ကဝိများမိန့်ကြား လောကရယ်ဆေးများ

အီးမေး အင်တာနက်တွေထဲက ဗမာပြည်နဲ့ပါတ်သက်တဲ့ သတင်းအကြောင်းအချက်တွေလိုက်ဖတ်ရင်း စိုးရိမ်သောကဖြစ်လိုက်၊ ခံပြင်းဒေါသဖြစ်လိုက်၊ ဝမ်းနည်းကြေကွဲဖြစ်လိုက်၊ မချိတင်ကဲဖြစ်လိုက်၊ ယူကြုံးမရဖြစ်လိုက်၊ ဒီကြားကပဲ မချိသွားဖြဲရယ်စရာတွေကလဲတွေ့နေရပြန်တယ်။

သောက်ရှက်မရှိ စစ်ဝတ်စုံကြီးဝတ်ပြီး ဌာနီဌာနမသိ တက္ကသိုလ်ဘွဲ့နှင်းသဘင်တက်နေတဲ့ ဗိုချုပ်လဒူတွေ၊ ဒါတင်မက ပြိတ္တာငရွှေမြေး ဘာမဟုတ်တဲ့ ဖိုးလပြွတ်ဆိုတဲ့ ခွေးပြုတ်တဲ့ဒစ်လောက်ကလေးကို ဥက္ကဌတင် ခယနေတဲ့ ပညာရှိ ဒီသာပါမောက္ခကြီးတွေ၊ လူထုအသက်အိုးအိမ်ကိုခြိမ်းခြောက်တဲ့ ဗုံးခွဲသူကိုတောင် နားလည်လေးစားနေတဲ့ အာဏာပိုင်ဆိုသူတွေ၊ သူတပါးအလိုဆန္ဒကိုဖြည့်ဆည်းနေရတဲ့ လက်ကိုင်တုတ်ကျွန်တွေက တန်ခိုးအာဏာပြနေတာတွေ၊ လူထုအကျိုးဆောင်မယ်ဆိုပြီး လူထုငိုကြွေးသံကို မကြားချင်ယောင်ဆောင်နေတဲ့ နိုင်ငံရေးသမားနဲ့ နိုင်ငံရေးပါတီတွေ၊ ပြီးတော့ လွတ်တော်အသံလူထု အသံဆိုပြီး လူထုငိုသံကိုမကြား ကွမ်းတံတွေးထွေးတာလောက်ပဲပြောတတ်တဲ့အမတ်တွေနဲ့ နပုန်းပဏ္ဍုတ်ရဲ့တရားကိုမှတ်သားနာယူနေကြသူများမှီခိုရာ လွတ်တော်ကြီးဆိုတာတွေ မြင်ရတော့ ရီဝေမျက်လုံးများနဲ့ မချိသွားဖြဲရင်း ပညာရှိသူတော်ကောင်းတွေက ရယ်မောခြင်းကိုဘယ်လိုများ အဓိပ္ပာယ်ဖွင့်ခဲ့သလဲလို့ရှာကြည့်မိတယ်။

ဖျာပုံတိုက်သစ်ဆရာတော် အဂ္ဂမဟာပဏ္ဍိတ အရှင်သြဘာသာဘိဝံသကတော့ သုတေသနသရုပ်ပြအဘိဓာန်မှာ စိန္တကျော်သူဦးသြရဲ့ သြဝါဒထူးပျို့က ထုတ်နုတ်ပြီးအောက်ကအတိုင်း ရှင်းပြထားတယ်။ ကိုယ့်ကိုကိုယ်နဲ့ ကိုယ့်ပါတ်ဝန်းကျင်က ရယ်စရာတွေကိုတိုက်ကြည့်စေချင်တယ်။

ရယ်ခြင်းသုံးပါး လူအများတရားရစေမှု။

၁။ မယားရယ်ခြင်း…..ချစ်လို့မငြီး၊ ဇနီးအိမ်ရှင်၊ မိမိလင်သည်၊ ချစ်ခင်သောအား၊ သမီးသားကို၊ ပိုက်ဖျားအားရမ်း၊ ချီရှုတ်နမ်းသော်၊ မယ့်ဝမ်းကမွေး၊ သူများသွေးကို၊ အလေးတမြတ်၊ သင့်သားမှတ်၍၊ လည့်ပတ်ဖက်ချီ၊ နမ်းလေပြီဟု၊ မထည်(ထီ)မလေး၊ အသွမ်းသွေး၍၊ အဝေးမျက်ကွယ်၊ မယားရယ်၏။ (ကိုယ့်မယားကမွေးတိုင်းကိုယ့်ကလေးထင်ပြီး ပွေးဖက်ချိနမ်းတဲ့နေတဲ့လင်ကိုကြည့်ပြီး သစ္စာဖောက်ပြားလင်ငယ်ထားတဲ့ မယားကရယ်သတဲ့)

၂။ မြေ လယ် ယာကရယ်ခြင်း…ငါ့လယ်ငါ့ယာ၊ငါ့မြေတာဟု၊ ဥစ္စာခင်မင်၊ ဆိုပြန်လျင်လည်း၊ အရှင်မဲ့ပါ၊ ငါတို့မှာမူ၊ ကမ္ဘာမကြေ၊ မခြင်းနေ၏၊ မသွေယွင်းယို၊ သင်တို့ကိုယ်မျှ၊ လိုမပိုင်ဘဲ၊ ဘွယ်သရဲဟု၊ ပြောင်ဖြဲသောနှယ်၊ မြေယာရယ်၏။ (အချိန်တန်ရင် သေဆုံးပျောက်ကွယ်သွားရမဲ့လူက ငါ့မြေငါ့ယာလို့ လောဘမာနတက်ကြွေးကြော်ရင် ကမ္ဘာသုဉ်းတဲ့အထိတည်မဲ့ ပြေကြီးကရယ်သတဲ့)

၃။ ရွှေငွေရတနာကရယ်ခြင်း….ငါ့စိန်ငါ့ရွှေ၊ ငါ့ကြေးငွေဟု၊ စိတ်စေကြည်သာ၊ ဆိုပြန်ပါလည်း၊ ကြမ္မာဆောင်တိုက်၊ ကောင်းတော်ခိုက်မို့၊ အိမ်ဆိုက်မျှသာ၊ တည်းခိုပါရှင့်၊ ငါးဖြာရန်သူ၊ ယူလည်းတို့ပါ၊ သေမင်းခွါလည်း၊ သင့်ရာအလျောက်၊ ငါ့တို့ရောက်သည်၊ တို့သခင်လျင်၊ ဖြစ်ချင်လွန်းလှ၊ လွန်မင်းစွဟု၊ ဒေါသချီးရယ်၊ ရွှေငွေရယ်သည်၊ သုံးသွယ်ရယ်ဆေး၊ ပြက်သွယ်သွေး။ ( ရန်သူမျိုးငါးပါး နှိပ်စက်ယူဆောင်တာဖြစ်ဖြစ် သေရင်ထားခဲ့ရမှာကို မသိပဲ ကံအလျောက် ခေတ္တလာနားခိုတဲ့ စိန်ရွှေငွေရတနာတေကွို ငါဥစ္စာငါ့ဟာလို့ လောဘတက်နေသူကို စိန်ရွှေရတနာတွေက ရယ်သတဲ့)

ရယ်ဘွယ်ဆယ်ပါး ကဝိများမိန့်ကြား အဘယ်နည်း..

ရယ်ဘွယ်ဆယ်ပါး၊ မှတ်ကြောင်းသွယ်ပိမ့်၊ (၁) ဥာဏ်ကျယ်ပါလျက်၊ ပွဲလည်ချက်ဝယ်၊ နှုတ်ထွက်ယွင်းပါး၊ ဖွင်ဆိုမှားအံ့ (၂ ) ခစားသူမှာ၊ သူလိုရာသို့ လိုက်လျောရလျက်၊ မာနတက်အံ့ (၃) လက္ခဏာမဲ့၊ ချို့တဲ့ဥစ္စာ၊ ဆင်းရဲစွာလျက်၊ ကာမဂုဏ်မှု၊ လုံ့လပြုအံ့ (၄) ပြီးထုထပ်ပွား၊ ဥစ္စာများလျက်၊ မိုက်အားဖုံးလွမ်း၊ မပေးကမ်းပဲ၊ ဒါနနည်းအံ့ (၅) ငြိမ်းချမ်းသာယာ၊ နေရပါလျက်၊ သူများမှီနေ၊ ခစားနေအံ့ (၆) သားရေလျော့ပါး၊ အိုပါငြားလည်း၊ တရားမဂ်ဖိုလ်၊ မမှီခိုအံ့ (၇) ရန်ပြိုပယ်လှစ်၊ ပြည့်ရှင်ဖြစ်လျက်၊ မူညစ်ဆိုးနွမ်း၊ မူးမတ်သွမ်းနှင့်၊ ချစ်ကျွမ်းဝင်ဝင်၊ ရေးတိုင်ပင်အံ့ (၈) သန့်စင်နွယ်ဓာတ်၊ မျိုးရိုးမြတ်လျက်၊ အတတ်မသင်၊ နားဝင်မကျွမ်း၊ လော်လီသွမ်းအံ့ (၉) မနွမ်းဂုဏ်အင်။ ယောင်္ကျားစင်လျက်၊ ချစ်ခင်စိုးပိုင်၊ မယားနိုင်အံ့ (၁၀) သုံးဆိုင်ဗေဒင်၊ ကုန်စင်မြောက်မြား၊ ထုံးနှယ်ထွားသည်၊ ပုဏ္ဏားဖြစ်လျက်၊ အကျင့်ပျက်အံ့၊ ကန့်ကွက်ခြားနား၊ ဤဆယ်ပါးကို၊ အများလူတွင်၊ ရယ်ဘွယ်ထင်သည်၊ သည့်ပြင်ရယ်ဆေး ရမည်ဝေး။

၁။ အမှန်သိပညာရှိပါလျက် လူပုံအလယ်မှာ အမှန်တရားကိုမပြောနိုင် တလွဲအမှားတွေကိုပြောတဲ့ ပညာရှင် ပညာရှိ။
၂။ သူတပါးအရှိန်အဝါနဲ့ မောက်မာ အာဏာပြတဲ့ သူတပါးကိုခစား အလုပ်အကြွေးပြုနေရတဲ့ တပါးကျွန်လုပ်ခစား
၃။ ဥစ္စာဓနခေါင်းပါးတဲ့ ကြားသောက်စားပျော်ပါး ကာမဂုဏ်လိုက်စားသူ
၎။ ပစ္စည်းဥစ္စာများပြာပြည့်စုံပါလျက် ကုသိုလ်ဒါနပြုဖို့ နှမြောတွန့်တိုသူ
၅။ ကိုယ်ဟာကိုယ် အေးချမ်းလွတ်လပ်နေနိုင်ပါလျက် သူတပါးဆီမှာ မှီခိုခစား ဖားယားတတ်သူ
၆။ အသားအရေခြောက်ခန်းအိုမင်းမစွမ်းဖြစ်တာတောင် တရားမရသူ
၇။ တိုင်းပြည်ကို စိုးမိုးအုပ်ချုပ်နေပါလျက် ပေါတောချာတာ အကျင့်ယုတ်တဲ့မူးမတ်တွေနဲ့ပဲတိုင်ပင်လုပ်ကိုတဲ့ မင်း၊ အုပ်ချုပ်သူ
၈။ မျိုးရိုးစဉ်လာကောင်းကမွေးပါလျက် အကုသိုလ်ကင်းတဲ့ အသက်မွေးမှုအတွက် အတတ်ပညာမသင်ပဲ အလွယ်လမ်းလိုက်သူ
၉။ မယားကြောက်သူ နဲ့ (၁၀) တရားဓမ္မ ဗေဒင်ကျမ်းဂန်တွေကို နားလည်တတ်မြောက်ပါလျက် အကျင့်သီလပျက်တဲ့ ရဟန်းပုဏ္ဏား…စတဲ့ပုဂ္ဂိုလ်အကြောင်းးဆယ်ပါးထက် ရယ်စရာကောင်းတဲ့ဆေး လောကကြီးမှာ မရှိပါ..တဲ့ဗျား။

ရဲဘော်ကျော်သန်း