ပြည်တွင်းဖြစ် ပြည်တွင်းစစ် နှင့် ခြံအမှတ်(၅၄)မှ သမိုင်းဝင်ခြေလှမ်းများ

NLD က အခုလို "ကာကွယ်စောင့်ရှောက်ပါမည်...
Nyo Htet 3:06pm Apr 23
NLD က အခုလို "ကာကွယ်စောင့်ရှောက်ပါမည် ဆိုတာကို" "လေးစားလိုက်နာပါမည်" လို့ပြောင်းပေးဖို့ တောင်းဆိုတဲ့ အကွက်ကလေးက အရမ်းလှတယ် ၊

ပြည်တွင်းပြည်ပ မှာရှိတဲ့ တိုင်းပြည် တိုးတက်အောင် ၀ိုင်းလုပ်နေပါတယ် ဆိုတဲ့ သူတွေ အားလုံးကို စာမေးပွဲစစ်လိုက်တာပဲ ၊
NLD လွတ်တော်ထဲ ရောက်ရင် အမတ်အရည်အတွက် အနည်းအများ နဲ့ အနိုင်ကျင့်ခံရမယ့် အရေးကို လွှတ်တော် ထဲမ၀င်ခင် အပြင်ကတည်းက ကြိုအားစမ်းလိုက်တာပဲ ၊
လွှတ်တော်ထဲ ရောက်နေတဲ့ အမတ်တွေကိုလည်း ဘယ်သူ ဘယ်လောက်အထိ တိုင်းပြည်အတွက် အနစ်နာခံလုပ်မှာလဲလို့ စာမေးပွဲစစ်လိုက်တာပဲ ၊
NLD ရဲ့ အမတ် ၄၃ ယောက် က လွှတ်တော်ထဲ မ၀င်ပဲ အပြင်ကနေ ထိုင်စောင့်နေလို့ ဘာမှ ဖြစ်မသွားဘူး ၊ ကြာလေလေ တန်ဖိုးရှိလေလေပဲ ၊
လွှတ်တော်ထဲ မှာရော ၂၀၀၈ ဖွဲ့စည်းပုံ မှာပါ မမြီးအမောက် မတည့်တာတွေ ပြင်စရာရှိနေတာတွေကို အခု မီးမောင်းထိုးပြလိုက်သလိုပဲ ၊
အန်တီစုကို တိုက်ခိုက်နေတဲ့သူတွေ နိုင်ငံရေးမှာ သစ်တပင်ချင်းစီလဲကြည့်တတ်ရတယ် သစ်တော တစ်အုပ်လုံးကိုလည်းကြည့်တတ်ရတယ် မျက်တောင်းတဆုံးလည်းကြည့်ရတယ်
မျက်စိတဆုံးလည်းကြည့်ရတယ် ဆိုတာ မမေ့နဲ့အုံးနော် ၊
ဝန်းရံမယ် ၀န်းရံမယ် ဆိုသူတွေလဲ ၂၃ရက်သာရောက်သွားတယ် ၀င်မပါပါ့လား ၊ လက်ညပ်မယ်ထင်လို့လား ၊အပြင်ကလူတွေ လှမ်းဆဲမှာ စိုးလို့လား ၊
နိုင်ငံတော်အတွက် သွားရမယ့်ရှေ့ရေးကို ကြားဖြတ်ရွေးကောက်ပြီးရင် ချပြမယ်ဆိုတဲ့သူလည်း ချပြတာ့လေ ၊ ဒါ ဟန်ရေးပြရမယ့် အချိန်မဟုတ်တော့ဘူး ၊
အတွင်းကရော အပြင်ကပါ လှမ်းဆဲနေတဲ့သူတွေ ကိုယ့်အရှိန်ကိုယ်ထိန်းကြအုံး ၊ ကိုယ့်ကိုယ်ကို လည်ပင်းကြိုးကွင်းစပ် ကျောက်တုံးကြီးနဲ့ချည်ပြီး ရေထဲခုန်ချသွားတာ မြင်ယောင်နေတယ် ၊ ဒီတစ်ခါ
နေရာယူမှားရင် ဘယ်သူမှ ၀င်ကယ်လို့ မရဘူးနော် ၊
ကျနော်ကတော့ လုံးဝ ထောက်ခံတယ် ၊ ဒါ ဗမာပြည်ကွက်ကွက် ကလေး လုပ်နေတဲ့ပွဲမဟုတ်ဘူး ၊ တလောက လုံးက စောင့်ကြည့်မှတ်တမ်းတင်နေတာ ၊ အားလုံးကို တလောက လုံးက
အမှတ်ပေးနေတာ ၊
ဒီပွဲက လာမယ့် ၂၀၁၅ အထိ ရိုက်ခတ်မှုရှိလိမ့်မယ် ၊
နိုင်ငံထူထောင်ဖို့ရာ လွှတ်တော်အတွင်းထဲမှာပဲ ကျိတ်ဝိုင်းတွေလုပ်ရုံနဲ့ လုံလောက်သလား ဆိုတာရယ် ၊လွှတ်တော်ထဲ ၀င်ထိုင်တဲ့ အမတ် တစ်ဦးချင်းစီရဲ့ အရေအသွေး တွေ တူနိုင်ပါ့မလား ဆိုတာရယ် ပြလိုက်တာပဲ
လွှတ်တော်ထဲမှာ တကယ်ကို ပွဲစပြီ ၊ USDP က ဟိုယောင်ယောင် ဒီယောင်ယောင်နဲ့ အမတ်ဖြစ်လာသူတွေ တိုင်ပြည်ကောင်းစားဖို့ လွတ်တော်ထဲမှာ တကယ်အလုပ်လုပ်မှာလား ၊
လက်ညှိုးထောင်ခေါင်းညိမ့်ဆက်လုပ်မှာလား ၊ ကိုယ်နဲ့ လွတ်တော်အမတ်နေရာနဲ့ မတန်ရင်လည်း မြန်မြန်ပြန်ထွက်ကြမှာလား ၊
အားလုံးကို စာမေးပွဲစစ်လိုက်တဲ့ပွဲပဲ ၊
တစ်တောက် တစ်တောက် နဲ့ အချိန်တွေ ကုန်နေတယ် ၊ အားလုံးကို ပြောပါရစေ ဒီနေ့ ၂၃ ရက် ရုံးချိန် မကုန်သေးဘူး ၊ တန်းဝင်တယ်လို့ ကိုယ့်ကိုယ်ကိုထင်ထားတဲ့သူတွေ ဒီနေ့ ဘာလုပ်ကြမှာလဲ
နိုင်ငံရေးမှာ ရိုးသားရမယ်နော် ၊ အနည်းဆုံးတော့ ကိုယ်ကိုယ်ကို မလိမ်ရဘူး

(မေးထဲက ရောက်လာတဲ့ အစ်ကို တစ်ယောက်ရဲ့ စာပါ) ဆိုပြီး တင်ထားတဲ့ စာကို ရှယ်လိုက်တာပါ။ အကဲဖြတ်ချက် မမှားစေချင်လို့ တင်ပြပေးတာပါ။ ကျနော့်အယူအဆနဲ့လည်း ကိုက်ညီလို့ တင်ပေးလိုက်ပါတယ်။

 

သက်ရောက်မှု့ တိုင်းမှာတန်ပြန်သက်ရောက်မှု့ ဆိုတာရှိတယ်။                        သူများကို စာ မေးပွဲစစ်တတ်ရင်၊ ကိုယ်ကိုတိုင်လည်း အနဲဆုံးအဆင့် အောင်မှတ်ရမှဖြစ်လိမ့်မယ်။ အမေစုကိုတော့၊ လက်ရုံးရည်ရော (ရွေးကောက်ပွဲ မဲဆွယ်တုံးကသက်သေပါ) နှလုံးရည်ပါယုံကြည်ပါတယ်။ ရေရှည်တိုက်ပွဲ မှာ၊ ရယူမှု့ မပါနိုင်တဲ့  ပေးဆပ့်မှု့  သာရှိနိုင်တဲ့ ပြောင်းလဲမှု့  တိုက်ပွဲတွေမှာ NLD အမှတ်မင်းတွေ အောင်မှတ်ရပါ့မလား.....

အောင်မိုး

 

 

 

 

ပြည်ခိုင်ဖြိုးခေါင်းဆောင်များကို ပန်ကြားလိုတာက..(၂)
Aung Myo Naing (8888)


ပြည်ခိုင်ဖြိုးပါတီက လွှတ်တော်တွင်းလူကြီးမင်းတွေကိုပြောချင်တာက
NLD လွှတ်တော်တွင်းရောက်ဖို့ပိတ်ပင်တားဆီးဟန့်တား နေတာဟာ...
ပြည်တွင်းပြည်ပမှာ အလွန်အရုပ်ဆိုး အကျည်းတန်နေပြီ..
NLD ဟာ လွှတ်တော်တွင်းရောက်ရင်လဲ နံပါတ်(၂) ကလွဲလို့
အနည်းဆုံး ဆယ်စုနှစ်နဲ့ချီပြီးလုပ်ရမဲ့ လုပ်ငန်းစဉ် တွေချမှတ်ထားတာတွေက

(၁) တရားဥပဒေ စိုးမိုးရေး

(၂) ပြည်တွင်းငြိမ်းချမ်းရေးနဲ့ အမျိုးသားပြန်လည်သင့်မြတ်ရေး

(၃) အခြေခံဥပဒေ ပြန်လည်ပြင်ဆင်ရေးတို့ ဆိုတာ အကြိမ်ကြိမ်ပြောထားပြီးသား..

ခင်ဗျားတို့ စိုးရိမ်လှတဲ့ အချက်ကြီးက နံပါတ်သုံးမှာ ရှိတယ်..နေ့ချင်းညချင်း
၂၀၀၈ ကိုပြင်လို့မရဘူးဆိုတာနားလည်သလို စစ်သားတွေလွှတ်တော်တွင်းက..
အိပ်ယာလိပ်..ပြင်ပြီးထွက်ခိုင်းဖို့ဆိုတာလည်း မလွယ်ဘူးဆိုတာ..လူတိုင်းသိတယ်..

NLD ပါတီဟာ စတင်တည်ထောင်ချိန်ကနေပြီး အခု အချိန်အထိ.. ပါးရိုက်ခံရရုံတင်..
မဟုတ်ဘူး လူကြီးမင်းတို့ ဖနောင့်နဲ့တက်နင်းလဲ ပြည်သူတွေမျက်နှာထောက်ပြီး
အမျိုးသားပြန်လည်သင့်မြတ်ရေးအတွက် ရေရှည်တောက်လျှောက်..သည်းခံခဲ့တယ်..

ကျုပ်တို့ပြည်သူတွေကတော့ ဒီအချိန်မှာ ခင်ဗျားတို့ NLD ကို..ပါးရိုက်ရင် နားပြန်ကိုက်ရတော့မယ်..ပြီးခဲ့တဲ့ ကြားဖြတ်ရွေးကောက်ပွဲ ရလဒ်ဆိုတာ နမူနာ အစဘဲ..
ခုလက်ရှိ လွှတ်တော်တွင်းမှာလွှတ်တော် အမတ် ၂၀% က NLD ကိစ္စကို ဆွေးနွေးဖို့ အဆို တင်သွင်းဖို့ကြိုးစားနေတယ်..
တင်ပြပြီးရင် ပြည်ထောင်စုလွှတ်တော်က လက်ခံရပြီး အဆုံးအဖြတ် ကတော့ ကိုယ်စားလှယ် ၇၅ ရာခိုင်နှုန်းထောက်ခံရမှာ ဖြစ်တယ်..

ဒါကိုရေများရေနိုင် မီးများမီးနိုင်..ဆုံးဖြတ်မယ် ဆိုရင်တော့ ခင်ဗျားတို့ ပြည်ခိုင်ဖြိုးလွှတ်တော်အမတ်တွေရဲ့ တရားဥပဒေ မလေးစားလိုက်နာမူတွေ ပျက်ကွက်မူတွေကို ပြတ်ပြတ်သားသားဖော်ထုတ်ရလိမ့်မယ်.

ခုဖော်ပြမဲ့ အချက်တွေဟာ စာတတ်တဲ့ လူတိုင်းသိတယ်..ညီညွှတ်ရေးအတွက် ခဏမေ့ထားကြတာ..

အချက်အလက် (၁၀) ချက်မက ရှိတယ်..ပြည်သူတိုင်း ခင်ဗျားတို့ကို ဒဏ်ခတ်နိုင်တယ်..

(၁) ဥပဒေရဲ့ အထက်မှာမည်သူ့မှ မရှိဆိုတဲ့ အတိုင်း ပြည်သူ့လွှတ်တော်ဥက္ကဋ္ဌက စလို့ လွှတ်တော်အမတ်အားလုံးရဲ့ မတရားသဖြင့် စီးပွားရှာတဲ့ လုပ်ငန်းတွေ..ပိုင်ဆိုင်မူ့တွေ.
နိုင်ငံတော်ကို အခွန်တိမ်းရှောင်မူ့တွေ..တရားဥပဒေချိုးဖောက်မူတွေ အားလုံးကိုဝိုင်းဝန်းဖွင့်ထုတ်ဖော်ချမယ်..အရေးယူမယ်..

(၂) အခြေခံဥပဒေအတိုင်း အစိုးရအဖွဲ့ဝင်တွေရဲ့..ပိုင်ဆိုင်မူ့တွေဖော်ပြဖို့ နည်းဥပဒေ လုပ်ထုံးလုပ်နည်းတွေ အမြန်ချမှတ်ဆောင်ရွက်ဖို့ တွန်းအားပေးမယ်..
သူများနိုင်ငံတွေမှာ ၃လ မှ ၆လ အတွင်းအစိုးရအဖွဲ့ဝင်တွေ ကြော်ငြာပေးရတယ်.
ခုတစ်နှစ်ကျော်ပြီ

(၃) ပြည်ခိုင်ဖြိုး အမတ်တွေကို ရွေးကောက်ခံ မဲဆန္ဒနယ်တွေကနေပြီး ပြည်သူတွေကန့်ကွက်ချက်တွေ စုပေါင်းလက်မှတ်ရေးထိုးပြီး ပြန်လည်ဖြုတ်ချသွားမယ်...

(၄)...
(၅)..
(၆)..
(၇)..
(၈)..
(၉)..
(၁၀)..

Aung Myo Naing (8888)
25-04-2012

ပြည်တွင်းဖြစ် ပြည်တွင်းစစ်

by Moe Way on Saturday, 21 April 2012 at 07:25 ·

စစ်အစိုးရခေတ်ထဲ အတူတူဖြတ်ခဲ့ကြရင်း

ခုတော့ ကျွန်တော်တို့ရောက်နေတာ လမ်းဆုံလား၊ လမ်းခွဲလား

ကာကွယ်မှာလား၊ လေးစားမှာလား

ေ၀၀ါးနေတဲ့ စက်မှုဇုံကောင်းကင်ထက်မှာ

ဝဲနေတဲ့ ကျွန်တော်တို့ရဲ့ လူလွှတ်စွန် ရောင်စုံများ

ဘယ်ခေတ်မှာရှင်သန်ခဲ့ကြသလဲ

ဘယ်မဂ္ဂဇင်းတွေမှာ ကဗျာရေးခဲ့ကြသလဲ

ရွေးကောက်ပွဲ ဘယ်နှစ်ခု ကြုံခဲ့ကြသလဲ

တစ်ယောက်ယောက်က မေးလိုက်တယ် ဆိုပါစို့

အရက်ဆိုင်တွေ တအားပေါတာနဲ့ ကြုံခဲ့တယ်

လယ်ကွက်တွေပေါ် ဆောက်ထားတဲ့ အိမ်တွေထဲ ရောက်ခဲ့ကြဖူးတယ်

နှစ်ရာပေးရပြီး ဘာမှမထူးတဲ့ အထူးကားတွေထဲမှာလည်း ဆုံခဲ့ဖူးကြ

နှစ်ရာတန် ထီလက်မှတ်တွေကို သုံးလေးရာပေးခဲ့ကြရတယ်

ကွန်ကရစ်လမ်းတွေပေါ် မာအောင့်အောင့်လျှောက်ခဲ့ကြတယ်

နာမည်မျိုးစုံနဲ့ စီးကရက်တွေ တအားသောက်ခဲ့ကြတယ်

နာမည်မျိုးစုံနဲ့ စစ်ပွဲတွေနွှဲနေကြတာ မြင်ခဲ့ကြတယ်

ဒီတစ်ပွဲမှာ မင်း ဘယ်ကလောက် ငါ ဘယ်ကလောက်

အဲဒါမျိုးတွေကြားမှာ တို့တစ်တွေလည်း လမ်းတွေလို

ပြည်တွင်းဖြစ် မဆလာတွေနဲ့ အလောင်းခံခဲ့ကြတယ်

အဲဒီလိုခေတ်ထဲ

လူငယ်တိုင်း မလေးရှား သွားအလုပ်လုပ်ခဲ့ကြရတယ်

ယိုးဒယားသွား ကျွန်ခံခဲ့ကြရတယ်

ဒီလိုနဲ့ လူတန်းစားဟာ မိုးပေါ်နဲ့ အ၀ီစိ ဖြစ်ခဲ့ကြတယ်

ဒီလိုနဲ့ အထပ်မြင့်တွေက ခုန်ချသူတွေ များများလာတယ်

အများပိုင်အဆောက်အအုံတွေက ပုဂ္ဂလိကပိုင်တွေဖြစ်ခဲ့တယ်

သို့သော်လည်း ပုဂ္ဂလိကတွေဟာ တို့တစ်တွေတော့ မဟုတ်ခဲ့ဘူး

တို့တစ်တွေဟာ လှိုင်သာယာ တို့တစ်တွေဟာ ဒဂုန်မြို့သစ်

တို့တစ်တွေဟာ ရွှေပြည်သာ တို့တစ်တွေဟာ ယုဇန

အစွန်အဖျားမှာ အစမ်းသပ်ခံနေကြရင်း

တစ်နေ့နေ့ကျရင် ဒီထက်ပိုဝေးတဲ့နေရာ ရောက်ကြဦးမှာပဲ

ခုတော့ ခေတ်က ပြောင်းသွားပါပြီ တဲ့

မနက်မိုးမလင်းခင် မြို့သစ်ကနေ မြို့ဟောင်းဆီ

အထူးကားတွေမှာ တိုးဝှေ့လိုက်ပါလာရင်း

ရရာ အလုပ်လုပ်ရ၊ ရရာ ထမင်းလုပ် အပုပ်ခံရ

တွေ့ကရာလေဘေးထည်လေး ၀ယ်

လက်မောင်းမှာ ချေရဲ့ ပုံ  ရင်ဘတ်မှာ ဒေါ်စု

နှလုံးသားထဲမှာ ဗိုလ်ချုပ်အောင်ဆန်း

တို့တစ်တွေ မနားတမ်း မမောတမ်း

သြော် . .ခုတော့ ဗိုလ်ချုပ်ကို တို့ထက်ချစ်သူတွေ

ဒေါ်စုကို ထို့ထက် လေးစားသူတွေ အသီးသီးပေါ်လာကြ

တို့မြို့သစ်လေးတွေကိုလည်း တို့ထက်ချစ်သူတွေ

ပေါ်မလာနိုင်ဘူးလို့ ဘယ်သူကရော အာမခံ ပြောနိုင်ကြမလဲ

တွေးရင်းတိုးရင်း တိုးရင်းတွေးရင်း ဘတ်စ်ကားဟာ တံတားအဆင်း

ပြည်တွင်းစစ် ဆိုတဲ့ မှတ်တိုင်လေးမှာ ရပ် ကျောက်ချနေပါရော ။   ။

မိုးဝေး

21.4.2012
 moe way facebook မှကူးယူဖော်ပြသည်။ 

ခြံအမှတ်(၅၄)မှ သမိုင်းဝင်ခြေလှမ်းများ

by 7Day News Journal on Wednesday, 25 April 2012 at 06:14 ·

ဧပြီ ၁၃ရက် ပူစပ်စပ် ညနေ ခင်းနေရောင်အောက် ဗြိတိန်ဝန် ကြီးချုပ် ဒေးဗစ်ကင်မရွန်းနှင့် ငြိမ်းချမ်းရေးနိုဗယ်ဆုရှင်    ဒေါ်အောင်ဆန်းစုကြည်တို့ အေးအေး လူလူ စကားပြောရင်း လမ်းလျှောက်နေသည်။ အင်္ဂလန်နိုင်ငံ ဒေါင်းနင်း လမ်းအမှတ်-၁၀ တွင် နေထိုင်သော ဒေးဗစ်ကင်မရွန်းက ရန်ကုန်မြို့ တက္ကသိုလ်ရိပ်သာလမ်းအမှတ် ၅၄ ရှိ ဒေါ်အောင်ဆန်းစုကြည်   နေအိမ်ခြံဝင်းဥယျာဉ်ထဲ လမ်းလျှောက်ရင်း စကားစမြည် ပြောနေခြင်းဖြစ်၏။

လွန်ခဲ့သည့် တစ်နှစ်ကျော်ကဆိုလျှင် ထိုမြင်ကွင်းမျိုး လက်တွေ့ဖြစ်လာလိမ့်မည်ဟု မည်သူ မျှတွေးထင်ထားမည်မဟုတ်။

မြန်မာနိုင်ငံ လွတ်လပ်ရေးရပြီး (၁၉၄၈ ဇန်န၀ါရီ ၄)နောက်ပိုင်း ဒေးဗစ်ကင်မရွန်း၏ ယခုခရီး စဉ်မှာ ဗြိတိန် ၀န်ကြီးချုပ်တစ်ဦး၏ ပထမဆုံးခရီးစဉ်ဖြစ်သည်။ မြန်မာ နိုင်ငံတွင် ဖြစ်ပေါ်နေသော နိုင် ငံရေးပြုပြင်ပြောင်း လဲမှုများက ဗြိတိန်ဝန်ကြီးချုပ်၏ သမိုင်းဝင် မြန်မာခရီးစဉ်ပေါ်ပေါက်လာရ ခြင်း၏ အကြောင်းရင်းတစ် ခုဖြစ် ကြောင်း ဒေးဗစ်ကင်မရွန်းကပြောသည်။

ဂျပန်၊ အင်ဒိုနီးရှား၊ မလေးရှား၊ စင်ကာပူနိုင်ငံများသို့ ဆက်တိုက်သွားရောက်ခဲ့ပြီး ဧပြီ ၁၃ ရက် မွန်းတည့် တွင် မြန်မာနိုင်ငံရောက်ရှိလာသော ဒေးဗစ်ကင်မရွန်းက ဒေါ်အောင်ဆန်းစုကြည်နှင့်သူမ၏နေအိမ်၌ တစ်နာရီကြာ တွေ့ဆုံဆွေးနွေးခဲ့သည်။ ရန်ကုန် မလာခင် စင်ကာပူမှ နေပြည်တော်သို့ အထူးလေယာဉ်ဖြင့် သွားရောက်ခဲ့ပြီး နိုင်ငံတော်သမ္မ တဦးသိန်းစိန်နှင့် တွေ့ဆုံဆွေးနွေးကာ နှစ်နိုင်ငံခေါင်းဆောင်များ အထူး ဂုဏ်ပြုနေ့လယ်စာကို အတူ တကွ စားသုံးခဲ့ကြသည်။ ထို တွေ့ ဆုံဆွေးနွေးမှုတွင် ဗြိတိန်ဝန်ကြီးချုပ်က ဒုတိယကမ္ဘာစစ်အတွင်း မြန်မာနိုင်ငံ၌ မြှုပ်နှံခဲ့သော Spit-fires တိုက်လေယာဉ်အစီး ၂၀ ခန့်ပြန် လည်တူးဖော် ရန် သမ္မတဦး သိန်းစိန်နှင့် သဘောတူညီခဲ့သည်။

ဒေးဗစ်ကင်မရွန်းက ဒေါ် အောင်ဆန်းစုကြည်နှင့်အတူ ယှဉ်တွဲရပ်ခွင့်ရခြင်းနှင့်ပတ်သက်၍ ဧပြီ ၁၃ ရက် ညနေ ၅ နာရီ ၂၅မိနစ် ခန့်တွင် ပြုလုပ်သော သတင်းစာ ရှင်းလင်းပွဲ၌ အောက်ပါအတိုင်း ဖွင့်ဟပြောကြားသည်။“ကျေးဇူးတင်ပါတယ် ဒေါ် အောင်ဆန်းစုကြည်။ သည်နေရာ မှာ ခင်ဗျားနဲ့အတူ ရပ်ခွင့်ရတဲ့အတွက် အကြီးအကျယ်ဂုဏ်ယူမိပါ တယ်။ ခင်ဗျားရဲ့ အားထုတ်ရုန်းကန်မှု၊ ခင်ဗျားရဲ့ ရဲရင့်မှု၊ ခင်ဗျားရဲ့ ယုံကြည်တဲ့အရာတွေအတွက် သတ္တိရှိရှိရပ်တည်ခဲ့မှုများဟာ ဒီမို ကရေစီကို မြင်ချင်ကြတဲ့၊ လွတ်လပ်မှုကိုမြင်ချင်ကြတဲ့၊ လူ့အခွင့် အရေးကိုမြင်ချင်ကြတဲ့ ကမ္ဘာတစ် ၀န်းက လူအများကို စေ့ဆော်နိုင် ခဲ့ပါတယ်။ဒါ့အပြင် ဗြိတိန်နိုင်ငံက လူတိုင်းဟာလည်း  ခင်ဗျားရဲ့ အားထုတ် ရုန်းကန်မှုကြောင့် စိတ်ကူးစိတ် သန်းတွေ နိုးကြားလာခဲ့ရပါတယ်”မြန်မာနိုင်ငံ၏ ပြုပြင်ပြောင်းလဲမှုများကို အသိအမှတ်ပြုလို ၍ ကမ္ဘာထိပ်တန်းခေါင်းဆောင်က မြန်မာနိုင်ငံ ရုတ်တရက်ရောက်ရှိ လာသည်ဆိုသော်လည်း သူ၏ ခရီးစဉ်နှင့်ပတ်သက်၍ သုံးသပ်မှု မျိုးစုံရှိသည်။

“ဥရောပသမဂ္ဂနဲ့ မြန်မာ နိုင်ငံအပေါ် ပိတ်ဆို့အရေးယူမှုနဲ့ ပတ်သက်လို့ မဆုံးဖြတ်ခင် ဒေးဗစ်ကင်မရွန်ရဲ့ ခရီးစဉ်က ဗြိတိန်ဟာ မြန်မာနိုင်ငံအရေးနဲ့ပတ်သက်လို့ ဥရောပသမဂအဖွဲ့မှာ ရှေ့မျက်နှာစာကို ထွက်လိုက်တာလို့ ထင်တယ်။ မြန်မာအရေးနဲ့ ပတ်သက်လို့ ဥရောပသမဂ္ဂအဖွဲ့ ရဲ့ ဦးဆောင်နိုင်ငံဖြစ် တယ်ဆိုတာ ပြလိုက်တဲ့ ခရီးစဉ်လို့ မြင်တယ်”ဟု မြန်မာနိုင်ငံ အကြောင်း သတင်းဆောင်းပါးများ  နှစ် ကာလ ရှည် ရေးသားလာသောဝါရင့်နိုင်ငံ ခြားသား သတင်းထောက်တစ်ဦးက သုံးသပ်သည်။

ဗြိတိန်တို့မှာ ၁၉ ရာစုက (၁၈၂၄ ခုနှစ်)   ပထမအကြိမ် မြန်မာနိုင်ငံအား ကျူးကျော်၍ အောက်ပိုင်းဒေသ အချို့ သိမ်းပိုက် ခဲ့သောအချိန်မှ  စတင်ရေတွက် လျှင် နှစ်ပေါင်း ၁၀၀ကျော် ကိုလိုနီပြုခဲ့သော နိုင် ငံဖြစ်သော်လည်း ၂၁ ရာစုတွင် မြန်မာနိုင်ငံအတွက်ပညာရေး၊ ကျန်းမာရေး၊ လူမှုရေးစသော လူမှုရေး ဖွံ့ဖြိုးရေးလုပ်ငန်း များအတွက် အများဆုံးကူညီထောက်ပံ့သော နိုင်ငံဖြစ်နေသည်။ လာမည့်၎ နှစ်အတွင်းဗြိတိန်က မြန်မာနိုင်ငံအတွက် စတာလင်ပေါင် ၁၈၅ သန်း ကူညီ ပံ့ပိုးရန် သဘောတူကတိပြုထား သည်။ ၎င်းတို့က ပေးအပ်သော  အကူအညီများ ကို  မြန်မာအစိုးရသို့ တိုက်ရိုက်ကူညီပေးအပ် သည်မဟုတ်ဘဲ လူမှုရေးအဖွဲ့အ စည်းများမှတစ်ဆင့် ကူညီပေး အပ်ခြင်း ဖြစ်သည်။

ဧပြီ ၁၃ ရက်ညနေပိုင်းတွင် ဒေးဗစ်ကင်မရွန်က အီးယူနှင့် မြန်မာနိုင်ငံအတွက် အဓိကအ အရေး ကိစ္စဖြစ်နေသော ပိတ်ဆို့အရေးယူမှုနှင့်ပတ်သက်၍လည်းသူ၏အမြင်ကို အတိအလင်းထုတ်ဖော် သည်။ “မြန်မာနိုင်ငံအပေါ် အရေးယူပိတ်ဆို့တာတွေကို ဆိုင်းငံ့ (ရပ်ဆိုင်း) ထားသင့်ပါတယ်။ ရပ်ဆိုင်းတာပါ။ ရုပ်သိမ်းတာ မဟုတ် ပါဘူး။ ပြီးတော့လည်း ဒီလိုရပ် ဆိုင်းတဲ့ အထဲမှာ လက်နက်ကုန်သွယ်ရေး ပိတ်ပင်တားဆီးမှုကို မထည့်သွင်းဘူးဆိုတာ သေချာပါတယ်”ဟု ပြောကြားခဲ့သည်။

ယင်းကိစ္စနှင့်ပတ်သက်၍ ဒေါ်အောင်ဆန်းစုကြည်မှာလည်း ဗြိတိန်ဝန်ကြီးချုပ်နှင့် အမြင်တူညီနေသည်။ “အီးယူရဲ့ မြန်မာနိုင်ငံအပေါ်အရေးယူပိတ်ဆို့မှုကို ရပ်ဆိုင်းဖို့ စိတ်ကူးကို ကျွန်မလည်း သဘော တူပါတယ်။ ဒီလိုရပ်ဆိုင်းပေးမှုဟာ  သမ္မတနဲ့ ပြုပြင်ပြောင်းလဲ ရေးသမားတွေရဲ့  စွမ်းဆောင်မှုကြောင့် ပေါ်ထွက် လာခဲ့တာပါ။

ဒီလိုပြုပြင်ပြောင်းလဲမှုတွေကို မကြိုက်တဲ့သူတွေက ပြုပြင်ပြောင်းလဲရေးလုပ်ငန်းစဉ်ကို ဆန့်ကျင်ဖို့၊ တားဆီးဖို့ ကြိုးစားရင် ပိတ်ဆို့အရေးယူမှုက ပြန်လာနိုင်တယ်ဆိုတာကို ရှင်းရှင်းလင်းလင်း သိစေမှာဖြစ်ပါတယ်။ ဒါကြောင့် ဒီနည်းလမ်းက ပြုပြင်ပြောင်းလဲရေးသမားတွေအတွက် ပိုပြီးအားသာချက် ရရှိစေမှာ ဖြစ် ပါတယ်”ဟု ဒေါ်အောင် ဆန်းစုကြည်ကလည်း ပြောသည်။

၎င်းတို့နှစ်ဦး သဘောတူ သည့်အတိုင်းပင် လူဇင်ဘတ်နိုင်ငံတွင် ဧပြီ ၂၃ ရက်က ဥရောပသမဂ္ဂ အဖွဲ့ ၀င် နိုင်ငံခြားရေးဝန်ကြီးများ က မြန်မာနိုင်ငံအပေါ် ပိတ်ဆို့ အရေးယူမှုများကို လက်နက် တင်သွင်းရောင်း ချမှုပိတ်ပင်းခြင်း မှအပ  တစ်နှစ်ဆိုင်းငံ့ကြောင်း ဆုံးဖြတ်ခဲ့သည်။မြန်မာနိုင်ငံရှိ အဓိက စီးပွား ရေးအခွင့် အလမ်းများဖြစ်သော  စွမ်းအင်၊ သတ္တုတွင်း၊ ငွေကြေးဝန်ဆောင်မှု၊ ဆက်သွယ်ရေးနှင့် ခရီးသွားကဏ္ဍများ တွင်    ၀င်ရောက်လုပ်ကိုင်ခွင့်ရလိုသော စီးပွားရေးလုပ်ငန်းများတွင် ဗြိတိန်မှ လုပ်ငန်းများ လည်း ပါဝင်သည်။

ထို့ကြောင့်  ဥရောပသမဂ္ဂရှိ  စီးပွားရေးလုပ်ငန်းများက    ၎င်းတို့၏ ပြိုင်ဖက်  အမေရိကန်လုပ်ငန်းရှင် များ ထက် လက်ဦး၍ မြန်မာနိုင်ငံ၌လာရောက်ရင်းနှီးမြုပ်နှံလုပ်ကိုင်ခွင့်ရလိုနေကြောင်း လည်း ရိုက်တာ သတင်း ဌာနက ဒေးဗစ်ကင်မရွန်မြန်မာနိုင်ငံကိုလာရောက်မည့်ခရီးစဉ်အကြောင်း  ရေးသားရာတွင် ဖော်ပြခဲ့သည်။

ဝန်ကြီးချုပ်နှင့်အတူ  စီးပွားရေးလုပ်ငန်းရှင်များ ပါလာ၍ မြန်မာနိုင်ငံတွင် ကုန်သွယ်ရေးနှင့် ရင်းနှီးမြှုပ်နှံ မှု လုပ်ကိုင်ရန် စိတ်ဝင်စားခြင်းမှာ ခရီးစဉ်၏ ရည်ရွယ်ချက်တစ်ခု ဖြစ်နေသလားဟု ထင်ခဲ့ကြ သူအချို့လ ည်း ရှိသည်။ သို့သော် ခရီးစဉ်အတွင်း စီးပွားရေးနှင့်ပတ်သက် ၍  ဆွေးနွေးမှုမရှိခဲ့ကြောင်း လည်းသတင်း ရရှိသည်။

“မြန်မာနိုင်ငံဟာ သူမတူ အောင်ထူးခြားတဲ့ လူအများနဲ့ ဖွဲ့စည်းထားတဲ့နိုင်ငံ။ အလွန်အင် မတန်မှ လှပ တဲ့နိုင်ငံဖြစ်ပါတယ်။ သည်နိုင်ငံဟာ အခုလောက်ကြီး ဆင်းရဲနွမ်းပါးမနေသင့်ပါဘူး။ သည်နိုင်ငံဟာ အာဏာ ရှင်စနစ် အောက်မှာ သည်လောက်အကြာ ကြီးထိခိုက်ခံစားမနေသင့်ပါဘူး””ဟု ဒေးဗစ်ကင်မရွန်က အာရှ၏ အဖွံ့ဖြိုးဆုံးနိုင်ငံ ဖြစ်ခဲ့ဖူးသော် လည်း ယနေ့ကမ္ဘာအဆင်းရဲဆုံး နိုင်ငံများစာရင်းဝင် ဖြစ်နေသော မြန်မာနိုင်ငံနှင့်ပတ်သက်၍ မှတ် ချက်ပြုသည်။

“သည်နိုင်ငံက ကလေးသုံး ယောက်မှာ တစ်ယောက်ကအာဟာရဓာတ် ချို့တဲ့နေတာဟာ အင်မတန် စိတ်ထိခိုက်စရာ ကောင်းလှပါတယ်။ ဆင်းရဲနွမ်းပါးမှုကြီးကလည်း ကြီးမားလှပါတယ်။ နိုင်ငံရေးတိုး တက်မှုအတွက်သာ မကဘဲ စီးပွားရေးဖွံ့ဖြိုးတိုးတက်မှုအတွက်ကိုပါ ဗြိတိန်နိုင်ငံအနေ နဲ့ဆောင်ရွက် သင့်တဲ့အကြောင်းကျွန်တော် အခိုင်အမာ ပြောလို ပါတယ်”

ယနေ့   မြန်မာနိုင်ငံတွင် အလာအလားကောင်းသော ပြောင်းလဲမှုများဖြစ်ပေါ်နေပြီး၊ဗြိတိန်ကဲ့သို့ ကျန် ကမ္ဘာ့နိုင်ငံများကလည်း အသိအမှတ်ပြုတုန့်ပြန်ရန် လိုသည်။ တုန့်ပြန်ရာတွင်လည်း  သတိရှိစွာဖြင့် တုန့်ပြန်ရမည်ဖြစ် ပြီး၊ အပြောင်းအလဲများတွင် မြန်မာနိုင်ငံ နောက်ကြောင်း ပြန် မလှည့်ရန်ယုံကြည် ချင်သောကြောင့်သံသယအမြဲရှိနေရမည် ဟု ဗြိတိန် ၀န်ကြီးချုပ်ကဆိုသည်။

သို့သော် မြန်မာအစိုးရက ကျန်ရှိနေသော ယုံကြည်ချက်အကျဉ်းသားများကို လွတ်မြောက် ပေးရန်၊ တိုင်းရင်းသားလက်နက် ကိုင်အချို့နှင့်ဖြစ်ပွားနေသော ပဋိပက္ခများကို စစ်မှန်သော နိုင်ငံရေး အရ ဖြေရှင်း ရန်လည်း ၎င်းက တိုက်တွန်းသည်။ ၂၀၁၅ ရွေးကောက်ပွဲ ကို စောင့်မျှော်ကြည့်ရှုနေကြောင်း ဆက်ပြော သည်။ ဧပြီ ၁၁ ရက်တွင် နိုင်ငံတော်သမ္မတဦးသိန်းစိန်နှင့် ဒုတိယအကြိမ်တွေ့ဆုံခဲ့သော  ဒေါ်အောင် ဆန်းစုကြည်က ဗြိတိန်ဝန်ကြီးချုပ် ၏ မြန်မာခရီးစဉ်မှာ သင့်မြတ်လှသောအချိန် တွင် ရောက်ရှိ လာခြင်းဖြစ်ကြောင်း ပြောသည်။ ဒီမိုကရေစီ အရေးအတွက်အပါအ၀င် မြန်မာနိုင်ငံအတွက်  ဗြိတိန်၏  ကူညီထောက်ပံ့မှုများအတွက် ကျေးဇူး တင်ကြောင်း ဧပြီ ၁ ရက် ကြား ဖြတ်ရွေးကောက်ပွဲတွင် မဲအပြတ် အသတ်ဖြင့် အနိုင်ရရှိခဲ့သော သူမက ဆက်ပြောသည်။

ကင်မရွန်းက သူမကို လာမည့်ဇွန်လတွင် ဗြိတိန်သို့ လာ ရောက်လည်ပတ်ရန် ဖိတ်ခေါ်သည်။ ဒေါ်အောင် ဆန်းစုကြည် မှာ ဧပြီ၁၂ရက်တွင် ပတ်စ်ပို့လျှောက်ထားနေပြီဖြစ်ပြီး ဇွန်လ တွင် ဗြိတိန် နှင့်နော်ဝေ သို့ နှစ်ပေါင်း၂၄နှစ်အ တွင်း ပထမဆုံးအကြိမ် ပြည်ပခရီး သွားရောက်မည်ဖြစ် သည်။ ကမ္ဘာကျော်ပုဂ္ဂိုလ်နှစ်ဦးမှာ ခြံနံပါတ် ၅၄ တွင် တစ်နာရီကျော် ကြား တွေ့ဆုံဆွေးနွေးပြီးနောက်  မိနစ် ၂၀ ကျော်ကြာ သတင်းစာ ရှင်းလင်းပွဲကျင်းပ၍ သတင်း ထောက်များ၏ မေးခွန်းများကို အတူဖြေခဲ့ကြသည်။ ထို့နောက် ကင်းမရွန်မှာ စမ်းချောင်းမြို့နယ်ရှိ စစ်သချုင်းသို့သွားရောက်ပန်းခွေ ချ အလေးပြုသည်။ ညစားကို ရန်ကုန်ရှိ ဗြိတိသျှသံအမတ်နေ အိမ်တွင် ဒေါ်အောင်ဆန်းစုကြည် ကို ဖိတ်ကျွေးသည်။ ည ၁၀ နာရီ တွင် ရွှေတိဂုံစေတီတော်  သွားရောက်ဖူးမြော်ပြီးနောက် အထူး လေယာဉ်ဖြင့် ပြန်သွားသည်။

“ခင်ဗျားရဲ့ အားထုတ်ရုန်း ကန်ခဲ့ရမှု၊ ခင်ဗျားရဲ့ အံ့မခန်းတဲ့ ရဲစွမ်းသတ္တိ၊  ကမ္ဘာတစ်ဝန်းက လွတ်လပ်မှု၊ ဒီမိုကရေစီနဲ့ပိုမိုကြီး ကျယ်မြင့်မြတ်လှတဲ့ လူ့အခွင့်အရေးများကို    မြင်လိုကြသူတွေ အားလုံး အတွက် ခင်ဗျားပြသခဲ့တဲ့အလင်းရောင်ကို စောင့်ကြည့်ခဲ့ရတာဟာ အင်မတန်မှ   စိတ်ကူးစိတ်သန်းကောင်း များ နိုးကြားတက်ကြလာ စေခဲ့ပါတယ်လို့ ပြောရင်းနဲ့ အဆုံး သတ်ပါစေ ”ဗြိတိန် ၀န်ကြီးချုပ် က ဒေါ်အောင် ဆန်းစုကြည်နှင့်ပတ် သက်၍ နောက်ဆုံးမှတ်ချက်ပြု ပြောစကားဖြစ်၏။ တစ်ချိန်က ဗြိတိန်နိုင်ငံ မှ ခေါင်းဆောင် များက လေးစားခဲ့သော ဗိုလ်ချုပ်အောင်ဆန်း၏သမီး    ဒေါ်အောင်ဆန်းစုကြည် ကို     ဒေးဗစ်ကင်မရွန်ကြည့်သောအကြည့်တို့၌ လေးစား၊ ချစ်ခင်မှုများ အတိုင်းသား တွေ့ရ၏။

                                                                                                                                                              အားမာန်

7 day news  -