မြန်မာပြည်တောင်သူလယ်သမားများအတွက် ရွှေရောင်အိပ်မက်

by Aye Aye Khin on Friday, February 3, 2012 at 6:13am ·

ဒီနေ့ နည်းနည်းလောက် Share လုပ်ချင်လို့ စာလေးနည်းနည်းလောက်ရေးလိုက်ပါတယ်။ ကြိုးစားပြီးဖတ်ပေးရင် လည်းကျေးဇူးပါဘဲ။ ညကတော်တော်နဲ့မအိပ်ဖြစ်တာနဲ့ မြန်မာပြည်သတင်းတွေ ဖတ်နေရာကနေ ............

ထိုင်းနိုင်ငံမှာ မနှစ်က ရေကြီးတဲ့အတွက် ဒီနှစ်ပြည်တွင်းအတွက် ဆန်စပါးဖူလုံအောင်တောင် မနည်းလုပ်ယူရမယ်။ ဒါကြောင့် ဒီနှစ်ဆန်ကို မြန်မာပြည်ကနေ ၀ယ်မယ်ဆိုတဲ့အကြောင်း၊ နောက်ပြီး သတင်းတစ်ပုဒ်က .........
မြန်မာ့ဆန် တန်ချိန် နှစ်သိန်း အင်ဒိုနီးရှားကို ရောင်းရန် သဘောတူ
နှင့် မြန်မာနိုင်ငံသည် နောက်လာမည့်အနာဂတ်မှာ World Wide ဆန်စပါးတင်ပို့မှု အများဆုံးနိုင်ငံဖြစ် လာနိုင်တယ်ပေါ့လေ................

ဖတ်ရတဲ့သတင်းတွေဟာ မြန်မာနိုင်ငံဆန်စပါးအတွက် အတော်ကိုအားရကျေနပ်ဖို့ကောင်းပါတယ်။ ခက်တာက မြန်မာနိုင်ငံမှာ ဆန်စိုက်နေသော လယ်သမားတွေ ဆင်းရဲနေကြတယ်။ လယ်စိုက်ပြီး လယ်ယာပိုင်ဆိုင်ခွင့်မ၇တာတို့၊ လယ်သမားတို့ရဲ့မြေယာတွေကို သိမ်းဆည်းထားတာတို့၊ လယ်သမားတွေမှာ အကြွေးတွေနဲ့ပိနေတာတို့၊ တစ်ချို့ကရင်ပြည်နယ်၊ မွန်ပြည်နယ်၊ ကချင်ပြည်နယ် နဲ့တစ်ခြားမြို့နယ်တွေမှာ လယ်ယာမြေတွေ၇ှိပြီး မြေယာတွေက လစ်ဟာနေပြီး၊ မြေအလွတ်တွေကြီးဘဲ ကျန်ခဲ့ပြီး ဆန်စိုက်မဲ့ လယ်သမားတွေ မ၇ှိဘဲဖြစ်နေတာတို့၊ ဒေသခံတွေ တစ်ချိန်လုံး ပြည်တွင်းစစ်ပွဲတွေပဲဖြစ်နေလို့ တစ်ချို့ဒေသတွေမှာ  မြေယာတွေထားခဲ့ရပြီး ထွက်ပြေးနေရတာတို့၊ ထိုင်းနိုင်ငံဘက် ကူးပြီး မိသားစုအားလုံး အလုပ်သွားလုပ်နေရတာတို့ ဖြစ်နေတဲ့အတွက် လက်၇ှိမြန်မာနိုင်ငံရဲ့ ဆန်စပါးစိုက်ပျိုးရေးသည် တိုးတက်မှု နေနေသာသာ၊ မြန်မာဆန်စပါးစိုက်ပျိုးတိုးတက်မှု လက်၇ှိအခြေအနေသည် နိုင်ငံတကာကို  လှမ်းနိုင်ဘို့ဆိုတာ ကျွန်မအမြင်မှာတော့ အဲ့ဒါတွေအရင် တိုးတက်ကောင်းမွန်မှု၇ှိအောင် အရင်လုပ်ရအုန်းမယ်လို့ ထင်ပါတယ်။
ဥပမာ- ဖိလစ်ပိုင်၊ မလေး၇ှားနှင့် ထိုင်းမှာ လယ်သမားတွေ မိမိစိုက်တဲ့ လယ်ကွင်းအထိ သယ်ယူပို့ဆောင်ရေး ကောင်းမွန်တဲ့အတွက် ကားနဲ့သွားနိုင်တယ်။ လယ်ကွင်းထဲမှာ အင်တာနက်နဲ့  မိမိထွက်ကုန်ဈေးနှုန်း နေ့စဉ်ဘယ်လောက်၇ှိသလဲ ကြည့်နိုင်တယ်။ Hand Phone နဲ့လယ်ကွင်းထဲကနေ World Wide ကို လှမ်းပြီးဆက်သွယ်နိုင်တယ်။

မြန်မာပြည်ရဲ့အိမ်နီးချင်းနိုင်ငံတွေလည်းဖြစ်၊ World အင်အားကြီးနိုင်ငံတွေလည်းဖြစ်တဲ့ တရုတ်၊ အိနိယ နိုင်ငံနှင့် တစ်ခြားအိမ်နီးချင်းနိုင်ငံတွေဟာ အဓိက ဆန်စားတဲ့နိုင်ငံတွေဖြစ်ပါတယ်။ မြန်မာနိုင်ငံကို တစ်ခြားတိုးတက်မှုတွေ လုပ်ဘို့ခဏထားပြီး အောက်ခြေက ဆန်စပါးစိုက်ပျိုးတိုးတက်မှုကို အမြော်အမြင်၇ှိ၇ှိနဲ့ နိုင်ငံတော်အစိုးရက စပြီး စဉ်းစားပြီး လုပ်နိုင်မယ်ဆိုရင် တောင်သူလယ်သမားတွေ အတော်အဆင်ပြေမယ်လို့ ထင်ပါတယ်။ မြန်မာနိုင်ငံမှာက မြို့နေနဲ့ တောနေ လူတန်းစားမှာ တောနေလူတန်းစားက ပိုများတော့ ဆန်စိုက်ပြီး လူတိုင်းအဆင်ပြေနေရင် ဘယ်သူမှ မလေး၇ှားမှာ၊ ထိုင်းမှာလည်း လာအလုပ်လုပ်မှာမဟုတ်တော့ဘူး။ ကိုယ့်နိုင်ငံမှာဘဲ ကိုယ်ပြန်ဆန်စိုက် စားနေမှာပေါ့နော်။ အခုတော့ ဆန်စိုက်တဲ့လူတွေမှန်သမျှ မွဲ၊ အဆင်မပြေ၊ ဆင်းရဲ။ တကယ်က ဒါကြီးက ကျွန်မတို့နိုင်ငံ၇ဲ့ တကယ့်စီးပွားရေး ဈေးကွက်ကြီး။ တောင်သူလယ်သမားတွေကို အတတ်ပညာ အသိပညာတွေ တစ်ဆင့်ပြီးတစ်ဆင့်ပေးပြီး တိုးတက်အောင်နှင့် နိုင်ငံရဲ့စီးပွားရေးကို အဲ့ဒီမှာ အခြေခံပြီးတိုးတက်အောင်လုပ်ရမှာ။ အခုဆိုရင် မလေး၇ှားမှာ လာအလုပ်လုပ်တဲ့လူအများစုက ပညာတတ်လူတန်းစားတွေထက် တောကနေ စပါးမစိုက်တော့ဘဲ လာအလုပ်လုပ်တဲ့လူတွေပိုများနေတယ်။

မြန်မာနိုင်ငံကြီးတိုးတက်ပြောင်းလဲမှုတွေ စနေပြီးဆိုပေမဲ့ အခြေခံ ဆန်တစ်အိတ်ကို မြန်မာပြည်မှာ ဘယ်လောက်လဲ။ ၀န်ထမ်းတွေ၊ ပြည်သူတွေ တစ်ယောက်ချင်းဝင်ငွေနဲ့ ဆန်တစ်အိတ်ကို ဈေးပေါပေါနဲ့ဝယ်စားနိုင်ပြီလား။ ဥပမာ ဆန်တစ်တင်းခွဲတစ်အိတ်ကို ငွေ၁၀၀ ကျပ်လား၊ ၁၀၀၀ ကျပ်နဲ့လား ၀ယ်စားနိုင်ပြီလား။ ရတဲ့လစာနဲ့ လောက်ငှစွာ ဆန်တစ်အိတ်ကို ကျေကျေနပ်နပ် ၀ယ်စားနိုင်ပြီလား။ ဘာဖြစ်လို့လဲဆိုတော့ ကျွန်မတို့နိုင်ငံရဲ့စီးပွားရေးက ဆန်စပါးကို အဓိက အခြေခံတဲ့ စီးပွားရေး။ ဆန်တစ်အိတ်ရဲ့ဈေးနှုန်းကဈေးမကျဘဲနဲ့ အောက်ခြေလူတန်းစားတွေ အဆင်ပြေပြေနဲ့ သက်သာစွာ မ၀ယ်စားနိုင်သေးဘဲနဲ့ မြန်မာနိုင်ငံကြီးတိုးတက်နေပြီလို့ပြော လို့မရသေးပါဘူး။

ဒါကတော့ မည်သည့်အစိုးရတက်တက်၊ မည်သည့်အစိုးရပါတီအာဏာရရ၊ ဒါအရင်ဆုံးလုပ်ရမဲ့အလုပ်ပဲ။ အန်တီစုက အပေါ်ထပ်အဆောက်အအုံကို ပြောင်းလဲနိုင်ဘို့ကြိုးစားနေသလို အခြေခံ အဆောက်အအုံ ကို ပြောင်းလဲအောင် လုပ်နိုင်ဘို့ တာဝန်ရှိတဲ့လူတွေ၊ ပါဝါအာဏာရှိတဲ့လူတွေ၊ လုပ်နိုင်တဲ့လူတွေ လုပ်သင့်နေပြီလို့၊ အဲ့ဒီအချက်ကို စဉ်းစားဘို့သင့်နေပြီ ထင်လို့ ဒီစာလေးကို ရေးလိုက်ရတာပါ။  အန်တီစု တစ်ယောက်ထဲလုပ်၊ ကျန်တဲ့လူတွေက အန်တီစုလုပ်တာစောင့်နေမယ် ဆိုရင်တော့ မြန်မာနိုင်ငံကြီး တိုးတက်ဘို့ အများကြီးလိုသေးတယ်လို့။

မြန်မာပြည်မှာလည်း ဘယ်လောက်အသိပညာတတ်တတ်၊ ပါဝါအာဏာမရှိရင် ဘာမှလုပ်လို့မရတာ အားလုံးလည်းသိကြပါတယ်။  တစ်ချို့ပညာတတ်တွေ နိုင်ငံခြားမှာ ပညာသင်ပြီးပြန်လာ၊ ဒေါက်တာဘွဲ့၊ ပါရဂူဘွဲ့တွေ ယူပြီးပြန်လာ၊ ချောင်ထိုးခံရ၊ ကိုယ့်တတ်တဲ့ပညာနဲ့ တိုင်းပြည်အတွက်ပြန်လည်အသုံးချခွင့်မရ၊ လက်၇ှိမြန်မာပြည်တွင်းမှာရှိတဲ့ ပညာတတ်တွေကျတော့ မြန်မာပြည်အတွက် ဘာမှအသုံးမ၀င်သလိုဖြစ်နေ၊ ကိုယ်တတ်တဲ့ပညာကို နေရာမှန်လူမှန်အသုံးချခွင့်မရ၊ အချို့က ကိုယ်တတ်တဲ့ပညာကို ပြန်လည်အသုံးမချ။ ဥပမာ- ဆရာဝန်က အဆိုတော်ဖြစ်၊ စာရေးဆ၇ာဖြစ်၊ အင်ဂျင်နီယာက သတင်းထောက်ဖြစ်၊ သတင်းသမားဖြစ်။ ကြီးကြီးကျယ်ကျယ်ပြောရရင် Brain Drain တွေဖြစ်နေတယ်ပေါ့။

ဒါပေမဲ့ ဥပမာ မလေး၇ှားနိုင်ငံတစ်ခုထဲဘဲကြည့်ရင် ဆရာဝန်ဖြစ်ဘို့ အနည်းဆုံး ၆ နှစ်မှ ၇နှစ်ပညာတွေသင်၊ ငွေတွေ၊ အချိန်တွေကုန်။ ဒါပေမဲ့ သူတို့က ကျောင်းပြီးရင် ဆရာဝန်က ဆရာဝန်အလုပ်ဘဲလုပ်တယ်။ အင်ဂျင်နီယာက အင်ဂျင်နီယာအလုပ်မှာဘဲ လုပ်တယ်။ ကျွန်မတို့ တကသိုလ်က ဆရာပါမောက်ခတွေ ဆိုရင် Undergraduate ကျောင်းပြီးတာ ၁၉၆၆၊ အဲ့ဒီထဲက တကသိုလ်မှာ အလုပ်လုပ်တာ၊ ပြီးတော့ U.S.A မှာ Master နှင့် ဒေါက်တာပါရဂူဘွဲ့ရ၊ ပြီးတော့ တကသိုလ်မှာဘဲပြန်ပြီး အလုပ်လုပ်နေတာ အခုထိဘဲ။ လုပ်သက်ကမနည်းတော့ဘူး။ သူတို့ဆိုရင် စိုက်ပျိုးစီးပွားရေးနဲ့ပတ်သက်ပြီး ဘာမေးမေး၊ ဘာလုပ်လုပ်၊  အတွေ့အကြုံကအပြည့်။ အမြဲတမ်းသူတို့ကိုကြည့်ရင် အင်တာနက်ကြည့်၊ World News နေ့စဉ်ဖတ်၊ သူတို့မှာ အမြဲအလုပ်ရှုပ်နေ တယ်။ ပြီးတော့ အေးဆေး တည်ငြိမ်နေတာဘဲ။ ကျွန်မအမြင်မှာတော့ အဲ့ဒီအလုပ်က သူတို့မိသားစုအတွက် ၀င်ငွေလုံလောက်ယုံတင်မက သူ့အနာဂတ်အတွက် စိတ်ချယုံကြည်ရပြီး၊ အခြားအခွင့် အလမ်းတွေပါ ဖန်တီးပေးနေလို့ဘဲ။ နိုင်ငံတစ်နိုင်ငံတိုးတက်ဘို့ဆိုတာလည်း လူတွေရဲ့ Man Power, Human Capital Management, Human Capital Resources and Human Capital Allocative Efficiency ဟာလည်း အရမ်းအရေးကြီးတဲ့အကြောင်းပါတွဲပြီး စဉ်းစားကြည့်မိတယ်။ ငါတို့နိုင်ငံမှာလည်း အဲ့လိုမျိုးဖြစ်ရင် သိပ်ကောင်းမှာဘဲလို့................

မဆိုင်လား ဆိုင်လားတော့မသိဘူး၊ စိုက်ပျိုးရေးနဲ့ ဒေါက်တာဘွဲ့တွေရပြီးသားတွေ အခုချိန်မှာ များပြားနေတဲ့ အချိန်မှာ ကျွန်မတို့ရဲ့ အတွေ့အကြုံများပြီး လေးစားရတဲ့ဆရာကြီးဆရာမကြီးများထဲက သို့မဟုတ် စိုက်ပျိုးရေးဒေါက်တာ တစ်ယောက်ယောက်များ လွှတ်တော်ထဲဝင်အရွေးခံပြီး၊ စိုက်ပျိုးရေးဝန်ကြီးဖြစ်ပြီး လယ်သမားများအရေး၊ မြေယာအရေး၊ ကိုယ့်မြေယာကို လွတ်လပ်စွာ စိုက်ပျိုးနိုင်ခွင့်၊ ပိုင်ဆိုင်ခွင့်ကို ကူညီစဉ်းစားပေးပြီး ယခုဆန်စပါးစိုက်၊ ထွက်လာရင် ယခုချက်ချင်းနိုင်ငံခြားနဲ့ချိပ်ဆက်ပြီး ဆန်စပါးတင်ပို့မှု ကို တောင်သူလယ်သမားများ ကိုယ်တိုင်ကိုယ်ကျ လုပ်နိုင်၊ ကိုယ်စိုက်ပြီး ကိုယ်တိုင်နိုင်ငံခြားကို တင်ပို့နိုင်တဲ့ မြန်မာပြည်ရဲ့ တောင်သူ လယ်သမားများ အတွက်ေ၇ွှရောင်အိပ်မက်တွေ၊ ပြည်သူတွေ အားလုံးအတွက် ရွှေရောင်အိပ်မက်တွေ၊ ဖြစ်လာမယ်ဆို၇င်၊ အမြန်ဆုံးဖြစ်လာပါစေလို့လဲ ဆုတောင်းရင်း နဲ့..................

Best Regards,
Dr. Aye Aye Khin (PhD, UPM)

အစမ်းသပ်ခံ လယ်သမားများဘဝ

နေပြည်တော် အစိုးရအသစ်နှင့် စိုက်ပျိုးရေးစီမံကိန်း နိုင်ငံတော်အစိုးရမှ လယ်ယာကဏ္ဍလို စီမံကိန်မျိုးကို အာဏာကိုင်စွဲပြီး ဖိအားပေး အကြပ်ကိုင်မှုမျိုးနှင့် စီမံကိန်းကို အကောင်အထည်ဖေါ်ခိုင်းနေလျှင် နိုင်ငံတော်နှင့် လယ်သမားများအတွက် အကျိုးကျေးဇူးများ မရှိနိုင်ပါ။ မရေရာသည့် စီမံကိန်းကို လယ်သမားများအနေဖြင့် အသုံးချခံ လုပ်ကိုင်ပေးနေရသဖြင့် သူတို့ဘဝလည်း အစမ်းသပ်ခံ ဘဝအဖြစ်သို့ ရောက်ရှိ သွားရသည်။

မွန်ပြည်နယ် ကျိုက်မရောမြို့နယ်မှ စပါးစိုက်ခင်း(ပုံ - hv-986)

ယနေ့ ဦးသိန်းစိန်အစိုးရ လက်ထက်မှာပင် လယ်ယာနှင့် ဆည်မြောင်းဝန်ကြီး ဌာနအောက်ရှိ ဆည်မြောင်း တာတမံများနှင့် မြစ်ရေတင် စီမံကိန်းများသည် ၁၆ ရာခိုင်နှုန်းခန့်သာ အကျိုးပြုနိုင်သည်ဟု နိုင်ငံတော်စာရင်းစစ်ချုပ်၏ စစ်ဆေးတွေ့ရှိချက်ကို လွှတ်တော်သို့ တင်ပြခဲ့ပါပြီ၊ အာဏာရခဲ့သည့် စစ်ခေါင်းဆောင်များ၏ ပညာမဲ့လုပ်ရပ်ကြောင့် နိုင်ငံတော် ဘဏ်ဏ္ဍာငွေ အမြောက်အမြား နစ်နာဆုံးရှုံးမှုအပေါ် လက်ရှိအစိုးရက မည်သို့မျှ အရေးမယူ နိုင်သေးသည်ကို ပြည်သူများ စောင့်ကြည့်နေသည်။

ယခုလည်း တစ်ဧကတင်း (၂၀၀) ကျော်ထွက်မည့် ပုလဲသွယ် စပ်မျိုးစပါးကို လယ်ဆည် ပြည်ထောင်စုဝန်ကြီး ဦးမြင့်လှိုင်က နေပြည်တော်ကောင်စီ နယ်မြေအတွင်းမှာ တွန်းတွန်းတိုက်တိုက် ဧကရာချီ စိုက်ပျိုးပြသထားသည်ကို လယ်သမားများမှအစ သမ္မတဦးသိန်းစိန် ကိုပါ ပြသနေသည်ကို သတင်းစာများမှာ ဖော်ပြနေသည်။

ပုလဲသွယ် စပါးစိုက်ပျိုးရေး စီမံကိန်းကို လယ်သမားပိုင် လယ်ပေါ်နှင့် ကုမ္ပဏီပိုင် လယ်များပေါ်မှာ ဝန်ကြီးဦးမြင့်လှိုင်က စမ်းသပ် စိုက်ပျိုးနေသည်။ ဦးမြင့်လှိုင်သည် ယခင်အရှေ့ပိုင်း တိုင်းမှူးဘဝတုံးကလည်း စီမာတရုတ် စပ်မျိုး စိုက်ပျိုးရေး စီမံကိန်းကို ရှမ်းအရှေ့ရှိ ရှမ်း တောင်သူများကို ဖိအားပေး အာဏာသုံး စိုက်ခိုင်းခဲ့ရာ တောင်သူများ ကိုယ်ကျိုးနည်းပြီး အကြွေးတင် မြေဆုံးပြီး စီမံကိန်း၏ စမ်းသပ်ခံ ဘဝနှင့် ဆင်းရဲမွဲတေ ကျန်ရစ်ခဲ့ရသည်။

ယခုတဖန် နေပြည်တော်တွင် ပုလဲသွယ် စပ်မျိုးနှင့် စပါးစီမံကိန်းကို ထပ်မံ အကောင်အထည်ဖေါ် နေပြန်သဖြင့် ယခင်အဖြစ်မျိုးနှင့် ထပ်မံကြုံရမည်ကို လယ်သမားများ စိုးရိမ်နေကြသည်ဟု ရမည်းသင်းခရိုင် မြန်မာ့စိုက်ပျိုးရေး ခရိုင်မန်နေဂျာ တာဝန်ထမ်းခဲ့ဘူးသူ တဦးက ပြောသည်။

“မည်သည့် စီမံကိန်းမျိုးကိုမဆို တိကျခိုင်မာတဲ့ မူဝါဒ၊ မှန်ကန်တဲ့ နည်းပညာ၊ မှန်ကန်တဲ့ ဦးတည်ချက်တွေနဲ့ ပြည်သူတွေရဲ့ ပါဝင်ပူးပေါင်းမှု အားက အရေးကြီးဆုံးပဲ ဒါဟာ စီမံကိန်း အောင်မြင်ဖို့ အဓိကအချက်ပဲ” ဟု ဒေါက်တာဆလိုင်ထွန်းသန်း ယခင်စိုက်ပျိုးရေး တက္ကသိုလ် ပါမောက္ခချုပ်က စာရေးသူ အပါအဝင် အရာရှိသင်တန်းသားများကို အဆင့်မြင့် လယ်ယာ သီးနှံဘာသာရပ် သင်တန်း သင်ကြားပို့ချပေးခဲ့စဉ်က ပြောကြားခဲ့သည်များကို မှတ်သားခဲ့ရသည်။

၎င်းအချက်များ လေးစားလိုက်နာမှု မရှိပါပဲနှင့် ဖိအားရော အာဏာပါ သုံးသည့် စီမံကိန်းမျိုး ဖြစ်ပါက ထိုစီမံကိန်း မအောင်မြင်နိုင်ပဲ နိုင်ငံတော်က နစ်နာသလို အထူးသဖြင့် လက်တွေ့ လုပ်ကိုင်နေသူ လယ်သမားများက ပိုထိခိုက်နစ်နာရပြီး သူတို့ဘဝလည်း စီမံကိန်းအတွက် အစမ်းသပ်ခံ ဘဝမျိုး ဖြစ်သွားရသည်။ နောင်ဆို စီမံကိန်းဟု အသံကိုပင် မကြားချင်ကြ ဖြစ်သွားရသည်ဟု ဆရာက ဆက်ပြောသည်။

အတိတ်က မှားယွင်းမှုများ ၁၉၇၃ ခုနှစ်မှ စတင်၍ စပါးအထူးအထွက်တိုး စီမံကိန်းတရပ်ကို ရန်ကုန်တိုင်း တိုက်ကြီး မြို့နယ် ဖလုံရွာမှာ အထွက်တိုးမူ ၁၀ ချက်နှင့် လယ်သမားပိုင် လယ်ဧက (၁၀၀) မှာ စမ်းသပ် လုပ်ကိုင်ခဲ့သည်။

“ကိုယ့်လယ်မြေ၊ ကိုယ့်မျိုး၊ ကိုယ့်လုပ်အား၊ ကိုယ့်ဓါတ်မြေ ကိုယ်ဝယ်ပြီး စိုက်ပျိုးရေးဌာနက နည်းပညာနဲ့ စပါး အထူးထွက်တိုးအောင် တို့လယ်သမားက လုပ်ခဲ့တယ်၊ ဒါကို မဆလပါတီနဲ့ ကောင်စီရဲ့ လမ်းညွှန်ကြီးကြပ်မှုနဲ့ စပါးအထွက် တိုးလာတယ်လို့ ပြောတယ်ဗျာ၊ လယ်သမားကို အစမ်းသပ်ခံ ဘဝအဖြစ် အသုံးချခဲ့တာ” ဟု ဖလုံရွာက အထွက်တိုး စီမံကိန်းမှာပါသည့် လယ်သမားတဦးက ပြောခဲ့သည်။

ထို့အပြင် နဝတ၊ နအဖ ခေတ်မှာလည်း “ရေအောက်မြေ ဖေါ်ထုတ်ရေးစီမံကိန်း၊ မြေနုကျွန်းပေါ် ခွဲဝေစိုက်ပျိုးရေးနှင့် စပါးငါးတွဲဖက် စီမံကိန်းတွေကို လယ်သမားတွေ အတွက်လို့ ဆိုပြီး လယ်သမားလုပ်အားကို အသုံးချခဲ့တယ်၊ ဒါပေမယ့် လယ်သမားတွေ အကျိုးမခံစား ရဘူး၊ မပိုင်ခဲ့ဘူး၊ စီမံကိန်းရဲ့ အစမ်းသပ်ခံ ဘဝနဲ့ လယ်စာရင်းငှား ဘဝရောက်ခဲ့ရပြန်တယ်” ဟု ဧရာဝတီတိုင်း ညောင်တုန်းမြို့နယ် ဆားမလောက်ရွာက လယ်သမားတဦးက ဆိုပြန် သည်။

မြန်မာနိုင်ငံမှာ လုပ်ဆောင်ခဲ့ဘူးသည့် မည်သည့်လယ်ယာကဏ္ဍ ဖွံ့ဖြိုးရေး စီမံကိန်းများမှ အောင်မြင်မှု အကျိုးရလဒ် များများစားစား မတွေ့ရှိရပဲ ဆုံးရှုံးမှုသာ ရှိခဲ့သည်။ ထိုမှားယွင်းမှုများကို အာဏာရ အစိုးရအဆက်ဆက်က တာဝန်ရှိမှု၊ တာဝန်ယူမှု မရှိခဲ့ပါ။

လယ်ယာကဏ္ဍ

ဖွံ့ဖြိုးရေး စီမံကိန်းသည် တနိုင်ငံလုံးအတိုင်းတာကို ဖြန့်ကြက် လွှမ်းခြုံရသည့်အတွက် အလွန်ကျယ်ပြန့်သည်၊ လယ်သမားထု ပါဝင်ပူးပေါင်းလာရန် လိုအပ်၍ အခြားစီမံကိန်းများ အထက် ခက်ခဲသည်။

“အောင်မြင်ဖို့ အဓိကက စီမံကိန်းကို ချမှတ်တဲ့ အစိုးရနှင့် စီမံကိန်းကို လက်တွေ့လုပ်ဆောင်ရမည့် တောင်သူလယ်သမားများ အကြား ကွက်လပ်မရှိရပဲ လက်တွေ့ကျသော လုပ်ဆောင်ချက်ကသာ စီမံကိန်းအောင်မြင်မယ်” ဟု ယခင် မဆလ အစိုးရလက်ထက် ကမ္ဘာ့ဘဏ်နှင့် လယ်ဆည်ဝန်ကြီးတို့ ပူးပေါင်း အကောင်အထည်ဖေါ်ခဲ့သော စပါး (၁) စီမံကိန်းတွင် ပါဝင်ခဲ့သည့် စိုက်ပျိုးရေး မန်နေဂျာ ဦးစောဒီဒီ (အငြိမ်းစား) က ပြောပြသည်။

လယ်ယာကဏ္ဍ ဖွံ့ဖြိုးရေးစီမံကိန်းများကို နိုင်ငံတော် စီမံကိန်းအဖြစ် အစိုးရအဆက် ဆက်က အကောင်အထည် ဖေါ်ခဲ့ကြသော်လည်း တကယ်လက်တွေ့တွင် အစိုးရမှ ချမှတ်ထားသည့် မူဝါဒနှင့် နည်းပညာပိုင်းဆိုင်ရာ လွဲချော်မှားယွင်းမှုကြောင့် ယခင်ကာလမှ သည်လက်ရှိအခြေအနေအထိ မအောင်မြင်ပဲ ဖြစ်နေသည်ဟု စီးပွားရေး ပညာရှင်များက သုံးသပ်နေကြသည်။

“တကယ်တော့ သီးနှံ စိုက်ပျိုး ထုတ်လုပ်တဲ့အခါ ဒေသအလိုက် စိုက်ပျိုးရေး သုတေသနများ မှ တိကျတဲ့ သုတေသန တွေ့ရှိချက် နည်းပညာအဖြေကသာ လယ်သမားအတွက် အားကိုးစရာ၊ စိုက်ပျိုးရေးမှာ မြေမှန်၊ မျိုးမှန်၊ စိုက်နည်းမှန်၊ ရာသီမှန်အောင် စိုက်ဖို့  ဆိုထားတော့ နေပြည်တော်မှာ ပုလဲသွယ်စပါး ဖြစ်ထွန်းတယ်လို့ ဆိုနိုင်ပေမယ့် တမူးမြိုးလို၊ ကော့သောင်း မြို့လို နေရာမျိုးမှာ ပုလဲသွယ်စပါး ဖြစ်ထွန်းချင်မှ ဖြစ်ထွန်းမယ်” ဟု နေပြည်တော်ပျဉ်းမနားမြို့ စိုက်ပျိုးရေး သုတေသန ဦးစီးဌာနမှ အရာရှိတဦးက ပြောသည်။

လယ်ယာစီးပွားဖြင့် ကြီးပွားတိုးတက် စေရမည်ဟူသော ကြွေးကျော်သံကို ၁၉၆၂ ခုနှစ်မှ စ၍ စစ်တပ်အစိုးရ အဆက်ဆက်ဖြစ်ခဲ့သည့် ဝောာ်လှန်ရေးကောင်စီ၊ မဆလ၊ နဝတ၊ နအဖ အစိုးရများ လက်ထက်တိုင် ကြွေးကျော်ခဲ့သကဲ့သို့ ယနေ့ ဦးသိန်းစိန်၏ ဒီမိုကရေစီ အစိုးရ လက်ထက်တွင်လည်း ဆက်လက် ကြွေးကြော် နေလျှက်ပင်။

စိုက်ပျိုးရေး ပညာရပ်

ထို့အပြင် စိုက်ပျိုးရေး ပညာရပ်ကို အခြေခံပညာ ကျောင်းများတွင် ၂၀၁၂-၂၀၁၃ ပညာသင်နှစ်မှ စ၍ စတင်သင်ကြားတော့မည့် သတင်းကို ၅-၃-၂၀၁၂ နေ့ထုတ် မြန်မာ့အလင်း သတင်းစာမှာ ဖေါ်ပြထားသည်။

နိုင်ငံတော်၏ လယ်ယာကဏ္ဍ ဖွံ့ဖြိုးရေးအတွက် မရှိမဖြစ် အခြေခံ လိုအပ်ချက် ဖြစ်သော လယ်ယာလုပ်ငန်းခွင်အတွင်း တောင်သူလယ်သမားများ၏ စိုက်ပျိုးရေး ပညာရပ်များ ကျေးလက်ဒေသမကျန် ပျံ့နှံ့ ရောက်ရှိရေး လုပ်ငန်းတာဝန်များကို လယ်ယာစိုက်ပျိုးရေး ဝန်ကြီးဌာနနှင့် ပညာရေး ဝန်ကြီးဌာနတို့ ပူးပေါင်း အကောင်အထည်ဖေါ်ရန် နိုင်ငံတော် သမ္မတက လမ်းညွှန်ခဲ့ကြောင်း သိရှိရသည်။

ယင်းသို့ ရေးဆွဲပြုစု တင်ပြလာခဲ့သော စိုက်ပျိုးရေး သင်ခန်းစာများကို ကျောင်းများတွင် သူငယ်တန်းမှ ဒဿမတန်း အထိ ၂၀၁၂-၂၀၁၃ ပညာသင်နှစ်တွင် တစ်နိုင်ငံလုံး ကျယ်ပြန့်စွာ ဖြန့်ကြက် သင်ကြား ပေးသွားတော့မည်ဟု သတင်းစာတွင် ဆက်လက်ဖေါ်ပြ ထားသည်။

“အကြားအလပ်မကျန် အခြေခံပညာ စိုက်ပျိုးရေး ဘာသာရပ်များကို သားသမီးများမှတ ဆင့်လက်ဆင့်ကမ်းပြီး တောင်သူလယ်သမားများ လက်တွေ့ အသုံးပြုနိုင်တော့မည် ဖြစ်ကာ ကျေးလက်ဒေသ တောင်သူလယ်သမားများ အနေဖြင့် မိဘ၏ လက်ငုပ်လက်ရင်း လယ်ယာလုပ်ငန်းခွင်အတွင်း ထိရောက်စွာ စိုက်ပျိုးရေး ပညာရပ်ဖြင့် မိဘအား ကူညီဖြည့်ဆည်း ပေးနိုင်တော့မည် ဖြစ်ကြောင်း၊ နိုင်ငံတော်၏ ကျေးလက်ဒေသ ဖွံ့ဖြိုးရေးနှင့် ဆင်းရဲမှု လျှော့ချရေးများအား စိုက်ပျိုးရေး ပညာဖြင့် လက်တွေ့ အချိန်တိုအတွင်း ထိရောက်စွာ အကောင်အထည် ဖေါ်နိုင်တော့မည်ဖြစ်​ကြောင်း လယ်ယာနှင့်ဆည်မြောင်း ပြည်ထောင်စု ဝန်ကြီး ဦးမြင့်လှိုင်က ယခုသင်ကြားမည့် အစီအစဉ်အပေါ် မှတ်ချက်ပြု ပြောကြားသည် ကိုလည်း ဖေါ်ပြထားသည်။

မည်သို့ပင်ဆိုစေကာမူ လယ်ယာကဏ္ဍ ဖွံ့ဖြိုးရေးအတွက် တောင်သူ လယ်သမားများအား စိုက်ပျိုးရေး ပညာ သင်ကြားပေးခြင်းကို အထူးလိုအပ်၍ ထောက်ခံ အားပေးရပါမည်။ သို့သော် စိုက်ပျိုးရေး ဘာသာရပ်ကို စိတ်မပါ ဝါသနာ မထုံသည့် ကျောင်းသားများအဖို့မှာ လယ်ယာကဏ္ဍ ဖွံ့ဖြိုးရေးစီမံကိန်းကို မဖြစ်မနေ လုပ်ကိုင်ပေးနေရသည့် အစမ်းသပ်ခံ လယ်သမားများဘဝလို ကျောင်းသား သူငယ်များကိုလည်း ၄င်းဘဝမျိုး မသွတ်သွင်းသင့်ကြောင်း တင်ပြလိုက်ရပေသည်။

မွန်အေဂျင်စီ