 |
| အထက်လွှတ်တော် ဘဏ္ဍာရေးကော်မတီဥက္ကဋ္ဌ မက်က်စ် ဘောကပ်စ် (Max (Baucus)။ ဇူလိုင် ၁၈၊ ၂၀၁၂။ |
ဒါပေမယ့်လည်း မြန်မာနိုင်ငံအပေါ် အရေးယူပိတ်ဆို့မှုတွေ လျှော့ပေါ့ပေးရေး ကိစ္စရပ်တွေမှာ လွှတ်တော်အတွင်းနဲ့ လွှတ်တော်နဲ့အစိုးရအကြား သဘောကွဲလွဲမှုတွေကတော့ ရှိနေပါတယ်။ ဒီအကြောင်း ကိုသားညွန့်ဦးက တင်ပြပေးထားပါတယ်။
အခု သက်တမ်းတိုးလိုက်တဲ့ ဥပဒေဟာ ၂၀၀၃ ခုနှစ် မေလ ဒီပဲယင်းအရေးအခင်းအပြီး ချမှတ်လိုက်တဲ့ အရေးယူမှုဖြစ်ပါတယ်။ အဓိက အချက်ကတော့ သွင်းကုန်ပိတ်ဆို့မှုဖြစ်ပါတယ်။ ဒီ ဥပဒေကို ဖယ်ရှားဖို့ လိုအပ်ချက်တွေ မပြည့်သေးတာကြောင့် အခုလို ဆက်ပြီး အရေးယူ သက်တမ်း တိုးလိုက်တာလို့ အမေရိကန်အထက်လွှတ်တော် ဘဏ္ဍာရေးကော်မတီ ဥက္ကဋ္ဌ Max Baucus က ပြောပါတယ်။
“မြန်မာအစိုးရအနေနဲ့ ပြီးခဲ့တဲ့ နှစ်နှစ်အတွင်းမှာ အပြုသဘောဆောင်တဲ့နိုင်ငံရေးခြေလှမ်းတွေ အတော်များများ ဆောင်ရွက်ခဲ့ပါတယ်။ ဒါပေမယ့်လည်း ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေထဲမှာ အရေးယူပိတ်ဆို့မှုတွေဖယ်ရှားဖို့ဆိုရင် လိုအပ်တဲ့ အချက်အားလုံးကို လိုက်လျောဆောင်ရွက်မှုမရှိသေးပါဘူး။ သွင်းကုန်ပိတ်ဆို့မှုကို သုံးနှစ် ဆက်ထားခြင်း အားဖြင့် မြန်မာအစိုးရအနေနဲ့ ပြုပြင်ပြောင်းလဲမှုတွေ လုပ်သွားဖို့ ဖိအားဆက်ပေးသွားပါမယ်။”
ဒါပေမယ့်လည်း ဒီ ဥပဒေထဲမှာ သမ္မတရဲ့ လုပ်ပိုင်ခွင့်နဲ့ အရေးယူဒဏ်ခတ်မှုတွေ ကို လျှော့ပေါ့ပေးနိုင်တယ်ဆိုတဲ့ အချက် ပါဝင်ပါတယ်။ ဒါဟာ မြန်မာ့နိုင်ငံရေး အလှည့်အပြောင်း အပေါ်မှာ အစိုးရအနေနဲ့ လိုအပ်သလို လုပ်ကိုင်အရေးယူသွားနိုင်ဖို့ဖြစ်တယ်လို့ ဘဏ္ဍာရေးကော်မတီ ရဲ့ အကြီးတန်းအဖွဲ့ဝင်တဦးဖြစ်သူ အထက်လွှတ်တော်အမတ် Orrin Hatch က ပြောပါတယ်။
“အမေရိကန်ပြည်ထောင်စုနဲ့ မြန်မာနိုင်ငံအကြား ကုန်သွယ်ရေးနဲ့ရင်းနှီးမြှုပ်နှံမှုဆိုင်ရာ စည်း မျဉ်းတွေ ဖြေလျှော့ပေးနိုင်ဖို့ အစိုးရကို လုပ်ပိုင်ခွင့်ပေးထားသလို မြန်မာနိုင်ငံမှာ အခြေ အနေတွေ ပြန်ဆိုးလာရင် ပိတ်ဆို့မှုတွေ ပြန်လုပ်နိုင်မယ့် အနေအထားမျိုး လည်း ပြင်ထားပါတယ်။ မြန်မာလူထုဟာ ဆင်းရဲမှုနဲ့ဖိနှိပ်မှုတံပိုးအောက်မှာ အချိန် အတော်ကြာကြာ နေခဲ့ရပါတယ်။
လုပ်ဆောင်စရာတွေ အတော်ကျန်နေသေးပေမယ့်လည်း လက်ရှိ အာဏာရပါတီခေါင်းဆောင်မှုနဲ့ အသစ်ရွေးခံရတဲ့ ကိုယ်စားလှယ်တွေဟာ ပွင့်လင်းတဲ့ မြန်မာလူ့အဖွဲ့အစည်းအတွက် ၀ိုင်းဝန်း လုပ်ကိုင်ဆောင်ရွက်နေတာကိုလည်း အသိအမှတ်ပြုပြောကြားလိုပါတယ်။ ဒါဟာ လူထု အားလုံးအတွက် တရားဥပဒေစိုးမိုးရေးနဲ့ စီးပွားရေးအခွင့်အလမ်းကောင်းတွေ အခြေတည်ပေး လိမ့်မယ်လို့ မျှော်လင့်ပါတယ်။”
အခု ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီအက်ဥပဒေဟာ လာမယ့် ဇူလိုင် ၂၈ ရက်မှာ သက်တမ်းပြည့်မှာမို့ ဒီမတိုင်ခင် အထက်လွှတ်တော်တခုလုံးနဲ့ အောက်လွှတ်တော်တခုလုံးက အတည်ပြုပေးရမှာဖြစ်ပြီး နောက်ဆုံးအဆင့် သမ္မတက လက်မှတ်ထိုးရမှာပါ။ အခု သုံးနှစ် အရေးယူမှုဥပဒေ တိုးလိုက်တယ်ဆိုပေမယ့် တနှစ်တခါတော့ သက်တမ်းတိုးသွားရမှာဖြစ်တယ်လို့ USCB အမေရိကန်အခြေစိုက် မြန်မာ့အရေး လှုပ်ရှားမှုအဖွဲ့ အမှုဆောင်ညွန်ကြားရေးမှူး ဦးအောင်ဒင်က ပြောပါတယ်။ တချိန်တည်းမှာ မြန်မာနိုင်ငံအပေါ် အရေးယူမှု လျှော့ပေါ့ရေးမှာ အမေရိကန်နိုင်ငံရေးသမားတွေအကြား သဘောကွဲလွဲမှုတွေ အတော်လေးရှိနေတယ်လို့လည်း ပြောပါတယ်။
“သုံးနှစ်တကြိမ် Reauthorize လုပ်ရတယ်။ Reauthorization ဆိုတာ ပြန်လည်ပြီးတော့ အာဏာတည်အောင်လုပ်တာပေါ့ဗျာ။ ပထမဆုံး ချမှတ်တဲ့အချိန်မှာ သုံးနှစ်သက်တမ်းချမှတ်တယ်။ တနှစ်တခါ သက်တမ်းပြန်တိုးတယ်။ သက်တမ်းပြန်တိုးဖို့အတွက်ကို ကွန်ဂရက်စ်မှာ ပြန်ပြီးတော့ ဥပဒေကြမ်းတင်ရတယ်။ သက်တမ်းကို Technically ပေါ့ဗျာ။ တော်တော်ရှုပ်ထွေးတဲ့ အချက်အလက်တွေပါပဲ။”
နောက်တခုက အခု အဆိုပြုထားတဲ့အထဲမှာ အစိုးရပေါ့နော်- Administration Power – waiver power ပေးထားတယ်လို့လည်း သိရပါတယ်။ အဲဒါက Import Bank တွေ ဘာတွေ အကုန်လုံးပါ ပါလား။
“ပါပါတယ်။ သမ္မတက သူ့ရဲ့အာဏာကိုသုံးပြီးတော့ အမျိုးသားလုံခြုံရေးအရ သူ လိုအပ်တယ် ဆိုလို့ရှိရင် သွင်းကုန်ပိတ်ဆို့ရေး ကန့်သတ်ချက် ကို ရပ်ဆိုင်းလို့ရတယ်၊ ဆိုင်းငံ့လို့ရတယ်ပေါ့။ တခုတော့ရှိတာပေါ့ဗျာ။ သမ္မတက အမျိုးသားလုံခြုံရေးဆိုတဲ့ အကြောင်းပြချက်နဲ့ ဆိုင်းငံ့ ချင်သည် ထားအုံးတော့ ဥပဒေကို ဦးဆောင်ဦးရွက်ပြုတဲ့ အမေရိကန် ကွန်ဂရက်စ်အမတ်တွေကိုတော့ သူ အသေအချာ ဆွေးနွေးဖို့တော့ လိုတာပေါ့။ ဆွေးလည်းဆွေးနွေးပါတယ်။”
ဟိုတနေ့ကတော့ အထက်လွှတ်တော်အမတ် မက်ကော်နယ်နဲ့ ဒေါ်အောင်ဆန်းစုကြည်တို့ တိုက်ရိုက် စကားပြောကြတယ်လို့ သိရပါတယ်။ လွှတ်တော်ထဲမှာရော သဘောထား အရ မြန်မာနိုင်ငံနဲ့ ပတ်သက်လို့ အရေးယူပိတ်ဆို့မှုတွေနဲ့ပတ်သက်လို့ လွှတ်တော်တွင်း သဘောထားက ဘယ်လို ရှိကြပါသလဲ။
“လွှတ်တော်ရဲ့ သဘောထားကလည်း မြန်မာနိုင်ငံအခြေအနေကို သူတို့ မပြတ် စောင့်ကြည့်နေ တာလေ။ စောင့်ကြည့်နေတဲ့အခါကျတော့ မြန်မာနိုင်ငံအတွင်းမှာ တိုးတက်မှုတွေရှိတာ သူတို့ မြင် တယ်၊ ဒါပေမဲ့ သူတို့နားလည်တာကတော့ လက်ရှိ အပြောင်းအလဲတွေဟာ နောက်ပြန်ဆုတ်နိုင်တဲ့ အခန်းကဏ္ဍတွေက အများကြီးရှိနေသေးတယ်။ မြန်မာနိုင်ငံပြည်သူတွေကလည်း အခုအချိန်မှာ တကယ်ပဲ လွတ်လပ်ခွင့်ပေါ့နော်- စာပေဆိုင်ရာ လွတ်လပ်ခွင့်တို့၊ အဖွဲ့အစည်းတည်ထောင်ခွင့်တို့ စသည်ဖြင့် လွတ်လပ်ခွင့်တွေကို အပြည့်အဝ မရသေးတဲ့ အချိန်လည်းဖြစ်တယ်။
လက်ရှိဖြစ်ပေါ်နေတဲ့ အပြောင်းအလဲတွေနဲ့ပတ်သက်ပြီး အဓိကအားစမ်းမှုတွေက ၂၀၁၅ မှာ ဖြစ် မှာပါ။ ၂၀၁၅ ရွေးကောက်ပွဲကို လွတ်လွတ်လပ်လပ် သန့်သန့်ရှင်းရှင်းနဲ့ လုပ်မှသာလျှင် အတိုက် အခံတွေ မျှော်လင့်သလိုပဲ အဲဒီရွေးကောက်ပွဲကနေပြီးတော့- နေရာအများစုရပြီးတော့ လွှတ်တော်နဲ့ အစိုးရအဖွဲ့ကို ဦးဆောင်နိုင်တဲ့ အပိုင်းကို ရောက်မှာကိုး။ အဲဒီတော့ အဲလိုအချိန်ရောက်တဲ့ အထိကိုပဲ အမေရိကန်ပြည်ထောင်စုက စိတ်ချရတဲ့ အနေအထား မရောက်သေးသရွေ့၊ ရှိနေတဲ့ နောက်ဆုံး ကျန်နေတဲ့- ပိတ်ဆို့မှုတွေကို ရုပ်သိမ်းချင်တဲ့ ဆန္ဒမရှိပါဘူး။”
ဟုတ်ကဲ့။ ဟိုတလောကတော့ ဝေဖန်သံတချို့ ထွက်လာပါတယ်။ အထူးသဖြင့် မိုက်ဂရင်း တို့ဆို စာတွေ ဘာတွေ ရေးကြပါတယ်။ အဓိက ကတော့ အစိုးရဘက်က ပိတ်ဆို့မှုတွေ ဖြေလျှော့လိုက် တာ မြန်ဆန်လွန်းတယ်ဆိုတဲ့ အမြင်ပေ့ါနော်။ အဓိက-ကတော့ MOGE တို့ နဲ့ဆက်စပ်ပြီး ရေနံ နဲ့ သဘာဝဓာတ်ငွေ့ လုပ်ပိုင်ခွင့်တွေ ဘာတွေ ပေးလိုက်တာပါ။ တချိန်တည်းမှာပဲ အထက်လွှတ်တော် အမတ် မက်ကိန်းတို့ကလည်း သတိပေးတဲ့သဘောမျိုး ပြောတော့ လွှတ်တော်နဲ့အစိုးရကြားထဲမှာ ဒီအပေါ်မှာ သဘောထား ကွဲလွဲနိုင်တဲ့ အနေအထားရှိပါသလား။
“အခုကတော့ ကွဲတယ် ပြောရမှာပေါ့ဗျာ။ အရင်တုန်းကတော့ မြန်မာနိုင်ငံဆိုင်ရာ မူဝါဒနဲ့ပတ်သက်ပြီး ပါတီကြီး နှစ်ခုကြားထဲမှာ ပါတီနဲ့ အစိုးရကြားထဲမှာရော၊ လွှတ်တော်နဲ့အစိုးရကြားထဲမှာရော အများကြီး တူညီမှုရှိပါတယ်။ အခုလိုမျိုး ဖိအားပေးမှုတွေကို အတိုင်းအတာတခုအထိ ရုပ်သိမ်းရတဲ့ အချိန်မှာ ရုပ်သိမ်းမှုအတိုင်းအတာ ပမာဏနဲ့ပတ်သက်ပြီးတော့ လွှတ်တော်နဲ့အစိုးရကြားမှာ သဘောထားကွဲလွဲမှု အနည်းငယ်ရှိတယ်။ လွှတ်တော်ထဲမှာလည်း ဒီပါတီကြီး နှစ်ရပ်ကြားမှာ ကွဲလွဲမှုတစုံတရာရှိတယ်။ ဒါကတော့ သေချာပါတယ်။”
၁၉၉၇ ခုနှစ် မြန်မာနိုင်ငံအပေါ် အရေးယူဒဏ်ခတ်မှုပါ ငွေကြေးဝန်ဆောင်မှုနဲ့ ပို့ကုန်တားမြစ်မှုတွေ ကိုတော့ သမ္မတ လုပ်ပိုင်ခွင့်နဲ့ မကြာခင်ကပဲ လျှော့ပေါ့ပေးခဲ့ပါတယ်။ ဒါ့အပြင် အခု ၂၀၀၃ ဥပဒေ သက်တမ်းတိုးပြီးရင်တော့ ဥပဒေပါအတိုင်း သမ္မတလုပ်ပိုင်ခွင့်နဲ့ အရေးယူမှုတွေကို လျှော့ပေါ့ဦးမယ့် အလားအလာလည်း ရှိပါတယ်။ ၂၀၀၈ ခုနှစ် JADE ဥပဒေဟာလည်း အခု ဇူလိုင်လကုန်မှာ သက်တမ်းပြည့်မှာမို့ အဲဒီ ၂၀၀၈ ဥပဒေကိုလည်း လွှတ်တော်နှစ်ရပ်စလုံးမှာ သက်တမ်း တိုးရေး ဆွေးနွေး ဆုံးဖြတ်ကြရဦးမယ့် အခြေအနေမှာရှိပါတယ်။
ဗွီအိုအေ - မြန်မာပိုင်း
အမေရိကန်ကို မြန်မာ့သွင်းကုန် တင်သွင်းခွင့် နောက်ထပ်သုံးနှစ် ပိတ်ပင်
ဒီကိစ္စနဲ့ ပတ်သက်ပြီး အမေရိကန် အခြေစိုက် BADA မြန်မာ-အမေရိကန် မဟာမိတ် အသင်းက ဦးညွန့်သန်းက ခြေလှမ်းကောင်း တရပ်လို့ ရှုမြင်တဲ့အကြောင်း ပြောပါတယ်။
"ဖြစ်စေချင်တာကတော့ ကျွန်တော်တို့
ဗမာပြည်မှာ sanction လည်း မရှိစေချင်တော့ဘူး။ ကျွန်တော်တို့
တိုင်းပြည်မှာလည်း ပြည့်ဝတဲ့ ဒီမိုကရေစီနဲ့ ပြည်သူတွေ
စိတ်ချမ်းချမ်းသာသာနဲ့ သူတို့ရဲ့ ဘဝကောင်းကျိုးအတွက် တည်ဆောက်တာတွေ
မြင်ချင် စေချင်တယ်။ ဒါပေမဲ့လည်း ဗမာပြည်ရဲ့ ပြုပြင်ပြောင်းလဲမှုက
တချို့နေရာတွေမှာ ဖြစ်လာသင့်သလောက် မဖြစ်လာသေးဘူး။ ဥပမာဆိုရင်
အကျဉ်းသားတွေအားလုံး မလွှတ်ပေးတာတွေ ကျွန်တော်တို့ တွေ့ရတယ်။ နောက်ပြီး
ပြည်တွင်းကို ဝင်ရောက်ပြီး စီးပွားရေးတွေ လုပ်ကြတဲ့ အခါမျိုးမှာလည်း ရမဲ့
အကျိုးအမြတ်ဟာ ပြည်သူတွေဆီကို တကဲ့တကယ် ထိထိရောက်ရောက် သွားမယ်၊
မသွားဘူးဆိုတာ ကျွန်တော်တို့ မသိဘူး။ နောက် တရားဥပဒေ စိုးမိုးရေးတို့၊
လာမဲ့ ၂၀၁၅ မှာ ဖြစ်မဲ့ ရွေးကောက်ပွဲတို့ မှာလည်း တရားမျှမျှတတ
ဖြစ်မယ်ဆိုတာလည်း မသိသေးဘူးပေါ့နော်၊ အဲဒီလို အခြေအနေမှာ အမေရိကန်ကလည်း
ပြည်တွင်းကို သွားမဲ့ မြှုပ်နှံမှုတွေကိုလည်း ဖယ်ရှားပြီးပြီဆိုတော့ အခုလို
သွင်းကုန် ဆက်လက် ပိတ်ဆို့ထားဖို့ သက်တမ်းတိုး လိုက်တာကို ကျွန်တော့်
အနေနဲ့တော့ ကောင်းတဲ့ ခြေလှမ်းတရပ်လို့ပဲ ပြောလိုပါတယ်"
၂၀၀၃ ခုနှစ်က ချမှတ်ခဲ့တဲ့ မြန်မာနိုင်ငံက သွင်းကုန် ပိတ်ပင်ချက်ဟာ
ဒီလကုန်ပိုင်းမှာ သက်တမ်း ကုန်ဆုံးပါတော့မယ်။ ဒီမူကြမ်းကို အထက်လွှတ်တော်နဲ့
အောက်လွှတ်တော် နှစ်ရပ်စလုံးက အတည်ပြုလိမ့်မယ်လို့ ဥပဒေ မူကြမ်းကို
ထောက်ခံသူတွေက မျှော်လင့်ပါတယ်။မြန်မာနိုင်ငံက အပြုသဘောဆောင်တဲ့ ခြေလှမ်းတွေကို အသိအမှတ်ပြုတဲ့ အနေနဲ့ စီးပွားရေးအရ အရေးယူ ပိတ်ဆို့ထားတာကို အမေရိကန်က ရုပ်သိမ်းလိုက်တာနဲ့ ဒီ ဥပဒေ မူကြမ်းဟာ အကျုံးမ၀င်ပါဘူး။
အမေရိကန်က မြန်မာ့ သွင်းကုန်တွေ မပိတ်ပင်ခင် ၂၀၀၂ ခုနှစ် တနှစ်လုံး အမေရိကန်ပြည်ထောင်စုကို မြန်မာနိုင်ငံက အ၀တ်အထည်နဲ့ တခြားကုန်စည် ဒေါ်လာ သန်း ၃၅၀ ကျော်ဖိုး တင်သွင်းခဲ့ပါတယ်။ မြန်မာ့ သွင်းကုန်ပမာဏဟာ ၂၀၀၃ ခုနှစ်မှာ ဒေါ်လာ သန်း ၂၇၀ ကျော်ထိ ကျဆင်းသွားပြီး အဲဒီအချိန်ကစလို့ နောက်ပိုင်းမှာ မြန်မာနိုင်ငံက ဘာကုန်ပစ္စည်းမှ မတင်သွင်းတော့ပါဘူး၊
RFA Burmese
ဒဏ်ခတ်မှု ရုပ်သိမ်းရေးနှင့် ပြုပြင်ပြောင်းလဲရေးသည် ခေါင်းနှင့်ပန်း
ဧရာဝတီ|
July 18, 2012
မြန်မာပြည်အပေါ် အမေရိကန်ပြည်ထောင်စု၏ ဒဏ်ခတ်ပိတ်ဆို့မှုများ စတင်လျှော့ချပြီး သံတမန် ဆက်ဆံရေး ပုံမှန်ပြန်စ လိုက်သည့် တချိန်တည်း၌ ပြည်သူ့လွှတ်တော်တွင် “မြန်မာနိုင်ငံအပေါ် ချမှတ်ထားသည့် ပိတ်ဆို့ အရေးယူမှုအား အမြန်ဆုံး ရုပ်သိမ်းပေးရေးအတွက် လွှတ်တော်နှင့် ဆောင်ရွက်နိုင်သူ မည်သူ့ကိုမဆို၊ မည်သည့်နည်းလမ်းကို အသုံးပြု၍ဖြစ်စေ ညှိနှိုင်းဆောင်ရွက်ပေးရန် တိုက်တွန်းကြောင်း” အဆိုကို ဆွေးနွေးရန် အတည်ပြုလိုက်သည်။
အဆိုကို ရှမ်းတိုင်းရင်းသားများ ဒီမိုကရက်တစ်ပါတီ၊ ကွန်ဟိန်း မဲဆန္ဒနယ်မှ ဒေါ်နန်းဝါနုက လွှတ်တော်တွင် ကြားဖြတ် တင်သွင်းခဲ့ခြင်း ဖြစ်ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဝင်များ ဖြစ်သော တနင်္သာရီတိုင်းမှ ဦးဌေးမြင့် (ယုဇန ဦးဌေးမြင့်)၊ ဦးဝင်းသန်း၊ ရခိုင်တိုင်းရင်းသားများ ဖွံ့ဖြိုး တိုးတက်ရေးပါတီမှ ဒေါ်ခင်စောဝေတို့က ထောက်ခံဆွေးနွေးကာ ပြည်သူ့လွှတ်တော်က အရေးကြီးအဆိုအဖြစ် လက်ခံ အတည်ပြုခဲ့သည်။ ယင်းနေ့ လွှတ်တော်အစည်းအဝေး အပြီးတွင် အတိုက်အခံ ခေါင်းဆောင် ဒေါ်အောင်ဆန်းစုကြည်ကိုလည်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဖိတ်ခေါ်ခဲ့သဖြင့် ယင်းအဆိုနှင့် ပတ်သက်၍ သဘောထား မေးမြန်းခြင်း ဖြစ်နိုင်သည်ဟု ယူဆသည်။
အတိုက်အခံ နိုင်ငံရေးရပ်ကွက်က ယင်းကိစ္စသည် အစိုးရပါတီ အနေဖြင့် အမျိုးသားဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်ကို “ကျုံးသွင်းခြင်း” ဟု ယူဆနေကြသော်လည်း ယခုအထိ ဖြစ်ပေါ်ပြောင်းလဲ လာခဲ့သော နိုင်ငံတကာ၊ အထူးသဖြင့် အမေရိကန် အပါအဝင် အနောက်နိုင်ငံများနှင့် ဆက်ဆံရေး တိုးတက်မှုသည် သမ္မတ ဦးသိန်းစိန်၏ ပြုပြင် ပြောင်းလဲရေးကို အခိုင်အမာ ထောက်ခံရန် ဒေါ်အောင်ဆန်းစုကြည်က တိုက်တွန်းခဲ့၍လည်း ဖြစ်သည်။ ထိုင်းနှင့် ဥရောပ ခရီးစဉ်အတွင်း ဦးသိန်းစိန်၏ ပြုပြင်ပြောင်းလဲရေး လုပ်ငန်းစဉ်များကို ဒေါ်အောင်ဆန်းစုကြည် ဘက်က ထောက်ခံ ပြောဆိုမှု ပိုမို ခိုင်မာခဲ့ပြီး ဒဏ်ခတ်မှု လျှော့ချရေးကိုလည်း ကြိုဆိုခဲ့သည်။
ဒေါ်အောင်ဆန်းစုကြည် အနေဖြင့် ဇူလိုင် ၁၆ ရက်နေ့ညက အမေရိကန် အထက်လွှတ်တော် အမတ် မစ်ခ်ျ မက္ကောနယ်ကို တယ်လီဖုန်းဖြင့် ဆက်သွယ်ကာ သက်တမ်း ၃ နှစ် ထပ်မံတိုးရန် ရှိနေသည့် Burma Freedom and Democracy Act -2003 (BFDA) ကို ဆွေးနွေးကြောင်းနှင့် မြန်မာ – အမေရိကန် ချစ်ကြည်ရေး ဆက်လက် တိုးတက်လာစေရေး၊ မြန်မာနိုင်ငံတွင် ဒီမိုကရေစီ ပြုပြင်ပြောင်းလဲမှုများ အရှိန်အဟုန်မြှင့် လာစေရေး၊ လူထု ဘ၀များ ပိုမိုကောင်းမွန် တိုးတက်လာစေရေး တို့ကို အခြေခံပြီး ဆွေးနွေးကြကြောင်း သိရသည်။ မကြာမီသွားမည့် အမေရိကန် ခရီးစဉ်တွင်လည်း ဒဏ်ခတ်မှု လျှော့ချရေးကိစ္စ ထပ်မံဆွေးနွေးနိုင်မည်ဟု သုံးသပ်ရသည်။
ယခုအချိန်တွင် ဦးသိန်းစိန်အစိုးရ၏ နိုင်ငံရေး၊ စီးပွားရေး အပြောင်းအလဲကို ထောက်ခံကြောင်း ပြသသည့်အနေဖြင့် မြန်မာပြည်တွင် အမေရိကန် သံအမတ် စတင် တာဝန်ထမ်းဆောင် နေပြီ ဖြစ်ပြီး နိုင်ငံရေး၊ စီးပွားရေးဆိုင်ရာ ကိုယ်စားလှယ်များ အပြင် အမေရိကန် အခြေစိုက် နိုင်ငံစုံ ကော်ပိုရေးရှင်းများ၏ ကိုယ်စားလှယ်များပါ မြန်မာပြည်သို့ လာရောက် လေ့လာကာ ရင်းနှီးမြှုပ်နှံနိုင်မှု အလားအလာကို ကြည့်ရှုနေကြပြီ ဖြစ်သည်။ အကယ်၍ အမေရိကန် အပါအဝင် အနောက်နိုင်ငံများမှ ကုမ္ပဏီကြီးများ ဝင်လာလျှင် ငွေကြေးအရင်းအနှီး၊ နည်းပညာ၊ အတွေ့အကြုံ၊ အလုပ်အကိုင်သစ်များ ရလာနိုင်သည်ဟု အကြမ်းဖျဉ်း မျှော်လင့်ထား နိုင်သည်။
သို့သော်လည်း ပြည်ပ ရင်းနှီးမြှုပ်နှံမှုကို ၁၀၀ ရာခိုင်နှုန်းပေးလိုက်ပါက ပြည်တွင်းတိုင်းရင်းသား လုပ်ငန်းရှင်များ၏ ယှဉ်ပြိုင် မှုတွင် အခက်အခဲများစွာနှင့် ရင်ဆိုင်ရနိုင်ကာ အခွင့်အလမ်းများ ပျောက်ပျက်သွားနိုင်ကြောင်း စိုးရိမ်နေသည်၊ အမေရိကန်၏ ဒဏ်ခတ်မှု လျှော့ချရေးတွင် စစ်တပ်နှင့် ၎င်းနှင့် နီးစပ်သူ မြန်မာ့ စီးပွားရေး ထိပ်သီးများ မပါဝင်သဖြင့် ဘာမျှ မထူးဆန်းဟု ယူဆ သူများလည်း ရှိသည်။
အမေရိကန် အစိုးရ၏ အကန့်အသတ်ကလည်း ရှင်းသည်။ လူ့အခွင့်အရေး ချိုးဖောက်မှုများတွင် ပါဝင် ပတ်သက်သည်ဟု စာရင်းသွင်းခံရသည့် မည်သည့်လုပ်ငန်းရှင်နှင့်မျှ တွဲမလုပ်လိုကြောင်း မကြာသေးမီကပင် အမေရိကန် နိုင်ငံခြားရေး ဝန်ကြီးဌာန စီးပွားရေး ဖွံ့ဖြိုးမှုဆိုင်ရာ လက်ထောက် နိုင်ငံခြားရေး ၀န်ကြီး မစ္စတာ ရောဘတ် ဟောမတ်စ်နှင့် နိုင်ငံတကာ ကုန်သွယ်ရေး ဆိုင်ရာ လက်ထောက် နိုင်ငံခြားရေး ၀န်ကြီး မစ္စတာ ဖရန်စစ်ကိုစန်ချက်ဇ် တို့နှစ်ဦး ဦးဆောင်လာသော အမေရိကန် ကုမ္ပဏီ ၃၈ ခု၏ ကိုယ်စားလှယ်များ ပါဝင်သည့် စီးပွားရေးအဖွဲ့တဖွဲ့ မြန်မာပြည်သို့ သွားရောက် လေ့လာခဲ့စဉ် ပြောဆိုထုတ်ပြန်ခဲ့သည်။
ကြေညာချက်တွင် ရောဘတ် ဟောမတ်စ်က အမေရိကန် – မြန်မာ ဆက်ဆံရေးသည် “အလုပ်သမား ရပိုင်ခွင့် အပါအဝင် လူ့အခွင့်အရေး လေးစားလိုက်နာမှု၊ လူနည်းစု တိုင်းရင်းသားများ၏ ရပိုင်ခွင့်ကို ကာကွယ် စောင့်ရှောက်မှုနှင့် ဆက်လက် ထိန်းသိမ်းထားသော ရာချီသည့် နိုင်ငံရေး အကျဉ်းသားများ ပြန်လွှတ်မှု” များအပေါ် နက်ရှိုင်းစွာ တည်မှီနေကြောင်း ပြောဆိုထားသည်။
အမေရိကန်အနေဖြင့် မြန်မာ့ရေနံနှင့် သဘာဝဓာတ်ငွေ့ လုပ်ငန်းကဲ့သို့သော နိုင်ငံပိုင် စီးပွားရေး လုပ်ငန်းများတွင် ခြစားမှု တိုက်ဖျက်ရေးနှင့် ပွင့်လင်းမြင်သာမှု ပိုရှိလာစေရေး အတွက် မြန်မာအစိုးရနှင့် အတူ ဆောင်ရွက်သွားရန် စိတ်ပိုင်းဖြတ်ထား ကြောင်းလည်း ဆိုသည်။
မြန်မာအစိုးရအနေဖြင့် ရေနံနှင့် သဘာဝဓာတ်ငွေ့လုပ်ငန်း၏ ခြစားမှု တိုက်ဖျက်ရေးနှင့် ပိုမို ပွင့်လင်းမြင်သာမှု ရှိရေး နိုင်ငံတကာ စာချုပ် Extractive Industries Transparency Initiative (EITI) ကို လက်မှတ်ထိုးရန်လည်း အမေရိကန် အစိုးရက တိုက်တွန်းထားသည်။ ထိုအချက်ကို နေပြည်တော်က စိတ်ဝင်စားသဖြင့် နော်ဝေတွင် ရုံးထိုင်သော EITI ၏ အကြီးအကဲ မစ္စတာ ဂျဲနပ်စ် မိုဘာ့ဂ် ယခုတပတ် မြန်မာပြည်သွားမည် ဖြစ်သည်။
အမှန်တကယ်လည်း လတ်တလော မြန်မာနှင့် နိုင်ငံတကာ ဆက်ဆံရေး ဖြစ်ထွန်း တိုးတက်မှုများသည် နှစ်ပေါင်းများစွာ အထီးကျန် နေခဲ့သော မြန်မာ့လူ့အဖွဲ့အစည်းကို ကမ္ဘာ္ဘလုံးဆိုင်ရာ ကုန်သွယ်ရေးစနစ်နှင့် ပြန်လည်ချိတ်ဆက်ရန် မဟာဗျူဟာ တကျ ကြိုးပမ်းရမည့် လုပ်ငန်းစဉ်ဖြစ်သည်ဟု ဧရာဝတီက ရှုမြင်သည်။
နိုင်ငံတကာ ဆက်ဆံရေး တိုးတက်ကောင်းမွန် လာစေရေးသည် ပြည်တွင်းနိုင်ငံရေး တည်ငြိမ်တိုးတက်မှု၊ စီးပွားရေး လုပ်ငန်းများ ဖွံ့ဖြိုးနိုင်ရန် ရေခံမြေခံကောင်းများ အခြေခိုင်မှု၊ လူမျိုး ဘာသာမခွဲ ရင်းနှီး ချစ်ခင်တတ်မှု၊ လူ့အခွင့်အရေးနှင့် နိုင်ငံတကာ စံချိန်စံနှုန်းများနှင့် လိုက်လျောညီထွေ ဖြစ်မှု စသည်တို့နှင့် တွဲဖက်လျက် ရှိသောကြောင့် တလမ်းသွား မဟုတ်ပေ။
မြန်မာ့နိုင်ငံရေးနှင့် စီးပွားရေး မူဝါဒ လုပ်ထုံးလုပ်နည်း အပြောင်းအလဲများနှင့် အနောက်ကမ္ဘာ္ဘ၏ ဒဏ်ခတ် ပိတ်ဆို့မှုများ လျှော့ချ ပယ်ဖျက်ခြင်းသည် တခုမဟုတ် တခု ရွေးရမည့် နိုင်ငံရေး လောင်းကစားပွဲ မဟုတ်ဘဲ ခေါင်းနှင့် ပန်းပမာ ခွဲမရသည့် ဆန့်ကျင်ဘက်များ ပေါင်းစည်းထားခြင်း ဖြစ်သည်။ အပြောင်းအလဲ ပိုအခြေခိုင်လေ၊ ဒဏ်ခတ်မှူ ပိုကင်းစင်လေ ဖြစ်ပြီး ပိတ်ဆို့မှု မရှိလေ ဖွံ့ဖြိုးမှု အခွင့်အလမ်း ပိုရလေ ဖြစ်မည်။
နှစ်ဘက် အကျိုးဖြစ်မည့် နည်းကို ရှာဖွေကာ ဆက်လက် အသုံးချနိုင်လေ အကျိုးများလေ ဖြစ်သောကြောင့် နတ်လူ သာဓုခေါ်မည့် ကိစ္စဖြစ်သည်။ ပေါ်ပေါက်လာနေသော အပြောင်းအလဲ၏ အကျိုးဆက် စိန်ခေါ်မှုများကို ကိုင်တွယ်ဖြေရှင်း သွားခြင်းသည် နောက်ပြန် ဆုတ်သွားရန် မဟုတ် ရှေ့တိုးရန်သာ ဖြစ်သောကြောင့် မဖြေရှင်းရသေးသည့် ပြဿနာများကို အမြန်ဆုံး ဖြေရှင်းယူရန်သာ ရှိတော့သည်။
No comments:
Post a Comment