မစ္စတာ ကင်တားနား နှင့် ရခိုင်ပြည်နယ်ပဋိပက္ခ

OIC ထိပ်သီး အစည်းအဝေးတွင် ရခိုင်ပြည်နယ်ပဋိပက္ခ ဆွေးနွေးမည်

2012-07-31

မြန်မာနိုင်ငံ ရခိုင်ပြည်နယ်မှာ ဖြစ်ပွားတဲ့ ရခိုင် ဗုဒ္ဓဘာသာဝင်များနဲ့ ရိုဟင်ဂျာ မွတ်စလင် ဘာသာဝင်များကြား အကြမ်းဖက်မှုတွေကို ဆော်ဒီအာရေးဗီးယားနိုင်ငံ မက္ကာမြို့ မှာ သြဂုတ်လအတွင်း ကျင်းပမဲ့ OIC ခေါ် အစ္စလာမ် ဘာသာဝင် နိုင်ငံများ ပူးပေါင်း ဆောင်ရွက်ရေးအဖွဲ့ ထိပ်သီး အစည်းအဝေးမှာ ဆွေးနွေး သွားမယ်လို့ အင်ဒိုနီးရှားနိုင်ငံ နိုင်ငံခြားရေး ဝန်ကြီး မာတီ နာတာလီဂါဝါက ပြောဆိုလိုက်ပါတယ်။
အင်ဒိုနီးရှားနိုင်ငံ အနေနဲ့ လူမျိုးရေးကိုဖြစ်စေ၊ ဘာသာရေးကိုဖြစ်စေ တခြားဘာအကြောင်းကိုပဲ ဖြစ်စေ အခြေခံပြီး ခွဲခြားဆက်ဆံမှုကို ဆန့်ကျင်ကြောင်း ရိုဟင်ဂျာတွေအပေါ် အကြမ်းဖက်မှုတွေနဲ့ ပတ်သက်လို့လည်း မိမိတို့ရဲ့ ရပ်တည်ချက်ဟာ တစ်သဘောတည်းရှိကြောင်း သူက သတင်းထောက်တွေကို ပြောပါတယ်။
ဒါ့အပြင် အင်ဒိုနီးရှားနိုင်ငံဟာ ၂၀၁၀ ခုနှစ်တုန်းက ဘင်္ဂလားဒေ့ရ်ှနဲ့ မြန်မာနိုင်ငံတို့ကို အထူး သံကိုယ်စားလှယ် စေလွှတ်ပြီး ရခိုင်ပြည်နယ်ရှိ ပဋိပက္ခနဲ့ ပတ်သက်လို့  စုံစမ်းလေ့လာခဲ့ကြောင်း၊ မိမိတို့ ဟာ ဒီကိစ္စနဲ့ပတ်သက်ပြီး မြန်မာနိုင်ငံနဲ့ တစ်နိုင်ငံချင်း အနေနဲ့လည်းကောင်း၊ နိုင်ငံအများနဲ့ သော်လည်းကောင်း ဆွေးနွေးခဲ့ကြောင်းနဲ့ အင်ဒိုနီးရှားနိုင်ငံဟာ ရခိုင်ပြည်နယ်က ရိုဟင်ဂျာတွေ အရေးကိစ္စနဲ့ ပတ်သက်ပြီး ဂရုမစိုက်ဘူး ဆိုတာ မဟုတ်ပါကြောင်း စသဖြင့် အင်ဒိုနီးရှား နိုင်ငံခြားရေးဝန်ကြီးက ပြောဆိုတယ်လို့ ဇူလိုင် ၃၁ ရက်နေ့စွဲနဲ့  အင်ဒိုနီးရှားနိုင်ငံထုတ် The Jakarta Post သတင်းစာမှာ ဖော်ပြထားပါတယ်။

မြန်မာနိုင်ငံမှာ ဘာသာရေးဖိနှိပ်မှုတွေ ရှိနေသေး

2012-07-30

မြန်မာနိုင်ငံ တစ်ဝှန်းမှာ ဘာသာရေးအရ ဖိနှိပ်မှုတွေ ရှိနေသေးကြောင်း မနေ့က ထုတ်ပြန်လိုက်တဲ့ အမေရိကန် အစိုးရရဲ့ နိုင်ငံတကာ ဘာသာရေးဆိုင်ရာ အစီရင်ခံစာထဲမှာ ဖော်ပြထားပါတယ်။
အခုအခါ မြန်မာနိုင်ငံမှာ နိုင်ငံရေး ပြုပြင်ပြောင်းလဲမှုတွေ လုပ်ဆောင်နေပြီ ဆိုပေမယ့်လည်း ဘာသာရေးဆိုင်ရာ လွတ်လပ်ခွင့်နဲ့ ပတ်သက်လို့ အခြေအနေတွေ တိုးတက်ကောင်းမွန်လာအောင် ဦးတည် ဆောင်ရွက်နိုင်တာတွေ မတွေ့ရသေးဘူးလို့ အစီရင်ခံစာက ဆိုပါတယ်။
မြန်မာနိုင်ငံနဲ့ ပတ်သက်ပြီး ဒီအစီရင်ခံစာပါ အချက်အလက်တချို့ကို ဦးဇော်မိုးကျော်က ကောက်နုတ် တင်ပြထားပါတယ်။

	ကောက်နုတ်တင်ပြချက်။
	အသံဖိုင်ယူရန်။

မစ္စတာ ကင်တားနား လူ့အခွင့်အရေး အခြေအနေလေ့လာ

2012-07-30

မနေ့ညက ရန်ကုန်မြို့ကို ရောက်လာတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ် ကင်တားနားဟာ ဒီကနေ့ မနက်က အင်းစိန်ထောင်ကို သွားရောက်ပြီး ယုံကြည်ချက်ကြောင့် အကျဉ်းကျခံနေရသူတွေကို တွေ့ဆုံ မေးမြန်းခဲ့ပါတယ်။

Photo: 88 Generation Students

၂၀၁၂ ခုနှစ် ဇူလိုင်လ ၃၀ ရက်က ရန်ကုန်မြို့၊ ကန်တော်ကြီးပတ်လမ်းရှိ UNDP ရုံး၊ ဦးသန့်ခန်းမ၌ မြန်မာနိုင်ငံဆိုင်ရာ ကမ္ဘာ့ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ်စ် အိုဂျေ ကင်တာနာနှင့် ၈၈ မျိုးဆက် ကျောင်းသားများ တွေ့ဆုံစဉ်။

အင်းစိန်မြို့နယ် ဆေးရုံမှာ ကင်ဆာရောဂါ ကုသခံနေရတဲ့ နိုင်ငံရေး အကျဉ်းသား ကိုဖြိုးဝေအောင်ကို ဒီနေ့ နေ့လည်ပိုင်းက သွားရောက်တွေ့ဆုံခဲ့ရာမှာ ခန္ဓာကိုယ် အောက်ပိုင်း သေနေတဲ့ ကိုဖြိုးဝေအောင်ကို ခြေထောက်နဲ့ သံကုတင်တွဲပြီး ခြေထိပ် ခတ်ထားတာ မြင်တွေ့သွားခဲ့တဲ့ မစ္စတာ ကင်တားနားက ဒီကိစ္စနဲ့ ပတ်သက်ပြီး တာဝန်ရှိသူတွေကို ပြောမယ့်အကြောင်း အားပေးစကား ပြောသွားတယ်လို့ ကိုဖြိုးဝေအောင်ရဲ့ ဇနီး မဌေးဌေးက RFA ကိုပြောပါတယ်။

"လုံခြုံရေးတာဝန် ယူထားတဲ့ ရဲတွေက နေပြီးတော့ ခြေထောက်မှာ ခတ်ထားတဲ့ ခြေချင်းကို လာဖြုတ်တဲ့ အချိန်မှာ ကျွန်မကမေးတယ်။ ဘာလုပ်ဖို့တုန်းလို့ဆိုတော့ ဒီဟာကို ဖြုတ်ပေးဖို့တဲ့ ဆိုတော့ မဖြုတ်နဲ့လို့ ဒီအတိုင်းပဲထားလို့၊ မစ္စတာ ကင်တားနား လာလို့ သူတို့က ခဏဖြုတ်ထားတယ်ပေါ့။ ဖြုတ်ထားပြီးရင် ပြန်တပ်မှာပဲ။ အမှန်တကယ်ဆို ကျွန်မ အမျိုးသား အောက်ပိုင်းသေနေပြီ။ ဘာမှ သူများ အကူအညီ မပါပဲနဲ့ တစ်လက်မတောင် မရွေ့နိုင်တော့တဲ့ လူတစ်ယောက်လေ။ ဒါကို ခြေချင်းမှာ သံကြိုးနဲ့ သော့ခလောက်နဲ့ ခတ်ထားတယ်။ မစ္စတာ ကင်တားနား တွေ့သွားတယ်။ တွေ့သွားတဲ့ အချိန်မှာ သူချက်ခြင်းပဲ အကျဉ်းဦးစီးက ညွန်ကြားရေးမှူးကို သူခေါ်ပြီးပြောတယ်။ ဒီဟာကို ဖြုတ်ပေးဖို့ပေါ့။ ညွန်ကြားရေးမှူးက သူ့အပိုင်း မဟုတ်ဘူးပေါ့။ လုံခြုံရေးတာဝန်ယူထားတဲ့ ရဲတွေရဲ့အပိုင်းလို့ သူပြောတယ်ပေါ့။ အဲတာကို မစ္စတာ ကင်တာနားက သူလိုအပ်သလို ဆက်ပြောမယ်ဆိုပြီး ပြောသွားတယ်ရှင့်"

ဒါ့အပြင် နိုင်ငံရေး အကျဉ်းသားတွေနဲ့ ပတ်သက်ပြီး ကျန်းမာရေး စောင့်ရှောက်မှု အခြေအနေတွေကိုလည်း ကုလသမဂ္ဂကို အစီရင်ခံတဲ့အခါ ထည့်သွင်း ရေးသားမယ့်အကြောင်း မစ္စတာ ကင်တားနားက ပြောသွားတယ်လို့ မဌေးဌေးက ပြောပါတယ်။
မစ္စတာ ကင်တားနားနဲ့ ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင် ဦးဆောင်တဲ့အဖွဲ့နဲ့ တွေ့ဆုံခဲ့တဲ့ ကိစ္စကိုတော့ တွေ့ဆုံရာမှာ ပါဝင်ခဲ့တဲ့ ကိုပြုံးချိုက RFA ကို အခုလို ပြောပါတယ်။

"ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ဖော်ဆောင်ရေး ခရီးစဉ်တွေကို သွားတဲ့အခါမှာ ကြုံတွေ့ရတဲ့ လူ့အခွင့်အရေး ချိုးဖောက်ခံရတဲ့ အချက်တွေ အားနည်းချက်တွေ ရှိနေတယ်။ ကျေနပ်လောက်စရာ မရှိဘူးဆိုတဲ့ အနေအထားတွေ သူ့ကို ပြောပြတယ်။ အဲတာကြောင့် မို့လို့လည်း သူက ကျွန်တော်တို့ဆီက တကယ့်ကို ပြည်သူလူထုနဲ့ တွေ့တဲ့ အချိန်မှာ ရရှိခဲ့တဲ့ သတင်း အချက်အလက်တွေကို သူနားထောင်တယ်။ နားထောင်တဲ့ အချက်အလက်တွေနဲ့ ပတ်သက်ပြီးတော့ သူက ဒါတွေကို လေးလေးနက်နက် ဆက်ဆွေးနွေးမယ်။ ကျွန်တော်တို့နိုင်ငံမှာ လူ့အခွင်ကအရေး ချိုးဖောက်မှု နည်းနိုင်သမျှ နည်းအောင် သူလည်း ဒီခရီးစဉ်ကို ထပ်ခါတလဲလဲ ကြိုးပမ်းမယ်ဆိုတာ ပြောပြပါတယ်"

ဒါ့အပြင် ဗကသများ အဖွဲ့ချုပ် ဒု ဥက္ကဋ္ဌ ကိုလင်းထက်နိုင်၊ အထွေထွေ အတွင်းရေးမှူး မဖြိုးဖြိုးအောင်၊ Generation Wave အဖွဲ့က ကိုမိုးသွေးတို့နဲ့ မစ္စတာ ကင်တားနား တွေ့ဆုံခဲ့ပါတယ်။ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနားအနေနဲ့ ရခိုင်ပြည်နယ်ကို ကိုယ်တိုင် သွားရောက် လေ့လာတဲ့အခါမှာ အခြေအနေတွေကို မှန်မှန်ကန်ကန် သုံးသပ်နိုင်မယ်လို့ မျှော်လင့်ကြောင်း ဒီကနေ့ ညနေပိုင်းမှာ တွေ့ဆုံ ဆွေးနွေးခဲ့တဲ့ ၈၈ မျိုးဆက် ကျောင်းသားအဖွဲ့ဝင် မနီလာသိန်းက ပြောပါတယ်။

"အခု သူလာတဲ့အခါမှာ ကျွန်မတို့နိုင်ငံမှာ အခု လက်ရှိဖြစ်နေတဲ့ ရခိုင်တိုင်းရင်းသားတွေ အရေးကို စိတ်ဝင်စားလို့ နံပတ်တစ် လာတယ်ပေါ့နော်။ ပြီးတော့ နံပတ်နှစ် ဒုက္ခသည်တွေရဲ့ အနေအထား သူတို့နိုင်ငံရဲ့ ကူညီထောက်ပံ့မှုတွေလည်း အရင်ကတည်းက ပေးနေတယ်ပေါ့နော်။ အဲဒီအနေအထားတွေ အားလုံးကို ကိုယ်တိုင်လာရောက် ကြည့်ရှုတဲ့အခါမှာ အရင်ကထက် ပိုမိုပြီးတော့မှ တရားမျှတမှု၊ မျှမျှတတနဲ့ပေါ့နော်။ ဒီမှာရှိတဲ့ လူတွေအားလုံးပေါ့နော်၊ ရခိုင် တိုင်းရင်းသားတွေရော၊ ဒုက္ခသည်တွေ အားလုံး သူတို့ရဲ့ လူသားတန်ဖိုးတစ်ခုနဲ့ ရရှိမဲ့ အခွင့်အရေးတွေ အားလုံး အရင်ထက် ပိုပြီးတော့ ပိုမိုကောင်းမွန် လာလိမ့်မယ်လို့ ကျွန်မကယုံကြည် မျှော်လင့်နေပါတယ်"

တပတ်ကြာ ခရီးစဉ်အဖြစ် မြန်မာနိုင်ငံကို ရောက်ရှိနေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနားဟာ ရခိုင်ပြည်နယ်က ဒုက္ခသည်တွေကို သွားရောက် တွေ့ဆုံခဲ့တဲ့ ၈၈ မျိုးဆက် ကျောင်းသားအဖွဲ့ဝင် မနီလာသိန်းနဲ့ မမီးမီးတို့ကို ဒီကနေ့ ညနေမှာ ရန်ကုန်မြို့ ကုလသမဂ္ဂရုံးမှာ တွေ့ဆုံခဲ့ပါတယ်။
မစ္စတာ ကင်တားနားဟာ ဒီခရီးစဉ်မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ သမ္မတ ဦးသိန်းစိန်နဲ့ တွေ့ဖို့ စီစဉ်ထားသလို လူထုအဖွဲ့အစည်းတွေနဲ့လည်း တွေ့ဆုံမှာ ဖြစ်ပြီး မနက်ဖြန် မနက်ပိုင်းမှာ ရခိုင်ပြည်နယ်က အခြေအနေ တွေကိုလည်း သွားရောက်လေ့လာမှာ ဖြစ်ပါတယ်။
သမ္မတ ဦးသိန်းစိန် တာဝန်ယူလာတဲ့ကာလမှာ မြန်မာနိုင်ငံ ပြုပြင်ပြောင်းလဲရေး တိုးတက်တာတွေ တွေ့ရပေမယ့် လူ့အခွင့်အရေး ချိုးဖေါက်မှုတွေ ဆက်ဖြစ်နေတာနဲ့ ပတ်သက်လို့ ဖြေရှင်းရဦးမယ့် စိမ်ခေါ်မှုတွေ အများအပြား ရှိနေသေးတယ်လို့ မစ္စတာ ကင်တားနားက ပြီးခဲ့တဲ့ ရက်ပိုင်းအတွင်း ပြောခဲ့ပါတယ်။
ရခိုင်ပြည်နယ်တွင်း အခြေအနေတွေကို စုံစမ်းလေ့လာဖို့ မြန်မာနိုင်ငံကို ရောက်ရှိလာတဲ့ ကုလသမဂ္ဂ အထူးကိုယ်စားလှယ် မစ္စတာ ကင်တားနားရဲ့ ခရီးစဉ်နဲ့ ပတ်သက်လို့ ပြည်တွင်းက နိုင်ငံရေး လှုပ်ရှားသူ တချို့ရဲ့ သဘောထား အမြင်တွေကို မအင်ကြင်းနိုင်က စုစည်း တင်ပြထားပါတယ်။

	စုစည်းတင်ပြချက်။
	အသံဖိုင်ယူရန်။

ကင်တားနား နိုင်ငံရေး အကျဉ်းသားတွေနဲ့တွေ့

မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာ Tomas Ojea Quintana

မီဒီယာ

အသံ

• ကင်တားနား
  
  • နားဆင်ရန်
  • Playlist

TEXT SIZE

မအေးအေးမာ

30.07.2012

ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားဟာ သူ့ရဲ့ခရီးစဉ် အစအဖြစ် တနင်္လာနေ့မှာပဲ နိုင်ငံရေး အကျဉ်းသား တချို့နဲ့ တွေ့ဆုံ ပါတယ်။ ရန်ကုန်၊ အင်းစိန်ထောင်မှာ နိုင်ငံရေးအကျဉ်းသားတွေနဲ့ တွေ့ဆုံရာမှာတော့ ကျန်းမာရေး ဆိုးရွားနေသူတွေလည်း ပါဝင်ခဲ့တယ်လို့ မိသားစုဝင်တွေက ပြောပါတယ်။ အပြည့်အစုံကိုတော့ ဗွီအိုအေ မြန်မာပိုင်း ထိုင်းအခြေစိုက် သတင်းထောက် မအေးအေးမာ ကပြောပြပေးမှာ ဖြစ်ပါတယ်။

ဇူလိုင်လ ၃၀ ရက်နေ့၊  နေလည်ပိုင်းမှာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ တောမတ်စ်၊ အိုဟေးကင်တားနားက အင်းစိန်ထောင်က နိုင်ငံရေး အကျဉ်းသားတွေ နဲ့ တွေဆုံခဲ့တာပါ။ မစ္စတာကင်တာနားနဲ့ တွေ့ဆုံခွင့်ရလိုက်တဲ့အထဲမှာ ခန္ဓာကိုယ်အောက်ပိုင်း လှုပ်ရှားလို့မရတဲ့ ဝေဒနာနဲ့အသည်းကင်ဆာ နောက်ဆုံးအဆင့် ဖြစ်နေတဲ့ နိုင်ငံရေးအကျဉ်းသား ကိုဖြိုးဝေအောင်လည်း ပါဝင်ခဲ့ပါ တယ်။ အင်စိန်းဆေးရုံမှာ ကိုဖြိုးဝေအောင်နဲ့ တွေ့ဆုံချိန်မှာ မစ္စတာကင်တားနားကို ကျန်းမာရေး အခြေအနေ အကြောင်း ပြောခွင့်ရခဲ့တယ်လို့ ကိုဖြိုးဝေအောင်ရဲ့ ဇနီး မဌေးဌေးက ပြောပါတယ်။

“ကျန်းမာရေးအကြောင်းကတော့ သူ ဘာပြောလဲ ဆိုတော့ - စဖြစ်တာက ဘယ်နှစ်လပိုင်း ကတည်း က စဖြစ်တယ်၊ ပြီးတော့ အသည်းမှာ အကြိတ်တွေ တွေ့တယ်ဆိုတာ ၃ လပိုင်းမှာ သိပြီပေါ့နော်။ သိပြီးတဲ့အချိန်မှာလည်း ထောင်ကနေပြီးတော့ အသည်းအထူးကုနဲ့ မပြပေးဘူး၊ အပြင်ဆေးရုံ ထုတ်မပြဘူးပေါ့။ မပြပေးဘဲနဲ့ ၂ လကျော်ကြာပြီးတော့မှ ထုတ်ပြတဲ့အချိန်မှာ အသည်းမှာ အကြိတ်တွေ အများကြီး ဖြစ်သွားပြီပေါ့။ ပြီးတော့ အောက်ပိုင်း သေသွားတယ်ပေါ့။ အဲဒါနဲ့ပတ်သက် လို့ သူပြောတာကတော့ အသည်းကင်ဆာဆိုတာတော့ သူ့ကုသိုလ်ကံအရ ဖြစ်တာ သူ ဘာမှ မပြောလိုဘူးပေါ့။ အောက်ပိုင်းသေတဲ့ ကိစ္စကတော့ ဆေးကုပေးတာ နောက်ကျတဲ့အတွက် ကင်ဆာဆဲလ်က ကျောရိုးကိုပြန့်ပြီး သေသွားတာကို၊ အဲဒါ သူ့ဘဝတခုလုံး ပေးလိုက်ရတယ်ပေါ့။ ကျမ အမျိုးသားက အဲလိုမျိုး ပြောတယ်ရှင့်။”

ကုလသမဂ္ဂရဲ့ လူအခွင့်အရေး ကိုယ်စားလှယ်ဟာ နိုင်ငံရေးအကျဉ်းသားတွေ လွတ်မြောက်ရေး အတွက် မြန်မာအာဏာပိုင်တွေကို ထပ်မံ ဖိအားပေးပြောဆိုသွားအုံးမှာ ဖြစ်တဲ့အကြောင်း နိုင်ငံရေး အကျဉ်းသာေးတွရဲ့ ကျန်းမာရေးအခြေအနေကို နိုင်ငံတကာသိအောင် ပြောပြပေးသွားမယ်လို့ ဆိုပါတယ်။

“သူကတော့ ဘာပြောလဲဆိုတော့ပေါ့နော်။ သူ အပါအဝင် နိုင်ငံတကာက အဖွဲ့အစည်းတွေ ကနေပြီးတော့ လူသားချင်း စာနာမှုအရ လွှတ်ပေးဖို့ ဆိုပြီးတော့ ဒီက အာဏာပိုင်တွေကို တောင်းဆိုထားတာကို သိလား၊ ပြုလား၊ ကျမယောက်ျားကို မေးတယ်ပေါ့နော်။ ကျမတို့ကလည်း သိပါတယ်။ ကျေးဇူးတင်ပါတယ်ပေါ့နော်။ ဒါပေမဲ့ အခုထိ မလွှတ်ဘူးပေါ့။ မလွှတ်တဲ့ အပေါ်မှာ အဲဒီကိစ္စကို သူထပ်ပြီး လုပ်နေတယ်၊ ပြီးတော့ ကျမ အမျိုးသားက လိုအပ်တဲ့ ဆေးကုသမှု မရလို့ အခုလို အောက်ပိုင်းသေတယ်၊ အသည်းကင်ဆာ ဆဲလ် ပြန့်သွားတဲ့ အပေါ်မှာ နိုင်ငံတကာ သိအောင် သူလုပ်ပေးပါ့မယ်၊ ဆက်ပြီးတော့လည်း သူ လုပ်သင့်တာ လုပ်မယ်၊ ပြီးတော့ လတ်တလော ဘာလုပ်ပေးဖို့လိုလဲ၊ လိုအပ်တာရှိရင် လုပ်ပေးမယ်ပြောပါတယ်။ ကျမတို့အနေနဲ့ ကတော့ လတ်တလောကတော့ ဘာမှ လုပ်လို့ မရဘူးပေါ့နော်။ ဆေးတွေနဲ့ပဲ သူ အဲလိုမျိုး ထိန်းပြီးတော့ နေရတဲ့ကာလဆိုတော့ အခု ဒီ ခြေထောက်ကြီး အောက်ပိုင်း သေသွားတာကလည်း ခွဲလို့လည်း ပြန်မှ မကောင်းတော့တာ။ အသည်းမှာ အကြိတ်တွေ ပြန့်နေတာလည်း မပျောက်တော့ တဲ့ဟာ - အဲဒီတော့ အခု လတ်တလောတော့ မလိုပါဘူးပေါ့နော်။ ကျေးဇူးတင်ပါတယ်။ ကျနော် ဒီအတိုင်းလေးပဲ နေပါ့မယ်လို့ သူက ပြောလိုက်တယ်။”

မစ္စတာကင်တာနားဟာ ကိုဖြိုးဝေအောင်အပြင် အင်းစိန်ထောင်က နိုင်ငံရေးအကျဉ်းသား ၂ ဦးကိုလည်း တွေ့ဆုံခဲ့တယ်လို့ ဆိုပါတယ်။

နိုင်ငံရေးအကျဉ်းသား ကူညီစောင့်ရှောက်ရေးအသင်း မြန်မာနိုင်ငံကတော့ မြန်မာနိုင်ငံမှာ နိုင်ငံရေး ယုံကြည်ချက်ကြောင့် အကျဉ်းကျသူပေါင်း ၄၄၀ ကျော် ရှိနေသေးတယ်လို့ ဆိုပါတယ်။ ဒီအထဲက ကျန်းမာရေးဆိုးနေသူတွေ အများအပြားရှိနေသေးကြောင်း၊  အင်းစိန်ထောင်တွင်းက ကျန်းမာရေး ဆိုးဝါးနေတဲ့ နိုင်ငံရေးအကျဉ်းသား ၅ ဦးခန့်နဲ့ တွေဆုံဖို့ကိုတော့ မစ္စတာကင်တာနားကို စာရေးသား မေတ္တာရပ်ခံခဲ့တယ်လို့ ဆိုပါတယ်။ နိုင်ငံရေးအကျဉ်းသားများ ကူညီစောင့်ရှောက်ရေး အသင်းရဲ့ အထွေထွေအတွင်းရေးမှူး ကိုတိတ်နိုင် ပြောပြတာက -

“ကိုဖြိုးဝေအောင်၊ ကိုစံရှား၊ ကိုအောင်ကျော်မင်းတို့ ဆိုလို့ရှိရင် ကျန်းမာရေး တော်တော်ကို မကောင်းတဲ့ အထဲမှာ ပါပါတယ်။ ဆေးရုံ ခဏ ခဏ တက်နေရတဲ့ အနေအထားမျိုး ရှိပါတယ်။ အဲဒီလူတွေကိုတော့ အဓိကထား တွေ့ဖို့ပေါ့လေ။ ကျန်ရှိနေတဲ့ နိုင်ငံရေး အကျဉ်းသား လွတ်မြောက်ရေးနဲ့ ပတ်သက်ပြီးတော့ မစ္စတာကင်တားနားအနေနဲ့ လက်ရှိအစိုးရကို ပြတ်ပြတ်သားသားလုပ်ဖို့ ပြောပြခဲ့ပါတယ်။”

မစ္စတာကင်တားနားရဲ့ခရိးစဉ်အတွင်းမှာ နိုင်ငံရေး အကျဉ်းသားတွေ လွတ်မြောက်ရေးအတွက် ကြိုစား ဆောင်ရွက်မှုတွေအပေါ်မှာ နိုင်ငံရေး အကျဉ်းသားတွေရဲ့ မိသားစုတွေက အကျဉ်းသားတွေ ပြန်လွတ်မြောက်ရေးအတွက် မျှော်လင့်နေကြတာလည်း ဖြစ်ပါတယ်ရှင်။

ကင်တားနားရှေ့ ဒုက္ခသည်တချို့ ဆန္ဒပြ

quintana met media in rakhine state

31.07.2012

မြန်မာနိုင်ငံဆိုင်ရာ ကုလသမဂ္ဂ လူအခွင့်အရေး အထူးကိုယ်စားလှယ် တောမတ်စ်အိုဟေး ကင်တားနား နဲ့ အဖွဲ့ ဟာ ဒီကနေ့ နေ့ခင်းပိုင်းက ရခိုင်ပြည်နယ် မောင်တောမြို့ကို ရောက်ရှိ ခဲ့ပြီး မောင်တောမြို့က ဒေသခံ ရခိုင်နဲ့ မြန်မာတိုင်းရင်းသားတွေက မြန်မာနိုင်ငံရဲ့ အချုပ်အခြာ အာဏာကို လေးစားပါ၊ မျှမျှတတ ဆက်ဆံပါ ဆိုတဲ့ စာတမ်းတွေ ကိုင်ဆောင်ပြီး ဆန္ဒပြခဲ့ကြပါတယ်။ မစ္စတာကင်တာနားနဲ့ အဖွဲ့ဟာ ဒီကနေ့ မောင်တောမြို့နဲ့ အနီး အနားမှာရှိတဲ့ ဒုက္ခသည်စခန်းတွေကို သွားရောက်လေ့လာပြီး နောက်ရက်တွေမှာ စစ်တွေမြို့ဘက်ကို လေ့လာ မှာဖြစ်ပါတယ်။ သတင်း အပြည့်အစုံကိုတော့ ဆက်သွယ်စုံစမ်းထားတဲ့ ထိုင်းအခြေစိုက်သတင်းထောက် ကိုမိုးဇော်က တင်ပြမှာ ဖြစ်ပါတယ်။

မြန်မာနိုင်ငံကို ရောက်ရှိနေတဲ့ လူ့အခွင့်အရေးအထူးကိုယ်စားလှယ် မစ္စတာကင်းတာနားနဲ့ အဖွဲ့ဟာ ဒီကနေ့ မနက် ၉နာရီကျော်လောက်က စစ်တွေမြို့ကို ရောက်ရှိပြီး အဲဒီကနေ တဆင့် မောင်တော မြို့ကို ရဟတ်ယာဉ် ၃စီးနဲ့ ဆက်လက်ထွက်ခွာခဲ့တာဖြစ်ပါတယ်။ နေ့ခင်း ၁နာရီaလာက် က မောင်တော မြို့ကို ရောက်ရှိပြီး ဒုက္ခသည်စခန်းတွေကို သွားရောက် လေ့လာကြောင်း မောင်တော မြို့ ဗဟိုဘုန်းတော်ကြီးကျောင်း ကယ်ဆယ်ရေးစခန်းက ဆရာတော်ဦးအာစရက  မိန့်ကြားပါတယ်။

“၁ နာရီမှာ လေယာဉ်ဆိုက်တယ်၊ လေယာဉ်ဆိုက်ပြီးတော့ ဘုတ်ဆိပ်နားက ဒေ၀ါနဒီ ခန်းမ မှာ နေ့လယ်စာ စားပါတယ်၊ စားပြီးတော့ ခရိုင်အုပ်ချုပ်ရေးမှူးရုံးကို ၀င်ပါတယ်၊ ပြီးတော့ အ ထ က (၁) ၊ ပြီးတော့ ဈေးစခန်း ရယ်၊ အလိုတော်ပြည့်ကျောင်း ရယ် သူတို့ ၀င်ပါတယ်၊ နောက် ဝေသာလီ ၄မိုင် ကယ်ဆယ်ရေး စခန်းရယ်၊ သွားမယ်။ ပြီးတော့ ဒီနေ့ ညနေမှာ ဘူးသီးတောင် ဆက်သွားမယ် လို့ သိရတယ်။ သူတို့ လာမယ့်စာရင်းထဲမှာ ဦးဇင်းတို့ကျောင်း မပါပါဘူး”

လောလောဆည် မောင်တောမြို့ပေါ်မှာ ကယ်ဆယ်ရေးစခန်း ၅ခုနဲ့ အလယ် သံကျော်ရွာမှာ ကယ်ဆယ်ရေးစခန်း ၁ခု၊  စုစုပေါင်း ကယ်ဆယ်ရေးစခန်း ၆ခုရှိပြီး လူဦးရေ ၄၀၀၀နီးပါးလောက် ရှိနေတာဖြစ်ပါတယ်။ မစ္စတာကင်တာနားနဲ့ အဖွဲ့ နေ့စာစားပြီး ထွက်လာချိန်မှာတော့ မောတောမြို့ပေါ် က ဒေသခံ ရခိုင်နဲ့ မြန်မာ တိုင်းရင်းသားတွေက ကုလသမဂ္ဂအလိုမရှိကြောင်း တီရှပ်တွေ ၀တ်ဆင် ပြီး ဆန္ဒပြခဲ့တယ်လို့ မောင်တော မြို့ခံ တယောက်  က ပြောပါတယ်။

“မစ္စတာ ကင်တားနား ရောက်တဲ့အချိန်မှာ ဒီမောင်တောမြို့ပေါ်က ဒေသခံတိုင်းရင်းသားတွေက UN အလိုမရှိ ဆိုတဲ့ အင်္ကျီတွေ ၀တ်ပြီးတော့ သဇင်တည်းခိုခန်းရှေ့မှာ ဆန္ဒ ထုတ်ဖော်ကြ တာ တွေ့ရ ပါတယ်။ လူအင်အား ကတော့ ကြည့်ရသလောက် ဆိုရင် ၁၀၀ ၀န်းကျင်လောက် ရှိမယ် ထင်ပါတယ်။ သူတို့ ကိုင်ထားတာကတော့ နိုင်ငံတော် သမ္မတရဲ့ ဆုံးဖြတ်ချက်ကို လေးစားပါ၊ မြန်မာနိုင်ငံရဲ့ အချုပ် အခြာအာဏာကို လေးစားပါ၊ တိုင်းရင်း သားတွေရဲ့ လူ့အခွင့်အရေးကို လေးစားပါ၊ မျှမျှတတ ဆက်ဆံပါ။ အဲဒါ တောင်းဆိုတာ တွေ့ရပါတယ်”

ဒီလိုတောင်းဆိုတာကတော့ ကုလသမဂ္ဂလက်အောက်ခံ အဖွဲ့အစည်းတွေက ဒေသခံ တိုင်းရင်းသားတွေအပေါ် အလေးမထားဘူးလို့ ဒေသခံတွေက ယူဆတာကြောင့် ဖြစ်တယ်လို့ သူက ဆက်ပြောပါတယ်။

“အဓိက တောင်းဆိုတာကတော့ UNHCR က အရင်တုန်းက ဆိုလို့ရှိရင် မူစလင်တွေကိုပဲ အဓိက ထားပြီးတော့ ပံ့ပိုးနေတယ်၊ ဒေသခံရခိုင်တိုင်းရင်းသားတွေရဲ့ အခွင့်အရေးတွေကို သိပ်ဂရုမထား တဲ့အတွက် UN ကို သိပ် အလို မရှိတဲ့သဘော တွေ့ရပါတယ်”

ဒီလို ဆန္ဒပြကြတဲ့ သူတွေကိုတော့ ကုလသမဂ္ဂယာဉ်တန်းပေါ်ကနေ ဓါတ်ပုံနှင့် ဗီဒီယို ရိုက်ယူသွား တာတွေ ရှိကြောင်း။ ဆန္ဒပြသူတွေဟာ ငြိမ်းချမ်းစွာ အသံတိတ် ဆန္ဒပြကြပြီး အေးအေး ချမ်းချမ်း ပြီးဆုံးသွားကြောင်း ဒေသခံတွေက ပြောပါတယ်။

မစ္စတာကင်တာနားနဲ့ အဖွဲ့ဟာ ဒီကနေ့ညနေပိုင်းမှာ ဘူးသီးတောင်မြို့ဘက်ကို လေ့လာပြီး မနက်ဖြန် မှာတော့ စစ်တွေမြို့ကို ဆက်လက်လေ့လာဖွယ်ရှိကြောင်း စစ်တွေမြို့က ရခိုင်တိုင်းရင်းသားများ တိုးတက်ရေးပါတီက တာဝန် ရှိသူတယောက် ခန့်မှန်းပါတယ်။

ဒီခရီးစဉ်နဲ့ပတ်သက်ပြီး ကုလသမဂ္ဂနဲ့ ပြည်နယ်အစိုးရရဲ့ တာဝန် ရှိသူ တွေကို ဆက်သွယ်ပေမဲ့ ဆက်သွယ်လို့ မရခဲ့ပါဘူး။ ရခိုင်ပြည်နယ်အတွင်းမှာ ပြီးခဲ့တဲ့လအတွင်းက ဒေသခံ ရခိုင် တိုင်းရင်းသားတွေ နဲ့ အစ္စလာမ်ဘာသာဝင် ဘင်္ဂလီ အမျိုးသားတွေအကြားမှာ အဓိကရုဏ်း ဖြစ်ပွားခဲ့ပြီး အနည်းဆုံး လူ ၇၇ယောက်သေဆုံးခဲ့ပါတယ်။

ဒီ အဓိကရုဏ်း တွေဟာ  စစ်တွေ၊ မောင်းတောနဲ့ ဘူးသီးတောင်မြို့တွေမှာ အဓိက ဖြစ်ပျက်ခဲ့ပြီး စုစုပေါင်းနေအိမ် ၄၈၀၀ကျော်၊ ဗလီ၁၇လုံး၊ ဘုန်းကြီးကျောင်း ၁၅ကျောင်းနဲ့ စာသင်ကျောင်း ၃ကျောင်း မီးလောင် ပျက်စီးခဲ့ပါ တယ်။