Philadelphia စမ်းသပ်ချက် (ဘာသာပြန်ဝတ္ထု) (အပိုင်း -၅)

အခန်း (၅)

အဖိုးနဲ့ စကားပြောပြီးတဲ့ အဲဒီ့ညက ကျွန်မ အလွန် အလုပ်ရှုပ်ခဲ့ပါတယ်။ (၁၉၄၃) ခုနှစ်တုန်းက အဖိုးဖြေရှင်းခဲ့တဲ့ ပုစ္ဆာတွေကို ကျွန်မ ပြန်ပြီး တွက်ချက်ကြည့်နေရတာကြောင့်ပါ။ ကွန်ပျူတာရဲ့ အကူအညီကြောင့် နာရီဝက်အတွင်းမှာပဲ ဖြေရှင်းနိုင်ခဲ့ပါတယ်။ ဒီတုန်းက ကျွန်မ အသုံးပြုခဲ့တဲ့ ကွန်ပျူတာက IBM 286 အမျိုးအစားပါ။ ဒီနေ့ခေတ်ကွန်ပျူတာတွေနဲ့ယှဉ်လိုက်ရင်တော့ donkey cart လို့ ထင်စရာဖြစ်ပေမယ့် ဒီကွန်ပျူတာကလဲ တွက်ချက်မှုတွေအတွက် အတော်အကျိုးကျေးဇူး ရှိစေပါတယ်။ (၁၉၄၃) ခုနှစ်တုန်းကတော့ အဖိုးရဲ့ ဦးနှောက်တွေက ကွန်ပျူတာတွေလိုပဲ အလုပ်လုပ်ခဲ့ရတာ ဖြစ်ပါတယ်။

ကျွန်မရဲ့ တွက်ချက်မှုတွေကနေ ပေါ်ထွက်လာတဲ့ အဖြေကတော့ force field ဟာ အလင်းတန်းတွေကို ကွေးညွတ်စေနိုင်တယ် ဆိုတာပါပဲ။ Philadelphia စမ်းသပ်ချက်နဲ့ပတ်သက်တဲ့ အရာတွေအားလုံးကို ပြည့်ပြည့်စုံစုံ ပြောပြဖို့အတွက် အဖိုးကို ကျွန်မ ထပ်ပြီးတိုက်တွန်းခဲ့ပါတယ်။ ဒါပေမယ့် အဖိုးကတော့ ငြင်းဆန်ခဲ့ပါတယ်။ အိမ်က cellar ထဲမှာ သိမ်းထားတဲ့ ဖိုင်ဟောင်းတွေနဲ့ သတင်းစာဖြတ်ပိုင်းတွေကို ပြန်ရှာပြီး လေ့လာရဦးမယ်လို့ ဆိုပါတယ်။ ကျွန်မကျောင်းသွားနေတုန်းမှာ လေ့လာထားပြီး၊ ပြည့်ပြည့်စုံစုံပြောပြမယ်လို့ ကတိပေးပါတယ်။

နောက်တနေ့ ကျောင်းမှာ စာသင်နေရပေမယ့် ကျွန်မရဲ့ စိတ်က အိမ်ကိုပဲ ရောက်နေပါတယ်။ အဖိုးနဲ့ စကားပြောခွင့်ကိုပဲ စောင့်ဆိုင်းနေမိပါတယ်။ နောက်ဆုံး ကျောင်းလွှတ်ချိန်မှာတော့ အိမ်ကို ဒုန်းဆိုင်းပြီး ပြေးလာမိခဲ့ပါတော့တယ်။ ကျောင်းလွယ်အိတ်ကို လမ်းကြောင်းမှာ ချထားပြီး၊ မီးဖိုထဲကို အပြေးအလွှား လာခဲ့မိပါတယ်။ အဖိုးက ကျွန်မအတွက် နွားနို့တခွက်နဲ့ မြေပဲထောပတ်သုတ် ပေါင်မုန့်ကို လုပ်ထားပြီး အသင့်စောင့်နေပါတယ်။ စက္ကန့်သုံးဆယ်အတွင်းမှာ နွားနို့ကို အတင်းမော့ချသောက်လိုက်တာကြောင့် သီးမတတ်ဖြစ်သွားပါသေးတယ်။

အဖိုးက ကျွန်မဖြစ်နေပုံကို မျက်မှောင်ကျုံ့ပြီး ကြည့်တာကြောင့် ကျွန်မ အရှိန်လျှော့လိုက်ရပါတယ်။ ပေါင်မုန့်ကို ကုန်အောင်စားပြီး၊ ပေါင်မုန့်ပန်းကန်နဲ့ နွားနို့ခွက်ကို သွားဆေးလိုက်ပါတယ်။ ပြီးတော့မှ စားပွဲမှာ ပြန်ဝင်ထိုင်လိုက်ပါတယ်။

" ဒီနေ့ကျောင်းမှာ အဆင်ပြေရဲ့လား"

အဖိုးက အေးဆေးစွာ မေးပါတယ်။

"အတူတူပါပဲ"

ကျွန်မက စိတ်မရှည်စွာ ပြန်ဖြေလိုက်ပါတယ်။

" ဒါတော်တော်ဆိုးတာပဲ"

အဖိုးက မှတ်ချက်ပေးပါတယ်။

ကျွန်မဆက်ပြီး မစောင့်နိုင်တော့ပါဘူး။ ကိုယ်ကို ရှေ့နည်းနည်း ကိုင်းလိုက်ပါတယ်။

" ကျွန်မကို ဘာတွေ ပြစရာရှိလဲ အဖိုး"

စိတ်အားထက်သန်စွာနဲ့ မေးလိုက်မိပါတယ်။

အဖိုးက စားပွဲထိပ်ပိုင်းမှာ စုပုံထားတဲ့ ဖိုင်းတွေကို လက်ညိုးထိုးပြပါတယ်။ ဖိုင်တခုချင်းစီရဲ့ ရှေ့စာမျက်နှာမှာ အဖိုးက အမည်တွေကို လက်ရေးသေးသေးလေးတွေနဲ့ သပ်သပ်ရပ်ရပ် ရေးထားပါတယ်။

“ electromagnetic fields ကို သုတေသန လုပ်ခဲ့ကြတဲ့ သိပ္ပံပညာရှင်တွေအကြောင်း စုစည်းထားတဲ့ ဖိုင်တွေပဲ"

အဖိုးက ဖိုင်တခုကို ကောင်ကိုင်လိုက်ပါတယ်

"ဥပမာ Townsend Brown တို့လို လူတွေပေါ့"

ဒီဖိုင်ထဲမှာ လေးနက်သော မျက်ဝန်းအစုံကို ပိုင်ဆိုင်ထားတဲ့ ခပ်ပိန်ပိန် လူတယောက်ရဲ့ ဓာတ်ပုံကို တွေ့ရပါတယ်။ ဖိုင်ပါ အချက်အလက်တွေအရ သူ့ကို (၁၉၀၅) ခုနှစ်မှာ မွေးဖွားခဲ့ပါတယ်။ မွေးဖွားပြီးနောက်ပိုင်း သူတက်ခဲ့တဲ့ကောလိပ်ကျောင်းတွေနဲ့ အလုပ်အကိုင်တွေအကြောင်းကို ဖိုင်ထဲမှာ ဖော်ပြထားပါတယ်။ နောက်ဆုံး (၁၉၃၀) ခုနှစ်မှာ Naval Research Laboratory မှာ လုပ်ခဲ့တဲ့အချက်ပါ ပါဝင်ပါတယ်။

" အဲဒီမှာ အဖိုးလဲ အလုပ်လုပ်ခဲ့တယ် မဟုတ်လား"

ကျွန်မက မေးလိုက်တော့ အဖိုးက ခေါင်းငြိမ့်ပြပါတယ်။

" မစ္စတာဘရောင်းက အဖိုးထက်ပိုပြီး အသက်ကြီးတယ်။ ပြီးတော့ သူက တခြားဌာနတခုမှာ အလုပ်လုပ်တယ်။ သူက အေးအေးဆေးဆေး နေတတ်တဲ့ လူတယောက်ပဲ။ သူ့ရဲ့ စမ်းသပ်ချက်တွေနဲ့ ပတ်သက်ပြီး အဖိုးတို့တွေ စကားတွေအများကြီး ပြောဖြစ်ခဲ့ကြတယ်။ သူအထူးစိတ်ဝင်စားတာက gravity အကြောင်းပဲ။ အဲဒီမှာ အဖိုးရှိနေတုန်းက သူဟာ Gravitor ဆိုတာနဲ့ အလုပ်များနေခဲ့တယ်။ ဒါက electromagnetic force fields၊ gravity တွေနဲ့ ပတ်သက်ပြီးအိုင်းစတိုင်းရဲ့ သီအိုရီမှန်တယ်ဆိုတာကို သက်သေပြထားပုံပေါ်ပါတယ်။ ဒီသုတေသနမှာ အသုံးပြုဖို့ ဒေါ်လာသန်း (၅၀) ရထားခဲ့တယ်။ အစိုးရက သူ့ကို နောက်ကနေ ထောက်ကူပေးထားခဲ့တယ်။ ဒါပေမယ့် တစုံတရာ ပြောင်းလဲသွားခဲ့ပြီး၊ မှားယွင်းမှုတွေ ဖြစ်သွားတယ်"

" ဒီကိစ္စက Philadelphia စမ်းသပ်ချက်နဲ့ သက်ဆိုင်နေသလား။ USS Eldridge နဲ့ ပတ်သက်ပြီး သူက တာဝန်ရှိခဲ့သူလား"

ကျွန်မက စိတ်အားထက်သန်စွာ မေးလိုက်ပါတယ်။

အဖိုးက ခေါင်းခါလိုက်ပါတယ်။

" ဘာမှ သေချာပြောလို့ မရတော့ဘူး။ ဘာလို့လဲဆိုတော့ (၁၉၄၃) ခုနှစ်၊ ဒီဇင်ဘာလမှာ မစ္စတာဘရောင်းဟာ စိတ်ဖရိုဖရဲဖြစ်ပြီး၊ အလုပ်ကနေ အနားယူသွားခဲ့လို့ပဲ"

" ဒါဆိုရင် သူဟာ Philadelphia စမ်းသပ်ချက်နဲ့ သက်ဆိုင်နေပါတယ်လို့ သက်သေပြလို့ မရတော့ဘူးပေါ့"

ကျွန်မက စိတ်အနှောင့်အယှက်ဖြစ်စွာနဲ့ ပြောလိုက်မိပါတယ်။

အဖိုးက လက်ရေးနဲ့ မှတ်တမ်းတချို့ကို ဆွဲထုတ်လိုက်ပါတယ်။

" စစ်ပြီးကာလမှ သူဘာတွေ ဆက်လုပ်နေခဲ့တယ်ဆိုတာကို အဖိုးလိုက်ပြီး စုံစမ်းနေခဲ့တယ်။ သူက anti-gravity device တခုကို တီထွင်လာခဲ့တယ်။ ဒါက ကစားစရာ တခုလိုပါပဲ။ လျှပ်စစ်အားသွင်းလိုက်ရင် အဲဒီသေးငယ်တဲ့ ငွေရောင် disc လေးက လေထဲကို မြောက်တက်သွားပြီး၊ စက်ဝိုင်းသဏ္ဍာန် ပျံဝဲနေတတ်တယ်။ ဒီအယူအဆတွေဟာ လေကြောင်းခရီးစဉ်နဲ့ စကြ၀ဠာ ခရီးစဉ်တွေအတွက်တော့ အထောက်အကူ ဖြစ်စေမလားပဲ။ ဒါပေမယ့် ဒီတီထွင်မှုတွေ ဆက်ပြီး ပြုလုပ်ဖို့အတွက် သူ့ဆီမှာ ဘဏ္ဍာရေးအရ ကူညီထောက်ပံ့မှုတွေ မရခဲ့ဘူး"

"ဘာကြောင့် သူ့အိုင်ဒီယာတွေကို လူတွေက မလိုချင်ကြတာလဲ။ ဘာကြောင့်လဲ။ ဒီလိုအိုင်ဒီယာတွေကို သူတို့လက်ထဲ ရောက်လာအောင် လူတွေက ဘာလို့ မလုပ်ကြတာလဲ"

ကျွန်မ အံ့သြတကြီးနဲ့ မေးလိုက်မိပါတယ်။

" တကယ်တော့ တချို့လူတွေက ဒီအိုင်ဒီယာတွေကို လိုချင်ကြပါတယ်။ ပြဿနာက ဒါတွေကို တစုံတရာက လိုက်လံနှောင့်ယှက်နေခဲ့တာပါ။ ကုမ္ပဏီတခုက သူ့ရဲ့ အိုင်ဒီယာတွေကို စိတ်ဝင်စားခဲ့တယ်။ ဒါပေမယ့် သိပ်မကြာခင်မှာပဲ ဒီကုမ္ပဏီကို တခြားကုမ္ပဏီတခုက လက်ဝါးကြီးအုပ်ရယူသွားခဲ့တယ်။ သူအလုပ်ပြုတ် သွားပြန်တယ်။ နောက်တော့ မီလျံနာတယောက်က သူ့ကို အကူအညီပေးပြန်တယ်။ အဲဒီ မီလျံနာက လေယာဉ်ပျက်ကျပြီး သေသွားခဲ့တယ်။ မှတ်တမ်းတွေထဲမှာတော့ မတော်တဆမှုလို့ သေချာရေးထားတယ်။ သူအလုပ်ပြုတ်သွားပြန်တယ်"

မှတ်တမ်းတွေကို ကျွန်မကိုယ်တိုင် ကောက်ယူပြီး ဆက်ဖတ်ကြည့်လိုက်ပါတယ်။

(၁၉၅၈) ခုနှစ်မှာ သူ့ကိုယ်ပိုင်ကုမ္ပဏီကို ထောင်ဖို့ လုံလောက်တဲ့ ပိုက်ဆံတွေ သူရှိလာခဲ့တယ်။ ဒါပေမယ့် သူတီထွင်ထားတဲ့ models တွေကို flying machines အဖြစ် ပုံပြောင်းပေးနိုင်မယ့် လူတွေကို သူမတွေ့ခဲ့ဘူး။

ကျွန်မ စိတ်ပျက်စွာ ခေါင်းခါယမ်းလိုက်မိပါတယ်။

အဖိုးက ကျွန်မကိုကြည့်ရင်း မေးပါတယ်။

" အဲဒါ ဘာကြောင့်လို့မင်းထင်သလဲ"

ကျွန်မ အသက်ကို ခပ်ပြင်းပြင်း ရှုလိုက်မိပါတယ်။

" အချက်သုံးချက်ကို စဉ်းစားမိတယ်။ ပထမတချက်ကတော့ သူက အင်မတန် ကံဆိုးသူတယောက်မို့ပဲ။ တချို့လူတွေက အဲလိုပဲ။ ဘာလုပ်လုပ်၊ ဒီလို အံချော်မှုတွေနဲ့ပဲ ကြုံကြရတယ်။ ဒုတိယတချက်ကတော့ လူတွေက Philadelphia စမ်းသပ်ချက်နဲ့ ပတ်သက်တာတွေ ကြားထားပြီး၊ နောက်တခါ ဒီလိုမျိုးတွေ ထပ်ဖြစ်လာမှာကို ကြောက်ရွံ့လို့ပဲ"

" နောက်ဆုံးတချက်ကကော"

အဖိုးက ခပ်ဖျော့ဖျော့လေး ပြုံးပြီး မေးလိုက်ပါတယ်။

" နောက်ဆုံးတချက်ကတော့ ပါဝါရှိသူတွေ၊ အစိုးရလဲ ဖြစ်နိုင်ပါတယ်။ သူတို့က မစ္စတာ ဘရောင်းကို မအောင်မြင်စေချင်တဲ့အတွက် သူ့ကို ထောက်ကူပေးမယ့်သူတွေကို ခြိမ်းချောက်ထားလို့ပဲ"

"ကောင်းတယ်"

အဖိုးက ဆက်ပြောလိုက်ပါတယ်။

" ဒါတွေက အဖိုး သုံးသပ်ချက်တွေနဲ့ တထပ်တည်းပဲ"

"နောက်ပိုင်းမှာ မစ္စတာဘရောင်း ဘာဖြစ်သွားလဲ"

ကျွန်မက ဆက်မေးလိုက်ပါတယ်။

"သူက အလုပ်ကနေ အနားယူထားပေမယ့် သူ့အိပ်မက်ဖြစ်တဲ့ anti-gravity တီထွင်မှုတွေကို ရောင်းချဖို့ ဆက်ပြီး ကြိုးပမ်းနေခဲ့တယ်။ ဘယ်သူ့ကိုပဲ ဖြစ်ဖြစ်ပေါ့"

ကျွန်မ အတန်ကြာ တွေးနေမိပါတယ်။

" ဒုတိယကမ္ဘာစစ်တွင်းကာလမှာ အိုင်းစတိုင်း အမေရိကန်ရေတပ်အတွက် အလုပ်လုပ်ခဲ့တယ်။ သူ့ဆီမှာ anti-gravity သီအိုရီတခုကို ဖော်ထုတ်ထားနိုင်ခဲ့တယ်။ သူက electromagnetic fields မှာ ကျွမ်းကျင်တဲ့ ပရော်ဖက်ဆာ Ladenburg နဲ့ အတူတွဲပြီး အလုပ်လုပ်ခဲ့တယ်။ Townsend Brown က ဒီဌာနမှာပဲ anti-gravity နဲ့ ပတ်သက်ပြီး အလုပ်လုပ်ခဲ့တယ်။ မော်ဒယ်တွေကို စမ်းသပ်ခဲ့ကြတယ်။ သူတို့ စမ်းသပ်ချက်တွေကို အဖိုးက တွက်ချက်ပေးခဲ့ရတယ်။ (၁၉၄၃) အကုန်ကာလအထိ အားလုံး အဆင်ပြေနေခဲ့တယ်။ ပြီးတော့ တစုံတရာ ဖြစ်ပွားသွားခဲ့တယ်။ ဒါက ဆိုးရွားတာကြောင့် အစိုးရက သုတေသနကို ရပ်ဆိုင်းလိုက်ရတယ်။ ဘယ်သူ့ကိုမှ ဒါနဲ့ပတ်သက်ပြီး ဆက်လက်စမ်းသပ်မှုတွေ မလုပ်နိုင်အောင် ပိတ်ပင်လာခဲ့တယ်။ ဒါက ဘာလဲ။ အဖိုး"

အဖိုးက ဖိုင်တဖိုင်ကို ကျွန်မလက်ထဲ ထည့်လိုက်ပါတယ်။

" ဖတ်ကြည့်ပြီး ကိုယ့်ဘာသာကိုယ် စဉ်းစားဆုံးဖြတ်ကြည့်ပါ။ ဒီဇာတ်လမ်းက စိတ်ဝင်စားဖို့ကောင်းတယ်။ စစ်ကြီးပြီးလို့ (၁၅) အကြာမှာမှ ဒီဇာတ်လမ်း ပေါ်ထွက်လာခဲ့တယ်။ ယုံကြည်မလား၊ မယုံကြည်ဖူးလား ဆိုတာတော့ ကိုယ့်ဘာသာကိုယ် ဆုံးဖြတ်ကြည့်ပေါ့"

အဖိုးက Jessup လို့ အမည်ပေးထားတဲ့ ဖိုင်တဖိုင်ကို ကျွန်မဆီ ပေးထားခဲ့ပြီး၊ ညစာအတွက် စတင်ပြင်ဆင်နေပါတော့တယ်။

ကျွန်မ ဖိုင်ကို ဖွင့်လိုက်ပါတယ်။ အဲဒီမှာတင် ပထမဆုံးအနေနဲ့ USS Eldridge ဇာတ်လမ်း ပြည့်ပြည့်စုံစုံကို ကျွန်မ စဖတ်လိုက်ရတာပါပဲ။

(ဆက်လက်ဖော်ပြပါမည်)

ရေးသားသူ- Terry Deary

စာအုပ်အမည်- The Philadelphia Experiment

စာအုပ်ထုတ်ဝေသည့်နှစ်- (၁၉၉၆) ခုနှစ်

စာအုပ်အမျိုးအစား- လူငယ်စာပေ

ဘာသာပြန်သူ – ခင်မမမျိုး (၀၆၊ ၀၄၊ ၂၀၁၂)