တစ်သောင်းတန်ပတ်တိုက် (ဆူးငှက်)

by CJMyanmar on Friday, June 8, 2012 at 10:35am ·

ကျောင်းနံရံ

ဒေါင်းအလံစိုက်တာနဲ့တစ်သောင်းတန်လည်း ရိုက်ထုတ်လိုက်ပြီတဲ့အမေ...။

 

လောကမှာ... ငွေ... ငွေ... ငွေ... တဲ့...၊

ဂုဏ်ဆိုတာ ငွေကိုခေါ်တယ်တဲ့...၊

မိန်းမယူရင် ငွေသာအဆင်ပြေသတဲ့...။

ရွှေဒင်္ဂါး ၁ပြား.. ၁၃ကျပ်၊ ၁၄ကျပ်...ဆိုတဲ့

အဖိုးတို့ခေတ်မှာ..

ငွေတစ်သောင်းများရှိရင်..

ယောက္ခမအိမ်မှာ ကိုယ်ထင်သလိုသာနေနိုင်ခဲ့သတဲ့...။

 

မြေရှိ၊ ငွေရှိ...၊ အိမ်ရှိရမယ်...

အဖေတို့ခေတ်က အင်ဂျင်နီယာကန်ထရိုက်တာရဲ့ ကြော်ငြာစာသား..

တကယ်လို့များ...

အဖေ့မှာ ငွေတစ်သောင်းရှိခဲ့ရင်..

ပေ၄၀xပေ၆၀... မြေတစ်ကွက်ဝယ်..

နောက်ထပ်.. ငွေတစ်သောင်းအကုန်ခံရုံနဲ့

လုံလုံခြုံခြုံအိမ်တစ်လုံးရနိုင်တာပေါ့လေ..။

ဒါပေမယ့်...။

 

မန်းရာပြည့်ကွင်းထဲမှာ..

လေးနှစ်တစ်ကြိမ်..

ဘယ်နှစ်ကြိမ်မြောက်၊ ဘယ်နှနှစ်မြောက်ဆိုပြီး..

ဟည်းထအောင်ကျင်းပလေ့ရှိတဲ့..

ပြည်ထောင်စုနေ့ရဲ့ 

ပြခန်းတွေထဲက...

တန်ဖိုးနည်းအိမ်ယာဆိုတာကလည်း..

အဲ့ဒီကာလက.. လွန်ရောကျွံရော ငွေတစ်သောင်းကျော်ပဲတဲ့..၊

မျှော်မနေနဲ့...၊

အဲ့ဒီ.. အိမ်ယာဆိုတာ.. ပြခန်းထဲမှာပဲရှိတာဆိုကိုး...။

 

အခုတော့...

ငွေတစ်သောင်းဆိုတာ

ခေါင်းရွက်ဗျပ်ထိုး..

နေ့ပြန်တိုးနဲ့...၊ အပိုးကျိုးနေမှတော့

တစ်နေ့ငါးရာနှုံး... တစ်လလုံးဆပ်ရပစေ..

တို့အတွက်...

အကောင်းဆုံးနည်းလမ်းပါပဲလေ...။

 

ဘီအေ..

ဘီအက်စီ..

ဘီစီအက်စီ..

အယ်စီစီအိုင်

အမ်ဘီအေ...၊

ကွန်ပျူတာ... အင်္ဂလိပ်စာ..၊ မရှိမဖြစ် တရုတ်စာ..။

အင်တာနက်၊ အီးမေလ်း...

ဟိုမေး၊ သည်မေး

သတင်းစာကြော်ငြာပါသမျှမေး

မေးသလောက်ဖြေ...

ဖြေသလောက် လျှောက်လွှာတင်

တင်သလောက် အင်တာဗျူး

ဗျူးသလောက်...၊ အဲ... ဗျူးသလောက်...

ကိုင်းပါလေ... နောက်တစ်နေရာထပ်လျှောက်...

လျှောက်...၊ လျှောက်...၊ လျှောက်...၊ လျှောက်...

လျှောက်ပြီးရင်းလျှောက်...

ကံကောင်းထောက်မလို့ အလုပ်တစ်နေရာရတော့

တစ်သောင်းတန် ၅ရွက်ဆိုတဲ့

လစာကလည်း... မနည်းပါလားနော်...။

 

ဘာပဲပြောပြော..

အပြောများနေတဲ့ တန်ဖိုးနည်းဆိုတဲ့ ဖုန်းတစ်လုံး...

တစ်သောင်းတန် အရွက် ၂၀သုံးနိုင်ရင် ရမယ်...။

ငါးထောင်တန်ဖုန်းများရရင်...

တစ်သောင်းဖိုး ၂လုံးနဲ့ ဖောဖောကြီးသုံးနိုင်ရဲ့...

လိုင်စင်မဲ့ဆိုင်ကယ်တစ်စီး

တက်ကာစီးဖို့... တစ်သောင်းတန်အရွက် ၅၀..တဲ့..။

ဂျာနယ်တွေထဲ ဖတ်ရတာပဲ..။ ဘာတဲ့...

မိဘပြည်သူတွေ သက်သာချောင်ချိစေဖို့

စေတနာရေစီးကမ်းပြိုလိုက်လို့...

ဈေးချိုချိုနဲ့ ရနိုင်တဲ့... မော်ဒယ်မြင့်ကားတစ်ပတ်ရစ်...

တစ်သောင်းတန်အသစ် အုပ် ၂၀ ၀န်းကျင်တဲ့..။

ဒါတင်ဘယ်ကမလဲ...

တစ်သောင်းတန်အရွက် ၃၀ တန်ဖိုးနဲ့ လဲခဲ့တဲ့

လယ်တစ်ဧက...၊

ဒီတစ်ဧက ဂရန်ချလိုက်ရင်...

တစ်သောင်းတန် အုပ် ၃၀လည်း ဖြစ်နိုင်တာပေါ့လေ...။

 

ကဲပါလေ...။

ငွေတွင်းနက်သတဲ့လား...။

ဟောဒီက တစ်သောင်းတန်တစ်ရွက်က

စက်ချုပ်အလုပ်သမတစ်ဦးကို.. တစ်လ..

သံရည်ကျိုအလုပ်သမားတစ်ယောက်ကို... တစ်လခွဲ..

ရဲရဲကြီးခိုင်းစားနိုင်သေးတယ်...။

 

ဒီလိုမှမဟုတ်...

အသွားမတော်တစ်လှမ်း၊ အမေးမတော်တစ်ခွန်း...

တစ်ခွန်းစကား အနေခက်တာကြောင့်

တစ်သောင်းတန်ငွေစက္ကူတစ်ရွက်နဲ့

ပါး... ဆယ်ချက်ရိုက်နိုင်သေး...။

 

ဟော...

ဘာတဲ့... ဘာတဲ့...

နားစွင့်ကြပါဦး၊ နားစွင့်ကြပါဦး...

ပဲ့တင်သံသဲ့သဲ့တော့ ကျန်ပါသေးရဲ့...

“ဆင်းရဲသားပပျောက်ရေး...၊

ဆင်းရဲသား ပပျောက်ရေး...” တဲ့။

 

ကိုင်း...

နတ်ကရာ ကြည့်မောမနေနဲ့တော့...။

သောကအမော...၊

အမော...သံသရာ...၊

သံသရာအဆုံး...၊

မရုန်းနိုင်ကြတာ ခဏဖျောက်...၊

အဲ့ဒီအသံလေးမပျောက်ခင်...၊

ရေး... ရေး... ထင်လုလု၊ အလှည့်အပြောင်းမှာ...

အကြောင်းကံ တွက်ဆပြီး

ဗလောင်းဆန် မခက်ကြပါနဲ့

အကောင်းဉာဏ် ထွက်ရအောင်...

(အို...အမေရဲ့)

ဟောဒီ တစ်သောင်းတန်တစ်ရွက်နဲ့

ပြောင်းဆန်တစ်ခွက်၊ အမဲတစ်တွဲချက်ပြီး..

ဇရက်မင်း စည်းစိမ်နဲ့

ကျုပ်တို့မိသားစု

တစ်ခဏနားဦးစို့...။

 

ဆူးငှက်

7.6.12