(၁)* စိတ်ထဲက ငရဲခွေးတွေ လွတ်ကုန်ပြီလား
လူတိုင်းလိုလိုရဲ့ စိတ်ထဲမှာ ကောင်းတဲ့အပိုင်းနဲ့ ဆိုးတဲ့အပိုင်းတွေရှိကြတယ် ။
အဲဒီအထဲမှာ ဒေါသ ၊ မောဟ ၊ မာန ၊ မနာလိုဝန်တိုမှုတွေလို အဆိုးပိုင်းတွေနဲ့ ဆက်စပ်ပြီး
ငရဲခွေးလို့တောင် ခေါ်လို့ရနိုင်မယ့် စိတ်ရိုင်းတွေ ရှိကြစမြဲပဲ ။ မထိန်းချုပ်နိုင် ၊ မချည်တုပ်နိုင်ရင်
ပွင့်အံထွက်လာပြီး တပါးသူကို ပြင်းပြင်းထန်ထန် ထိခိုက်လောင်ကျွမ်းတတ်တယ် ။
ဒါပေမယ့် သာမန်အချိန်မျိုးတွေမှာ ငုပ်နေတတ်တဲ့ သဘာဝရှိတာကြောင့် ဒါကို လှုပ်နှိုးမှ
သာ ထွက်ပေါ်လာလေ့ရှိတယ် ။ တစ်ခါတစ်ရံ မတော်တဆ လှုပ်နှိုးမိတတ်သလို ၊ ဒီသဘော
သဘာဝကို သိနားလည်သူတွေ သို့မဟုတ် အတွေးခေါ် အမြှော်မြင် စောင့်ရွဲ့နေသူတွေကနေ
ထိန်းချုပ် ရည်ရွယ်ပြီး ထိုးဆွပေးတတ်ကြတယ် ။ ထိုးဆွလို့ နိုးကြွလာရင်တော့ ဝရဇိန်ချွန်းနဲ့
တောင် အုပ်လို့ မလွယ်တော့ပါဘူး ။ ဒါပေမယ့် မီးစထိုးပြီးရင် ရေမှုတ်နဲ့ ပြန်ပက်ရတာဟာ
နောက်ထပ် သဘာဝတရား တစ်ခုပဲလေ ။
မကောင်းတာကို လုပ်ကိုင်ကြရာမှာ အဖေါ်နဲ့အသင်းနဲ့ ပါတတ် လုပ်တတ်ကြပါတယ် ။
ပထမဦးဆုံး ဈေးဦးဖေါ်တာကတော့ လေးဝတီ ပေါ့ ။
မီဒီယာကျင့်ဝတ်ကို ဖေါက်ဖျက်ပြီး အနိဋ္ဌာရုံပုံ အပြည့်အစုံကို တင်ပေးခဲ့တယ် ။ ပြီးတော့
မလုပ်သင့်တဲ့ ဘာသာရေး လူမျိုးရေးမီးစကို စာတွေနဲ့ ထပ်ဆင့်ထိုးထည့်ပေးခဲ့တယ် ။
ဒါပေမယ့် ဒီမှာတင် ရပ်မသွားခဲ့တာဟာ ကံမကောင်း အကြောင်းမလှတာ မဟုတ်ပါဘူး ။
လူမျိုးရေး ဘာသာရေးခွဲခြားစိတ်ရှိတဲ့ မြန်မာပြည်သားအချို့ကို ကိုယ်စားပြုတဲ့ မီဒီယာတချို့
ကနေ ရည်ရွယ်ချက်ရှိရှိနဲ့ ဆင့်ပွားပေးခဲ့ကြတာကြောင့်ပါ ။
ခုတော့ ဒီလူတွေရဲ့ ရည်ရွယ်ချက် အောင်မြင်ပါပြီ ။
တောင်ကုတ်မှာတော့ အနည်းဆုံး လူ ၈ ယောက် အသက်ပေးသွားရပြီ ။
တစ်ဆက်ထဲမှာ စစ်တွေမှာလည်း ပစ်ခတ်တာတွေ ဖြစ်လာပြီ ။
အခြေနေအရ ဖြစ်သွားတာလား မီးစတစ်စ ထပ်ထိုးထည့်လိုက်သလားတော့ ကာယကံရှင်
တွေပဲ သိကြမှာပါ ။
အဓိက မေးခွန်းတစ်ခု စိတ်ထဲပေါ်လာတယ် ။
"သေသွားတဲ့ အမျိုးသမီး ပြန်ရှင်လာပြီလား" လို့ပါ ။ထပ်ဆင့်ပြောရရင် -
# ခုလို လက်စားချေလိုက်ရပြီမို့ စိတ်ကော ကျေနပ်သွားကြပြီလား ၊
# ဒီလို အောင်မြင်အောင် လုပ်နိုင်ဖို့ ဝိုင်းကြိုးပမ်းပေးသူတွေထဲက ဘယ်သူက တာဝန်ခံမလဲ ၊
(လူစွမ်းကောင်းတွေအဖြစ် ချီးမွမ်းသြဘာ ခံယူဖို့ ပြောတာပါ ၊ ရှက်နေစရာ မလိုပါဘူး ၊ ရှေ့
ထွက်ပြီး အောင်ပွဲခံလိုက်ကြစမ်းပါ ၊ ခုမှ အညတရ သူရဲကောင်းတွေလို ရှိုမနေကြပါနဲ့) ။
========================================
* တလောက သတင်းတစ်ခု ပါလာတယ် ၊ မိန်းမကိုသတ်ပြီး ကိုယ့်ကိုယ်ကိုပါ သတ်သေသွားတဲ့
သတင်းလေးပါ ။ လူမျိုးနဲ့ဘာသာကိုပါ ထည့်ရေးထားတယ် ။ စိတ်ထဲ ထူးဆန်းမိတယ် ၊ ဒီလူ
မျိုးနဲ့ ဘာသာကလူတွေပဲ အဲဒီလိုလုပ်တတ်သလားပေါ့ ။ ဒါတွေက ဘာအဓိပ္ပါယ်ဆောင်သလဲ ၊
အခြား ကျန်တဲ့ပြစ်မှုတွေ အားလုံးကကော မြန်မာပြည်က အဓိကဘာသာနဲ့ လူမျိုးကြီး တစ်မျိုး
ထဲကပဲ အားလုံးကို ကျူးလွန်ခဲ့တယ်လို့ ဆိုလိုတာလား ။ ဒီသတင်းဟာ အစတကာရဲ့ အစလို့
နာမည်တပ်ရမ လားပဲ ။
* တခါ ဦးခင်ရီက ကရင်တိုင်းရင်းသားဝတ်စုံဝတ်ပြပြီး "ကျွန်တော်တို့ဆီမှာ ရိုဟင်ဂျာမရှိဘူး" လို့
ပြောလိုက်တယ် ။ တစ်ခါမှ သူ့ကို အကောင်းမပြောသူတွေ "ဦးခင်ရီ ဦးတင်ပြီ" လို့ပြောရမ
လောက်ကို ဝိုင်းထောက်ခံကြတော့တယ် ။ ပြောချင်တာတော့ အများကြီးပါပဲ ၊ ဒါပေမယ့် စ
ကားများရင်လည်း အမှားများရုံ ရှိပါလိမ့်မယ် ။ ခုနေတော့ အောက်က Aung.info ရဲ့မှတ်ချက်
လေးတစ်ခုနဲ့ပဲ ကျေနပ်ထားလိုက်ပါတယ် ။
"ပြဿနာ တစ်ခုကို ဖြေရှင်းတယ် ဆိုတာ ပြဿနာရဲ့ အရင်းခံကို ရှာပြီး အဲဒီအရင်းခံ အကြောင်းကို အဖြေရှာရမှာ မဟုတ်ဖူးလား? ပြဿနာ ဖြစ်လာတဲ့အခါမှာ အဲသည်ပြဿနာကို မဖြေရှင်းဘဲ အရင်းခံကို အဖြေမရှာဘဲ၊ ငါနဲ့မဆိုင်ဖူး၊ ဒါဟာ လက်ခံစဉ်းစား စရာမလိုဖူး ဆိုလို့ ဒီပြဿနာဟာ ပြေလည်သွားမှာ မဟုတ်ပါဖူး။ ပြဿနာရဲ့ အစကို သိပြီဆိုရင် ဆက်လက်ပြီး ဖြေရှင်းနိုင်ဖို့မလုပ်ဘဲ ငါစတဲ့ ပြဿနာ မဟုတ်လို့ ငါ့ပြဿနာ မဟုတ်ဖူးလို့ငြင်းရုံနဲ့လဲဒီပြဿနာဟာ ပြီးဆုံးသွားမှာ မဟုတ်ပါဖူး။ ဘာဘဲ ဖြစ်ဖြစ် ဒီလို ပြဿနာမျိုးကို case study အနေနဲ့ ဒီက တက္ကသိုလ်တစ်ခုခုမှာ မေးလို့ အခု ခင်ရီလိုအဖြေပေးမယ် ဆိုရင်တော့ စာမေးပွဲ ကျမှာ ကြိမ်းသေပါတယ်။"
* စစ်တွေမှာ ရဲတွေက သေနတ်နဲပစ်တာဟာ အဓိကရုဏ်းလို ဖြစ်လာတာကြောင့်လို့ ဆိုပါတယ် ။
ဘယ်လိုဆိုဆို တစ်ခု ထပ်သတိထားမိပြန်ပါတယ် ။ အဲဒါက ဒဏ်ရာတွေကို အနီးကပ် ရိုက်ပြ
ထားတာပါ ။ မလုပ်သင့်တာတစ်ခု ထပ်ဆင့်တိုးလာပြန်ပါပြီ ။ ဓါတ်ပုံ ၊ ရုပ်ရှင်တို့ရဲ့ သဘောသ
ဘာဝအရ အနေထားအမျိုးမျိုးကနေ ကိုယ်လိုချင်တာကို ထင်ရှားအောင်လုပ်တဲ့ ပုံစံမျိုးပါ ။ သိ
က္ခာရှိ သတင်းဋ္ဌာနတွေက ဒါမျိုးတွေကို သုံးချင်ရင်တောင် မသိမသာပဲ သုံးလေ့ရှိပါတယ် ။
ဒီတင် မရပ်ပါဘူး ။ တောင်ကုတ်မှာ သေဆုံးသွားသူတွေရဲ့ အဖြတ်အတောက်မပါတဲ့ ပုံတွေပါ
ထပ်တက်လာပြန်ပါတယ် ။ မတရားလုပ်ပြီး အသတ်ခံရသူ မိန်းကလေးပုံအတွက် တန်ပြန်တာ
ဖြစ်နိုင်သလို ၊ တမင် ထပ်ဆင့်မီးမွှေးတာလည်း ဖြစ်နိုင်ပါတယ် ။ သာမန်လူ့ကျင့်ဝတ်ကို နား
လည်တဲ့ မီဒီယာ စားသုံးသူတွေအနေနဲ့ ဆင်ခြင်ကြဖို့ ပြောချင်ပါတယ် ။ ရုပ်ပုံတစ်ပုံဟာ စကား
လုံးတစ်ထောင်မက ပြောနိုင်တယ်ဆိုတာ အတော်များများ သိပြီးသားလို့ ယုံကြည်ပါတယ် ။ မီး
စတွေကို ဘေးဖယ်လိုက်ကြရအောင်ပါ ။
မန်းကိုကို
၀၄ ၊ ၀၆ ၊ ၂၀၁၂
No comments:
Post a Comment