ကြုံကြရ ဘုံဘ၀က ငါးပိဒုက္ခ

(ဆောင်းပါးရှင်-ဒေါက်တာခင်မောင်ညို)

"ကိုဘသစ် နံနက်စောစောကြီး ဘယ်ကလှည့်လာတာလဲ"

"မော်လမြိုင်က ပြန်လာတာပါ။ ကျုပ်ဘကြီးတစ်ယောက် နေမကောင်းလို့ သွားကြည့်တာ။ ဘကြီးက အသက် ၈၁ နှစ် ရှိပြီ"

"အခြေအနေ ဘယ်လိုရှိလဲ"

"ကောင်းသွားပါပြီ။ ဘကြီးတို့က ခြံထဲမှာနေတော့ လေကောင်းလေသန့် ရတယ်။ သန်သန်မာမာ ဆိုပေမယ့် ဘကြီးစကားနဲ့ဆိုရင် ဇရာထောင်းတော့ ဘယ်ဟာမှ မကောင်းဘူးကွလို့ ပြောရမှာပဲ"

"အင်း ဇရာကို ညာလို့မရဘူး"

"ဒါနဲ့ ဘာသတင်း ထူးသေးလဲ"

"ခင်ဗျားပြောတဲ့ ငါးပိကိစ္စတော့ ထူးတယ်ဗျ။ MRTV က သတင်းတွေ ထုတ်ပြန်တယ်"

"ဟုတ်လား။ လုပ်စမ်းပါဦး"

"သူတို့ဟာ ဧရာဝတီတိုင်း၊ ရန်ကုန်တိုင်း စတဲ့ငါးပိ Sample သုံးမျိုးကို FDA ဓာတ်ခွဲခန်းကို ပို့သတဲ့"

"ဓာတ်ခွဲခန်းပို့လည်း ယူရီးယား တွေ့မှာပဲပေါ့"

"မတွေ့ဘူးတဲ့။ ငါးပိ Sample သုံးမျိုးအနက် တစ်မျိုးမှာပဲ ယူရီးယား တွေ့တယ်။ ဒီလိုဆိုရင် အဲဒီတစ်မျိုးသာ ယူရီးယား ဓာတ်မြေသြဇာ ထည့်ထားတာ ဖြစ်ရမယ်ပေါ့။ တကယ်လို့ ငါးပိဟူသရွေ့ ယူရီးယား ပါတယ်ဆိုရင် ကျန်တဲ့ငါးပိ Sample နှစ်ခုမှာလည်း ဒီလိုယူရီးယားကို တွေ့ရမယ်လို့ ဗအုပ်ခိုင်က ကောက်ချက်ချတယ်"

"ကိုဗအုပ်ခိုင် ကောက်ချက်ချတာကို ကြားတော့ ကျုပ်ဘကြီး ပြောတာကို သတိရတယ်"

"ကျုပ်မော်လမြိုင် သွားတယ်လေ။ ဘကြီးနေမကောင်းလို့ သွားကြည့်တာ။ ကျုပ်ပြောပြတယ် မဟုတ်လား"

"ပြောပါတယ်"

"မော်လမြိုင်ရောက်တော့ ဘကြီးက နေကောင်းနေပြီ။ သူ့ကိုကြက်ပေါင်းရည်တို့ ငှက်သိုက်တို့ကို တိုက်တော့ မသောက်ဘူး။ ဒါနဲ့ ဘကြီးကို မေးတာပေါ့။

"ဘကြီး ဘာလို့ဒါတွေ မသောက်လဲ"

"ဒါတွေက ဓာတုဗေဒ ပစ္စည်းတွေ ပါမယ်လေ"

"ဟင် ဘကြီးဘယ်လိုလုပ် သိလဲ"

"သိဆို ကြက်ပေါင်းရည်ဆိုတာ ခဏလေး ထားရင်တောင် ပုပ်သွားတာပဲလေ။ တစ်ညလောက်ကြာရင် သိုးသွားတာပဲ"

"ဒါနဲ့ ကျုပ်လည်းဘကြီးကို ဒါတွေမတိုက်ရဲတော့ဘူး။ ကြာကြာခံအောင် လုပ်ထားတဲ့ အစာဆိုတာ တစ်စုံတစ်ခု ထည့်ရတယ်။ ဥပမာ ငါးဆားနယ် ဆိုပါတော့။ ဆားက မပုပ်အောင် လုပ်ထားတယ်။ ငါးသေတ္တာဆို ဆီကမပုပ်အောင် လုပ်ထားတာပေါ့"

"အင်း ဒါကြောင့် မြန်မာဆိုင်ကဟင်းတွေ ဆီများတာပေါ့"

"ဟုတ်တယ်။ မြန်မာပြည်လို ပူတဲ့ဒေသတွေမှာ ဟင်းတွေမှာ ဆီတွေအုပ်နေမှ မပုပ်သိုးတာပေါ့။ ရေခဲသေတ္တာထဲ ထည့်ပြီးထားရင် နှစ်ရက်သုံးရက်တော့ ခံတယ်။ Freezer ထဲ ထည့်ထားရင် ဒီထက်ကြာကြာ ခံတယ်"

"ခင်ဗျားဘကြီးက ခေါင်းမာတာပဲ"

"သူပြောတာ မှန်ပါတယ်။ အမှန်တော့ အန္တရာယ်နည်းတဲ့ Sodium Benzoate လိုမျိုးကို အစားအသောက်တွေမှာ Food Preservative အနေနဲ့ ခွင့်ပြုထားတယ်။ ဒါပေမဲ့ အချို့ကျတော့လည်း ယမ်းစိမ်း (Sodium Nirate) ကို ထည့်တယ်။ ၀က်အူချောင်းတို့မှာထည့်တာ ရှေးကတည်းကပဲ"

"ဘာမှ မဖြစ်ဘူးလား"

"ကင်ဆာ ဖြစ်တာပေါ့။ ဒါကလည်း များမှပါ။ ရှောက်ယိုတွေမှာ ကော့ပါးဆာလဖိတ် (ဒုတ္ထာ)ထည့်တာလည်း အန္တရာယ်များတယ်"

"စိမ်းစိမ်းလေးဖြစ်အောင် ထည့်တာပဲ မဟုတ်လား"

"မှန်ပါတယ်။ အစားအသောက်တွေမှာ Adulteration ဆိုတာမျိုးတွေ အများကြီးပါ"

"ဒါဆိုရင် ငါးပိမှာ ယူရီးယား မြေသြဇာ ထည့်တယ်ဆိုတာ ခင်ဗျားလက်ခံတာပေါ့"

"ဒါကို ကျွန်တော်ဘာမှ ကောက်ချက်မပေးလိုပါဘူး။ အရင်အပတ်က ကျွန်တော်ပြောသလိုပါပဲ။ ငါးတွေရဲ့ ကိုယ်ထဲမှာ ယူရီးယားတွေ ပါနေတယ်။ ဒါကြောင့် ကျွန်တော်က ယူရီးယားကို ငါးပိမှာတွေ့ရင် ဓာတ်မြေသြဇာကြောင့်ဆိုတာ မပြောနိုင်ဘူးလို့ ပြောခဲ့တာပဲ"

"ဒါပေမဲ့ ကိုဘသစ်ရ ကိုဗအုပ်ခိုင်က သူတို့ဟာ ဧရာဝတီတိုင်း ရန်ကုန်တိုင်းစတဲ့ ငါးပိ Sample သုံးမျိုးကို FDA ဓာတ်ခွဲခန်းကို ပို့တယ်။ ငါးပိ Sample သုံးမျိုးအနက် တစ်မျိုးမှာပဲ ယူရီးယား တွေ့တယ်။ ဒီလိုဆိုရင် အဲဒီတစ်မျိုးသာ ယူရီးယား ဓာတ်မြေသြဇာ ထည့်ထားတာ ဖြစ်ရမယ်လို့ ဗအုပ်ခိုင်က ကောက်ချက်ချထားတယ်"

"ဒါကြောင့် ပြောတာပေါ့။ စောစောက စကားကို ပြန်ကောက်မယ်။ ကျုပ်ဘကြီးကို အားဖြစ်စေတာတွေ ဘာတိုက်တိုက် မသောက်ဘူး။ ဘကြီးက "ငါအားရှိပါတယ်။ မင်းဒီမှာကြည့်ဆိုပြီး ခြံထောင့်ကို ခေါ်သွားတယ်။ ပြီးတော့ ဧရာမ ကျောက်တုံးကြီးကို မပြတယ်"

"သူကျောက်တုံးကြီးကို မပြတယ် ဟုတ်လား"

"ဟုတ်တယ်။ ဒါပေမဲ့ ကျောက်တုံးကြီးကို သူမမနိုင်ဘူး"

"ဒါဆို သူအားရှိတယ်ဆိုတာ မှားနေတာပေါ့"

"ဒါပေမဲ့ သူကပြောတယ်။ "ဟေ့ ဒီမှာတွေ့လား။ ဒီကျောက်တုံးကို ငါ ၁၈ နှစ်သားကလည်း မမနိုင်ဘူး။ ခုလည်း မမနိုင်ဘူး။ ငါ ၁၈ နှစ်သားလောက် အားရှိတုန်းပဲတဲ့"

"ဟားဟား။ သူ့လောဂျစ်ကလည်း တစ်မျိုးကြီးပဲ"

"ဒါကြောင့် ပြောတာပေါ့။ မတွေ့တာ မဖြစ်တာ စောစောက ဘကြီး မမနိုင်တာတွေကို ကောက်ချက်ချလို့ မရဘူး။ သူတို့ တကယ်လို့ ငါးပိဟူသရွေ့ ယူရီးယား ပါတယ်ဆိုရင် ကျန်တဲ့ငါးပိ Sample နှစ်ခုမှာလည်း ဒီလိုယူရီးယားကို တွေ့ရမယ်လို့ ပြောတယ်။ ဒါဟာ ဖြစ်နိုင်သလို မဖြစ်လည်း မဖြစ်နိုင်ဘူး။ ယူရီးယားဟာ ကြာလာရင် အမိုးနီးယားနဲ့ ကာဗွန်ဒိုင်အောက်ဆိုဒ် ဖြစ်သွားတယ်။ နောက်ပြီး ယူရီးယားကို ဘက်တီးရီးယား အချို့ကလည်း စားသုံးတယ်"

"ဒါဆို သူတို့ကောက်ချက်တွေဟာ မှားနေတာပေါ့"

"သိပ္ပံစကားနဲ့ ပြောရင်တော့ မသေချာတဲ့ ကောက်ချက်ပေါ့။ တောင်ပေါ်မှာ လူသုံးယောက်ကို တွေ့တယ်။ တစ်ယောက်ပဲ ဘုရားရှိခိုးတယ်။ ဒါကြောင့် ကျန်တဲ့နှစ်ယောက်က ဗုဒ္ဓဘာသာဝင် မဟုတ်ဘူးဆိုတဲ့ ကောက်ချက်လိုမျိုးပါ"

"ဒီလို ကောက်ချက်ချရင် မှားလား"

"မှားနိုင်ပါတယ်။ ခုဟာက မြန်မာတစ်မျိုးသားလုံး စားသောက်နေတဲ့ ငါးပိကိစ္စကို ပြောတာကြောင့် သတိထားဖို့ ပြောတာပါ။ ဓာတ်ခွဲခန်းကတော့ ပါမပါ အဖြေထုတ်ပေးတာပဲ။ ဒါပေမဲ့ တစ်ခါတစ်ခါ ဘယ်လောက်ပါတာကိုပဲ စမ်းလို့ရမယ် ဆိုတာမျိုးလည်း ရှိတယ်။ အချို့ ငါးပိလုပ်ရင် အူတွေကလီစာတွေကို မထုတ်ဘူး။ အချို့က အူတွေကလီစာတွေ ထုတ်တယ်။ မတူဘူး။ အူကလီစာတွေပါရင် ငါးပိတွေထဲမှာ ယူရီးယားတွေ များနေမှာ အသေအချာပဲပေါ့"

"ဒါဆိုရင် ငါးပိကို စားသုံးဖို့ သင့်တယ်ပေါ့"

"ကျုပ်က အဲဒါကို ပြောချင်တာ မဟုတ်ဘူး။ လွဲမှားနေတဲ့ လောဂျစ်တွေ အယူအဆတွေနဲ့ မှားတဲ့ကောက်ချက်တွေ မချမိဖို့ပါ။ သိပ္ပံပညာမှာ မှန်ကန်တဲ့ ကောက်ချက်တွေချလို့ ခုလိုကမ္ဘာကြီး တိုးတက်လာတာပါ။ ခင်ဗျားကို ဒီအကြောင်းတွေ ပြောပြရဦးမယ်"

"ပြောပါဗျာ၊ ခင်ဗျားဘကြီးလို ပြောချင်တာက ကျုပ်ဟာ သိပ္ပံပညာကို အရင်ကလည်း နားမလည်ဘူး။ ခုလည်း နားမလည်ဘူး၊ ဒါကြောင့် ကျုပ်က ငယ်ငယ်ကလိုပဲ ခုထိ ပညာတော်နေတာ"

"ဟားဟားဟား"