အမေရိကန်ပြည်ထောင်စု သမ္မတဟောင်း ဂျင်မီကာတာ အပါအဝင် ကမ္ဘာ့နိုင်ငံ
ခေါင်းဆောင်ဟောင်းများ ပါဝင်သော The Elders အဖွဲ့ဝင်များ မြန်မာနိုင်ငံသို့
သုံးရက်တာ ခရီးစဉ်အဖြစ် စက်တင်ဘာ ၂၄ ရက်နေ့တွင် ရောက်ရှိလာကြောင်း The
Elders အဖွဲ့၏ အင်တာနက် စာမျက်နှာတွင် ဖော်ပြထားသည်။
အဖွဲ့ခေါင်းဆောင် နိုဘယ်လ် ငြိမ်းချမ်းရေးဆုရှင် ဂျင်မီကာတာ အပါအဝင် The Elders အဖွဲ့ဝင်များဖြစ်သည့် ဖင်လန်သမ္မတဟောင်း မာတီအာတီဆာရီ၊ နော်ဝေ ဝန်ကြီးချုပ်ဟောင်း ဂရိုဟာလမ် တို့ ရောက်ရှိနေပြီး သမ္မတဦးသိန်းစိန်၊ ဒေါ်အောင်ဆန်းစုကြည် စသည့် မြန်မာ ခေါင်းဆောင်များနှင့် သီးခြားစီ တွေ့ဆုံရန်ရှိကြောင်း ပြည်တွင်းခရီးစဉ် စီစဉ်သည့် အဖွဲ့ထံမှ သိရသည်။
ယင်းအပြင် ရန်ကုန်နှင့် နေပြည်တော်တွင် အစိုးရတာဝန်ရှိသူများ၊ နိုင်ငံရေး ခေါင်းဆောင်များ၊ ဘာသာရေး ခေါင်းဆောင်များ၊ အမျိုးသမီးရေးရာဆိုင်ရာ အသင်းအဖွဲ့များ အပါအဝင် အရပ်ဘက် အဖွဲ့အစည်းများနှင့် တွေ့ဆုံရန်ရှိကြောင်း The Elders ၏ အင်တာနက်စာမျက်နှာတွင် ထုတ်ပြန် ထားသည်။
သို့သော် တွေ့ဆုံမည့်ရက်နှင့် အကြောင်းအရာ အသေးစိတ်တို့ကို မသိရသေးပေ။
မြန်မာနိုင်ငံ ဒီမိုကရေစီအသွင် ကူးပြောင်းရေးကို ပံ့ပိုးကူညီရန်၊ အစိုးရနှင့် တိုင်းရင်းသားလက်နက်ကိုင် အုပ်စုများအကြား ငြိမ်းချမ်းရေးဖြစ်စဉ်ကို တိုက်တွန်းအားပေးရန်၊ မြန်မာလူမှု အသိုင်းအဝိုင်း အတွင်း အချင်းချင်း ပြေလည်အောင် ကြိုးစားညှိနှိုင်းရန် မြန်မာနိုင်ငံသို့ လာရောက်ခြင်း ဖြစ်ကြောင်း The Elders က သတင်းထုတ်ပြန်ထားသည်။
The Elders (ကမ္ဘာ့ရပ်မိရပ်ဖများအဖွဲ့) ကို ၂၀၀၇ ခုနှစ်တွင် တောင်အာဖရိက ခေါင်းဆောင်ဟောင်း နယ်လ်ဆင်မင်ဒဲလားက စတင်စုစည်းခဲ့ပြီး ကမ္ဘာ့ငြိမ်းချမ်းရေး၊ တရားမျှတမှုနှင့် လူ့အခွင့်အရေး တို့အတွက် လုပ်ဆောင်လျက်ရှိသည်။
လက်ရှိအဖွဲ့ကို မြန်မာနိုင်ငံသို့ ရောက်ရှိနေသည့် ခေါင်းဆောင်များ၊ ကုလသမဂ္ဂ အထွေထွေအတွင်းရေးမှူးချုပ်ေ
ကာတာဖောင်ဒေးရှင်း ထူထောင်သူ ဂျင်မီတာသည် မြန်မာသို့ ပြီးခဲ့သည့် ဧပြီလ အတွင်းက လာရောက်ခဲ့ပြီး ကာတာဖောင်ဒေးရှင်း အနေနှင့် မြန်မာ့ ငြိမ်းချမ်းရေး နှင့် ဒီမိုကရေစီ အသွင်ကူးပြောင်းရေး လုပ်ငန်းစဉ်တွင် ကူညီမည်ဟု ပြောဆိုခဲ့သည်။
No comments:
Post a Comment