AD-7 အပါအဝင် ရေနံလုပ်ကွက်များပြ မြေပုံ (ပုံ - Weekly Eleven Journal)
ဒေါက်တာ ထွန်းရှင်က “ITLOS ရဲ့သတ်မှတ်ချက် နယ်နိမိတ်မျဉ်းအရ မိမိတို့ လုပ်နေတဲ့ AD-7, AD-8, AD-9 ရေနံလုပ်ကွက်တွေ လွတ်လွတ်ကင်းကင်း ဖြစ်တဲ့အပြင် ကမ်းနီးပိုင်း ရေနံထုတ်လုပ်ဖို့ အလားအလာရှိတဲ့ ရေပြင်ဧရိယာ ပိုမိုရရှိလာတာကို တွေ့ရှိရပါတယ်” ဟု ပြောသည်။
မြန်မာ-ဘင်္ဂလားဒေ့ရှ် နှစ်နိုင်ငံ၏ ပင်လယ်ပြင် နှစ်နိုင်ငံ နယ်နိမိတ်နှင့်ပတ်သက်၍ ITLOS ၏ နှစ်ဘက်လျှောက်လှဲချက်အပေါ် ကြားနာ အပြီးသတ် ဆုံးဖြတ်ချက်ချပြီး ဖြစ်၍ မြန်မာနိုင်ငံက ရှာဖွေတွေ့ရှိထားသည့် A1/A3 သဘာဝဓာတ်ငွေ့ သိုက်များနှင့် ကင်းလွတ်မှု ရှိမရှိ အခြေအနေများကို ပြည်သူများ သိရှိနိုင်ရန် လွှတ်တော်မှ ဖြေကြားပေးရန် လွှတ်တော်ကိုယ်စားလှယ် ဦးလွန်းသီက လွှတ်တော်၌ မေးမြန်းခဲ့ခြင်း ဖြစ်သည်။
နအဖအစိုးရ လက်ထက် စွမ်းအင်ဝန်ကြီးဟောင်းနှင့် လက်ရှိ လွှတ်တော်ကိုယ်စားလှယ် ဦးလွန်းသီ၏ မေးခွန်းအပေါ် ဒေါက်တာ ထွန်းရှင်၏ ဖြေကြားချက်ကို အစိုးရသတင်းစာ၌ ရေနံနှင့် သဘာဝဓာတ်ငွေ့ လုပ်ကွက်မြေပုံများနှင့်တကွ ဖြေဆို ရှင်းလင်းထားသည်ကို တွေ့ရသည်။
ဘင်္ဂလားဒေ့ရှ် နိုင်ငံသည် အငြင်းပွားနေသည့် ရေမိုင်၂၀၀ ရရှိသွားကာ စီးပွားရေးဇုန်အဖြစ် သတ်မှတ်ပိုင်ခွင့် ရရှိသွားကြောင်း ITLOS ၏ ထုတ်ပြန်ချက်၌ ပါရှိသည်။ ထိုနေရာ၌ ရေနံနှင့် သဘာဝဓာတ်ငွေ့ ရှာဖွေတူးဖော်ခြင်း၊ ထုတ်ယူသုံးစွဲခြင်းနှင့် တ ခြား လုပ်ဆောင်မှုများ ရရှိမည်ဖြစ်ကြောင်း၊ ရေပြင် မိုင်၂၀၀ ကျော် ဒေသသို့မူ နှစ်နိုင်ငံစလုံးမှ ၀င်ရောက် ခွင့်ရမည် ဖြစ်ကြောင်း သိရသည်။
“မြန်မာနိုင်ငံသည် ရေမိုင် ၂၀၀ ထက် ကျော်လွန်ခြင်း မပြုရေး၊ ရခိုင် ပင်မကမ်းရိုးတန်းမှ ရေမိုင် ၅၀ အထိသာ ရပိုင်ခွင့် ပေးရေးအတွက် ဘင်္ဂလားဒေ့ရ်ှနိုင်ငံက တောင်းဆိုခဲ့ပေမယ့် ITLOS က ပယ်ချခဲ့ပါတယ်” ဟု ဒေါက်တာ ထွန်းရှင်က ဆိုသည်။
အငြင်းပွားမှုအား ယခုနှစ် မတ်လ ၁၄ ရက်နေ့တွင် ITLOS က အပြီးသတ် ဆုံးဖြတ်ပေးခဲ့သည်။ ၁၄ ရက်နေ့ နောက်ပိုင်းတွင် ဘင်္ဂလားဒေ့ရ်ှနိုင်ငံသည် ၎င်းတို့ အပိုင်ရရှိသွားသည့် ရေပြင်၌ ရေတပ်သင်္ဘေဘာများ ချထားပြီး စတင်ကင်း လှည့်နေပြီဖြစ်ကြောင်း ဘင်္ဂလားဒေ့ရှ် သတင်းစာများ ကိုးကား၍ နိဉ္စရာ သတင်းဌာနက ရေးသားထားသည်။
မြန်မာ-ဘင်္ဂလားဒေ့ရှ် နှစ်နိုင်ငံအကြားရှိ စိန့်မာတင်ကျွန်း ခေါ် အုန်းကျွန်းအနီး ဘင်္ဂလားပင်လယ်ပြင်၌ သဘာဝဓာတ်ငွေ့သိုက် အများအပြားရှိကြောင်း စမ်းသပ်တွေ့ရှိခဲ့ပြီးနောက်ပိုင်းတွင် ထိုနေရာအား သူပိုင်၊ ကိုယ်ပိုင် အငြင်းပွားခဲ့ရာမှ ဖြေရှင်းပေးရန် ITLOS သို့ ၂၀၀၉ ခုနှစ်က တင်ပြခဲ့ခြင်း ဖြစ်သည်။
ရေပြင်ဧရိယာ မိုင် ၂၀၀ ၀န်းကျင်အား ဘင်္ဂလားဒေ့ရ်ှနိုင်ငံသို့ ပေးလိုက်ရခြင်းအပေါ် ပြည်သူများ၏ မကျေနပ်မှုမျာနှင့် အစိုးရ လုပ်ဆောင်ချက် အားနည်းသည်ဟု ဝေဖန်မှုများလည်း ထွက်ပေါ်နေသည်။
အစိုးရကမူ မိမိတို့၏ အကျိုးစီးပွားကို ကာကွယ်ရန်နှင့် မိမိတို့ ရေပြင်ဧရိယာ မဆုံးရှုံးစေရန် နိုင်ငံတကာ ဥပဒေပညာရှင်များ၊ တိုင်းတာရေး ပညာရှင်များကို ငှားရမ်းဆောင်ရွက်ခဲ့ကြောင်း ဒေါက်တာ ထွန်းရှင်က ဆိုသည်။
ထိုကိစ္စအား မကျေနပ်သည့် ဘင်္ဂလားဒေ့ရ်ှရောက် မြန်မာနိုင်ငံသား ရခိုင်၊ ဗမာ လူမျိုးများနှင့် တခြား တိုင်းရင်းသား လူမျိုးများက လူထုဆန္ဒပြပွဲများ လုပ်ဆောင်သွားမည်ဟု နယ်စပ်ဒေသခံ တချို့က ဧရာဝတီကို ပြောသည်။ ဘင်္ဂလားဒေ့ရှ် အခြေစိုက် ရခိုင်အမျိုးသမီးများ အစည်းအရုံးကလည်း လူထုလှုပ်ရှားမှုများ လုပ်ဆောင်ကြရန် ကြေညာချက်ထုတ် ပြန်ထားကြောင်း သိရသည်။
ဘင်္ဂလားဒေ့ရှ် နိုင်ငံသားများသည် ရေပြင်အပိုင် ရရှိပြီးနောက် အောင်ပွဲခဲမှုများ နေရာအနှံ့လုပ်ဆောင်နေကြကြောင်း သိရပြီး နိုင်ငံခြားရေးဝန်ကြီး Mrs. Dipu Moni ကလည်း ဘင်္ဂလားဒေ့ရ်ှနိုင်ငံနှင့် ပြည်သူများအတွက် အောင်ပွဲတခုဖြစ်ကြောင်း၊ မြန်မာ-ဘင်္ဂလားဒေ့ရှ် နှစ်နိုင်ငံ ချစ်ကြည်ရေးလည်း ပိုမိုကောင်းမွန်လာမည်ဟု မျှော်လင့်ကြောင်း မတ်လ ၁၄ ရက်နေ့က ပြောဆိုခဲ့သည်။
မြန်မာနိုင်ငံဘက်က ရေပိုင်နက် ဧရိယာကို အညီအမျှ ခွဲဝေပိုင်ဆိုင်လိုသော်လည်း ဘင်္ဂလားဒေ့ရှ် နိုင်ငံဘက်ကမူ နိုင်ငံတွင်း ရှိသည့် လူဦးရေနှင့် စီးပွားရေးအခြေအနေ အပေါ်မူတည်၍ ရေပိုင်နက်အတွင်းရှိ သယံဇာတကို အချိုးကျ ရလိုကြောင်း တောင်းဆိုရာမှ ဖြေရှင်းမရ ဖြစ်ခဲ့ကြသည်။
လူဦးရေ အချိုးကျအတိုင်း ဆုံးဖြတ်မည်ဆိုပါက ဘင်္ဂလားဒေ့ရ်ှနိုင်ငံတွင် လူဦးရေ သန်း ၂၀၀ ကျော်ရှိပြီး မြန်မာနိုင်ငံတွင် သန်း ၅၀ ကျော်သာ ရှိသောကြောင့် အချိုးကျ ခွဲယူရမည့်ကိစ္စကို မကျေနပ်ရာမှ စတင်၍ ပြဿနာကြီးထွားခဲ့ကြသည်။
၎င်းရေပိုင်နက် အငြင်းပွားရာနေရာ၌ ၂၀၀၈ ခုနှစ် နိုဝင်ဘာလအတွင်း မြန်မာဘက်က သဘာဝဓာတ်ငွေ့ တူးဖော်ရာတွင် ဘင်္ဂလားဒေ့ရ်ှဘက်မှ ရေတပ် စစ်သင်္ဘောများ စေလွှတ်ခဲ့ပြီးနောက် နှစ်နိုင်ငံ အပြန်အလှန် ရေတပ်စစ်သင်္ဘောများ စေလွှတ်ရာမှ ပိုမို တင်းမာလာခဲ့ခြင်းဖြစ်သည်။
ITLOS ၏ ဆုံးဖြတ်ချက်နှင့် ပတ်သက်၍ ဒေါက်တာထွန်းရှင်က တရားမျှတစွာ ဆုံးဖြတ်ဆောင်ရွက်ခဲ့သည့်အတွက် မြန်မာ-ဘင်္ဂလားဒေ့ရှ် ပင်လယ်နယ်နိမိတ် အငြင်းပွားမှုအား ငြိမ်းချမ်းစွာ ဖြေရှင်းပြီးစီးခဲ့ပြီး နှစ်နိုင်ငံဆက်ဆံရေး ထိန်းသိမ်းသွားနိုင်မည်ဟု ပြောဆိုထားသည်။
သတင်း
မြန်မာ-ဘင်္ဂလားဒေ့ရှ် နယ်စပ်ခြံစည်းရိုး သံဆူးကြိုးများ အခိုးခံရ
မြန်မာ အာဏာပိုင်များက ရခိုင်ပြည်နယ်နှင့် ဘင်္ဂလားဒေ့ရှ် နယ်စပ် လုံခြုံရေးအတွက် ကာရံထားသည့် နယ်စပ် ခြံစည်းရိုး ဘတ်ဝါယာ (သံဆူးကြိုး) များမှာ မသမာသူများ၏ ဖြတ်တောက် ခိုးယူခံရပြီး ဘင်္ဂလာဒေ့ရ်ှနိုင်ငံ မှောင်ခိုဈေးကွက်သို့ ရောက်ရှိနေကြောင်း သတင်းရရှိသည်။
ဘင်္ဂလားဒေ့ရှ်-မြန်မာ နယ်စပ် ခြံစည်းရိုး ကာရံထားသည်ကို တွေ့မြင်ရစဉ် (ဓာတ်ပုံ - Star)
ယင်း ခြံစည်းရိုးကာသည့် သံဆူးကြိုးများသည် မိုးရေထိခံရန် ဆီလူးထားသော သံဆူးကြိုးများ ဖြစ်၍ သံချေး လွယ်ကူစွာ မတက်ကြောင်း၊ သံဆူးကြိုး တကိုက်လျှင် ၇၈ တာကာဖြင့် ပြန်လည်ရောင်းချနေသော်လည်း ၀ယ်ဈေးမှာ ၃၀ – ၃၅ တာကာ သာရှိကြောင်း လည်း ၎င်းက ပြောသည်။ လက်ရှိ တာကာ ၁၀၀ လျှင် မြန်မာငွေ ၉၃၀ ကျပ်ခန့် ငွေလဲနှုန်း ရှိသည်။
“သူခိုးတွေဆီက ၀ယ်ဈေးတော့ ပုံမှန်မရှိပါဘူး၊ မျက်နှာအခြေအနေကိုကြည့်ပြီး တာကာ ၃၀-၃၅ ပေါ့ဗျာ၊ တခါတလေဆို စုဆောင်းပြီး ကားပေါ်တင် အဆက်အသွယ်ဖြင့် လာရောင်းကြတာပါ”ဟု ဖော်ရိဒ် အာလောင်မ်က ဆက်ပြောသည်။
အဆိုပါ ခြံစည်းရိုးကို၂၀၀၇ ခုနှစ်က ရခိုင်ပြည်နယ် မောင်တောမြို့နယ် နယ်စပ်မှတ်တိုင် အမှတ်(၁)မှ စတင်၍ စနစ်တကျကာရံခြင်း ဖြစ်သော်လည်း သူခိုးများလက်တွင် အလွယ်တကူ အခိုးခံရခြင်းဖြစ်ကြောင်း တောင်ပြိုရွာမှ ကျောင်းဆရာတဦးကလည်း ပြော သည်။
“ခြံစည်းရိုးကာရံဖို့ တိုင်စိုက်တာက ခွင်ခြေထောက်ပုံစံ သုံးခွဖြစ်ပါတယ်၊ ပြီးမှ အာမခံဖြစ်အောင် အလယ်ကနေပြီး ဘားဝါယာ (သံဆူးကြိုး) ကို စနစ်တကျထားပြီး ကာရံတာဖြစ်ပါတယ်၊ ဒါပေမယ့် သူခိုးတွေရဲ့ လုံခြုံရေးကို မခံနိုင်ဘူးဆိုတာ သက်သေပြတာပါ၊ နစက (နယ်စပ်ဒေသ ကွပ်ကဲရေးဌာချုပ်)တွေက ခြံစည်းရိုးကို စောင့်တာမှ မဟုတ်တာ၊ ခြံစည်းရိုးက နစက တွေကိုစောင့်တော့ နစက တွေ အခိုးမခံရတာတောင် ကံကောင်းတယ်လို့ ပြောလို့ရပါတယ်”ဟု ၎င်းက ဆိုသည်။
နယ်စပ်လုံခြုံရေးအတွက် ကာရံနေသည့် ယင်းခြံစည်းရိုးမှာ ပြီးလုနီပါးဖြစ်နေကြောင်း၊ အိန္ဒိယနယ်စပ် တြိဂံ နယ်မြေအထိ ကာရံမည်ဖြစ်ကြောင်းနှင့် ကီလိုမီတာ ၃၀၀ ၀န်းကျင်အထိ အရှည်ရှိမည်ဖြစ်ကြောင်း နစက နှင့် နီးစပ်သူများက ပြောသည်။
ဘင်္ဂလားဒေ့ရ်ှနိုင်ငံသား ဘင်္ဂါလီများအနေဖြင့် ရခိုင်ပြည် ရေပြင်နှင့် မြေပြင်ပိုင်နက်များတွင် အခါအားလျော်စွာ ငါး၊ သစ်၊ ၀ါး၊ အုပ်ချပ် နှင့် တခြားသယံဇာတများကို မကြာခဏ ခိုးယူမှုများ ပြုလုပ်နေကြောင်း နစက သတင်းများအရ သိရသည်။
နစက များအနေဖြင့်လည်း ဘင်္ဂလားဒေ့ရ်ှနိုင်ငံသားများကို လာဘ်ငွေယူ၍ ရခိုင်ပြည်နယ်အတွင်း ၀င်ခွင့်ပေးခြင်းများလည်းရှိကြောင်း သတင်းများက ဖော်ပြသည်။
ဘင်္ဂလားဒေ့ရှ် နိုင်ငံက ယခု ကာရံနေသည့် ခြံစည်းရိုးသည် တချို့နေရာများတွင် ၎င်းတို့ဘက်သို့ ပိုက်နက်ကျူးကျော်ကာရံနေခြင်းဖြစ်သည်ဟု ပြောဆိုမှုများ ရှိနေကြောင်း ဘင်္ဂလားဒေ့ရှ် သတင်းများက ဆိုသည်။
ဘင်္ဂလားဒေ့ရ်ှနှင့် မြန်မာနိုင်ငံသည် ၂၀၀၈ ခုနှစ်က စတင်၍ ရေပိုင်နက် အငြင်းပွားမှု ဖြစ်ပွားခဲ့သည်။ ထိုအငြင်းပွားမှုကို၂၀၀၉ ခုနှစ် တွင် အပြည်ပြည်ဆိုင်ရာတရားရုံး International Tribunal for Law of the Sea (ITLOS)မှ ဖြေရှင်းပေးရန်တင်ပြခဲ့ရာ ပြီးခဲ့သည့် မတ်လ ၁၄ ရက်က တရားရုံး ဆုံးဖြတ်ချက် ချခဲ့သည်။
ITLOS တရားရုံး ဆုံးဖြတ်ချက်အရ ဘင်္ဂလားဒေ့ရှ် နိုင်ငံက ရေမိုင် ၂၀၀ ရရှိသွားပြီး စီးပွားရေးဇုန် အဖြစ် သတ်မှတ်ပိုင်ခွင့် လည်း ရရှိခဲ့သည်။
No comments:
Post a Comment