အနောက်ဘက်တံတိုင်းသို့ လှမ်းမျှော်ကြည့်ခြင်း (၈)

by ငြိမ်းအေးအိမ် on Sunday, August 19, 2012 at 3:30am ·

ဖြစ်ပွားခဲ့သော ပြဿနာအပေါ်တွင် ဘာသားရေးဖိနှိပ်မှု ပုံစံပေါ်စေရန် စနစ်တကျလုပ်ဆောင်နေကြခြင်းဟု ကောက်ချက်ပြုမိသည်။ မီဒီယာများ၏  ဝင်ရောက်ထိုးဖေါက်အားကိုလည်း တွေ့မြင်နေရ၏။ (အချို့သော အသံလွှင့်ဌာန အင်တာဗျူးများတွင် ဖြေဆိုသူက “ရိုဟင်ဂျာ”ဟူသော အသုံးအနှုန်းဖြင့် ဖြေကြားခဲ့သဖြင့် ရိုဟင်ဂျာဟူသော စကားလုံး သုံးလျှင် ထိုအသံဖိုင်ကို အသံလွှင့်မပေးနိုင်ဟု ငြင်းဆိုခဲ့ကြောင်း ကြားသိရသည်။ ကြားနေရမည့် မီဒီယာဆိုသော သဘောကိုပင် သွေဖယ်ခဲ့သည့် အချို့သော မီဒီယာများ၏ ရပ်တည်မှုနှင့် လုပ်ဆောင်ချက်သည် သံသယဖြစ်ဖွယ်ကောင်း နေသည်။) ထိုဖြစ်စဉ်များအတွက်  ယခုမှ လတ်တလော ဖုတ်ပူမီးတိုက် လုပ်ဆောင်လာခြင်းမဟုတ်ပဲ လွန်ခဲ့သော နှစ်များစွာကတည်းက စနစ်တကျ ကြိုတင်စီစဉ် ထားသော စီမံချက်များဖြစ်နိုင်ကြောင်း တွေးတောမိစရာဖြစ်လာသည်။
“ရခိုင်မြောက်ပိုင်းဟာ အာရှရဲ့ ကိုဆိုဗို ဖြစ်လာနိုင်မလား” ဟူသည့် ခေါင်းစဉ်ဖြင့်ဖေါ်ပြထားသော ဆောင်းပါးတစ်ပုဒ်ပါ ရေးသားချက်သည်လည်း ရခိုင်အရေးတွင် ထည့်သွင်းစဉ်းစားဖို့ကောင်းသော နှိုင်းယှဉ်ဖေါ်ပြချက် တစ်ခုဖြစ်ပါသည်။
““ ၁၉၈၁ ကိုဆိုဗိုမှာ ဆာ့တ်နဲ့ အယ်ဘေးနီးယား လူမျိုးရေး ပဋိပက္ခဖြစ်တော့ အစ္စလာမ် ဘာသာဝင် အယ်ဘေးနီးယားတွေက တိုက်ခိုက်လို့ ဆာတ့်လူမျိုး တစ်သောင်းလောက် ကိုဆိုဗိုကနေ ပြောင်းပြေးခဲ့ကြတယ်၊ ဆာ့တ်တွေရဲ့ ရှေးဘာသာရေး အဆောက်အဦးတွေ အဖျက်အဆီးခံရတယ်။ နောက်ပိုင်း ပဋိပက္ခတွေ ခဏခဏဆက်ဖြစ်နေတော့ လူနည်းစုဆာ့တ်တွေက ကိုဆိုဗိုမှာ မနေရဲ ကြတော့ဘူး။ ဒီလိုနဲ့ ကိုဆိုဗိုဟာ အယ်ဘေးနီးယားအနွယ် အစ္စလာမ်ဘာသာဝင် လူများစုနေထိုင်တဲ့ အရပ်ဖြစ်သွားခဲ့တယ်။””

ထိစပ်ဧရိယာ ဘူးသီးတောင်၊ မောင်တောအပါ လူဦးရေ (3.8)သန်း သာရှိသော ရခိုင်ဒေသသည် လူဦးရေ (148)သန်း ကျော်ရှိသော ဘင်္ဂလားဒေ့ရှ် နိုင်ငံ၏ နယ်စပ်ဒေသဖြစ်သည်။ ထိုမျှသာမက ယဉ်ကျေးမှုပေါင်းစုံ၊ သစ္စာခံမှု အမျိုးအမျိုး၊ အာဏာပြောင်းလဲမှုအကြိမ်ကြိမ်ဖြင့် မတည်မငြိမ်သောရေခံမြေခံများ ဖြစ်ထွန်းတည်ရှိနေရာ “ထိစပ်နယ်မြေ” (Boderland) တစ်ခုလည်းဖြစ်သည်။ အထူးအန္တရာယ်မျဉ်းပေါ်က ဒေသဟု ဆိုနိုင်မည်ထင်သည်။ တစ်ဘက်နိုင်ငံမှ တရားမ၀င် လှိမ့်ဝင်လာနေသော လူ၊ မတူညီသည့် ကိုးကွယ်မှုနှင့် ယဉ်ကျေးမှုဓလေ့စရိုက်များကို နိုင်သမျှအားဖြင့် အချိန်ပြည့် တွန်းလှန်အံတုထားရသော နေရာလည်းဖြစ်နေသည်။ “ဆရာကျော်ဝင်း”၏ ဆောင်းပါးတစ်ပုဒ်တွင် “ရှုတ်ထွေး သော နိုင်ငံတကာ ဆက်စပ် အခြေအနေတစ်ခုနှင့် ဆုံမိကြုံမိလျှင်၊ ဤဒေသမျိုးရှိ၊ သာမန် ဘာသာရေး၊ လူမျိုးရေး အဓိကရုဏ်းများသည်ပင် ဆိုးဆိုးဝါးဝါးအခြေအနေအထိ ဦးတည်သွားတတ်သည်။ ယနေ့ပြဿနာကြုံတွေ့နေရသော ဘူးသီးတောင်၊ မောင်တော ဒေသမှာ ဤလိုနယ်မြေမျိုးဖြစ်သည်” ဟုရေးသားထားသည်ကို ဖတ်မှတ်ခဲ့ရဖူးသည်။
ထိုသို့သော ရေခံမြေခံမျိုးရှိသည့် ဒေသတွင် “ရခိုင်နေ ဘင်္ဂါလီနွယ် မွတ်ဆလင်အုပ်စု” က (North Arankan Muslim League) ကိုတည်ထောင်ပြီး၊ “ကုလားတန်နှင့် မေယုမြစ်ကြား ဒေသ” ကို “လွတ်လပ်သော မွတ်ဆလင်နိုင်ငံ” ထူထောင်ရန် ကြိုးပမ်းမှုများ ပေါ်ပေါက်သည်အထိ ဖြစ်ခဲ့ဖူးသည်။
-               ခေတ်အဆက်ဆက်က နယ်ချဲ့ဝင်ရောက်လာသူ ဘုရင်များ၊ ကျူးကျော်စစ်ဖြင့် ရခိုင်ဒေသကိုသိမ်းပိုက် ရယူပြီး အရှင်သခင်လုပ်ခဲ့သူများ၊ အုပ်စိုးသူအဆက်ဆက်နှင့် နိုင်ငံရေးသမားများ၏ ကစားကွက်များကြားတွင် မြေဇာပင် ဖြစ်ခဲ့ကြရ၍ သမိုင်းချီနေသည့်နာကြည်းမှုများ
-               ဆင်းရဲစွာရုန်းကန်နေကြရသည့် ရခိုင်လယ်သမားများသည် လူအင်အားဖြင့်ဖိ၍တစ်ဖုံ၊ ငွေအားဖြင့်စိုးမိုး ၍တစ်နည်း တစ်ဖက်နိုင်ငံသားများ၏ ၀ါးမြိုခြင်းခံနေရမှုများ၊
-               ရင်ဆိုင်နေကြရသော အခက်အခဲအကြပ်အတည်းမှန်သမျှကို အစိုးရအဆက်ဆက်က လျစ်လျူရှုခဲ့ ကြသည်ဟု ထင်မြင်ခံစားနေရခြင်းများ၊
-               ကျူးကျော်ဝင်ရောက်စိုးမိုးလာသူတို့နှင့် ဘာသာဗေဒ၊ ယုံကြည်ကိုးကွယ်ရာ၊ ယဉ်ကျေးမှု၊ နေထိုင်ခြင်း ဓလေ့စရိုက် ကွဲပြားခြားနားလွန်းမှုများ၊
-               ထိုသို့ရင်ဆိုင်နေရသည့်အခြေအနေအောက်တွင် အမျိုးပျောက်မှာစိုးကြောက်လာသော သောကစိတ် များသည် ရခိုင်လူမျိုးတို့ကို ထိလွယ်ရှလွယ်သည့် အခြေအနေတစ်ခုရောက်အောင် တွန်းပို့ပေးနေဟန်ရှိသည်။
ရခိုင်သမိုင်းမှတ်တမ်းအချို့တွင် မကြာခဏဖေါ်ပြပါရှိသည်မှာ မြန်မာဘုရင်များ ရခိုင်ဒေသကို အုပ်ချုပ်ခဲ့သည့် (၄၂)နှစ်ကာလအတွင်း ရခိုင်အမျိုးသားများ ထိခိုက်ဆုံးရှုံးနာကျင်ခဲ့ရသည့်အချက်အလက်များ ဖြစ်နေသည်ကို တွေ့ရမည် ဖြစ်သည်။
(ဥပမာ၊ ဗမာများ နှစ်ပေါင်း၄၂နှစ်အုပ်ချုပ်စဉ်အတွင်း၊ ရခိုင်သုံးသိန်းခန့်အသတ်ခံခဲ့ရကြောင်း၊ စစ်သုံ့ပန်း ငါးသောင်းကျော်ကို ဖမ်းဆီးကာ မိထ္ထီလာကန်ကို တူးဖေါ်စေခဲ့ကြောင်း။ သေဆုံးသူသုံ့ပန်းများ၏ အရိုးကို တာရိုးဖို့ရာတွင် သုံးခဲ့ကြောင်း၊ မြောက်ဦးရွှေနန်းတော်၏ ခေါင်မိုးကြေးပြားများကိုခွာယူကာ၊ မြသိန်းတန်နှင့် မင်းကွန်းခေါင်းလောင်း သွန်း လုပ်စေခဲ့ကြောင်း၊ ရခိုင်တို့၏ အထွဋ်အမြတ်ထားရာ၊ မဟာမြတ်မုနိဘုရားကြီးကို အပိုင်းပိုင်း ဖြတ်ကာ ရခိုင် စစ်သုံ့ပန်း များ အသုံးပြုပြီး မန္တလေးသို့ ကုန်းတစ်တန်ရေတစ်တန်ခရီးဖြင့် ပင့်ဆောင်သွားကြကြောင်း၊ ပိဋကပ်သုံးပုံအပါ ရခိုင်အမွေ အနှစ် ကျမ်းဂံပုရပိုဒ်များကို အမရပူရသို့ယူဆောင်သွားကြောင်း၊ 1798တွင် ရခိုင်လေးသောင်းကို စစ်မှုထမ်းရန် ဖမ်းဆီးခဲ့ကြကြောင်း 1799တွင် ရခိုင်ဒုက္ခသည်ငါးသောင်းကျော် စစ်တကောင်းနယ်ထဲ ထွက်ပြေးကြရကြောင်းနှင့် နောက်ဆုံးတွင် ရခိုင်ပြည်တွင် ရခိုင်ဦးရေသိန်းဂဏန်းမျှသာ ကျန်တော့ကြောင်း စသည်တို့ကို ရခိုင်သားတို့ပြောပြ နေသည့် သမိုင်း စာမျက်နှာများတွင်တွေ့ရှိနေရသည်။)
အဆိုပါဖေါ်ပြထားသည့် အချက်အလက်များမည်မျှတိကျမှန်ကန်သည်ကို မဆုံးဖြတ်နိုင်သော်လည်း ထိုဖေါ်ပြ မှတ်တမ်းတင်ထားမှုများကို ဖတ်ရသည်နှင့် ရခိုင်တို့၏နှစ်ပေါင်းများစွာကတည်းက ဒဏ်ရာအနာများကို တွေ့နိုင်မည် ဖြစ်၏။
1942 တွင် ဗြိတိသျှများဆုတ်ခွာချိန်တွင် ရခိုင်-ကုလား အဓိကရုဏ်းဖြစ်ပွားခဲ့သည်။ အင်္ဂလိပ်တို့က နိုင်ငံရပ်ခြား မှ ရာပေါင်းများစွာသော ကုလားများကိုခေါ်သွင်းလာပြီး မြေယာများပေးခဲ့ခြင်းဖြင့် ကုလားမြေရှင်အများအပြားပေါ်ပေါက် လာခဲ့သည်။ တစ်ဖက်တွင် ရခိုင်တိုင်းရင်းသားတို့ လယ်ယာမြေများဆုံးရှုံးလာပြီး မြေမဲ့လယ်မဲ့ဘ၀ရောက်သူများလာခဲ့ သည်။ နှစ်ပေါင်းများစွာအမြစ်တွယ်လာခဲ့သော ရခိုင်လယ်ယာမဲ့များ၏ ပဋိပက္ခသည် 1942ခုနှစ် ရခိုင်-ကုလား အဓိကရုဏ်း ဖြစ်စေသည့် အချက်များထဲမှ အရေးပါသော အချက်တစ်ခုဖြစ်သည်။
အခြားသောအကြောင်းရပ်များမှာ ဗြိတိသျှတို့၏သွေးခွဲအုပ်ချုပ်ရေးစနစ်နှင့် ၁၃၀၀ပြည့် အရေးတော်ပုံကြီးအား အာရုံလွှဲရန်ရည်ရွယ်ချက်ရှိရှိလုပ်ဆောင်ခဲ့မှုများဖြစ်၏။ ဒေသသားရခိုင်တို့နှင့် ပြည်ပသား ကုလားတို့ကြားက ပဋိက္ခသည် နိုင်ငံရေး၊ အုပ်ချုပ်ရေး ကစားကွက်များအောက်တွင် နှစ်ပေါင်းများစွာကတည်းက ဖြစ်တည်ရင့်မှည့်လာခဲ့သော ပြဿနာ ကြီး တစ်ရပ်သာဖြစ်သည်။
1942တွင် အင်္ဂလိပ်တို့ စစ်ဆုတ်ခွာချိန်က ၎င်းတို့အောင်မြင်စွာဆုတ်ခွာနိုင်ရေးအတွက် မြန်မာနိုင်ငံသား မဟုတ်သူများကို ကိုယ့်ကိုယ်ကိုယ်ကာကွယ်ရန်ဟု အကြောင်းပြကာ လက်နက်များထုတ်ပေးခဲ့သည်။ စစ်၏ဆုတ်လမ်းတွင် သူတို့နောက်ကျောလုံခြုံရေးအတွက် စစ်ရေးစီမံချက်တစ်ခု ဖေါ်ဆောင်ခဲ့ခြင်းဖြစ်သည်။  ထိုဆောင်ရွက်ချက်က ဒေသ တွင်းနေ ရခိုင်များနှင့် ရခိုင်အခြေချပြည်ပသားများကို အချင်းချင်းရန်တိုက်ပေးခဲ့သလိုဖြစ်ခဲ့၏။
ထိုအခြေအနေအောက်တွင် အင်္ဂလိပ်စစ်တပ်မှ ကုလားစစ်သည်များနှင့် ဒေသခံကုလားများပေါင်းကာ ရခိုင် အမျိုးသားများကို သတ်ဖြတ်ခဲ့ကြသည်။ အင်္ဂလိပ်များ လက်နက်တပ်ဆင်ပေးခဲ့ခြင်းကြောင့် လက်နက်လက်ဝယ်ရှိသူတို့က လက်နက်မဲ့ ဒေသခံတိုင်းရင်းသားများအပေါ် ဘာသာရေးခေါင်းစဉ်တပ်ကာ လူမျိုးတုန်းသတ်ဖြတ်ရန် စတင်ကြိုးပမ်းခဲ့ကြ ခြင်းသည်  အဓိကရုဏ်း၏ အစ မီးတောက်ပင် ဖြစ်၏။ အင်အားကြီးသူ လက်နက်ရှိသူတို့၏ နှိပ်စက်ဖိစီးအနိုင်ကျင့်မှုကို ရခိုင်ဒေသခံတိုင်းရင်းသားများ အလူးအလိမ့် ခံခဲ့ကြရသော သမိုင်းဖြစ်သည်။
မြေပုံမြို့နယ်၊ ချောင်းကြီးရွာမှ အစပြုသော အဓိကရုဏ်းသည်၊ အပြန်အလှန်လက်စားချေသတ်ဖြတ်မှုများဖြင့် ထိန်းမရအောင် ကြီးထွားလာခဲ့သည်။ မြောက်ဦးနှင့် ကျောက်တော်မြို့နယ်များသို့ ဆက်လက်ကူးစက်သွား၏။ မောင်တော မြို့နယ်၊ ဘူးသီးတောင်မြို့နယ်၊ ရသေ့တောင်မြို့နယ်တို့ရှိ ရခိုင်ရွာများ အနည်းငယ်သာကျန်သည်အထိမီးရှို့ခံခြင်း၊ သတ်ဖြတ်ခံရခြင်းကြောင့် ရခိုင်များ “ဒိန္နာစပူရ်” စစ်ပြေးစခန်းထိရောက်အောင် ထွက်ပြေးကြရသည်။ မှတ်တမ်းများက ရခိုင်ဦးရေ(20000)ခန့် အသက်ဆုံးရှုံးခဲ့ရကြောင်းဖေါ်ပြခဲ့သည်။ မွတ်ဆလင်တို့၏ ပြင်းပြင်းထန်ထန်တိုက်ခိုက်မှုကို အကြီး အကျယ်ခံခဲ့ကြရသော မောင်တောနယ်တောင်ပိုင်းက “အလယ်သံကျော်”၊ ”တပ်တိုးပြင်”၊ “စပ်ချကုန်း”၊ “ရှောက်ကိန်း”၊ “မြို့ချောင်း” ရွာမှရွာသူရွာသားများသည် “ဒိန္နာစပူရ်” စစ်ပြေးစခန်းသို့ တစ်ဦးတလေမျှပင် ရောက်ရှိလာနိုင်ခဲ့ခြင်း မရှိကြောင်း၊ ရခိုင်-ကုလားအဓိကရုဏ်း ကိုယ်တွေ့မှတ်တမ်းကဆိုသည်။
စစ်အတွင်း ဗြိတိသျှအစီရင်ခံစာတွင် -
““ရသေ့တောင်ဒေသရှိ ရခိုင်ကျေးရွာများတွင် ဆိုးရွားပြင်းထန်သောဖြစ်ရပ်များနှင့် ၎င်းတို့ ခံစားရသော ပျက်စီးဆုံးရှုံးမှုများအကြောင်း ကြားသိရသည်။ မေယုမြစ်အနောက်ဘက်ကမ်းရှိ ကျေးရွာ အများစုမှာ စစ်တကောင်း အပျော်တမ်း တပ်ဖွဲ့၏ မီးရှို့ခြင်းနှင့် ဖျက်ဆီးခြင်းကို ခံခဲ့ရသည်။ ၎င်းတို့ သည် ဘိုးဘွားပိုင်မြေများမှ နှင်ထုတ်ခံရသော ရခိုင်လူမျိုးများ ဖြစ်ပြီး ၎င်းတို့အား ကယ်ဆယ်ရန် အတွက် မျှော်လင့်ချက်မရှိကြောင်း”  ရေးသားထားသည်ကို တွေ့ရသည်။
“မွတ်ဆလင်ရန်ကြောင့် ရခိုင်တို့စစ်ပြေးစခန်းသို့ ထွက်ပြေးသွားရသော်လည်း မွတ်ဆလင် ကုလားအများစုက ကျန်နေရစ်ခဲ့ကြသည်။ သူတို့သည် ထွက်ပြေးသွားသော ရခိုင်ရွာများတွင် ၀င်ရောက်နေထိုင်ခြင်း ရခိုင်တိုင်းရင်းသားပိုင် လယ်များကို ၀င်ရောက်လုပ်ကိုင်ခြင်းဖြင့် နေရာယူထား ပြီးဖြစ်သည်။ တစ်ဘက်နိုင်ငံသို့ စစ်အတွင်း ထွက်ပြေးခိုလှုံခဲ့ကြ သည့် ရခိုင်များသည် မိမိတို့နေရပ်သို့ ပြန်လာသောအခါ အိုးအိမ်များ မီးလောင်ပျက်စီး ဆုံးရှုံးနေခြင်း၊ မွတ်ဆလင်များက ရွာတည်၍နေထိုင် နေခြင်းတို့ကြောင့် အခြားမြို့များသို့ သွားရောက်နေထိုင်ကြရသည်။ ပြန်လည်ထူထောင်သော ကျေးရွာ များမှာ  မြောက်ပိုင်းတွင် အသင့်အတင့်ပေါ်လာသော်လည်း၊ တောင်ပိုင်းဒေသတွင် ရွာလုံးကျွတ် သေကြေပျက်စီးမှုကြောင့်  ပြန်လည်ထူထောင်နိုင်ခြင်းမရှိတော့သည်ကို တွေ့ရသည်” ဟု London India Office Record,R/8/9GS,4243 p-6 တွင်ဖေါ်ပြထားသည်ကို တွေ့ရမည်ဖြစ်သည်။
1942တွင် ထိုအရပ်ဒေသရှိ ရခိုင်လူမျိုးတို့၏ နေထိုင်ရမှုအခြေအနေသည် နှစ်ပေါင်းခုနှစ်ဆယ်ခန့် ကျော်လွန် လာသော ယနေ့အခြေအနေနှင့် မည်မျှကွာဟမှုရှိခဲ့ပါပြီနည်း။ သူတို့၏ စိတ်လုံခြုံမှု၊ ရပ်တည်နိုင်မှု၊ မြေယာနှင့် လုပ်ငန်းခွင် ပိုင်ဆိုင်မှု မည်သို့ရှိပါသနည်း ဟူသော မေးခွန်းများကို မေးနေမိသည်။