်တယ်လို့ အပြတ်ပြော 

လို့ရနိုင်ပါ့မလား။


အနီးမှာနေခြင်း။ အဝေးမှာနေခြင်းဆိုတာက သိပ်အဓိက မကျဘဲ နေ့စဉ်ဖြစ်ပေါ်တိုးတက်နေ တဲ့ 


နိုင်ငံရေးအခြေနေကို ခြုံငုံသုံးသပ်နိုင်ခြင်းက ပိုအဓိကမကျဘူးလား။ မြန်မာနိုင်ငံတွင်းကလူအတော် 

များများကိုယ်တိုင် မိုင် ၅၀၀၀-ကျော် ၈၀၀၀-နီးပါးအကွာဝေးနေ ထုတ်လွင့်နေတဲ့ လှိုင်းတိုရေဒီယိုတွေ။ 

စလောင်းတီဗွီ တွေကိုကြည့်ပြိး ဒီနေ့ နိုင်ငံရေးဖြစ်ပေါ်တိုးတက်မှု နောက်ဆုံးအခြေနေတွေကို လေ့ 

လာနေရတုန်းဘဲ့မဟုတ်လားလို့ အဝေးရောက်နေသူတွေဖက်ကနေ ကိုယ်ဘာသာရှေ့နေလိုက်ရင်း 

ကျ နော်စဉ်းစားနေမိပြန်ပါတယ်။


အသက်ကြီးပေမဲ့ အနီးမှုန်ခြင်းကိုရှောင်နိုင်သူများ



"အရီးလာသည် ...

 

ဆီးသီး ပါသလား။
 

အဆီ မစား။
 

အသီး စားပါ..."


အနီးမှုန်လား။ အဝေးမှုန်လား တကိုယ်တော်စဉ်းစားရင်း အဖြေမထွက်ဘဲ လုံးခြာလည်နေတဲ့ ကျနော်ဟာ 


ဘ၀တူ အဝေးရောက်ရဲဘော်သူငယ်ချင်းတွေနဲ့ စကားစမြည်ပြောကြည့်ဦးမှဆိုပြီး တိုင်း 

ခန်းလှည့်ရင်းနဲ့ အော်စလိုမြိုပြင်က စာသင်ကျောင်းလေးတခုကိုရောက်နေတာပါ။ 

စာသင်ကျောင်းဆိုလို့ မြန်မာနိုင်ငံက အမက-တွေ အလက-တွေလို ကျောင်းအကြီးကြီးဆောက်ထားပြီး 

ရာနဲ့ချီတဲ့ကျောင်း သားတွေ တက်နေတဲ့ကျောင်းလို့ မထင်လိုက်ပါနဲ့။


တပါတ်မှာ တနင်္ဂနွေတရက်။ တရက်မှာမှ ၄-နာရီလောက်သာစာသင်ပေးနိုင်တဲ့ စာသင်ခန်း လေးပါ။ 


 ကျနော်တို့မျိုးဆက်တွေဟာ နော်ဝေးရောက်တဲ့အထိ ဗုံးခိုကျင်းနဲ့မကင်းနိုင်သေးဘူးလို့ပြောရ မလားပါဘဲ့။ 

ဒုတိယ ကမ္ဘာစစ်တုန်းကဆောက်ထားတဲ့ ခေတ်မှီဗုံးခိုကျင်း ကျောက်ဂူထဲမှာ ဒီကျောင်း လေး 

ဖွင့်ထားတာကိုတွေ့ရပြိး ကျောင်းသား။ ကျောင်းသူ ၁၀-ကျော်နဲ့အတူ ကျောင်းဆရာ ၂-ဦး။ 

က လေးတွေကို 

လိုအပ်တာကူညီပေးနေတဲ့ ကလေးမိဘ အဝေးရောက်သူငယ်ချင်း ၄-၅ ဦးကို အဲဒီ မြေအောက် 

စာသင်ခန်းမှာ ကျနော်တွေ့ခဲ့ရပါတယ်။ 


"ဆီးသီးဆိုတာ ဘာလဲဆရာမ" ဆိုပြီး အသက် 


၆-နှစ်အရွယ် ကျောင်းသူလေးတဦးက နော် ဝေးလိုနဲ့ ပြန်မေးနေတာ ကျနော်ကြားလိုက်ပါတယ်။ 

ဆရာမကလဲ ဘယ်လိုရှင်းပြရမှန်းမသိ။ ပုံဆွဲပြ တော့လဲ ကလေးကသဘောမပေါက်။ 

ဆီးသီးကိုတခါမှမမြင်ဖူးတဲ့လူကို ဆီးသီးပုံဆွဲပြနေလို့ ဘယ်သ ဘောက်ပေါက်မလဲ။ 


ဆိုလိုတာကတော့ ဆီးသီးမရှိ။ ပန်းသီးသာရှိတဲ့ အရပ်။ ထညက်ခဲမရှိ ချောက 


လက်သာရှိတဲ့အရပ်မှာ မွေးဖွါးလာတဲ့ နော်ဝေးနိုင်ငံက ဒီမျိုးဆက်သစ်လေးတွေကို မြန်မာနိုင်ငံက 

ဆီးသီးအကြောင်းရှင်းပြရတာ ဒီလောက်ခက်နေမယ်ဆိုရင် ပုံဆွဲပြလို့မရနိုင်တဲ့ မြန်မာ့နိုင်ငံရေးသမိုင်း 

အခြေနေ။ ကျနော်တို့မျိုးဆက်ရဲ့စွန့်လွတ်တိုက်ပွဲဝင်မှုနဲ့ ယဉ်ကျေးမှု အကြောင်းရှင်းပြမယ်ဆိုရင် ဆီးသီး 

ဇတ်လမ်းထက် ပိုခက်မယ်ဆိုတာ သံသယရှိစရာမလိုပါဘူး။


တကယ်ကတော့ တတိယ နိုင်ငံရောက်မြန်မာကလေးတွေ မြန်မာစာမတတ်ဖြစ်နေတဲ့ကိစ္စကို 


ကျနော်ပြောနေတာ နှစ်အတော်ကြာနေခဲ့ပါပြီ။ သတင်းထောက်တာဝန်နဲ့ရောက်ခဲ့ဖူးတဲ့ ဒိန်းမတ်။ 

ဖှင်လန်အပါဝင် ဥရောပနိုင်ငံတချို့က ဒီလိုအလားတူ စာသင်ကျောင်းလေးတွေကို တင်ပြခဲ့ဖူးပြီးဖြစ်ပါ 

တယ်။ တချိန်တည်းမှာဘဲ့ မြန်မာနိုင်ငံသား ၃၀၀၀-ကျော်ရောက်နေတဲ့ နော်ဝေးနိုင်ငံမှာကော 

ဘာ ကြောင့် ဒီလိုစာသင်ကျောင်းလေး မပေါ်သေး။ မလုပ်နိုင်သေးတာလဲဆိုပြီးလဲ ကျနော်မေးခွန်း ထုတ်ခဲ့ 

ဖူးပါတယ်။


 


ဒါပေမဲ့ မြန်မာနိုင်ငံက သန်း ၆၀-သောပြည်သူတွေ ထမင်းငတ်နေတဲ့ကိစ္စ။ သူတို့ရဲ့သားသမီး တွေ 

စာမသင်နိုင်။ ကျောင်းမထားနိုင်တဲ့ကိစ္စ။ နယ်စပ်နဲ့ ကျေးလက်ဒေသမှာ ပညာရေးနိမ့်ကျနေတဲ့ 

ကိစ္စတွေကို 

ဦးစားပေးပြောရမဲ့အစား လူ နှစ်ယောက်တပိုင်းသာရှိတဲ့ တတိယ နိုင်ငံရောက် မြန်မာ 

ကလေးတွေ မြန်မာစာမတတ်တဲ့ကိစ္စကို ရေးကြီဂွယ်ကျယ်လုပ်ပြီး အချိန်ယူတင်ပြနေတယ်ဆိုပြီး 

ကျ နော်တို့ သတင်းသမားအချင်းချင်းကြား ငြင်းခုံခဲ့ဖူးတဲ့အတွက် ဒီကိစ္စကို ကျနော်မပြောဖြစ်တာ 

အတော် ကြာနေခဲ့ပါပြီ။ ဒါမေပဲ့ ဒီကိစ္စဟာ ဆွေးနွေးငြင်းခုန်သင့်တဲ့ကိစ္စတခုအဖြစ် ကျနော်စိတ်ထဲမှာ 

အမြဲရှိနေ ပါတယ်။


"တတိယ နိုင်ငံရောက် မြန်မာကလေးတွေ မြန်မာစာမတတ်တာကို ပြသာနာတခုလို့ ခင်ဗျား ထင်သလား။ 


ဘာကြောင့် ဒီကျောင်းဖွင့်ဖို့လိုတာလဲ" ဆိုပြီး မြေအောက် စာသင်ခန်းထဲက ကျောင်း အုပ်ဆရာကို 

ကျနော်မေးမိပါတယ်။ သူကလဲ တောထဲမှာ ကျနော်တို့နဲ့အတူနေခဲ့ဖူးသူ။ ကျနော့် 

အ ကြောင်းလဲသိနေသူဆိုတော့ သူကျောင်းကို ကျနော်ရောက်လာကတည်းက အလကားအပြင်းပြေ 

လာ ခြင်းတော့မဟုတ်။ သူကို အချွန်နဲ့မတဲ့ မေးခွန်းတွေမေးဖို့လာသူဆိုတာကို ကြိုတွက်ထားပြီး သားဖြစ်ပုံ 

ရပါတယ်။


"အဓိက ကတော့ဗျာ။ စကားလုံးအကြီးကြီးတွေကိုအရသာခံပြောနေတာနဲ့စာရင် လက်တွေ့ 


ကိုယ်လုပ်နိုင်တဲ့။ လုပ်လဲလုပ်သင့်တဲ့ အလုပ်တခုကို လုပ်နိုင်တဲ့နေရာကနေ စလုပ်လိုက်တာပါဘဲ့" 

လို့ ကျောင်းဆရာကဖြေပါတယ်။ ဒီလူ ကျနော်ကိုပြန်နှက်နေသလားဆိုပြီး သံယသနဲ့ သူမျက်နှာ ကို 

အ သေချာကြည့်လိုက်တော့ အဲဒီလိုမဟုတ်။ သူယုံကြည်တာကို ရိုးရိုးသားသား ပြောနေပုံက သူမျက်နှာ 

မှာပေါ်နေပါတယ်။ 


"ကလေးတွေကိုစာသင်ပေးနေတာဟာ အနာဂတ်တိုင်းပြည်ကို ထူထောင်နေခြင်း တမျိုးပါဘဲ့။ 


အဝေးကြီးကိုလှမ်းကြည့်ဖို့လိုသလို ကိုယ်ဘေးမှာဖြစ်နေတဲ့ကိစ္စတွေ။ လိုအပ်ချက်တွေကို လဲ 

ဝင်ဖြည့်ပေးဖို့လိုတယ်လေ"


ကျောင်းဆရာရဲ့စကားလုံးတွေက ကျနော်ရင်ဘတ်ကို တည့်တည့်လာမှန်တဲ့အတွက် သောက် 


လက်စရေနွေးနဲ့ လဖက်သုတ်ကိုတောင် ဆက်မတုတ်နိုင်ဘဲ ခနဆိုင်းလိုက်ရပါတယ်။ "အဲဒီတော့ တတိ 

ယနိုင်ငံရောက်မြန်မာကလေးတွေ မြန်မာစာမတတ်တာကို ပြသာနာတခုအဖြစ် 

ခင်ဗျားကမြင်တယ်ပေါ့။ မြန်မာစာမတတ်လို့ ဘာမှမဖြစ်ဘူး။ နော်ဝေးစာတတ်ဖို့ဘဲ့လိုတယ်လို့ပြောနေတဲ့ 

မိဘတွေကို ခင်ဗျား ဘာပြောမလဲ" ဆိုပြီး ကျနော်က ထပ်အထွန့်တက်လိုက်ပါတယ်။ 


 

"ဒီလိုဗျ။ သူတို့မြန်မာစာမတတ်လို့ လောလောဆယ် ဘာမှပြသာနာကြီးကြီးမားမားမရှိ နိုင်ဘူး 

ဆိုတာမှန်ပါတယ်။ ဒါပေမဲ့ ကျနော်တို့ကလဲ နော်ဝေးစာကောင်းကောင်းမတတ်တဲ့အခါကျတော့ 

ကလေးတွေနဲ့ ကျနော်တို့ကြား ရေရှည်မှာဘာသာစကားပြသာနာရှိလာနိုင်ပါတယ်" လို့ ကျောင်းဆရာ 

ကတွေးတွေးဆဆနဲ့ ဖြေပါတယ်။ 


ဗမာစာကို သူတို့နားမလည်ဘူးဆိုရင် ကျနော်တို့နိုင်ငံရဲ့ ရုန်းကန် တိုက်ပွဲဝင်မှုသမိုင်းတွေ။ 


ကျနော်တို့မျိုးဆက်တွေရဲ့ စွန့်လွတ်အနစ်နာခံမှုတွေ။ နောက်တခါ ဘာသာ တရား 

အဆုံးအမနဲ့ မြန်မာ့ယဉ်ကျေးမှုအကြောင်းတွေကို သူတို့နားလည်အောင်ရှင်းပြဖို့ မလွယ်တော့ 
 
ဘူးလို့ ကျောင်းဆရာကဆက်ပြောပါတယ်။


 


ပြီးတော့ အသက် ၁၀-နှစ်ကျော်။ ၂၀-၀န်းကျင်ရောက်တဲ့အထိ မြန်မာစာမတ်တဲ့ကလေးတွေ။ 

တချို့ဆို မြန်မာစကားတောင် မတတ်တဲ့ကလေးတွေ။ (မြန်မာဆိုတာ မြန်မာနိုင်ငံသားအားလုံးကို ဆို 

လိုတာဖြစ်ပြီး ကရင်လဲ ကရင်စာ။ မွန်လဲမွန်စာ။ ချင်းလဲချင်းစာ စသဖြင့် မိခင် ဘာသားစကားကို 

တတ်သင့်တယ်လို့ဆိုလိုတာဖြစ်ပါတယ်) ရှိနေတဲ့ မိသားစုတွေအကြောင်း ကျနော်တို့ ဆက်ပြောဖြစ် 

ပါတယ်။


နောက်တခါ မိဘက နော်ဝေးစာမတတ်လို့ ကလေးတွေကိုအားကိုးပြီး ဘာသာပြန်ခိုင်းရာက နေ 


မိဘတွေအပေါ်ကလေးတွေက အထင်အမြင်သေးလာပြီး "ဘာမှမသိ နားမလည်တဲ့ မိဘတွေပါ လား" လို့ 

နားလည်မှုလွဲသွားတဲ့ မိသားစုတွေအကြောင်းလဲ ကျနော်တို့ ဆွေးနွေးဖြစ်ကြပါတယ်။  


"ကလေးတွေကသာ မိဘကို အဲလိုအထင်သေးသွားပြီဆိုရင် ခင်ဗျားဘ၀ဆုံးပြီ။ အဲဒီလိုမျိုး အဖြစ်မခံနိုင်လို့ 


ကျနော် ကျောင်းဆရာဝင်လုပ် နေတာပါ" လို့ ရှင်းပြရင်းနဲ့ တောထွက်ကျောင်းဆရာက သူရဲ့အမြင်ကို 

နိဂုံးချုပ်ပါတယ်။


ဒါဆိုရင် အနီးမြင် အဝေးမှုန်ဖြစ်နေကြတာလား



 

ကျောင်းဆရာနဲ့ ကျနော့်ကြား အမေးအဖြေ နဲနဲအရှိန်ရလာတော့ ဘေးကပုဂိုလ်တွေကလဲ ပါ 

ဝင်ဆွေးနွေးလာပါတယ်။ ဒီလိုနဲ့ကျနော်တို့ရဲ့ တနင်္ဂနွေစကားဝိုင်းဟာ ပိုမိုသွက်လက်လာပြီး အာဂျင်ဒါ 

ကလဲ 

အနီးမှုန်ကနေ အဝေးမှုန်ဖက်ကိုရွေ့လျားလာပါတယ်။ "အိုကေ။ ဒီတိုင်းဆိုရင်တော့ ခင်ဗျားတိုက 

အနီးမှုန်နေသူတွေမဟုတ်တာကတော့ သေချာသွားပီ။ ဒါပေမဲ့ အဝေးမှုန်တွေများဖြစ်နေလေမလား" ဆိုပြီး 

ကျနော်က စကားထောက်လိုက်ပါတယ်။ ဒီတကြိမ် ၀င်ရောက်ဆွေးနွေးလာသူကတော့ ရေးဖော် ရေးဖက် 

ဘလော်ဂါဆရာပါ။ 


"ဒီလိုဗျ။ ကျနော်တို့နဲ့အတူ တောခိုလာတဲ့လူတချို့ဟာ အခုလိုမျိုးဖြစ်ပေါ်လာနိုင်တဲ့ နိုင်ငံရေး 


အခင်းအကျင်းသစ်ကိုတွက်ဆပီး နှစ် ၂၀-ကျော်လုံးလုံး ဒီအတွက်ကြိုပြင်နေခဲ့တာပါ။ ကျနော်တို့က သာ 

မနက်ဖြန်သဖက်ခါ တော်လှန်ရေးအောင်မယ်လိုလိုနဲ့ ဘာမှစနစ်တကျမပြင်ဖြစ်။ ဘာမှစနစ်တကျ 

မသင်ယူဖြစ်ဘဲနဲ့ နှစ် ၂၀-ကြာသွားတာ။ ဒီတော့ ဒီနေ့အခင်းကျင်းသစ်မှာ ၀င်ကစားဖို့ ကျနော်တို့ အ 

များစုကြီးက အဆင်သင့်ဖြစ်မနေဘူးပေါ့ဗျာ'' ဆိုပြီး ဘလောဂါဆရာကဆိုပါတယ်။


ဒီလိုအပြန်အလှန် ငြင်းခုန်ရင်းကနေ ဗဟုအဖွဲ့ဝင်တွေ။ 


ဟားဗတ်တက္ကသိုလ်ဆင်းတွေ။ ဒေါက်တာဘွဲရသူတွေ။ မာစတာ ဘွဲရသူတွေ။ ပြည်ပ 

သတင်းဌာနအသီးသီးက အရာရှိတွေ။ နယ်စပ်တကျောက အန်ဂျီအို-အရာရှိတွေ။ စသဖြင့်။ စသဖြင့် 

လက်ရှိပြောင်းလဲမှုဖြစ်စဉ်မှာ ချက်ချင်းဝင်ကစားနိုင်သူတွေအကြောင်း ကျနော်တို့ 

ကျယ်ကျယ်ပြန့်ပြန့် ဆွေးနွေးဖြစ်ခဲ့ကြပါတယ်။


 

"ဒါပေမဲ့ ဒီလူတွေက ဆယ်ဂဏန်းဘဲ့ရှိတာဗျ။ ကျနော်တို့တောထွက်တွေ။ ထောင်ထွက်တွေက 

နိုင်ငံတကာမှာ သောင်းနဲ့ချီရှိနေတာဆိုတော့ တစုံလုံးပါလာနိုင်အောင် စဉ်းစားပေးသင့်တယ်လို့ 

ကျ နော်ထင်တယ်" ဆိုပြီး ကျောင်းသားမိဘဖြစ်နေတဲ့ နောက်ထပ်တောထွက်တဦးက ၀င်ဆွေးနွေးပါ 

တယ်။ 


"မင်းကိုနိုင်ပြောတဲ့ ဖုန်းမော်နေ့-စကားကို ခင်ဗျားတို့သတိထားမိလား။ 


နိုင်ငံခြားမှာရောက် နေတဲ့ရဲဘော်ရဲဘက်တွေ ပြည်တော်ပြန်လာပြီး တိုင်းပြည်ထူထောင်ရေးမှာ 

ပူးပေါင်းဆောင်ရွက်ကြဖို့ဆို တာလေ" လို့ ကျနော်ကပြောရင်း တတိယ-နိုင်ငံရောက် 

ကျနော်တို့မျိုးဆက်တွေ အဆင့်မြင့် ပညာ သင်ကြားရေးဖက် 

အာရုံစိုက်မှုအားနဲခဲတာကို ထောက်ပြမိပါတယ်။ 


"ခက်တာက ကျနော်တို့ဟာ ပညာသင်ဖို့ တတိယ နိုင်ငံကိုထွက်လာတာမဟုတ်ဘူးဗျ။ တော် 


လှန်ရေးလုပ်ဖို့တောခိုလာတာ။ ဟုတ်မယ်မို့လား..။ အဲဒီကမှတဆင့် အကြောင်းအမျိုးမျိုးကြောင့် 

ဒီကို ရောက်လာသူတွေဆိုတော့... ခင်ဗျားပြောသလို အဝေးမှုန်ဖြစ်ခဲ့သူတွေလို့ တံဆိပ်ကပ်ဖို့ကလဲ 

မဟုတ် သေးဘူးနဲ့တူတယ်" လို့ ဘလောဂါဆရာက ကျနော်ကိုပြန်ထောက်ပါတယ်။ 


"မင်းကိုနိုင်ပြောတဲ့ထဲမှာနောက်ထပ် အရေးကြီးတဲ့စကားတခုလဲပါသေးတယ်ဗျ။ 


လွတ်မြောက် ရေးတိုက်ပွဲမှာ စွန့်လွတ်အနစ်နာခံခဲ့သူတွေဟာ အခုချိန်မှာ နောက်တန်းကိုရောက်သွားပီး 

တိုင်းပြည်ထူ ထောင်ရေးလုပ်နိုင်သူတွေက ရှေ့တန်းကိုရောက်လာပါလိမ့်မယ်-ဆိုတာလေ'' လို့ ကျနော်က 

ထပ်ပြော တော့ တောထွက်ရဲဘော်သူငယ်ချင်းအားလုံး တွေဝေသွားပုံရပြီး တနင်္ဂနွေ 

စကားဝိုင်းက ခေတ္တငြိမ် သွားပါတယ်။


အနီးမှုန် အဝေးမမြင်



"တကယ်က ကျနော်တို့သာ လျှောက်ပြောနေတာ။ လူအများစုကြီးက သူဟာနဲ့သူ အလုပ်ရှုပ် နေလို့ 


ကျနော်တို့လိုအငြင်းပွါး စဉ်းစားနေဖို့ကို အချိန်မရလောက်ဘူးထင်ပါတယ်။ ကျနေုာ်တို့လို စဉ်း 

စားနေတယ်လူ ဘယ်လောက်ရာခိုင်းနှုံးရှိမယ်ထင်လဲ" လို့ ငြိမ်သက်မှုကိုဖြိုခွင်းတဲ့အနေနဲ့ ကျနော်ကဘဲ့ 

စကားခေါ်လိုက်ပါတယ်။ 


" ၅-ရာခိုင်နှုံး။ ၁၀-ရာခိုင်းနှုံးထက် မပိုလောက်ဘူးထင်တယ်" လို့ ကျောင်းဆရာက ချက်ချင်း 


တန်းဖြေပါတယ်။ "ဘာအထောက်ထားနဲ့ခင်ဗျားက ဒီလိုပြောတာလဲ" ဆိုပြီး ကျနော်တို့ 

ဆက်လက် ငြင်းခုန်ကြပြန်ပါတယ်။ ပြီးတော့ စကားဝိုင်းဟာ အိမ်ဝယ်ဖို့။ ကားဝယ်ဖို့။ ခိုင်မာတဲ့အလုပ်ရဖို့။ 

 ၀င်ငွေ ကောင်းတဲ့ အလုပ်ရဖို့ကျိုးပန်းရင်း။ သားရေး။ သမီးရေး။ မိသားစုရေးနဲ့လုံးပန်းရင်း နေ့မအား။ 

ညမအား ဖြစ်နေကြတဲ့ မိသားစုဘ၀တွေဖက်ကို ရောက်သွားပြန်ပါတယ်။


"ဒါက တကယ့်လက်တွေ့ဘ၀ဘဲ့လေ။ ကိုယ်ရောက်နေတဲ့အရပ်မှာ အဆင်ပြေအောင် နေထိုင် 


ရှင်သန်ဖို့ကအရေးအကြီးဆုံးဘဲ့မဟုတ်လား" လို့ ကျနော်တို့ အားလုံးဆက်လက်ငြင်းခုန်ကြပြန်ပါတယ်။


"အရှိတရားလက်တွေ့ဘ၀ကိုတော့ ဘယ်သူမှမလွန်ဆန်ုနိင်ဘူးပေါ့ဗျာ။ ဒါပေမဲ့ လွန်ခဲ့တဲ့ နှစ် ၂၀-ကျော် 


ကျနော်တို့အိမ်ကနေစထွက်ပီး တောခိုလာတဲ့ ရည်ရွယ်ချက်ကတော့ ဒီလိုမျိုးရောက်တဲ့အ ရပ်မှာ 

အဆင်ပြေအောင် နေထိုင်ရှင်သန်ရေး မဟုတ်ဘူးလေ...။ ဟုတ်တယ်မို့လား..." လို့ ကျနော်က 

ဆက်ပြောတော့ တောထွက် ရဲဘော်သူငယ်ချင်းတွေရဲ့ လက်ဘက်သုတ်နဲ့ ရေနွေးကြမ်းဝိုင်းဟာ 

တခါ ပြန်ပြီး ငြိမ်သက်သွားပြန်ပါတယ်။ 


ထက်အောင်ကျော်

"
www.colourparliament.com"



ကောင်းဇော်ဟိန်း ကုမ္ပဏီမှ ဒေသခံ ရေနံလုပ်သားများ အပေါ်အနိုင်ကျင့်နေ
ကောင်းဇော်ဟိန်း ကုမ္ပဏီမှ ဆိုင်တဆိုင်ကိုတွေ့ ရစဉ်
မကွေးတိုင်း  ဒေသကြီး၊ မြိုင်မြို.နယ်  ၀ယ်တောင်(မ)ကျေးရွာတွင်
ဗိုလ်ကြီး  မောင်ထွေး ဦးဆောင်သော  ကောင်းဇော်ဟိန်း  ကုမဏီမှ  7.1.2009
ရက်နေ.မှ  ယခု အချိန်ထိ  ဒေသခံများ  စမ်းသပ်တူးဖော်ရရှိသည်.
ရေနံဆီများကို မတရားဈေးနှိမ်ဝယ်ယူနေပါသည်။

 
ဝယ်တောင် အုပ်စု ၊ ၀ယ်တောင် (တ)ကျေးရွာတွင်  လက်ရှိ ဆီဈေးမှာ 113000
(တစ်သိန်းတစ်သောင်းသုံးထောင်)  ကျပ်ဖြင်. ၀ယ်ယူပြီး
ဝယ်တောင်(မ) ရေနံမြေတွင်  72000(ခုနှစ်သောင်းနှစ်ထောင်)  ကျပ်ဖြင်.သာ ၀ယ်ယူပါသည်။

 
ဒေသပေါက်ဈေးရရန် ၀ယ်တောင်(တ)ရွာသို.  သွားေ၇ာက်ရောင်းချသော  ၀ယ်တောင် (မ
)ကျေးရွာနေ အဘ  ဦးထီန်းပို၏သား  မောင်တိုးပွားအား  ကောင်းဇော်ဟိန်းကုမဏီ
မှ  မြို.နယ်မှူးဟောင်း ဦးသိန်းမြင်.နှင်.အဖွဲ.မှ မောင်တိုးပွားထံမှ
ရေနံဆီပေပါ  လေးလုံးနှင်.ငွေကျပ် 300000(သုံးသိန်း) တောင်းယူထားကြောင်း
၊မောင်တိုးပွားကိုလည်း  ထိပ်တုံးတညလုံးချထားကြောင်း၊
တဖန်
တပေါင်းလဆန်း(7)ရက်နေ.က မြိုင်မြို့နယ်   ချောင်းဆုံကျေးရွာမှ
ရွာသားတဦးအား  မိမိပိုင်ရေနံတွင်းမှ ဆီ 2 ပုံး ရွာသို. သယ်ယူသဖြင်.
ကောင်းဇော်ဟိန်းမှ  ငွေ 430000(လေးသိန်းသုံးသောင်း)  ကျပ်
တောင်းယူထားကြောင်း သိရပါသည်။

 
ကောင်းဇော်ဟိန်းကုမ္ပဏီမှ ၀န်တမ်းတဦးကလည်း  ၀ယ်တောင်(မ)ရွာနေ  အဘ
ဦးတိုးရှိန်၏ သမီး  မမင်းဌေး အသက် (18)နှစ်အား  မတရား ဆွဲလားရမ်းလား
လုပ်ခဲ.ကြောင်း၊ လျော်ကြေးဆိုပြီး  ငွေကျပ် နှစ်သိန်းပေးသဖြင်.
မိသားစုများမှ ကြောက်လို.သာ ကျေနပ်လိုက်ရကြောင်း၊
ကောင်းဇော်ဟိန်း ကုမ္ပဏီမှ ဒေသခံများအပေါ် ရေနံဆီဈေး နှိမ်ဝယ်ယူရုံသာမက
၊ဒသခံများအပေါ် အနိုင်ကျင်မှုများပါ ရှိနေကြောင်း ဒေသခံများက

Myanmar News Now ကိုပြောပါသည်။
 
 
 
 
ပေါက်ဖော်ကြီးရဲ့စိုးရိမ်မှု (ပေးစာ)
ဝတ်မှုန် (စင်ကာပူ)
ဧပြီ ၂၇၊ ၂၀၁၂

ဗြိတိန်ဝန်ကြီးချုပ် ဒေဗစ်ကင်းမရွန်းရဲ့ SplitFire လေယာဉ်အစီး ၂၀ ပြန်လည်တူးဖော်မယ့်အစီအစဉ်အပေါ် အိမ်နီးချင်း တရုတ်နိုင်ငံမှ သ တိကြီးစွာစောင့်ကြည့်လျှက်ရှိသည်ဟု အတွင်းအဆက်အသွယ်များထံမှသိရသည်။ လေယာဉ်များ ဘယ်နေရာမှာ ဘယ်နှစ်စီးရှိနေတာ လဲ။ ပိုက်လိုင်းဆွဲမယ့်ဧရိယာ အနီးတ၀ိုက်လား။ အဲဒီလေယာဉ်ပြန်တူးဖို့ လာမယ့်အဖွဲ့က အရပ်ဖက်အဖွဲ့လား။ စစ်ဖက်အဖွဲ့လား။ ဘယ်လိုစ က်ပစ္စည်းမျိုးတွေ ယူလာမှာလဲ။ ဗမာနိုင်ငံတွင်း တရုတ်တို့ တိတ်တဆိတ်ဆောင်ရွက်နေသောလုပ်ရပ်များကို ထောက်လှမ်းနိုင်သော အဆင့် မြင့် ထောက်လှမ်းရေးကိရိယာများပါနိုင်သလား။ အဲဒီတူးဖော်မှုက ဘယ်နှစ်နှစ်ကြာမှာလဲ။ အဲဒီလို မထင်မှတ်တဲ့ အခြားအစီအစဉ်တွေ ဘယ်နှစ်ခုထပ်ရှိနိုင်သေးလဲ။ ဗမာပြည်ကို တရုတ်သြဇာအတွင်း လုံးလုံးလျားလျားကျရောက်သွားရေး ကြိုးပမ်းနေမှုများအပေါ် အဲဒီလေ ယာဉ်တူးဖော်အစီအစဉ်များက အနှောက်အယှက်ပေးနိုင်လား။ လတ်တလော ဗမာပြည်အတွင်း လူထုကြားမှာ တရုတ်နိုင်ငံအပေါ် အဆိုး မြင်မှုများ အားကြီးလာနိုင်သလား။ စတဲ့ မေးခွန်းများအပေါ် တရုတ်သံရုံးမှ ဗဟိုတရုတ်အစိုးရထံ စာတမ်းများပြုစုပြီး အမြန်တင်ရဖွယ်ရှိသည် ဟုကြားသိရပါသည်။ (ညောင်ဦးကမ်းပါးပြိုလို့ စံပနကူကနွားပေါင်ကျိုးတယ်ဆိုတာ ဒါမျိုးခေါ်တာထင်ပါရဲ့)

အထက်ပါသတင်းအရ မိုးမခအတွက် စာတိုတခုရေးလိုက်ပါသည်။

ကျွန်ုပ်ဘ၀တွင် CSM @ GF ကုမ္ပဏီသည် ၁၃ နှစ်တိုင်အောင် ကြီးစိုးခဲ့ပါသည်။ ထိုကုမ္ပဏီလက်အောက်မှ လွတ်မြောက်လာပြီးနောက် ထို ကုမ္ပဏီလက်အောက် ဘယ်တော့မှပြန်ရောက်တော့မည်မဟုတ်သော်လည်း၊ ထိုကုမဏီမှတဆင့်ရရှိခဲ့သော မိတ်ဆွေများ၊ လစာငွေများ၊ အတွေ့အကြုံများအတွက် ကျေးဇူးတင်ပါသည်။ အမြဲသတိရပါသည်။ ထိုကုမဏီဝန်ထမ်းသစ်၊ ၀န်ထမ်းဟောင်းများနှင့်တွေ့လျှင်လည်း ပိုမို ခင်မင်လေ့ရှိပါသည်။ ထိုသို့ဖြင့် နှစ်ဦးနှစ်ဖက် အကျိုးဖြစ်သော Win Win situation များ ဖြစ်လာပါမည်။

အင်္ဂလိပ် နာကျည်းမှုများမှာ အတိတ်တွင်ကျန်ခဲ့ပြီဖြစ်သည်။ မြန်မာကိုနားအလည်ဆုံး အနောက်နိုင်ငံကိုရွေးရလျှင် အင်္ဂလိပ်ဖြစ်သည်။ အင်္ဂ လိပ်နှင့် အကျိုးတူစီးပွားများမလုပ်မဖြစ်ပါ။ မြန်မာကို အင်္ဂလိပ်ထက်ပိုနားလည်သောနိုင်ငံရွေးမည်ဆိုလျှင် တရုတ်၊ ထိုင်းနိုင်ငံများဖြစ်သည်။

မြန်မာ ၂ သိန်းခန့် ရွှေ့ပြောင်းနေထိုင်ခဲ့သောအမေရိကန်သည် မြန်မာ့ယဉ်ကျေးမှုကိုနားလည်လောက်ပြီ မျှော်လင့်ပါသည်။ အင်္ဂလိပ်ပြန် လာခြင်းကို ကြိုဆိုပါသည်။

စင်ကာပူအလုပ်လာလုပ်သော မြန်မာအမျိုးသမီးနှင့်လက်ထပ်ပြီး၊ ဆယ်ကျော်သက် သမီး ၂ ဦးဖြင့်၊ မြန်မာပြည်တွင် ပုဆိုး၊ ညှပ်ဖိနပ်စီးကာ နေထိုင်သော စင်ကာပူသူဌေးတဦးအား မိတ်ဆွေဖြစ်၊ တွေ့ရှိလေးစားမိပါသည်။ ဒေါ်အောင်ဆန်းစုကြည်၏ အင်္ဂလိပ်ပါမောက္ခ ဇနီးဖြစ် သောကြောင့် သူမသည် ခေါင်းဆောင်မဖြစ်နိုင်၊ ဖြစ်နိုင်ဆိုသည်မှာ မြန်မာပြည် လွှတ်တော်ကသာဆုံးဖြက်ရန်ရှိပါသည်။ လွှတ်တော်တွင် ၆၀ ရာနှုန်းမှာ ကြံဖွံ့ပါတီနှင့် စစ်တပ်လူငယ်များဖြစ်ပြီး၊ မျိုးချစ် Nationalist များဦးဆောင်ကာ၊ နိုင်ငံအတွက် ပေးဆပ်လုပ်ကိုင်သူ၊ ပထမ မျိုးဆက် အစိုးရခေါင်းဆောင်များဖြင့် စင်ကာပူ၊ ကိုးရီးယား၊ တရုတ်နှင့် အမေရိကန် နိုင်ငံများ လူမျိုးကြီး၊ နိုင်ငံကြီးများ ဖြစ်လာကြောင်းကိုလည်း ထိုမြန်မာအမျိုးသမီးကိုလက်ထပ်ထားသော စင်ကာပူလူမျိုးက ပြောပြပါသည်။

• ပေါက်ဖေါ်ကြီးသည် မစိုးရိမ်ရန်
မြန်မာနိုင်ငံသည် ဥရောပမှ ဆွီဇာလန်ကဲ့သို့ ဘက်မလိုက်၊ ကြားနေအစစ်အမှန်ဖြစ်ပါက၊ အရှေ့အနောက်နိုင်ငံကြီးများ အန္ဒိယ၊ တရုတ်၊ အ မေရိကား၊ အင်္ဂလိပ်၊ အီးယူ၊ ဂျပန်၊ ကိုးရီးယား ... ကမ္ဘာ့နိုင်ငံကြီးအားလုံး၏ ဗဟိုချက်မှာ နျူးကလီးယားမဲ့ဇုံအဖြစ် အာရှဆွဒ်ဇာလန်ကဲ့သို့ မြန်မာပြည် အလွန်စည်ပင်လာမည်ဖြစ်သည်။

အာဖရိကတိုက်တွင် တောင်အာဖရိကနောက်၊ ဒုတိယလိုက်သော ကွန်ဂိုနိုင်ငံသည် အလွန်သယံဇာတကြွယ်ဝပြီး၊ ယခင် ပြင်သစ်ကို လိုနီ ခေတ်က ထွန်းကားခဲ့ပါသည်။ သို့သော် အာဏာရှင်ကြီး မိုဘူတိုလက်ထက် နိုင်ငံအမည်ကို ဇိုင်ယာဟုပြောင်းပစ်လိုက်သည်။ ကမ္ဘာ့အ ဆင်းရဲဆုံးဘ၀ရောက်ခဲ့ပြီး၊ မိုဘူတိုအသိုင်းအ၀ိုင်းမှာ အလွန်ချမ်းသာခဲ့သည်။ ငွေစက္ကူကိုပင် ကပ်ဖားများက မိုဘူတိုပုံဖြင့်ထုတ်ဝေက အာ ဏာရှင်စနစ် တည်ထောင်ခဲ့သည်။ ကမ္ဘာ့ဟဲဗီးဝိတ်လက်ဝှေ့ပွဲများလုပ်ပြီး သူဌေးများ ပျော်စရာနိုင်ငံဖြစ်သော်လည်း၊ လူဦးရေ သန်း ၇၀ မှာ မွဲတေဆင်းရဲခဲ့သည်။ နှစ်ပေါင်း ၄၀ ကျော် ၁၉၉၈ တွင် မိုဘူတိုအား ၀ိုင်းဝန်းတိုက်ခိုက် ဖြုတ်ချပြီး မိုဘူတိုသေဆုံးသွားသည်။ အစိုးရသစ်က သယံဇာတကြွယ်ဝသောနိုင်ငံကို မူလအမည် ကွန်ဂိုဟုပြောင်းလဲပြီး၊ နိုင်ငံအသစ်တည်ဆောက်နေသည်မှာ ၁၀ နှစ်ကျော်သော်လည်း ခေါင်းဆောင်နှင့် ပြည်သူများ Attitude ပြောင်းရန်မလွယ်သောကြောင့် တိုင်းပြည်တည်ငြိမ်မှုမရှိသေးပါ။ မြန်မာလူမျိုး ဒေါက်တာဖေမြတ်ဝင်း နှင့် ဇနီးသည် (ဒေါက်တာ၊ စာရေးဆရာမ) မြနှောင်းညိုတို့ ဇိုင်ယာနိုင်ငံနှင့် အာဖရိက ကျေးလက်ဆရာဝန်အဖြစ် ၁၂ နှစ်ကြာ မှတ်တမ်းစာ အုပ်မှ သိရပါသည်။ မြန်မာပြည်တွင် ဆန်စားနိုင်သေး၏၊ သယံဇာတကြွယ်ဝလှသော ဇိုင်ယာနိုင်ငံတွင် သစ်ဥ၊ သစ်ဖုများကို စားနေရရှာ ကြောင်း၊ လူမျိုးစုတိုက်ပွဲများလည်း မြန်မာပြည်ကဲ့သို့ဖြစ်နေကြောင်း .. ဆရာမြတ်ဖေ၀င်း ရေးသားထားခဲ့သည်။ ကျွန်တော်တို့ မြန်မာနိုင်ငံ ပြောင်းလဲမှုသည် ကွန်ဂိုနိုင်ငံလို တိုက်ခိုက်ပြီးမှ ပြောင်းလဲခြင်းမဟုတ်ပါ။ အာရပ်နိုင်ငံများလို အစိုးရပြုတ်ကျပြီး ပြောင်းလဲခြင်းလဲမဟုတ်ပါ။ ၂၀၀၇ သံယာအရေးခင်းနဲ့ နာဂစ်မုန်တိုင်းကြီးရဲ့ အကျိုးဆက်၊ ပြုပြင်ပြောင်းလဲခြင်း ဖြစ်ပေါ်လာခဲ့သည်။

မြန်မာခေါင်းဆောင်သစ်များအတွက် ဆုတောင်း၊ အားပေးရန် ပြည်သူများ၏ Attitude 100% သည် အလွန်အရေးကြီးလှပါကြောင်း...။ ပေါက်ဖော်ကြီး စိုးရိမ်စရာမရှိကြောင်းကို မြန်မာခေါင်းဆောင်သစ်များ ထက်မြက်သော ဉာဏ်ပညာနှင့် ဆောင်ရွက်ကြမည်ဟု အကောင်းမြင် မျှော်လင့်မိပါသည်။
 
 
 
ဒီလှိုင်းသံ
မောင်စွမ်းရည်
ဧပြီ ၂၇၊ ၂၀၁၂



“ဒီလှိုင်း” ဆိုတဲ့ ဒီလှိုင်း
ဘာလှိုင်းလဲများ
ဒီမိုကရေစီ ဒီရေလှိုင်းမို့
ဒီ - လှိုင်းတဲ့လား။

ဒီလှိုင်းရဲ့ကြွေးကြော်သံ
ခြိမ့်ညံလို့ ကြွေး
ဒီမိုကရေစီ ဒီရေမြင့်
မြှင့်ကြပါလေး။

ဒီလှိုင်းရဲ့ ဆင့်ခေါ်သံ
နာခံစို့ မောင်တို့မယ်တို့။
သွေးစည်းညီညီနဲ့
ဒီမိုကရေစီ ဒီရေလမ်း
လှမ်းကြပါစို့။

ဒီလှိုင်းတွေ အဆက်ဆက်
တက်လိုလာပြီ
ဗမာပြည်ရဲ့ ဒီသောင်ကမ်း
အမှိုက်တွေ သောင်ခြေရင်းမှာ
ရှင်းလိုက်ကြစမ်း။

လူငယ်နဲ့ လူကြီး
တူစီးတဲ့ ဒီလှေ
တက်စုံ ရွက်စုံနဲ့
လက်ကုန်အောင် အတူလှော်လို့
ရည်မျှော်ရာ ပန်းတိုင်းဆိုက်အောင်
အားစိုက်ကြဟေ့

လှော်လေတဲ့ လှော်လေ
ပျော်စေဖို့ တူညီရုန်း
ညီညာရန် ပြည်သာတုန်းပေးမို့
ဒီတခါညီညာကြုံးလို့ရယ်
ရုန်းလိုက်ကြအုံး။

လှိုင်းထူးလို့ လှိုင်းမူးသော်
လှိုင်းမြူးဆေးဖော်
မူးသူကို ၁ရူးအောင်မပြုနဲ့
ဆေးကုကြနော်
မြူးဆေးကိုဖျော်
မော်ဆေးကိုတိုက်
ပန်းတိုင်ကြည့်
ဒီမျက်စဉ်းနဲ့
အမြင်ရှင်းအောင် မျက်ကြည်ကု
“စု” နောက်ကလိုက် ...။
 
 
 
Globalization: ကမ္ဘာလုံးပတ်လည် စီးပွားလုပ်ဆောင်မှု
ငြိမ်းချမ်းအေး
ဧပြီ ၂၇၊ ၂၀၁၂

လက်ရှိ ဗမာပြည်ရဲ့စီးပွားရေးဟာ နိုင်ငံရေးအရ အထိုက်အလျှောက် ပြုပြင်ပြောင်းလဲမှုရဲ့အကျိုးအနေနဲ့ ကမ္ဘာ့စီးပွားရေးနဲ့ အရင်ကထက် ပိုပြီး ထဲထဲဝင်ဝင် ထိတွေ့ခွင့်ရပါတော့မယ်။ တနည်းအားဖြင့် ကမ္ဘာထဲကို ဝင်ပါရတော့ပါမယ်။ ဒီလိုဖြစ်စဉ်မှာ ဝင်ရောက်ပါဝင်ရင်းနဲ့ တိုင်း ပြည်ရဲ့စီးပွားရေးကို တိုးတက်လာအောင်၊ ကိုယ့်တိုင်းပြည်က ပြည်သူအများစု စီးပွား၊ လူမှုအဆင့်အတန်းတွေတိုးတက်လာအောင် တပါ တည်း အသုံးချတတ်ရပါမယ်။ ဒီလိုအကျိုးရှိအောင် အသုံးချနိုင်ဖို့က ကမ္ဘာ့လုံးပတ်လည် စီးပွားလုပ်ဆောင်မှုအကြောင်း သဘောတရား တွေနဲ့ သူ့ရဲ့ အကျိုး၊ အပြစ်၊ အဆိုး၊ အကောင်းတွေကို နားလည်ထားဖို့လိုပါမယ်။

• ဂလိုဘယ်လိုင်ဇေးရှင်းဆိုတာ ဘာလဲ (What is Globalization?)
ဘောဂဗေဒ ပညာရပ် အနေနဲ့ ဂလိုဘယ်လိုင်ဇေးရှင်းကို အဓိပ္ပာယ်ဖွင့်ရင် ကမ္ဘာ့စီးပွားရေးမှာ ကမ္ဘာအနှံ့ နိုင်ငံတွေ ပိုမိုပူးပေါင်းဆောင်ရွက် လာမှုနဲ့ အပြန်အလှန်မှီခိုမှု ပိုများလာမှုလို့ အကြမ်းဖျင်းဆိုနိုင်ပါတယ်။ အရင်တုန်းက ဘယ်လိုမှဆက်စပ်ပတ်သက်မယ်လို့ ယူဆမထားတဲ့ ကမ္ဘာ့တနေရာစီမှာရှိနေတဲ့ ဈေးကွက်တွေ၊ ကုန်ထုတ်လုပ်မှုဖြစ်စဉ်တွေ ပူးပေါင်းလုပ်ဆောင်လာတဲ့သဘောပါပဲ။ ဒီလိုလုပ်ဆောင်ရာမှာ အ ပြန်အလှန် မှီခို၊ ပူးပေါင်းတဲ့ကမ္ဘာ့ဈေးကွက် (Globalization of Markets) နဲ့ အပြန်အလှန် မှီခို၊ ပူးပေါင်းထုတ်လုပ်တဲ့ ကမ္ဘာ့ကုန်ထုတ်လုပ်မှု (Globalization of Production) ဆိုပြီး နှစ်မျိုးခွဲနိုင်ပါတယ်။

• အပြန်အလှန် မှီခို၊ ပူးပေါင်းတဲ့ ကမ္ဘာ့ဈေးကွက် (Globalization of Markets)
နိုင်ငံတစ်နိုင်ငံ (သို့) ကုမ္မဏီ (သို့) နိုင်ငံပေါင်းစုံပါဝင်တဲ့ ကော်ပိုရေးရှင်းကြီးတစ်ခုကတင်ပို့တဲ့ ထုတ်ကုန်၊ နည်းပညာ၊ ဝန်ဆောင်မှုတစ်ခု ရဲ့ဈေးကွက်ဟာ ကမ္ဘာတစ်ခုလုံးဖြန့်ကျက်လာမှုကို ဆိုလိုပါတယ်။ ဥပမာ - ဂျပန်ရဲ့ကားတင်ပို့မှုဈေးကွက်ဟာ ကမ္ဘာတစ်ခုလုံးဖြစ်သလို၊ အမေရိကန်ရဲ့ အင်တယ်လ် (Intel)၊ မိုင်ကရိုဆော့ (Microsoft)၊ အယ်ပယ်လ် (Apple)၊ ဆစ်စကို (Cisco) လို နည်းပညာဝန်ဆောင်မှုတွေရဲ့ ဈေးကွက်ဟာလည်း ကမ္ဘာနဲ့ချီပြီး ကျယ်ပြန့်တယ်ဆိုတဲ့သဘောဖြစ်ပါတယ်။ ဈေးကွက်တွေ ကမ္ဘာနဲ့ချီလာတဲ့အတွက် အပြန်အလှန်မှီခိုမှု၊ အဆိုး၊ အကောင်းဆက်စပ်ပတ်သက်မှုက ကြီးမားလာပါတယ်။ ညောင်ဦးကမ်းပါးပြိုလို့ စမ္ပာနဂိုက နွားမပေါင်ကျိုးရတယ်ဆိုသလိုမျိုးဟာ ကမ္ဘာ့စီးပွားရေးမှာ တကယ်ဖြစ်လေ့ရှိတဲ့သဘောတွေဖြစ်ပါတယ်။ လွန်ခဲ့တဲ့ ၂၀၁၀ ကဖြစ်ခဲ့တဲ့ ဥရောပတိုက် အိုက်စလန်နိုင်ငံက မီးတောင် ပေါက်ကွဲပြီး လေထုထဲပြာဖုန်းလွှမ်းမှုကြောင့် ဥရောပတစ်တိုက်လုံး ကုန်တင်၊ လူစီးလေယာဉ်တွေ မပျံသန်းနိုင်ဘဲ၊ ဈေးကွက်ကို ကုန်ပစ္စည်း တင်ပို့နိုင်မှု ရပ်တန့်ခဲ့တဲ့ဖြစ်ရပ်ရဲ့အကျိုးဆက်အနေနဲ့ ဥရောပတိုက်ရဲ့စီးပွားရေးသာမက အာဖရိကက သစ်သီးဝလံ၊ ပန်းမန်စိုက်တဲ့ လယ် သမား၊ ယာသမားတွေ၊ ကရစ်ဘီယန်ဒေသက ငှက်ပျောစိုက် တောင်သူတွေ၊ အာရှပစိဖိတ်ဒေသ၊ သြစတေးလျ၊ နယူးဇီလန်လို နိုင်ငံတွေက ငါးဖမ်းလုပ်သားတွေ၊ ဂျပန်နဲ့တောင်ကိုရီးယားက ကား၊ လျှပ်စစ်ပစ္စည်းစတာတွေထုတ်တဲ့ အကြီးစားစက်မှုလုပ်ငန်းတွေ၊ နိုင်ငံပေါင်းစုံက လေကြောင်းလုပ်ငန်းတွေ စတဲ့ ကမ္ဘာအရပ်ရပ်က လူပေါင်းများစွာ၊ လုပ်ငန်းပေါင်းများစွာရဲ့စီးပွားရေးဟာ ထိခိုက်ခဲ့ရတယ်။

ထိုနည်းတူ အပြန်အလှန်အကျိုးစီးပွားဖြစ်ထွန်းမှုသဘောအရ နိုင်ငံတစ်နိုင်ငံရဲ့ စီးပွားရေးအကျိုးဖြစ်ထွန်းမှုကိုလည်း အခြားနိုင်ငံက ပိုမိုလို လားလာတဲ့သဘောကို ကမ္ဘာ့စီးပွားရေးမှာ ဦးဆောင်နေတဲ့၊ အဓိက စီးပွားပြိုင်ဘက်လို့လည်းဆိုနိုင်တဲ့ အမေရိကန်နဲ့တရုတ်ရဲ့ အပြန်အလှန် ကူညီထောက်ပံ့၊ အကျိုးစီးပွားဖြစ်ထွန်းနေမှုက သက်သေပြုတယ်။ ဥပမာ - ၁၉၃၀ စီးပွားပျက်ကပ် (Great Depression) နောက်ပိုင်း အ ကြီးကျယ်ဆုံးဖြစ်တဲ့ ၂၀၀၈ စီးပွားရေးကပ် (လက်ရှိထိလည်း အပြည့်အဝနာလန်မထူနိုင်သေးတဲ့ စီးပွားရေးကပ်မှာ) မှာ အမေရိကန်ကို တ ရုတ်ရဲ့ ငွေကြေးဝင်ရောက်ထောက်ပံ့မှုက ပိုများလာတယ်။ အကြောင်းက တရုတ်ရဲ့ကြွယ်ဝမှုဓနအင်အားအများစုဟာ အမေရိကန်မှာ အရင်းတည်တော့ အမေရိကန်လဲရင် တရုတ်ရဲ့စီးပွားရေးလည်း အကြီးအကျယ်ထိခိုက်မှာဖြစ်တဲ့အတွက်ဖြစ်တယ်။ စီးပွားပြိုင်ဘက်ဆိုတာ ထက် စီးပွားဖက်၊ သူလည်းနိုင်၊ ကိုယ်လည်းနိုင်၊ သူလည်းအကျိုးစီးပွားဖြစ်၊ ကိုယ်လည်းအကျိုးစီးပွားဖြစ်ဆိုတဲ့သဘောဆောင်လာခြင်းလို့ ဆိုနိုင်ပါတယ်။

ကမ္ဘာလုံးဆိုင်ရာကျယ့်ပြန့်တဲ့ ဈေးကွက်ဖြစ်ထွန်းစေမှုပိုမိုလာစေတဲ့ မောင်းနှင်အားတွေကတော့ ခေတ်နည်းပညာ၊ အင်တာနက်၊ သတင်း အချက်အလက် နည်းပညာ၊ ဆက်သွယ်ရေး၊ ခရီးလမ်းပန်းပိုမိုမြန် ဆန် ချောမွေ့လာမှု၊ ရေပန်းစားယဉ်ကျေးမှုပိုမို ဖြစ်ထွန်းလာမှုတို့ဖြစ်ပါ တယ်။ တိကျ၊ လျင်မြန်၊ မြန်ဆန်တဲ့ ခေတ်မီနည်းပညာ၊ ဆက်သွယ်ရေးစနစ်တွေကြောင့် နိုင်ငံနယ်နိမိတ်ဖြတ်ကျော် စီးပွားလုပ်ရာမှာ အရင်ခေတ်တွေကထက် အဟန့်အတားတွေ၊ အခက်အခဲတွေနည်း လာပြီး နိုင်ငံတကာကုန်သွယ်ရေး၊ နိုင်ငံခြား တိုက်ရိုက်ရင်းနှီးမြှုပ်နှံမှု စတာတွေဟာ ယခင်ခေတ်တွေကထက် ပိုမိုများပြားကျယ်ပြန့်လာပါတယ်။ လူ့အဖွဲ့အစည်းတစ်ခုနဲ့တစ်ခု ပိုမို ထိတွေ့ဆက်ဆံလာတာနဲ့အမျှ စားသုံးသူ ယဉ်ကျေးမှု (Consumer Culture) (သို့) ဈေးကွက်ယဉ်ကျေးမှု (Market Culture) အလေ့အထ၊ ဓလေ့တွေကလည်း ပြောင်း လဲတိုးတက် ကျယ်ပြန့်လာပြီး ကမ္ဘာ့လုံးဆိုင်ရာ သဘောဆောင်လာလို့ ကျယ့်ပြန့်တဲ့ ကမ္ဘာ့ဈေးကွက်ဖြစ်ထွန်းမှုကို တွန်းအားပေးစေပါတယ်။ ဥပမာ - ကမ္ဘာအနှံ့ရေပန်းစားတဲ့ Apple ရဲ့ iPhone လို ရေပန်းစား နည်းပညာ၊ ကိုကာကိုလာ၊ မက်ဒေါ်နယ်၊ ကင်တာကီ ကြက်ကြော်၊ ပီဇာ၊ ဆူရှီလို ရေပန်းစား စားသုံးမှုပုံစံတွေ ပိုမိုဖြစ်ထွန်းလာမှုတို့ကြောင့် ဖြစ်ပါတယ်။

• အပြန်အလှန် မှီခို၊ ပူးပေါင်းထုတ်လုပ်တဲ့ ကမ္ဘာ့ကုန်ထုတ်လုပ်မှု (Globalization of Production)
ကုန်ထုတ်လုပ်မှုဖြစ်စဉ်တစ်ခုလုံးကို အရင်ကလို နေရာတစ်နေရာတည်း၊ နိုင်ငံတစ်နိုင်ငံတည်းမှာပဲ အကုန်လုံးမလုပ်တော့ပဲ ကမ္ဘာအနှံ့ ဖြန့် ကျက်လုပ်ဆောင်လာတဲ့ သဘောဖြစ်ပါတယ်။ အကြောင်းက နိုင်ငံတစ်နိုင်ငံချင်းရဲ့ အားသာတဲ့အချက်တွေအပေါ် အကျိုးရှိအောင် အသုံးချ ပြီး ခွဲဝေလုပ်ကိုင်မှုဖြစ်ပါတယ်။ အလုပ်သမား၊ လူ့စွမ်းအား၊ စွမ်းအင်၊ မြေ၊ အရင်းအနှီး၊ နည်းပညာ စတာတွေအပေါ်မူတည်ပြီး နိုင်ငံတစ်နိုင်ငံ၊ တစ်နိုင်ငံ အားသာတဲ့အချက်တွေကွာပါတယ်။ အရင်းအနှီးအများကြီးရှိတဲ့၊ နည်းပညာမှ ထိပ်တန်းရောက်တဲ့ အမေရိကန်လိုနိုင်ငံတွေက ကုန်ကျစရိတ်များတဲ့၊ နည်းပညာလိုတဲ့ သုတေသနလုပ်ငန်းတွေ၊ ဒီဇိုင်းပိုင်းတွေကို အဓိကလုပ်ဆောင်ပြီး တပ်ဆင်မှု၊ ထုတ်လုပ်မှုကိုတော့ အခြားလုပ်အားပေါတဲ့၊ လုပ်ခသက်သာတဲ့၊ စွမ်းအင်ပေါတဲ့ နိုင်ငံတွေမှာလုပ်ဆောင်စေတဲ့ သဘောဖြစ်ပါတယ်။ ဥပမာ - နီကေးလို အဝတ် အထည်၊ အားကစား၊ အသုံးအဆောင်ပစ္စည်းတွေထုတ်တဲ့ အမေရိကန်ထုတ်လုပ်သူတွေဟာ ဒီဇိုင်းပိုင်း၊ သုတေသနပိုင်း၊ အရည်အသွေး မြှင့်တင်ရေးနဲ့စီစစ်ရေးပိုင်း၊ ဈေးကွက်မြှင့်တင်ရေးပိုင်းတွေကိုသာ အမေရိကန်မှာလုပ်ဆောင်ပြီး တကယ့်ကုန်ပစ္စည်းထုတ်လုပ်မှု အဆင့်ကို တော့ လုပ်အားပေါတဲ့၊ လုပ်ခနည်းတဲ့ အင်ဒိုနီးရှားလိုနိုင်ငံတွေမှာ ထုတ်လုပ်စေတာမျိုးဖြစ်ပါတယ်။ ကမ္ဘာတစ်ခုလုံးဖြန့်ပြီး ကုန်ကြမ်း၊ ကုန် ချော၊ အရင်းအနှီး၊ လူ့စွမ်းအား၊ နည်းပညာစတဲ့ အရင်းအမြစ်တွေ ပူးပေါင်းစီးဆင်းပြီး စားသုံးသူထံတင်ပို့တဲ့သဘော (Global Supply Chain) ဖြစ်စဉ်ကို လူတွေ နေ့စဉ် နိစ္စဓူဝသုံးစွဲနေတဲ့ မိုလ်ဗိုင်းဖုန်းတွေ၊ တကိုယ်ရည်သုံး လက်ဆွဲ ကွန်ပျူတာလို အသုံးအဆောင်ပစ္စည်းတွေမှာ တွေ့နိုင်ပါတယ်။ ဒီလိုအသုံးအဆောင်ပစ္စည်းတွေဟာ ကမ္ဘာ့ပထဝီနေရာအနှံ့အပြားမှာတည်ရှိတဲ့ အနည်းဆုံး နိုင်ငံသုံး၊ လေးနိုင်ငံမှာ ပေါင်း စပ်ထုတ်လုပ်ထားခြင်း ဖြစ်ပါတယ်။ ဒီလိုနည်းနဲ့ထုတ်လုပ်သူတွေဟာ ကုန်ပစ္စည်း အရည်အသွေးကိုထိန်းသိမ်းနိုင်ပြီး ကုန်ထုတ်လုပ်မှု စရိတ်တွေပါ လျှော့ချနိုင်ကာ အပြိုင်အဆိုင် ဈေးချထားတဲ့ ပစ္စည်းတွေ၊ နည်းပညာ ဝန်ဆောင်မှုတွေ နဲ့ဈေးကွက်မှာ ပိုမို ပြိုင်ဆိုင်လာကြပါတယ်။

• ကမ္ဘာလုံးဆိုင်ရာ အဖွဲ့အစည်းကြီးများ ဖြစ်ပေါ်လာမှု (Emergence of Global Institutions)
ကမ္ဘာပတ်လည် စီးပွားရေးလုပ်ဆောင်ရာမှ တစ်နိုင်ငံချင်းရဲ့ ဥပဒေ၊ လုပ်ထုံး၊ လုပ်နည်း၊ သဘော၊ သဘာဝ တွေဟာ ကွဲပြားလေ့ရှိကြပါတယ်။ ဒါပေမယ့် ကမ္ဘာ့ဈေးကွက်နဲ့ကမ္ဘာ့ထုတ်လုပ်မှုဖြစ်စဉ်သဘော ကြီးထွားလာမှုကြောင့် နိုင်ငံအားလုံးပါဝင်နိုင်တဲ့၊ သဘောတူပါဝင်ပူးပေါင်း လုပ်ဆောင်နိုင်တဲ့ စံစနစ်တွေ၊ နည်းဥပဒေတွေဖော်ဆောင်ပေးတဲ့ နိုင်ငံတကာအဖွဲ့အစည်းကြီးတွေရဲ့အခန်းကဏ္ဍက ပိုမိုအရေးပါလာပါ တယ်။ ဥပမာ - ကမ္ဘာ့ကုန်သွယ်ရေးအဖွဲ့ (WTO)၊ ကမ္ဘာ့ဘဏ် (World Bank)၊ နိုင်ငံတကာ ငွေကြေးရန်ပုံငွေအဖွဲ့ (IMF)၊ ကုလသမဂ္ဂ (UN) စတာတွေဖြစ်တယ်။ ဒီလို အဖွဲ့အစည်းတွေဟာ နိုင်ငံတစ်နိုင်ငံတည်း (သို့) နိုင်ငံတစ်ချို့က ကမ္ဘာ့စီးပွားရေးကိုဦးဆောင်၊ လက်ဝါးကြီး အုပ်ချယ်လှယ်၊ ဦးဆောင်နေမှုကိုလျှော့ချနိုင်ပြီး နိုင်ငံအားလုံး မျှတစွာအကျိုးရှိစေတဲ့ နည်းဥပဒေ၊ စီမံချက်တွေဖော်ဆောင်၊ စီမံကွပ်ကဲပါ တယ်။ ဒီလို နိုင်ငံတကာအဖွဲ့အစည်းကြီးတွေရဲ့အရေးပါမှုကြီးလာတာနဲ့အမျှ နိုင်ငံတွေအားလုံးဟာလည်း ကမ္ဘာ့စီးပွားဖြစ်စဉ်ထဲကို ဝင်နိုင် ဖို့အတွက် မိမိတို့နိုင်ငံတွေမှာလည်း နိုင်ငံတကာအဖွဲ့အစည်းကြီးတွေက သတ်မှတ်ပြဌာန်းထားတဲ့ စံနှုန်းတွေနဲ့အညီ နည်းဥပဒေ၊ လုပ်ထုံး၊ လုပ်နည်း၊ အတွေးအခေါ်၊ သဘောထား၊ ခိုင်မာတဲ့စနစ်၊ အဖွဲ့အစည်းတည်ဆောက်မှု စတဲ့ နိုင်ငံတကာအဆင့်မီ ပြုပြင်ပြောင်းလဲမှုတွေ မဖြစ်မနေ လုပ်ဆောင်ရလေ့ရှိပါတယ်။

အထက်ပါ တင်ပြခဲ့တဲ့ ဂလိုဘယ်လိုင်ဇေးရှင်းလို့ခေါ်တဲ့၊ အရင်းအနှီး၊ ငွေကြေး၊ ကုန်စည်၊ နည်းပညာ၊ လူ့အရင်းအမြစ်တွေ ကမ္ဘာလုံးပတ်လည်လှည့်ပြီး စီးပွားလုပ်ကြတဲ့သဘောဟာ အများယေဘုယျယူဆထားတဲ့၊ မျှော်လင့်ထားတဲ့၊ ဆင်းရဲတဲ့ ဖွံ့ဖြိုးစတိုင်းပြည်တွေရဲ့ လူမှု၊ စီး ပွားရေးကို နတ်ရေကန်ထဲတွန်းချသလို တမဟုတ်ခြင်း ပြောင်းလဲတိုးတက်လာစေတာမဟုတ်ပါဘူး။ ရည်မှန်းချက်အတိုင်း အောင်မြင်ဖို့က အခြေခံကျတဲ့ ချဉ်းကပ်မှုရှိတဲ့၊ ကောင်းမွန်တဲ့၊ လက်တွေ့အလုပ်ဖြစ်တဲ့ မဟာဗျူဟာတွေချမှတ်နိုင်တဲ့ မူဝါဒတွေရှိရမယ်၊ ဒီမူဝါဒကို လက် တွေ့အကောင်အထည်ဖော်နိုင်ဖို့ တိကျတဲ့အစီအစဉ်တွေ၊ စီမံချက်တွေရှိရမယ်။ မူဝါဒဖော်ဆောင်သူတွေမှာလည်း ရေရှည်တစိုက်မတ်မတ်လုပ်ဆောင်ချင်စိတ်၊ ဇွဲ၊ ကျယ်ပြန့်တဲ့ ပညာ၊ ဗဟုသုတ၊ အမြင်၊ အတွေးအခ်ါတွေ ရှိရမယ်၊ စတဲ့ ကျယ့်ပြန့်တဲ့သဘောတရားရေးရာ၊ လက်တွေ့လုပ်ဆောင်မှုရေးရာလိုအပ်ချက်တွေ အများကြီးရှိပါတယ်။

၁၉၉၀ ခုနှစ်များရဲ့ စီးပွားရေးစန်းပွင့်မှုနဲ့အတူ ဂလိုဘယ်လိုင်ဇေးရှင်းရဲ့ခေတ်ဦး ဆီဦးထောပတ်အဆီအနှစ်ကို စားသုံးခွင့်ရပြီး စီးပွားရေးတိုး တက်လာခဲ့တဲ့ အရှေ့ဥရောပနဲ့ အာရှကျားနိုင်ငံတွေရဲ့ တိုးတက်မှုဖြစ်စဉ်တွေဟာ ခုအချိန်မှာ သမိုင်းဖြစ်သွားပါပြီ။ သမိုင်းကို အဆိုး၊ အ ကောင်းလေ့လာပြီး အကျိုးရှိအောင်အသုံးချနိုင်ဖို့ပဲ ရှိပါတော့တယ်။ ဒီအတိုင်း ထပ်တူပြောင်းလဲတိုးတက်လာမှာပဲလို့ တသမတ်တည်း ကောက်ချက်ဆွဲလို့ ယခုအချိန်မှာ မရတော့ပါ။ အထက်မှာ အကျဉ်းတင်ပြသလို ကောင်းမွန်မှန်ကန်တဲ့ ချဉ်းကပ်မှု၊ မူဝါဒတွေနဲ့တိုင်းပြည် အတွက် အကျိုးအများဆုံးဖြစ်အောင် လုပ်ဆောင်နိုင်ဖို့လိုပါတယ်။ ဂလိုဘယ်လိုင်ဇေးရှင်းရဲ့ ဖွံ့ဖြိုးစနိုင်ငံတွေရဲ့စီးပွားရေးအပေါ် အ ထောက်အပံ့ပေးမှု အကျိုး၊ ဆုတ်ယုတ်စေမှု အပြစ်၊ ဖွံ့ဖြိုးစနိုင်ငံတွေမှာ ပြင်ဆင်ရမယ့် အချက်၊ မူဝါဒဖော်ဆောင်ရာမှာ လိုအပ်တဲ့အချက်၊ အနေအထား၊ အခင်းအကျင်း စတာတွေကို ရှေ့လာမယ့်ဆာင်းပါးမှာ ဆက်လက်ဆွေးနွေးတင်ပြပါမယ်။

ရည်ညွှန်း - နိုင်ငံတကာ စီးပွားရေး၊ ချားလ် ဒဗလျူ အယ်လ် ဟေးလ်၊ အဋ္ဌမအကြိမ်၊ ၂၀၁၀။
Photo: Global Economy Cartoon by Bill Day from www.caglecartoons.com
 
 
 

စီးပွားရေး ထိပ်သီးများ အရောင်ပြောင်းချိန် ( ၁)


အရှေ့တောင်အာရှရဲ့အဆင်းရဲဆုံးမြို့တွေထဲက တမြို့ဖြစ်တဲ့ ရန်ကုန်မှာ ဂန္ထဝင်သစ်ပုံစံနဲ့ ဆောက်ထားတဲ့ အပျံစားတိုက်ကြီးနဲ့ လမ်ဘိုဂီနီ အဝါရောင်ပြိုင်ကားကို အိမ်ရှေ့ထိုးထားပြီး အပြတ်သားနားနေသူကတော့ စီးပွားရေး လုပ်ငန်းရှင်ကြီး ဦးတေဇပါပဲ။
၂၀၁၁ ခု အောက်တိုဘာလ ၄ ရက်နေ့က ရန်ကုန်မြို့ ကုန်သည်ကြီးများဟိုတယ်မှာ ရန်ကုန်ယူနိုက်တက် ဘောလုံးအသင်း ဗိုလ်စွဲလို့ အောင်ပွဲခံနေတဲ့ ဦးတေဇ (ဓာတ်ပုံ - Reuters)
 
သူဟာ နာမည်ဆိုးနဲ့ကျော်ကြားခဲ့တဲ့ စစ်အစိုးရဟောင်းရဲ့ ထိပ်ဆုံးအပေါင်းအပါတွေထဲက တယောက်ပါ။ အမေရိကန် ဘဏ္ဍာရေးဝန်ကြီးဌာနက သူ့ကို “လက်မရွံ့နောက်လိုက်နဲ့ လက်နက်ပွဲစား” လို့ တံဆိပ်ကပ်ပြီး သူပိုင်ဆိုင်ရာတွေကို ထိန်းချုပ်ဖို့ ဒဏ်ခတ်အရေးယူမှုတွေလုပ်၊ ပြီးတော့ သူ့မိသားစုရဲ့ ကမ္ဘာအနှံ့မြို့ကြီးတွေ ဆီ ခရီးသွားခွင့်ကိုလည်း ပိတ်ဆုိ့ခဲ့ပါတယ်။
အခုတော့ တိုင်းပြည်က စတင်ပွင့်လင်းလာနေတာမို့ ဦးတေဇတယောက် မျက်နှာသစ်တန်းတွေ ကို နေရာပေးပွဲထုတ်ပြီး မြန်မာ့စီးပွားရေး ထိပ်သီးတွေရဲ့ ပုံစံပြောင်းချိန်ကို ဦးဆောင်လမ်းပြလို့နေပါတယ်။ အသက် ၄၄ နှစ်ရှိပြီဖြစ်တဲ့ သန်းကြွယ်သူဌေးကြီးဟာ သူ့စီးပွားရေးလုပ်ငန်းတွေကို အပြည့်အဝ အာရုံ မစိုက်တော့ဘဲ ပရဟိတလုပ်ငန်းတွေမှာ ပိုစိတ်အားထက်သန်လာတယ်လို့ သူ့သားက ပြောပြပါတယ်။
“အဖေက အရင်လို မဟုတ်တော့ဘူး။ အစစအရာရာ ပြောင်းသွားပြီ” လို့ အသက် ၂၅ နှစ် အရွယ် ပြည့်ဖြိုးတေဇ က သူ့အဖေ လွန်ခဲ့တဲ့ ၂ နှစ်က ဝယ်ခဲ့တဲ့ ကန်တော်ကြီးဟိုတယ်မှာ ၂ နာရီကြာ ညစာ စားတုန်း ပြောခဲ့ပါတယ်။  “သူက ဖောင်ဒေးရှင်း အလုပ်တွေပဲ လုပ်နေတယ်။ လူ့အသိုင်းအဝိုင်း ကောင်းကျိုး သူလုပ်နိုင်တာတွေကို ပိုပြီး လုပ်နေတယ်။ ပြီးတော့ လောဘလည်း နည်းသွားတယ်” တဲ့။
မြန်မာ့စီးပွားရေးထိပ်သီး မိသားစုဝင်တွေနဲ့ တွေ့ဆုံမေးမြန်းခဲ့သမျှထဲမှာ တွေ့ရတာကတော့ သူတို့ရဲ့ ရုပ်ပုံလွှာကို အသစ်တည်ဆောက်ဖို့ မဖြစ်မနေ လုပ်ဆောင်ရမယ်ဆိုတာနဲ့ လူဦးရေ သန်း ၆၀ ရှိပြီး သယံဇာတ ပေါကြွယ်ဝတဲ့ တိုင်းပြည်စီးပွားရေးကို သူတို့ဘယ်လို ဆက်လက် ချုပ်ကိုင်သွားမယ် ဆိုတာတွေပါပဲ။
သူတို့တွေထဲမှာ တချို့က ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဆက်စပ်ဆောင်ရွက်ပြီး ကုသိုလ်ဖြစ် အလှူအတန်းတွေကို အားပေးကူညီနေကြတဲ့အပြင် နိုင်ငံထဲရောက်လာနေကြတဲ့ နိုင်ငံစုံက ကုမ္ပဏီထိပ်တန်း အရာရှိတွေနဲ့လည်း ရှုပ်ယှက်ခတ်လောက်အောင်ကို နေ့စဉ်တွေ့နေကြပါတယ်။
အတော်များများကတော့ နိုင်ငံတော်က မျက်နှာသာပေးမှု၊ ဒဏ်ခတ်အရေးယူမှုတွေ အဆုံးသတ် သွားမယ်ဆိုတဲ့ မျှော်လင့်ချက်နဲ့ နိုင်ငံခြား ကုန်အမှတ်တံဆိပ်တွေနဲ့ ယှဉ်ပြိုင်မှုအသစ် စတာတွေအပေါ် အမှီပြုရတဲ့ ကိုးရိုးကားရား စီးပွားရေးအင်ပါယာတွေကို ပြန်လည် မွမ်းမံပြင်ဆင်နေကြပါတယ်။ တချို့တွေဆိုရင် အရင်စစ်အစိုးရ လက်ထက်မှာ မျက်နှာသာပေးခံရလို့ တပြုံတမ ရထားတဲ့ ကန်ထရိုက်တွေ ထဲက အရှုံးပေါ်နေတာတွေကို ပြန်ရောင်းထုတ်နေကြပါတယ်။ ပြန်ရောင်း ထုတ်တာတွေ ထဲမှာ ကျောက်စိမ်း တူးဖော်ရေး၊ သစ်လုပ်ငန်းနဲ့ ခရီးသွားလုပ်ငန်း တွေတောင် ပါပါတယ်။
အဲ့ဒီလို လုပ်ငန်းဆောင်တာတွေ ဆောင်ရွက်နေကြချိန်မှာ အားလုံးဟာ သူတို့သားသမီးတွေကို သူတို့ရဲ့ကွင်းထဲ ခေါ်သွင်းလာနေကြပါတယ်။ စီးပွားရေးလုပ်ငန်းတွေ  ပေါင်းစပ်မှုအပြင် ဆွေစပ်မျိုးစပ်ပြီး ခိုင်မာစေတဲ့ အထက်တန်းလွှာ ဒုတိယမျိုးဆက်ကို မွေးဖွားနေကြပါတယ်။ အဲဒါကြောင့်ပဲ ဒဏ်ခတ် အရေးယူမှုတွေ ရုတ်သိမ်းလိုက်ရင် ဗိုလ်ချုပ်မှူးကြီး သန်းရွှေရဲ့ စီးပွားရေးမဟာမိတ်တွေ ဒီ့ထက် ပိုမချမ်းသာ သွားရအောင် ဘယ်လိုလုပ်မလဲ ဆိုတာနဲ့ပတ်သက်ပြီး အမေရိကန်အစိုးရနဲ့ ဥရောပသမဂ္ဂတွေ ကြားမှာ အငြင်းပွားနေကြတာပေါ့။
မြန်မာ့ထိပ်သီး စီးပွားရေးလုပ်ငန်းရှင်တွေဟာ အနောက်နိုင်ငံတွေအတွက် မချစ်သော်လည်း အောင့်ကာနမ်း ဆိုတာမျိုး ဖြစ်စေပါတယ်။ တိုင်းပြည်မှာဖြစ်ပေါ်နေတဲ့ ပြောင်းလဲမှုတွေကို ထိန်းထားနိုင်ဖို့နဲ့ အာရှလမ်းဆုံက ဒီနိုင်ငံအပေါ် တရုတ်ရဲ့သြဇာလွှမ်းမိုးမှုကို တန်ပြန်ဆောင်ရွက်နိုင်ဖို့အတွက် အမေရိကန်ပြည်ထောင်စု၊ ဥရောပသမဂ္ဂတွေ အနေနဲ့ မြန်မာ့နိုင်ငံရေး ခေါင်းဆောင်တွေ၊ ပြည်တွင်း စက်မှုလုပ်ငန်းရှင်တွေကို ထွေးပွေ့ ရပါလိမ့်မယ်။ ဒါပေမယ့် တကယ်လို့ အစိုးရက ဖိနှိပ်မှုတွေ ပြန်လုပ်လာရင် ဒါမှမဟုတ် ရေပေါ်ဆီ လူတန်းစားကပဲ တိုင်းပြည် ရဲ့ သယံဇာတ အရင်းအမြစ်တွေကို ဆက်ထိန်းချုပ်ထားမယ် ဆိုရင်တော့ ဒီလိုအသိအမှတ်ပြုတာနဲ့ ကုန်သွယ်ရေးအရ ဒဏ်ခတ်အရေးယူမှုတွေကို ရုပ်သိမ်းတာတွေဟာ ဆန့်ကျင်ဘက်ရလဒ်တွေ ရလာနိုင်ပါတယ်။
ဗိုလ်ချုပ်မှူးကြီး သန်းရွှေက အရပ်သားအမည်ခံ အစိုးရကို အာဏာလွှဲပေးတဲ့ မနှစ်ကစလို့ မြန်မာနိုင်ငံဟာ စတင် ပွင့်လင်းလာတာပါ။ ဒီလမှာ ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း ကြားဖြတ်ရွေးကောက်ပွဲမှာ အနိုင်ရခဲ့တာမို့ အဲဒီပွင့်လင်းမှုတွေ ပိုပြီးတိုးတက်မှုရှိလာပါတယ်။ ဒါကြောင့်လည်း ရင်းနှီးမြှုပ်နှံမှု တားမြစ်ချက်အပါအဝင် တချို့ ဒဏ်ခတ်အရေးယူမှုတွေကို လျှော့ချဖို့ အဆင်သင့်ဖြစ်နေပြီလို့ အမေရိကန်အစိုးရက ဆိုခဲ့တာပါ။
ဒါပေမယ့် အဲဒီလို ကြေညာတဲ့အခါမှာ နိုင်ငံခြားရေးဝန်ကြီး ဟီလာရီကလင်တန်က ပြောင်းလဲမှုတွေရဲ့ “ဆန့်ကျင်ဖက်မှာ ရှိနေသေးတဲ့ လူပုဂ္ဂိုလ်တွေနဲ့ အင်စတီကျူးရှင်းတွေအပေါ်မှာ” တော့ ဒဏ်ခတ်အရေးယူ မှုတွေ၊ ပိတ်ပင်တားမြစ်မှုတွေ ဆက်ရှိနေဦးမယ်လို့ ပြောခဲ့ပါတယ်။
မိသားစု အစု ၂၀ တောင် မရှိတဲ့ စစ်အစိုးရအပေါင်းအပါ ငွေရှင်ကြေးရှင်တွေဟာ ၁၉၉၂ ကနေ ပြီးခဲ့တဲ့နှစ် အထိ နိုင်ငံကို အုပ်ချုပ်ခဲ့တဲ့ အာဏာရှင် ဗိုလ်ချုပ်မှူးကြီး သန်းရွှေရဲ့ အကူအညီနဲ့ ချမ်းသာကြွယ်ဝ လာခဲ့ကြ တာပါ။ သူဦးဆောင်တဲ့ စစ်အစိုးရဟာ သတ်ဖြတ်မှု၊ နှိပ်စက်ညှဉ်းပန်းမှု၊ မုဒိန်းကျင့်မှုနဲ့ အဓမ္မလုပ် အားပေး စေခိုင်းမှုအပါအဝင် ချိုးဖောက်မှုတွေ ကျူးလွန်ခဲ့တယ်လို့ ဟားဗတ်ဥပဒေကျောင်း (Harvard Law School) က နိုင်ငံတကာလူအခွင့်အရေးဌာန (International Human Rights Clinic) ရဲ့ ၂၀၀၉ ခုနှစ် အစီရင်ခံစာမှာ ရေးသားဖော်ပြထားပါတယ်။
အမေရိကန် နိုင်ငံခြားရေးဝန်ကြီးအဖြစ်နဲ့ နှစ်ပေါင်း ၅၀ ကျော်အတွင်း ပထမဆုံးအကြိမ် မြန်မာနိုင်ငံကို အလည်အပတ် သွားရောက်ခဲ့တဲ့ ၂၀၁၁ ဒီဇင်ဘာခရီးစဉ်မှာလည်း ဒဏ်ခတ်အရေးယူမှုတွေ ရုပ်သိမ်းတဲ့အကျိုးကျေးဇူးကို “လူအနည်းငယ်ဆီ မဟုတ်ဘဲ ပြည်သူလူထုထံ ကျယ်ကျယ်ပြန့်ပြန့် ရောက်စေဖို့” နိုင်ငံထဲမှာ စီးပွားရေးနဲ့ နိုင်ငံရေးပြောင်းလဲမှုတွေ လုပ်ပါလို့ ဟီလာရီကလင်တန်က တောင်းဆိုခဲ့ပါသေးတယ်။
အပြောကတော့ လွယ်ပါတယ်။ ဒါပေမယ့် ဟီလာရီ ကိုယ်တိုင်တောင်မှ အဲဒီလူတွေတည်ခဲ့တဲ့ မြို့တော် နေပြည်တော် က သင်္ဂဟဟိုတယ်မှာ တည်းခဲ့သေးတာပဲ။
အိန္ဒိယနဲ့ တရုတ်နိုင်ငံ တွေကြားမှာ တည်ရှိပြီး မဟာဗျူဟာမြောက် ဆိပ်ကမ်းတွေ၊ အသုံးမပြုရသေး တဲ့ ရေနံနဲ့ သဘာဝဓာတ်ငွေ့တွေ ကြွယ်ဝတဲ့၊ ရုတ်ခြည်းတိုးတက်လာနေတဲ့ မြန်မာနိုင်ငံမှာ ရင်းနှီးမြှုပ်နှံဖို့ ဆန္ဒရှိနေကြတဲ့ အနောက်နိုင်ငံသား အမှုဆောင်အရာရှိတွေအတွက်တော့ စစ်အာဏာရှင်ဟောင်း လက်ထက်က အရေးပါခဲ့တဲ့ စီးပွားရေးသမားတွေဟာ အခုအချိန်မှာ မဖြစ်မနေ ဆက်သွယ်ဆောင်ရွက် ရမယ့်သူတွေ ဖြစ်နေပါတော့တယ်။
“ထိပ်ဆုံးကလူ”

လူသိအများဆုံး စီးပွားရေးလုပ်ငန်းရှင်ကြီးတွေထဲ ထိပ်ဆုံးကလူက ဦးတေဇပါ။ သူက ဗိုလ်ချုပ်ကြီး သန်းရွှေနဲ့ တခြားဗိုလ်ချုပ်ကြီးတွေရဲ့ သားသမီးတွေကို သူ့ရဲ့စီးပွားရေးလုပ်ငန်းတွေမှာ နေရာပေးပြီး မျက်နှသာ ရခဲ့တယ်လို့ သံတမန်တွေက ပြောပါတယ်။ အဲဒီလိုနေရာပေးတာဟာ ကုန်သွယ်ရေး၊ ပို့ဆောင်ရေး၊ အိမ်ခြံမြေ၊ စိုက်ပျိုးရေး ကုန်ထုတ်လုပ်ငန်း၊ ခရီးသွားလုပ်ငန်း၊ ရေနံနဲ့ ဓာတ်ဆီဆိုင်တွေ စတဲ့ အကျိုးအမြတ်ကောင်းတဲ့ ကဏ္ဍတွေအတွက် ကန်ထရိုက်တွေ၊ သွင်းကုန်လိုင်စင်တွေ ရချင်လို့လို့လည်း သူတို့က ဆိုပါတယ်။
သူဟာ ဒဏ်ခတ်အရေးယူမှုတွေ ကြားကနေ သူ့ကိုယ်သူ ပိုချမ်းသာအောင် လုပ်နိုင်ခဲ့သလို ဗိုလ်ချုပ်ကြီးတွေ ကိုလည်း ပိုကြံ့ခိုင်လာအောင် လုပ်ခဲ့တယ်လို့ ပြောနိုင်ခဲ့သူပါ။ အမေရိကန်အစိုးရက သူ့ကို “စစ်အစိုးရရဲ့ ထိပ်ဆုံးက အပေါင်းအပါ” လို့ ခေါ်ပါတယ်။ ဒါပေမယ့် သူ့သားအကြီးကတော့ ဒဏ်ခတ် အရေးယူ မှုတွေအောက်မှာ သူ့မိသားစုလည်း ဒုက္ခရောက်ခဲ့ရတယ်လို့ ပြောပါတယ်။
၂၀၀၇ ရွှေဝါရောင်တော်လှန်ရေးကာလ စစ်တပ်က သံဃာတော်တွေနဲ့ ဒီမိုကရေစီရေး လှုပ်ရှားသူတွေကို အကြမ်းဖက် နှိမ်နင်းတဲ့အချိန်မှာ ဦးတေဇနဲ့ သူ့မိသားစုကို အမေရိကန်အစိုးရက နာမည်ပျက်စာရင်းသွင်း ခဲ့ပြီး ပိုတင်းကျပ်တဲ့ ဒဏ်ခတ်အရေးယူမှုတွေ လုပ်ခဲ့ပါတယ်။ စစ်အစိုးရအတွင်းပိုင်းနဲ့ အချိတ်အဆက်ရှိတယ် ဆိုပြီး သူ့ကို အခုလို အရေးယူခဲ့တာပါ။
အဲဒီလို အရေးယူတာနဲ့ မရှေးမနှောင်းမှာပဲ ဦးတေဇရဲ့သားငယ် ထက်တေဇ ရေးတယ်ဆိုတဲ့ အီးမေးလ် တစောင် အင်တာနက်ပေါ်မှာ ပျံ့သွားခဲ့ပါတယ်။ စာထဲမှာ ဒဏ်ခတ်အရေးယူမှုတွေကို ဟာသလုပ်ထားပြီး ဆန္ဒပြပွဲမှာ ပါဝင်သူတွေကိုလည်း သရော်ထားတာမို့ လူထုရဲ့မနာလိုမှုနဲ့ ဒေါသတွေက သူ့မိသားစုအပေါ် ပုံခဲ့ပါတယ်။
ထက်တေဇက အဲဒီအချိန်မှာ အသက် ၁၄ နှစ်ပဲရှိပြီး စင်ကာပူမှာ ကျောင်းတက်နေတာပါ။ အစ်ကိုဖြစ်သူ ပြည့်ဖြိုးတေဇကတော့ သူ့မိသားစုက အဲဒီအီးမေးလ်ရဲ့ဇစ်မြစ်ကို စစ်ကြည့်တဲ့အခါ အတုဖြစ်နေမှန်း တွေ့ရတယ်လို့ ဆိုပါတယ်။ “ကျနော့်ညီရေးခဲ့တာ မဟုတ်ဘူး” လို့ သူက ပြောပါတယ်။
အမေရိကန် သံတမန်တွေကလည်း အဲဒီအီးမေးလ်က အတုဖြစ်တယ်ဆိုတာကို သဘောတူကြပေမယ့် ထက်တေဇအပေါ် စာနာစိတ်နည်းနည်းပဲ ထားကြပါတယ်။ “ဦးတေဇသားရဲ့ ဖေ့စ်ဘုတ်ခ်မှာ ဆီမီးအော်တို လက်နက်တွေနဲ့ ဖာရာရီ ကားပေါ်ထိုင်နေတဲ့ သူ့ပုံတွေ တင်ထားတယ်” လို့ ဝီကိလိခ်က ပေါက်ကြားလာတဲ့ အမေရိကန်သံရုံးရဲ့ ကြေးနန်းတစောင်ထဲမှာ ဖော်ပြထားပါတယ်။
ဒဏ်ခတ်အရေးယူမှုတွေက သူ လန်ဒန်နဲ့ ဆစ်ဒနီမှာကျောင်းတက်နိုင်မယ့် အခွင့်အလမ်းကို ဖျက်လိုဖျက်ဆီး လုပ်ခဲ့တာမို့  ၂၀၀၃ ခုနှစ်တုန်းက စိတ်ကျရောဂါ ခံစားခဲ့ရတယ်လို့လည်း ပြည့်ဖြိုးတေဇက ဆိုပါသေးတယ်။ သူက “ကျနော်ဗီဇာ လျှောက်ခွင့်တောင် မရှိဘူးလို့ သူတို့က ပြောတယ်။ ဘယ်မှာလဲ ကျနော့်လူ့အခွင့် အရေး” တဲ့။
ဒီကိစ္စနဲ့ပတ်သက်လို့ သူ့အဖေကြောင့် သူ့ကို အပြစ်မပေးသင့်ဘူးဆိုပြီး ပြည့်ဖြိုးတေဇက ဥရောပသမဂ္ဂ ဗဟိုတရားရုံးတခုဆီ အယူခံတင်ခဲ့ပါတယ်။ ငွေကုန်ကြေးကျများလှတဲ့ ၄ နှစ်ကြာ တရားရင်ဆိုင်မှု အပြီး မှာတော့ ဥရောပသမဂ္ဂရဲ့ တရားခုံရုံး (Court of Justice) က သူ့တင်ပြချက်ကို မတ်လ ၁၃ ရက်နေ့မှာ သဘောတူလက်ခံခဲ့ပါတယ်။ သူ့ရဲ့ ပိုင်ဆိုင်မှုတွေကို ထိန်းချုပ်ထားခြင်း ၂၀၀၈ စည်းမျဉ်းဟာလည်း ပျက်ပြယ်သွားခဲ့ပါပြီ။ သူ့အပေါ်ရှိနေတဲ့ ခရီးသွားခွင့် ပိတ်ပင်မှုကို ရုတ်သိမ်းဖို့ လွယ်ကူစေလိမ့်မယ်လို့လည်း သူ မျှော်လင့်နေပါတယ်။
အခုအခါ ၃ နှစ်သား မြန်မာနိုင်ငံ ဘောလုံးအဖွဲ့ချုပ်ရဲ့ အသင်း ၁၄ သင်းထဲက သူ့အဖေပိုင် ရန်ကုန် ယူနိုက်တက် မှာ ဥက္ကဋ္ဌအဖြစ် ဆောင်ရွက်နေရပြီမို့ သူ့မှာ မိသားစုစီးပွားရေးကို ဝိုင်းကူရမယ်ဆိုတဲ့ ဖိအားတွေရှိနေတယ်လို့ ပြည့်ဖြိုးတေဇက ဆိုပါတယ်။
သူ့အဖေမှာ ကျောက်ကပ် ထိခိုက်နေတာရယ်၊ ပြီးတော့ မနှစ်က ကချင်ပြည်နယ်မှာ ရဟတ်ယာဉ် ပျက်ကျလို့  နှင်းကိုက်တဲ့နေရာတွေမှာ ဒဏ်ဖြစ်နေတာရယ် အပါအဝင် ကျန်းမာရေးပြဿနာတွေ ရှိနေတယ်လို့လည်း သူက ဆိုပါသေးတယ်။ ဦးတေဇနဲ့ တခြားလူ ၅ ယောက်ဟာ ရဟတ်ယာဉ် ပျက်ပြီးတဲ့နောက် ကယ်ဆယ်ရေးအဖွဲ့တွေ ရောက်မလာခင်အထိ အမြင့်ပေ ၁၂၀၀၀ ရှိ တဲ့ တောင်ပေါ် မှာ ကျောက်တုံးနဲ့ နှင်းပုံတွေကို အကာအကွယ်ယူရင်း ၃ ရက်ကြာ နေခဲ့ရတာပါ။
“ကျနော့ဘဝမှာ အဆိုးဆုံး ၃ ရက်ပါ” လို့ ပြည့်ဖြိုးတေဇက ပြောပါတယ်။ “အဲ့ဒီအချိန်တွေက အဖေ့ကို လည်း ပြောင်းလဲစေခဲ့တာပဲ” လို့ သူက ဆိုပါသေးတယ်။
“အဖေက သူ ရဟတ်ယာဉ် ပျက်ကျခဲ့တဲ့ဒေသမှာ အလှူထည့်တာတွေ အတော်များများလုပ်ပြီး သူ့ဖောင်ဒေးရှင်း နဲ့ အတူ အလုပ်တွေ အများကြီးလုပ်နေတယ်။ တခြားဘာမှ မလုပ်ဘူး။ မန်နေးဂျင်း ဒါရိုက်တာကို တာဝန်တွေပေးတယ်။ ပြီးတော့ အိမ်မှာနေပြီး စာအုပ်တွေဖတ်တယ်။ သူ့အချိန်တွေကို ဒီအပေါ်မှာပဲ အာရုံထားတယ်” တဲ့။
“မိတ်ဆွေဖွဲ့သူ”

စီးပွားရေးလုပ်ငန်းရှင်ကြီးတွေ တချို့ကတော့ သူတို့ရဲ့ပုံရိပ်ကို ကောင်းအောင်လုပ်တာထက် ပိုပါတယ်။ သူတို့က သူတို့ရဲ့ စီးပွားရေးလုပ်ငန်းစုကြီး တခုလုံးကို ပြန်လည်ပြင်ဆင်မွမ်းမံနေကြတာပါ။
အဲဒီလုပ်ငန်းရှင်တွေထဲမှာ ဦးဇော်ဇော်ထက် ပိုသြဇာကြီးတာဆိုလို့ အနည်းငယ်ပဲရှိမှာပါ။ သူက သစ်၊ ကျောက်မျက် ရတနာနဲ့ ရာဘာစိုက်ပျိုးရေးကနေ ဆောက်လုပ်ရေးနဲ့ ဇိမ်ခံအပန်းဖြေနေရာတွေအထိ ပိုင်တဲ့အပြင် အကျိုးအမြတ်များပြီး တင်းတင်းကျပ်ကျပ်ထိန်းချုပ်ထားတဲ့ ကားတင်ပို့လုပ်ငန်းကိုလည်း လက်ဝါးကြီး အုပ်ထားပါသေးတယ်။ သူရဲ့ Max Myanmar Group ဟာ နှစ်စဉ်ဝင်ငွေ ဒေါ်လာ သန်း ၅၀၀ ရှိပါတယ်။
အာဏာရှင်ဟောင်း ဗိုလ်ချုပ်မှူးကြီး သန်းရွှေနဲ့ (လက်ရှိ ဒု သမ္မတ သီဟသူရ ဦးတင်အောင်မြင့်ဦး နဲ့ပါ) မိတ်ဆွေဖြစ်မှုက ဦးဇော်ဇော်ကို “အပေါင်းအပါ တယောက်” ဖြစ်စေခဲ့တယ်လို့ အမေရိကန် ဘဏ္ဍာရေး ဝန်ကြီးဌာနက ဆိုပါတယ်။ ပြီးတော့ သူ့ကိုလည်း လွန်ခဲ့တဲ့ ၃ နှစ်က နာမည်ပျက်စာရင်း သွင်းခဲ့ပါတယ်။ ဝီကိလိခ်ကပေါက်ကြားလာတဲ့ အမေရိကန်သံရုံးရဲ့ ၂၀၀၇ ခုနှစ် ကြေးနန်း တစောင်ထဲမှာတော့ ထိပ်တန်း ဗိုလ်ချုပ်ကြီးတွေဆီက မျက်နှာရအောင် တက်တက်ကြွကြွ  ရှာဖွေခဲ့ရတဲ့အကြောင်း ဖော်ပြထားပါတယ်။
ဦးဇော်ဇော်ဟာ သူ့ရဲ့ဗျူဟာကို အမြဲရွှေ့နေတာပါ။ ဘဏ်လုပ်ငန်း၊ ဟိုတယ်နဲ့ ခရီးသွားလုပ်ငန်းတွေဟာ သူ့အတွက် ဦးစားပေးလုပ်ငန်းတွေ ဖြစ်တယ်လို့ သူကဆိုပါတယ်။ ဆောက်လုပ်ရေးလုပ်ငန်းက သူ့ကို “သိပ် ခေါင်းကိုက်စေတယ်” လို့ ပြောပြန်တာမို့ အစိုးရအပေါင်းအပါတွေ ကြီးစိုးပြီး အစိုးရကပေးတဲ့ ကန်ထရိုက်တွေကြောင့် သူ့ကံကြမ္မာကို အပြောင်းအလဲဖြစ်စေခဲ့တဲ့ ဒီလုပ်ငန်းကနေ ထွက်ပေါက်ရှာနေပုံလည်း ပေါ်ပါတယ်။
“လုပ်ငန်းအားလုံးကို ခင်ဗျားတယောက်တည်း မစီမံနိုင်ဘူးလေ” လို့ ရန်ကုန်က သူ့ရုံးမှာ တွေ့ဆုံမေးမြန်းတဲ့အချိန်တုန်းက သူ ပြောခဲ့ပါတယ်။ “ဘယ်လုပ်ငန်းကဖြင့် ရှေ့ရေးအတွက် ကောင်းမယ်၊ ဘယ်လုပ်ငန်းကတော့ဖြင့် နိုင်ငံခြားကုမ္ပဏီတွေနဲ့ တွဲလုပ်လို့ရမယ်ဆိုတာ ကြည့်ရမယ်” လို့လည်း သူက ဆိုပါသေးတယ်။
အဖြူရောင်ရှပ်အင်္ကျီကြွကြွကို မြန်မာ့ရိုးရာလုံချည်နဲ့ တွဲဝတ်ထားပြီး ဖော်ဖော်ရွေရွေရှိလှတဲ့ အသက် ၄၄ နှစ်အရွယ် ဦးဇော်ဇော်တယောက် မြန်မာနိုင်ငံအပေါ်ချမှတ်ထားတဲ့ ဒဏ်ခတ်အရေးယူမှုတွေ မကြာခင်ရုတ်သိမ်းဖို့ မျှော်လင့်နေပါတယ်။ ဥရောပက အရင်ရုပ်သိမ်း၊ ပြီးရင်တော့ အမေရိကန်ပြည်ထောင်စုပေါ့လို့ မျှော်လင့်နေတာပါ။ မြန်မာပြည်မှာ နိုင်ငံခြားခရီးသွားတွေ၊ သူများထက်အရင် ရင်းနှီးမြှုပ်နှံမှုလုပ်ဖို့ စိတ်အားထက်သန်နေသူတွေနဲ့ ပြည့်လျှံနေတာမို့ သူကလည်း သူ့ရဲ့ ဟိုတယ်လုပ်ငန်းကို “ပိုအားဖြည့်” ချင်နေတာကိုး။
အခုဆိုရင် ဦးဇော်ဇော်ဟာ လူဦးရေ ၅.၆ သန်းရှိပြီး  ဟောင်းနွမ်းယိုယွင်းနေပြီဖြစ်တဲ့ စီးပွားရေးမြို့တော် ရန်ကုန်မှာ အခန်း ၄၀၀ ပါ ဟိုတယ်တခုကို တည်ဆောက်နေပါတယ်။ မြို့မှာရှိပြီးသား ဟိုတယ်ခန်း ၁၅၀၀ ကလည်း တည်းခိုမယ့် ဧည့်သည်အရေအတွက်နဲ့ မလောက်မငှ ဖြစ်နေတာ ကြာပါပြီ။ ဒီဟိုတယ်ကို လည်ပတ်ဖို့ အတွက် နိုင်ငံတကာ ကြယ်ငါးပွင့်အဆင့် ဟိုတယ်တွေနဲ့ စကားပြောနေတယ်လို့ သူက ပြောပါတယ်။ “ကျနော် ခန့်ခွဲလို့ကတော့ စတား တပွင့်ပဲဖြစ်မယ်” လို့လည်း သူက ရယ်စရာ ပြောပါသေးတယ်။
ဒါပေမယ့် သူ့အိပ်မက်ကတော့ တည်ထောင်ခဲ့တာ ၂ နှစ်နီးပါးလောက်ပဲရှိသေးတဲ့ သူ့ရဲ့ ဧရာဝတီဘဏ်ကို နိုင်ငံတကာက သတိပြုမိတဲ့ အမှတ်တံဆိပ်တခု ဖြစ်လာအောင် တည်ဆောက်သွားဖို့ဖြစ်တယ်လို့ ဦးဇော်ဇော်က ဆိုပါတယ်။ မဟာမိတ်ဖွဲ့နိုင်ဖို့ အလားအလာတွေနဲ့ ပတ်သက်ပြီး ဆွေးနွေးဖို့ နိုင်ငံခြားဘဏ်တွေက တာဝန်ရှိသူတွေ၊ တခြား နိုင်ငံခြားသားတွေနဲ့ သူ နေ့တိုင်းနီးပါး တွေ့ဆုံနေတယ်လို့လည်း ပြောပါတယ်။
အများက မကြာခဏ ပုံဖော်ကြသလို သူနဲ့ အခြားစီးပွားရေးလုပ်ငန်းရှင်တွေဟာ အာဏာရှင်တွေရဲ့ လက်ပါးစေ ဟုတ်မဟုတ် မေးကြည့်တော့ ဦးဇော်ဇော်က ခေါင်းခါပါတယ်။ ဗိုလ်ချုပ်မှူးကြီး သန်းရွှေက သူ့ကိုမျက်နှာသာပေးတာဟာ သူရဲ့ အလုပ်အရည်အသွေးကို သဘောကျလို့ဖြစ်တယ်လို့ သူက ဆိုပါတယ်။ “ကျနော်တို့ ဘယ်သောအခါကမှ တရားမဝင်တဲ့ အလုပ်တစုံတရာ မလုပ်ခဲ့ပါဘူး” တဲ့။
ဗိုလ်ချုပ်မှူးကြီး သန်းရွှေနဲ့ သူ့ရဲ့ရင်းနှီးမှုကိုလည်း အလုပ်အရသက်သက်ပဲ ဖြစ်တယ်လို့ ဦးဇော်ဇော်က ဆိုပါသေးတယ်။
“ကျနော်က ဘယ်သူနဲ့မဆို မိတ်ဆွေဖွဲ့နိုင်ပါတယ်” လို့ သူက ပြောပါတယ်။ ဒါပေမယ့် တချိန်တည်းမှာလည်း မိတ်ဆွေတွေက အချင်းချင်း မျက်နှာသာပေးကြတယ် ဆိုတာကို သူသဘောတူပါတယ်။
 တော်ဝင်ကုမုဒြာဟိုတယ် ကို နေပြည်တော်မှာ သူတည်ဆောက်တဲ့အခါ ငွေမရပေမယ့် အဲဒီအစား ဒေါ်လာ ၁ သိန်း ၈ သောင်းစီတန်တဲ့ ကားသွင်းခွင့်ပါမစ် ၁၀ ခု ရခဲ့ပါတယ်။
ဒါ့အပြင် မြန်မာ့သမိုင်းမှာ အကြီးမားဆုံး ပုဂ္ဂလိကပိုင်ပြုလုပ်မှုလို့ ပြောလို့ရတဲ့ လွန်ခဲ့တဲ့ ၂ နှစ်က အစိုးရပိုင် လုပ်ငန်း ၃၀၀ ကို (အိမ်ခြံမြေလုပ်ငန်းကနေ ဓာတ်ဆီဆိုင်နဲ့ လေကြောင်းလိုင်းတွေအထိ) ပုဂ္ဂလိက လွှဲပြောင်းတဲ့အချိန်မှာလည်း ဦးဇော်ဇော်တယောက် ချီးမြှင့်ခံခဲ့ရပါသေးတယ်။ အာဏာရှင်ရဲ့ မဟာမိတ်တွေ ဆုကြီးပေါက်ကြပါတယ်။ ဘဏ်လုပ်ငန်းနဲ့ ဘိလပ်မြေစက်ရုံအတွက် ပါမစ်တွေ ဦးဇော်ဇော် ရခဲ့ပါတယ်။ “အဲဒီ လုပ်ငန်း ၂ ခုအတွက် တကယ့်ကို ကျေးဇူးတယ်တယ်။ အစိုးရဟောင်းကို ကျေးဇူးတင်ကြောင်း ပြောလိုပါတယ်” လို့ သူက ဆိုပါတယ်။
၂၀၁၂ ခု ဇန်နဝါရီလ ၃၁ ရက်နေ့က ပုဂံခရီးစဉ်အသွား အဲပုဂံ လေယာဉ်ပေါ်ကဆင်းလာတဲ့ ဒေါ်အောင်ဆန်းစုကြည် (ဓာတ်ပုံ - Reuters)

ဦးဇော်ဇော်ဟာ ဒေါ်အောင်ဆန်းစုကြည်ရဲ့ အလုပ်တွေကိုလည်း ချီးကျူးသူပါ။ ပြီးခဲ့တဲ့ ဘောလုံးပွဲတပွဲမှာ လာရောက် အားပေးဖို့ မြန်မာဘောလုံးအဖွဲ့ချုပ် ဥက္ကဋ္ဌအနေနဲ့ ဒေါ်အောင်ဆန်းစုကြည်ကို သူ ဖိတ်ခဲ့ ပါ တယ်။ ဘောလုံးပွဲမှာလည်း သူတို့ ၂ ယောက် ဓာတ်ပုံအတူ တွဲရိုက်ခဲ့ပါတယ်။ ဒီအပေါ်မှာ ဒေါ်အောင်ဆန်းစုကြည်ရဲ့ မဟာမိတ်တချို့က ဒီမိုကရေစီခေါင်းဆောင်တော့ အဝယ်ခံလိုက်ရပြီ ဆိုပြီး ဒေါသူပုန်ထခဲ့ကြပါသေးတယ်။ ဒါပေမယ့် ဒီပုံရိပ်က မြန်မာပြည်ရဲ့ ပြောင်းလဲမှု အတိုင်းအတာ ကို လေးနက်စေခဲ့ပါတယ်။ ဘာဖြစ်လို့လဲဆိုတော့ ဧပြီ ၁ ရက်နေ့ ကြားဖြတ်ရွေးကောက်ပွဲမှာ တပြည်လုံး အတိုင်းအတာနဲ့ အနိုင်ရခဲ့ပြီးတဲ့နောက် ဒေါ်အောင်ဆန်းစုကြည်အနေနဲ့ လွှတ်တော်ထဲဝင်ဖို့ ပြင်ဆင်နေပြီ ကိုး။
ဒေါ်အောင်ဆန်းစုကြည်ရဲ့ ပြောရေးဆိုခွင့်ရှိသူ ဦးဉာဏ်ဝင်းကတော့ အမျိုးသားဒီမိုကရေစီ အဖွဲ့ ချုပ် ခေါင်းဆောင် နဲ့ ဦးဇော်ဇော်ရဲ့ဆက်ဆံရေး ဒါမှမဟုတ် ဓနချင်းချိတ်ဆက်ထားကြတဲ့ တခြားစီးပွားရေး လုပ်ငန်းရှင်တွေနဲ့ ဆက်ဆံရေးအပေါ် ထင်မြင်ချက်ပေးဖို့ ငြင်းဆန်ခဲ့ပါတယ်။ (ဆက်လက်ဖော်ပြပါမည်)
(Reuters သတင်းထောက် Jason Szep နှင့် Andrew R.C. Marshall တို့ ရန်ကုန်မှ ရေးသားပေး ပို့ပြီး အောင်လှထွန်းနှင့် Paul Eckert တို့ ဖြည့်စွက်၍ Michael Williams နှင့် Bill Tarrant တို့ တည်းဖြတ်သော An image makeover for Myanmar
Inc ကို ဆီလျော်အောင် ဘာသာပြန်ဆိုသည်။)


အမြင့်မြတ်ဆုံး (၈၈) ကောင်းမှုအလှူပွဲ

အမြင့်မြတ်ဆုံး (၈၈) ကောင်းမှုအလှူပွဲ

သင်္ကြန်ဆိုသည်နှင့် သံချပ်ဆိုသည် ခွဲလို့ရသည့်အရာမဟုတ်ချေ။ သင်္ကြန်ချိန်ခါရောက်တိုင်း စိတ်ဝင်တစား အားပေးနားဆင်ခဲ့ရသည့် သင်္ကြန်သံချပ်များ နှစ်ပေါင်းနှစ်ဆယ်ကျော် ပျောက်ကွယ်နေခဲ့ သည့်အတွက် အသက် (၂၀) ဝန်းကျင် လူငယ်များအဖို့ သံချပ်ဆိုတာ ရေရေလည်လည်သိမြင်နိုင်ဖို့မှာ ခဲယဉ်းသည့်အရာပင်ပေသည်။ ယခုနှစ် (၁၃၇၃ ခုနှစ်)သင်္ကြန်တွင်တော့ တစ်ခေတ်တစ်ခါကထင်ရှားသော သံချပ်အဖွဲ့များပါဝင်သလို (၈၈) မျိုးဆက်ကျောင်းသားများအဖွဲ့သည် ဟိုယခင်က နာမည်ရခဲ့သည့် “မောင်မောင်ဆိုလေ ထီးရိုးရှည်အဖွဲ့”နှင့်ပူးပေါင်းကာ သင်္ကြန်ပထမအကြတ်နေ့တွင် နာရေးကူညီမှုအသင်း (ရန်ကုန်)မှ ပွဲဦးထွက်စတင်ဖျော်ဖြေခဲ့ကာ ရန်ကုန်မြို့တွင်းရှိ မြို့နယ်၊ ရပ်ကွက်များသို့ သွားရောက် လှည့်လည်ဖျော်ဖြေမှုများ ပြုလုပ်ခဲ့ကြသည်။

           (၈၈) မျိုးဆက်ကျောင်းသားများထိုးသည့် သံချပ်များသည် အကျဉ်းထောင်ထဲ၌ ရေးစပ်ခဲ့သည့် သီချင်းများနှင့်အတူ ပြည်သူလူထုတို့၏ အသံများအား ကိုယ်စားပြုသည့် သံချပ်များရေးဖွဲ့ခဲ့သလို ဂီတစာဆို ဂန္တဝင်မောင်ဝိုင်း၏ သားဖြစ်သူ ဒီဥက္ကာမှလည်း နိုင်ငံအတွင်း အခြေအနေအချို့အား ထည့်သွင်း ရေးစပ်ကာ “မောင်မောင်ဆိုလေ ထီးရိုးရှည်အဖွဲ့”တို့ ပူးပေါင်းကာ ရန်ကုန်မြို့တွင်း လှည့်လည်ဖျော်ဖြေခဲ့ ကြပြီး မထင်မှတ်ဘဲ ဖျော်ဖြေရေးမှ ရရှိခဲ့ကြသည့် အလှူငွေများအား နာရေးကူညီမှုအသင်း (ရန်ကုန်)သို့ ယနေ့ ၂၇.၄.၂၀၁၂ ညနေ (၅း၀၀) နာရီအချိန် ရုံးဆင်းချိန်၌ ဆိုင်းမဆင့် ဘုံမဆင့်ဖြင့် (၈၈) ကျောင်းသား ခေါင်းဆောင် ကိုမင်းကိုနိုင်နှင့်အဖွဲ့တို့ လာရောက်ကာ အလှူငွေများ ပေးအပ်လှူဒါန်းခဲ့ကြသည်။

          အခမ်းအနားတွင် (၈၈) ကျောင်းခေါင်းဆောင် ကိုမင်းကိုနိုင်မှ အလှူငွေပေးအပ်ခြင်းနှင့် ပတ်သက် ၍ ရှင်းလင်းပြောကြားခြင်း၊ နာရေးကူညီမှုအသင်း(ရန်ကုန်)သို့ အလှူငွေပေးအပ်ခြင်း၊ “မောင်မောင်ဆို လေ ထီးရိုးရှည်”အဖွဲ့အား ဂုဏ်ပြုဆုငွေချီးမြှင့်ခြင်း၊ ရွှေညဝါကျောင်းတိုက်(မှော်ဘီ)၌ သင်္ကန်းစီး၍ သီတင်းသုံးနေကြသော (၈၈) ကျောင်းသားအဖွဲ့ သံဃာတော်များကပါ နာရေးကူညီမှုအသင်း(ရန်ကုန်) သို့ အလှူငွေ တစ်သိန်းခွဲနှင့် သုခရိပ်မြုံ HIV မိဘမဲ့ကလေးဂေဟာသို့လည်း အလှူငွေ တစ်သိန်းခွဲ အသီးသီး လှူဒါန်းခဲ့ကြသည်။ (၈၈) ကျောင်းသားသံဃာတော်များသည် ပူပြင်းလှသော ရာသီဥတု၏ အောက်ဝယ် ဖိနပ်မပါ ထီးမပါဘဲ ဆွမ်းခံကြွစဉ်က ပြည်သူလူထုမှ လှူဒါန်းမှုပြုကြသော ဝတ္ထုငွေများကို ယခုကဲ့သို့ သာသနာပြုရင်း အလှူဒါနပြုခဲ့ခြင်းဖြစ်သည်။ ထို့အတူ (၈၈) ကျောင်းသားခေါင်းဆောင် ကိုမင်းကိုနိုင် ဦးစီးသော သင်္ကြန်သံချပ်အဖွဲ့သည်လည်း နွေရာသီ၏ ပူပြင်းသောဒဏ်ကို ကြံ့ကြံ့ခကာ ပြည်သူလူထု တို့အား သံချပ်သမိုင်းကို ပြန်လည်ဖော်ထုတ်ရင်းနှင့် ရရှိခဲ့သော အလှူငွေများထဲမှ နာရေးကူညီမှုအသင်း (ရန်ကုန်)သို့ (၁၀) သိန်းကျပ်တိတိနှင့် “မောင်မောင်ဆိုလေ ထီးရိုးရှည်” သံချပ်အဖွဲ့အား (၁၀) သိန်းကျပ် တိတိ ချီးမြှင့်ဂုဏ်ပြု လှူဒါန်းခဲ့သည်။

          ထိုထိုသော ပေးဆပ်မှုများ၊ အနစ်နာခံမှုများဖြင့် ရရှိလာသော သန့်စင်မွန်မြတ်လှသည့် ငွေကြေး များကို ယခုကဲ့သို့ လူမျိုးဘာသာ၊ ဆင်းရဲချမ်းသာမရွေးတို့အား (အခမဲ့) ကူညီပံ့ပိုးပေးနေသော ကျွန်တော် တို့ နာရေးကူညီမှုအသင်း(ရန်ကုန်)သို့လှူဒါန်းခြင်းသည် မြင့်မြတ်လှသော ကောင်းမှုအလှူပွဲတော်ကြီးပင် ဖြစ်တော့
သည်။ 
 
 

မဲဆောက်မြို့လယ် လူသတ်မှု သတင်းစာရှင်းလင်းပွဲ

မဲဆောက်မြို့လယ်က "ကျောင်းကြီး" ဘုန်းတော်ကြီးကျောင်းမှာထားတဲ့ ကိုစံငြိမ်းရဲ့ ရုပ်ကလာပ်ကိုတော့ ဒီလ ၃၀ ရက်နေ့မှာ မြေချမှာ ဖြစ်ပါတယ်။




ဓာတ်ပုံများ - ဧရာဝတီ

မနေ့တုန်းက ရတနာကုန်သည် စောစံငြိမ်း ဆိုသူ မဲဆောက်မြို့လယ်ခေါင်က နေအိမ်မှာ သတ်ဖြတ်ခံရပြီး၊ ဒီအမှု ကျူးလွန်သူတွေကို ဖမ်းမိထားတယ်လို့ မဲဆောက်မြို့ ရဲတပ်ဖွဲ့က ပြောလိုက်ပါတယ်။

မဲဆောက်ရဲက ဒီနေ့မှာဘဲ သတင်းစာ ရှင်းလင်းပွဲ ပြုလုပ်ရာမှာ ပြစ်မှုကျူးလွန်သူ ၂ ဦး ဆိုသူကိုလည်း ပြသခဲ့ပါတယ်။

ပြစ်မှုကျူးလွန်သူ လို့ ရဲက စွပ်စွဲထားသူတွေကတော့ ကွယ်လွန်သူရဲ့ ဇနီးသည် နန်းနုဒီး၊ မဲဆောက်-မြ၀တီ ချစ်ကြည်ရေး တံတားအောက်က ရေလယ်ကျွန်းမှာ ကျက်စားတဲ့ အသက် ၂၀ အရွယ် မောင်အောင်ကိုဦး ဆိုသူတို့ ဖြစ်ပါတယ်။

သူတို့ကို အပြီးသတ် စစ်ဆေးမှုတွေပြုလုပ်ပြီးရင် တရားစွဲသွားမှာဖြစ်တယ်လို့ မဲဆောက်မြို့နယ်ရဲမှူးကြီး ရဲဗိုလ်မှူး အေကလပ် အင်ထလစစ်က ဆိုပါတယ်။

လူသတ်မှုမှာ ပါဝင်တာ သူတို့ ၂ ဦးတည်း မဟုတ်ပါဘူး တဲ့။

ရဲစခန်းမှာ အောင်ကိုဦး ပြောသွားတာကတော့ ”မဲဆောက်က လူတဦးကို သတ်ပေးဘို့ မြန်မာဘုန်းကြီးတပါးက လာငှားလို့ သွားတာ ဖြစ်တယ်” လို့ ဆိုပါတယ်။

အမှုမှာပါရှိတဲ့ မြန်မာဘုန်းတော်ကြီး ဆိုသူကို မဲဆောက်ရဲက "သဲလွန်စရရှိထားပြီ" လို့ ဆိုပါတယ်။

မောင်အောင်ကိုဦး ဘယ်လို ဖမ်းမိတာလဲ?

"သတ်ပြီးတာနဲ့ အိမ်ရှင် မိန်းမက ကျနော့ကို တိုက်အပေါ်ထပ်မှာဘဲ ပုန်းနေခိုင်းတယ်" လို့ သူက ဆိုပါတယ်။

အဲဒီ အိမ်ပေါ်မှာဘဲ ပုန်းနေရာကနေ မွန်းလွဲပိုင်းမှာ ထိုင်းရဲက ဖမ်းမိခဲ့တာပါ တဲ့။

နန်းနုဒီးကတော့ ဘာဖြောင့်ချက်မှမပေးသေး ဘူးလို့ ရဲက ဆိုပါတယ်။

ဒီအမှု ရက်ပိုင်းအတွင်းမှာ အားလုံး ပြီးစီးသွားမှာဖြစ်တယ်လို့ မဲဆောက်ရဲက ဆိုပေမဲ့ သတင်းထောက်တွေရဲ့ အသေးစိတ်မေးမြန်းချက်တွေကိုတော့ ဖြေကြားခဲ့ခြင်း မရှိပါဘူး။

အသက် ၅၀ အရွယ် သေဆုံးသူ စောစံငြိမ်းဟာ သမီးပျိုသားပျို ၃ ဦးရှိပြီး မဲဆောက်ဈေးမှာ ကုန်ပစ္စည်းမျိုးစုံ ဆိုင်ကြီး ဖွင့်ထားပါတယ်။

သေဆုံးသူရဲ့ ဆွေမျိုးသားချင်းတဦးက သူတို့ လင်မယားကြားမှာ အငယ်အနှောင်း ထားတဲ့ကိစ္စနဲ့ မကြာခဏ ပြဿနာတွေဖြစ်လေ့ရှိတယ် တဲ့။ ဒါပေမဲ့ ပြဿနာရဲ့အရင်းခံကိုတော့ ဘယ်သူမှ တိတိကျကျ မပြောနိုင်ကြပါဘူး။



မိုဘိုင်းဖုန်းဆက်ပြီး လိမ်လည်မှုဖြစ်ပွား

~



ကံစမ်းမဲ ဆိုရင် သတိထား


ဓာတ်ပုံ - justincalderon


၂၂ ရက် ဧပြီလ ၂၀၁၂ ခုနှစ် နေ့လည် ၂ နာရီဝန်းကျင်တွင် ဖုန်းဝင်လာပါသည်။ --- ထီဆိုင်မှ ကံစမ်းမဲ ပေါက်ကြောင်း ပြောကြားပါသည်။

ထီထိုးသူများထဲမှ ကံစမ်းမဲရွေးချယ်ရာ Toshiba LCD 42 လက်မ ပေါက်ကြောင်း၊
အိမ်အရောက် လာပို့မည်ဖြစ်ကြောင်း ပြောဆိုပါသည်။

ကံထူးရှင်သည် ကုသိုလ်ကံအလွန်ကောင်းမွန်သည့် နက္ခတ်တွင် ရောက်နေသဖြင့် ယင်းတို့၏
သူဌေးနှင့် ဖုန်းဆက် စကားပြောစေလိုကြောင်း ပြောသဖြင့် စကားပြောဖြစ်ခဲ့ပါသည်။

သူဌေး ဆိုသူက ယင်းသည် သီတဂူဆရာတော်ဘုရား၏ တပည့်အရင်းဖြစ်ကြောင်း၊
ထီထိုးသူများ၏ ကံစမ်းမဲစာရင်းများကို စစ်ကိုင်း သီတဂူရှိ
သိမ်တော်ကြီးတွင် စီစစ်ခဲ့ပြီး တရားဘာဝနာ အားထုတ်ရင်း အာရုံတွင်
တွေ့မြင်ရသည်မှာ ကံထူးရှင်သည် အလွန်ကံထူးသူဖြစ်သည်။ ၂၀၁၂အတွင်း သိန်း ၁၇၀
ထီပေါက်ရန် ကုသိုလ်ကံရှိကြောင်း သိမြင်ခဲ့ရသည်ဟု ပြောပါသည်။

ထို့ကြောင့် ကံစမ်းမဲပေါက်သူ (ဖုန်းလက်ခံစကားပြောသူ)အား --- ဆိုင်တွင်သာ ကံစမ်းရန် စီစဉ်ပေးနိုင်ကြောင်း ပြောကြားပါသည်။ ကံစမ်းရမည့် ထီလက်မှတ် များကိုလည်း သီတဂူဆရာတော်ဘုရားကြီး
သီးသန့်ရွေးချယ်ထားပြီးကြောင်းပြောပါသည်။

ကံစမ်းသူ (ဖုန်းလက်ခံစကားပြောသူ)ဘက်မှ ငွေ ၉၉,၅၀၀ ကို --- ဆိုင်တွင်ကိုးကွယ်ထားသော ရွှေဘုရား ငွေဘုရားများအတွက် လှူဌာန်းရမည် ဖြစ်သည်။

သီတဂူဆရာတော်ဘုရားကြီးက အထူးရွေးချယ်ထားသော ထီလက်မှတ်ကို
ဘုရား တစ်ဆူ၏ အင်္ဂါထောင့်တွင် လက်ခံယူရန်လည်း ပြောကြားပါသည်။

ယင်းသို့ဖုန်းဆက် ပြောဆိုမှု.တွင် အဓိကကျသော အချက်များမှာ
- xxx ထီဆိုင်
-သီတဂူဆရာတော်ဘုရားကြီး
-စစ်ကိုင်းတောင် သီတဂူရှိ သိမ်တော်ကြီး
-တိုရှီဘာ ၄၂ လက်မ အယ်စီဒီ တီဗီ
-ငွေ
၉၉,၅၀၀ တို့ဖြစ်ပါသည်။

မိုဘိုင်းဖုန်းများ ယခင်ကထက် လွယ်ကူသောကာလများတွင်
လိမ်လည်မှု.များပိုမိုများပြားလာနိုင်သည့်အတွက်
သတိပြုမိရန်ဆင်ခြင်သင့်ကြောင်း သတင်းပေးပို့ အကြောင်းကြားပါသည်။

---------------------------------------------------
သတင်းပေးပို့သူ ကျွန်တော့အမည်ကို မတင်ပါနှင့်ခင်ဗျာ။ တိကျတဲ့
သတင်းဖြစ်ပါတယ်။ ကျွန်တော်ကိုယ်တိုင် ခံရလို့ပါဗျာ။

No comments: