သင်္ခါရ တရား နဲ့ စစ်အာဏာရှင်များ - အပိုင်း (၁) အပိုင်း (၂)

by Cho Lay on Saturday, July 28, 2012 at 10:50pm ·

ဆောင်းပါးရှင် - ပြည်တွင်းမှ စစ်ဘက်နီးစပ်သူများ
Wednesday, 27 July 2011 09:08

ဒီနေ့ စစ်အာဏာရှင် ပေါက်စလေးတွေလည်း သင်္ခါရတရားကို နမူနာယူကြဖို့ လိုကြောင်းနဲ့ နောက်နေ့တွေမှာ အထူး သတင်းဆောင်းပါးတွေ အဖြစ် ဆက်လက် တင်ပြသွားမှာ ဖြစ်ကြောင်း သတင်းကောင်း ပါးလိုက်ပါတယ်။ ဗိုလ်ခင်ညွှန့် လျှမ်းလျှမ်းတောက် တန်ခိုးအာဏာ ထွားခဲ့စဉ်က ကက(ကြည်း)ကို ကိုင်ထားတဲ့ ဗိုလ်မောင်အေး အနေနဲ့ တိုင်းမှူးတွေကို “မင်းတို့ ထောက်လှမ်းရေးက ခိုင်းတိုင်း လိုက်မလုပ်နဲ့”“ငြိမ်းချမ်းရေးအဖွဲ့တွေ များလာတိုင်း အထင်ကြီးစရာမရှိဘူး” လို့ မှာကြားခဲ့ဘူးပါတယ်။

ဒါပေမဲ့ အဲဒီလို မှာကြားထားတဲ့ကြားထဲက တိုင်းမှူး တွေဟာ ဗိုလ်ခင်ညွှန့်ကို ကြောက်ရွံ့ကြလို့ ကက(လှမ်း)နဲ့ ကက(ကြည်း) စစ်ဦးစီး (ဗိုလ်မှူးချုပ်) စစ်ဆင်ရေး တို့ တိတ်တဆိတ် ညှိနှိုင်းကာ အောက်ခြေမှာ နားလည်မှု ယူ ကာလုပ်ပေးကြ ရတယ်လို့ သိရှိ ရပါတယ်။
မပခ တိုင်းမှူး ဖြစ်ခဲ့ဘူးတဲ့ ဗိုလ်ချုပ် စောလွင်ဆိုရင် ကေအိုင်အေနှင့် ဆက်ဆံရေးမကောင်းလို့ ကကလှမ်း Report နှင့် ဌာနလက်ကိုင် မရှိ ၀န်ကြီးအဖြစ် လွှင့်သွားခဲ့ဘူးပါတယ်။



ရမခတိုင်း သို့ စစ်သံမှူးများနဲ့ နိုင်ငံတကာက သံတမန်များ သွားရောက် လည်ပတ်တဲ့ ခရီးစဉ် တစ်ခုမှာ ကက (လှမ်း) က ကက(ကြည်း) ရဲ့ အရှိန်အ၀ါကို အသုံးပြုပြီး တိုင်းမှူးအား ခိုင်းလိုက်တာကြောင့် ဗိုလ်မောင်အေး မသိလိုက်ရတာမို့ ဒေါသူပုန် ထခဲ့ပါတယ်။ ဗိုလ်သန်းရွှေက သူတို့နှစ်ယောက် မတည့်တာကို အကြောဖြေခိုင်းတဲ့အနေနဲ့ သင်္ကြန် အခါတော်ရက် ကျတိုင်း ဗိုလ်ခင်ညွှန့်ရဲ့ ထောက်လှမ်းရေး ရေပက်ခံ မဏ္ဍပ်သို့ ဗိုလ်မောင်အေးအား သွားခိုင်းပါတယ်။ နှစ်တစ်နှစ်ရဲ့ သင်္ကြန်ကာလမှာ ဒေါက်တာဒေါ်တင်ဝင်းရွှေက အမျက်တော်ပြေ အဓိပ္ပာယ် စာသားပါတဲ့ သီချင်းကို အေ၀မ်းစိုးမြင့် တီးဝိုင်းနှင့် သီဆိုပြီး မြန်မာ့ရုပ်မြင်သံကြားတွင် ပြတဲ့အထိ ဖြစ်ခဲ့ဖူးပါတယ်။ ကျောက်တော်ဘုရားကြီး တည်ခဲ့တဲ့ ဗိုလ်ခင်ညွှန့်အပေါ် ဗိုလ်သန်းရွှေက ဘ၀င်မကျ ဖြစ်ခဲ့ပါတယ်။

ဒေါက်တာ ဒေါ်ခင်ဝင်းရွှေ အမျိုးသမီးရေးရာနှင့် မိခင်နှင့်ကလေးတို့တွင် လှုပ်ရှားဆောင်ရွက်မှုတို့ အပေါ် ဒေါ်ကြိုင်ကြိုင်အား နေရာ မပေးတဲ့အတွက် အမျက်တော် ရှတာကိုခံရပါတယ်။ ရွှေတိဂုံဘုရားရင်ပြင် အထက်ပစ္စယံ ပတ္တမြား မျက်ရှင် ဘုရားကြီးပေါ် သို့ ရွှေတိဂုံဘုရား ထီးမတင် ခင် ဗိုလ်ခင်ညွှန့် မနက်တိုင်း သွားရောက် ပုတီးစိတ် ဘုရားဝတ်ပြုတာကို ဗိုလ်သန်းရွှေက သဘောမကျကြောင်း သိရှိရပါတယ်။ အမျိုးသားညီလာခံ စတင်ကျင်းပစဉ် အချိန်ကာလက ဒေါ်အောင်ဆန်းစုကြည် အား လွှတ်မယ်ပြောပြီးမှ ပြန်လည်ရုတ်သိမ်းခိုင်းတဲ့ ဗိုလ်သန်းရွှေနဲ့ ဗိုလ်ခင်ညွှန့် သဘောထား ကွဲလွဲခဲ့တယ်လို့ သိရှိရပါတယ်။

အခုအချိန် မှာတော့ ဗိုလ်ချုပ်ကြီး ခင်ညွှန့်ဟာ လှောင်အိမ် ထဲက ငှက်ငယ်လေး သဖွယ် အကျယ်ချူပ် စံမြန်း နေရတာ ဟာဖြင့် တရား ကျစရာ ကောင်းလှပါတယ်။ ဗိုလ်ချုပ်ကြီး ခင်ညွှန့်ဟာ နအဖ အဖွဲ့အတွင်း တန်ခိုးအာဏာ အထက်ဆုံးလို့ ပြည်တွင်းက သတ်မှတ် ခဲ့ကြပါတယ်။ သူ့လက်သူ့ခြေနဲ့ ၁၉၈၈ မှ ၂၀၀၃ ခုနှစ်ထိ နေရာပေး ခံရသူ ဖြစ်ပါတယ်။ ဦးနေ၀င်းရဲ့  မြေး ဇွဲနေ၀င်းတို့ ကိစ္စနဲ့ စပ်လျဉ်းပြီး အာဏာရှင် ဗိုလ်သန်းရွှေက စတင် အညှိုးထား ခဲ့ရာမှ ဗိုလ်ခင်ညွှန့် “နေ၀င်” မှု စတင်ခဲ့ပါတယ်။ ပုဂံရှိ ဘုရားတဆူကို ဗိုလ်ခင်ညွှန့် ဦးစီးလုပ်တဲ့ ဘုရားကြီး ထီးတင်ပွဲမှာ ဘုရားထီး တည့်တည့် အနောက်ဘက်က တိုက်ဆိုင်စွာဖြင့် “နေ၀င်” သွားသည့် နိမိတ်ဆိုးများ ဖြစ်ပေါ်ခဲ့ပါတယ်။

ဒေသဖွံ့ဖြိုးရေး စီမံကိန်း တည်ဆောက်ရေး လုပ်ငန်းခွင် တခွင်မှာ စစ်ဆေးနေခိုက် ဗိုလ်ခင်ညွှန့်ဟာ သူသွားရမဲ့ လျာထားတဲ့ လမ်းကြောင်း အတိုင်း မသွားဘဲ ဘုန်းကံနိမ့်စေမဲ့ တန်းအောက်တွေ ရှိတဲ့ လမ်းကြောင်းကို ဖြတ်သွားမိ တဲ့ ရှေ့ပြေးနိမိတ်ဆိုးများ အဖြစ် တွေ့နေရပါတယ်။ ဗိုလ်ခင်ညွှန့်က ဘုန်းကြီး (၉) ပါး ဆွမ်းကပ်ချင်လို့ ခွင့်တောင်းချိန်မှာ ဗိုလ်သန်းရွှေက ယတြာချေမှာ စိုးရိမ်လို့ (၉)ပါး အစား (၃) ပါးသာ ခွင့်ပြုခဲ့ပါတယ်။

သွားရောက်ခဲ့တဲ့ ဆရာတော်ကြီး တစ်ပါးက ဆွမ်းကပ်ခံရချိန်မှာ အချိုပွဲ ချိုတဲ့စွာ ကပ်နေရတဲ့ ဗိုလ်ခင်ညွှန့်ကို မြင်ရလို့ သင်္ခါရ တရားကျလှကြောင်း၊ မင်းမှုထမ်း ကမ်းနားသစ်ပင် ဖြစ်ကြောင်း ပြောခဲ့တယ်လို့ သိရပါတယ်။ ဗိုလ်ခင်ညွှန့် ဆံပင်တွေဟာ ယခင်က အရောင်ဆိုးထားပြီး ယခုအခါ မဆိုးနိုင်ဘဲ တခေါင်းလုံး ဖြူဖွေးနေတဲ့အပြင် နေ့စဉ် တရားထိုင်နေရတဲ့ သူ့ဘ၀၊ ရဲတပ်ရင်း မှ စောင့်ကြပ်မှု နဲ့ အချုပ်ခံနေရတဲ့ ဘ၀ထဲမှာ မမြင်ရက်နိုင်စရာ၊ မကြည့်ရက်နိုင်စရာ သိမ်ငယ် နွမ်းပါးနေလို့ စုတ်တသတ်သတ်နဲ့ တရားကျလှ စရာ ကောင်းကြောင်း၊ ဗိုလ်ခင်ညွှန့် လွှတ်ဖို့ရန် လောလောဆယ် မဖြစ်နိုင်သေးကြောင်း၊ ဒေါ်အောင်ဆန်းစုကြည်နှင့် ဗိုလ်ခင်ညွှန့် ပေါင်းသွား မှာ ကို မလိုလားကြောင်း၊ ဗိုလ်ခင်ညွှန့် မူလအိမ်တွင် ရှိနေခဲ့စဉ်က ပြင်ပနှင့် အဆက်အသွယ်ရှိတယ်လို့ စစ်အာဏာရှင်တွေက သံသယ၀င်လာကာ မိုးသည်းထန်စွာ ရွာသွန်းတဲ့ညမှာပင် ရဲချုပ်နဲ့ အကျဉ်း ညွှန်ကြားရေးမှူးချုပ် ဦးဇော်ဝင်းတို့အား ချက်ချင်း နေရာပြောင်းရွှေ့ ခိုင်းပြီး ပိုမိုတင်းကြပ်တဲ့ အကျယ်ချုပ် ဘ၀သို့ စံမြန်းခဲ့ရတဲ့ ဖြစ်စဉ်ကို သံဝေဂတရား ကျလှပါကြောင်း၊ ပြည်တွင်းက စစ်ဘက်နီးစပ်သူများက စည်းလုံးခြင်းရဲ့အင်အား ၀က်ဘ်ဆိုဒ်သို့  ဆောင်းပါးပေးပို့လာပါတယ်။

Source: http://www.photayokeking.org/armydevelopment/sunsetofdictator/605-myit-yu-ra-ai-lam-ni-law-law-

သင်္ခါရ တရား နဲ့ စစ်အာဏာရှင်များ - အပိုင်း (၂)

by Cho Lay on Saturday, July 28, 2012 at 10:43pm ·

ဆောင်းပါးရှင် - စစ်ဘက်နီးစပ်သူများ

ဗိုလ်ချုပ်ကြီး ခင်ညွှန့်ဟာ သူ့ကိုထားမဲ့ အကျယ်ချုပ်အိမ်ကို စတင်ခေါ်ဆောင်လာတဲ့ နေ့မှာဘဲ သူ့ရဲ့ ယူနီဖောင်းအား လဲလှယ်ဖို့ ကက(ကြည်း)က အမိန့်ပေးမှုကို မခံနိုင်ဘဲ အမြင့်မှ ရုတ်တရက် ပြုတ်ကျလာသူရဲ့ စိတ်ထိခိုက် ပေါက်ကွဲမှုနဲ့အတူ ငြင်းဆန်ခဲ့လို့ ညစဉ်သူအိပ်တိုင်း အနီးကပ် စောင့်ကြည့်ဖို့ ထားရတဲ့ အာဏာပါးကွက်သား လူကြမ်း(၂) ဦးနဲ့ နှစ်ပါးသွားရပုံဟာဖြင့် သံဝေဂ ရစရာ ကောင်းလှပါတယ်။

အင်းလျားကန်ကြီးဟာ မြန်မာနိုင်ငံ ထိပ်ပိုင်းခေါင်းဆောင်တွေရဲ့ လှုပ်ရှားမှု ပုံရိပ်တွေကို သက်သေ ထူနေပါတယ်။ ကိုလိုနီခေတ်မှာ ဂဠုန်ဦးစောဟာ ၀န်ကြီးချုပ် ဖြစ်ခဲ့ပြီးမှ အမျိုးသား ခေါင်းဆောင် ဗိုလ်ချုပ်အောင်ဆန်းကို လုပ်ကြံခဲ့လို့ မြန်မာ့သမိုင်းမှာ အရုပ်ဆိုးစေတဲ့ အဲဒီဖြစ်ရပ်ကို အင်းလျားကန်ကြီးက သိနေခဲ့တဲ့ အကြောင်း ပထမဦးစွာ တင်ပြချင်ပါတယ်။

ဦးနေ၀င်းသမီး ဒေါ်ခင်စန္ဒာဝင်းပုံ

အဲဒီတုန်းက အင်းလျားကန်စောင်း နံဘေးမှာ ဂဠုန်ဦးစောနဲ့ နောက်ပါ လက်ပါးစေများဟာ အရက်သေစာ သောက်စားပျော်ရွှင် မြူးတူးခဲ့ကြပြီး လက်နက်ခဲယမ်း သေတ္တာတွေကို အင်းလျားကန် အတွင်း မြုပ်နှံခဲ့ကြတာ ဖြစ်ပါတယ်။ ဂဠုန်ဦးစောသမီး အိမ်မှန်းမသိဘဲ ကား အရောင်းအ၀ယ် ကိစ္စနဲ့ ရောက်သွားသူ တစ်ဦးဟာ အဲဒီအိမ်မှာ ချိတ်ထားတဲ့ ဦးစော ဓာတ်ပုံကြီးကို ရုတ်တရက် မြင်လိုက်ရချိန်က ဦးစောမှန်း မသိသေးဘဲ ကျက်သရေမရှိ ယုတ်မာ ကောက်ကျစ်တဲ့ မျက်နှာလို့ မှတ်ချက် ပြုခဲ့ဖူးပါတယ်။

နောက်ပိုင်း ဦးစောမှန်း သိပြီးနောက် အဲဒီအိမ်နဲ့ မပတ်သက်တော့ဘဲ ဝေးဝေးက ရှောင်ပါတော့တယ်။
ဂဠုန်ဦးစောရဲ့ သားစဉ် မြေးဆက် တလျှောက်ဟာ ရောက်လေရာ နေရာတိုင်းမှာ မြန်မာပြည်သူတွေက ရှုတ်ချ အပယ်ခံတဲ့ဘ၀ ရောက်ခဲ့ရပါတယ်။

ပြည်သူလေးစား ချစ်ခင်တဲ့ ဗိုလ်ချုပ်အောင်ဆန်းကို သတ်တဲ့ ဂဠုန်ဦးစောကို ရှုတ်ချ သေဒါဏ်ပေးအပ်ခဲ့သလို ပြည်သူလေးစား ချစ်ခင်တဲ့ ဗိုလ်ချုပ်အောင်ဆန်း သမီး ဒေါ်အောင်ဆန်းစုကြည်ရဲ့ ဘ၀ကို သတ်သလို နှစ်ရှည် နေအိမ် အကျယ်ချုပ် ချထားတဲ့ ဘီလူးသန်းရွှေကိုလည်း ရှုတ်ချ သေဒါဏ်ပေးဖို့ သင့်ပါတယ်။ အင်းလျားကန် စောင်းနံဘေးမှာ ရှိတဲ့ ဒေါ်ဝါ၀ါဝင်းရွှေရဲ့ ဟိုတယ်မှာ အာဏာရှင်တွေ အားကိုးနဲ့ ဒုစရိုက်ပေါင်းစုံ ဖွင့်ခွင့်ပြုခဲ့ရာ လွတ်မြောက်နယ်မြေ ဖြစ်နေပြီး အာဏာရှင်တွေကိုယ်တိုင် ဟိုတယ်မယ်လေးတွေနဲ့ ပျော်ပါးရာ နေရာလေး ဖြစ်နေပါတယ်။

ဒါ့အပြင် ကိုတေဇရဲ့ အဖား ကောင်းမှုကြောင့် ဗိုလ်သန်းရွှေရဲ့ မြေးလေး မူယစ်ဆေးစွဲတဲ့အခါကျမှ အာဏာရှင် ဗိုလ်သန်းရွှေလည်း မျက်ဖြူဆိုက်ရတဲ့ဘ၀ ဆိုက်ရောက်ခဲ့တဲ့ အထိ ဖြစ်ခဲ့ပါတော့တယ်။

မဆလခေတ်က အင်းလျားကန်စောင်း အင်းလျားကန် ဟိုတယ်မှာ ဦးနေ၀င်းရဲ့ သမီးတွေဟာ Night Club “ပွတ်သဘင်” ပွဲ သံတမန်တွေနဲ့ ပျော်ရွှင်စွာ ဆင်နွှဲမြူးတူးခဲ့လို့ ဦးနေ၀င်း ဒေါသူပုန်ထ သွားရောက် ကြမ်းရမ်းခဲ့ရာမှ သံတမန်တွေနဲ့ တီးဝိုင်းသမားများ ပြေးသူပြေး ပုန်းသူပုန်း ရုပ်ပျက် ဆင်းပျက် ဖြစ်ခဲ့ရတဲ့ ဖြစ်စဉ် တွေကိုလည်း အင်းလျားကန်ကြီးက သိရှိပြီး ပုံရိပ်ထင်ခဲ့ပါတယ်။

ဒေါ်ခင်စန္ဒာဝင်း ဟာ သူမ စီးလာတဲ့ ကားနဲ့ ရဲချုပ် စံသိန်းရဲ့ သမီး စီးလာတဲ့ကား ရုတ်တရက် တိုက်ခံရစဉ်မှာ ဒေါ်ခင်စန္ဒာဝင်း က “ကိုခင်ညွှန့် ကြည့်လုပ်ပေးပါဦး” ဆိုပြီး တိုင်တဲ့အပြင် ဦးနေ၀င်းက “ခင်ညွှန့် ငါမသေ သေးဘူး” လို့ ငေါက်ငမ်းတဲ့အတွက် ရဲချုပ် စံသိန်းခမျာ စပိန် သံအမတ်ကြီးအဖြစ် နှင်ထုတ်ခြင်းကို ခံလိုက်ရပါတယ်။

ဒီဖြစ်စဉ်ကို သိနေတဲ့ နောက်တက်လာတဲ့ ရဲချုပ် ဗိုလ်မှူးကြီး စိုးဝင်းဟာ ဦးနေ၀င်း မြေးတွေကို အစွမ်းကုန် “ဖား” ပြီး အကာအကွယ် ပေးတာမို့ ဦးနေ၀င်း မြေးတွေကလည်း ရဲတွေအတွက် ၀တ်စုံချုပ်ပေး ငွေကြေးအင်အား ပံ့ပိုးထားကြလို့ ရန်ကုန်မြို့မှာ တရားဥပဒေမဲ့ ကြမ်းချင်တိုင်း ကြမ်း၊ ရမ်းချင်တိုင်း ရမ်း သောင်းကျန်း ကြတာကြောင့် သူတို့စီးလာတဲ့ ကားဆိုရင် ဝေးဝေး ရှောင်ကြရပါတယ်။ အဲဒီနောက် ဦးနေ၀င်း ဇာတ်သိမ်းတဲ့ အချိန်မှာ ဗိုလ်မှူးကြီး စိုးဝင်းကို တန်းဖြုတ်ခဲ့ပါတော့တယ်။ အလားတူ သနက (၄) တပ်ရင်းဟာ ဦးနေ၀င်းရဲ့ အနီးကပ် လုံခြုံရေး တာဝန်ယူရတဲ့ တပ်ရင်း ဖြစ်ပါတယ်။

တပ်ရင်းမှူး ဒုဗိုလ်မှူးကြီး ကျော်မြင့်ဟာ ဦးနေ၀င်း အရှိန်အ၀ါ သုံးကာ တိုင်းစစ်ဌာနချုပ် အစည်းအဝေး တွေမှာတောင် အဖေကြီး (ဦးနေ၀င်း) နေမကောင်းလို့ အကြောင်းပြကာ မထီမဲ့မြင် လုပ်တဲ့ အခြေအနေ ရှိပါတယ်။ အဲဒီတပ်ရင်းက စစ်သည်တွေနဲ့ ပြဿနာဖြစ်တိုင်း၊ ဖြစ်တဲ့သူဟာ ဘယ်လောက်မှန်မှန် အရှုံးနဲ့ ရင်ဆိုင်ရစမြဲမို့ ရန်ကုန်တိုင်း စစ်ဌာနချုပ် တပ်ချင်း တူတာတောင် သနက (၄) တပ်ရင်းအနေနဲ့ အခွင့်ထူးခံ ရရှိသူများ ဖြစ်နေကြပါတယ်။

ဦးနေ၀င်း မြေးတွေကို အာဏာသိမ်းရန် ကြံစည်မှုအတွက် အရေးယူတာ မဖြစ်ပွား ခင်လေးမှာ ဦးနေ၀င်း မြေးတွေရဲ့  မြှောက်စားမှုကြောင့် အဲဒီ စစ်သည်တွေကို အကောင်းစား စစ်ဝတ်စုံများ ချုပ်ပေးပြီး ငပလီ မှာတောင် အပန်းဖြေခွင့် ပေးခဲ့ပါတယ်။ ဒါပေမဲ့ ဦးနေ၀င်းနဲ့ မြေးတွေကို အရေးယူလိုက်တဲ့အခါမှာ သနက (၄) တပ်ရင်း တစ်ရင်းလုံးကို တပ်မ (၁၁) ရဲမွန်သို့ မိန်းမ၊ ကလေးတွေပါမကျန်အောင် အချုပ်ကားများနဲ့ ပို့လိုက်ပြီး စစ်ကြောရေး အထပ်ထပ် ၀င်ကာ ထောင်ချသူ ချ၊ ကျန်သူများကို ကျောက်တန်းရှိ လွင်တီးခေါင် နယ်မြေသို့ တိရိစ္ဆာန်များသဖွယ် နှင်ထုတ်ခဲ့ပါတယ်။

သူမကို မလိုမုန်းထား ပြိုင်ဘက်အဖြစ် သတ်မှတ်နေတဲ့ ဦးနေ၀င်းရဲ့ သမီး ဒေါ်ခင်စန္ဒာဝင်း ဟာ မနာလို မရှုစိတ် ဖြစ်ခဲ့ပြီး ဒေါ်အောင်ဆန်းစုကြည်ကို “သတ္တိရှိရင် သေနတ်ချင်း ပြိုင်ပစ်မလား” လို့တောင် စိန်ခေါ်ခဲ့ဖူးပါတယ်။ ဒေါ်ခင်စန္ဒာဝင်းဟာ ဦးနေ၀င်းကို နောက်ကွယ်က ကြိုးကိုင်နေသူဖြစ်ပြီး သူ့သားတွေရဲ့  အာဏာသိမ်းရေး စီမံချက်ကို ဖန်တီး ဆောင်ရွက်ခဲ့သူလည်း ဖြစ်ပါတယ်။ အဓိက အကြောင်းရင်း နောက်တချက်က ဒေါ်ခင်စန္ဒာဝင်းဟာ ဗိုလ်ခင်ညွှန့်အပေါ် သြဇာ လွမ်းမိုးနေပြီး သူမသားတွေရဲ့ ဆက်သွယ်ရေး ဂြိုလ်တု ဖုန်းကိစ္စကို န၀တက မလိုက်လျောခဲ့လို့ မကျေမနပ် ဖြစ်ခဲ့ကြပါတယ်။

သူမသားတွေဟာ တယ်လီဖုန်း ကိစ္စနဲ့ ပတ်သက်ပြီး ပြည်သူလူထု ထံက ဖုန်းတစ်လုံးကို ကျပ်ငွေ (၅) သိန်း ကြိုတင်ကောက်ခံထားရာ ထိုငွေများကို ပြန်အမ်း ပေးရန်နဲ့ လုပ်ပိုင်ခွင့်ကို န၀တက ရုတ်သိမ်းလိုက်ရာက စတင်ပဋိပက္ခ ဖြစ်ခဲ့ကြပါတယ်။ အဲဒီကိစ္စနဲ့ ပတ်သက်ပြီး ဆက်သွယ်ရေးနဲ့ ကြေးနန်းစာ တိုက်ဝန်ကြီး ဗိုလ်မှူးချုပ် ၀င်းတင် ကိုလည်း န၀တက ဖြုတ်ပစ်လိုက်ပါတယ်။

ဦးနေ၀င်း သေဆုံးတဲ့အခါမှာ အလောင်းကို မီးရှို့ပစ်ပြီး ရက်မဆိုင်းစေဘဲ ရေထဲကို မျှောချ ခိုင်းလိုက် တာကလည်း တရားကျစရာ ကောင်းလှပါတော့တယ်။ အာဏာရှင်တွေရဲ့ ဇာတ်သိမ်းပုံကို သတိသံဝေဂ ယူပြီး တပ်မတော်သားများ အနေနဲ့ မတရားတဲ့ အမိန့်နဲ့ ဖောက်ပြန် နေကြတဲ့ စစ်အာဏာရှင်တွေရဲ့ လက်အောက်မှာ ဆက်လက်ရပ်တည် နေကြမယ်ဆိုရင် သမိုင်း ဒါဏ်ခတ် ခံရကာ “ရဲဘော်သေ၊ သေသော်ငရဲလား” မည် ဖြစ်ကြောင်း ဆင်ခြင်သုံးသပ်နိုင်ရန် စစ်ဘက်နီးစပ်သူများက စည်းလုံးခြင်းရဲ့အင်အား ၀က်ဘ်ဆိုဒ်သို့ တင်ပြလာပါတယ်။

Source: http://www.photayokeking.org/armydevelopment/sunsetofdictator/614-ting-hka-ra-nae-sit-anar-shin-