“သူတို့ဖို့လဲ….အမျှဝေပါ“ (၅)

Maung Kyaw

(၁)ဒီမိုကရေစီရှိတယ်ဆိုပေမဲ့..အထုပ်ကြီးတွေပိုက်ထားကြတဲ့…ဗိုလ်ချုပ်ဟောင်း /သစ်တွေ…နောက်ကွယ်က သြဇာလွှမ်းတဲ့နေရာမှာ… အမှန်တရားးကို မကယ်နိုင်ခဲ့တဲ့…၀န်ကြီးချုပ် ချွမ်လိပိုင် နဲ့ ဒု- နိုင်ငံခြားရေးဝန်ကြီးဆူကွန်ဘန်း။

(က)နိဂုံး.... (ခ)ထူးဆန်းသောတိုက်ဆိုင်မှု။

ဓါတ်ပုံများ….
(၁)ဒီမိုကရေစီရှိတယ်ဆိုပေမဲ့..အထုပ်ကြီးတွေပိုက်ထားကြတဲ့…ဗိုလ်ချုပ်ဟောင်း /သစ်တွေ…နောက်ကွယ်က သြဇာလွှမ်းတဲ့နေရာမှာ… အမှန်တရားးကို မကယ်နိုင်ခဲ့တဲ့…၀န်ကြီးချုပ် ချွမ်လိပိုင် နဲ့ ဒု- နိုင်ငံခြားရေးဝန်ကြီးဆူကွန်ဘန်း။
(၂)စစ်ရာဇ၀တ်မှုကျူးလွန်တာထင်ရှားပေမဲ့…လူသတ်သမားတွေ ရာထူး တိုးခဲ့တဲ့… တိုင်းတပါးမြေပေါ်မှာ.. ဒို့ တိုင်းပြည်ကလူငယ်တွေရဲ့ အဖြစ်။
(၃)ဒီနေ့…ရနေပါပြီဆိုတဲ့…ဒီမိုကရေစီကို..တစ်ချိန်က…ခွပ်ဒေါင်းပုံရိပ်အောက်က ၀ံ့ဝံ့စားစားတိုက်ပွဲဝင်ခဲ့ တဲ့ လူငယ်…၁၀ဦးရဲ့…မထင်မရှားလဲလျှောင်းရာ။
(က)နိဂုံး……

ကျဆုံးတဲ့အလောင်းခေါင်းပိုင်းတွေ…မီဒီယာကိုမပြမဖြစ်ပြလိုက်ရတော့…ဝေဖန်သံတွေပိုဆိုးလာခဲ့တယ်။ လူငယ်တွေဟာ သွေးအေးအေးနဲ့ပစ်သတ်ခံရတာဖြစ်နိုင်လို့…အမှန်ကိုဆက်လက်စုံစမ်းဘို့ စွတ်စွဲတောင်းဆိုသံတွေထွက်လာခဲ့တယ်။ သို့ပေမဲ့လဲဘဲ….ဒီမိုကရေစီဆိုတာရှိပေမဲ့…အထုတ်ကြီးကြီးတွေပိုက်ထားနိုင်သူဗိုလ်ချုပ်ဟောင်း…ဗိုလ်ချုပ်သစ်တွေ… နောက်ကွယ်ကနေသြဇာလွှမ်းသေးတဲ့ တိုင်းပြည်ဆိုတော့…ဒီအဖြစ်မှာ တစ်ခါက…ကျော်နီတို့ကို နားလည်စာနာစွာ ကယ်ခဲ့တဲ့…ဒု- နိုင်ငံခြားရေးဝန်ကြီး ဆူကွန်ဘန်း နဲ့ ဒီမိုသမားဝန်ကြီးချုပ် ချွမ်လိပိုင်တို့ဟာ… ထိုင်းစစ်တပ်ဘက်က… ဗြောင်ရပ်တည်ခဲ့ရတယ်။ ဒါပေမဲ့…မတရားမှုကိုမတရားမှုအတိုင်းမြင်တတ်တဲ့..ထိုင်းပညာတတ်အသိုင်းအ၀ိုင်း…နဲ့  သတင်းသမားတွေကတော့ အတော်ကလေးစိတ်မကောင်းဖြစ်ခဲ့ ...၊မေးခွန်းအမျိုးမျိုးထုတ်ခဲ့ကြတယ်။(နောက်ဆက်တွဲတွင်ထိုရေးသားချက် တချို့ကိုတင်ပြပါမည်) ဗိုလ်ချုပ်တွေရဲ့ စီးပွါးရေးဇာတ်ရှုတ်တွေ… မီးခိုးကြွက်လျှောက်ပေါ်မှာစိုးလို့… အရှင်ဖမ်းခံပါလျှက်နဲ့ နှုတ်ပိတ်တယ်ဆိုတဲ့ နိုင်ငံတကာစစ်ရာဇ၀တ်ဥပဒေနဲ့..နီးလာတဲ့စွပ်စွဲချက်တွေ ဖြစ်လာတော့…. ၀န်ကြီးချုပ် ချွမ်က… “ ကျုပ်တို့လူတွေ ၀င်စီးတဲ့အခါမှာ အကြမ်းဖက်သမားတွေဟာ.. အိပ်ပျော်နေတာလဲမဟုတ်ဘူး…ကြိုးနဲ့ တုတ်ထားတာ လဲမဟုတ်ဘူး ကျုပ်တို့လူတွေက…ဒီလိုဦီးအောင်မပစ်ရင်… အခုသူတို့နေရာမှာကျုပ်တို့လူတွေရောက်နေမှာဘဲ ” လို့ ဒေါမာန်ပါပါနဲ့ သတင်းထောက်တွေကိုရှင်းခဲ့တယ်။ အဲဒီတော့မှဘဲ…ပိုဆိုးလာတယ်….။ အလောင်းတွေကို ပလပ်စတစ်အိတ်ထဲမထည့်ခင်…စစ်တပ်ကမှတ်တမ်းအဖြစ် ရိုက်ခဲ့တဲ့ပုံတချို့..သူတို့အတွင်းထဲကပေါက်ထွက်လာခဲ့တယ်။ ဆေးရုံ အိမ်သာတစ်ခုထဲကနေ ခုခံပစ်ခတ်ရင်း ကျဆုံးခဲ့တဲလူငယ်တစ်ဦးကလွဲရင်… အားလုံးဟာ အ၀တ်အစားတွေချွတ်ထားပြီး… ချီထားခဲ့တဲ့လက်ပြန်ကြိုးတွေတောင်… တစ်ဖက်စီဘဲဖြုတ်ရသေးတာတွေ့ရပါတယ်။ နိုင်ငံတကာစစ်သုံ့ပန်း ဥပဒေတွေမှာ…ဘယ်စစ်ပွဲမှာဘဲဖြစ်ဖြစ်..ယုနီဖေါင်းနဲ့ အသက်ရှင်ရက်ဖမ်းမိခဲ့ရင်…လိုက်နာရမဲ့ သုံ့ပန်းကျင့်ဝတ်တွေရှိပါတယ်။ ဒါပေမဲ့…သူ့အရပ်သူ့ဇာတ်…သူ့ တိုင်းပြည်… သူ့ လူတွေဆိုတော့ ဒီအဆင့်ထိမရောက်ခဲ့ပါဘူး။ နောက်တစ်နေ့ ၂၆ ရက်နေ့မှာဘဲ…အဲဒီနယ်မြေကမထင်ရှားတဲ့ ဘုန်းကြီးကျောင်းလေးတစ်ခုအတွင်းမှာ… ဗေဒါအပါအ၀င်…ကျဆုံးသူ လူငယ် ၁၀ ဦး ကိုတစ်ပေါင်းတည်း ဂူသွင်းမြုတ်နှံလိုက်ပါတယ်။အသံတွေလဲတဖြည်းဖြည်း စဲသွားခဲ့ပါတယ်။ မြန်မာပြည်က..လို..အလောင်းတွေကို မဖျောက်ဖျက်ခဲ့တာနဲ့… သူတို့နိုင်ငံသားမဟုတ်ဘဲ ပြသနာရှိပေမဲ့…ဗုဒ္ဓ ဘာသာပီသစွာ. ....နေရာပေးလက်ခံခဲ့တာ ကိုဘဲလေးစားစရာပါ။ အချိန်တိုတွင်း လူထုကြားမှာ မှေးမှိန်သွားပေမဲ့..အိုးမလုံသူဗိုလ်ချုပ်တစ်စုကတော့… သူတို့အရှုတ်ထုတ်တွေကိုသိထားသေးတဲ့…ကျော်နီတစ်ယောက်ဘယ်ရောက်မှန်းမသိ ကျန်နေသေးတော့… စားမ၀င်အိပ်မပျော်… ဖြစ်ခဲ့တယ်။ ထိုင်းဘက်ကပစ်တာတွေရပ်သွားပေမဲ့…သေဆုံးသူဒါဏ်ရာရသူအများအပြားနဲ့ တဖက်…၊ဗေဒါတို့ကျဆုံးပြီး..ထိုင်းဘက်ကပြန်ပိတ်ထားလို့ ရိက္ခာမရှိ ဆေးဝါးမရှိ ဖယိုဖရဲ တဖက်.. ဖြစ်နေတဲ့ ကမာပုလောရွာစုကလေးကို…နောက်တပါတ်မှာ..နအဖ ဘက်က အလုံးအရင်းနဲ့ ချေမှုန်းသိမ်းပိုက်နိုင်ခဲ့တယ်။ ထိုင်းဘက်ကျွံထွက်လာသူတွေထဲမှာ…ကျော်နီပါလာခဲ့ရင်အပျောက်ရှင်းဘို့ နယ်စပ်တစ်လျှောက်ထိုင်းတပ်တွေ အသင့်စောင့်နေခဲ့တယ်။ စစ်မျက်နှာနဲ့ ပစ်မှတ်ကျဉ်းတဲ့အနေနဲ့ … ဆေးရုံစီးတဲ့အဖွဲ့ဟာတမန်တော်တပ်(God Army )မဟုတ်ဘဲ…(VBSW)စွမ်းအားမြင့် မြန်မာကျောင်းသားစစ်သည်တော်များ အဖွဲ့သာဖြစ်တယ်လို့ ပြောင်းလဲစွပ်စွဲခဲ့တယ်။ တစ်နေရာမှာ..ကျော်နီရှိတယ်ကြားလို့ နယ်မြေကျော်ဝင်ရှင်းဘို့ ကြိုးစားကြည့်တာ ထိုင်းစစ်သား ၄ ယောက် မိုင်းထိပြီးပြန်ဆုတ်ခဲ့ရတယ်။ ကျော်နီရှိနေသမျှ…သူတို့ အတွက်နောက်ကျောမလုံဖြစ်နေတဲ့ထိုင်းစစ်ဗိုလ်ချုပ်တစ်စုဟာ တစ်ခြားနည်းကိုသုံးရတော့တယ်။ အခြေအနေကို သွေးအေးအောင်ထား..နယ်စပ်ထိမ်းချုပ်မှုတွေလျှော့..ဂျော်နီထူး ၊ လူသာထူးနဲ့ တမန်တော်တပ်အဖွဲ့ဝင်တွေကို..ထိုင်း နိုင်ငံနယ်မြေ “ထမ်ဟင်း”စခန်းထဲမှာ ကောင်းစွာလက်ခံထားပြီး ကျော်နီနဲ့ စွမ်းအားမြှင့်ကျောင်းသားများ လာရင်လဲ ဒီလိုဘဲလက်ခံမယ်ဆိုတဲ့ ပုံစံမျိုးပြခဲ့တယ်။ ဒါပေမဲ့..အကြောင်း ကိုသိထားတဲ့..ကျော်နီနဲ့အဖွဲ့ဟာ ထိုင်းမြေပေါ်ကို ခြေမချခဲ့တော့ပါဘူး။ နအဖ တပ်တွေ..ကြား မြန်မာဘက်ခြမ်းတော တွင်းမှာဘဲ…ဒုက္ခပေါင်းစုံ ကြံ့ကြံ့ခံရင်း ပုန်းရှောင်ရပ်တည်နေခဲ့တယ်။ ကျော်နီဟာ..တစ်ခါကမိတ်ဆွေဖြစ်ခဲ့ ဖူးတဲ့ ထိုင်းထောက်လှမ်းရေးကို… မယုံကြည်နိုင်တော့ပေမဲ့....တခါမှ မိတ်ဆွေမဖြစ်ဖူးတဲ့ကိုယ့်လူမျိုးချင်းကိုတော့…ယုံကြည်ခဲ့မိ တယ်။ အခက်ခဲပေါင်းစုံ ကြုံနေရတဲ့ ကျော်နီကို မြန်မာ့ဒီမိုအဖွဲ့ ခေါင်း ဆောင်တစ်ဦးနဲ့ ကရင်အမျိုးသားခေါင်းဆောင် တစ်ဦးက.. ဘယ်လိုယုံကြည်အောင်လုပ်လိုက်နိုင်တယ်တော့မသိဘူး…. ကျော်နီဟာပုန်းအောင်းရာကထွက်ပြီး ထိုသူတွေကိုတွေ့ဆုံခဲ့တယ်.. အဲဒီအချိန်ကစပြီး…ထိုင်းထောက်လှမ်း ရေးလက်ထဲရောက်..အစပျောက်သွားတော့တာပါဘဲ။ အဲဒီပုဂ္ဂိုလ်၂ ဦးကတော့..အမျိုးသားဒီမိုကရေစီအဖွဲ့ချုပ်လွတ်မြောက်နယ်မြေ (NLD-LA)က ဦးမြင့်သိန်း နဲ့ ကရင့်အမျိုးသားအစည်းအရုံး (KNU)က..မဟာမိတ်ရေးရာတာဝန်ခံ ပဒိုမန်းငြိမ်းမောင်တို့ ဖြစ်ကြောင်း..သမိုင်းမှန်အတွက်စိတ်မကောင်းစွာဖေါ်ပြရပါလိမ့်မယ်။ ခွပ်ဒေါင်းကိုအရောင်တင်ခဲ့တဲ့..လူငယ် ၁၁ ဦးရဲ့ နိဂုံးကတော့ ဒါပါဘဲ ။ ကျွန်တော့တစ်ဦးအမြင်ပေါ့လေ…..သူတို့လုပ်ခဲ့သမျှ…ဖြစ်ခဲ့သမျှ တွေဟာ… ခွပ်ဒေါင်းနဲ့လဲ ဆိုင်ပါတယ်…. ရိုးသားတဲ့ကရင်လူထုတွေနဲ့လဲဆိုင်ပါတယ်… ပြည်တွင်းလူထု ခံစားရတာနဲ့လဲဆိုင်ပါတယ်…. ဒီမိုကရေစီဆိုတာနဲ့လဲဆိုင်ပါတယ်… မြန်မာ့ သံယံဇာတ..ကိုယ့်အိတ်ထဲကိုယ်ထဲ့ကြတဲ့ မြန်မာဗိုလ်ချုပ်တွေနဲ့လဲ ဆိုင်ပါတယ်။ ခေတ်မှီအောင်ပြောရရင်..အခုပြောနေကြတဲ့ ပြည်ပမှာအပ်ထားတယ်ဆိုတဲ့ ၁၁ ဘီလီယံ ရဲ့ အစနဲ့လဲဆိုင်ပါတယ်။ ဘယ်လိုဘဲဖြစ်ဖြစ်…သူတို့ကျဆုံးသွားကြပါပြီ။ သူတပါးမြေပေါ်မှာ…မိဝေးဖဝေး..အပေါင်းအသင်းမရှိ..သမိုင်းပျောက်ပြီးရော.. မြှုပ်နှံခံခဲ့ရတာမို့…...........မိတ်ဆွေတို့ အကြောင်းကြောင်းနဲ့ ကုသိုလ်ကောင်းမှုကလေးများလုပ်တဲ့အခါ….တိုးတိုးတိတ်တ်ိတ်ဘဲဖြစ်ဖြစ်ပေါ့ဗျာ….. “သူတိုဘို့လဲအမျှဝေပါ”….. “သူတိုဘို့လဲအမျှဝေပါ”…. “သူတိုဘို့လဲ အမျှဝေပေးပါ”။။။။။Maung Kyaw

“သူတိုဘို့လဲ အမျှဝေပါ”….နောက်ဆက်တွဲ(၁)

(ခ)ထူးဆန်းတဲ့တိုက်ဆိုင်မှု (သို့မဟုတ်) သူတို့ဘို့တော့….မဝေချင်နေ ။

၂၀၀၀ ခုနှစ်ဖေဖေါ်ဝါရီလ ၂၆ ရက်နေ့မှာ…..
ညနေပိုင်းကျနော့ရဲ့ နေစဉ်အပုတ်ချိန်..လေးမရောက်ခင်.. ဗေဒါတို့ ကျဆုံး…မြှုတ်နှံခဲ့တာ..တလပြည့်တဲ့နေ့ ..သတိရတာနဲ့ …မဲဆောက်မြို့ ..အနောက်ဖက်အထွက်… .မယ်တော်.နဲ့ …ချစ်ကြည်ရေးတံတားကြား… လမ်းဘေးအတွင်းနဲနဲကျ... လူရှင်းတဲ့ဘုန်းကြီကျောင်းတခုကစေတီလေးမှာ..မီးပူဇော်..ဝတ်ပြုရင်း.. တရားသောစစ်တို့ ..သမိုင်းမှန်တို့ ဆိုတာဘာပါလိမ့်လို့ စဉ်းစါးနေမိတယ်… .နောက်မှအမျှဝေဖို့ လုပ်နေတုံး…. နောက်ကဘော်ဒါလိုက်လာပြီး…. “ဟေ့လူကြာလှချည်လား..ဟိုမှာစေါင့်နေကြတယ်…ပွဲလုပ်မလို့ အကြောင်းပေါ်ပြီ… ကုန်ဖို့ ပြင်တော့… ဟိုကောင်တွေကို…ဟိုကောင်တွေလာခေါ်သွားပြီ… ခုဘဲသီတင်းရောက်တယ်…ရက်စိ..ကွက်တိဘဲ”…တဲ့။                                           

ထူးတော့ထူးဆန်းသား…. တိုက်ဆိုင်မှုဘဲခေါ်ရမှာပေါ့။ ၂၀၀၀ပြည့်နှစ် ဇန်န၀ါရီ ၂၆ ရက် ..ထိုင်းတပ်မ ၉ ကတပ်မှူးဗိုလ်ချုပ်နဲ့ အရာရှိများ စီးနင်းလိုက်ပါလာတဲ့.... bell212စစ်ရဟတ်ယာဉ်တစ်စီးဟာ…အဲဒီကန်ချနဘူရီ ဒေသထိုင်းမြန်မာနယ်စပ်မနီးမဝေးမှာဘဲပျက်ကျခဲ့ပါတယ်။ ပါဝင်သူ ၁၁ ယောက်လုံး…အလောင်းမမှတ်မိအောင်သေဆုံးခဲ့တယ်။ ပျက်ကျတဲ့ရဟတ်ယာဉ် ဟာ… အမှီးပိုင်းကလေးကလွဲလို့ အစအနကလေးတွေဘဲကျန်ပါတယ်။ ထိုင်းစစ်တပ်ဖက်က…ရဟတ်ယာဉ်ဟာ..ရာသီဥတု ဆိုးဝါးလို့ ပျက်ကျခဲ့တာလို့ ထုတ်ပြန်ကျေညာခဲ့တယ်။ ဒါပေမဲ့ ရဟတ်ယာဉ်ထုတ်လုပ်တဲ့ Bell ကုမ္ပဏီကတော့ ထိုစဉ်ကထိုဒေသရာသီဥတုအခြေအနေကိုလေ့လာပြီး.. သူတို့တည်ဆောက်ထုတ်လုပ်ထားတဲ့ နည်းပညာဟာ ဒီလောက်ရာသီဥတု မျိုးနဲ့… ပျက်ကျနိုင်စရာအကြောင်းမရှိဘူးလို့…တုန့်ပြန်ခဲ့တယ်။ တကယ်ဘယ်လိုဖြစ်တယ်ဆိုတာတော့…ခုထိဘယ်သူမှ အသေအချာမသိ နိုင်တော့ပါဘူး။ သေချာတာတစ်ခုကတော့…အဲဒီနေ့ ဟာ…ဗေဒါနဲ့ လူငယ်၁၀ဦးကို ဒရောသောပါး ဂူသွင်းမြှပ်နှံ လိုက်တဲ့ နေ့ တစ်လရက်လည်တဲ့နေ့။ နေရာက… အဲဒီနယ်မြေထဲမှာ။ စွမ်းအားမြင့်ကျောင်းသားတွေ ဘက်ကကျော်နီအပါအ၀င် ၁၁ ယောက်….. အခုထိုင်းကလဲ ၁၁ ယောက်။ ပြီးတော့…ထိုင်းအမှတ် ၉ တပ်မှူး ဗိုလ်ချုပ် စံချိုင်းနဲ့ ပါဝင်ခဲ့တဲ့အရာရှိအားလုံးဟာ… ဗေဒါတို့ကို ၀င်ရောက်စီးနင်းသတ် ဖြတ်တဲ့အစီအစဉ်ကို ရေးဆွဲအမိန့်ပေးခဲ့တဲ့ သူတွေပါဘဲ။ အဲ….အဲ့ဒီနေ့ က…ဝေတော့မဲ့အမျှကို…ကျနော်မဝေခဲ့ဘူး…သူတို့ မြေပေါ်မှာဆိုတော့…မတော်တဆ…ဟိုကောင်တွေအရင်ရသွားမှာစိုးလို့် ။ အဲ..မိတ်ဆွေတို့ လဲ….မဝေချင်နေ ကြပေါ့ဗျာ။ 

 

 

• “သူတို့ဖို့လဲ….အမျှဝေပါ“ (၄)
• “သူတို့ဖို့လဲ….အမျှဝေပါ“ (၃)
• “သူတို့ဖို့လဲ….အမျှဝေပါ“ (၂)
• “သူတို့ဖို့လဲ….အမျှဝေပါ“