Thursday, April 12, 2012

မြန်မာ ကိုယ်စားလှယ်အဖွဲ့များ အမေရိကန်အစိုးရနဲ့ လာရောက်ဆွေးနွေး

2012-04-12

မြန်မာနိုင်ငံက အစိုးရကိုယ်စားလှယ်တွေနဲ့ အစိုးရမဟုတ်တဲ့ NGO ကိုယ်စားလှယ်အဖွဲ့တချို့ အမေရိကန် ပြည်ထောင်စုကို ရောက်ရှိနေပါတယ်။

ကျန်းမာရေးဝန်ကြီး ဦးဆောင်တဲ့ မြန်မာကိုယ်စားလှယ်အဖွဲ့မှာ သမ္မတဦးသိန်းစိန်ရဲ့ နိုင်ငံရေးဆိုင်ရာ အကြံပေးအဖွဲ့ခေါင်းဆောင် ဦးကိုကိုလှိုင်၊ သိပ္ပံနဲ့ နည်းပညာဝန်ကြီးဌာန ကိုယ်စားလှယ်တွေ၊ ရှေ့နေချုပ်ရုံး ကိုယ်စားလှယ်တွေနဲ့ ပညာရှင်အဖွဲ့တွေ ပါဝင်ကြပါတယ်။
မြန်မာကိုယ်စားလှယ်အဖွဲ့ဟာ တနင်္ဂနွေနေ့က ရောက်ရှိ်ခဲ့ကြတာဖြစ်ပြီး ပြည်တွင်းက ပညာရေး၊ ကျန်းမာရေးနဲ့ လူမှုရေးဆိုင်ရာ ကိစ္စရပ်တွေအကြောင်း အမေရိကန်ပြည်ထောင်စုက သက်ဆိုင်ရာ အဖွဲ့အစည်းတွေကို အဓိကထား တင်ပြသွားဖို့ ရှိတယ်လို့ မြန်မာကိုယ်စားလှယ်အဖွဲ့ထဲမှာ ပါဝင်တဲ့ မင်္ဂလာမြန်မာ NGO အဖွဲ့ခေါင်းဆောင် ဒေါက်တာဖုန်းဝင်းက ပြောပါတယ်။
ကိုယ်စားလှယ်အဖွဲ့ဟာ အမေရိကန်အစိုးရ အဖွဲ့ဝင်တွေ၊ လွှတ်တော်အမတ်တွေနဲ့လည်း အသီးသီးတွေ့ဆုံပြီး မြန်မာနိုင်ငံအပေါ် ထိထိရောက်ရောက် ကူညီရေးကိစ္စတွေ ဆွေးနွေးကြမယ်လို့ သိရပါတယ်။
မြန်မာကိုယ်စားလှယ်အဖွဲ့ဟာ လာမယ့် စနေနေ့မှာ မြန်မာနိုင်ငံကို ပြန်လည်ထွက်ခွာမှာ ဖြစ်ပါတယ်။

မြန်မာ့လူ့အခွင့်အရေး ဗြိတိန်ဝန်ကြီးချုပ် ဖိအားပေးစေချင်

2012-04-12

ဗြိတိန်ဝန်ကြီးချုပ် ဒေးဗစ်ကင်မရွန်းရဲ့ မြန်မာနိုင်ငံ ခရီးစဉ်အတွင်းမှာ ပြည်တွင်းက လူ့အခွင့်အရေး ချိုးဖောက်မှုတွေနဲ့ ပတ်သက်ပြီး သမ္မတ ဦးသိန်းစိန်အစိုးရကို အလေးပေးပြောဆိုဖို့ ဗြိတိန်အခြေစိုက် Burma Campaign UK က မနေ့က တောင်းဆိုလိုက်ပါတယ်။

မြန်မာပြည် လူ့အခွင့်အရေးနဲ့ ဒီမိုကရေစီရေးဆိုင်ရာ ပြုပြင်ပြောင်းလဲမှုတွေမှာ အာဏာပိုင်တွေဘက်က ဆောင်ရွက်ချက်တွေဟာ အားနည်းနေတာကြောင့် ဒဏ်ခတ်ပိတ်ဆို့ အရေးယူထားတာကို အားလုံးရုပ်သိမ်းဖို့ အချိန်မတန်သေးဘူးလို့ အဖွဲ့ရဲ့ပြောခွင့်ရသူ မဇိုရာဖန်းက ပြောပါတယ်။
ဒါ့အပြင် ၀န်ကြီးချုပ်နဲ့အတူ ကုန်သွယ်စီးပွားရေးဆိုင်ရာ ကိုယ်စားလှယ်အဖွဲ့လိုက်ပါသွားတာဟာ ဗြိတိန်အစိုးရက အပြောနဲ့လက်တွေ့ မညီဘူးဆိုတာ ပြလိုက်တာပဲလို့ အဖွဲ့ရဲ့ကြေညာချက်မှာ ဖော်ပြထားပါတယ်။
လက်ရှိမြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိနေဆဲဆိုတာ ကုလသမဂ္ဂ လုံခြုံရေးကောင်စီကလည်း ထုတ်ပြန်ထားဆဲဖြစ်ပြီး စီးပွားရေး ရင်းနှီးမြှုပ်နှံမှုတွေအစား လူသားချင်း စာနာကူညီမှုတွေကိုပဲ ပံပိုးကူညီပေးသင့်တယ်လို့ ကြေညာချက်မှာ ရေးသားထားပါတယ်။
ဒီကနေ့မှာတော့ ဗြိတိန်ဝန်ကြီးချုပ်ဟာ မြန်မာနိုင်ငံကို ရောက်ရှိမှာဖြစ်ပြီး သူရဲ့ခရီးစဉ်အတွင်း မြန်မာအစိုးရအပါအ၀င် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံမှာ ဖြစ်ပါတယ်

မြန်မာလုပ်သားတွေအတွက် အကာအကွယ်ပေးမဲ့ သဘောတူညီချက်များလို

2012-04-12

မလေးရှားကို မြန်မာအိမ်ဖော် အလုပ်သမားတွေ စေလွှတ်မယ်ဆိုရင် မြန်မာအလုပ်သမားတွေရဲ့အခွင့်အရေးကို အကာကွယ်ပေးနိုင်မဲ့ အခြေခံ သဘောတူညီချက်တွေကို မလေးရှားအစိုးရနဲ့ ဦးစွာကတိက၀တ် ပြုထားဖို့လိုကြောင်း မလေးရှားနိုင်ငံမှာ မြန်မာအလုပ်သမားအရေး ဆောင်ရွက်ပေးနေတဲ့ Burma Campaign Malaysia အဖွဲ့က သမ္မတ ဦးသိန်းစိန်အစိုးရကို ပေးတဲ့ အိတ်ဖွင့်ပေးစာထဲမှာ ဖော်ပြထားပါတယ်။

(Photo: AFP)

မလေးရှားနိုင်ငံ ကွာလာလမ်ပူမြို့ရှိ နိုင်ငံခြား အလုပ်သမားများ နေထိုင်ရာ အဆောင်တခု ဖြစ်ပါသည်။ (Photo: AFP)

မြန်မာအစိုးရနဲ့ မလေးရှားအစိုးရတို့အကြား အိမ်ဖော် အလုပ်သမားတွေအတွက် MOU ခေါ် နားလည်မှုစာချွန်လွှာ လက်မှတ်ရေးထိုးတဲ့အခါ ပါဝင်သင့်တဲ့ အချက်တွေကို ဒီအိတ်ဖွင့်ပေးစာထဲမှာ ဖော်ပြထားပါတယ်။
အိတ်ဖွင့်ပေးစာနဲ့ ပတ်သက်ပြီး Burma Campaign Malaysia အဖွဲ့ရဲ့ညွန်ကြားရေးမှူး ကိုထွန်းထွန်းက အခုလိုရှင်းပြပါတယ်။
" အဲဒီ MOU မှာ အဓိကပါရမယ့် အချက်တွေကို ကျွန်တော် high light ပေးထားတယ်။ ဒီအချက်တွေပါခဲ့မယ် ဆိုလို့ရှိရင် အဲဒီ MOU ကိုမှီးပြီးတော့ ရေးရမယ့် အလုပ်ရှင် အလုပ်သမားစာချုပ်တွေ အကုန်လုံးက ကောင်းမွန်တဲ့ စာချုပ်တွေ ဖြစ်သွားနိုင်တယ်။ လာမဲ့ ကျွန်တော်တို့ အလုပ်သမားတွေအတွက် အများကြီး အဆင်ပြေမယ်။ အဲဒီအတွက် ရည်ရွယ်ပြီး ဦးသိန်းစိန်ကို ကျွန်တော် အိတ်ဖွင့်ပေးစာကို ပေးတာဖြစ်ပါတယ်"
ဒီအိတ်ဖွင့်ပေးစာထဲမှာ နိုင်ငံတကာ အလုပ်သမားအဖွဲ့ချုပ် ILO ရဲ့သတ်မှတ်ချက်တွေကို အခြေခံပြီး ပါဝင်သင့်တဲ့ အချက်အလက်တချို့ကို ဖော်ပြထားပါတယ်။
ဥပမာ မြန်မာအလုပ်သမားတွေအနေနဲ့ အလုပ်ရှင်နဲ့ လွတ်လွတ်လပ်လပ် စာချုပ်ခွင့်ရှိရမယ်။ လုပ်ကိုင်ရမယ့် အလုပ်အမျိုးစားနဲ့ အလုပ်ချိန်ကို တိတိကျကျ သတ်မှတ် စာချုပ်ထားရမယ်။ အလုပ်လုပ်ရမယ့် အလုပ်ခွင်အနေအထား၊ ရမယ့်လစာ စတာတွေကို မလေးရှားကို မသွားရောက်မီကတည်းက မြန်မာအလုပ်သမားနဲ့ မလေးရှားအလုပ်ရှင်တို့ သဘောတူ စာချုပ်ထားရမယ် စတဲ့အချက်တွေ ပါဝင်ပါတယ်။
ဒါ့အပြင် အလုပ်သမားရှာဖွေရေး ကုမ္ပဏီတွေ အနေနဲ့လည်း ဒီအချက်တွေကို ကြိုတင်စာချုပ်နိုင်အောင် ကူညီဆောင်ရွက်ပေးရမယ် စသည်ဖြင့် မနေ့က ရက်စွဲနဲ့ ပေးပို့ခဲ့တဲ့ အိတ်ဖွင့်ပေးစာထဲမှာ ဖော်ပြထားပါတယ်။
ဒါပေမယ့် ဒီအချက်အလက်တွေကို အာမခံတဲ့ နိုင်ငံတကာ သဘောတူညီချက် C189 ကို မလေးရှားအစိုးရက လက်မှတ်ထိုး မထားတဲ့အတွက် မလေးရှားနိုင်ငံမှာ လာရောက် အလုပ်လုပ်ကိုင်နေတဲ့ အင်ဒိုနီးရှား၊ ဖိလစ်ပိုင်စတဲ့ အိမ်ဖော် အလုပ်သမားတွေဟာ ခါးသီးတဲ့ အတွေ့အကြုံတွေကို ရင်ဆိုင် ခံစားနေရကြောင်းကိုလည်း အဲဒီအိတ်ဖွင့်ပေးစာထဲမှာ သတိပေး ဖော်ပြထားပါတယ်။

မြန်မာကို နိုင်ငံတကာက ထောက်ခံဖို့ ဗြိတိန်ဝန်ကြီးချုပ် တိုက်တွန်း

2012-04-12

မြန်မာနိုင်ငံက ပြောင်းလဲတိုးတက်မှုတွေကို နိုင်ငံတကာ အသိုင်းအ၀ိုင်းက အချိန်နှောင့်နှေးမနေဘဲ အားပေးထောက်ခံဖို့ လိုအပ်ကြောင်း ဗြိတိန်ဝန်ကြီးချုပ် David Cameron က ဒီကနေ့ ပြောလိုက်ပါတယ်။

Photo courtesy of World Economic Forum

ဗြိတိန်ဝန်ကြီးချုပ် David Cameron ဖြစ်ပါသည်။

အင်ဒိုနီးရှားနိုင်ငံ ဂျာကာတာမြို့တော်က တက္ကသိုလ်ကျောင်းသားတွေနဲ့ တွေ့ဆုံပွဲမှာ ၀န်ကြီးချုပ် မစ္စတာ ကင်မရွန်ပြောခဲ့တာပါ။
ဝန်ကြီးချုပ် ဒေးဗစ်ကင်မရွန်က ဒေါ်အောင်ဆန်းစုကြည် အပါအ၀င် မြန်မာနိုင်ငံရဲ့လွတ်လပ်မှု အခွင့်အရေးနဲ့ ပြုပြင်ပြောင်းလဲမှုတွေအတွက် ကြိုးပမ်းခဲ့ကြသူအားလုံးကို ဂုဏ်ပြုရမှာ ဖြစ်တယ်လို့ ပြောပါတယ်။
ဒါ့အပြင် နိုင်ငံရေး အကျဉ်းသားတွေ လွှတ်မြောက်လာတာ၊ ကြားဖြတ်ရွေးကောက်ပွဲ ကျင်းပပေးတာနဲ့ နိုင်ငံရေးပါတီတွေကို တရားဝင် အသိအမှတ်ပြုပေးခဲ့တဲ့ သမ္မတ ဦးသိန်းစိန် အပါအ၀င် မြန်မာအစိုးရကိုလည်း ချီးကျူးဂုဏ်ပြုရမှာ ဖြစ်တယ်လို့ ပြောခဲ့ပါတယ်။
ဝန်ကြီးချုပ် ဒေးဗစ် ကင်မရွန်ရဲ့ မြန်မာနိုင်ငံ ခရီးစဉ်ဟာ အနောက်နိုင်ငံကြီးတွေရဲ့ အဆင့်မြင့်ဆုံး ခေါင်းဆောင်တစ်ဦး လာရောက်တာဖြစ်ပါတယ်။
မြန်မာနိုင်ငံဟာ ဒီမိုကရေစီ အသွင်ကူးပြောင်းရေးကို ဦးတည်နေတယ်ဆိုရင် နိုင်ငံတကာအနေနဲ့ အချိန်မနှောင့်နှေးပဲ တုံ့ပြန်သင့်တယ်။ ဒါပေမယ့် မြန်မာနိုင်ငံက အပြောင်းအလဲတွေကို မိမိကိုယ်တိုင် ပထမဆုံး မြင်တွေ့လိုပါသေးတယ်လို့လည်း ဗြိတိန်ဝန်ကြီးချုပ်က ပြောခဲ့ပါတယ်။
ဗြိတိန်ဝန်ကြီးချုပ်ဟာ အရှေ့တောင်အာရှ ငါးနိုင်ငံခရီးစဉ် လှည့်လည်နေရာမှာ မနက်ဖြန် မြန်မာနိုင်ငံကို ရောက်ရှိမှာဖြစ်ပြီး၊ သူ့ရဲ့ခရီးစဉ်ဟာ အရှေ့တောင်အာရှနိုင်ငံတွေမှာ စီးပွားရေး ရင်းနှီးမြှုပ်နှံမှုနဲ့ ကုန်သွယ်ရေးကိစ္စတွေ ညှိနှိုင်းဆောင်ရွက်ဖို့အတွက် အဓိကကျတယ်လို့ ဆိုထားပါတယ်။

။