Tuesday, October 23, 2012

အရေးပေါ် ကယ်ဆယ်ရေး အစီအစဉ်အရ ကချင် ဒုက္ခသည်များ ဂျပန် အကူအညီ ရတော့မည်



အရေးပေါ် ကယ်ဆယ်ရေး အစီအစဉ်အရ ကချင် ဒုက္ခသည်များ ဂျပန် အကူအညီ ရတော့မည်
ဗုဒ္ဓဟူးနေ့၊ အောက်တိုဘာလ 24 ရက် 2012 ခုနှစ် ရွှေဟင်္သာ သတင်း - ရွှေဟင်္သာ သတင်းဌာန

ကချင်ပြည်နယ် စစ်ပြေး ဒုက္ခသည် အတွက် ဂျပန်နိုင်ငံ နိပွန် ဖောင်ဒေးရှင်းမှ မေရိကန် ဒေါ်လာ (၃) သိန်း ကူညီ မည်ဟု ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ ( UNFC ) အဖွဲ့၏ ဂျပန်နိုင်ငံ ခရီးစဉ်အဆုံး၌ အဖွဲ့ဝင်တစ်ဦး မှ ယနေ့ထုတ်ဖော် ပြောကြားပါသည်။

“လောလောဆယ် နိပွန် ဖောင်ဒေးရှင်းက က တိုက်ပွဲတွေ နေ့တိုင်း ဖြစ်နေတဲ့ ကချင်ပြည်နယ်နဲ့ ရှမ်းပြည်နယ် မြောက်ပိုင်း ဒုက္ခသည်တွေ အတွက်ကို အရင် ပေးဆောင်မှာ ဖြစ်တယ်။ သူတို့ ထောက်ပံ့ လိုက်တာက လောလောဆယ် လိုအပ်နေတဲ့ ရိက္ခာနဲ့ ဆေးဝါးတွေ အတွက် ဖြစ်ပါတယ်။ တန်ဘိုးအာဖြင့် ဒေါ်လာ (၃) သိန်းလောက် ကူပေးမှာ ဖြစ်တယ်” ဟု ဆိုသည်။

UNFC သည် နိပွန်ဖောင်ဒေးရှင်း၏ လူသားချင်း စာနာမှု ဆိုင်ရာ အကူအညီများ ပေးအပ် နိုင်ရေး နှီးနှော ဖလှယ်ပွဲသို့ တက်ရောက်ရန် ဖိတ်ကြားချက် အရ ခွန်ဥက္ကာ ဦးဆောင်သော အဖွဲ့ဝင် ၂၀ ဦး တို့သည် ပြီးခဲ့သည့် အောက်တိုဘာလ ၁၇ ရက်နေ့ ညနေပိုင်းတွင် ဂျပန်နိုင်ငံသို့ ထွက်ခွာ သွားခဲ့ပြီး ဆွေးနွေးခဲ့ရာမှ ရရှိခဲ့ခြင်း ဖြစ်ကြောင်း သိရသည်။

No comments: