Thursday, June 28, 2012

ခရိုနီကိုကြောက်မှာလား ၊ ခရိုနီကိုကာကွယ်မှာလား



ခရိုနီဆိုသည်မှာ
Crony ခရိုနီ ဆိုသည်မှာ ၁၈ ရာစုတွင် လန်ဒန်တွင် စတင်သုံးစွဲခဲ့တဲ့ စကားလုံးဖြစ်ပြီး Oxford English Dictionary ၏ အဆိုအရ long-term လို့ အဓပ္ပါယ်ရတဲ့ မူရင်း ဂရိ ဘာသာစကား χρόνιος (chronios)   ကနေဆင်းသက်လာတဲ့ စကားလုံးဖြစ်ပါတယ် ။ ဒါပေမဲ့ ယနေ့ခေတ်မှာတော့ Crony ဆိုတဲ့ စကားလုံးကို ရင်းနှီးတဲ့ မိတ်ဆွေ ၊ အကျိုးတူ လုပ်ဖော်ကိုင်ဖက် စသဖြင့် အဓိပ္ပါယ်ယူ သုံးစွဲလျှက်ရှိပါတယ် ။ နိုင်ငံရေး ဝေါဟာရမှာတော့ ခရိုနီဆိုတာ အုပ်ချုပ်သူ လူတန်းစား အာဏာ အခွင့်ရှိသူကို ရင်းနှီးအောင်ပေါင်းပြီး
 လုပ်ကိုင်ခွင့်များ ရယူကာ ထိုအုပ်ချုပ်သူများနှင့် အကျိုးတူသော်လည်းကောင်း အကျိုးအမြတ်ပေး၍သော်လည်းကောင်း လုပ်ကိုင်နေသော အရင်းရှင် စီးပွားသမားများကို ခေါ်ဝေါ် သုံးစွဲတဲ့ စကားလုံးဖြစ်လာပါတယ် ။ ဥပမာအနေနဲ့ပြောရရင် (တေဇ ၊ ဇော်ဇော်) တို့ဟာ ခရိုနီ အမျိုးအစားတွေပါပဲ ။


မြန်မာခရိုနီ နှင့် ကမ္ဘာ့နိုင်ငံများမှ ခရိုနီများ

မြန်မာနိုင်ငံမှာလည်း ခရိုနီတွေဟာ ဘုရင်တွေ အုပ်စိုးစဉ်ကာလ ကတည်းက တည်ရှိနေခဲ့ကြပါတယ်။ ဘုရင်နဲ့နီးစပ်သူတွေဟာ နယ်စား ရွာစား ရာထူးတွေရ ၊ ဘုရင်တွေကို သမီးပါမကျန် ရသမျှ အခွန်တွေဆက် ၊ ပြည်သူတွေကိုတော့ အတင်းအဓမ္မ နိပ်စက်ခဲ့ကြတယ်။
 နောက် ကိုလိုနီခေတ်ရောက်ပြန်တော့လည်း အင်္ဂလိပ်ကို ဖားပြီး ကြီးပွားကြတဲ့ ခရိုနီတွေ ၊ ဂျပန်ခေတ်ရောက်ပြန်တော့လည်း ဂျပန် အလိုတော်ရိတွေ ၊ ဖဆပလ ခေတ်ရောက်တော့လည်း နိုင်ငံရေး အသိုင်းအ၀ိုင်းကလူတွေနဲ့နီးစပ်သူတွေ ၊ ဦးနေ၀င်း
လက်ထက်ရောက်တော့လည်း စစ်အသိုင်းအ၀ိုင်းနဲ့ နီးစပ်တဲ့ ခရိုနီတွေ နဲ့ နောက်ပိုင်း ဦးသန်းရွှေခေတ် ယခု ဦးသိန်းစိန်ခေတ်ထိ ခရိုနီလို့ သတ်မှတ်နိုင်တဲ့ သူတွေဟာ အမြောက်အများရှိနေပါတယ် ။မြန်မာတင်ရှိတာလား ဆိုတော့ မဟုတ်ပါဘူး ။ ခရိုနီဆိုတာ ဒီမိုကရေစီနိုင်ငံ ၊ ကွန်မြူနစ်နိုင် ၊ ဆိုရှယ်လစ် နိုင်ငံ ဘယ်လို အုပ်ချုပ်မှုစံနစ်မျိုး မဆို ခရိုနီဆိုတာ ရှိနေပါတယ် ။ တရားဥပဒေ စိုးမိုးပြီး၊ ဒီမိုကရေစီထွန်းကားတဲ့ နိုင်ငံတွေမှာတောင် သမ္မတတွေ ၊ ၀န်ကြီးချုပ်တွေ ၊ ခရိုနီတွေရဲ့ ဇာတ်လမ်းတွေ တခါတရံ လူသိရှင်ကြား သတင်းထွက်လာတတ်ပါတယ် ။ တရားဥပဒေစိုးမိုးတော့ ခရိုနီကတွေရဲ့ လှုပ်ရှားမှုတွေဟာ ပိုမို လျို.၀ှက်ကြပြီး လူသိပ်မသိကြပေမဲ့ ကမ္ဘာမှာ ခရိုနီဆိုသူတွေဟာ မြန်မာသာမက ၊ နိုင်ငံတိုင်းလိုလိုမှာ ရှိနေပါတယ် ။

မြန်မာခရိုနီများနှင့် တရားဥပဒေ စိုးမိုးမှု

မြန်မာခရိုနီလို့ သတ်မှတ်နိုင်သူတွေဟာ လွတ်လပ်ရေး ရပြီးကတည်းက တရားဥပဒေမဲ့ လုပ်ရပ်မြောက်များစွာကိုလုပ်ခဲ့ကြတယ် ။ ဒါကြောင့် အုပ်ချုပ်သူလူတန်းစားကလည်း ဥပဒေကို လက်တလုံးခြား ကစားလိုတဲ့အတွက် ခေတ်နဲ့ လျှော်ညီမှုမရှိတဲ့ ဥပဒေတွေကို မပြင်ဆင်ပဲ အမြတ်ထုတ်ခဲ့ကြတယ် ။ ဥပမာ ၊ ကိုလိုနီခေတ်က နိုင်ငံတော်ကိုပေးရတဲ့ သစ်တတန် ထုတ်လုပ်ခွင့် အစိုးရကိုပေးရတဲ့ ဈေးနှုန်းကို နောက်ပိုင်း အနည်းငယ်တိုးမြှင့်ရုံဖြင့် ဥပဒေကို လက်တလုံးခြား လှည့်ဖျားခဲ့ကြတယ် ။ နောက်ပြီး သစ်ထုတ်လုပ်ခွင့် ပါမစ်မှာ တန် ၁၀၀ ထုတ်လုပ်ခွင့်ပြုပေမဲ့ သစ်ထုတ်လုပ်သူ ကုန်သည်က သစ်တန်ပေါင်း တသောင်း လောက်ကို ထုတ်လုပ်လိုက်တယ် ၊ သစ်တော စစ်ဆေးရေးဂိတ် ၊ စစ်တပ် ဂိတ် ၊ နယ်စပ်ဂိတ်တွေကိုဖြတ်ကျော်စဉ် စစ်ဆေးလျှင် ၄င်းတို့ လက်ထဲ၌ တရားဝင် သစ်ထုတ်လုပ်ခွင့် ပါမစ်များ ပါရှိပေမဲ့၊ စာရွက်ထဲ၌ သစ်တတန်သယ်ယူခွင့်ကိုဖေါ်ပြထားပေမဲ့ အမှန်တယ် ကားပေါ်တွင် သယ်ဆောင်လာသည့် သစ်မှာ ၂၀ တန်ကျော်နေတာမျိုးတွေ ၊ ဒါတွေဟာ ဥပဒေကို လက်တလုံးခြားလုပ်ပြီး အကျင့်ပျက်ခြစားခဲ့ကြတွေကြောင့် ဖြစ်ပေါ်လာတဲ့ ခရိုနီကြီးပွားရေး သို့မဟုတ် နိုင်ငံ ချွတ်ခြုံကျရေး နောက်ဆက်တွဲ ဆိုးကျိုးတွေကို ရင်ဆိုင်ခဲ့ကြရတယ် ။
 ခရိုနီလက်သစ်များ
နောက်ပိုင်းခရိုနီ လက်သစ်တွေဟာ အစိုးရခေါင်းဆောင်ပိုင်းတွေနဲ့ နီးစပ်သူတွေဟာ ပုံစံမျိုးစုံနဲ့ နိုင်ငံပိုင်ငွေတွေကို ၄င်းတို့ အိပ်ထဲ ထည့်ကြပါတော့တယ် ။ နိုင်ငံတော်က ခေတ်မှီ ဖွံ့ဖြိုးတိုးတက်သော နိုင်ငံတော်ကြီး တည်ဆောက်တယ် လို့ အသံကောင်းဟစ်ပြီး စီမံကိန်းမြောက်များစွာကို ဖန်တီးပါတယ် ။ ဆည်မြောင်း ၊ လမ်းပမ်း ဆက်သွယ်ရေး ၊ မြို့သစ်စီမံကိန်းများ ၊ စက်မှုဇုံ စီမံကိန်းများ ၊ နိုင်ငံခြား သွင်းကုန် ထုတ်ကုန် စီမံကိန်းများ ၊ ထိုစီမံကိန်းများကို ဖော်ဆောင်သူများမှာ လေလံပေး၍ အများပြည်သူ ယှဉ်ပြိုင် လုပ်ကိုင်စေခြင်း သို့မဟုတ် အသင်းအဖွဲ့များသို့ လုပ်ကိုင်စေခြင်းများ မဟုတ်ဘဲ စစ်အာဏာရှင် အသိုင်းအ၀ိုင်းနှင့် နီးစပ်သူများကိုသာ လုပ်ကိုင်ခွင့်များပေးအပ်ကာ ၊ ငွေကစားခဲ့ပါတယ် ၊ ငွေကစားတယ်ဆိုရာမှာ စီမံကိန်းတခုကို မြန်မာငွေနဲ့ တွက်ချက်ပြီး နိုင်ငံတော် ဘတ်ချက်မှာ ကုန်ကျစရိတ် တွေကို ဒေါ်လာနဲ့ အစားထိုး ဖော်ပြတာတွေလုပ်ခဲ့တယ် ၊ ဒါပေမဲ့ တရားမ၀င် ဒေါ်လာပေါက်ဈေး တဒေါ်လာ ကျပ်တထောင်ဖြစ်နေချိန် ၄င်းတို့က အစိုးရပေါက်ဈေး တဒေါ်လာ ၆ ကျပ် ၊ ၁၂ ကျပ် စသဖြင့်တွက်ချက်လိုက်တဲ့အခါ ၄င်းတို့ အိပ်ထဲ ဒေါ်လာမြောက်များစွာ ရောက်ရှိသွားပါတော့တယ် ။ဥပမာ စီမံကိန်းတခုလျှင် ကျပ်ငွေ တသန်း ကုန်ကျသည်ဆိုပါစို့         ၁ ဒေါ်လာ = ၁ ထောင်ကျပ်ဆိုလျှင် ဒေါ်လာ ၁သောင်းကုန်ကျမည်          သို့သော် စာရင်းပြရာတွင် ၁ဒေါ်လာ = ၁၂ ကျပ်ဆိုလျှင် ၈၃၃၃၃ ဒေါ်လာကုန်ကျမည် ။ (အမှန်တကယ်ကုန်ကျငွေ ဒေါ်လာ ၁ သောင်း အစား ၈၃၃၃၃ ဒေါ်လာလို့ စာရင်းပြခဲ့တယ်)၄င်းတို့အတွက် ဒေါ်လာ ခုနှစ် သောင်းကျော် အကျိုးအမြတ်ရသွားမည် ဖြစ်သည် ။ကျောက်မျက် ကရောင်းချလို့ ရတဲ့ ဒေါ်လာဆိုရင် ပြောင်းပြန် စရင်းဖော်ပြပါတယ် ။ တဒေါ်လာ ၁၂ ကျပ်နှုန်းနဲ့ မြန်မာငွေဖြင့် ဘတ်ဂျက်မှာ ဖေါ်ပြတော့ ၄င်းတို့ အိပ်ကပ်ထဲ မြောက်များစွာသော ဒေါ်လာတွေရောက်ကုန်တော့တယ် ။ နိုင်ငံခြားဝင်ငွေ ဖြစ်သော အခွန် ၊ ပို့ကုန် ၊ သွင်းကုန် ၊ သယံဇာတ ရောင်းရသမျှ ဒေါ်လာများကို ထိုကဲ့သို့ အလွန်နိမ့်သော ငွေကြေးပေါက်ဈေးဖြင့် လိမ်လည်လှည့်ဖြားခဲ့ကြတယ် ။ အခွန်တွေကိုလည်း လိမ်လည်ပြီး ပေးဆောင်ခဲ့ကြလို့ ၊ နိုင်ငံတော် ၀င်ငွေ ထွက်ငွေတွေ မကိုက်ညီတော့ပဲ ၊ ကုန်ဈေးနှုံး မြင့်တက်မှု ၊ ငွေကြေး ဖောင်းပွမှု တွေနဲ့ ရင်ဆိုင်ခဲ့ကြရပြီး ကမ္ဘာမှာ သယံဇာတ ပေါများသလောက် အကြွေးတင်ပြီး အဆင်းရဲဆုံး နိုင်ငံစာရင်း
 ၀င်သွားခဲ့ရတယ် ။
 ခရိုနီနဲ့ စီးပွားရေး ပိတ်ဆို့မှု
ဒီနေ့ စီးပွားရေး ပိတ်ဆို့မှုကို ထောက်ခံနေသူတွေရဲ့ အကြောင်းပြချက်က စီးပွားရေး ရင်းနှီးမြုပ်နှံမှုတွေ ၀င်ရောက်လာရင် စစ်အာဏာရှင်နဲ့ နီးစပ်သူ ခရိုနီတွေသာ စီးပွားရေး ရင်းနှီးမြုပ်နှံခွင့်တွေ ရကြမယ် ။ ထိုသူများသာကြီးပွားသွားပြီး ပြည်သူကတော့ ငတ်မြဲ ငတ်နေမယ် ဆိုတဲ့ အယူအဆပဲဖြစ်ပါတယ် ။ ကျွန်တော့အမြင်ကတော့ ဒီလိုဖြစ်လာမယ်ဆိုတာ သိနေမှတော့ ကာကွယ်ရမဲ့ နည်းလမ်းတွေ စဉ်းစား ဖေါ်ထုတ်သင့်ပါတယ် ။ စဉ်းစားသင့်ပါတယ် ။ ဖြစ်ပေါ်လာမဲ့ ဆိုးကျိုးကို သိနေမှတော့ အဲ့ဒီဆိုးကျိုးကို ကာကွယ်ဖို့ နည်းလမ်းရှာရပါမယ် ။
 ဒါဆိုရင် နောက်တနည်း စဉ်းစားကြည့်ရအောင် စီးပွားရေး ပိတ်ဆို့မှုဖွင့်ရင် ခရိုနီတွေလက်ထဲပဲ ငွေရောက်မယ်ဆိုရင် ၊ ပြည်သူတွေကရော အဲ့ဒီရင်းနှီးမြုပ်နှံမှုတွေလုပ်ဖို့ ငွေ အလုံအလောက်ရှိကြပါရဲ့လား ။ အခြား ခရိုနီမဟုတ်သူ ငွေကြေးပိုင်ဆိုင်သူများကရော စီးပွားရေး လုပ်ငန်းကြီးတွေမှာ ရင်းနှီး မြုပ်နှံရဲပါ့မလား ။ ခရိုနီလက်ထဲငွေရောက်မှာကြောက်လို့ စီးပွားရေးပိတ်မယ်ဆိုရင်တော့ စစ်အာဏာရှင်တွေအာဏာ ရနေသရွေ. ပိတ်ထားရမဲ့ သဘောဆောင်နေပါတယ် ။ ဒီတော့ စစ်အာဏာရှင်ကိုလည်းနိုင်အောင်မတိုက် ၊ ခရိုနီကိုလည်းကြောက်ဆိုရင်တော့ မြန်မာနိုင်ငံလည်း နာလံထူစရာ အကြောင်းမရှိသလို စီးပွားရေးပိတ်ဆို့မှုဟာလည်း ပွင့်လာစရာ လမ်းစမမြင်ပါ ။ ခရိုနီကြီးပွားရေးကိုကြောက်လို့ စီးပွားရေးပိတ်ဆို့ပါတယ်ဆိုရင်တော့ နည်းမှန်လမ်းမှန် မဟုတ်ပါဘူး ။
 ခရီုနီတွေကို ဘယ်လို ဖြေရှင်းမလည်း
အနာသိဆေးရှိ ဆိုသလိုပဲ ပုံစံမျိုးစုံ ဥပဒေကို လက်တလုံးခြားလုပ်၊ အကျင့်ပျက်ခြစား တာတွေကြောင့် ခရီုနီတွေဟာ တနှစ်လျှင် ဘီလျံနဲ့ ချီတဲ့ ဒေါ်လာ ၀င်ငွေရှိတယ် ဆိုတာမျိုးတောင် ထုတ်ဖေါ်ပြောဆိုလာတာတွေ ရှိလာခဲ့ကြတယ် ။ ဒီနေ့ မှာ ဒါတွေကို ဖြေရှင်းနိုင်မဲ့ လမ်းစတွေ ရှိနေပြီဆိုရင် ..........
 ကျွန်တော်တို့ လုပ်နိုင်တာတွေ အမြောက်အများရှိပါတယ် ။
၁။ ခရိုနီတွေနဲ့ စစ်အာဏာရှင်တွေ ဟာ ၄င်းတို့ရဲ့ ပိုင်ဆိုင်မှုတွေကို ဖေါ်ပြရပါမယ် ။
၂။ ထိုပိုင်ဆိုင်မှု ငွေကြေးတွေ ရရှိလာပုံကို ဖော်ပြနိုင်ရပါမယ် ။
၃။ ၄င်းတို့ ပိုင်ဆိုင်သည့် ငွေကြေးများအား အခွန်ပေးဆောင်ခြင်း ရှိ ၊ မရှိ စစ်ဆေးရပါမယ် ။
၎။  တရားဝင် နည်းလမ်းဖြင့် မဖော်ပြနိုင်သော ငွေကြေးပိုင်ဆိုင်မှု ၊ ဥပဒေနှင့် မညီသော ငွေကြေးပိုင်ဆိုင်မှုများကို နိုင်ငံတော်ပိုင်အဖြစ်သတ်မှတ်ရပါမယ် ။
၅။ အခွန်ပေးဆောင်ရန် ပျက်ကွက်ခဲ့သည်များ နှင့် လက်ရှိပိုင်ဆိုင်မှုများ အပေါ်တွင် အခွန်စည်းကြပ်မှုများ ပြုလုပ်ရပါမယ် ။
ထိုသို့ လုပ်ဆောင်နိုင်ရန် ကော်မရှင် တခုကို သီးခြားလွတ်လပ်သည့် ပုဂ္ဂိုလ်များဖြင့် ဖွဲ့စည်းပြီး စုံစမ်း စစ်ဆေးများ ပြုလုပ်ခြင်းဖြင့် ခရီုနီ ပိုင်ဆိုင်မှုများကို နိုင်ငံတော် ဘဏ္ဍာငွေများအဖြစ် ပြန်လည် သတ်မှတ်နိုင်မှာ ဖြစ်ပါတယ် ။


ခရိုနီကြောင့်ဖြစ်ပေါ်ရသော ဆိုးကျိုးများ

ခရိုနီများရရှိသည့် အကျိုးအမြတ်များသည် များသောအားဖြင့် ပြည်သူပိုင် ငွေများဖြစ်ကြသည် ။ ထို့ကြောင့် အများပြည်သူများ၏ စီးပွားရေး အခွင့်အလမ်းများကို ဆုတ်ယုတ်စေသည် ။ ၄င်းတို့ လုပ်ငန်းအများစုကို လက်ဝါးကြီးအုပ်ထားသောကြောင့်လည်း
 ဈေးကွက်ပြိုင်ဆိုင်မှု လျှော့ကျလာခြင်း၊ ကုန်ဈေးနှုန်း ကစားခြင်းများ ၊ ဈေးကွက်လည်ပတ်မှုများ ၊ ရင်နှီးမြုပ်နှံလိုမှုများ ၊ နိုင်ငံခြားငွေကြေးလဲလှယ်မှုနှုံးများ ၊ ကုန်ထုတ်လုပ်မှုများကို အကျိုးသက်ရောက်မှုများ ဖြစ်ပေါ်လာနိုင်ပါတယ် ။


ခရိုနီ မျိုးတုန်းရေး

ခရိုနီ ဆိုသူများကို အမြစ်ပြတ် ဖြေရှင်းရန်မှာ မဖြစ်နိုင်သော နည်းလမ်းပါ ။ ဥပဒေ စိုးမိုးမှု အပြည့်ရှိတယ်ဆိုတဲ့ နိုင်ငံတွေမှာတောင် ခရိုနီတွေဟာ ရှိနေပါတယ် ။ ဥပဒေရဲ့ လစ်ဟာမှုတွေ ၊ အားနည်းမှုတွေကို အခွင့်ကောင်းယူပြီး ခရိုနီနဲ့ အုပ်ချုပ်သူ လူတန်းစားဟာ
 အကျင့်ပျက်ကြပါတယ် ။ သို့သော် မြန်မာနိုင်ငံကဲ့သို့ ဥပဒေဟာ စာအုပ်ထဲမှာ ၊ အာဏာရှင် ပါးစပ်ဖျားမှာသာ ရှိသော နိုင်ငံ အနေဖြင့် ခရိုနီဟာ နိုင်ငံ ဆင်းရဲရာ အကြောင်းတရားရဲ့ အဓိက တရားခံ ဖြစ်ပါတယ် ။ ဒါကြောင့် ခေတ်နှင့် လျှော်ညီမှု မရှိသော ဥပဒေများကို
ပြန်လည် ပြင်ဆင်ရပါမယ် ။ အားလုံးသော တာဝန်ရှိသူများဟာ ဥပဒေကို တိတိကျကျ လိုက်နာဆောင်ရွက်ရပါမယ် ။ နိုင်ငံခြား ရင်းနှီးမြုပ်နှံမှုတွေကိုလည်း ဥပဒေ တင်းကျပ်ရပါမယ် ။ အများပိုင် ကုမ္မဏီများအဖြစ် စီးပွားရေး လုပ်ငန်းကြီးများကို ဖော်ဆောင်နိုင်ရပါမယ် ။
 အလယ်အလတ်တန်းစား စီးပွားရေးလုပ်ငန်းများ ဖွံ့ဖြိုးလာအောင် အားပေးခြင်း အကူအညီပေးခြင်းများ အစိုးရက ပြုလုပ်ရပါမယ် ။ နိုင်ငံတော်ရဲ့ ရငွေ သုံးငွေ ဘတ်ဂျက် ဟာ ပွင့်လင်းမြင်သာတဲ့ စာရင်းဇယား ဖြစ်ရပါမယ် ။ ဒါတွေဟာ ခရိုနီတွေရဲ့
 လက်ဝါးကြီးအုပ်မှုတွေကနေ ကင်းလွတ်နိုင်တဲ့ နည်းလမ်းတွေ ဖြစ်ကြပါတယ် ။ တရားဥပဒေ စိုးမိုးမှုရှိလာတဲ့အခါမှာ ခရိုနီပျောက်ကွယ်သွားလိမ့်မယ်လို့ မထင်လိုက်ပါနဲ့ ၊ ခရိုနီဟာ ပိုမိုလျှို.၀ှက်သိပ်သည်းစွာဖြင့် ရှိနေအုန်းမှာပါပဲ ။ခရိုနီဆိုလာမျိုးကလည်း တဗိုလ်ဆင်းရင် နောက်တဗိုလ်တက်လာမှာပါပဲ ။ နောက်ဆုံးကုန်ကုန်ပြောရရင် ခရိုနီဆိုတာ ကမ္ဘာတည်သရွေ.ရှိနေမှာ ဖြစ်ပြီး သူတို့ရဲ့ တည်ရှိနေမှုကို ကြောက်လန့်နေမဲ့အစား ဘယ်လိုကာကွယ်ရမလည်းဆိုတာ က ပိုကောင်းတဲ့ နည်းလမ်းသာဖြစ်ပါတယ် ။

ရဲသူရိန်မင်း

GMT 14:36
28.06.2012

No comments: