Tuesday, January 31, 2012

by Khine Khine Saw Lwin on Tuesday, January 31, 2012 at 4:19am

facebook စာမျက်နှာတွင် မြောက်ပိုင်းဒေသမှအရိုးတွန်သံဆောင်းပါးကို ဖတ်ရပြီးနောက် လွန်ခဲ့သောအနှစ်နှစ်ဆယ်က ကိုယ်တိုင်သိရှိခံစားခဲ့ရသည့် အဖြစ်အပျက်တို့ကို အမှန်အတိုင်း ဖြစ်စဉ်အတိုင်း (မည်သူတစ်ဦးတစ်ယောက်၊ မည်သည့်အဖွဲ့အစည်းတစ်ခုက်ုမျှ ထိခိုက်ခြင်းမရှိပါပဲ)၊ ရေးသားလိုက်ပါသည်။ ဆောင်းပါးကိုဖတ်စဉ် စိတ်ထဲခံစားရသည့်အတိုင်း ဖြစ်စဉ်များကို သတိရမိသည့်အတိုင်း ရေးလိုက်ပါသည်။ ကျောင်းသားတစ်ယောက် နိုင်ငံအတွက် လိုအပ်သည့်အချိန်တွင် နိုင်ငံရေးဆောင်ရွက်ချက်များလုပ်ကိုင်ရာမှ မိခင်တစ်ယောက်၏ မိဘမေတ္တာဖြင့် တားဆီးပိတ်ပင်ခြင်းမရှိပါပဲ ဖြစ်လာသမျှ ကြုံလာသမျှ ခံစားရပုံကို တင်ပြပါသည်။
ဆောင်းပါးရေးပြီးနောက် မဂ္ဂဇင်းတစ်ခု၊ ဘလော့တစ်ခုသို့ ပို့ရန်စိတ်ကူးမိပါသည်။ ကျမ facebook စာမျက်နှာတွင် သူငယ်ချင်းနည်းပါးသည့်အတွက်လည်း ထိုသို့စိတ်ကူးမိခြင်းဖြစ်ပါသည်။ ထိုအခါ ကျမနှစ်သက်သည့် မောက္ခမဂ္ဂဇင်းကို ပို့မည်ဟု ဆုံးဖြတ်လိုက်ပါသည်။ ထိုမဂ္ဂဇင်းက လောလောဆယ်ဖြစ်ပျက်နေသည့် အခြေအနေအရ အသုံးမပြုလို၍ ငြင်းပယ်ပါမှ မိမိ facebook တွင် တင်မည်ဟု ဆုံးဖြတ်လိုက်ပါသည်။
ဇန်နဝါရီ ၂၅ရက်နေ့တွင် မြောက်ပိုင်းဒေသမှအရိုးတွန်သံဆောင်းပါးကြောင့် နိုးထလာသောနှလုံးသားပုံရိပ်တစ်ခု ဟူသော ကျမဆောင်းပါး မောက္ခမဂ္ဂဇင်းတွင်ပါလာပါသည်။ ကျမရင်ထဲအမှန်တရားတစ်ခုကို ပြောပြလိုက်ရသဖြင့် ရင်ထဲပေါ့ပါးသွားပါတော့သည်။ မောက္ခအယ်ဒီတာအား ကျေးဇူးတင်မိပါတော့သည်။ သို့သော် ကြာကြာမတင်လိုက်ရပါ။ ကျမဆောင်းပါးသည် တဖက်အသင်း၏ တိုက်စစ်မှုးကန်သွင်း၍ ဂိုးဝင်သွားဖြင်းမဟုတ်ဘဲ နောက်တန်းလူနှစ်ယောက် ယောင်တောင်တောင် လုပ်ရာမှ သူ့အလိုလို နောက်ခံလူနှင့်ထိပြီး ဂိုးဝင်သွားသည့် အဖြစ်လိုပင်။ ကျမ မေးလ်ထဲသို့ မောက္ခအယ်ဒီတာတစ်ဦးက ခုလိုစာပြန်ထားပါသည်။

မရွှေစင်ဦး

စာမူပို့ပေးလာတဲ့အတွက် ကျေးဇူးပါ။
ကျနော်တို့ ဖတ်ရှုသုံးသပ်ပြီး အကြောင်းပြန်ပါမယ်။ အတော်ရှုပ်ထွေးတဲ့ ဖြစ်ရပ်မှန် ဆိုတော့ကာ ကျနော်တို့ ဆင်ခြင်ရမယ့်အပိုင်းကလည်း ရှိပြန်တယ်။
ဒါပေမယ့် မိသားစုဘ၀တွေအပေါ်မှာ စာနာနားလည်စိတ်နဲ့ ခံစားဖြစ်ပါတယ်။

လေးစားလျက်

သိန်းနိုင်
မောက္ခပညာရေးမဂ္ဂဇင်း

စာမူက မောက္ခမဂ္ဂဇင်းမှာပါလာနေပါရက်နဲ့ ဒီစာရတော့ ကျမ အံ့အားသင့်မိပါတယ်။ နောက်မှ ကျမသိနေတဲ့ နောက်အယ်ဒီတာတစ်ယောက်ကို မေးကြည့်တော့မှ သူကဒီစာပြန်ထားတာမသိပဲ ဒီဆောင်းပါးလေးကောင်းသားပဲ၊ ခုတလောဒီအကြောင်းတွေ ရေးနေတာတွေ့နေ ဖတ်နေရတယ် ဆိုကာ သုံးလိုက်မိပါတယ်လို့ ပြောပြပါတယ်။ ဘယ်လိုပဲဖြစ်ဖြစ် ကျမစာမူကတော့ အဲဒီအချိန်မှာ ပါလာခဲ့ပြီး တော်တော်များများလည်း ဖတ်နေကြပါပြီ။ နောက်တစ်ရက်အကြာမှာတော့ ကျမစာမူဟာ ခေါင်းစဉ်ပြောင်းသွားပါတော့တယ်။ ဘာ့ကြောင့်လည်းသိလိုတဲ့အတွက် မေးလိုက်တဲ့အခါ " အရိုးတွန်သံဟူသော အသုံးကို မကြိုက်ပါ" လို့ ပြောလာလို့ပါတဲ့။ ဘယ်သူကမကြိုက်တာလဲ ကျမ မမေးတော့ပါ။ တခုခုစွက်ဖက်မှုရှိတယ်ဆိုတာ ရိပ်မိပေမယ့် မသိယောင်ဆောင်နေလိုက်ပါတယ်။ ကိစ္စမရှိပါလို့ အယ်ဒီတာကို ရယ်ရယ်မောမောပဲပြောလိုက်ပါတယ်။
သူတို့ပြင်လိုက်တဲ့ခေါင်းစဉ်က " မအေးခဲသွားနိုင်တဲ့ မြောက်ပိုင်းရဲ့ နောက်ဆက်တွဲ ဝေဒနာ" ပါ။ ဒီအထိလောက်နဲ့တော့ အခုလို ရှည်ရှည်ဝေးဝေး ပြောပြစရာမရှိပါ။

ခေါင်းစဉ်ပြောင်းတာ အယ်ဒီတာက စာရေးသူကို အကြောင်းမကြားခဲ့ပေမယ့် ကျမ ဘာမှမပြောတော့ပါ။ အဲဒီနောက်မှာ စာမူကိုပြန်ဖတ်ကြည့်တော့ စာသားတစ်ချို့ကို ပြင်ထားတာတွေ့ရပါတယ်။ ဒါလည်း " အော်... ငါ ရေးထားတာ လိုနေလို့ နေမှာလေလို့ တွေးပါသေးတယ်" ' ဆိုးလှတာက နောက်ဆုံးပိုဒ်က ကျမရေးထားတာကို ဖြုတ်-ထုတ်လိုက်တာပါပဲ။ အဲဒီထက်ဆိုးတာက ထိုအယ်ဒီတာဟာ သူ့ရေးချင်တာကို သူ့ဘာသာထဲ့ရေးလိုက်တာပါ။ အဆိုးဆုံးနဲ့ သည်းမခံနိုင်ဖြစ်ရတာက ကျမကို လုံးဝ အသိပေး ခြင်းမရှိတာပါပဲ။ အဲဒီလိုပြင်ပီး ဖြုတ်-ထုတ် ပီးကာမှ ကျမကို အောက်ပါအတိုင်း အကြောင်းကြားထားပါတယ်။

ဟဲလို

ကျနော်တို့ နည်းနည်းပါးပါး တည်းဖြတ်၊ ဖွဲ့နွဲ့ပြီး စာမူကို တင်လိုက်ပါတယ်။
ကျနော်ကိုယ်တိုင် ပါဝင်ခဲ့တဲ့ ကျောင်းသားတော်လှန်ရေးသမိုင်း အစိတ်အပိုင်းတစ်ခုလည်းဖြစ်ပါတယ်

။
အဖြစ်မှန်ကို လက်ခံဖော်ထုတ်ရမယ့် တာဝန်တွေရှိနေသလို သမိုင်းတစ်စုံလုံးကိုလည်း အညစ်အထေး မဖြစ်စေချင်ပါ။
အဲဒီအတွက် အဆင်ပြေမယ်ထင်ပါတယ်။
ဆက်ရေးပါဦး။
လေးစားလျက်.

သိန်းနိုင်

ကျမစာမူဟာ မောက္ခအွန်လိုင်းမဂ္ဂဇင်းမှာတက်လာပြီးကာမှ ခုလိုဖြစ်လာတာပါ။ အဖြစ်အပျက်တွေ မှန်တယ်မမှန်ဘူးဆိုတာ အများက ဆုံးဖြတ်ရမယ့် ကိစ္စပါ။

ဆရာရှင့်

ခေါင်းစဉ်ပြောင်းတာ၊ အကြောင်းအရာပြောင်းတာ ကျမကိုအကြောင်းကြားသင့်တယ်လို့ ထင်ပါတယ်။ ကျမကို အကြောင်းကြားပီး ကျမဆန္ဒကို မေးပီးမှ လုပ်သင့်တယ်လို့ ကျမယူဆပါတယ်။ နိဂုံးပိုင်းကို ပြင်လိုက်တာ ကျမသဘောမကျပါ။
အရိုးတွန်သံဆောင်းပါးကြောင့် ဒီစာမူ ရေးဖြစ်တာပါ။ ဒါ့ကြောင့် ဒီခေါင်းစဉ်ပေးလိုက်တာပါ။ ဒီခေါင်းစဉ်ဟာ ဒီစာမူရဲ့အသက်ပါ။ ပြင်ချင်ရင် စာရေးသူကို
လေးစားတဲ့ အနေနဲ့ ပြောသင့်ပါတယ်။ ကျမတို့ ဒီမိုကရေစီလမးကြောင်းပေါ်ရောက်ေ
အာင် နှစ်ပေါင်းများစွာ ဒုက္ခသုက္ခ အသက်သွေးတွေနဲ့ရင်းပီးစောင့်ခဲ့
ရတာပါ။ ဒီလမ်းပေါ်ကို ဒီမိုကရေစီကျကျ လျှေက်ကြမှဖြစ်မှာပါ။
ကိုယ့်ကိုယ်ကိုတန်ဖိုးထားလေးစားသလို သူတပါးကိုလည်းတန်ဘိုးထားလေးစားတယ်ဆိုတာ ဒီမိုကရေစီရဲ့ အသက်ဝိညဉ်ပါ။

ကျမဟာ မဂ္ဂဇင်းမှာတင်ထားတဲ့ ၊ ခေါင်းဖြတ် အမြီးဖြတ်ထားတဲ့ ကျမစာမူကို ကျမကိုယ်တိုင် မမြင်လိုတော့ပါဘူး။ဒါ့ကြောင့် ဆက်လက်မတင်လိုတော့တဲ့ အကြောင်း စာပို့လိုက်ပါတယ်။

မောက္ခအယ်ဒီတာရှင့်

ကျမစာမူကို ကျမအား အသိပေးတိုင်ပင်ခြင်းမရှိပါပဲ ပြင်ဆင်ဖြည့်စွက်ရာမှာ ကျမသဘောမတူသည့် အချက်ပါဝင်သည့်အပြင် စာမူခေါင်းစဉ်ကိုပါ လုံးဝပြောင်းလိုက်သည့်အတွက် ကျမစာမူကို
မောက္ခပညာရေးဘလော့တွင် အသုံးပြုခြင်းမှ ရပ်ပေးပါရန်အကြောင်းကြားပါသည်။ (ကျမကို ပြောင်းလဲ ဖြည့်စွက်ပီးမှ အကြောင်းကြားခဲ့ခြင်းဖြစ်သည်)။

လေးစားစွာ

ရွှေစင်ဦး

စာရေးဆရာ သတင်းစာဆရာကြီးတစ်ဦးဖြစ်တဲ့ လူထုစိန်ဝင်းက ဆောင်းပါးတစ်ပုဒ်မှာ စာနယ်ဇင်းကျင့်ဝတ်နဲ့ ပတ်သက်ပြီး ခုလိုရေးတာဖတ်ဘူးပါတယ်။
စာနယ်ဇင်းသမားတစ်ယောက်ဟာ စာဖတ်သူ ပြည်သူလူထုရဲ့အကျိုးကိုသာ ကြည့်ပြီးရေးရမှာပါ၊ လုပ်ဆောင်ရမှာသာဖြစ်ပါတယ်။ အဖွဲ့အစည်းတစ်ခု၊ ပုဂ္ဂိုလ်တစ်ယောက်ယောက် အတွက် လုပ်ရင်တော့ စာနယ်ဇင်းအာပတ်သင့်ပါတယ်တဲ့။

ကျမရေးထားတဲ့ ဆောင်းပါးကို facebook စာမျက်နှာမှာဖတ်နိုင်ရန် တင်ပေးလိုက်ပါတယ်။

ချင်ဒီယာ ရာစုသစ်မှာ ချန်ပီယံသစ် ဘယ်သူလဲ

ဒီကနေ့ခေတ် ကမ္ဘာဂြိုဟ်ပေါ် မှာ လူဦးရေအားဖြင့် တစ်ဘီလီယံ ကျော်စီရှိပြီး အရှိန်အဟုန်နဲ့ တိုးတက် ခဲ့ကြတဲ့ တရုတ် China နဲ့ အိန္ဒိယ India နှစ်နိုင်ငံကို ယှဉ်ကြည့်ချင်ကြ သူတွေက အမည်ချင်း စပ်ဟပ်ပေါင်း စည်းပြီး ချင်ဒီယာ-Chindia လို့ ခေါ် ကြတယ်။

အိန္ဒိယနဲ့ တရုတ်နှစ်နိုင်ငံ တိုး တက်လာမှုက ကမ္ဘာကြီးတစ်ခုလုံးရဲ့ စီးပွားရေးနဲ့ နိုင်ငံရေး မြင်ကွင်းကို ကျွန်မတို့ရဲ့ မျက်စိအောက်မှာပဲ အပြောင်းအလဲဖြစ်စေခဲ့တယ်လို့ Robyn Meredith က သူမရဲ့ The Elephant and the Dragon စာအုပ် မှာ ရေးသားဖော်ပြခဲ့တယ်။ Chindia ဝေါဟာရသစ် Neologism ကိုတော့ အိန္ဒိယ နိုင်ငံရေးသမား Jairam Ramesh က ဖန်တီးတီထွင်ခဲ့တာ ပါ။

တရုတ်နဲ့ အိန္ဒိယမှာ လက္ခဏာ နှစ်ရပ်က ဒွန်တွဲလျက်ရှိတယ်။ ဒါမှ မဟုတ်မျက်နှာနှစ်ဘက်ရှိတယ်။ တစ် ဘက်က အမှတ်တရား။ အခြားတစ် ဘက်က ဒဏ္ဍာရီ ပုံပြင်။ စူပါ ပါဝါ အဆင့်ရောက်လုနီးပါး ဖြစ်နေကြတဲ့ ဒီနှစ်နိုင်ငံဟာ မိတ်ဖက်လို့ဆိုရမှာ ထက် ပြိုင်ဖက်လို့ ဆိုနိုင်တယ်။ နှစ် နိုင်ငံရဲ့ စွမ်းဆောင်မှုတွေဟာ အံ့သြ စရာ ကောင်းလောက်အောင် ကြီး မားကြပေမယ့် အလားတူ ကြီးမားတဲ့ စိန်ခေါ်မှုတွေနဲ့လဲ ရင်ဆိုင်နေကြရ တယ်။ ကမ္ဘာ့လူဦးရေ ခုနစ်ဘီလီယံ ထဲမှာဒီနှစ်နိုင်ငံပေါင်း လူဦးရေက ၄ဝ ရာခိုင်နှုန်းရှိတယ်။

''တရုတ်နိုင်ငံဟာ ကမ္ဘာ့အလုပ် ရုံကြီးဖြစ်တယ်။ အိန္ဒိယကတော့ ပညာရဲ့ဗဟိုချက်မဖြစ်နိုင်တယ်။ အာ ရှတိုက်သားတွေဖြစ်ကြတဲ့ နှစ်နိုင်ငံ ပေါင်းစည်းအလုပ်လုပ်နိုင်ကြမယ် ဆိုရင် ဧရာမအင်အားကြီးတစ်ရပ်ဖြစ် လာနိုင်တယ်''လို့ အိန္ဒိယစက်မှုလုပ် ငန်းရှင် Ratan Tata ကဆိုတယ်။ ဒါပေမယ့် နှစ်နိုင်ငံ လက်တွဲပြီး အလုပ်လုပ်နိုင်ကြပါ့မလား။

ဘာကြောင့်လဲဆိုတော့ တရုတ် နဲ့အိန္ဒိယယဉ်ကျေးမှုချင်း သဟဇာတ မဖြစ်လောက်အောင် ကွာဟမှုရှိတယ် လို့ အချို့က မြင်ကြတယ်။ တရုတ် က အိန္ဒိယနိုင်ငံသားတွေကို ဆင်းရဲ တယ်။ အယူသီးတယ်လို့မြင်တယ်။ အိန္ဒိယကလဲ တရုတ်ပြည်သူတွေကို အင်မတန်ဆိုးရွားသူတွေ၊ ဘုရားမဲ့ဝါဒီ တွေလို့မြင်တယ်။ ဒီလိုအမြင်နှစ်ရပ် ကိုပေါင်းစပ်နိုင်ပါ့မလား။

လင်းလက်ခဲ့တဲ့ အတိတ်ကာလ

ဒါပေမယ့် တစ်ချိန်က တရုတ် နဲ့အိန္ဒိယ နှစ်ပြည်ထောင်ဟာ ရင်းရင်း နှီးနှီး ဆက်ဆံခဲ့ဖူးကြတယ်။ ဖျောက် ဖျက်လို့ မရနိုင်တဲ့ သမိုင်းအထောက် အထားတွေအထင်အရှားရှိခဲ့တယ်။ လွန်ခဲ့တဲ့ နှစ်ပေါင်း ၂ဝဝဝ လောက် က ဗုဒ္ဓဘာသာဟာ အိန္ဒိယမှ တရုတ်ပြည်သို့ ပျံ့နှံ့ခဲ့တယ်။

အိန္ဒိယဗုဒ္ဓဘာသာ ဘုန်းတော် ကြီးတစ်ပါးဖြစ်တဲ့ Bodhidharma ဟာ အေဒီ ၅၂ဝ မှာ တရုတ်ပြည်သို့ြ<ွကရောက်လာခဲ့ပြီး လျာန်မင်းဆက် Liang Dynasty ရဲ့ ဘုရင်ဧကရာဇ် ဝူ WU နဲ့တွေ့ဆုံခဲ့တယ်။ ဘုရင်နဲ့ ဘုန်းတော်ကြီး အမေးအဖြေဟာ မဟာယာန ဗုဒ္ဓဘာသာလောကမှာ အင်မတန်ထင်ရှားတယ်။ အဲဒီနောက် ပိုင်း Bodhidharma ဟာ ကျူပင် လေးတစ်ပင်စီးပြီး ယန်စီမြစ် Yangtse ကိုဖြတ်ကျော်ကာ တရုတ် ပြည်မြောက်ပိုင်းသို့ြ<ွကချီပြီး နောက် ဆုံးမှာ စောင်လင်(ရှောင်လင်) Shaolin ဘုန်းကြီးကျောင်းမှာ သီတင်းသုံး နေထိုင်တော်မူခဲ့တယ်လို့ ယုံကြည်ကြ တယ်။ Bodhidharma ဟာ ပထမ ဆုံး တရုတ်ဗုဒ္ဓဘာသာ Zen Buddhism ကို ထူထောင်တော်မူခဲ့တဲ့ ဆရာ တော်ကြီးဖြစ်ပါတယ်။ Budhidharma ကို တရုတ်တို့က Tamo လို့ ခေါ်ပြီး ဂျပန်တို့က Daruma လို့ ခေါ်ကြပါတယ်။

ဒါပေမယ့် Bodhidharma လောက် မကျော်ကြားသော်လဲ အိန္ဒိယ မှ တရုတ်ပြည်သို့ အစောဆုံး အေဒီ ၆၇ မှာ ဗုဒ္ဓဘာသာ သာသနာပြုဖို့ ရောက်လာခဲ့ကြတဲ့ ဘုန်းတော်ကြီး နှစ်ပါးက Kasyapa Matango နဲ့Dharmaraksha ဖြစ်တယ်လို့ အဆို ရှိတယ်။ ဒီဘုန်းတော်ကြီးနှစ်ပါး သီ တင်းသုံးနေထိုင်တော်မူခဲ့ကြတဲ့ ကျောင်းတော် White Horse Monastery ဟာ ဒီကနေ့အထိ တရုတ်ပြည်မှာရှိတယ်။ အဲဒီနောက် ပိုင်း တရုတ်ပြည်မှာ ဗုဒ္ဓဘာသာ ဂိုဏ်း ကြီး ဆယ်ဂိုဏ်းပေါ်ထွက်လာခဲ့ တယ်။ ဂိုဏ်းနှစ်ဂိုဏ်းက အဓိက ဇင်(ဂျပန်က Zen လို့ခေါ်ပြီး၊ တရုတ် က Ch'an လို့ခေါ်သည်) ဗုဒ္ဓဘာသာ ကျင့်သုံးပြီးနောက် ဂိုဏ်းနှစ်ဂိုဏ်းက ထေရဝါဒဗုဒ္ဓဘာသာဂိုဏ်းတွေဖြစ် တယ်။ ထေရဝါဒဂိုဏ်းဟာ နောက် ပိုင်းမှာ ပျောက်ကွယ်သွားခဲ့တယ်။ ကျန်ဂိုဏ်းတွေကတော့ မဟာယာန ဗုဒ္ဓဘာသာဖြစ်ကြတယ်။

တရုတ်ပြည်ကနေပြီး အိန္ဒိယကို ဘုရားဖူးသွားခဲ့သူတစ်ဦးရှိတယ်။ သူ ကတော့ ဘုန်းတော်ကြီး Hsuan-Tsang ဖြစ်ပါတယ်။ အိန္ဒိယမှာ အေဒီ ၆၂၉ မှ ၆၄၅ အထိ သီတင်းသုံးနေ ထိုင်ခဲ့တယ်။ အိန္ဒိယမှ ဗုဒ္ဓဘာသာ ကျမ်းဂန်တွေကို ပင့်ဆောင်လာခဲ့ပြီး တရုတ်ဘာသာ ပြန်ဆိုခဲ့တယ်။ တရုတ်ယောဂစာရ ဂိုဏ်းချုပ်အဖြစ် ထင်ရှားတယ်။

၁၇ ရာစုမှာ တရုတ်နဲ့ အိန္ဒိယ ဟာ ကုန်သွယ်ဖက်နိုင်ငံတွေဖြစ် တယ်။ အဲဒီနောက်ပိုင်းကာလမှာ တရုတ်ဟာ ကံကျွေးစနစ် Feudalism ထဲမှာ စုံးစုံးမြှုပ်သွားပြီး၊ အိန္ဒိယ က ကိုလိုနီစနစ်အောက် ကျဆင်းသွား ခဲ့တယ်။ စစ်ပြီးခေတ်ရောက်ပြန်တော့ တရုတ်ပြည်မှာ တော်လှန်ရေးတွေနဲ့ ရှုပ်ထွေးနေခဲ့ပြီး အိန္ဒိယကတော့ ဆို ရှယ်လစ်စနစ်နဲ့ နှစ်ပါးသွားခဲ့တယ်။ ဒီကနေ့ခေတ်ကျတော့ နှစ်နိုင်ငံဆက် ဆံရေးဟာ သံသယတွေနဲ့ ပြည့်နှက် နေတယ်။

လောလောဆယ်မှာ တရုတ်နဲ့ အိန္ဒိယခေါင်းဆောင်ကြီးတွေဟာ ငြိမ်း ချမ်းရေးနှင့် စီးပွားတိုးတက်ရေးကို ကျယ်ကျယ်လောင်လောင်ပြောဆိုနေ ကြပေမယ့် တခြားတစ်ဘက်မှာလဲ နယ်ပယ်အသီးသီးမှာ ပြိုင်ဆိုင်မှုတွေရှိ နေတယ်။

မိတ်ဖက်လား၊ ပြိုင်ဖက်လား

တရုတ်နိုင်ငံဟာ အိန္ဒိယသမုဒ္ဒ ရာမှာ အိန္ဒိယကို ဝိုင်းပတ်ပြီးတည် ဆောက်ရေးလုပ်ငန်းတွေ လုပ်ဆောင် လျက်ရှိတယ်။ ဒါကို အိန္ဒိယက စိုး ရိမ်တယ်။ အိန္ဒိယကလဲ တရုတ်ပိုင် တယ်လို့ပြောနေတဲ့ တောင်တရုတ် ပင်လယ်ထဲမှာ အရှေ့တောင်အာရှနိုင်ငံ အချို့နဲ့ ပူးပေါင်းပြီး ရေနံနဲ့သဘာဝ ဓာတ်ငွေ့ ရှာဖွေရေးလုပ်ဖို့ ကြိုးပမ်း လျက်ရှိတယ်။ တရုတ်တို့က ဒေါ ကြီးမောကြီးနဲ့ ကန့်ကွက်တယ်။

တရုတ်နဲ့အိန္ဒိယ နှစ်နိုင်ငံအကြား ပဋိပက္ခမဖြစ်ပွားရအောင် ဟန့်တား ကာကွယ်နိုင်တဲ့ စီးပွားရေးအရ ပူး ပေါင်းဆောင်ရွက်မှုတွေ မရှိဘူး။ အိန္ဒိယနိုင်ငံမှာ တရုတ်ရဲ့ရင်းနှီးမြှုပ် နှံမှုဟာ သူ့ရဲ့ကမ္ဘာတစ်လွှား ရင်းနှီးမြှုပ်နှံမှုရဲ့ ဝ.ဝ၅ ရာခိုင်နှုန်းပဲရှိတယ်။ တရုတ်နိုင်ငံမှာ အိန္ဒိယရဲ့ ရင်းနှီးမြှုပ် နှံမှု ဘယ်လောက်အထိ နည်းပါးသ လဲဆိုရင် ဘယ်စာရင်းဇယားမှာမှ ဖော် ပြမခံရဘူး။

နှစ်ဦးနှစ်ဖက် အပြန်အလှန် ကုန် သွယ်မှုကတော့ တိုးတက်လာပါရဲ့၊ ဒါပေမယ့် ဒီလိုကုန်သွယ်မှုကလဲ ၄င်း တို့ရဲ့ ကမ္ဘာ့ကုန်သွယ်မှု စုစုပေါင်းနဲ့ နှိုင်းယှဉ်ရင် အချိုးအစားက အင်မ တန်နည်းလွန်းတယ်။ တရုတ်က အိန္ဒိယကို တင်ပို့ရောင်းချမှုကသာ များတယ်။ ၄င်းတို့ရဲ့ပမာဏနဲ့ ခြေရာ တွေကိုကြည့်ပြီးပြောရရင် နှစ်နိုင်ငံဟာ ဘယ်နေရာမှာမှ ရှိသင့်သလောက် အဆက်အသွယ်မရှိကြဘူး။ အံ့သြ စရာကောင်းတာက နှစ်နိုင်ငံရဲ့ မြို့ကြီး တွေအကြားမှာ တိုက်ရိုက်လေယာဉ် ပျံသန်းမှု ခရီးစဉ်မရှိသလောက်ပါပဲ။

အချို့ရဲ့ အမြင်မှာတော့ အချင်း ချင်းယှဉ်ပြိုင်မနေကြဘဲ ကိုယ့်နိုင်ငံ ကိုယ် စီးပွားရေးနဲ့ လူမှုရေးပြုပြင် ပြောင်းလဲမှုတွေကို စူးစိုက်လုပ်ကိုင် သင့်ကြတယ်လို့ မြင်ကြတယ်။ နှစ် နိုင်ငံစလုံးမှာ စီးပွားရေးတိုးတက်မှု နှေးကွေးလာတယ်။ တရုတ်အတွက် တော့ စီးပွားရေးနှေးကွေးလာမှုဟာ ကောင်းတယ်လို့ ဆိုနိုင်တယ်။ ပူချစ် နေအောင် အရှိန်ပြင်းပြင်းနဲ့ စီးပွားရေး တိုးတက်နေမှုကို အေးဆေးသွားစေ နိုင်တယ်။ အိန္ဒိယနဲ့ တရုတ်နှစ်နိုင်ငံ စလုံးမှာ နိုင်ငံခြားတင်ပို့မှု လျော့နည်း ကျဆင်းလာတယ်။ ငွေဖောင်းပွမှု မြင့် တက်လာတယ်။ ဝင်ငွေမညီမျှမှု တိုး တက်လာတယ်။ အစိုးရနဲ့စီးပွားရေး သမားတွေက မြေယာသိမ်းပိုက်မှု တိုး မြှင့်လုပ်ကိုင်လာကြတဲ့အတွက် ကျယ် ကျယ်ပြန့်ပြန့် ဆန့်ကျင်ဆန္ဒပြကန့် ကွက်နေကြတယ်။ အာဏာပိုင်တွေရဲ့ လက်သင့်ရာ စားတော်ခေါ်မှုတွေက လဲ ဒုနဲ့ဒေး။

နှစ်နိုင်ငံစလုံးဟာ လူပေါင်း မြောက်မြားစွာကိုဆင်းရဲတွင်းနက်နေ မှုမှ ကယ်တင်နိုင်ခဲ့ကြပေမယ့် ကျန် လူပေါင်း မြောက်မြားစွာဟာ မဝရေ စာ စားသောက်ပြီး ဘဝခရီးလျှောက် လှမ်း နေကြရဆဲဖြစ်တယ်။ တရုတ် နိုင်ငံအတွက် လိုက်နာစရာ စည်း ကမ်းဥပဒေတွေ မရှိပေမယ့် အိန္ဒိယ နိုင်ငံအဖို့ လိုက်နာစရာ ဥပဒေ စည်း ကမ်းတွေ အများအပြားရှိတယ်။

တရုတ်နိုင်ငံဟာ အက်ဆက် ပူဖောင်းတွေ၊ ပြန်မဆပ်နိုင်တဲ့ ဘဏ်ြေ<ွကးတွေနဲ့ စီးပွားရေးကို ချိန်ညှိတည့် မတ်ဖို့ ရုန်းကန် လှုပ်ရှားနေရပြီး နိုင်ငံ တော်က ညွှန်ကြားကြပ်မတ်တဲ့ ရင်း နှီးမြှုပ်နှံမှုကနေပြီး စားသုံးသူ ဦး ဆောင်တဲ့ စီးပွားရေး တိုးတက်မှုဆီ ရွှေ့ပြောင်းနိုင်ဖို့ လုပ်ဆောင်နေကြရ တယ်။ အိန္ဒိယနိုင်ငံမှာတော့ ခြစား မှုတွေနဲ့ ဘတစ်ပြန်ကျားတစ်ပြန် နပန်းလုံးနေကြရတယ်။

သဘောတရားအမြင်နဲ့

လက်တွေ့ဘဝ

ကမ္ဘာက အိန္ဒိယရဲ့ ပုံရိပ်ကို တရုတ်ထက် ပိုပြီးလက်ခံနိုင်တယ်။ အိန္ဒိယကို လှမ်းကြည့်လိုက်တာနဲ့ မဟတ္တမဂန္ဒီ၊ ယောဂနဲ့ ဘာသာရေး တွေကို မြင်ကြတယ်။ ယဉ်ကျေးသိမ် မွေ့တဲ့ ဆင်ကြီးတစ်ကောင်လို့ ယူဆ ကြတယ်။ ပြီးတော့ကုန်ပစ္စည်း တွေ ကို မတရားဈေးနှုန်းလျှော့ချပြီး နိုင်ငံ ခြား မတင်ပို့ဘူး။ တရုတ်ကို လှမ်း ကြည့်လိုက်ရင် ဧရာမ နဂါးကြီးလို့ ထင်မြင်ကြရတယ်။ တစ်ချိန်ချိန်မှာ နဂါးမှန်းသိအောင် အမောက်ထောင် ပြနိုင်တယ်။ ပွေ့ဖက်ထားစရာ ကောင်းတဲ့ ပန်ဒါဝက်ဝံလေးတစ် ကောင်မဟုတ်တာ သေချာတယ်။ စီးပွားရေးမှာ ကုန်သည်ဝါဒကျင့်သုံး တယ်။ ပိုင်ဆိုင်မှုတွေအပေါ် ငမ်းငမ်း တက် လိုချင်မက်မောမှုရှိတယ်။ လို အပ်ရင် ခြိမ်းခြောက်မှုလုပ်နိုင်တယ်။

အိန္ဒိယက ဒီမိုကရေစီ စနစ် ကျင့်သုံးတယ်။ တရုတ်က အာဏာ ရှင်စနစ်ကို ပွေ့ပိုက်ထားတယ်။ အိန္ဒိယမှာ ဆန္ဒပြသူတွေနဲ့ ပြည့်နှက် နေတယ်။ တရုတ်မှာက နိုင်ငံရေး သဘောထားကွဲလွဲသူတွေအပေါ် နှိပ် ကွပ်တယ်။ ဒါပေမယ့် ရေရှည်မှာ ဘယ်စီးပွားရေးလမ်းစဉ်က ပိုပြီး အောင်မြင်မှု ရရှိနိုင်မလဲ။ နိုင်ငံတော် အရင်းရှင်ဝါဒလား။ ဒါမှမဟုတ် ပုဂ္ဂလိက လွတ်လပ်မှုလား။ တနည်း ပြောရရင် ချုပ်ကိုင်ထားတဲ့ စီးပွားရေး နဲ့ လွတ်လပ်တဲ့ စီးပွားရေးအကြား ယှဉ်ပြိုင်ပွဲမှာ ဘယ်နိုင်ငံက ဗိုလ်စွဲ နိုင်မလဲ။

အိန္ဒိယရဲ့လွတ်လပ်မှုမဏ္ဍိုင်

ဘောဂဗေဒ ပညာရှင်တွေနဲ့ စီး ပွားရေးသမားတွေက အိန္ဒိယနဲ့ တရုတ်ကို နှိုင်းယှဉ်ပြောဆိုကြတဲ့ နေရာမှာ အလွဲလွဲအမှားမှား ဖြစ်နေ တယ်လို့ အချို့က မြင်တယ်။ တရုတ် ဗျူရိုကရက်တွေဟာ လမ်း ဖောက် တံတားဆောက်တာမှာ ပိုပြီး ကောင်းအောင်လုပ်ဆောင်နိုင်ကြပေမယ့် အစိုးရက အမိန့်ပေးခိုင်းစေပြီး လူ့အ ခွင့်အရေးကို နှိပ်ကွပ်ပိတ်ပင်တဲ့ နိုင်ငံ ရဲ့ စီးပွားရေးဟာ ဘယ်လိုလုပ် ရေ ရှည် တိုးတက်နိုင်မလဲလို့ အချို့က သုံးသပ်ကြတယ်။

နိုင်ငံတစ်နိုင်ငံ ရေရှည်ဖွံ့ဖြိုး တိုး တက်ရေးဆိုတာက စီးပွားရေး စွမ်း ဆောင်ရှင်တွေရဲ့ စွမ်းပကား၊ တောင့် တင်းခိုင်မာတဲ့ ပုဂ္ဂလိကအခန်းကဏ္ဍ၊ ဥပဒေစိုးမိုးရေးနဲ့ နိုင်ငံရေး ပွင့်လင်း မြင်သာမှုအပေါ် မူတည်တယ်။ အိန္ဒိယမှာ စီးပွားရေး တိုးတက်မှု အတွက် အရေးပါတဲ့ အခြေခံ အုတ် ချပ်တွေ Building Blocks ရှိတယ်။ ဒါကြောင့် အိန္ဒိယနိုင်ငံဟာ ကမ္ဘာ့ ပထမတန်းစားထွန်းသစ်စ စီးပွားရေး အဖြစ် တရုတ်ကို ကျော်တက်သွား နိုင်တယ်။

ဟုတ်ပါတယ်။ အိန္ဒိယ စီးပွား ရေးဟာ တရုတ်တို့လောက် တိုး တက်မှု မမြန်ဘူး။ ဆင်းရဲသား အရေ အတွက်ကလဲ တရုတ်ထက် နှစ်ဆ ပိုများတယ်။ ဒီမိုကရေစီရဲ့ မူဝါဒ ရေး ဆွဲရေး အစီအမံတွေကလဲ အချေ အတင် ဆွေးနွေးငြင်းခုံမှု ဝဲသြဃ ထဲက ရုန်းမထွက်နိုင်ဘူး။ ဘေဂျင်း နဲ့ ရှန်ဟိုင်းကို မြန်နှုန်းမြင့် ရထား တွေနဲ့ ဆက်သွယ်ထားတယ်။ ဒါပေ မယ့် နယူးဒေလီနဲ့ မွမ်ဘိုင်းကို ဆက် သွယ်ထားတဲ့ ကားလမ်းတွေက ဖုန် တထောင်းထောင်းနဲ့။ တရုတ် လမ်းမ ကြီးတွေရဲ့ ဝဲယာ တစ်ဘက် တစ် ချက်မှာ ခေတ်မီတိုက်တာအိုးအိမ်တွေ က အစီအရီ။ အိန္ဒိယ လမ်းမကြီး တွေရဲ့ ဘေးမှာတော့ တဲပုတ်၊ တဲ စုတ်တွေ။

ဒါပေမယ့် ဘယ်အရာမဆို အပေါ်ယံကြည့်ပြီးတော့ အဆုံး အဖြတ် ပေးလို့ မရဘူးပေါ့။ အပြင် ပန်းကကြည့်ရင် တရုတ်စီးပွားရေး ဟာ ပြောင်လက် ဝင်းထိန်ပေမယ့် အတွင်းမှာတော့ ဒီလောက်မဟုတ် ဘူး။ အိန္ဒိယ စီးပွားရေးကို အတွင်း နှိုက်ကြည့်ရင် တရုတ်ထက်ပိုပြီး အင် အားကောင်းတာတွေ့မြင်နိုင်တယ်။ တရုတ် စီးပွားရေးဟာ အိန္ဒိယထက် သုံးဆကြီးမားတယ်။ ဒါပေမယ့် တရုတ် စီးပွားရေး တိုးတက်မှုနှုန်းက နှေးကွေးလာတယ်။ တစ်ချိန်မှာ အိန္ဒိယက အမီလိုက်လာနိုင်တယ်။

လူဦးရေ တိုးပွားဆုတ်ယုတ်မှု စာရင်းဇယားတွေကို ကြည့်ရင် တရုတ်က သက်ကြီးရွယ်အိုတွေ တိုး ပွားလာတယ်။ အိန္ဒိယမှာက ပျိုမျစ် တဲ့ လူငယ်လူရွယ်တွေ တိုးမြင့် လာတယ်။ နောင်တစ်ချိန်မှာ တရုတ် ရဲ့ ကုန်ထုတ်စွမ်းအား ကျဆင်းပြီး အိန္ဒိယက မြင့်တက်လာနိုင်တယ်။ အိန္ဒိယ စီးပွားရေးမှာ တိုးတက်မှု အတွက် ဘက်ညီတဲ့ ရင်းမြစ်တွေ ရှိတယ်။ ပြည်တွင်း ဝယ်လိုအား မြင့် မားမှုကြောင့် ပြည်ပ ရှော့ခ်ကို ခံနိုင် ရည်ရှိတယ်။

တရုတ်စီးပွားရေးက တစ်ဘက် စောင်းနင်းကြီးဖြစ်နေတယ်။ ရင်းနှီး မြှုပ်နှံမှုနဲ့ နိုင်ငံခြားတင်ပို့ရောင်းချရေး အပေါ် အားထားမှုအလွန်အကျွံကြီး ဖြစ်နေတယ်။ ဘောဂဗေဒ ပညာရှင် တွေရဲ့ အမြင်မှာ တရုတ်အနေနဲ့ ပြည် တွင်း ပုဂ္ဂလိက စားသုံးမှုကို အခု ထက်ပိုပြီး တိုးမြှင့်ဖို့လိုတယ်လို့ ရှု မြင်ကြတယ်။ ဒါမှပဲ ရေရှည်စီးပွား ရေး တိုးတက်နိုင်မယ်ဆိုပြီး ထောက် ပြကြတယ်။ ၂ဝဝ၈ ခုနှစ် မဟာစီး ပွားရေးကျဆင်းမှုကြီး Great Recession ကာလတုန်းက တရုတ် စီးပွားရေး ဖရိုဖရဲ မဖြစ်ရအောင် ကြီး မားတဲ့ နိုးထရှင်သန်ရေး အစီအမံတွေ Stimulus Plans နဲ့ ကျားကန်ပေးခဲ့ ကြရတယ်။ အိန္ဒိယမှာတော့ ဒီ လောက်ထိ လုပ်ဆောင်ပေးစရာ မလို ခဲ့ဘူး။

တရုတ်ရဲ့ နိုးထရှင်သန်ရေး စီမံ ချက်တွေက တရုတ်ဘဏ္ဍာရေးစနစ် ပီပီပြင်ပြင် မရှိသေးကြောင်း ဖော် ညွှန်းပြသခဲ့တယ်။ တရုတ်မှာရော အိန္ဒိယမှာပါ နိုင်ငံပိုင် ဘဏ်လုပ်ငန်း တွေ ကြီးမားတဲ့အတိုင်းအတာတစ်ခု အထိ ပါဝင်ပေမယ့် တရုတ်ဘဏ် လုပ်ငန်းမှာ ဗျူရိုကရက်တွေ ဝင် ရောက်စွက်ဖက်မှု သိပ်များတယ်။ ဒါကြောင့် တရုတ်ဘဏ်တွေဟာ ရင်း မြစ်တွေ ခွဲဝေသုံးစွဲရာမှာ စွမ်း ဆောင်နိုင်အားပျော့ညံ့တယ်။ အိန္ဒိယ ဘဏ်တွေကတော့ ကူးသန်းရောင်း ဝယ်ရေး အပေါ် အခြေခံပြီး လုပ်ငန်း ဆောင်ရွက်ကြတယ်။

အိန္ဒိယရဲ့ ကော်ပိုရိတ် ကဏ္ဍ ဟာ တရုတ်ထက် တက်ြ<ွကတယ်။ စီမံခန့်ခွဲမှု ပိုကောင်းတယ်။ ဘဏ္ဍာ ရေးအရ ပိုပြီးတောင့်တင်းတယ်။ အမြတ်မာဂျင် ပိုများတယ်။ ရင်းနှီး မှု အပေါ် ပြန်ပေါ်နှုန်း Returns မြင့်မားတယ်။ ဒါပေမယ့် ကော်ပိုရေး ရှင်းတွေဟာြေ<ွကးပိနေကြတယ်။ ၂ဝ၁ဝ စာရင်းအရ ဘဏ်ြေ<ွကးမြီတွေဟာ တရုတ် GDP ရဲ့ ၁၃၉ ရာခိုင် နှုန်းလောက် မြင့်မားတယ်။ အိန္ဒိယ ဘဏ်ြေ<ွကးမြီဟာ အိန္ဒိယ ဂျီဒီပီရဲ့ ၄၉ ရာခိုင်နှုန်းလောက်ပဲ ရှိတယ်။

တရုတ်ရဲ့ စီမံကိန်းအားမာန်

ဘာပဲပြောပြော အခုနေအခါမှာ တရုတ်နိုင်ငံဟာ အမေရိကန် ပြည် ထောင်စုပြီးရင် ကမ္ဘာ့ ဒုတိယ အကြီး မားဆုံး စီးပွားရေးဖြစ်တယ်။ ဒီရာစု နှစ်ရဲ့ ပထမ ဆယ်စုနှစ် အတွင်းမှာ တစ်နှစ် ၁ဝ ရာခိုင်နှုန်းနီးပါးနဲ့ တိုး တက်ခဲ့တယ်။ တစ်ဦးချင်းဝင်ငွေ တိုး တက်မှုနှုန်းက ၂ဝ၁ဝ ပြည့်နှစ်မှာ ကိုးရာခိုင်နှုန်းမြင့်တက်ခဲ့တယ်။ ကုန် ချောထုတ်လုပ်မှုက တစ်နှစ် ၁ဝ ရာ ခိုင်နှုန်းနဲ့ တိုးပွားလျက်ရှိတယ်။ အိန္ဒိယနဲ့ မတူတဲ့အချက်က ပြည်ပ ငွေပေးငွေယူရှင်းတမ်း လက်ကျန်ရဲ့ သာမန်စာရင်း Current Account မှာ ပိုငွေပြနေတယ်။ ပြီးတော့နိုင်ငံခြား အရန်ငွေ Foreign Exchange Reserves က တရုတ်လက်ထဲမှာ အမေရိကန်ဒေါ်လာ သုံးထရီလီယံ ကျော် ကိုင်ထားတယ်။ တရုတ်ရဲ့ ယွမ်ငွေ တန်ဖိုးက တစ်စ တစ်စ မြင့်တက်လာနေတယ်။

တရုတ်နိုင်ငံ တိုးတက်ရေး အတွက် လုပ်ဆောင်ရမယ့် စီမံကိန်း တွေကို တရုတ်အစိုးရက အာဏာ သုံး အမိန့်ပေးစနစ်နဲ့ ညွှန်ကြားစေ ခိုင်းတယ်။ နိုင်ငံပိုင် ဘဏ်တွေကို အမိန့်သြဇာသုံးပြီး မြန်နှုန်းမြင့် ရထား တွေ၊ ဒစ်ဂျစ်တယ်ကွန်ရက်တွေ၊ လေ ဆိပ်တွေ၊ တံတားတွေ၊ မြေအောက် ရထားလမ်းတွေနဲ့ အားကစား အဆောက်အအုံတွေ တည်ဆောက်ဖို့ အတွက် ငွေကြေးစိုက်ထုတ်ချေးငှား ဖို့ အမိန့်ပေးတယ်။ ဒီလိုနဲ့ တရုတ် ပြည်ရဲ့ အခြေခံအဆောက်အအုံတွေ Infrastructure ငွားငွားစွင့်စွင့် ထွက် ပေါ်လာခဲ့တယ်။

ချင်တူး-Chengdu မြို့ကလေး တိုးတက်ဖြစ်ပေါ်လာပုံကို သာဓက ထုတ်ပြနိုင်တယ်။ လွန်ခဲ့တဲ့ နှစ် ပေါင်း များစွာက တရုတ်အာဏာပိုင် တွေဟာ ဆီချွမ် Sichuan ပြည်နယ် ရဲ့ မြို့တော်ဖြစ်တဲ့ ချင်တူးမြို့ စက်မှု လုပ်ငန်းအခြေခံတွေကို အဆင့်မြှင့် တင်ပေးလိုတဲ့အတွက် လမ်းတွေနဲ့ ရထားလိုင်းတွေကို တည်ဆောက် ပြု ပြင်ခဲ့ပြီး ဧရာမ စက်မှုဇုန်တစ်ခုထူ ထောင်ပေးခဲ့တယ်။ နောက်ဆုံးပေါ် ဆက်သွယ်ရေးစနစ်တွေ တပ်ဆင် ပေးတယ်။ ဒေသဆိုင်ရာ တက္ကသိုလ် ကြီးတွေ၊ နည်းပညာ အင်စတိကျု တွေ တည်ဆောက်ပေးတယ်။ အီ လက်ထရွန်းနစ်နဲ့ အင်ဂျင်နီယာ သက်မွေးဝမ်းကျောင်း အလုပ်သင် ကျောင်းတွေ ဖြည့်ဆည်းပေးတယ်။ ဒီကနေ့ ချင်တူးမြို့ဟာ ပျားပန်းခတ် မျှ တိုးတက်စည်ကားနေပါပြီ။ တကယ်တော့ တရုတ်နိုင်ငံဟာ အခြားမြို့တွေကိုလဲ ဒီလို စီမံကိန်း တွေနဲ့ တည်ဆောက်ပေးခဲ့တယ်။ အစိုးရရဲ့ စီမံကိန်းတွေ မပါဘဲနဲ့ တရုတ်ပြည်ဟာ အခုလောက်မတိုး တက်နိုင်ဘူး။ အခြေခံ အဆောက် အအုံတွေပြည့်စုံလို့ နိုင်ငံခြားက ကုမ္ပဏီတွေ လာရောက် အလုပ်လုပ် ကိုင်နေကြတာဖြစ်တယ်။ အိန္ဒိယ အစိုးရအနေနဲ့ တရုတ်လို အခြေခံ အဆောက်အအုံတွေ တည်ဆောက်ဖို့ လိုတယ်။ ဒါမှ နိုင်ငံခြားကုမ္ပဏီတွေ အိန္ဒိယ လာရောက်ပြီး ရင်းနှီးမြှုပ်နှံ ကြမှာဖြစ်တယ်။ ဒါပေမယ့် အခြား တစ်ဘက်မှာလဲ အိန္ဒိယနိုင်ငံဟာ အခြေခံအဆောက်အအုံ ကောင်းမွန် လုံလောက်မှုမရှိဘဲနဲ့ တိုးတက်လာခဲ့ တယ်။ တကယ်လို့ တရုတ်လိုသာ အိန္ဒိယမှာ အခြေခံအဆောက်အအုံ ကောင်းမွန်ပြည့်စုံမယ်ဆိုရင် ဒိထက် မက တိုးပြီး စီးပွားရေး တိုးတက် နိုင်တယ်လို့ ထောက်ပြကြတယ်။

အချို့က အိန္ဒိယနိုင်ငံလိုပဲ တရုတ်မှာလဲ ပုဂ္ဂလိကကဏ္ဍ ရှင်သန် နေပါတယ်လို့ ဆိုကြတယ်။ လွန်ခဲ့ တဲ့ တစ်နှစ်ကျော် နှစ်နှစ်နီးပါးလောက် ကစပြီး ပုဂ္ဂလိက ကဏ္ဍဟာ ပြည်သူ့ ကဏ္ဍထက် မြန်မြန်ဆန်ဆန် တိုး တက်လာခဲ့တယ်လို့ ထောက်ပြကြ တယ်။ ဘဏ်တွေက အသေးစား လုပ်ငန်းတွေကို ငွေထုတ်ချေးခြင်း မရှိ ပေမယ့် သူတို့ဘာသာသူတို့ ရင်းနှီး မြှုပ်နှံပြီး တိုးတက်လာခဲ့ကြခြင်း ဖြစ် တယ်လို့ ဆိုကြတယ်။

တရုတ်ရဲ့ အားသာချက် တစ်ခု က အစိုးရအနေနဲ့ ပညာရေးကို ဇောက်ချပြီး အားပေးမြှင့်တင်နေခြင်း ဖြစ်တယ်။ တရုတ်ဟာ သူ့ရဲ့ လုပ် သားထု ဒါမှမဟုတ် တစ်ချိန်မှာ လုပ်သားထုထဲ ရောက်လာမယ့် လူငယ်တွေကို ပညာတတ်တွေဖြစ် အောင် အားသွန်ခွန်စိုက် လုပ်ဆောင် လျက်ရှိတယ်။ အနာဂတ်တိုင်းပြည် တိုးတက်ရေးအတွက် အဓိက အရေး ပါတဲ့ အချက်တစ်ချက်ဖြစ်ပါတယ်။ တိုင်းပြည်တိုးတက်စေချင်တယ်ဆို ရင် နိုင်ငံတော်အနေနဲ့ ပညာရေးနဲ့ ကျန်းမာရေးကို သေရေးရှင်ရေး တမျှ အရေးကြီးတဲ့ ကိစ္စအဖြစ် အလေး ထား ရှေ့တန်းတင်ပြီး ဆောင်ရွက်ဖို့ လိုတယ်။

တစ်နေ့နေ့ တစ်ချိန်ချိန်မှာ အိန္ဒိ ယနိုင်ငံက တရုတ်ပြည်ကိုစီးပွားရေး အရ ကျော်လွှားသွားနိုင်တယ်လို့ တွေး ကြတဲ့ အထဲမှာ ဒီအချက်က အဓိက အခန်းကဏ္ဍမှ ပါဝင်တယ်။ လာမယ့် နှစ် ၂ဝ ကာလမှာ တရုတ်ဟာ သက်ကြီးရွယ်အို လူ့အဖွဲ့အစည်း ဖြစ် သွားနိုင်တယ်။ အဲဒီအချိန် အိန္ဒိယ မှာ လူငယ်လူရွယ်တွေနဲ့ ပြည့်နှက် နေနိုင်တယ်။ ဂျီဒီပီအရ ပြောမယ်ဆို ရင် တိုးတက်ပြီး အလုပ်လုပ်နိုင်တဲ့ အရွယ်လူဦးရေ တိုးပွားမှုဟာ စီးပွား ရေးကို ကြီးကြီးမားမား မြှင့်တင်ပေး နိုင်တယ်။ ဒါပေမယ့် အိန္ဒိယအနေနဲ့ ဒီလူငယ်တွေအတွက် ပညာတတ် အောင် သင်ကြားပေးနိုင်မယ့် အစီ အစဉ်တစ်ရပ် အဆင်သင့်ဖြစ်နေဖို့ လို အပ်တယ်။

တကယ်တော့ တရုတ်နဲ့ အိန္ဒိယတို့ရဲ့ ချင်ဒီယာပြိုင်ပွဲဟာ စီးပွားရေး တိုးတက်မှုပြိုင်ပွဲသာ မဟုတ်ဘဲ နောက်ကွယ်က ပါဝင်တဲ့ ပညာ အရည်အသွေး စွမ်းရည်ပြိုင်ပွဲလို့လဲ ဆိုနိုင်မယ်ထင်ပါရဲ့။

မင်းရွှေမောင်

Ref: 1. Michael Schuman: " The case for India: Free to Succeed .

2. Bill Powell:" The case for China: The Power of Planning" Time , Nov 11 2011.

3. The Seeker's Glossary of Buddhism (1998)

ဗိုလ်မှူးဗထူး၏သား ရေကြည်အိုင် စစ်ကြောရေးစခန်းတွင် ကွယ်လွန်

– Myint Htoo died in investigation

မိုးမခအထောက်တော် အမှတ် ၀၀၂
ဇန်န၀ါရီ ၃၁၊ ၂၀၁၂

ဒေါ်အောင်ဆန်းစုကြည် ထားဝယ်သို့ရောက်ရှိစဉ် ဒေသခံတဦးထံမှ ရရှိသည့် ဗိုလ်ချုပ်အောင်ဆန်း ပါဝင်သော ဓာတ်ပုံ (ဓာတ်ပုံများ-ထားဝယ်မြို့ တော်/facebook)

Facebook တွင် အများစိတ်ဝင်စားနေသည့် ဗိုလ်ချုပ်အောင်ဆန်းနှင့် တွဲရိုက်ထားသည့်ဓာတ်ပုံတွင် ပါဝင်သူ မောင်မြင့်ထူးသည် စစ်အရာရှိတဦးဖြစ်လာပြီး ရန်ကုန်ရှိ စစ်ကြောရေးစခန်းတခုတွင် သေဆုံးသွားခဲ့သည်ဟု ဗိုလ်ကြီးဟောင်းနေမျိုးဇင်၏ Facebook တွင် ရေးထားသည်။
ဖမ်းဆီးစစ်ကြောခံရသည့် အကြောင်းရင်းနှင့် သေဆုံးချိန်ကို ဖော်ပြထားခြင်း မရှိပေ။
“ပုံမှာပါတဲ့ ဗိုလ်ချုပ်နံဘေးက မောင်မြင့်ထူးဟာ တပ်မတော်မှာ ဗိုလ်ကြီးအဆင့်ထိ တာဝန် ထမ်းဆောင်ခဲ့ပြီး အာဏာရှင် ဦးနေ၀င်း လက်ထက်မှာ အာဏာရှင် စနစ်ကို ဆန့်ကျင်ဖီဆန်တဲ့ အဖေတူသား ဗိုလ်မှူးဗထူးရဲ့ သား ဗိုလ်ကြီးမြင့်ထူးဟာ ရေကြည်အိုင် ဖက်ဆစ်အကျဥိးစခန်းထဲမှာပဲ ကွယ်လွန်ခဲ့ပါတယ်” ဟု ဗိုလ်ကြီးဟောင်းနေမျိုးဇင်က ရေးထားသည်။

“အဲဒီ သမိုင်းတွေကို နောက်လာနောင်သားတွေ အတုယူသင့်ပါတယ်။ အဖေရော သားပါ နိုင်ငံအတွက် အသက်စွန့်ခဲ့ကြတဲ့ ထားဝယ်သားတွေ တကယ့် မျိုးချစ်ပုဂ္ဂိုလ်ကြီးတွေ အားလုံးကို အလေးအမြတ် ဂုဏ်ပြုလိုက်ပါတယ်” ဟု ၎င်းက ဆက်လက် ရေးသား ဖော်ပြထားသည်။
ဗိုလ်မှူးဗထူး၏သား ရေကြည်အိုင်တွင် ကွယ်လွန်သည်ဟူသော အချက်အလက်နှင့် ပတ်သက်ပြီး စစ်တပ်အတွင်းရေးများကို ဖွင့်ချနေသည့် “စည်းလုံးခြင်းရဲ့အင်အား” အင်တာနက်စာမျက်နှာ http://photayokeking.blogspot.com/2009/03/blog-post_4306.html တွင်လည်း တွေ့ရသည်။
ရေကြည်အိုင်သည် ရန်ကုန်မြို့ရှိ နာမည်ကျော် စစ်ကြောရေးစခန်းတခုဖြစ်သည်။
ပြီးခဲ့သည့် ၁၀ စုနှစ်များအတွင်း နိုင်ငံရေးသမားများ အပါအ၀င် ထိန်းသိမ်းခံရသူ အများအပြားကို စစ်ထောက်လှမ်းရေးတပ်ဖွဲ့က အထူး နှိပ်စက်ညှဉ်းပန်းရာတွင် ထိုစခန်းကို အသုံးပြုကြသည်။
ထိုစခန်းတွင် စစ်ကြောခံရစဉ် ဒုက္ခိတဖြစ်သွားသူ၊ သေဆုံးသူ အများအပြား ရှိသော်လည်း ထိုအကြောင်းအရာတို့ကို စုံစမ်းဖော်ထုတ် ဖွင့်ချမှုများ မရှိသေးပေ။
ထားဝယ်သား တစ်ဦးက ဗိုလ်မှူးဗထူး၏သား ပါဝင်သော ယင်းဓာတ်ပုံကို သိမ်းဆည်းထားခြင်း ဖြစ်ပြီး တနင်္ဂနွေနေ့က ဒေါ်အောင်ဆန်းစုကြည် ထားဝယ်မြို့သို့ ရောက်ရှိစဉ် လက်ဆောင်ပေးခဲ့ခြင်း ဖြစ်သည်။

အသက် ၈၈ နှစ်အရွယ် ထားဝယ်သား ဦးရန်ရှင်း (၈၈)နှစ်က ဒေါ်အောင်ဆန်းစုကြည်အား
သမိုင်းဝင်ပုံ လက်ဆောင်ပေး

Zarganar & Collegues arrived Washington DC

ဂတုံးကြီး ဝါရှင်တန်မြို့တော်ရောက်ပြီ

ဇာဝါရီ၊ ဇန်န၀ါရီ ၃၁၊ ၂၀၁၂

ကမ္ဘာကျော် မြန်မာ့နိုင်ငံရေးအကျဉ်းသားဟောင်း၊ စွယ်စုံရ အနုပညာရှင် ကိုဇာဂနာ ခေါ် မောင်သူရ၊ ကချင်အရေးနိုးကြားလှုံ့ဆော်နေသူနဲ့ (NDF) ပါတီဝင် ဒေါ်ဘောက်ဂျာ နဲ့ အမျိုးသားဒီမိုကရေစီအဖွဲ့ချုပ် အမျိုးသမီးရေးရာ နိုးကြားလှုံ့ဆော်သူ ဒေါ်ခင်သန်းမြင့်တို့ဝေဟင်ခရီးနဲ့ ထိုင်း၊ ဂျပန်နိုင်ငံများမှတဆင့် ဝါရှင်တန်မြို့ တော် Dulles နိုင်ငံတကာလေဆိပ်ကို ဇန်နဝါရီလ (၃၁) ရက်နေ့ (အင်္ဂါနေ့) နံနက် ၉း၃၀ အချိန်မှာ ချောချောမောမော ရောက်ရှိလာကြတယ်။

သူတို့တတွေကို ဝါရှင်တန်မြို့ တော်အခြေစိုက် US Campaign for Burma အမှုဆောင်ညွှန်ကြားရေးမှူးကိုအောင်ဒင်၊ National Endowment for Democracy မှ မြန်မာ့အရေး တာဝန်ခံ ကိုအောင်မော်ဇင်၊ ဝါရှင်တန် ကွန်မြူနီတီမိသားစုအဖွဲ့ဝင် ကိုထွန်းထွန်း၊ ကိုအာယု (ကိုဇာဂနာ ညီဝမ်းကွဲ) နဲ့ ကိုဇော်ဇော် တို့ သွားရောက်တွေ့ဆုံ ကြိုဆိုကြပါတယ်။ လွတ်လပ်သောအာရှအသံ (Radio Free Asia) မြန်မာသတင်းဌာနမှ ဗွီဒီယို မှတ်တမ်းသတင်း
လာရောက်ရယူတာကို တွေ့ရတယ်။

ဝါရှင်တန်ရဲ့  အေးမြတဲ့ ဆောင်းရာသီဥတုက ဒီနေ့မှာ ထူးထူးကဲကဲ နွေးထွေးနေပြီး ကိုဇာဂနာ က ပြောင်နေတဲ့ သူ့ခေါင်းကို ခေါင်းစွပ်ဝတ်၊ ခေါင်းမြီးခြုံ နေရမယ်လို့ ထင်ခဲ့တာ အခုတော့ အေးဆေးပဲလို့ ပြောပြီး ဝါရှင်တန်မြို့ တော်ကြီး နဲ့ အမေရိကန်ရောက် မြန်မာမိသားစုများကို နှုတ်ဆက်လိုက်ပါကြောင်း။ မကြာခင် နှစ်ပေါင်းများစွာ ခွဲခွါခဲ့ရတဲ့ မြန်မာမိတ်ဆွေ၊ မိသားစုများနဲ့ ပြန်လည်တွေ့ဆုံရမှာကို အထူး ဝမ်းမြောက်စွာ မျှော်လင့်နေကြောင်း။

ဝါရှင်တန်မြို့ တော်တဝိုက်နေ မြန်မာမိသားစုနဲ့ ဖေဖေါ်ဝါရီလ (၄) ရက်နေ့ ညနေ စကားပြောပွဲ မတိုင်ခင် USCB နဲ့ NED တို့ စီစဉ်ထားတဲ့ အထက်/အောက်လွှတ်တော်၊ ဒီမိုကရေစီလှုံဆော်ရေးအဖွဲ့ စတဲ့ နေရာများမှာ နေစဉ်ရက်ဆက် မြန်မာ့အရေးဆိုင်ရာများကို သူတို့သုံးဖော် (three musketeers) တို့ ကနဦး ဆွေးနွေးတင်ပြသွားရမည်ဖြစ်ကြောင်း။ သက်ဆိုင်ရာ အမေရိကန်အဖွဲ့အစည်းများနဲ့ တွေ့ဆုံစကားပြော၊ ထမင်းစားပွဲတက်စတဲ့ ကိစ္စအဝဝပြီးမှ New York နဲ့ အနောက်ဘက်ခြမ်း LA, San Francisco တို့ကို ခရီးဆက်ပြီး စောင့်မျှော်နေကြတဲ့ မြန်မာတိုင်းရင်းသား မိသားစုများနဲ့ တွေ့ဆုံသွားမည်ဖြစ်ကြောင်း စကားသဝဏ်လွှာ ပါလိုက်ပါတယ်။

မိုးမခက တယ်လီဖုံးနဲ့ ဆက်သွယ်မေးမြန်းရာမှာ ယခု ဟီလတန်ဟိုတယ်မှာ တည်းနေကြောင်း၊ အမေရိကန်အင်တာနက် သုံးဖို့ကြိုးစားတာ ဟိုတယ်က တရက်ကို ၉.၉၉ ဒေါ်လာကောက်နေတဲ့ အကြောင်း ပြောပါတယ်။ မြန်မာကွန်မြူနီတီ ပေါင်းစုံနဲ့ လက်လှမ်းမီသလောက် တွေ့ဆုံသွားမယ်။ မိတ်ဆွေတွေ အားလုံး၊ ပရိသတ်တွေအားလုံးကို နှုတ်ဆက်တယ်လို့ ပြောလိုက်ပါတယ်။

(မိုးမခ မှတ်ချက် – မိုးမခရဲ့အထောက်တော်ဇာဝရီက ၀ါရှင်တန် မေရီလင်းက သတင်းရေးသားရာမှာ ခင်မင်ရင်းနှီးမှုနဲ့ ကတုံးကြီးလို့ ရေးတာဖြစ်ပါတယ်။ )

ဒလမြို့နယ် လမုပင်ကိုင်းခွဆုံ၌ ကြိုးတန်းလန်းဖြင့် လူအရိုးစုတစ်ခု တွေ့ရှိ

ဓါတ်ပုံ (Google Images)

ဒလမြို့နယ်၊ မှော်စက်ရပ်ကွက်၊ လမုတောအတွင်းတွင် ၁၉-၁-၂၀၁၂ ရက်ညနေ ၆ နာရီခန့်က လမုပင်ကိုင်းခွဆုံ၌ ကြိုးတန်းလန်းဖြင့် လူအရိုးစုတစ်ခုတွေ့ရှိရကြောင်း ရန်ကုန်တိုင်းဒေသကြီး သက်ဆိုင်ရာမှ ၂၁-၁-၂၀၁၂ ရက်က သိရသည်။

၎င်းအရိုးစုတွေ့ရှိရာနေရာသည် ရန်ကုန်မြစ်ကမ်းဘေး လူနေအိမ်များနှင့် ပေ ၃၅၀၀ ခန့်အကွာ ရှိ လမုတောအတွင်း အမြင့် ၁၅ ပေခန့်ရှိ လမုပင်ကိုင်းခွဆုံ၌ အရှည်လေးပေ၊ လုံးပတ်ငါးမူးလုံးခန့်ရှိ အစိမ်း ရောင် နိုင်လွန်ကြိုးအား ချည်လျက် ဦးခေါင်းပိုင်းမှာ ကြိုးကွင်းတွင်ကျန်ရှိနေပြီး ခန္ဓာကိုယ်အရိုးစုများမှာ မြေကြီး ပေါ်သို့ ပုံကျနေသည့် အရိုးစုတစ်ခုတွေ့ရှိရသောကြောင့် သက်ဆိုင်ရာက ရန်ကုန်ဆေးရုံကြီးသို့ ပို့အပ်ရာ ပီအာရ်-၀၂၁ ဖြင့်လက်ခံထားရှိကြောင်း သိရသည်။

အဆိုပါဖြစ်စဉ်နှင့် စပ်လျဉ်း၍ သက်ဆိုင်ရာက ဓမ္မတာအတိုင်း သေဆုံးခြင်းဟုတ်၊ မဟုတ် သိရှိ နိုင်ရန် ဒလရဲစခန်းက သေမှုသေခင်း အမှတ်စဉ် ၄/၁၂ ဖြင့် အမှုဖွင့်စစ်ဆေးလျက်ရှိကြောင်း သိရသည်။

ပြည်မြန်မာသတင်းဂျာနယ်

ကျားနှင့် ကြံ့သူတော် မြန်မာ့မြေပေါ်မှ မကြာမီ ပျောက်ကွယ်သွားနိုင်

ဓါတ်ပုံ (Google Images)

တရားဝင် ထုတ်ပြန်ထားခြင်း မရှိသေးသော်လည်း မြန်မာနိုင်ငံတွင် ကြံ့မျိုးသုဉ်း ပျောက်ကွယ်သွားပြီဟု ယူဆနိုင်ပြီး ကျားနှင့် ကြံ့သူတော်များလည်း မကြာမီ ပျောက်ကွယ်နိုင်ကြောင်း သဘာဝ ပတ်ဝန်းကျင်နှင့် သားငှက် ထိန်းသိမ်းရေးဌာန၊ ညွှန်ကြားရေးမှူးက ပြောသည်။

“ကြံ့ဆိုရင် တရားဝင် မကြေညာသော်လည်း တောထဲမှာ မျိုးသုဉ်း ပျောက်ကွယ်သွားပြီလို့ ယူဆထားပါတယ်။ ဘယ်လိုမှ သတင်းမရဘူး။ နောက်ဆုံး သတင်းကတော့ ထမံသီဘက်မှာ ကြားပြီးတော့ ပျောက်သွားပါတယ်” ဟု သဘာဝပတ်ဝန်းကျင်နှင့် သားငှက် ထိန်းသိမ်းရေးဌာန၊ ညွှန်ကြားရေးမှူးက BANCA အသင်းမှ ပြုလုပ်သည့် မုတ္တမကွေ့အား ရေတိမ်ဒေသအဖြစ် အဆိုပြု ဆွေးနွေးပွဲ အကြို သတင်းစာ ရှင်းလင်းပွဲတွင် ပြောကြားခဲ့ခြင်း ဖြစ်သည်။ ထို့အပြင် အခြားသော သတ္တဝါများလည်း တဖြည်းဖြည်းဖြင့် မြန်မာ့မြေပေါ်မှ ပျောက်ကွယ်နေကြောင်း ၎င်းက ပြောသည်။ “ကျားနဲ့ ကြံ့သူတော်တွေ အကောင်ရေ တဖြည်းဖြည်း ကျနေတယ်။ မြန်မာနိုင်ငံမှာတော့ မျိုးသုဉ်းလုနီးပါး သတ်မှတ်ထားတယ်။ တစ်ကမ္ဘာလုံးမှာတော့ မျိုးသုဉ်းရန် အန္တရာယ်ရှိတဲ့ ခြိမ်းခြောက် ခံရတဲ့ အဆင့်လောက်ပဲ သတ်မှတ်ထားတယ်” ဟု အထက်ပါ ပုဂ္ဂိုလ်က ထပ်လောင်း ပြောသည်။ မြန်မာနိုင်ငံတွင် ဇီဝမျိုးစုံ မျိုးကွဲများ အနေဖြင့် အပင်မျိုး ၁၁၈၀၀ ၊ကြိမ် ၃၇ မျိုး၊ ဝါး ၉၆ မျိုး၊ ဆေးဖက်ဝင် အပင်များ ၈၄၁ မျိုး၊ နို့တိုက်သတ္တဝါများ ၂၅၁ မျိုး၊ တွားသွား သတ္တဝါများ ၂၇၂ မျိုး၊ ကုန်းနေရေနေ သတ္တဝါများ ၈၂ မျိုး၊ ငှက် ၁၀၉၆ မျိုး၊ ပင်လယ်ငါး ၄၆၅ မျိုး ရှိသည့်အနက် အပင် ၁၃ မျိုး၊ ငါး ၁၀ မျိုး၊ တွားသွား သတ္တဝါ ငါး မျိုး၊ ငှက် ခုနစ်မျိုးနှင့် နို့တိုက်သတ္တဝါ တစ်မျိုးသည် မျိုးသုဉ်းရန် အစိုးရိမ်ရဆုံး အခြေအနေသို့ ရောက်ရှိနေကြောင်း ဇီဝမျိုးစုံမျိုးကွဲ စာရင်းများအရ သိရသည်။ ဇီဝမျိုးစုံ မျိုးကွဲများသည် နေထိုင်ကျက်စားရာ နေရာ ပျက်စီး ပျောက်ဆုံးခြင်း၊ လိုအပ်သည်ထက် ပိုမို ဖမ်းဆီး ထုတ်လုပ်ခြင်း၊ ပြင်ပမှ မျိုးစိတ်သစ် ရောက်ရှိခြင်း၊ ပတ်ဝန်းကျင် ညစ်ညမ်းမှုနှင့် အနည်ကျခြင်း၊ ရာသီဥတု ပြောင်းလဲခြင်းတို့ကြောင့် မျိုးသုဉ်း ပျောက်ကွယ်လျက်ရှိပြီး ကမ္ဘာပေါ်တွင် လွန်ခဲ့သော နှစ်သန်းပေါင်း ၂၀၀ အတွင်း ပျမ်းမျှအားဖြင့် တစ်နှစ်လျှင် မျိုးစိတ် တစ်မျိုးမှ နှစ်မျိုး မျိုးသုဉ်း ပျောက်ကွယ်လျက် ရှိကြောင်း အထူးသဖြင့် လူသားတို့၏ လုပ်ဆောင်ချက် များကြောင့် မျိုးစိတ်များ မျိုးသုဉ်း ပျောက်ကွယ်မှုမှာ သတိပြုရမည့် နှုန်းထားသို့ ရောက်ရှိနေပြီ ဖြစ်ကြောင်း ဇီဝမျိုးစုံ မျိုးကွဲ မှတ်တမ်းများအရ သိရသည်။ “မြန်မာနိုင်ငံမှာ လက်ရှိရှိနေတဲ့ တိရစ္ဆာန်မျိုးစိတ်တွေက သစ်ထုတ်လုပ်မှု လွန်ကဲတာနဲ့ ဒေသခံတွေရဲ့ အမဲလိုက်တာတွေကြောင့် မျိုးသုဉ်းမှုတွေ ဖြစ်နေရတယ်။ တချို့ ဒေသတွေမှာဆိုရင် သစ်ထုတ်လုပ်ရေးက အသံတွေကြောင့် တိရစ္ဆာန်တွေ ထွက်ပြေး သွားကြတာလည်း ရှိတယ်။ သစ်တော ပြုန်းတီးလာတော့ တိရစ္ဆာန်တွေ နေစရာ မရှိ ဖြစ်လာတယ်” ဟု ဇီဝမျိုးစုံ မျိုးကွဲထိန်းသိမ်းရေး ကျွမ်းကျင်သူ တစ်ဦးက သုံးသပ်ပြောသည်။
ရတနာပုံ

မီဒီယာ ခေတ်ပြောင်းချိန်ရောက်ပြီလား

ထက်အာင်ကျော် (၃၁-၀၁-၂၀၁၂)

ဒေါ်အောင်ဆန်းစုကြည်ရဲ့ ထားဝယ်ဒေသ စည်းရုံးရေးခရီးစဉ်အပေါ် သတင်းဌာနအသီးသီးရဲ့ သတင်းတင်ပြပုံတွေကိုကြည့်ရင်း နားထောင်ရင်းနဲ့ လွန်ခဲ့တဲ့ ၁၀-နှစ်နီးပါးခန့်က ကျနော်တို့ တင်ပြခဲ့ဖူး တဲ့ ဒီပဲယင်းခရီးစဉ်တင်ပြပုံနဲ့ အတော်ကွာခြားသွားပီဆိုတာကို သတိထားလိုက် မိပါတယ်။

၂၀၀၃ မေလ ဒီပဲယင်းခရီးစဉ်တုန်းကဆိုရင် ဒေါ်အောင်ဆန်းစုကြည်နဲ့အဖွဲ့ ဘယ်နေ့ ဘယ်ကို သွားမယ်။ ဘယ်နေရာမှ ဟောပြောပွဲလုပ်မယ်။ ဒေသခံလူထုအခြေနေက ဘယ်လိုရှိတယ် စသဖြင့် ကြို သိနိုင်ဖို့ တယ်လီဖုန်းကိုဘဲ့အားကိုးပီး တချိန်လုံးဆက်နေရပါတယ်။ နော်ဝေး ကနေ မြန်မာနိုင်ငံဆီဖုန်းခေါ်ရ တာကလဲ ခက်သလားမမေးနဲ့။ ဆယ်ခါခေါ် တခါလောက်ဘဲ့ ၀င်ပီး ဈေးကလဲ အင်မတန်ကြီးပါတယ်။

အဲဒီလိုခဲရာခဲဆစ်မေးထားရတဲ့သတင်းတွေကို ည ၈-နာရီ ၉-နာရီဝန်းကျင်မှာ ကျနော်တို့ ပြည် ပအခြေစိုက် ရေဒီယိုတွေက ပြန်လွင့်တော့မှ တပြည်လုံးက လူထုက သိခွင့်ရတဲ့အခြေနေ မျီုးပါ။ တယ် လီဖုန်းဆက်လို့မရတဲ့နေ့ဆိုရင် ကျနော်တို့လဲ ဘာမှကိုလွင့်စရာမရှိတော့ သလိုဖြစ်နေတတ်ပါတယ်။

ဒါပေမဲ့ အခုတော့ သတင်းလိုက်ရတာက ဒီပဲယင်းခေတ်ကလိုမဟုတ်တော့။ တယ်လီဖုန်းခ ကုန်စရာမလိုဘဲနဲ့ ဒေါ်အောင်ဆန်းစုကြည်နဲ့အဖွဲ့ ဘယ်နေ့ ထားဝယ်ကိုရောက်မယ်။ ဘယ်နေရာတွေ ကိုသွားမယ်။ ဒေသခံလူထုက ကြိုဆိုဖို့ဘယ်လိုပြင်ဆင်နေတယ် ဆိုတဲ့သတင်းတွေ။ အထူးသဖြင့် ဓါတ်ပုံ တွေကို Face book မှာ မီနစ်ပိုင်းအလိုက် တက်လာနေတာကို တွေ့နေရပါတယ်။

နည်းပညာက မီဒီယာကို ခေတ်ပြောင်းစေသလား

ဒီမေးခွန်းက မေးစရမလိုလောက်အောင် ရှင်းနေတဲ့မေးခွန်းဖြစ်နေပါလိမ့်မယ်။ ဘာကြောင့်လဲ ဆိုရင် ဒီပဲယင်းခေတ်နဲ့ ဒီနေ့ခေတ် သတင်းတင်ပြပုံကွာတဲ့ အပြင် ၂၀၀၇-ရွေဝါရောင် တော်လှန်ရေးကာ လနဲ့ ဒီနေ့ကာလ ကြားမှာတောင် သတင်းတင်ပြပုံတွေ က အတော်ကွာခြားသွားလို့ဖြစ်ပါတယ်။

၂၀၀၇ ၀န်းကျင်က မြန်မာနိုင်ငံမှာ အင်တာနက်ဖွင့်ပေးကာစဖြစ်ပီး သတင်းဓါတ်ပုံတွေ အင်တာနက်ပေါ်တင် ရင် အီလက်ထရောနစ်ပုဒ်မတွေနဲ့ ဖမ်းဆီးထောင်ချနေဆဲဖြစ်ပါတယ်။ အီးမေးလ်ပိုမှုနဲ့ ထောင်ဒဏ် ၆၅-နှစ်စီကျသွားခဲ့တဲ့ မင်းကိုနိုင် အပါဝင် ၈၈-မျိုးဆက်ကျောင်း သားတွေ။ ဘလော့ဂါ နေဘုန်းလတ်လို ပုဂိုလ်တွေကိုကြည့်ရင် သိသာနိုင်ပါတယ်။

ဒါပေမဲ့ အခုတော့ အခြေနေက ဒီလိုမဟုတ်တော့။ အီလက်ထရောနစ်ပုဒ်မနဲ့ ဖမ်းဆီးခံရသူတွေ အပါဝင် နိုင်ငံရေးအကျဉ်းသားအားလုံးနီးပါးကို ပြန်လွတ်ပေးထားတဲ့အချိန်။ အင်တာနက်တွေကို အ ယင်လိုသိပ်မထိမ်းချုပ်ဘဲ အတိုင်းတာတခုအထိ လွတ်ပေးထားတဲ့အချိန်ဆိုတော့ အင်တာနက်သုံးသူ တွေဟာ ကြောက်ရွံ့စရာမလိုဘဲ အမည်ရင်းတွေနဲ့ကို Face book ပေါ် ပေါ်တင် တင်နေကြတာဟာ တ ကယ့်အားရစရာ အပြောင်းလဲတခုအဖြစ် ကျနော်မြင်မိပါတယ်။

ဒါက Social media အပိုင်းပါ။ ဂျာနယ်တွေကိုကြည့်မယ်ဆိုရင်လဲ ၂၀၀၃။ ၂၀၀၇ နဲ့ အခု ၂၀၁၂ အကြား လုံးဝ ပြောင်းလဲသွားတာကို တွေ့ရပါတယ်။ ၂၀၀၃ ဒီပဲယင်းဖြစ်စဉ်တုန်းကဆိုရင် ဘယ် ဂျာနယ်ကမှ မရေးရဲတဲ့အပြင် ရေးခွင့်လဲမရှိပါဘူး။ ၂၀၀၇ မှာလဲ အလားတူ ခပ်ဆင်ဆင်ပါဘဲ့။ ထူးထူး ခြားခြား ဂျာနယ်တွေရဲ့အခန်းကန်ဒကို ကျနော်မတွေ့မိပါဘူး။

ဒါပေမဲ့ အခု ၂၀၁၁ နှောင်းပိုင်း နိုင်ငံရေး အကျဉ်းသားတွေလွတ်ပေးတဲ့သတင်းကနေစ ဂျာနယ်တွေရဲ့အခန်းကန်ဒ အတော်အရေးပါလာပီး သူတို့ရဲ့ အင်တာနက် ၀က်ဆိုက်ပေါ်မှာ ထူးခြားသတင်းတွေကို မီနစ်ပိုင်းအလိုက်ဖေါ်ပြလာနိုင်တာဟာ ဒီနေ ဂျာနယ်မီဒီယာခေါတ်ရဲ့ထူးခြားမှုဖြစ်ပါတယ်။

ပြည်ပမီဒီယာတွေကိုကြည့်မယ်ဆိုရင်လဲ ၂၀၀၃ ဒီပဲယင်းခေါတ်ကနဲ့ ဘာမှမဆိုင်တော့။ တယ် လီဖုန်းအခြေခံ မီဒီယာကနေ သတင်းထောက်ကိုယ်တိုင် ကွင်းဆင်းပေးပို့တဲ့သတင်းတွေအဖြစ်သို့ အ သွင်ပြောင်းလာနိုင်ခဲ့ပါတယ်။ နည်းပညာပိုင်းပြောင်းလဲမှုရဲ့ နောက်ထပ်ထူးခြားချက်ကတော့ DVB, VOA, RFA TV တွေပေါ်လာတဲ့အချက်ဖြစ်ပါတယ်။ ဒါဟာ လွန်ခဲ့တဲ့ ၁၀-နှစ်ဝန်းကျင် ၂၀၀၃- ဒီပဲယင်း ကာလတုန်းက ဘယ်လိုမှမဖြစ်နိုင်ဘူးလို့ ထင်ထားတဲ့အရာတွေဖြစ်ပါတယ်။

နိုင်ငံရေးအမြင်။ သဘောတရားအယူအဆအပြောင်းအလဲနဲ့ မီဒီယာ

ဒေါ်အောင်ဆန်းစုကြည်ရဲ့ ထားဝယ်ဒေသခရီးစဉ် သတင်းတင်ပြပုံ အပြောင်းလဲနဲ့ပါတ်သက်ပီး ကျနော်စဉ်းစားနေစဉ်မှာ တိုက်ဆိုင်စွာထွက်ပေါ်လာတဲ့သတင်းတပုဒ်ကတော့ ပြည်ပက မီဒီယာသမား တွေပါ ပါဝင်တဲ့ မီဒီယာ စီမီနာကြီးတခု ရန်ကုန်မှာ ကျင်းပနေတယ်ဆိုတဲ့သတင်းပါ။

ဒီ စီမီနာ ဘယ် လောက်အလုပ်ဖြစ်မလဲဆိုပီး စောဒကတက်သူတွေရှိကောင်းရှိနေ နိုင်ပေမဲ့ ပြည်ပမီဒီယာနဲ့ ပြည်တွင်း မီဒီယာသမားတွေ။ အစိုးရအရာရှိတွေအပါဝင် အားလုံးစားပွဲတခုတည်းထိုင်ပီး မီဒီယာအကြောင်း ဆွေးနွေးနိုင်တာကိုက မီဒီယာ ခေတ် အပြောင်းလဲတခုအဖြစ် ကျနော်က မြင်ပါတယ်။

"ပြည်ပအားကိုး ပုဆိန်ရိုး အဆိုးမြင်ဝါဒီများအား ဆန့်ကျင်ကြ"
"BBC, VOA ရန်တိုက်ပေးနေသည်။"
"RFA, DVB သွေးထိုးနေသည်။"
"ခလောက်ဆံ အကောက်ကြံ။ လေလှိုင်းသံ လူသတ်သမား။ နားမယောင်လေနဲ့ သတိထား"

ဆိုတဲ့ ကြွေးကြော်သံတွေကို နေ့စဉ်ထုတ် အစိုးရသတင်းစာနောက်ကျောဖုံးကနေ ဖယ်ပီးလို့ သိပ်မကြာ သေး ခင်မှာ အဲဒီသတင်းဌာနက ဌာနမှုးတွေကိုယ်တိုင် ရန်ကုန်က မီဒီယာ စီမီနာမှာ အစိုးရပြန်ကြားရေး အရာရှိတွေနဲ့ စကားတခုတည်းထိုင်ပီး ဆွေးနွေးနေတယ်ဆိုတာဟာ လွန်ခဲ့တဲ့ လပိုင်းတွေအထိ ဘယ် လိုမှ မဖြစ်နိုင်ဘူးလို့ ထင်ထားတဲ့အရာတွေဖြစ်ပါတယ်။

ဒါဟာ လက်ရှိအစိုးရအပါဝင် နိုင်ငံရေးနယ်ပယ်အသီးသီးမှာပါဝင်ပါတ်သက်နေသူတွေရဲ့ နိုင်ငံ ရေးအမြင်။ သဘောတရားအမြင်တွေပြောင်းလဲလာတာကြောင့်လို့ ကျနော်ကမြင်ပါတယ်။ လက်ရှိ အစိုးရကသွားနေတဲ့ လွတ်တော်အခင်းအကျင်းသစ်။ နိုင်ငံရေးပါတီတွေနဲ့ဆက်ဆံမှုပုံစံသစ်။ လူမျိုးစု လက်နက်ကိုင်အဖွဲ့တွေနဲ့ဆွေးနွေးမှုပုံစံသစ်။ နိုင်ငံတကာဆက်ဆံရေးပုံစံသစ်တွေပြောင်းလာရာကနေ Sate Holder တွေရဲ့ စဉ်းစားပုံတွေ။ Mindset တွေ။ သဘောတရားခံယူချက်တွေပြောင်းလဲလာတယ် လို့ ယူဆမိပါတယ်။

ဆရာကြီး ဒဂုံတာရာရဲ့ စကားလုံးကို ငှားသုံးရမယ်ဆိုရင်တော့ "ရန်သူမရှိ မိတ်ဆွေသာရှိ။ နိုင်ငံ ရေးလုပ်တယ်ဆိုတာ ရန်သူကိုမိတ်ဆွေဖြစ်အောင် လုပ်ခြင်းဖြစ်တယ်" ဆိုတဲ့ ဒသာနသစ်ကို မြန်မာနိုင် ငံသားတွေလက်ခံလာတဲ့သဘော။ အမြင်မတူ တို့ရန်သူဆိုပြီး နှစ် ၆၀။ နှစ် ၄၀။ နှစ် ၂၀- တိုက်လာတာ တွေကိုရပ်တန့်ပီး အချင်းချင်း ပူးပေါင်းဆောင်ရွက်နိုင်မှ ငါတို့တိုင်းပြည်နဲ့လူမျိုး သူများတိုင်းပြည်တွေ သူများနိုင်ငံတွေနောက် အမှိလိုက်နိုင်လိမ့်မယ်လို့ အမြင်မှန်ရလာတဲ့သဘောလို့ ကျနော်က မြင်မိပါ တယ်။

အရေတွက်မှ အရည်ချင်းသို့ မီဒီယာသမားတွေကိုယ်တိုင်ပြောင်းလဲရေး

နည်းပညာအရအပြောင်းအလဲ။ သဘောတရားအရ အပြောင်းလဲတွေပီးတဲ့အခါမှာတော့ မီဒီ ယာ သမားတွေကိုယ်တိုင်အပြောင်းအလဲလုပ်ဖို့လိုနေပီဆိုတာကို ဆွေးနွေးချင်ပါတယ်။ ဆိုလိုတာက တော့ ၂၀၀၃ ဒီပဲယင်းခေါတ်ကလို တယ်လီဖုန်းဆက်မရလို့။ တယ်လီဖုန်းလိုင်းမကြည်လို့ "သီးခံပါခင် ဗျား" ဆိုပီး ကျနော်တို့ ဆက်လက် ဆင်ခြေပေးနေလို့မရတော့။ "ဒီသတင်းနဲ့ပါတ်သက်ပီး အစိုးရတာ ၀န်ရှိသူတွေကို ဆက်သွယ်မေးမြန်းခဲ့ပေမဲ့ ပြန်လည်ဖြေကြားခြင်းမရှိပါဘူးခင်ဗျား" ဆိုပီးလဲ ကျနော်တို့ ဆက်လက် ဆင်ခြေပေးမနေသင့်တော့ပါ။

နောက်တခါ ၂၀၀၇ ရွေဝါရောင်တော်လှန်ရေးခေါတ် ကလို လုံခြုံရေးအကြောင်းပြပီး "လုံခြုံရေး အခြေနေအရ ပုံတွေကိုခိုးရိုက်ရလို့ တုန်-မှုန်ခြင်း သီးခံပါခင်ဗျား" ဆိုပီး ကျနော်တို့ ဆက်လက် ဆင် ခြေပေးနေရင်လဲ ပရိတ်သတ်က လက်ခံမှာမဟုတ်တော့။ အင်တာနက်နှေးလို့ပါလို့ အကြောင်းပြပီး ကိုယ်သတင်းထောက်ဆီကပုံမရဘဲ့ Face book ပေါ်က ပုံတွေချည်းစွတ်တင်ပြသနေတာမျိုးကိုလဲ ပရိ သတ်က လက်ခံမှာမဟုတ်တော့။ ကျနော်တို့အားလုံး သတင်းထောက်ပီပီ ကွင်းထဲဆင်းပီး အလုပ်လုပ် ကြ ရပါတော့မယ်။

ပြည်တွင်း ပြည်ပ ဝေးကွာမှု။ ဆက်သွယ်ရေးအားနဲမှု။ နည်းပညာအားနဲမှု။ လုံခြုံရေးစိတ်မချရမှု စသဖြင့် စသဖြင့် အယင်ကရှိခဲ့ဖူးတဲ့ အကန့်အသတ်တွေကို ကျနော်တို့ ကျော်ဖြတ်ဖို့အချိန်ရောက်နေပါ ပီ။ ဒီအတွက် ကျနော်တို့ မီဒီယာ သမားတွေအားလုံး အလုပ်ကျိုးစားရပါလိမ့်မယ်။

တနာရီစာ သတင်းပြည့်ရေး။ နာရီဝက်စာ သတင်းပြည့်ရေးကို ဦးစားပေးခဲ့တဲ့ ခေတ်က နေ အဲ ဒီတနာရီစာလွင့်တဲ့သတင်းတွေက ပရိတ်သတ်အတွက် ဘယ်လောက်အကျိုးရှိနိုင်သလဲ။ လွင့်တဲ့သ တင်းတွေအားလုံး စံချိန-စံညွန်းမှီရဲ့လား။ သတင်းကျင့်ဝတ်နဲ့ညီရဲ့လား။ စသဖြင့် အရေတွက်ခေတ်က အရည်ချင်းခေတ်ကို ကျနော်တို့ပြောင်းရပါလိမ့်မယ်။ တက်လှမ်းရပါလိမ့်မယ်။ အိမ်နီးချင်း ထိုင်းနိုင်ငံက လွတ်လပ်တဲ့ မီဒီယာတွေလိုမျီုးဖြစ်လာအောင် ကျနော်တို့ မီဒီယာသမားတွေ ကြိုးစားရပါလိမ့်မယ်။ နိုင် ငံတကာနဲ့ယှဉ်နိုင်တဲ့သတင်းတင်ပြမှုတွေဖြစ်လာအောင် ကျနော်တို့ ကျိုးစားရပါလိမ့်မယ်။

ဒါတွေ ဒါတွေဟာ ဒီနေ့ပြောင်းလဲဖြစ်ပေါ်နေတဲ့ မီဒီယာ ရေစီးကြောင်းအပေါ် ရှုမြင်ချက်ဖြစ်ပါ တယ်။ တချိန်တည်းမှာဘဲ့ လက်ရှိတိုးတက်ဖြစ်ထွန်းနေတဲ့ နိုင်ငံရေးလမ်းကြောင်းကနေ နောက်ပြန်ကျ မသွားအောင်။ လူသုံးများနေတဲ့စကားလုံအရဆိုရင်တော့ "နောက်ပြန်ဆုတ်လို့မရတော့တဲ့ ခိုင်မာတဲ့ အ ပြောင်းလဲ" ဖြစ်သွားအောင် ကျနော်တို့အားလုံး ၀ိုင်းဝန်းကျိုးပန်းဖို့ အချိန်ရောက်နေပီဖြစ်ကြောင်း တင် ပြလိုက်ရပါတယ်။

နိုင်ငံတော်အသုံးစရိတ်အဆိုပြုချက် လွှတ်တော်မှာ တင်သွင်း

မြန်မာနိုင်ငံမှာ စုစုပေါင်း နိုင်ငံခြားကြွေးမြီစာရင်း ဒေါ်လာသန်းပေါင်း တသောင်းနှစ်ထောင်ကျော် တင်ရှိနေပြီး၊ နိုင်ငံခြားအရန်ငွေ ဒေါ်လာသန်းပေါင်း ၇ထောင်ကျော်ရှိတယ်လို့ အစိုးရကိန်းဂဏန်းတွေမှာ ဖော်ပြလိုက်ပါတယ်။ လွှတ်တော် တတိယပုံမှန်အစည်းအဝေးတွေ ကျင်းပနေရာမှာ ဒီကနေ့ ပြည်ထောင်စု လွှတ်တော်အစည်းအဝေး ခေါ်ယူပြီး၊ ၁၉၈၈ မတိုင်ခင်နဲ့ ၁၉၈၈ ခုနှစ်နောက်ပိုင်း နိုင်ငံတော်မှာ တင်ကျန် နေတဲ့ နိုင်ငံခြားကြွေးမြီစာရင်းကို လွှတ်တော်ကိုယ်စားလှယ်တွေကို တင်သွင်းသွားတာဖြစ်ပါတယ်။ ဒီကနေ့ ပြည်ထောင်စုလွှတ်တော်အတွင်းက နိုင်ငံတော်ဘဏ္ဍာငွေနဲ့ပတ်သက်ပြီး ကိုယ်စားလှယ်တွေကို အသိပေးတင်သွင်းထားတာတွေကို ကိုသားညွန့်ဦးက စုံစမ်းမေးမြန်းထားပါတယ်။
နိုင်ငံတော်မှာ တင်ရှိနေတဲ့ နိုင်ငံခြားကြွေးမြီပမာဏ၊ နိုင်ငံတော်မှာရှိတဲ့ နိုင်ငံခြားအရန်ငွေပမာဏာနဲ့ ဘတ်ဂျက်အသုံးစရိတ် အဆိုပြုချက်မူကြမ်းတွေကို ဒီကနေ့ ပြည်ထောင်စုလွှတ်တော်အစည်းအဝေးကို တင်သွင်းခဲ့ပြီး၊ ဆွေးနွေးတဲ့အဆင့်တော့ မရောက်သေးပါဘူး။
အခု လွှတ်တော် တတိယပုံမှန်အစည်းအဝေးမှာ နိုင်ငံတော်ဘတ်ဂျက်ကိစ္စကို အဓိကထား ဆွေးနွေးမှာမို့လို့လည်း ဖွဲ့စည်းပုံအရ နိုင်ငံတော်ဘတ်ဂျက်ကိစ္စမှာ အဆုံးအဖြတ်ပေးရမယ့် ပြည်ထောင်စုလွှတ်တော်ရဲ့ အခန်းကဏ္ဍက အခု လွှတ်တော်အစည်းအဝေးတွေမှာ ပို အရေးကြီး နေပါတယ်။ ဒီကနေ့ တင်ပြချက်အရ မြန်မာနိုင်ငံရဲ့ စုစုပေါင်း နိုင်ငံခြားကြွေးမြီစာရင်းဟာ ဒေါ်လာသန်းပေါင်း တသောင်းနှစ်ထောင်ကျော်ရှိတယ်လို့ ပြည်ထောင်စုလွှတ်တော်ကိုယ်စားလှယ် တဦးဖြစ်တဲ့ ရခိုင်ပြည်နယ် အမျိုးသားလွှတ်တော်အမတ် ဦးအေးမောင်က ဗွီအိုအေကို ပြောပါတယ်။
“ ၈၈ မတိုင်ခင်က ကြွေးမြီပေါင်း အမေရိကန်ဒေါ်လာသန်း ၈၄၀၈.၃၄၈ ရှိတယ်ဗျ။ အဲဒီထဲမှာ ဂျပန်က အများဆုံး၊ ၆၃၈၈.၃၂၀ သန်း နဲ့ ဒုတိယအများဆုံးက IDA ချေးငွေက ၈၀၁.၅၉၁ ပါ။ ဂျာမနီက ၅၈၁.၇၂၈။ ADP ကတော့ ၃၅၆.၉၃၅။ နောက်များတာက နော်ဝေးက ၃၇.၁၂၆။ သြစတြီးယားက ၃၀.၀၂၇၊ အင်္ဂလန်က ၃၆.၅၅၂။ အီတလီကတော့ ၆.၁၉၀ ပါ။ စုစုပေါင်း ၈၄၀၈.၃၄၈ သန်းက ၈၈မတိုင်ခင်ကပါ။”
“၈၈ နောက်ပိုင်းမှာ ချေးတဲ့ ပိုက်ဆံက ဒေါ်လာ ၂၆၁၄.၉၅၀ သန်းရှိတယ်။ အဲဒီမှာ အများဆုံးက တရုတ်နိုင်ငံက ချေးတာပါ။ ၂၁၃၈.၇၄၄ သန်းရှိတယ်။ နောက် ဒုတိယလိုက်တာက မလေးရှားပါ။ သန်း ၁၅၀ ရှိတယ်။ အိန္ဒိယကတော့ ၁၁၀.၃၈၉ သန်း ရှိပါတယ်။ စုစုပေါင်းလိုက်ရင် အမေရိကန်ဒေါ်လာ သန်းပေါင်း ၁၁၀၂၃. ၂၉၈ သန်း ချေးငွေနှစ်ရပ်အတွက် ပေးဆပ်ဖို့ အကြွေးရှိပါတယ်။ တဆက်တည်းမှာလည်း Foreign Reserve ဘယ်လောက်ရှိလဲဆိုတာလည်း သူတို့ ပြောသွားပါတယ်။ စုစုပေါင်း ၇၁၉၆.၄၅၄သန်း ရှိတယ်တဲ့။ ရှိတာအကုန်ဆပ်ရင် ၄၀၀လောက်တော့ ကျန်မှာပေါ့။”
နိုင်ငံခြားကြွေးမြီတွေနဲ့ပတ်သက်လို့တော့ ဂျပန်နဲ့အီတလီအစိုးရပိုင်းတွေကို ကြွေးမြီလျော့ပေါ့ပေးရေးကိစ္စ ဆွေးနွေးထားတယ်လို့ သိရတဲ့အကြောင်း ဦးအေးမောင်က ရှင်းပြပါတယ်။ အခုလို နိုင်ငံခြားကြွေးမြီ စာရင်းကို လွှတ်တော်ကိုယ်စားလှယ်တွေကို အသိပေးတာ ဒါ ပထမဆုံးအကြိမ်ဖြစ်တာမို့၊ မြန်မာလူထုအနေနဲ့ ဒါဟာ တရားဝင် ပထမဆုံးသိခွင့်ရတာလို့ ပြောနိုင်ပါတယ်။
ပြည်ထောင်စုလွှတ်တော်ကိုယ်စားလှယ်တွေကို တင်ပြတဲ့အထဲ အခုနှစ် ၂၀၁၁-၂၀၁၂ ဘဏ္ဍာရေးလိုအပ်ချက်ထပ်တိုးအဆိုပြုချက်မူကြမ်း၊ ၂၀၁၂-၂၀၁၃ နိုင်ငံတော်ဘတ်ဂျက်အဆိုမူကြမ်းတွေကိုလည်း တင်သွင်းခဲ့ပါတယ်။ ၀န်ကြီးဌာနအလိုက် အသုံးပြုမယ့်၊ အသုံးပြုခဲ့တဲ့ စာရင်းဇယားအသေးစိတ်တွေကို တင်သွင်းထားပြီး ဒီအပေါ်မှာတော့ သူတို့အနေနဲ့ ဆွေးနွေးစရာတွေရှိမယ်လို့ ဦးအေးမောင်က ပြောပါတယ်။
၂၀၁၁-၂၀၁၂ ဘတ်ဂျတ်မူကြမ်းအဆိုကို လာမယ့်ဖေဖ၀ါရီလ ၆ ရက်နေ့မှာ ဆွေးနွေးမှာဖြစ်ပြီး၊ ၁၀ရက်နေ့မှာ ၀န်ကြီးဌာနတခုချင်းအလိုက် အသုံးစရိတ်တွေကို ဆွေးနွေးဖို့ရှိပါတယ်။ ၂၀၁၂-၂၀၁၃ ဘတ်ဂျက်မူကြမ်းအဆိုကိုတော့ ဖေဖ၀ါရီလ ၁၇ ရက်နေ့မှာ ဆွေးနွေးကြမှာဖြစ်ပါတယ်။ ဘတ်ဂျက် အဆိုပြုချက်တွေထဲမှာ ကာကွယ်ရေးဝန်ကြီးဌာန အသုံးစရိတ်အဆိုပြုချက်က အများဆုံး ဖြစ်ပါတယ်။ ဒါတောင်မှ အရင်အသုံးစရိတ်ထက် လျှော့သွားတာတယ်။ ဒါပေမယ့်လည်း အခြားအရပ်ဖက်ဝန်ကြီးဌာနအောက် အသုံးစရိတ်တွေကတဆင့်၊ ကာကွယ်ရေးနဲ့ဆိုင်တဲ့ အသုံးစရိတ်တွေဆီကို သွားမယ့် အခြေအနေကိုတော့ ရှင်းလင်းကွဲပြားအောင်လုပ်ရလိမ့်မယ်လို့ ပြည်ထောင်စုလွှတ်တော်ကိုယ်စားလှယ် ဦးအေးမောင်က ပြောပါတယ်။
“ တခုပဲ ရှိတယ်။ ကာကွယ်ရေးအသုံးစရိတ်နဲ့ ပတ်သက်လို့ ။ ခုကာလမှာ ၀န်ကြီးဌာနတွေ နှစ်ခုလောက် ရှိတယ်။ ဥပမာ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနဆိုတာ ပေါ်လာတယ်။ ဥပမာ သိပ္ပံနဲ့ နည်းပညာဝန်ကြီးဌာနရှိတယ်။ သူ့ရဲ့ အောက်မှာ Atomic Energy နဲ့ ပတ်သက်တဲ့ ဌာနလေးရှိတယ်။ ခုနပြောသလို သိပ္ပံနဲ့ နည်းပညာဝန်ကြီးဌာနအောက်မှာ ရှိသလို နယ်စပ်ဒေသ၀န်ကြီးဌာန အောက် မှာလည်း တချို့အသုံးစရိတ်တွေ ရှိပါတယ်။ အဲသလိုပဲ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနရဲ့ ကြီးမားကျယ်ပြန့်တဲ့ Project ကြီးတွေ ရှိတယ်။ အဲဒီမှာ ရုရှကလာတဲ့ တပ်မတော်ဘက်က ပုဂ္ဂိုလ်တွေလည်း အငြိမ်းစားပြီးကာမှ ၀င်ကောင်းဝင်နိုင်တယ်။ အဲတော့ အရပ်ဘက်အဖွဲ့အစည်းဖြစ်တဲ့ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနနဲ့ တပ်မတော်ပိုင်းနဲ့ ပြန်ပြီးချိတ်ဆက်မှု ရှိမရှိဆိုတာ ကျွန်တော်တို့ မသိဘူး။ မရှိအောင် ထိန်းကွပ်ပေးဖို့ရယ်၊ သူ့လိုင်းနဲ့သူ သွားပြီး ဘတ်ဂျက်ကို သုံးနိုင်အောင် လုပ်ဖို့ရယ်ကတော့ ကျွန်တော်တို့မှာ တာဝန်အများကြီး ရှိလာပါလိမ့်မယ်။ ခုမှလည်း ကာကွယ်ရေးဝန်ကြီးဌာနရဲ့ ဖြန့်ခွဲတဲ့ ရာခိုင်နှုန်းကို တွေ့တာကိုး။ ပြီးခဲ့တဲ့နှစ်က ဘတ်ဂျက်စုစုပေါင်း ၂၀% လောက်တော့ သုံးမယ်ထင်တယ်။ အခုကတော့ ၁၅%လောက်သုံးထားတာအကြမ်းတွေ့တယ်။ ကောလဟလဖြစ်နေတာကတော့ ရာခိုင်နှုန်း တ၀က်လောက်သုံးတယ်ပေါ့”
တကယ်တော့ နိုင်ငံတော်ဘဏ္ဍာငွေ ဘယ်လောက်ရှိတယ်၊ ဘယ်လို ခွဲဝေသုံးစွဲသွားမယ်ဆိုတာကို လူသိရှင်ကြား အသိပေး ဆွေးနွေးကြမယ့်ကိစ္စဟာ၊ ဆယ်စုနှစ်တွေအတွင်း ဒါဟာ ပထမဆုံးအကြိမ်လို့ ပြောနိုင်ပါတယ်။ အစိုးရအဖွဲ့နဲ့ ၀န်ကြီးဌာနတွေရဲ့ အဆိုပြုချက်တွေကို နိုင်ငံတော်ဘဏ္ဍာငွေ ခွဲဝေသုံးစွဲတဲ့ နေရာမှာ ပြည်သူလူထုအတွက် အကျိုးဘယ်လောက်ရှိမလဲဆိုတာတွေကို စီစစ်ပြီး ထောက်ခံ အကြံပြု ပြောင်းလဲသုံးစွဲမှုတွေကို ကြိုးစားလုပ်သွားမယ်ဆိုပြီးတော့လည်း ပြည်သူ့လွှတ်တော် ဥက္ကဋ္ဌ သူရဦးရွှေမန်းကတော့ လွှတ်တော် တတိယပုံမှန်အစည်းအဝေး ဖွင့်ပွဲမှာ ပြောသွားခဲ့ပါတယ်။

တရုတ်တောင်ပိုင်း မြစ်ရေ ဓာတုအဆိပ်သင့်မှု လူ ခုနစ်ဦးကို ဖမ်းဆီး

တရုတ်ပြည်တောင်ပိုင်းက မြစ်တစ်မြစ်ထဲမှာ စက်မှုလုပ်ငန်းတွေက အဆိပ်သင့် ဓာတုပစ္စည်း Cadmium စီးဝင်ခဲ့တာကြောင့် တာဝန်ရှိတဲ့ ကုမ္ပဏီတွေက အလုပ်အမှုဆောင် အရာရှိ ၇ ယောက်ကို ဖမ်းဆီးလိုက်တယ်လို့ တရုတ်က ပြောပါတယ်။ ခု ဖြစ်ရပ်ကြောင့် ဒေသခံ ပြည်သူ သန်းပေါင်းများစွာ အနေနဲ့ ရေသုံးစွဲမှု အန္တရာယ် ကြုံတွေ့နေရပါတယ်။
Liujiang မြစ်အတွင်း မှာ ဓာတုပစ္စည်း အဆိပ်သင့်တဲ့အတွက် ငါးတွေ သေကြတယ်လို့ တရုတ်နိုင်ငံ အစိုးရမီဒီယာတွေက သတင်းရေးသားခဲ့ကြပြီးတဲ့နောက် ၂ ပတ် အကြာ Guangxi ဒေသမှာ ခုလို ဖမ်းဆီးလိုက်တာပါ။
မြစ်ကြောင်းတလျှောက် မိုင် ၆၀ လောက် အဆိပ်သင့်စေခဲ့တဲ့ ဓာတုပစ္စည်းနဲ့ ပတ်သက်တဲ့ သတင်းအချက်အလက် အသေးစိတ်ကိုတော့ အာဏာပိုင်တွေက မထုတ်ပြန်ခဲ့ပါဘူး။
ခုလို အဆိပ်သင့်ခဲ့တာကြောင့် ဒေသခံတွေဟာ ရေပုလင်း၊ ရေဗူးတွေကို ထိတ်လန့်တကြား ၀ယ်ယူကြရတဲ့အဖြစ် ရောက်ခဲ့ရပါတယ်။ အဖမ်းခံလိုက်ရတဲ့ သူ ၇ ယောက်လုံး ဟာ Guangxi ဒေသ ဓာတုကုမ္ပဏီက တာဝန်ရှိသူတွေ ဖြစ်တယ်လို့ တရုတ်နေ့စဉ် သတင်းစာက အင်္ဂါနေ့က ဆိုပါတယ်။
ဓာတု ပစ္စည်း Cadmium ကို ဘက်ထရီတွေ လုပ်ရာမှာ အသုံးပြုပါတယ်။
အခြေအနေကို ထိန်းနိုင်ပြီလို့ တာဝန်ရှိသူတွေက ပြောပါတယ်။ ဒါပေမဲ့ ရေမှာ cadmium ဓာတု ပစ္စည်း ပါဝင်မှုက ဒေသခံ ရေအားလျှပ်စစ် စက်ရုံနားမှာရှိတဲ့ ရေလှောင်ကန်ရဲ့ အောက်ပိုင်း မြစ်ရေမှာ ၂၅ ဆ မြင့်မားနေမြဲ ဖြစ်နေပါတယ်။ ဓာတုပစ္စည်းပါဝင်မှုကို အဲဒီ ရေလှောင်ကန်မှာ စတွေ့ခဲ့တာပါ။

အမေရိကန်မြေပေါ်တွင် အီရန်တိုက်ခိုက်နိုင်ခြေ ပိုတိုးလာ

By ဗွီအိုအေ(မြန်မာဌာန)

အမေရိကန် မြေပေါ်မှာ အီရန် က တိုက်ခိုက်လာနိုင်ခြေ တိုးများလာနေတယ်လို့ အမေရိကန် ထောက်လှမ်းရေး အကြီးအကဲက ပြောလိုက်ပါတယ်။
အမေရိကန် အထက်လွှတ်တော် ထောက်လှမ်းရေး ကော်မီတီရဲ့ရှေ့မှောက်မှာ ကမ္ဘာတ၀ှမ်းက အမေရိကန် အမျိုးသား လုံခြုံရေးအပေါ် ခြိမ်းခြောက်လာနိုင်မယ့် အခြေအနေကို အစစ်ခံရာမှာ အမေရိကန်အမျိုးသား ထောက်လှမ်းရေး ညွှန်ကြားရေးမှူး James Clapper နှစ်စဉ် လုပ်နေကျ အကဲဖြတ်ချက်ကို တင်ပြသွားတာပါ။
ဆွေးနွေးချက်မှာ အီရန်က ထိပ်ဆုံးက ပါနေပါတယ်။
အမေရိကန်က အီရန်ကို ခြိမ်းခြောက်လာတယ်လို့ အီရန်က ယူဆရင် အမေရိကန်ကို တိုက်ခိုက်ဖို့ အီရန်ခေါင်းဆောင်တွေအနေနဲ့ ခုအခါမှာ ပိုပြီး ဆန္ဒရှိလာနေတယ်လို့ Clapper က ပြောပါတယ်။
အမေရိကန်ဆိုင်ရာ ဆော်ဒီအာရေဗျ သံအမတ်ကြီးကို အီရန်လူမျိုး ၂ ယောက်က လုပ်ကြံဖို့ ကြိုးစားရာမှာ အီရန်အစိုးရရဲ့ လက်ရာပါဝင်နေတယ်လို့ အမေရိကန် တရားရေးဌာနက အောက်တိုဘာလတုန်းက စွပ်စွဲခဲ့ပါတယ်။
အီရန်ခေါင်းဆောင်ပိုင်းဟာ နျူကလီယားလက်နက် ထုတ်လုပ်နိုင်မယ့် လမ်းကို ဖွင့်ထားဆဲ ဖြစ်တယ်လို့ သူက ပြောပါတယ်။
ဒီအချိန်မှာပဲ စက်ချွတ်ယွင်းသွားတဲ့ အီရန် ငါးဖမ်းသင်္ဘောတစ်စင်းက သင်္ဘောသားတွေကို ပါရှန်ပင်လယ်ကွေ့မှာ အမေရိကန်လေတပ်က ကူညီလိုက်ကြပါတယ်။
အမေရိကန်ရေတပ် သဘောင်္ USS Abraham Lincoln က ငါးဖမ်း သဘောင်္သား ၉ ယောက်ပါတဲ့ လှေ အင်ဂျင် ပျက်နေတာကို ပြန်လည် ပြုပြင်ပေးလိုက်တဲ့အတွက် ငါးဖမ်းသင်္ဘောဟာ သူ့ခရီးသူ ဆက်သွားနိုင်ခဲ့ပါတယ်။

ဗြိတိန်ဝန်ကြီးချုပ် David Cameron ဒေါ်အောင်ဆန်းစုကြည် နှင့် ပုံမှန်ဆက်သွယ်မှုရှိတယ်လို့ ဆို

ဗြိတိန်ဝန်ကြီးချုပ် David Cameron

မြန်မာပြုပြင်ပြောင်းလဲမှုတွေ ဆက်လုပ်ဖို့ EU တိုက်တွန်း

အီးယူ ဥရောပသမဂ္ဂရဲ့ အမြင့်ဆုံးအဆင့်ဖြစ်တဲ့ ဥရောပကောင်စီ အကြီးအကဲက မြန်မာနိုင်ငံမှာ ပြုပြင်ပြောင်းလဲရေး လုပ်လာတာကို ထူးထူးခြားခြား ကြိုဆိုလိုက်ပါတယ်။ ဥရောပသမဂ္ဂအဖွဲ့ဝင် ၂၇ နိုင်ငံရဲ့ အကြီးအကဲ တွေကို ကိုယ်စားပြုတဲ့ ဥရောပကောင်စီဟာ ဇန်နဝါရီလ ၃၀ ရက်နေ့ မှာ ဥရောပမှာ အဓိက ကြုံနေရတဲ့ စီးပွားရေး အကျပ်အတည်းတွေကို ဆွေးနွေးတိုင်ပင် အပြီးမှာ အခုကို ဥက္ကဋ္ဌရဲ့ ကြေငြာချက်ကို ထုတ်ပြန်လိုက်တာပါ။ ဒီအစည်းအဝေးကို တက်ရောက်ခဲ့တဲ့ ဒေးဗစ်ကင်မရွန်းကလည်း မြန်မာနိုင်ငံကို သွားဖို့ လမ်းဖွင့်ထားတယ်လို့ ဆိုပါတယ်။ ဒီအကြောင်းကို ကိုဝင်းမင်းက ဆက်သွယ်မေးမြန်းတင်ပြထားပါတယ်ခင်ဗျာ။
++++++
ဥရောပသမဂ္ဂ နိုင်ငံအကြီးအကဲတွေဟာ သူတို့ ရဲ့ ဒီ ထိပ်သီးအစည်းအဝေးမှာ အရေးပေါ်ဖြစ်နေတဲ့ ဥရောပ စီးပွားရေး အကျပ်အတည်းကို ဖြေရှင်းဖို့ ကြိုးစားဆွေးနွေးနေချိန်မှာပဲ ကမ္ဘာမှာ အရေးအပါဆုံး နိုင်ငံခြားရေး ကိစ္စရပ်ကြီး သုံးခုကိုလည်း ထည့်သွင်းပြောကြားခဲ့ကြပါတယ်။ ဒီ ကမ္ဘာ့ ထိပ်တန်းရောက် ကိစ္စသုံးခုထဲမှာ မြန်မာနိုင်ငံ ကိစ္စကလည်း တခုပါဝင်နေပီး အခြား နှစ်ခုကတော့ အီရန် နျူးကလီးယားအရေးနဲ့ ဆီးရီးယား ပြဿနာတွေဖြစ်ပါတယ်။
မြန်မာနိုင်ငံမှာ ဦးသိန်းစိန် အစိုးရ တက်လာအပြီး ပြုပြင်ပြောင်းလဲမှုတွေ ဖြစ်ပေါ်လာခဲ့တဲ့ အပေါ် ဥရောပကောင်စီ ဥက္ကဋ္ဌ Van Rompuy က အားပါးတရ ကြိုဆိုလိုက်ပါတယ်။
“သတင်းကောင်းတခု လည်း ရှိပါသေးတယ်။ မြန်မာ အစိုးရ အနေနဲ့ ငြိမ်းချမ်းစွာ ပြုပြင်ပြောင်းလဲရေး လမ်းကြောင်းကို ရွေးချယ်လိုက်တဲ့ အတွက် ကျနော်တို့ ကြိုဆိုပါတယ်။ အားလည်းတက်မိပါတယ်။”
ဥရောပကောင်စီ ဥက္ကဋ္ဌကပဲ မြန်မာနိုင်ငံမှာ တိုးတက်မှုတွေကြောင့် ဥရောပသမဂ္ဂ နဲ့ မြန်မာနိုင်ငံအကြား ဆက်ဆံရေး တိုးမြင့်သွားစေတယ်။ တချိန်တည်းမှာ နောက်ထပ် တိုးတက်မှုတွေ အဖြစ် လာမယ့် အပတ် တွေထဲမှာ နိုင်ငံရေး အကျဉ်းသားတွေကို လွှတ်ပေးတာ၊ လွတ်လပ်ပီး တရားမျှတတဲ့ ရွေးကောက်ပွဲတွေ ကျင်းပပေးတာနဲ့၊ တိုင်းရင်းသားတွေနဲ့ စစ်ပွဲတွေ ရပ်ဆိုင်းလိုက်နိုင်တာတွေကို တွေ့နိုင်ဖို့ မျှော်လင့်နေတယ် လို့ ဆက်ပြောပါတယ်။
ဥရောပသမဂ္ဂ နိုင်ငံခြားရေး ပြောခွင့်ရှိသူ ကော်စီဂျက်နက် ကလည်း အခု ကောင်စီဥက္ကဋ္ဌပြောသလို ဖြစ်လာမှပဲ မြန်မာ နိုင်ငံထဲ မှာ ပြုပြင်ပြောင်းလဲရေးတွေဟာ နောက်ပြန်မဆုတ်နိုင်မယ့် အနေအထားကို ရောက်နိုင်မှာမို့ အခုလို ဆက်တောင်းဆိုရတာ ဖြစ်တယ်လို့ ရှင်းပြပါတယ်။ ပြောခွင့်ရ ကော်စီဂျဲနက် ကပဲ မြန်မာဘက်အနေနဲ့ လည်း အခုလို ဥရောပသမဂ္ဂ ဘက် က ထူးထူးခြားခြားပြောလာတာကို အရေးထားပြီး နောက်ထပ် ပြောင်းလဲမှုတွေ ဆက်လုပ်လာရင် အီးယူဥရောပသမဂ္ဂ ဘက်ကလည်း စီးပွားရေးပိတ်ဆို့မှုတွေကို ရုတ်ပေးဖို့ကို တဆင့်စီ တုန့်ပြန်သွားနိုင်မှာဖြစ်တယ်။ အထူးသဖြင့် လာမယ့် ဧပြီလမှာ အီးယူရဲ့ မြန်မာနိုင်ငံအပေါ် ပေါ်လစီကို ချမှတ်ရာမှာ ပိတ်ဆို့ မှု သက်တမ်း ဆက်တိုးမလား၊ ဘာတွေ လျှော့ပေးမလဲ ဆိုတာက အရေးပါလိမ့်မယ် လို့ ဆိုပါတယ်။ တချိန်တည်းမှာ ဒီဥရောပကောင်စီ ထိပ်သီး အစည်းအဝေးကို ရောက်လာတဲ့ ဗြိတိန်ဝန်ကြီးချုပ် David Cameron ကလည်း မြန်မာနိုင်ငံမှာ တိုးတက်မှုတွေ ရှိလာတာကြောင့် သွားလည်ဖို့ လမ်းဖွင့်ထားတယ်လို့ ဆိုပါတယ်။
ကျွန်တော် ဒေါ်အောင်ဆန်းစုကြည်နဲ့ တယ်လီဖုန်းပြောခဲ့ပါတယ်။ ကျွန်တော်တို့ တကယ့်ကို ပုံမှန်ဆက်သွယ်မှု ရှိပါတယ်။ ကျွန်တော့့် ရုံးက သူနဲ့ ဆက်သွယ်ထားတာပါ။ သူ့အနေနဲ့ လာမယ့် ရွေးကောက်ပွဲနဲ့ တခြားကိစ္စတွေ အတွက် အလွန်အမင်းကို အလုပ်ရှုပ်နေပါတယ်။ အဲဒါကြောင်မို့ မြန်မာပြည်ကို သွားဖို့ ကိစ္စအတွက် လမ်းတော့ ဖွင့်ထားပါတယ်။
ဝန်ကြီးချုပ် ကမ်မရွန်းကပဲ ကိုယ်တိုင်မသွားနိုင်ခင်မှာလည်း လက်ရှိ အရေးကြီးတဲ့ ကာလတွေမှာ အနီးကပ်စောင့်ကြည့်ပီး အကောင်းဆုံးကူညီသွားမယ်လို့ ဆက်ပြောပါတယ်။
“ပွင့်ပွင့်လင်းလင်းပြောရရင် ကျွန်တော်တို့ အနေနဲ့ အနီးကပ်စောင့်ကြည့် သွားပြီးတော့ တတ်နိုင်မျှကူညီသွားဖို့ ရှိပါတယ်။ ဘာကြောင့်လဲ ဆိုတော့ စိတ်ပျက်စရာတွေ ကမ္ဘာပေါ်မှာ အများအပြားရှိနေတဲ့ အချိန်မှာ မြန်မာနိုင်ငံမှာက ဒီမိုကရေစီ စပြီး ပွင့်လန်းလာတာနဲ့၊ ဖိနှိပ်ချုပ်ချယ်ထားတာက စပြီးလွတ်မြောက်လာတာဟာ တကယ့်ကို ကောင်းမွန်တဲ့ အနေအထားပါ။ ဒါဟာ တကယ့်ကို အားရစရာ တိုးတက်မှုဖြစ်တာမို့ ကျွန်တော် တို့ ဒါကို ဆက်ြပီးတော့ အားပေးနိုင်အောင် ကျွန်တော်တို့ လုပ်ပေးနိုင်တာတွေ အားလုံးကို ဆောင်ရွက်သွားမှာပါ။”
ဒီ ဥရောပသမဂ္ဂ ရဲ့ အမြင့်ဆုံးဖြစ်တဲ့ ဥရောပကောင်စီ အစည်းအဝေးမတိုင်ခင် ဥရောပသမဂ္ဂ ၂၇ နိုင်ငံက နိုင်ငံခြားရေး ဝန်ကြီးတွေ အစည်းအဝေးကိုလည်း ပြီးခဲ့တဲ့ အပတ် ဇန်နဝါရီ ၂၃ မှာ ကျင်းပခြဲ့ပီး မြန်မာနိုင်ငံက တိုးတက်လာမှုတွေ အပေါ် ခရီးသွားဗီဇာ ကန့်သတ်မှု လျှော့ပေးတာအပြင် အခြားကူညီမှုတွေလည်း ပိုတိုးလုပ်ပေးသွားမယ်လို့ ဆုံးဖြတ်ခဲ့ကြပါတယ်။
VOA

ဘိန်း သံသရာ

“ကျနော်တို့အတွက်ကဘိန်းဆိုတာ အန္တရာယ်၊ လူသားမျိုးနွယ် အညွန့်တုံးစေမယ့် မူးယစ်ဆေး။ ဒါပေမယ့် တောင်သူတွေအတွက်ကတော့ဒါဟာ ရွှေ။ သူတို့သိတာ သူတို့စားဝတ်နေရေးအတွက် ရွှေ၊ စားစရာပေးမယ့်ငွေ”
ဒါကတော့ မြန်မာနိုင်ငံမူးယစ်အထူးတိုက်ဖျက်ရေးအဖွဲ့က အငြိမ်းစား ရဲအရာရှိတယောက် ပေးတဲ့မှတ်ချက်ပါ။

ရှမ်းပြည်နယ်နမ့်ဆမ်မြို့နယ်က ဘိန်းစိုက်တောင်သူ ဦးစိုင်းလုံ (အမည်ရင်းမဟုတ်)က “ဘိန်းစိုက်ရင် အချိန် ၄ လပဲ ပေးရတယ်။ ၄ လနဲ့တင် အစေးယူလို့ရပြီ။ ဘိန်းစိမ်းတပိဿာကို အနည်းဆုံးကောက်ဈေး ၆ သိန်းကနေ ပြန်ရောင်းဈေးက ၁၅ သိန်း၊ ၁၆ သိန်းအထိ အရည်အသွေးအလိုက်ဈေးပေါက်တယ်။ အဲဒီတော့ ဒီတပိဿာတည်းနဲ့ တနှစ်လုံး ထိုင်စားလို့ရတာကိုး။ အချိန်အကြာကြီးစောင့်ပြီးအဝေးကြီး၊ အများကြီးသယ်သွားပြီး ရောင်းမှရမယ့် သနပ်ဖက်တို့၊ အာလူးတို့၊ သီးနှံတို့ ဘယ်စိုက်တော့မတုန်း” ပြောပြပါတယ်။
ဘိန်းပင်တွေစိုက်တဲ့အခါထွေထွေထူးထူး ထိန်းသိမ်းပြုပြင်ဖို့ မလိုသလို ဘိန်းသီးကိုခြစ်လို့ ထွက်လာတဲ့ အစေးတွေကိုနောက်တနေ့မှာ ပြန်သိမ်းယူရတာဟာ လက်ဝင်တဲ့အလုပ်ဆိုပေမယ့် ဘိန်းတဧကကို ဘိန်းစိမ်း တပိဿာခွဲကနေ ၃ ပိဿာအထိရတာကြောင့် အခြားသီးနှံတွေ စိုက်တာထက်စာရင် အကျိုးအမြတ်ပိုရနေတယ်လို့ သိရပါတယ်။
အစေးခြစ်ယူတဲ့နည်းအပြင်ဘိန်းပင်စိုက်တဲ့အခါ အဖူးလေးတွေ ထွက်လာတာနဲ့ အပင်ကိုနှုတ်၊ ရေနည်းနည်းနဲ့ ပြုတ်ပြီးတော့အဆီထုတ်ယူတာကနေ ရတဲ့ဘိန်းဆီဟာလည်း ဈေးကောင်းရတယ်လို့ ဆိုပါတယ်။
ရာသီဥတု အပြောင်းအလဲ၊မြေဆီအခြေအနေ စတာတွေကြောင့် တခြားစိုက်ပျိုးသီးနှံတွေ မအောင်မြင်လို့ တခြားတောင်သူတွေစားဝတ်နေရေးပြဿနာ ရင်ဆိုင်ရပေမယ့် ဘိန်းစိုက်တောင်သူတွေ အဖို့ကတော့ ဘိန်းစိုက်တာ တနှစ်အောင်မြင်သွားရင်ပဲနောက် ၂ နှစ် ၃ နှစ်အထိ စားဝတ်နေရေး ပြေလည်ကြပါတယ်။
ဒါကြောင့်လည်းရှမ်းတောင်တန်းတွေမှာ အရင်က ဝေစည်နေခဲ့ဖူးတဲ့ သနပ်ဖက်စိုက်ခင်းတွေ၊ သီးနှံစိုက်ခင်းတွေနေရာမှာငွေဖြစ်လွယ်တဲ့ ဘိန်းခင်းတွေက အစားထိုးဝင်လာနေတာပါ။
ဘိန်းစိုက်တာအပြင်မူးယစ်ဆေးဝါး ထုတ်လုပ်တာတွေပါ ရှိနေတယ်။ နယ်မြေခံအာဏာပိုင်တွေ၊ အစိုးရနဲ့ ငြိမ်းချမ်းရေးယူထားတဲ့တိုင်းရင်းသားလက်နက်ကိုင် အဖွဲ့အစည်းတချို့တို့ ပါဝင်ပတ်သက်တာတွေလည်း ရှိနေတယ်လို့သိရပါတယ်။
“သူတို့ကို ဘိန်းခွန်ပေးရတယ်။ ဘိန်းဆယ်ပိဿာထွက်ရင် အရည်အသွေးအလိုက် ဘိန်းခွန် တပိဿာ၊ နှစ်ပိဿာ၊ နောက်ပြီး ဘယ်အဖွဲ့ကိုငွေဘယ်လောက် ဆိုတာမျိုး ဘိန်းခွန်ပေးရတာ။ တချို့ကျတော့လည်း သူတို့ကိုယ်တိုင် တောင်သူတွေကိုစည်းရုံးပြီးစိုက်ခိုင်း၊ ပြီးရင် သူတို့ကပဲ ပြန်ဝယ်တယ်။ ပြီးရင် တရုတ်ပြည်ကို ရောင်းတာရောင်း၊ဘိန်းဖြူပြန်ချက်တာတွေ လုပ်ကြတယ်” လို့ ဦးစိုင်းလုံက ပြောပါတယ်။
ပလောင်အမျိုးသမီးများအဖွဲ့(PWO) ကထုတ်တဲ့ အစီရင်ခံစာတရပ်မှာတော့ ရှမ်းပြည်နယ် ပလောင်ဒေသမှာ ဘိန်းစိုက်ပျိုး ထုတ်လုပ်နေတာတွေဟာ၂၀၁၀ နိုဝင်ဘာ နောက်ပိုင်းကနေ ၂၀၁၁ နှစ်ကုန်ပိုင်းအထိ ၇၈ ရာနှုန်း တိုးတက်လာတယ်လို့ ဖော်ပြထားပါတယ်။ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံးကလည်း မြန်မာနိုင်ငံရဲ့ ဘိန်းစိုက်ပျိုးမှုဟာတနှစ်အတွင်းမှာ ၂၀ ရာနှုန်း မြင့်တက်လာတယ်လို့ ထုတ်ပြန်ထားပါတယ်။
ရှမ်းပြည်နယ်ဘက်တင်မကအိန္ဒိယ-မြန်မာ နယ်စပ်ဒေသဖြစ်တဲ့ ချင်းပြည်နယ်နဲ့ စစ်ကိုင်းတိုင်း အနောက်မြောက်ပိုင်းမှာဆိုရင်လည်း၂၀၀၈ ခုနှစ်နောက်ပိုင်းမှာ ဘိန်းကို တိုးပြီး စိုက်လာကြတာဟာ ၂၀၁၁ နှစ်ကုန်ပိုင်းမှာဆိုရင်ဧက ၅၀၀ ထက်မနည်း ရှိနေပြီလို့ ဒေသခံတွေဆီက သိရပါတယ်။
“အများစုက ဒီဖက်မှာလာနေတဲ့ကသည်းလူမျိုးတွေ စိုက်ကြတယ်။ သူတို့ကို ဒီက အာဏာပိုင်တွေက နေထိုင်ခွင့် ပေးထားပြီး အဲဒီဘိန်းစိုက်တာကိုလည်းငွေယူပြီးတော့ ခွင့်ပြုထားတာ။ ထွက်လာတဲ့ ဘိန်းစိမ်းတွေကို တရုတ်ကိုပို့တယ်။ အိန္ဒိယဘက်ကိုပြန်ပို့တာလည်း ရှိတယ်” လို့ အိန္ဒိယ-မြန်မာနယ်စပ်မှာ နေထိုင်သူတဦးက ပြောပြပါတယ်။
ကချင်ပြည်နယ်မှာလည်းဘိန်းစိုက်ပျိုးမှု တိုးတက်လာတာရဲ့ နောက်ဆက်တွဲအဖြစ် မူးယစ်ဆေးဝါး သုံးစွဲမှုတွေ တစတစ များလာလို့ဖားကန့်၊ လုံးခင် စတဲ့ ကျောက်တူးရာ မှော်ထဲတွေမှာ မူးယစ်ဆေးဝါးပြဿနာတွေ၊ အမှုအခင်းတွေမကြာခဏ ဖြစ်နေတယ်လို့ ဒေသခံတွေက ပြောပါတယ်။
“နယ်မြေခံရဲတွေကလည်းလိုင်းကြေးတွေယူပြီး လွှတ်ထားတော့ မှော်ထဲမှာဆိုရင် ဒီဆေးပြားတွေ၊ ဘိန်းတွေက လွတ်လွတ်လပ်လပ်ကိုရောင်းဝယ်ဖောက်ကားနေသလို ဖြစ်နေတယ်။ မြို့ပေါ်မှာတောင် တက္ကစီသမားတွေ၊ ကျောင်းသားတွေဘိန်းစွဲနေတာ၊ ဆေးပြားသုံးနေတာတွေ အများကြီး တွေ့လာရတယ်” လို့ ဖားကန့်ဒေသခံတွေက ပြောပါတယ်။
မူးယစ်ဆေးဝါး ပပျောက်ရေးအတွက်ဘိန်းအစားထိုးသီးနှံ စိုက်ပျိုးမှုတွေ လုပ်နေတယ်ဆိုပေမယ့် မထိရောက်တာတွေအပြင် အာဏာပိုင်တွေ ပါဝင်ပတ်သက်နေတာကြောင့်အခုလို ဘိန်းစိုက်ပျိုးမှုတွေ ပြန်တိုးလာရတယ်လို့ အငြိမ်းစား မူးယစ်တိုက်ဖျက်ရေး အရာရှိဟောင်းက သုံးသပ်ပါတယ်။
၁၉၉၅-၉၆ ခုနှစ်လောက်မှာမူးယစ်ဆေးဝါး တိုက်ဖျက်ရေး စီမံကိန်းတရပ်အနေနဲ့ ဘိန်းအစားထိုးသီးနှံအဖြစ် ပန်းဂျုံစိုက်ပျိုးဖို့အတွက် ဂျပန်နိုင်ငံက မျိုးစေ့နဲ့ နည်းပညာ အထောက်အကူတွေ ပေးခဲ့ပါတယ်။ ရှမ်းပြည်နယ်ကတောင်တန်းဒေသတွေရဲ့ မြေဆီမြေလွှာ အနေအထားအရ ပန်းဂျုံ စိုက်ပျိုးအောင်မြင်ရမှာ ဖြစ်ပေမယ့်တကယ်တမ်း လက်တွေ့မှာတော့ အောင်မြင်မှုမရခဲ့ဘူးလို့ သူက ဆိုပါတယ်။
“မျိုးစေ့တွေပေးတယ်၊ရောင်းစားတယ်။ မြေသြဇာတွေ၊ စိုက်ပျိုးရေးသုံးပစ္စည်းတွေ အထက်က ချပေးတယ်။ ရွာသားတွေဆီမရောက်ဘူး။ ပေါက်တူးကအစ၊ တူရွင်းကအစ ၀န်ထမ်းတွေက ရောင်းစားတယ်။ ရွာသားဆီကိုကျတော့ မကောင်းတဲ့မျိုးစေ့၊မကောင်းတဲ့ပစ္စည်းပေး၊ မြေသြဇာက မလုံမလောက်နဲ့ဆိုတော့ အထွက်မကောင်းတာနဲ့ မစိုက်ချင်ကြတော့ဘူး။ပန်းဂျုံဆိုတာ မူးယစ်ပြတိုက်မှာပဲ ရှိတော့တယ်” လို့ သူက ဆက်လက်ပြောပြပါတယ်။
ဘိန်းအစားထိုးသီးနှံ စိုက်ပျိုးဖို့တောင်သူတွေကို ပညာပေး၊ စိုက်ပျိုးရေးသင်တန်းတွေ ပေးပြီး မျိုးစေ့တွေ၊ အပင်တွေ ပေးလိုက်ပေမယ့်လည်းတောင်သူတွေက မျိုးစေ့တွေ၊ အပင်တွေကို လမ်းမှာတင် ပစ်ခဲ့တာမျိုးလည်း ကြုံတွေ့ရဖူးတယ်လို့ဆိုပါတယ်။
“ဘာလို့တုန်းမေးတော့ ဒါတွေစိုက်ရင် အနည်းဆုံး ၂ နှစ် ၃ နှစ်နေမှ အကျိုးခံစားရမယ်၊ ဒီကြားထဲမှာ ကျနော်တို့ဘာသွားစားရမလဲ၊ ငတ် သေမှာပေါ့တဲ့။ ပြီးတော့ ဒါတွေ ပြန်ရောင်းမယ်ဆိုရင် အများကြီးလည်းထမ်းရတယ်။ အမြတ်ရရင်လည်း အလွန်ဆုံးမှ အချိန် တဆယ်လောက်ကိုမှ လေးငါးထောင်။ ဘိန်းတပိဿာဆိုအသာလေးသယ်သွား၊ တနှစ်မက ထိုင်စားလို့ရတယ်လို့ ပြန်ပြောတာဗျာ” လို့ သူကပြောပါတယ်။
ဘိန်းခင်းတွေဖျက်ဆီးရှင်းလင်းရေး လုပ်တဲ့အခါ နယ်မြေခံ အာဏာပိုင်အဖွဲ့တွေနဲ့ တိုင်းရင်းသား လက်နက်ကိုင်အဖွဲ့တွေ ညှိနှိုင်းမှုတွေလုပ်ထားတာကြောင့်ဓာတ်ပုံရိုက်ရုံ၊ ဗီဒီယိုသတင်းရိုက်ရုံသာ ဖျက်ဆီးကြလို့ ရှိနေတဲ့ဘိန်းခင်းဧရိယာရဲ့၅ ပုံတပုံကိုသာ ဖျက်နိုင်တာလို့ဆိုပါတယ်။
မူးယစ်ဆေးဝါးရောင်းဝယ်ဖောက်ကားမှုကို တိုက်ဖျက်ရေးမှာလည်း အဓိက ကုန်သည်ကြီးတွေ၊ ထုတ်လုပ်သူတွေဟာ အာဏာပိုင်တွေကိုလာဘ်ထိုးထားတာကြောင့် အမြဲတစေ လွတ်မြောက်လေ့ရှိတယ်။ လာဘ်ထိုးတဲ့အခါ ငွေကြေးအပြင်၊ မူးယစ်ဆေး၊နေအိမ်၊ ကားစတာတွေ လာဘ်ထိုးလေ့ရှိတယ်လို့ သူကဆိုပါတယ်။
သူက “တရားခွင်ပေါ် ရောက်သွားတဲ့လူတွေဟာလက်လီပြန်ရောင်းသူတွေ၊ ဆေးသုံးသူတွေပဲ များတယ်။ အဓိက ကုန်သည်တွေ၊ ထုတ်လုပ်သူတွေရဲ့ အမှုတွေဟာတရားခွင်ပေါ်ရောက်လာတာ သိပ်ရှားတယ်။ အချုပ်မှာတင် လာဘ်ထိုးပြီး အာမခံနဲ့ လွှတ်တယ်ဆိုတာမျိုးကြောင့်တခါ လိုက်ပြန်ဖမ်းရတာမျိုး ခဏခဏကြုံဖူးတယ်။ ဖမ်းတဲ့ နေရာတင် ဆရာတို့ ဒီဟာတွေ ယူသွားပါ ကျနော်တို့ကိုတော့လွှတ်ပေးပါဆိုတော့ ဖမ်းတဲ့သူတွေက ပစ္စည်းတွေကို သိမ်း၊ လူကိုတော့ ပြေးခိုင်း၊ ပြီးတော့သူတို့ဘာသာ ပြန်ရောင်းတယ်။ ဒီလို အကျင့်ပျက်ဝန်ထမ်းတွေကို အဖွဲ့လိုက် ဖမ်းခဲ့ရဖူးတယ်” လို့ ပြောပြပါတယ်။
မြန်မာအစိုးရကကတော့ ပြီးခဲ့တဲ့ ၂၀၁၁ နှစ်ကုန်ပိုင်း ဘိန်းစိုက်ပျိုးရာသီဖြစ်တဲ့ စက်တင်ဘာကနေ နိုဝင်ဘာအထိမှာရှမ်းပြည်နယ် ပင်လောင်း၊ ဖယ်ခုံ၊ ဆီဆိုင်၊ တောင်ကြီး၊ ဟိုပုံး၊ မိုင်းကိုင်၊ မောက်မယ်၊လွိုင်လင်မြို့နယ်တွေနဲ့ ကယားပြည်နယ်ဖရူးဆိုး၊ဒီမောဆိုးမြို့နယ်၊ ချင်းပြည်နယ်၊ ကချင်ပြည်နယ်နဲ့ မကွေးတိုင်းတွေက ဘိန်းခင်း၂၄၁၆၉ဒဿမ ၃၃ ဧကကို ဖျက်ဆီးနိုင်ခဲ့တယ်၊မူးယစ်ဆေးဝါး ရောင်းဝယ်ဖောက်ကားသူ ၂၂၉ ယောက်ကိုလည်း ဖမ်းဆီးအရေးယူနိုင်ခဲ့တယ်၊ စိတ်ကြွဆေးပြား၇ သိန်းကျော်ကိုလည်း ဖမ်းမိခဲ့တယ်လို့ သူတို့ သတင်းစာတွေမှာ ဖော်ပြခဲ့ပါတယ်။
ဘိန်းအဓိက စိုက်ပျိုးနေတဲ့ဒေသတွေဟာတခြားနေရာဒေသတွေထက်စာရင် အစစ၊ အရာရာ ဖွံ့ဖြိုးတိုးတက်မှု နောက်ကျတဲ့ နေရာတွေဖြစ်နေတာကြောင့်ငွေရလွယ်မှုတခုအတွက် ဒေသခံတွေ လမ်းမှားမလိုက်အောင် ပညာပေးနေရုံသက်သက်မဟုတ်ဘဲ ဒီဒေသတွေဘက်စုံဖွံ့ဖြိုးတိုးတက်မှုကို အဓိကထား လုပ်ရမှာဖြစ်သလို တဘက်ကလည်း အာဏာပိုင်တွေ ပါဝင်ပတ်သက်နေတာကိုထိထိရောက်ရောက် ထိန်းချုပ်ဖို့ အရေးကြီးတယ်လို့ ရဲအရာရှိဟောင်းက ဆိုပါတယ်။
“ဘိန်းစိုက်တာဟာဟိုးအရင်ကတည်းက ဒီဒေသတွေမှာ အရိုးစွဲ အမြစ်တွယ်နေသလို ဒီကရတဲ့ အကျိုးအမြတ်ကို အလွဲသုံးစား လုပ်နေတာတွေဟာလည်းအာဏာပိုင်တွေဆီမှာ အရိုးစွဲနေတယ်။ ဒါတွေ မပျောက်ပျက်သရွေ့ မြန်မာနိုင်ငံမှာ ဘိန်းနဲ့ မူးယစ်ဆေးဝါး ပပျောက်ရေးဆိုတာဟာပြတိုက်ထဲထည့်ထားရတဲ့ ပုံပြင်ပြကွက်တခုလိုပဲ ဖြစ်နေဦးမှာပဲ။ ဒီဘိန်းသံသရာကြီး ရှည်ကြာနေဦးမှာပဲ” လို့ သူက ပြောပါတယ်။

ဘင်္ဂလာဒေ့ခ်ျ နိုင်ငံမှ သက်တော် ၀ါတော် အကြီးဆုံး အထင်ကရ သက်အမျိုးသား ဆရာတော်ကြီး ပျံလွန်တော်မူ

မောင်အေး
-----------
ဘင်္ဂလာဒေ့ခ်ျ နိုင်ငံတွင် အကျော်ကြားဆုံးနှင့် ဘာသာ ပေါင်းစုံက လေးစားကြည်ညိုဆုံး ဘိုနို ဘန္တေဟု လူသိများသော သက် ဆရာတော်ကြီးမှာ ယမန်နေ့က လူကြီးရောဂါဖြင့် ပျံလွန်တော်မူ သွားခဲ့သည်။

ဆရာတော်ကြီးအား သီတင်းသုံးရာ ရင်ဂါမတီ (သက်ထောင်)မှ လွန်ခဲ့သော သောကြာနေ့က ဒက္ကားမြို့သို့ ရဟတ်ယာဉ်ဖြင့် ဆေးကုသရန် ယူဆောင်လာပြီး ဆေးရုံတွင် ၃ ရက်အကြာ ယမန်နေ့ (ဇန္န၀ါရီလ ၃၀ ရက်နေ့) ညနေ ၄ နာရီ ခန့်တွင် ပျံလွန်တော် မူသွားခဲ့သည်။

ဆရာတော် ပျံလွန်တော် မူချိန်တွင် သက်တော် ၉၃ နှစ်ရှိပြီး ဖြစ်ကြောင်း သိရသည်။

ဆရာတော် သက်တော်ထင်ရှား ရှိစဉ်အခါ ဘင်္ဂလာဒေခ်ျ့ နိုင်ငံရှိ ဗုဒ္ဓဘာသာ သံအမတ်များ က သွားရောက် ဖူးမျှော် ကန်တော့လေ့ရှိပြီး ထိုအထဲတွင် ဘင်္ဂလာဒေခ်ျ့ ဆိုင်ရာ မြန်မာ သံအမတ်များလည်း ပါဝင်သည်။

ဆရာတော်ကြီး ယခုကဲ့သို့ ပျံလွန်တော်မူသွာသည့် အတွက် ဘင်္ဂလာဒေခ်ျ့နိုင်ငံ သာသနာတော် အတွက် အစားထိုးမရသော ဆုံးရှုံးမှု တစ်ရပ်ဖြစ် ကြောင်း ရင်ဂါမတီ ခရိုင်တွင် သီတင်းသုံးနေသော ဆရာတော် ဦးဥတ္တမက ယခုကဲ့သို့ ပြောသည်။

" ဆရာတော်ကြီး ပျံလွန်သွားတာဟာ တော်တော့ကို တန်ဖိုးကြီးပါတယ်။ ဆရာတော်ကို တနိုင်ငံ လုံးက လေးစားကြညိုတဲ့ ဆရာတော်ကြီး ဖြစ်ပါတယ်။ ဆရာတော်ကြီး ပျံလွန်တော်မူ တယ်ဆိုတဲ့ သတင်းကို ကြားကြရတော့ ဒီမှာလူတွေက အားလုံး စိတ်မကောင်းကြဘူး။ တချို့ဆိုငိုကြတယ်။ ဒီလို ဆရာတော်ကြီးတပါး ပြန်ရဖို့ဆိုတာ မလွယ်တော့ဘူး။"

ဆရာတော်ကြီး သီတင်းသုံးရာ ကျောင်းတော်တွင် နေ့စဉ် ရာချီသော ဗုဒ္ဓဘာသာဝင်များက ဆရာတော်ကြီးအား လာရောက် ဖူးမျှော်ကြပြီး ၁၉၇၃ ခုနှစ်ကတည်းက စပြီး ဆရာတော်ကြီးသည် ရင်ဂါမီတီခရိုင် တိန်တိလကျောင်းတွင် သီတင်း သုံးပြီး စစ်တကောင်း တောင်တန်း ဒေသတွင် ဗုဒ္ဓသာသာကို ကျယ်ပြန့်အောင် သာသနာပြုခဲ့သည်။ ဆရာတော်ကြီးသည် တစ်ချိန်က လူများနှင့် အဆက်အသွယ် မလုပ်ဘဲ တောထဲတွင် လအတန်ကြာအောင် တစ်ဦးတည်း တရားကျင့်မူကြောင့် ဘိုနို ဘန္တေ (တောရ ဆောက်တည်သော ဘုန်းကြီး) ဟု အမည်တွင်ခြင်း ဖြစ်ကြောင်း သိရသည်။

၁၉၇၄ ခုနှစ်တွင် ငယ်ဆရာ သီတင်းသုံးရာ သက်မင်း ကိုးကွယ် သည့်ကျောင်းသို့ပြောင်းရွေ့ပြီး ပျံလွန်တော်မူသည့်အချိန်ထိ သီတင်း သုံးခဲ့ကြောင်း သိရှိရသည်။

" အဲဒီဆရာတော်တွင် ၀ိပဿနာ ထိုင်ခဲ့တဲ့ အတွက် အကြား အမြင် စွမ်းအားတွေရှိတယ်လို့လည်း သိရပါတယ် ။ လူအများကိုလည်း မေတ္တာထားတယ်။ စကား အနည်းပြောရင် ကုသိုလ်ဖြစ်တယ်။ အများပြောရင် အကုသိုလ်ဖြစ်တယ်လို့ ပြောဟောတာတွေ ရှိတယ်။ သတ္တ၀ါတွေ ကို မေတ္တာထား ကျန်းမာ ချမ်းသာ လိမ့်မယ်လို့ အမြဲပြောခဲ့ပါတယ် " ဟု ဦးဥတ္တမက ပြောသည်။

ဆရာတော်ကြီး၏ ၉၃ နှစ်မြောက် မွေးနေ့ကို ဇန်န၀ါရီလ ၈ ရက်နေ့က ကျင်းပ ခဲ့ကြောင်း သိရသည်။

ဆရာတော်ကြီး၏ ဈာပနအား နိုင်ငံတော်အဆင့် ပြုလုပ်မည် ဖြစ်ကြောင်းနှင့် ဗုဒ္ဓဘာသာ ဓလေ့ထုံးစံနှင့် အညီ အထူးစည်ကား သိုက်မြိုက်စွာ ကျင်းပမည် ဖြစ်ကြောင်း သတင်း ရရှိသည်။

ဆရာတော်ကြီးကို ၁၉၂၀ ဇန္န၀ါရီလ ၈ ရက်နေ့တွင် ရင်ဂါမီတီ ခရိုင် မော်ရာဂေါနာ (ရန်ချောင်းဖျား၊ ဒေါင်းပဒါ) ကျေးရွာတွင် သက်အမျိုးသားဖြစ်ကြသည့် ခမည်းတော် ဦး ဟာရူမိုဟန်းနှင်မယ်တော် ဘီပူရ်တီ တို့မှ မွေးဖွားခဲ့သည်။ ငယ်အမည်မှာ ရော်ခြိန္ဒ စာကမာ (သက်) ဖြစ်ပြီး သာမန် မိသားစု တစ်စုမှ မွေးဖွားလာကြောင်း သိရသည်။

၁၉၄၉ ခုနှစ်တွင် နန္ဒ ရဟန်း အမည်ဖြင့် ရဟန်းဘောင်သို့ ၀င်ရောက်ပြီး ၁၉၆၅ ခုနှစ် သက်ဘုရင် ကိုကွယ်သည့် ဆရာတော်ကြီးထံတွင် ဗုဒ္ဓဘာသာ တရားတော်များကို လေ့လာဆည်းပူးခဲ့သည်။

-------------------------------------------------------------------------------------------------------------------------------
.: နိရဉ္စရာမှ သတင်းများကို မည်သူ မဆို လွတ်လပ်စွာ အသုံးပြုနိုင်ပါသည်။ သို့သော်လည်း သတင်း ရင်းမြစ်နေရာတွင် နိရဉ္စရာ၏ အမည်ကို ရေးသား ဖေါ်ပြပေးစေလိုပါသည်။

ဆင်းရဲနွမ်းပါးတဲ့ ကလေးငယ်တွေကို ပညာရည်ချွန် ဆုပေးပွဲ

By Admin

ဘုန်းတော်ကြီးသင် ပညာရေးကျောင်း ပညာရည်ချွန် ဆုပေးပွဲ

သာသနာ့ဟိတကာရီ ဘုန်းတော်ကြီးသင် ပညာရေးကျောင်းရဲ့ ၂၀၁၀/၂၀၁၁ ပညာသင်နှစ် အတွက် ပညာရည်ချွန် ဆုပေးပွဲ အခမ်းအနားကို ဇန်နဝါရီလ
၂၉ ရက်နေ့က ကျင်းပ ပြုလုပ် ခဲ့ပါတယ်။ ဒီအခမ်းအနားကို အင်းစိန်မြို့နယ် မြို့သစ် ရပ်ကွက်မှာရှိတဲ့ သာသနာ့ဟိတကာရီ ဘုန်းတော်ကြီးကျောင်းမှာ
ကျင်းပ ပြုလုပ်တာ ဖြစ်ပြီး အမျိုးသား ဒီမိုကရေစီ အဖွဲ့ချုပ် အဖွဲ့ဝင်တွေ ၊ ကြံ့ခိုင် ဖွံ့ဖြိုးရေး ပါတီဝင်တွေ၊ ကျောင်းသား မိဘတွေ၊ အလှူရှင်တွေနဲ့ ရပ်မိရပ်ဖ
တွေ စုံညီစွာ တက်ရောက် ခဲ့ကြပါတယ်။ ပထမဆုံးအကြိမ် ကျင်းပတဲ့ ဒီပညာရည်ချွန် ဆုပေးပွဲ အခမ်းအနားမှာ ကျောင်းသား ကလေးငယ်တွေက
တက်ရောက်လာသူတွေကို အဆို အကတွေဖြင့် ဖျော်ဖြေ ခဲ့ကြပါတယ်။ ဒီကျောင်းမှာ ဆင်းရဲနွမ်းပါးတဲ့ ကလေးငယ်တွေနဲ့ မိဘမဲ့ ကလေးငယ် အယောက်
၇၀၀ ကျော်ကို သူငယ်တန်းကနေ ၈တန်းအထိ အခမဲ့ပညာ သင်ကြား ပေးနေတာ ဖြစ်ပါတယ်။

တမူး ပေါက်ကွဲမှု ၁ ဦးသေ၊ ၁ ဦး ဒဏ်ရာပြင်းထန်

Tuesday, January 31, 2012 ဇာနည်မာန် No comments

တမူးမြို့မြင်ကွင်းတခု (ဓာတ်ပုံ - http://www.tongsan.org/)

ဒီနေ့ ညနေ ၃နာရီခွဲကျော်လောက်မှာ အိန္ဒိယ-မြန်မာနယ်စပ် မြန်မာဖက်ခြမ်း တမူးမြို့၊ စန္ဒကူး (၂) ရပ်ကွက်က နေအိမ်တခုမှာ ပေါက်ကွဲမှုဖြစ်ခဲ့လို့ ၀င်းကျော်ဆိုတဲ့ အသက် (၃) နှစ်အရွယ် ကလေးငယ်တဦး နေရာတင် ပွဲချင်းပြီးသေဆုံးပြီး သူ့ရဲ့ အမ ၀င်းဝင်းခိုင်၊ အသက် (၅)နှစ် ကတော့ ဒဏ်ရာပြင်းလို့ တမူး ပြည်သူ့ဆေးရုံမှာ တင်ထားရတယ်လို့ သိရပါတယ်။

ပေါက်ကွဲမှုဖြစ်ရတဲ့အကြောင်းရင်း အသေးစိတ်ကို မသိသေးတဲ့အကြောင်း၊ အဲ့ဒီနေအိမ်က မိခင်ဖြစ်သူဟာ အိန္ဒိယဖက်ခြမ်းက မဏိပူရ် ခွဲထွက်ရေး ကသည်းလူမျိုးတွေနဲ့ အဆက်အစပ်ရှိသူတယောက်ဖြစ်ပြီး တစုံတယောက်က လက်ပစ်ဗုံးနဲ့ ပစ်သွားတယ်လို့ မြို့ခံတွေက ယူဆနေတဲ့အကြောင်း၊ တမူးရဲစခန်းက စစ်ဆေးတာတွေ လာလုပ်သွားတဲ့အကြောင်း၊ အိန္ဒိယခွဲထွက်ရေးသူပုန်တွေ အမြဲတမ်း သွားလာလှုပ်ရှားနေတဲ့ နယ်စပ်မြို့ဖြစ်လို့ သူတို့အချင်းချင်းပစ်ခတ်မှုတွေ မကြာခဏ ဖြစ်တာကြောင့် မြို့ခံတွေက လုံခြုံရေးအတွက် ပူပန်နေကြတယ်လို့ ဧရာဝတီကို ပြောပါတယ်။

(၆၃)နှစ်မြောက် ကရင့်တော်လှန်ရေးနေ့ KNU ထိန်းချုပ်နယ်မြေများတွင် ကျင်းပ

Tuesday, January 31, 2012 zarny win No comments

ကေအိုင်စီ - www.kicnews.org

ယနေ့ကျရောက်သည့် ၆၃နှစ်မြောက် ကရင့်အမျိုးသား တော်လှန်ရေးနေ့ အခမ်းအနားကို ကရင်ပြည်နယ် ကရင်အမျိုးသားအ စည်းအရုံး(KNU)၏ ထိန်းချုပ်ရာနယ်မြေတချို့တွင် ကျင်းပြုလုပ်ကြသည်ဟု သိရသည်။

၆၃နှစ်မြောက် ကရင့်တော်လှန်ရေးနေ့ အခမ်းအနား

ကရင်ပြည်နယ်မြောက်ပိုင်း KNU တပ်မဟာ( ၅)နယ်မြေတွင် ကျင်းပပြုလုပ်သည့် ကရင့်တော်လှန်ရေးနေ့ အခမ်းအနားတွင် လူထုပရိဿတ် ၂,၀၀၀ဦးခန့် တက်ရောက်ခဲ့ကြပြီး အခမ်းအနားကို အစီအစဉ်နှစ်မျိုးဖြင့် ပြုလုပ်ခဲ့ကြသည်ဟု သိရသည်။

ကေအဲန်ယူ တပ်မဟာ(၅) ပြောခွင့်ရ ဗိုလ်မှူးကလယ်ဒို့က “ပထမ အဆင့်ကတော့ တော်လှန်ရေးနေ့ကို ဂုဏ်ပြုတဲ့ အစီအစဉ် တွေအဖြစ် စစ်ရေးပြ၊ ဥက္ကဌမိန့်ခွန်းနဲ့၊ KWO, KYO, KSNG တို့ သ၀ဏ်လွှာတွေကို ဖတ်ကြားတယ်။ ဒုတိယအဆင့်ကတော့ ကျနော်တို့ မိခင်အစည်းအရုံးနဲ့ အစိုးရတို့ ငြိမ်းချမ်းရေး ဆွေးနွေးတဲ့အကြောင်း တက်ရောက်လာတဲ့ ပြည်သူတွေကို ရှင်းလင်းပွဲ လုပ်တယ်”ဟု ဆိုသည်။

ထို့အတူ ကရင်ပြည်နယ်၊ မြ၀တီမြို့နယ်၊ နို့ဖိုးကျေးရွာတွင်လည်း ယနေ့နံနက် (၇)နာရီမှ (၉း၃၀)အထိ ကျင်းပပြုလုပ်သည့် ၆၃နှစ်မြောက် ကရင်အမျိုးသား တော်လှန်ရေးနေ့ အခမ်းအနားတွင်လည်း ကရင်ပြည်သူ ၁,၀၀၀ကျော် တက်ရောက်ဂုဏ်ပြုခဲ့ ကြသည်။

အခမ်းအနားသို့ တက်ရောက်ခဲ့သူ ရွာသူကြီးတစ်ဦးက “ ဒီမနက်ဟာ ကျနော်တို့ ကရင်တမျိုးသားလုံးရဲ့ အထွဋ်အမြတ်ထားတဲ့ နေ့တစ်နေ့ဆိုတော့ ကျက်သရေရှိလှပါတယ်။ အခုလို ကျနော်တို့တတွေ စုစုစည်းစည်းနဲ့ ဂုဏ်ပြုခွင့်ရတာ ၀မ်းမြောက်ဂုဏ်ယူပါ တယ်။ နောက်ပြီး ပရိဿတ် ထောင်နဲ့ချီ တက်ရောက်ဂုဏ်ပြုတာ တွေ့ရတော့ အထူးပဲ ၀မ်းမြောက်မိတယ်။”ဟု ပြောသည်။

ထိုအခမ်းအနားတွင် KNLA တပ်မှူးတပ်သားများ၊ ကျေးရွာ (၅)ရွာမှ ကရင်ပြည်သူများ၊ ထိုင်းနယ်စပ်မှ ကရင်ပြည်သူများနှင့် ကရင်ငြိမ်းအဖွဲ့မှ အောက်ခြေတပ်မှူး တပ်သားတချို့နှင့် နယ်စပ်ထိုင်းအာဏာ ပိုင်တချို့လည်း တက်ရောက်ကြပြီး စစ်ရေးပြ အစီအစဉ်၊ KNU ဥက္ကဌ ဗိုလ်ချုပ်ကြီးတာမလာဘော၏ မိန့်ခွန်းနှင့် သ၀ဏ်လွှာများ ဖိတ်ကြားခြင်း၊ တက်ရောက်လာသည့် ခေါင်းဆောင်များက မိန့်ခွန်းပြောဆိုခြင်းအပြင် ကိုယ်အင်္ဂါများ ပေးဆပ်ခဲ့သည့် တပ်မှူးတပ်သားများကို ဂုဏ်ပြုခဲ့ကြသည်။

မြ၀တီမြို့တောင်ဘက် အူးကလေးခီးစခန်း၌ KNLA တပ်ရင်း(၁၀၃)မှ မနက် ၇နာရီကျော်က ကျင်းပသည့် အလားတူ အခမ်းအ နားတွင်လည်း လူထု ၃၀၀ဦးနီးပါး လာရောက်ဂုဏ်ပြုခဲ့ကြသည်။

ယနေ့ကျရောက်သည့် (၆၃)နှစ်မြောက် ကရင့်တော်လှန်ရေးနေ့တွင် ပေးပို့သည့် KNU ဥက္ကဌ ဗိုလ်ချုပ်ကြီးတာမလာဘော၏ မိန့်ခွန်း၌ “ကရင့်တော်လှန်ရေးဟာ နှစ်ပေါင်း ၆၃နှစ်တိုင် ကြာမြင့်ခဲ့ပြီး ဖြစ်သော်လည်း ကရင်တမျိုးသားလုံး မျှော်လင့်ချက်ပန်း တိုင်သို့ မရောက်ရှိသေးတဲ့အတွက် ကရင်တမျိုးသားလုံး လိုလားတဲ့ လွတ်လပ်ငြိမ်းချမ်းပြီး ကိုယ်ပိုင်ပြဌာန်းခွင့်ရှိတဲ့ ကရင်ပြည် ရရှိရေးကို ဆက်လက် တိုက်ပွဲဝင်ရဦးမှာ ဖြစ်ပါတယ်။”ဟု ပြောကြားခဲ့သည်။

ထို့အပြင် KNU ၏ လမ်းညွှန်မှုအောက်မှ ကရင်လူထုနှင့် ကရင်တပ်မတော်သားများအနေဖြင့် မတရားမှုမှန်သမျှကို ကျော်လွှား နိုင်ရန် ခိုင်မာသောသတ္တိ၊ မှန်ကန်သော အမျိုးသားစိတ်ဓာတ်ဖြင့် ဥက္ကဌကြီး၏ မူ ၄ချက်နှင့် ရပ်တည်ပြီး ဘ၀တူ အဖိနှိပ်ခံ တိုင်းရင်းသားများ၊ ဒီမိုကရေစီအင်အားစုများနှင့် လက်တွဲကာ အာဏာရှင်စနစ် ချုပ်ငြိမ်းသွားရေး ဘက်ပေါင်းစုံ ဆက်လက် တိုက်ပွဲဝင်သွားရန် တိုက်တွန်းခဲ့သည်။

အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရေးအတွက် ဖွဲ့စည်းခဲ့သည့် ကရင်အမျိုးသားအစည်းအရုံး(KNU)နှင့် ကရင်အ မျိုးသား ကာကွယ်ရေးတပ်ဖွဲ့ KNDOတို့ကို ၁၉၄၉ခုနှစ် ဇန်န၀ါရီလ ၃၀ရက်နေ့တွင် ထိုစဉ် အုပ်ချုပ်သူ ဦးနုအစိုးရက မတရား အသင်းအဖြစ် ကြေညာခဲ့ပြီးနောက် ဇန်န၀ါရီလ ၃၁ရက်နေ့တွင် ရန်ကုန်ရှိ KNDO ဌာနချုပ်ကို ဦးနု ဦးဆောင်သည့် ၀ိုင်းဝန်း တိုက်ခိုက်ခဲ့သဖြင့် တပြည်လုံးရှိကရင်လူ မျိုးများက ပြန်လည် ခုခံတိုက်ခိုက်ရာမှ ကရင့်လက်နက်ကိုင်တော်လှန်ရေး စတင် ဖြစ်ပေါ်ခဲ့သည်။