အစိုးရအဖွဲ့ဝင်များ ပိုင်ဆိုင်မှုစာရင်းများကို ထုတ်ဖော်ကြေညာရေးအဆိုရှုံးနိမ့်။

Pyithu Hluttaw - ပြည်သူ့လွှတ်တော်

ဦးဝင်းမြင့်၊ ပုသိမ် မဲဆန္ဒနယ်၏ `Good Governance (ကောင်းမွန်သော အုပ်ချုပ်ရေး)၊ Clean Government (သန့်ရှင်းသောအစိုးရ) ဖြစ်ပေါ်စေရေးအတွက် ပြည်ထောင်စုအစိုးရ အဖွဲ့ဝင်များ၊ တိုင်းဒေသကြီး အစိုးရအဖွဲ့ဝင်များအား၊ ပြည်နယ်အစိုးရအဖွဲ့ဝင်များအဖြစ် တာဝန်ပေးအပ် ခံရသူများသည် ၎င်းတို့၏ ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သောပစ္စည်းနှင့် အကျိုးစီးပွားများကို ထုတ်ဖော်ကြေညာပြီး မှတ်တမ်းတင်ထားရန်´ အဆိုနှင့် ပတ်သက်ပြီး ဥက္ကဋ္ဌက ရှင်းလင်းပြောကြား ခြင်း-
ဥက္ကဋ္ဌ။ ။ ဦးဝင်းမြင့် ပုသိမ်မဲဆန္ဒနယ်ရဲ့ အဆိုကို လွှတ်တော်ကိုယ်စားလှယ် မူလစာရင်းပေး ထားက ၈ ဦး၊ ထပ်မံစာရင်းပေးထားတာက ၅ ဦး အားလုံးပေါင်း ၁၃ ဦး ဆွေးနွေးပြီး ပြည်ထောင်စု ရှေ့နေချုပ်က ထပ်ဆင့်ရှင်းလင်းသွားပါတယ်။ ကိုယ်စားလှယ်များ ဆွေးနွေးတဲ့နေရာမျာ စာပိုဒ် ၆ အပိုဒ်ခွဲ(က)ကနေပြီးတော့ (ဃ)အထိ အားလုံးကနေပြီးတော့ တညီတညွတ်တည်း ထောက်ခံဆွေးနွေး သွားတာတွေ့ရပြီး တပ်မတော်သားကိုယ်စားလှယ် နှစ်ဦးက တပ်မတော်သားကိုယ်စားလှယ် နှစ်ဦးက ဒီအဆိုကို ပြန်လည်သုံးသပ်ဖို့ အခြားကိုယ်စားလှယ်နှစ်ဦးက အဆိုကို ပြန်ပြင်ဆင်ဖို့ ပြည်ထောင်စု ရှေ့နေချုပ်က ဒီအဆိုကို ဆက်လ

က်အရေးယူဆောင်ရွက်မယ်ဆိုရင် ဖွဲ့စည်းပုံအခြေခံဥပဒေနဲ့ ညီညွတ်မှု မရှိ၍ ဆောင်ရွက်ရန်မသင့်ဘဲ မှတ်တင်ထားရှိပြီးတော့ ဖွဲ့စည်းပုံအွခေခံဥပဒေနဲ့အညီ ဆောင်ရွက်ဖို့ဆိုတဲ့ အဓိပ္ပာယ်ရတဲ့ ဆွေးနွေးမှုများ ဆွေးနွေးသွားခဲ့ပါတယ်။ ဆွေးနွေးမှုများဟာလည်း အင်မတန်ကောင်းမွန်သလို ဒီဆွေးနွေးဖို့ ဖြစ်ပေါ်လာတဲ့ အဆိုဟာလည်း အင်မတန်ကောင်းမွန် စိတ်ဝင်စားစရာ ကောင်းတဲ့ အဆိုပဲဖြစ်ပါတယ်။ ဒါကြောင့်မို့လို့ ဒီအဆိုလည်း မဆုံးရှုံးစေချင်ဘူး။ ထိုနည်းတူစွာပဲ ဒီအဆိုကိုလည်း မိမိအယူအဆနဲ့ ပြောမယ်ဆိုရင် မှတ်တမ်းတင်ထားရှိပြီးတော့ ဖွဲ့စည်းပုံ အခြေခံဥပဒေဘောင်အတွင်းက ဆက်လက်ဆောင်ရွက်မှုကို လွှတ်တော်က စောင့်ကြည့်ဖို့ လည်း လိုမယ်လို့ ယူဆပါတယ်။ ပြန်ပြီးတော့ လွှတ်တော်ကို တင်ပြရမယ်ဆိုရင် ကောင်းမွန်တဲ့အဆို ဖြစ်ပါတယ်။ ကောင်းမွန်တဲ့အဆိုဖြစ်တယ်။ ဒီကောင်းမွန်တဲ့အဆို ပြန်လည်သုံးသပ်တဲ့ပြင်ဆင်ဖို့ ပြောတဲ့အခါမှာလည်း ဒီအဆိုကို ပျက်ပြယ်မသွားစေဖို့။ ထိုနည်းတူစွာပဲ ဒီအဆိုကို ဆောင်ရွက်တဲ့နေရာ မှာလည်းပဲ ဖွဲ့စည်းပုံအခြေခံဥပဒေဘောင်အတွင်းက ဆောင်ရွက်မယ်။ မှတ်တမ်းတင်ထားရှိမယ်။ ပြည်သူ့လွှတ်တော်က စောင့်ကြည့်မယ်ဆိုလို့ရှိရင်လည်း အဆိုရဲ့အာနိသင် မပျက်ပြယ်ပါဘူး။ ဒါကြောင့်မို့လို့ အခွင့်‌တစ်ရပ်အနေနဲ့ သက်ဆိုင်ရာအဆိုတင်သွင်းတဲ့ ပုသိမ်မဲဆန္ဒနယ်က ဦးဝင်ွးမင့်ရဲ့ သဘောထား တင်ပြဆွေးနွေးဖို့ ဖြစ်ပါတယ်။

 

Pyithu Hluttaw - ပြည်သူ့လွှတ်တော် · 2,825 like this

about an hour ago ·

ဦးဝင်းမြင့်၊ ပုသိမ် မဲဆန္ဒနယ်၏ `Good Governance (ကောင်းမွန်သော အုပ်ချုပ်ရေး)၊ Clean Government (သန့်ရှင်းသောအစိုးရ) ဖြစ်ပေါ်စေရေးအတွက် ပြည်ထောင်စုအစိုးရ အဖွဲ့ဝင်များ၊ တိုင်းဒေသကြီး အစိုးရအဖွဲ့ဝင်များအား၊ ပြည်နယ်အစိုးရအဖွဲ့ဝင်များအဖြစ် တာဝန်ပေးအပ် ခံရသူများသည် ၎င်းတို့၏ ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သောပစ္စည်းနှင့် အကျိုးစီးပွားများကို ထုတ်ဖော်ကြေညာပြီး မှတ်တမ်းတင်ထားရန်´ အဆိုနှင့် ပတ်သက်ပြီး ဒေါက်တာထွန်းရှင်၏ ရှင်းလင်းချက် ဖြစ်ပါတယ်-
ဒေါက်တာထွန်းရှင်(ပြည်ထောင်စုရှေ့နေချုပ်)။ ။လေးစားအပ်ပါသော ပြည်သူ့လွှတ်တော် ဥက္ကဋ္ဌကြီးနှင့် ကြွရောက်လာတဲ့ ပြည်သူ့လွှတ်တော်ကိုယ်စားလှယ်အပေါင်းတို့ မင်္ဂလာအပေါင်းနှင့် ပြည့်စုံကြပါစေလို့ ကျွန်တော့်အနေနဲ့ ဆုမွန်ကောင်းတောင်းမေတ္တာပို့သအပ်ပါတယ်။ ဧရာဝတီ တိုင်းဒေသကြီး၊ ပုသိမ်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးဝင်းမြင့်၏ Good governance (ကောင်းမွန်သောအုပ်ချုပ်ရေး)၊ Clean government (သန့်ရှင်းသောအစိုးရ) ဖြစ်ပေါ်စေရေးအတွက် ပြည်ထောင်စုအစိုးရအဖွဲ့ဝင်များ၊ တိုင်းဒေသကြီးအစိုးရအဖွဲ့ဝင်များ၊ ပြည်နယ် အစိုးရအဖွဲ့ဝင်များအဖြစ် တာဝန်ပေးအပ်ခံရသူများသည် ၎င်းတို့၏ ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သော ပစ္စည်းနှင့်အကျိုးစီးပွားများကို ထုတ်ဖော်ကြေညာပြီး မှတ်တမ်းတင်ထားရန် အဆိုနဲ့စပ်လျဉ်းပြီး ကျွန်တော် ပြည်ထောင်စုရှေ့နေချုပ် ဒေါက်တာထွန်းရှင်က ဖြေကြားသွားမှာဖြစ် ပါတယ်။ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၆၈ တွင် နိုင်ငံတော် သမ္မတနှင့် ဒုတိယသမ္မတများသည် မိမိတို့ဦးစီသည့် တစ်စီးပွားတည်းသော မိသားစုပိုင်မြေ၊ အိမ်၊ အဆောက်အအုံ၊ စီးပွားရေးလုပ်ငန်း၊ စုငွေနှင့် အခြားအဖိုးတန်များကို တန်ဖိုးနှင့်တကွ စာရင်းပြုစု ပြီး ပြည်ထောင်စုလွှတ်တော်အကြီးအမှူးထံ ပေးပို့ရမည်ဟူ၍ ပြဋ္ဌာန်းထားတာတွေ့ရှိရပါတယ်။ ဆင့်ပွားဥပဒေဖြစ်တဲ့ ပြည်ထောင်စုအစိုးရအဖွဲ့ဥပဒေ ပုဒ်မ ၁၀၀ နှင့် ပုဒ်မ ၁၀၁ တို့မှာ အောက်ပါ အတိုင်းပြဋ္ဌာန်းထားတာကိုလည်းတွေ့ရပါတယ်။ ပုဒ်မ ၁၀၀ ဖြစ်ပါတယ်။ နိုင်ငံတော်သမ္မတနှင့် ဒုတိယသမ္မတများသည် မိမိတို့ဦးစီသည့် တစ်စီးပွားတည်းသော မိသားစုပိုင်မြေ၊ အိမ်၊ အဆောက် အအုံ၊ စီးပွားရေးလုပ်ငန်း၊ စုငွေနှင့် အခြားအဖိုးတန်များကို တန်ဖိုးနှင့်တကွ စာရင်းပြုစုပြီး ပြည်ထောင်စုလွှတ်တော်နာယကထံ ပေးပို့ရမည်။ ပုဒ်မ ၁၀၁ ဖြစ်ပါတယ်။ လွှတ်တော်၏ အတည် ပြုချက်ဖြင့် နိုင်ငံတော်သမ္မတက ခန့်အပ်သောပုဂ္ဂိုလ်များသည် တစ်စီးပွားတည်းသော စီးပွားရေး လုပ်ငန်းနှင့်ပိုင်ဆိုင်မှုများကို တန်ဖိုးနှင့်တကွ စာရင်းပြုပြီး နိုင်ငံတော်သမ္မတထံပေးပို့ရမည်လို့ ပြဋ္ဌာန်းထားပါတယ်။ ဥက္ကဋ္ဌကြီးခင်ဗျား။ ပြည်ထောင်စုအစိုးရအဖွဲ့ ဥပဒေပုဒ်မ ၁၀၀ ပါ ပြဋ္ဌာန်းချက် များဟာ ဖွဲ့စည်းပုံအခြေခံဥပဒေပုဒ်မ ၆၈ ပါအတိုင်း ပြဋ္ဌာန်းထားသဖြင့် အခြေခံဥပဒေနှင့်ကိုက်ညီမှု ရှိသော်လည်း ပုဒ်မ ၁၀၁ ပါ ပြဋ္ဌာန်းချက်ဟာ ဖွဲ့စည်းပုံအခြေခံဥပဒေပါပြဋ္ဌာန်းထာွးခင်း မရှိသော အချက်ဖြစ်ပါတယ်။ ဖွဲ့စည်းပုံအခြေခံဥပဒေဟာ ပင်မဥပဒေဖြစ်ရာ ဆင့်ပွားဥပဒေဖြစ်သည့် တည်ဆဲ ဥပဒေများဟာ အခြေခံဥပဒေနှင့် မဆန့်ကျင်သမျှသာ အတည်ဖြစ်ပါတယ်။ ဥပဒေပြုအချုပ်အချာ အာဏာပိုင်က ဥပဒေပြုပြဋ္ဌာန်းသည်ဟု ဆိုစေကာမူ ဖွဲ့စည်းပုံအခြေခံဥပဒေက အသေအချာ ခွင့်ပြုထားသည့်‌ ရည်ရွယ်ချက်အတိုင်း constitutionality Desireable for self Puporses သာ ပြဋ္ဌာန်းခွင့်ရှိပါတယ်။ ဖွဲ့စည်းပုံအခြေခံဥပဒေနှင့် ညီညွတ်မှုမရှိခြင်း၊ ပြဋ္ဌာန်းဥပဒေတစ်ရပ်သည် တရားမဝင် ဖြစ်နေခြင်း Unconsistutionality or illegality of the status များဟာ ဥပဒေနှင့်‌ ဆန့်ကျင်ကြောင်း ဥပဒေမူများလည်း ရှိပါတယ်လို့ လေ့လာတွေ့ရှိရပါတယ်။ သို့ဖြစ်ရာ ဥပဒေ တစ်ရပ် ပြဋ္ဌာန်းရာမှာ အခြေခံဥပဒေကအသေအချာခွင့်ပြုထားသည့်ရည်ရွယ်ချက်အတိုင်း လိုက်နာ ပြဋ္ဌာန်းဖို့ လိုအပ်မှာ ဖြစ်ပါတယ်။ ပြည်ထောင်စုအစိုးရအဖွဲ့ဥပဒေ ပုဒ်မ ၁၀၁ မှာ ဖော်ပြချက်အရ လွှတ်တော်ရဲ့အတည်ပြုချက်ဖြင့် နိုင်ငံတော်သမ္မတရဲ့ အတည်ပြုချက်ဖြင့် နိုင်ငံတော်သမ္မတက ခန့်အပ်သော ပုဂ္ဂိုလ်များတွင် အောက်ပါပုဂ္ဂိုလ်များ ပါဝင်တာကို တွေ့ရပါတယ်။ (က) ပြည်ထောင်စုတရားသူကြီးချုပ်နှင့် ပြည်ထောင်စုတရားလွှတ်တော်ချုပ်တရားသူကြီးများ၊ (ခ) ပြည်ထောင်စုရွေးကောက်ပွဲကော်မရှင်ဥက္ကဋ္ဌနှင့်အဖွဲ့ဝင်များ၊ (ဂ) နိုင်ငံတော်ဖွဲ့စည်းပုံအွခေခံဥပဒေ ဆိုင်ရာ ခုံရုံးဥက္ကဋ္ဌနှင့် အဖွဲ့ဝင်များ၊ (ဃ) ပြည်ထောင်စုဝန်ကြီးများ၊ (င) ပြည်ထောင်စုရှေ့နေချုပ်၊ (စ) ပြည်ထောင်စုစာရင်းစစ်ချုပ်၊ (ဆ) တိုင်းဒေသကြီး သို့မဟုတ် ပြည်နယ်အစိုးရအဖွဲ့ ဝန်ကြီးချုပ်နှင့် ဝန်ကြီးများ၊ (ဇ) တိုင်းဒေသကြီး သို့မဟုတ် ပြည်နယ်ဥပဒေချုပ်များ၊ တရားသူကြီးချုပ်များ၊ တရားသူကြီးများ ဖြစ်ပါတယ်။ အထက်ပါအတိုင်း အဆိုပါလွှတ်တော်၏ အတည်ပြုချက်ရယူရန် မလိုသည့် နိုင်ငံတော်သမ္မတက ခန့်အပ်သော အောက်ပါပုဂ္ဂိုလ်များလည်း ကျန်ရှိနေပြီဖြစ်ပါတယ်။(က) ပြည်ထောင်စုရာထူးဝန်အဖွဲ့ဥက္ကဋ္ဌနှင့် အဖွဲ့ဝင်များ၊ (ခ) ဒုတိယဝန်ကြီး များ၊ (ဂ) ဒုတိယရှေ့နေချုပ်၊ (ဃ)နေပြည်တော်ကောင်စီဥက္ကဋ္ဌနှင့် အဖွဲ့ဝင်များ တပ်မတော်ကာကွယ် ရေးဦးစီးချုပ်ပင်လျှင် အမျိုးသားကာကွယ်ရေးနှင့် လုံခြုံရေးကောင်စီ၏ အဆိုပြုထောက်ခံချက်ဖြင့် နိုင်ငံတော်သမ္မတခန့်အပ်တာဝန်ပေးသူဖြစ်သူဖြစ်ပါတယ်။ ထို့အပြင် ဖွဲ့စည်းပုံအွခေခံဥပဒေအရ ဖွဲ့စည်းသော ပြည်ထောင်စုအဆင့်တွင် ဥပဒေပြုရေးအပိုင်း၌ ကြီးလေးသော တာဝန်များကို ထမ်းဆောင်လျက်ရှိသော အောက်ပါပုဂ္ဂိုလ်များလည်း ကျန်ရှိနေတာဖြစ်ပါတယ်။ (က) ပြည်သူ့လွှတ်တော် ဥက္ကဋ္ဌ၊ (ခ) အမျိုးသားလွှတ်တော် ဥက္ကဋ္ဌ၊ (ဂ) ပြည်သူ့လွှတ်တော် ဒုတိယဥက္ကဋ္ဌ၊ (ဃ) အမျိုးသားလွှတ်တော် ဒုတိယဥက္ကဋ္ဌနှင့် (င) ဥပဒေကြမ်းကော်မတီဥက္ကဋ္ဌနှင့် အဖွဲ့ဝင်များ၊ (စ) ပြည်သူ့ငွေစာရင်းကော်မတီဥက္ကဋ္ဌနှင့်‌ အဖွဲ့ဝင်များ၊ (ဆ) လွှတ်တော်အခွင့်အရေးကော်မတီ ဥက္ကဋ္ဌနှင့် အဖွဲ့ဝင်များ၊ (ဇ) အစိုးရအာမခံချက်၊ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ နှင့် အဖွဲ့ဝင်များ။
ဥက္ကဋ္ဌကြီးခင်ဗျား။ အထက်ဖော်ပြပါ ပုဂ္ဂိုလ်များနှင့် စီးပွားရေးလုပ်ငန်းများနှင့် ပိုင်ဆိုင်မှု များ စာရင်းကို ရယူမည်ဆိုပါက အားလုံးမျှမျှတတ ဖြစ်စေရေးအတွက် နိုင်ငံတော်ရဲ့ ဥပဒေပြုရေး၊ အုပ်ချုပ်ရေး၊ တရားစီရင်ရေးတို့၌ ဆောင်ရွက်လျက်ရှိသော အချုပ်အခြာအာဏာကို အပြန်အလှန် ထိန်းကျောင်းသည့် ပုဂ္ဂိုလ်များအားလုံး All Political Export Person ပါဝင်ပြီး All Inclusive ဖြစ်မယ်လို့သုံးသပ်ပါတယ်။ သို့ဖြစ်ရာ နိုင်ငံတော်သမ္မတနှင့်‌ ဒုတိယ သမ္မတများထံမှ စီးပွားရေးလုပ် ငန်းများနှင့် ပိုင်ဆိုင်မှုများ စာရင်းရယူ သကဲ့သို့ အထက်ဖော်ပြပါ လွှတ်တော်၏ အတည်ပြုချက်ဖြင့်‌ နိုင်ငံတော် သမ္မတက ခန့်အပ်သော ပုဂ်ိဂုလ်များနှင့် လွှတ်တော်၏ အတည်ပြုချက် ရယူရန်မလိုပဲ နိုင်ငံတော် သမ္မတက ခန့်အပ်သော ပုဂ္ဂိုလ်များထံမှ လည်းကောင်း၊ ထို့အပြင် ပြည်သူ့လွှတ်တော် ဥက္ကဋ္ဌ၊ ဒုတိယ ဥက္ကဋ္ဌကိုယ်စားလှယ်များ အမျိုးသားလွှတ်တော် ဥက္ကဋ္ဌ၊ ဒုတိယ ဥက္ကဋ္ဌ၊ကိုယ်စားလှယ် များထံမှ စီးပွားရေးလုပ်ငန်းနှင့် ပိုင်ဆိုင်မှုများ စာရင်းကိုလည်းရယူရန် သင့်၊ မသင့် စဉ်းစားသင့်ပါတယ်။ အထက်ဖော်ပြခဲ့သော ပုဂ္ဂိုလ်အားလုံး All Inclusive အကျုံးဝင်စေမည်ဆိုပါက အခြေခံဥပဒေက အသေအချာပြုထားသည့် ရည်ရွယ်ချက်အတိုင်း ဖြစ်စေရန်အလို့ငှာ၊ ဖွဲ့စည်းပုံ အခြေခံဥပဒေပုဒ်မ ၆၈၊ နောက်ဆက်တွဲ ၆၈(က) ဖြင့် သက်ဆိုင်ရာ ပြဋ္ဌာန်းချက်ကို ဖြည့်စွက်ရာ ဖွဲ့စည်းပုံအခြေခံဥပဒေကို ပြင်ဆင်ရန်လည်းကောင်း၊ ပြည်ထောင်စု အစိုးရအဖွဲ့ဥပဒေကို ပြင်ဆင်ရန်လည်းကောင်း လိုအပ်မည်ဖြစ်ပါတယ်။ ဖွဲ့စည်းပုံ အခြေဥပဒေပုဒ်မ ၄၃၆(ခ)အရ ပုဒ်မ (၆၈)ကို ပြင်ဆင်မည်ဆိုပါက ကိုယ်စားလှယ်အားလုံး၏ ၇၅ ရာခိုင်နှုန်းကျော်က ထောက်ခံဆန္ဒမဲဖြင့် ပြင်ဆင်ရန်ဖြစ်ပါတယ်။ ပြည်လုံးကျွန်ဆန္ဒခံယူပွဲကျင်းပရန် မလိုအပ်ပါ။ အဆိုပါ တင်သွင်းရာမှာ ပြည်ထောင်စုလွှတ်တော် ဆိုင်ရာဥပဒေပုဒ်မ ၆၇ နှင့် ၆၉ တို့အရ လွှတ်တော်ကိုယ်စားလှယ် စုစုပေါင်း ၂၀ ရာခိုင်နှုန်းက တင်ပြရန်ဖြစ်ပါတယ်။ ဥက္ကဋ္ဌကြီးခင်ဗျား။ နိဂုံးချုပ်အနေနဲ့ ယခုတင်သွင်းသည့်အဆိုမှာ ပါရှိသော အချက်အလက်များဟာ ရည်ရွယ်ချက် ကောင်းမွန်သဖြင့် မှတ်တမ်းတင်ထားထိုက်ပါတယ်။ အစိုးရအဖွဲ့အနေဖြင့်လည်း အဆိုနှင့်အညီ ဆောင်ရွက်လျက်ရှိသော လုပ်ငန်းများရှိနေပြီဖြစ်ရာ အားလုံးမျှမျှတတ ဖြစ်စေရေးအတွက် အထက်တွင် ဖော်ပြထားသည့် ပုဂ္ဂိုလ်များအားလုံး All politically Export Person အကျုံးဝင်စေရန် သင့်‌ မသင့် အပေါ် လွှတ်တော်ရဲ့ အဆုံးအဖြတ်ရယူခြင်း ဆက်လက်ဆောင်ရွက်ရန် ဖြစ်ပါကြောင်း တင်ပြအပ်ပါတယ်။အားလုံးကို ကျေးဇူးတင်ပါတယ်။

 

 

အစိုးရအဖွဲ့ဝင်များ ပိုင်ဆိုင်မှုစာရင်းများကို ထုတ်ဖော်ကြေညာရေးအဆိုရှုံးနိမ့်။
မနက်ပိုင်းက ပထမဆုံးစကြားရတဲ့သတင်းက အစိုးရအဖွဲ့ဝင်များ ပိုင်ဆိုင်မှုစာရင်းများကို ထုတ်ဖော်ကြေညာပြီး မှတ်တမ်း တင်ထားရှိရေးအဆို ကိုလွှတ်တော်ဥက္ကဌကြီးရွှေ့ဆိုင်းကြောင်းဖြစ်ပြီး၊ နာရီပိုင်းအတွင်းမှာဘဲ ဒီအဆိုကိုဆွေးနွေးနေကြပြီလို့သတင်းဖတ်ရပြန်တယ်။ အစိုးရအဖွဲ့တွေအိပ်မပျော်ဖြစ်နေရတဲ့ " အစိုးရအဖွဲ့ဝင်များ ပိုင်ဆိုင်မှုစာရင်းများကို ထုတ်ဖော်ကြေညာပြီး မှတ်တမ်း တင်ထားရှိရေးအဆို " ဟာရှုံးနိမ့်သွားဆိုတော့ ဒီည မိသားစုထမင်းဝိုင်းမှာ ရှန်ပိန်ဖောက် နှစ်နှစ်ခြိုက်ခြိုက်အိပ်ပျော်နိုင်ကြပါပြီ။

ပြည်သူ့ခေတ်
အစိုးရအဖွဲ့ဝင်များ ပိုင်ဆိုင်မှုစာရင်းများကို ထုတ်ဖော်ကြေညာပြီး မှတ်တမ်း တင်ထားရှိရေးအဆို အရေးနိမ့်ယင်းအဆိုကို ထောက်ခံမဲ ၆၉မဲ၊ ကန့်ကွက်မဲ၊ ၂၆၉မဲ၊ ကြားနေမဲ ၁၅မဲဖြင့် ပြည်သူ့လွှတ်တော်က အတည်မပြုခဲ့ခြင်းဖြစ်သည်။

အဆိုနှင့်ပတ်သက်၍ သက်ဆိုင်ရာ ပြည်ထောင်စုအစိုးရ အဖွဲ့က ပြည်ထောင်စုရှေ့နေချုပ် ဒေါက်တာထွန်းရှင်က `မဏ္ဍိုင် သုံးရပ်လုံးရှိတာဝန်ရှိပုဂ္ဂိုလ် အသီးသီးသက်ဆိုင် အကျုံးဝင်သင့်ကြောင်း´ စသဖြင့် ထည့်သွင်းရှင်းလင်းခဲ့သည်။

Getty Images
Credit: Ko Aung Pan

စီးပွားရေးလုပ်ငန်းများနှင့် ပိုင်ဆိုင်မှုများ စာရင်းတင်ပြမှုဂယက်

Thursday, 09 August 2012 23:43

User Rating: / 3
PoorBest 

သမ္မတ ဦးသိန်းစိန်

သမ္မတ ဦးသိန်းစိန်က အာဏာပိုင်အဖွဲ့အစည်းများဖြစ်ကြတဲ့ ပြည်ထောင်စုတရားသူကြီးချုပ်နှင့် ပြည်ထောင်စု တရားလွှတ်တော်ချုပ် တရားသူကြီးများ၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးဥက္ကဌနှင့် အဖွဲ့ဝင်များ၊ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ တိုင်းဒေသကြီး သို့မဟုတ် ပြည်နယ်အစိုးရအဖွဲ့ ဝန်ကြီးချုပ်နှင့် ဝန်ကြီးများ၊ တိုင်းဒေသကြီး သို့မဟုတ် ပြည်နယ် ဥပဒေချုပ်များ၊ တရားသူကြီးချုပ်များ၊ တရားသူကြီးများရဲ့ ပိုင်ဆိုင်မှု ပစ္စည်းစာရင်းတွေကောက်ယူဖို့ ညွှန်ကြားချက်ပေးခဲ့ပါတယ်။ ဒီကိစ္စနဲ့ ပတ်သတ်ပြီး အစိုးရအဖွဲ့ဝင် ၀န်ကြီးအချို့က မကျေမနပ်ဖြစ်ခဲ့ကြတယ်လို့ သိရပါတယ်။ ဒါ့အပြင် ယခင်ဝန်ကြီးများဖြစ်ကြတဲ့ ဦးအောင်သောင်းနဲ့ ဦးတင်ထွဋ်တို့လို စီးပွားရေးသောင်းကျန်းတဲ့ ၀န်ကြီးဟောင်းအချို့ရဲ့ ပိုင်ဆိုင်မှုစာရင်းတွေကိုလည်း လက်ညှိုးထိုးပြကြပါတယ်။ ပိုင်ဆိုင်မှုပစ္စည်းဆိုရာမှာ ရွှေ့ပြောင်းနိုင်တဲ့ပစ္စည်း၊ မရွှေ့ပြောင်းနိုင်တဲ့ပစ္စည်းဟူ၍ ရှိပြန်ရာ စာရင်းကောက်ယူရန် အချိန်တိုတောင်းလွန်းလှသဖြင့် အဲဒီစာရင်းတွေ မှန်ကန်မှုရှိနိုင်ပါ့မလားဆိုတဲ့ သံသယတွေရှိလာကြ ပါတယ်။ ယခင် (လယ်ဆည်) ၀န်ကြီးဟောင်း ဦးမြင့်အောင်တို့အိမ်တွေမှာ ရွှေချောင်းများ သိမ်းထားသလို နိုင်ငံခြားဘဏ်တွေမှာ အပ်နှံထားတဲ့ ဒေါ်လာငွေစာရင်းတွေလည်း ရှိတယ်လို့ သတင်းတွေရှိခဲ့ပါတယ်။ ဒါတွေဟာ နိုင်ငံတော်ရဲ့ သယံဇာတပစ္စည်းများကို ဈေးပေါပေါနဲ့ ရောင်းချလို့ရတဲ့ငွေတွေအပေါ် အဂတိလိုက်စားမှုနဲ့ ရယူထားတာတွေပါ။ ယခင်ဝန်ကြီးတွေခေတ်မှာတော့ မုန့်ပုံးထဲမှာ ရွှေချောင်းတွေထည့်ပြီး လက်ဆောင်ပေး ကန်တော့တဲ့ခေတ် ရှိခဲ့ဖူးပါတယ်။ နောက်တော့ ရွှေအစား စိန်ကိုလက်ဆောင်ပေးတဲ့ ခေတ်လည်း ဖြစ်လာဖူးပါတယ်။ လူကြီးတွေဆီ ၀င်ထွက်သွားတဲ့အခါမှာ အထုပ်ကြီးကြီးနဲ့လာရင် မကြိုက်ကြဘူးလို့ ကုန်သည်ကြီးတွေ အသိုင်းအ၀ိုင်းကဆိုပါတယ်။ လူကြီးကတော်များကတော့ ဗိုလ်ချုပ်ဈေးရှိ ပါတိတ်ဆိုင်တွေနဲ့ မြေနီကုန်းမှာရှိတဲ့ မခင်အေးစတိုးဆိုင်တွေနဲ့ ချိတ်ထားပြီး လာကန်တော့တဲ့ ခြင်းတောင်းများ၊ အရက်များ၊ အဝတ်အထည်များကို ပြန်သွင်းခြင်းဖြင့် ငွေသားပြန်ဖော်ကြတယ်လို့ သိရပါတယ်။ တချို့ကန်ထရိုက်တွေကတော့ တိုက်ခန်းသော့ကို လက်ဆောင်အဖြစ်ပေးကြပါတယ်။ အဂတိလိုက်စားမှုကျူးလွန်ရာမှာ တစ်ချိန်က ကတော်မိန်းမများကို ကြားခံထားကြသလို တစ်ခါတစ်ရံမှာတော့ ကိုယ်ရေးအရာရှိများကို ကြားခံထားကြပါတယ်။ တစ်ခါတစ်ရံမှာ သား၊ သမီးတွေကို ကြားခံလူအဖြစ် တာဝန်ပေးလုပ်ခိုင်းတယ်လို့လည်း သိရပါတယ်။ အဲ့ဒီ ပိုင်ဆိုင်မှုပစ္စည်းစာရင်းတွေကို ထုတ်ပြန်လိုက်မယ်ဆိုရင် ကြောက်ခမန်းလိလိ ချမ်းသာကြွယ်ဝမှုတွေကို တွေ့ရှိရမှာဖြစ်ပြီး ၀န်ကြီးတွေရဲ့လစာနဲ့ အနှစ် (၁၀၀) စုဆောင်းတဲ့တိုင် အဲ့ဒီ ငွေကြေးတွေ ပြည့်မီမှာ မဟုတ်ကြောင်း သိရှိရပါတယ်။ ဝန်ကြီး ဦးအောင်သောင်း မိသားစုဆိုရင် အပတ်စဉ် ဖဲဝိုင်း ရှိကြပြီး သားသမီးများက အပြိုင်အဆိုင် သူုတို့ရဲ့ ပိုင်ဆိုင်မှုများကို ဖဲဝိုင်းမှာ ကြွားလုံးထုတ်ပြီး ငွေဖြုန်းတီးကြပါတယ်။
VIP လို့ခေါ်တဲ့ ဝန်ကြီးတွေနဲ့ တပ်မတော်အရာရှိကြီးများရဲ့ တချို့အဂတိလိုက်စားတဲ့နည်းတွေကတော့ လုပ်ငန်းရှယ်ယာပါဝင်မှုအနေနဲ့ ကုမ္ပဏီများ၊ Super Market များ၊ ဟိုတယ်များနဲ့ ကာရာအိုကေဆိုင်များမှာ နာမည်ခံယုံနဲ့ အမြတ်ရှယ်ယာပါခွဲဝေရရှိတယ်လို့ သိရပါတယ်။ အမှန်တကယ်တော့ လွတ်လပ်မှုရှိပြီး လွှမ်းမိုးမှု မရှိတဲ့ သီးခြား အထူးစုံစမ်း စစ်ဆေးရေးအဖွဲ့ ဖွဲ့စည်းသင့်ပြီး နိုင်ငံတော် မျက်နှာ တစ်ခုတည်းသာကြည့်ကာ ပြတ်ပြတ်သားသား ဆောင်ရွက်သင့်ပါတယ်။ သမ္မတ ဦးသိန်းစိန် ကိုယ်တိုင်ကလည်း လက်အောက်က စာရင်း မတင်ခင် သမ္မတရဲ့ ပိုင်ဆိုင်မှု စာရင်းကို ဦးစွာ ကြေငြာသင့်တယ်လို့ စစ်ဖက်နီးစပ်သူများက ဆိုပါတယ်။ ဒါမှ ပြည်သူလူထုက ယုံကြည်မှု ပိုမိုရရှိလာမှာ ဖြစ်ပါတယ်။ နအဖ အစိုးရခေတ်က ထောက်လှမ်းရေး တပ်ဖွဲ့ဝင်များအနေနဲ့ ဝန်ကြီးများနှင့် တိုင်းမှူးများရဲ့ တိုက်တာ အဆောက်အဦးများကို ဓါတ်ပုံရိုက် မှတ်တမ်းတင်ခဲ့လို့ ထောက်လှမ်ရေးကို အငြိုးကြီးခဲ့ပါတယ်။ ထောက်လှမ်ရေးရဲ့ ပိုင်ဆိုင်မှုကိုလည်း လျှို့ဝှက်ထားလို့ မကျေမနပ်ဖြစ်ခဲ့ပါတယ်။ ယခု သမ္မတရဲ့ ထုတ်ပြန်တဲ့ ဇူလိုင် ၂၆ရက်စွဲပါ အမိန့်ကြေငြာချက်ကြောင့် အဂတိလိုက်စားမှု နာမည်ဆိုးထွက်နေတဲ့ အမှတ် (၁) လျှပ်စစ်စွမ်းအား ဝန်ကြီး ဦးဇော်မင်းလိုမျိုး ဝန်ကြီးများက ကျေနပ်မှု မရှိကြကြောင်း အစိုးရရုံးနဲ့ နီးစပ်သူများဆီမှ သိရှိရကြောင်း စည်းလုံခြင်းရဲ့ အင်အား ဝက်ဘ်ဆိုဒ် www.photayokeking.org မှ ဖော်ပြလိုက်ရပါတယ်။