အခွင့်အလမ်း

 - အေဘီမြောက်ပိုင်းလူသတ်မှု ကျနော့်မှာတာဝန်မရှိဘူး (မိုးသီးဇွန်- ဖြေကြားချက်)
- စိုးဝင်းရှိန် --၂၄-၁ -၂၀၁၂



ဒီနေ့(ဇန်န၀ါရီလ ၂၂ ရက်) နေ့လယ် ၁ နာရီ ၃၀ မိနစ်မှ ၄ နာရီ ၃၀ မိနစ်အထိ Ikebukuro Life and Industry Plaza B 1 (Kumin Center အနောက်ဘက်အဆောက်အဦ) Higashi Ikebukuro, Toshima-ku 1-20-15, Tokyo မှာကျင်းပပြုလုပ်ခဲ့တဲ့ ကိုမိုးသီးဇွန်နှင့် ဂျပန်ရောက်မြန်မာနိုင်ငံသားများ လက်ရှိမြန်မာ့နိုင်ငံရေးအခြေအနေ သုံးသပ်ဆွေးနွေးပွဲ ကို တက်ရောက် နားထောင်ပြီး ဂျပန်ရောက် မြန်မာနိုင်ငံသား တစ်ဦးအနေနဲ့ရော မိုးသောက်ကြယ် ဂျာနယ်သတင်း မီဒီယာသမား အနေနဲ့ပါ မေးမြန်းခဲ့ ပါတယ်။

မေးခဲ့တဲ့မေးခွန်းတွေက-
၁) မြန်မာပြည်ပြန်ပြီး နိုင်ငံရေး(သို့)တော်လှန်ရေး(သို့)ကျောင်းသားအရေး(သို့) အခုတလောရေပန်းစားပြီး အသုံးများနေတဲ့ civil society လုပ်-မလုပ် ဆိုတဲ့မေးခွန်းနဲ့
(၂) ABSDF မြောက်ပိုင်း ကျောင်းသားတွေ ရက်ရက်စက်စက်သတ်ဖြတ်ခံခဲ့ရခြင်းကိစ္စမှာ ကိုမိုးသီးဇွန်အနေနဲ့ တစ်စိပ်တစ်ပိုင်း အားဖြင့် သော်လည်းကောင်း၊ သို့တည်းမဟုတ် တစ်ခုလုံးအားဖြင့် သော်လည်းကောင်း၊ ပါဝင်ပတ်သတ်ခဲ့မှု ရှိ-မရှိ အခုအချိန်မှာ ဒီကိစ္စတွေနဲ့ပတ်သက်ပြီး ဘယ်လိုတာဝန်ယူဆောင်ရွက်ပေးမလဲ...
ဆိုတဲ့မေးခွန်းအပေါ်မှာ ကိုမိုးသီးဇွန်ရဲ့ပြန်လည်ဖြေကြားချက်အပါအ၀င် တချိန်က ABSDF မှာ ၁၉၈၈ ခုနှစ်မှ ၁၉၉၁ ခုနှစ်အထိ တပ်ရင်း ၃၀၃ တွင် တာဝန်ထမ်းဆောင်ခဲ့ဘူးတဲ့ ကိုခင်မောင်ထွေးနဲ့ ဗျူးထားတဲ့အသံဖိုင်ကိုပါ ပူးတွဲတင်ပြလိုက်ပါတယ်။

ခံဝန်ချက်ပေးချင်တာက-
(က)ကျနော်ဟာ ကိုမိုးသီးဇွန်ကို ချစ်ခြင်း-မုန်းခြင်းနဲ့ မေးမြန်းခဲ့ခြင်း မဟုတ်သလို နာမည်ကြီးစေချင်လို့ ထင်ပေါ် ကျော်ကြားချင်လို့ မေးတာမျိုးမဟုတ်ပဲ သမိုင်းအမှန်ကို သိချင်လို့မေးခြင်းသာဖြစ်ပါတယ်။
(အဲဒီ့အတိုင်းလည်း တတိယအသံဖိုင်ထဲမှာ ပါပါတယ်)

(ခ)ကျနော်ဟာ တောလည်းမခိုခဲ့ဘူးသလို၊ ABSDF အဖွဲ့ဝင်လည်းမဟုတ်ခဲ့ပါ(သို့ပေမယ့် ABSDFအဖွဲ့မှာ စွန့်လွှတ်စွန့်စား အနစ်ခံပြီး ပေးဆပ်တိုက်ပွဲဝင်နေတဲ့ ကျောင်းသားကြီး တွေကို လေးစားသဖြင့် ၁၉၉၈ ခုနှစ်မှ ၂၀၀၆ ခုနှစ် အောက်တိုက်ဘာ လအထိ ငွေကြေးထောက်ပံ့ ပေးခဲ့ပါတယ်။
အသေးစိပ်စာရင်းလည်းရှိသလို လစဉ်လတိုင်းစာရင်းရှင်းတမ်း ထုတ်ပြန်ခဲ့ပါတယ်။
လက်ရှိဥက္ကဋ္ဌ ကိုသံခဲ ကောင်းကောင်းသိပါတယ်။

ကျနော်ကိုယ်တိုင် ၂၀၀၃ ခုနှစ် ဒီဇင်ဘာ ၁၃ ရက်နေ့က ဗိုလ်ခင်ညွန့်ကား(ယခု ပြန်လွှတ်လာသူ)ကို ကျောင်းသားအလံ၊ ခွပ်ဒေါင်းအလံတော်နဲ့ အသေခံပြီး လွှမ်းခြုံဖို့ ဦးဆောင်ခဲ့သူတစ်ဦးပါ။
အဲဒီ့အကြောင်းကို တစ်နေ့တစ်ချိန်ကျရင် ရေးဖို့လည်း စဉ်းစားထားပါတယ်။ ကိုယ်ရည်သွေးခြင်းမဟုတ်ပါ)

(ဂ)အေဘီမြောက်ပိုင်းလူသတ်ပွဲမှာ အသတ်ခံရတဲ့ကျောင်းသားရဲဘော်ကြီးတွေထဲမှာ ကျနော့်အမျိုး။ အဆွေ တစ်ဦးတစ်ယောက်မှ မပါခဲ့ပါ။

သို့ပေမယ့် ဖြစ်ပျက်ခဲ့တဲ့ သမိုင်းဖြစ်စဉ်ကို အမှန်အတိုင်းသိချင်လို့ တစ်ချိန်က ABSDF ရဲ့ ဥက္ကဋ္ဌတာဝန် ထမ်းဆောင်ခဲ့ဘူးတဲ့ ကိုမိုးသီးဇွန်ကို ဂျပန်ရောက် မြန်မာနိုင်ငံသား တစ်ဦးအနေနဲ့ရော မိုးသောက်ကြယ် ဂျာနယ်ရဲ့ မီဒီယာသမား အနေနဲ့ မေးမြန်းခဲ့ခြင်း ဖြစ်ပါတယ်။

(ခြွင်းချက်-ကျနော်စကားထစ်တဲ့ အတွက် သည်းခံပြီး နားထောင် ပေးကြပါရန်)
ကိုမိုးသီးဇွန်ကပြောပါတယ်။
ကျနော်ဟာ သူ့ကိုမထောက်ခံပါဘူးတဲ့။ ကိုမိုးသီးဇွန်မှားနေတဲ့အချက်က ကျနော်ဟာ အေဘီ အကြောင်းကို သိနားလည်တာက ၁၉၉၇ လောက်ကမှ သိတာပါ။ ကျနော်ဂျပန်ရောက်တာ ၁၉၉၅ ခုနှစ် နိုဝင်ဘာ ၂၇ ရက်နေ့ပါ။ လိုအပ်ရင် ကျနော့်ကိုယ်ရေးအကျဉ်းကို ရေးပေးပါမယ်။ ကျနော်မေးတဲ့မေးခွန်းတွေကို ဖြေကြားပေးတဲ့ ကိုမိုးသီးဇွန်ကိုလည်း ကျေးဇူးတင်ပါတယ် သမိုင်းအမှန်ပေါ်ထွက်လာကြပါစေ... ရိုးသားမှုအားလုံးကို လေးစားလျက်- စိုးဝင်းရှိန် (မိုးသောက်ကြယ်ဂျာနယ်တာဝန်ခံအယ်ဒီတာတစ်ဦး)

--------------------------------

အေဘီမြောက်ပိုင်းလူသတ်ပွဲအတွက် ကျနော့်မှာ တာဝန်မရှိဘူး။

---

ချဲလင့်လုပ်တာတစ်ခုကတော့ အခုအင်တာနက်မှာရေးနေ ချဲလင့်လုပ်တာတစ်ခုကတော့ အခုအင်တာနက်မှာရေးနေ

---

သင်ပုန်းခြေသင့် မခြေသင့်(မိုးသောက်ကြယ်အဖွဲ့)

---

အေဘီ ဥက္ကဌ က အေဘီမြောက်ပိုင်းလူသတ်ပွဲအတွက် သူ့ မှာ တာဝန်မရှိဘူး ဆိုတာ အလွန် အရုပ်ဆိုးပါတယ်။ (အေဘီတပ်ရင်း ၃၀၃ မှ ကိုခင်မောင်ထွေး)
-------------------------------------------------------------------------------