သူတို့ကခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။

 

အပိုင်း (၁)(၂)

(ကိုညို)

သူတို့ကခေါ်တော့ ဒုက္ခသည်၊ ကိုယ့်ကိုယ်ကိုတော့ တော်လှန်ရေးသမား (ကိုညို)

                      နိဒါန်း
ဒီနေ့..အောက်တိုဘာ၁၃ရက်ဟာ..ပြည်ပရောက်တာ၂၄နှစ်တိတိပြည့်တဲ့နေ့။
မြန်မာပြည်ကြီးနဲ့ခွဲလိုက်ရတာ၂၄နှစ်တောင်ကြာသွားတယ်။
တကယ်ပါ၊တရက်မှဗမာပြည် အကြောင်းမတွေးတဲ့နေ့၊ မပြောတဲ့နေ့၊သတိမရတဲ့နေ့ဆိုတာမျိုးမရှိခဲ့ဖူး။
နေ့တိုင်းဗမာပြည်အကြောင်းတွေး တယ်။စာရေးတယ်။ ဗမာပြည်နဲ့ပတ်သက်ပြီးတခုခုတော့အမြဲလုပ်ဖြစ်နေတာပဲ။
သတင်းမရေးဖြစ်တဲ့နေ့မှာတောင်၊အပျင်းပြေ၊စာတပိုဒ်ဖြစ်ဖြစ်ရေးလိုက်တာပဲ။
နို့မဟုတ်ရင်
ကဗျာရေး..မဟုတ်လဲသီချင်းရေး..။ဒီလိုနဲ့အလွမ်းဖြေခဲ့တာ..၊
ဒီလိုနဲ့ထွက်ပေါက်ရှာနေခဲ့တာ..။
၂၄နှစ်ပြည့်ဆိုတော့ဘာလုပ်ရင်ကောင်းမလဲ?အမှတ်တရတခုခုတော့လုပ်မှဖြစ်မယ်။

နိုင်ငံရေးအကြောင်း..၊ရှေးဖြစ်နှောင်းဖြစ်အကြောင်းတွေ..ပြန်ဆွေးနွေးဘို့
စကားပြောဖော်လည်းမရှိဘူး။ရင်းနှီးခင်မင်တဲ့..သူငယ်ချင်းအပေါင်းအသင်းပြောတာပါ..။
အော်စလိုက..သိတ်ပျင်းစရာကောင်းတယ်။မိတ်ဆွေတွေတော့ရှိပါရဲ့တယောက်နဲ့
တယောက်ဆုံဘို့..သိတ်ကိုအားထုတ်ရတယ်။အလုပ်ကိုယ်စီနဲ့မအားကြဘူး။
ဥရောပလူနေမှုဝဲဂယက်မှာအားလုံးလည်ထွက်နေတယ်။တ၀ဲလည်လည်ပဲ။
စကားပြောဖော်ကိုယ့်မိသားစုတော့ရှိတာပေါ့..။သူတို့နဲ့ကနိုင်ငံရေးကိစ္စ
သိတ်မပြောဖြစ်ပါဘူး။သားနဲ့သမီးကငယ်သေးတယ်၊သားက၁၀နှစ်၊သမီးက၈နှစ်..။
ပုံပြောတာဘဲစိတ်ဝင်စားတယ်။တခါတလေ..ပုံပြင်လိုလိုနဲ့ခတ်တည်တည်ပဲ.
.ကိုယ့်အကြောင်းတွေ..ဇာတ်လမ်းလုပ်အာနေတာ..၊သူတို့လည်းငယ်သာငယ်တယ်၊
သိတ်နပ်တာ၊မသိချင်ယောင်ဆောင်ပြီးအိပ်ချင်လို့၊အိပ်ရာဝင်ပုံပြင်အနေနဲ့နားထောင်
နေတာ၊စိတ်ဝင်စားလို့မဟုတ်ဖူး။သူ့တို့အဖေအာနေတယ်၊
လံကြုပ်တွေပြောနေတယ်ဆိုတာကောင်းကောင်းရိပ်မိတာပေါ့။
ဇနီးကလည်း..သီချင်းတွေနဲ့အ၀တ်အစားတွေ..ဆံပင်ပုံစံတွေ..ဖက်ရှင်တွေပြီးတော့
ဘုရားတရားအကြောင်း၊ဒါပဲစိတ်ဝင်စားတာ..။
စာနာပြီးနားထောင်ပေးတာမျိုးပဲရှိမယ်..ဘာမှပြန်ဆွေးနွေးမှာမဟုတ်ဖူး။
ကဲပါ..၊မထူးပါဘူး..ကိုယ့်ဖာသာစာဘဲရေးတော့မယ်။
ကိုယ့်အကြောင်းကိုယ်ရေးမယ်။ကိုယ်ဖြတ်သန်းခဲ့တာတွေစရေးကြည့်မယ်။
တနေ့တချိန်..သားနဲ့သမီးတို့သိအောင်ပေါ့။ပြီးတော့ကိုယ့်မိတ်ဆွေတွေ
သိချင်လည်းသိရအောင်ပေါ့။
အင်း..ပြောမဲ့သာပြောတာ..၊ဘယ်ကစရေးရမလဲ?..
ဘာရေးရမလဲ?...ဘယ်သူ့အတွက်အကျိုးရှိမှာလဲ?
ဒါကသတင်းရေးတာမှုတ်ဖူး၊ဆောင်းပါးရေးတာမှုတ်ဖူး၊
ဘယ်သူမှဖတ်ချင်မှာမှုတ်ဖူး..။
အို..မထူးပါဘူး။
ဘယ်သူဖတ်ဖတ်….မဖတ်ဖတ်..ကိုယ့်Face Bookမှာကိုယ်တင်မယ်။
ဖတ်ချင်သူဖတ်၊မဖတ်ချင်လည်းနေ..။
အင်း..ဘယ်ကစရေးရင်ကောင်းမလဲ?...ဘာတွေမှတ်မိလဲ?
၂၄နှစ်ဆိုတော့..တချို့မေ့ကုန်ပြီ..
ကိုယ်အိမ်ကထွက်လာတာကိုက၂၅နှစ်အရွယ်။
ဘွဲ့ရပြီးခါစ..ရှမ်းပြည်မြောက်ပိုင်း.တောင်ပေါ်မြို့လေးက၊
တွဲဘက်အထက်တန်းဆရာ
အလုပ်ထွက်ခါစပူပူနွေးနွေး။..
၈၈အရေးတော်ပုံကြီးမှာထဲထဲဝင်ဝင်လှုပ်ရှားပြီးမှသိတ်မကြာ..
အိမ်ကပြေးခဲ့ရတာ….။ဟုတ်ပြီ..စိတ်ထဲခံစားနေရတာလေးတခုသတိရတယ်။
ခေါင်းစဉ်လေးတခု..အနှစ်၂၀လောက်အိန္ဒိယမှာဖြတ်သန်းခဲ့စဉ်ကာလ၊
ခံစားခဲ့ရတဲ့အဖြစ်တွေ..
အဲဒီခေါင်းစဉ်လေးသတိရတယ်။
ဟုတ်ပြီ..အဲဒါကောင်းတယ်..
သူတို့ဘက်ကကြည့်ရင်Refugees…ကိုယ့်ဘက်ကတော့Freedom Fighter.
ကောင်းတယ်ကွက်တိဘဲ..။ဒီခေါင်းစဉ်နဲ့ရေးမယ်။
ပြီးတော့အဲဒီညအကြောင်းရေးမယ်။စိတ်အာရုံထဲ..ရုပ်ရှင်ရိုက်ထားသလို..
စွဲမြဲနေအောင်
မှတ်မိနေတဲ့ညလေး..ပြီးတော့ငါ့ဘ၀ကိုတဆစ်ချိုးပလိုက်တဲ့ည၊
ဒီနေ့အထိငါ့ညီအကိုမောင်နှမတွေနဲ့ရှင်ကွဲကွဲ၊သေကွဲကွဲခဲ့ရတဲ့ည၊ပြီးတော့
ငါ့မိတ်ဆွေတွေ၊ရဲဘော်ရဲဘက်တွေ၊ငယ်သူငယ်ချင်းတွေနဲ့ရော..
ငါချစ်တဲ့မြို့ကလေးနဲ့ပါ
ကောင်းကောင်းနှုတ်မဆက်ရဘဲ..ခိုးကြောင်ခိုးဝှက်ပြေးလာခဲ့ရတဲ့ည..။
ဒါပေမဲ့အဲဒီလိုငါ့ဘ၀အမှောင်ကျအောင်လုပ်ခဲ့တဲ့ညဟာ..
သူကိုယ်တိုင်ကလင်းနေခဲ့တာ  မှတ်မိတယ်။
လတစင်းထိန်နေအောင်သာတဲ့ညပါ။
လသာနေတဲ့..အဲဒီညကစပြီးငါ..ရေးမယ်။

---------------------------------------------------

သူတို့ကခေါ်တော့ ဒုက္ခသည်၊ ကိုယ့်ကိုယ်ကိုတော့ တော်လှန်ရေးသမား
(ကိုညို)
                                (၁)

ဝုန်း  ကနဲ အသံတခုကြားပြီးတဆက်ထဲမှာ အောက်ထပ်က ဥစားကြက်တွေရဲ့ကတော် ကတော် နဲ့ အော် သံတွေက သတိနဲ့အိပ်နေတဲ့ ကျနော့ ကိုလှန့်လိုက်သလိုဖြစ်သွားတယ်။ တခါတလေ ဟိုဘက်ခြံထဲက
ကြောင်က ကြက်ပေါက်လေးတွေလာဆွဲတတ်တယ်လို့သိထားတာကြောင့်
စိတ်နည်းနည်းအေးသွားတယ်။ ချက်ချင်းဘဲဘထ္ကရီအိုးနဲ့ဆက်ထားတဲ့တပေခွဲမီးချောင်းလေးကိုဖွင့်လိုက်ပြီး
ခေါင်းအုံးအောက်က မှတ်စုစာရွက်တွေညှပ်ထားတဲ့မှတ်တမ်းစာအုပ်လေးကို  အိမ်ခေါင်မိုးသက်ကယ်ကြားထဲထိုးထည့်လိုက်ပါတယ်။
 စစ်တပ်က အာဏာသိမ်းလိုက်ပြီဆိုတဲ့နောက်အိမ်ပြန်မအိပ်ဖြစ်တာ ၃ ရက်လောက်ရှိပြီ၊၊
ဟိုဟိုဒီဒီလှည့်ပတ်အိပ်နေပြီးမှ၊ ဒီနေ့တော့နှင်းဆီခြံမှာဘဲ အိပ်တော့မယ်လို့ဆုံးဖြတ်ပြီး လာခဲ့တာ။
ညနေတုံးကဘဲ သီပေါနယ်က SSA အဖွဲ့မှာလက်နက်ငယ်သင်တန်းဆင်းပြီး မန္တလေးဘက်မပြန်ခင်
ကိုယ်နေတဲ့မြို့ကိုလှည့်ဝင်လာတဲ့ အထက်ဗမာပြည်ကျောင်းသားသမဂ္ဂ ကသီဟ နဲ့ လင်းပြာ တို့နဲ့ ဆုံဖြစ်တယ်။ဒီခြံထဲမှာတနာရီလောက်တွေ့ပြီး၊ တောခိုချင်တဲ့ ကျောင်းသားတွေကိုဘယ်နည်းဘယ်ပုံ
အဆက်အသွယ်တွေနဲ့ တသုတ်စီ ဘယ်လိုပို့ကြဘို့ ဆိုပြီးဆွေးနွေးခဲ့ကြတယ်။

သီပေါနယ်ကရှမ်းရွာလေးမှာလက်နက်ငယ်သင်တန်းအတွေ့အကြုံနဲ့အဲဒီကအနေအထားတွေကိုယ့်ကို ရှင်းပြတယ်။ကိုယ့်လူတွေကိုဘယ်လိုပုံစံနဲ့လွှတ်ပေးဖို့၊စကားဝှက်တွေပေးတယ်။သူတို့နဲ့ညနေ ကပြောခဲ့တာတွေတွေးရင်းရှေဆက်ဘာလုပ်မလဲစဉ်းစားနေလိုက်တယ်။
ပြန်အိပ်ချင်စိတ်က ချက်ချင်းမပေါ်ဘူး၊မျက်စိကြောင်နေတာနဲ့ဘေးနားစာအုပ်ပုံ က လှမ်းမှီတဲ့ စာအုပ်တအုပ် ကောက်ဆွဲပြီးဖတ်နေလိုက်တယ်။
နာရီကြည့်တော့ ည ၁၁နာရီခွဲပြီး ၁၀မိနစ်၊၊သိတ်မကြာလိုက်ဘူးထင်တယ်။ဝေါ ကနဲ ကား တစီး ခြံရှေ့မှာ ရပ်လိုက်တဲ့အသံကြားလိုက်တယ်၊
နားစိုက်လိုက်တော့မသဲမကွဲစကားပြောသံတွေကိုကြားရတယ်။
အိမ်ရှေ့အိမ်ကိုနိုးပြီးတစုံတခုမေးမြန်းနေပုံဘဲ။( နောက်မှသိရတာ လာတဲ့ စစ်ထရပ်ကားကြီးက
ခြံမှားသွားတာ၊သူတို့ လာချင်တာက ကျနော်နေတဲ့နှင်းဆီခြံဘဲ)
အတူနေသူငယ်ချင်း အောင်ကြီးက “အကိုဆင်းခဲ့တော့ မြန်မြန်”လို့လှမ်းခေါ်တာနဲ့
ကမန်းကတန်းချက်ချင်းထပြီး ကြက်ခြံအပေါ်ထပ်ကနေအောက်ကိုဆင်းလိုက်တယ်။
၂ယောက်သား ၀န်းတံခါးနဲ့ ၀ါးနှစ်ရိုက်ကွာတဲ့ခြံရှေ့ကဘက္ထရီအားသွင်းတဲ့အုတ်တိုက်ခန်းလေးကို
အကာအကွယ်ယူပြီး ခပ်သွက်သွက်ပြေး ၊ လမ်းမပေါ်ခေါင်းပြူကြည့်လိုက်တယ်။
စက္ကန့်ပိုင်းလောက်ဘဲကွာမယ်၊ ဗြုံး ကနဲ ခြံရှေ့ ၀ါးကပ်ကာ ၀န်းတံခါးကိုခြေနဲ့ကန်ဖွင့်လိုက်တဲ့
အသံကြားလိုက်ပြီး “အကိုဒီဘက်လာ” လို့ အောင်ကြီးကပြောပြောဆိုဆို ကျနော့်လက်ကိုစောင့်ဆွဲပြီးခြံဒေါင့်ကကော်ဖီပင်တွေကြားခါးလေးတွေကုန်းပြီးပြေးသွားလိုက်တယ်။
ကံသီပေလို့၊ လက်မတင်လေးဘဲ၊၊ကော်ဖီပင်တွေကြားကနေကြည့်လိုက်တော့
 ကျနော်အိပ်တဲ့ကြက်ခြံဘက်ကိုခပ်သွက်သွက်လေးဦးတည်ပြေးသွားတဲ့ လက်နက်ကိုင် စစ်သားတွေကိုတွေ့လိုက်ရတယ်။
အဲဒီနေ့က လ ကလည်း  လှနေအောင်သာနေတာ။
လရောင်အောက်မှာ၊ယူနီဖောင်းဝတ်တွေကို အထင်းသားတွေ့နေရတယ်။
ညာဘက်လမ်းသွယ်က စစ်သား၎ ယောက် ၊ဘယ်ဘက် လမ်းသွယ်က စစ်သား၅ ယောက် အားလုံးပေါင်း ၉ယောက်တိတိ။စစ်သားတချို့က တဗြောင်းဗြောင်းနဲ့မောင်းတင်လိုက်တဲ့အသံဟာ
သူတို့ရဲ့စစ်ဘိနပ်သံတွေထက်တောင်ကျယ်နေသေးတယ်။
ကျနော်ကတော့ တခနအတွင်းမှာဘဲ ကိုယ့်ကိုယ်ကိုသေလူတယောက်လို နှလုံးသွင်းလိုက်တယ်၊
ငါတော့ ဒီည သွားပြီမလွတ်တော့ဘူးပေါ့။
အံ့သြဘို့ကောင်းတာက၊ အဲလို ကိုယ့်ကိုယ်ကိုအဆုံးစွန်အထိ တွက်ထားလိုက်တာနဲ့
လူက အေးဆေးတည်ငြိမ်သွားတယ်။ကိုယ်ဘာလုပ်နေတယ်၊ ဘာလုပ်ရမယ်ဆိုတာ ခေါင်းအေးအေးနဲ့ သိနေတယ်။
လရောင်အောက်မှာစစ်သားတွေ ဟိုဘက်ဒီဘက် နေရာယူပြီးခြံကိုဝိုင်းထားတာ မြင်ရတယ်။
ကမန်းကတန်းတိုးလိုက်လို့လှုတ်ခတ်နေတဲ့ကော်ဖီပင်ကိုင်းလေးတွေကိုငြိမ်အောင်လိုက်ကိုင်နေလိုက်တယ်။
တ၀ီဝီနဲ့ခန္တာကိုယ်အနှံ့ ခဲနေတဲ့ ခြင်ကြားကြီးတွေကိုလက်ဖ၀ါးနဲ့ကြိတ်ပြီးပွတ်နေလိုက်တယ်။
ခြံအောက်ကိုရုတ်တရက်ဆင်းလိုက်ချိန်ရောင်ရမ်းပြီးစလွယ်သိုင်းပါလာတဲ့လွယ်အိတ်လေးကိုတောင်၊
အသာလေးချွတ်ပြီး နောက်ဘက်ခတ်လှမ်းလှမ်းဆီ ပစ်ထားလိုက်တယ်။
အဲဒီထဲမှာစာတိုစာစ တချို့နဲ့ လေးဂွ၊လောက်စလုံးတွေပါတယ်။ရီရတယ်၊၊ ရုတ်တရက်လူကိုမိရင်
ဘာလက်နက်မှအတူရှိမနေပါဘူးဆိုတဲ့အတွေးဝင်လာပြီးလုပ်လိုက်တာပါ။
“အပေါ်မှာဘယ်သူတွေလဲ၊ဆင်းခဲ့ပါ” ဆိုတဲ့အသံကိုကြားရတယ်။
 ခန နေတော့ လမ်းမဘက်ကားရပ်ထားရာနေရာကခရာမှုတ်သံတချက်ကြားတယ်။
“ဟေ့ ကြားလား၊အပေါ်မှာဘယ်သူတွေရှိလဲ၊ဆင်းခဲ့ပါ”ထပ်အော်ပြောတယ်။အောက်ထပ်ကနေ
ကျနော်အိပ်တဲ့ကြက်ခြံအပေါ်ထက်ကိုလှမ်းအော်ပြောနေတာ။ကျနော်မေ့ပြီးဘက်ထရီမီးပြန်မပိတ်မိခဲ့ဘူး။
အပေါ်ထပ်ကမီးလင်းနေတယ်။
“တယောက်အပေါ်တက်ကြည့်စမ်း”စစ်သားတယောက်ဝါးလှေခါးအတိုင်း
တက်သွားတာလည်းကိုလည်း ကိုက်၁၀၀ ကျော်လောက်ဝေးတဲ့
ကော်ဖီပင်တွေကြားကနေ လှမ်းမြင်နေရတယ်။
“ဘယ်သူမှမရှိဘူးဆရာ၊ ခြင်ထောင်တော့ ထောင်ထားတယ်”
‘ခြင်ထောင်ထောင်ရင်လူရှိမှာပေါ့၊ ဘာတွေ့သေးလဲ၊
ရှာပြီးဆင်းခဲ့ကွာ’’
အပြင်က ခရာသံ ထပ်ကြားရတယ်။
‘’ကဲ လာကြဟေ့၊ခရာမှုတ်နေပြီ သွားကြမယ်’’
သူတို့ပြန်လှည့်လာတယ်၊ ဂလုံကနဲမြည်သွားတဲ့အသံကြားလိုက်တယ်။
စစ်သားတယောက်လက်ထဲမှာ ကျနော့် ဂစ်တာလေးကိုင်သွားတာတွေ့ရတယ်။
လရောင်ဟာပိုပြီးတောက်ပနေသလို၊ပိုပြီးလှလာတယ်လို့ထင်တယ်။
နှင်းဆီပွင့်တွေကိုလရောင်အောက်မှာသဲသဲကွဲကွဲကြီးကိုတွေ့ရတယ်။
အဲဒီညဟာငရဲလက်ကသီသီလေးလွတ်ခဲ့တဲ့ည၊
ကြောင်ရန်ကိုကြောက်တဲ့ ကြက်တွေသတိပေးလို့ အသက်ချမ်းသာရာရခဲ့တဲ့ည၊
 ပြီးတော့ ကျနော်နေထိုင်ရာ ကျောက်မဲမြို့လေးနဲ့၊ အတူဆန္ဒပြဖော်
ရဲဘော်ရဲဘက်တွေ၊ညီအကိုမောင်နှမတွေကို ဒီကနေ့အထိ ခွဲခွါ ခဲ့ရတဲ့ ညလည်းဖြစ်ပါတယ်။

(ကိုညို)
၁၄အောက်တိုဘာ၂၀၁၂
(အော်စလို) 

• 
  

                                            (၁)

ခြံရှေ့ကစစ်ကား၂စီးထွက်သွားပြီးတအောင့်ကြာတော့..ကိုယ့်ရဲဘော်တချို့ခြံထဲပြေးလာတယ်။ကျနော့် ကိုတွေ့တော့ဝမ်းသာသွားတယ်။သူတို့ကတဘက်ခြံတွေမှာအိပ်ကြတာ။
ည(၈)နာရီအိမ်ပြင်မထွက်ရဆိုတဲ့ကာဖျူးအမိန့်ကတမြို့လုံးကိုသချိင်္ုင်းကုန်းလိုငြိမ်သွားစေတာကိုး..။
ကား သံကြားရင်သေချာတယ်၊စစ်ကားပဲ။
ခြံထဲစစ်သားတွေဝင်လာပြီဆိုကတည်းကကျနော့ကိုသေချာပေါက်ဆွဲသွားပြီထင်တာ။
အဲဒီညတော့ခြံနဲ့ကပ်ရက်သူငယ်ချင်းအိမ်မှာအိပ်လိုက်တယ်။
ဒါပေမဲ့ဘယ်အိပ်ပျော်မလဲ၊ဘာဆက်လုပ်ရင်ကောင်းမလဲတွေးနေတာနဲ့မိုးလင်းခါနီးမှ သတိပြတ်၊ အိပ်ပျော်သွားတယ်။
မနက်လင်းတာနဲ့ကိုယ်နေတဲ့(မြောက်ကုန်း)ကနေမြို့ထဲဆင်းတယ်။လမ်းဆုံမှာမမျော်လင့်ဘဲအကိုကြီးနဲ့တွေ့ တယ်။(ကျနော့်အကို၊ကိုတင်မောင်ကဈေးသပိတ်သမဂ္ဂခေါင်းဆောင်တယောက်ပါ၊နိုင်ငံရေး တက်ကြွ တယ်၊အဟောအပြောကောင်း၊ဟာသထုတ်တာ၊အရွှန်းဖောက် တာသိတ်ကောင်းတယ်၊ မိတ်ဆွေ အပေါင်း အသင်းများတယ်၊နောက်ပိုင်းမြို့နယ်NLDဒုဥက္ကဌတာဝန်ထမ်းရင်း၂၀၀၂မှာကွယ်လွန်သွားတယ်လို့ သတင်းကြား တယ်)၊ အကိုကကျနော့်ကိုတွေ့တော့..
“ဘယ်သွားမလို့လဲ…အိမ်ပြန်လာခဲ့ကွာ..၊ဘယ်မှလျှောက်မသွားနဲ့၊
ငါအားလုံးတာဝန်ယူပြောပေးမယ်”တဲ့..ကျနော့်ကိုညကလာဆွဲတာသူသိဟန်မတူဘူး။
ကျနော့်ကိုမဖမ်းအောင်တာဝန်ယူမဲ့သဘောသူပြောနေတာ…အဝေးထွက်သွားမှာစိုးရိမ်ဟန်တူတယ်။ ကျနော်ကတော့အကို့ကိုဘာမှရှင်းပြမနေတော့ဘူး။
“ဟုတ်ကဲ့..ခနလေးပါ၊”လို့ပဲကမန်းကတန်းအဖြေပေးပြီးခတ်သုတ်သုတ်မြို့ထဲဆင်းလိုက်တယ်။ အဲဒီနေ့ဟာ..ကျနော့အကို ကိုနောက်ဆုံးမြင်ခဲ့တာပဲ။
သပိတ်ကာလအရေးပေါ်ဆုံနေကျ.ဈေးထိတ်ကကိုမြင့်လွင်စာအုပ်ဆိုင်ကိုကျနော်ချက်ချင်းသွားတယ်။
မျော်လင့်ထားတဲ့အတိုင်းဆိုင်နောက်ဖေး၊စားပွဲမှာလဘက်ရေသောက်စကားပြောနေတဲ့
ရဲဘော်ကြီးတွေကိုတွေ့ရတယ်။သူတို့ကသတင်းကြိုရပြီးပြီ။သူတို့အားလုံးကျနော့ထက်အသက်ကြီးတဲ့စီနီ ယာသမားတွေ။ရှေ့နေ၊ဆရာဝန်နဲ့ဝန်ထမ်းအရာရှိတချို့လည်းပါတယ်။
အားလုံးငြိမ်ငြိမ်သက်သက်ပဲ၊ကျနော့ကိုမြင်တော့နေရာတခုံပေးတယ်။အားလုံးကကျနော့်ကိုပဲကြည့်နေတယ်။
စောစောကတည်းကကျနော်နဲ့ပတ်သက်ပြီးတခုခုကြိုတင်ဆွေးနွေးထားပုံရတယ်။
ရှေ့နေကိုအုန်းကြိုင်ကပဲစပြီး“ဘယ်လိုဖြစ်တာလဲ”လေသံအေးအေးနဲ့မေးတယ်။
ကျနော်ရှင်းပြတယ်။
“မင်းဘာဆက်လုပ်မယ်စဉ်းစားလဲ”
“ကျနော်ဒီမှာဆက်နေလို့မဖြစ်ဘူးထင်တယ်”
“အဲဒီတော့ဘယ်သွားမယ်စဉ်းစားထားလဲ၊ဘာလုပ်ပေးရမလဲ”
ကျနော်ခေါင်းထဲမှာဆရာထူးမှာထားတာသတိရတယ်။
ဆရာထူးဆိုတာ(ဆရာဦးရွှေထူး၊မန္တ္တလေး၊ပြီးခဲ့တဲ့လကမှတောင်ကြီးထောင်ကနေလွတ်လာတဲ့နိုင်ငံရေး အကျဉ်းသား၊ဆရာထူးအကြောင်းအဲဒီလင့်မှာရေးထားတယ်။
http://www.kaungkin.com/index.php?option=com_content&view=article&id=707:2012-01-25-02-49-38&catid=35:2009-04-17-01-29-53&Itemid=61 )
ကျနော်တို့အထက်တန်းကျောင်းသားဘ၀ကကျောင်းဆရာဆရာထူး၊မန္တလေးပြောင်းသွားတာကြာပြီ။
သပိတ်ကာလကကျနော်မန္တလေးဆင်းပြီး
သပိတ်အဖွဲ့သမဂ္ဂတွေ၊ရဟန်းပျိုတွေနဲ့အချိတ်အဆက်တွေသွားလုပ်တော့မန်းတက္ကသိုလ်အထွေထွေ သပိတ်ကော်မတီဒုဥက္ကဌဦးရွှေမှုး(အင်္ဂလိပ်စာကထိက၊ကွယ်လွန်၊ဆရာဦးရွှေထူးအကို)အိမ်မှာဆရာနဲ့ပြန်ဆုံ တယ်။ကျောက်မဲကကျနော်တို့လှုပ်ရှားနိုင်ဘို့ရန်ကုန်၊မန္တလေးနိုင်ငံရေးအခြေအနေနဲ့ပြောင်းလဲနေ တဲ့ကြွေးကြော်သံ၊တောင်းဆိုချက်တွေကိုဆရာထူးကနေ့စဉ်သတင်းပေးနေတာပါ၊
ဆရာကကျနော့ကိုသေချာမှာထားတယ်။
“အခြေအနေက၊သိတ်တော့မကောင်းဘူး၊စစ်တပ်ကလူထုဘက်မှာပြောင်ပြောင်တင်းတင်းမရပ်သေးဘူး။ အဲဒီတော့တခုခုဖြစ်ရင်မန္တလေးသာဆင်းလာခဲ့၊ဟိုဟိုဒီဒီအဖွဲ့တွေဆီမသွားနဲ့ဒီဘဲလာခဲ့”တဲ့၊ကျနော့ခေါင်းထဲ မှာအဲဒါရှိနေတယ်။
ဒါနဲ့ဘဲ..
“ကျနော်မန္တလေးဆင်းမယ်”လို့အဖြေပေးလိုက်တယ်။
ရဲဘော်ကြီးတွေက..လိုအပ်တဲ့ငွေထုတ်ပေးတယ်။
“ဒီကနေစခန်းသာမြို့အထိတောလမ်းအတိုင်း၊ခြေကျင်နဲ့သွား၊စခန်းသာအ၀င်မှာကားတစီးစောင့်နေမယ်.. ကဲသွားတော့..ငါတို့စီစဉ်ထားလိုက်မယ်”
တကယ်လို့ကျနော့ကိုစစ်တပ်ကမိရင်..ကျနော့နောက်ကွယ်မှာတိတ်တဆိတ်ရှိနေတဲ့သူတို့အန္တရာယ် လည်းရှိတာမို့ကျနော်လွတ်မြောက်နေတာအကောင်းဆုံးလို့ကျနော်လည်းစဉ်းစားထားပါတယ်။
ဒါနဲ့..သူငယ်ချင်းတိုးမြင့်သိန်းအိမ်ကိုသွားတယ်။သူကလမ်းပြအဖော်တယောက်ရှာပေးတယ်၊ သူ့အဖေရှမ်းဘောင်းဘီအဟောင်းတထည်ထုတ်လာပြီ်းဝတ်ခိုင်းတယ်၊
တိုးမြင့်အမေကအောက်ထပ်ကတက်လာပြီးရှမ်းခမောက်တလုံးလာပေးတယ်။
“ကျနော်သွားတော့မယ်ဒေါ်ဒေါ်၊ကျနော့မိဘတွေလိုသဘောထားပြီးကန်တော့ခဲ့ပါတယ်”ကျနော်ထိုင် ကန်တော့လိုက်တယ်၊ဒေါ်လေးပါးစပ်ကနေအသံထွက်ပြီးဆုတောင်းပေးတယ်၊မျက်ရေလည်နေတာလည်း သတိထားမိတယ်။
တခါမှမဆောင်းဘူးတဲ့ရှမ်းခမောက်နဲ့မ၀တ်ဖူးတဲ့ရှမ်းဘောင်းဘီဝတ်ပြီးကျနော့ကိုလိုက်ပို့ပေးမဲ့သူငယ်ချင်း ညီထွေးနဲ့အတူလမ်းကြားတခုကနေလမ်းပြကိုစောင့်နေတယ်။စခန်းသာမြို့အထိဖြတ်လမ်းကသွားဖို့လမ်းပြ လိုတယ်။ကျနော့်နားကိုစက်ဘီးတစီးနဲ့လူငယ်တယောက်ကပ်လာတယ်။တိုးတိုးလေးကပ်ပြီး..
“ကိုညို..ကျနော်တို့ဘာဆက်လုပ်ကြမလဲ”.တဲ့။
ငါ့နှယ်..သေလိုက်ပါတော့..၊ရှမ်းဘောင်းဘီ၊ရှမ်းခမောက်နဲ့ရုပ်ဖျက်ထားပါတယ်ဆိုမှမှတ်မိနေတဲ့ကောင်က ရှိသေးတယ်။“အင်း..လောလောဆယ်..၀ပ်နေကြအုံး..၊
“တခုခုတော့ဆက်လုပ်ရမယ်..အားလုံးကိုအဲလိုပဲပြောပြထားအုံး”ခတ်တည်တည်ဘဲ.. မှာလိုက်တယ်။
တကယ်တော့ဘာမှမရေရာဘူး၊ဘာမှလည်းမပြင်ဆင်ထားဘူး၊
တနေ့စစ်အာဏာသိမ်းလိမ့်မယ်လို့ထင်ထား၊တွက်ထားတာရှိပေမဲ့ကျနော်တို့တတွေ၊တပါတီအာဏာရှင်စနစ် ကိုအကြမ်းမဲ့နည်းနဲ့ဖြှိုဖျက်နိုင်မယ်လို့ဘဲခတ်လွယ်လွယ်ယုံကြည်ခဲ့ကြတယ်။
စစ်တပ်ရဲ့ရပ်တည်ချက်ကိုသိတ်မကြိုက်လှပေမဲ့အဲဒီအတွက်ဘာမှကြိုတင်ကာကွယ်တဲ့အစီအစဉ်တွေမလုပ်ခဲ့ ဘူး။တပ်ကိုလည်းမစည်းရုံးခဲ့ဘူး၊စစ်တပ်ကလည်းအကပ်မခံဘူး။
ပြောမဲ့သာပြောတယ်၊တကယ်တမ်းဆိုအဲလိုပြင်ဖို့လုံလောက်တဲ့အချိန်လည်းမရှိခဲ့ပါဘူး၊၈လေးလုံးတိုက်ပွဲဟာ စုစုပေါင်းရက်(၄၀)ဘဲရှိခဲ့တာပါ။နယ်စပ်ကတိုင်းရင်းသားသူပုန်တွေသတင်းလည်းဘာမှမကြားရဘူး၊
ကျနော်တို့ကျောင်းသားတွေကိုဆက်သွယ်ဆွေးနွေးလာတာလည်းမရှိခဲ့ဘူး။
ကျနော်တို့ကလည်းသပိတ်အောင်ပွဲအရှိန်နဲ့သိတ်ကိုအဟုတ်ထင်နေတာလည်းပါလိမ့်မယ်။အဲဒီသပိတ်အောင် ပွဲဆိုတာကလည်း၈၈မတ်လနဲ့ဂျွန်လကျောင်းသားတိုက်ပွဲကပေးဆပ်မှုတွေ၊အသေခံမှုတွေပြီးတော့တပြည်လုံး သီးခံအောင့်အီးလာခဲ့တဲ့ဆင်းရဲမွဲတေမှုတွေကစီးဆင်းလာတယ်ဆိုတာကျနော်တို့တတွေ..သိကြပေမဲ့၊ ၂၆နှစ်လောက်တည်ဆောက်ထားတဲ့အာဏာရှင်စစ်ခေါင်းဆောင်တွေကိုဒီလောက်ပေးဆပ်ရုံနဲ့မလုံလောက်သေး ဘူးဆိုတာကျနော်တို့သဘောမပေါက်ခဲ့ဘူး။
လေးလေးနက်နက်နှလုံးသွင်းပြီးမကာကွယ်နိုင်ခဲ့ကြဘူး။

                                  (၂)

ချောချောမောမောပဲ၊စခန်းသာကနေနောင်ပိန်အထိအသင့်စောင့်နေတဲ့ကားနဲ့စီးသွားပြီးနောင်ပိန်မှာ တညအိပ်တယ်။နောက်တရက်နောင်ပိန်ကနေမေမြို့အထိဘတ်စ်ကားတစီးနဲ့ထွက်တယ်။အရင်ကမန္တလေး အထိတိုက်ရိုက်ကားတွေရှိပေမဲ့အာဏာသိမ်းပြီးရက်အတော်ကြာထိလားရှိုး၊ကျောက်မဲ၊သီပေါကားတွေမေမြို့ (ပြင်ဦးလွင်)အထိဘဲသွားခွင့်ရတယ်။
မန္တလေးကိုသွားချင်ရင်(စစ်ဆေးရေးဂိတ်အထပ်ထပ်နဲ့)ကားငယ်လေးတွေဘဲဝင်ခွင့်ရှိတယ်။
မေမြို့ကနေခရီးသည်တင်ဂျစ်ကားစီးသွားရတယ်။ အရင်ကတော့အဲဒီဂိတ်တွေမှာရဲနဲ့အကောက်ခွန်ကစောင့်တယ်။
သပိတ်ကာလတုံးကတော့ခေါင်းစီးနီ၊လက်ပတ်နီတွေနဲ့လူငယ်တွေကိုတွေ့ရပြန်ပြီး၊အာဏာသိမ်းတော့ စစ်သားတွေစောင့်နေပြန်တယ်။တရုတ်မြန်မာမှောင်ခိုလမ်းလို့ပြောကြတယ်။တရားမ၀င်ကုန်တွေဖြတ် သွားဖြတ်လာပေါ့၊နောင်ချိုနဲ့မေမြို့ကြားတောလမ်းအတိုင်းတပ်မတော်စစ်ဆေးရေးဂိတ်တွေဖြတ်ရင်း
သတိရနေတာလေးပြောရမယ်။
သပိတ်ကာလကျနော်မန္တလေးကနေတက်လာတော့တောင်ကြားလမ်းအကွေ့တခုမှာလည်ပတ် အနီစီးပြီးလက်နက်အပြည့်အစုံနဲ့တပ်မတော်တပ်စိတ်တစိတ်နဲ့တွေ့ပြီးလက်ပြတားလို့ဒရိုင်ဘာကကား ရပ်ပေးတယ်။စီးလာတဲ့ဒတ်ဆန်းကားလေးနောက်ခန်းမှာကျနော်ထိုင်တယ်။
သူတို့ထဲကတပ်ကြပ်လို့ထင်ရတဲ့သူတယောက်ကပြုံပြုံးရွှင်ရွှင်နဲ့ကားနားကပ်လာပြီး“စာဆောင်တွေ၊ သတင်းစာတွေပါလား၊ရှိရင်ပေးခဲ့ပါလားဗျာ”လို့တောင်းတောင်းပန်ပန်လေးတောင်းနေတယ်။ဘယ်သူမှ   မပါဘူးလို့ငြင်းကြတယ်။ကျနော်အိပ်ထဲမှာမန္တလေးတက္ကသိုလ်သပိတ်စခန်းကနေဆွဲလာတဲ့စာဆောင်တွေ၊ သတင်းစာတွေ၊ကြေငြာချက်တွေ၊မှတ်တမ်းဓာတ်ပုံတွေအများကြီးဘဲပါလာတာ။ကားခေါင်မိုးပေါ်
အိပ်ကတင်ထားတာ။အဲဒီစစ်သားတွေကြည့်ရတာတကယ်လိုလိုလားလားတောင်းနေတဲ့ပုံစံပဲ။ “တကယ်ဖတ်ချင်လို့ပါဗျာ၊ပါရင်ပေးခဲ့ပါ”ဆိုပြီးလိုလိုလားလားနဲ့တောင်းနေတာ။
ကျနော်ပေးချင်တဲ့စိတ်ဝင်လာတယ်။ဒါပေမဲ့တချိန်ထဲဖြတ်ကနဲသတိတခုကလဲဝင်လာတယ်
သူတို့အကွက်ဆင်ပြီးသက်သေပစ္စည်းနဲ့ဖမ်းဘို့လုပ်တာလား..ဆိုတဲ့အသိပါ။
ကျနော်ကြံဖန်တွေးပြီး၊အကြောက်လွန်သွားတာပါ။အဲဒီအချိန်တိုင်းပြည်မှာဘာအုပ်ချုပ်ရေး
ယန္တရားမှမရှိဘူး၊ကျောင်းသားတွေ၊ရဟန်းတွေ၊ပြည်သူတွေကအာဏာသိမ်းထားတာ။
သတိလွန်တော့အကြောက်ဆိုသလို၊ကျနော့ဆီကစာဆောင်တွေမပေးဖြစ်ဘူး။
ကျနော်နောက်ပိုင်းကျမှတွေးမိပြီှးအတော်လေးစိတ်မကောင်းဖြစ်သွားတယ်။
သူတို့သတင်းငတ်ပြတ်နေ တာဘဲ။ဘယ်ကပြောင်းလာတဲ့တပ်တွေလည်းမသိဘူး။
သိတ်ကြမ်းကြမ်းတမ်းတမ်းပုံစံလည်းမပေါက်ပါဘူး။သူတို့တပ်ရင်းအရာရှိကပဲသတင်းစာတွေ့ရင်တောင်းခဲ့၊ ယူခဲ့လိုအမိန့်ပေးထားတာလား?တိုင်းပြည်ရဲ့လက်ရှိနိုင်ငံရေးအနေအထားကိုတကယ်သိချင်လို့တောင်းတာ မဖြစ်နိုင်ဘူးလား?စတဲ့မေးခွန်းတွေနောက်မှတွေးမိတယ်။ကျနော်သတ္တိကြောင်ပြီးအရေးကြီးတဲ့အလုပ်တခု မလုပ်မိခဲ့တာကိုဒီနေ့အထိတွေးမိတိုင်းစိတ်မကောင်းဘူး၊နောင်တရလို့မဆုံးဘူး။
                               (၃)

အင်း…တဆက်တစပ်တည်း..၊အရေးတော်ပုံကာလကိုယ်လုပ်ခဲ့တာလေးလည်းနည်းနည်းပြောရင်ကောင်းမယ်၊ ဒါမျိုးကလူတိုင်းပြောချင်ကြတာ..။မြန်မာပြည်ရဲ့သမိုင်းတကွေ့ဆိုတော့..မေ့လို့မကောင်းတဲ့အရာလေ။
၈လေးလုံးအရေးတော်ပုံမဖြစ်ခင်ကတည်းက၊ဦးအောင်ကြီးစာတွေ၊ရန်ကုန်တက္ကသိုလ်သတင်းတွေကကျနော် တို့နယ်မှာတော့ထိတ်တန်းသတင်းတွေပေါ့။ဘီဘီစီနားထောင်ပြီးလဘက်ရေဆိုင်ပြန်အာရတာကိုကအလုပ် တခု။နိုင်ငံရေးဆိုတာဘာမှန်းမသိဘူး၊ဒါပေမဲ့စိတ်ဝင်စားနေတယ်။ကိုယ်ကြားတာတွေဖောက်သည်ချချင်တယ်။ တခုခုလည်းလုပ်ချင်နေတယ်။ဒါပေမဲ့ဘာမှဖြစ်မလာဘူး။၈လေးလုံးဆန္ဒပြပွဲကြီးရန်ကုန်၊မန္တလေး၊ မုံရွာတောင်ကြီးမြို့ကြီးမြို့ငယ်တော်တော်များများမှာဖြစ်တယ်။ကျနော်တို့မြို့ကငြိမ်နေတာပဲ။
ကျနော်တို့သူငယ်ချင်းတွေမနေတတ်မထိုင်တတ်။၁ရက်ကုန်၊၂ရက်ကုန်၊တပတ်ကုန်ပြီ။
မြို့ကလေးကအေးဆေးတုန်း။ဘယ်အဖွဲ့တွေလည်းမသိ၊ဟိုနားဒီနားစာကပ်တာကလွဲလို့ဆန္ဒမပြကြဘူး။
ကျနော်တို့ရှက်နေတယ်။မရတော့ဘူး။တခုခုတော့လုပ်မှဖြစ်မယ်။ကိုယ့်မြို့ကလည်းအေးဆေးတယ်ဆိုပေမဲ့၊ ရှမ်းသူပုန်တွေထတတ်တယ်။ပွဲလန်းသဘင်ဆိုဗုံးကွဲတတ်တယ်။
အကြမ်းဖက်မှုတခုခုဖြစ်မှာစိုးရိမ်နေဟန်တူတယ်။လူတွေအားလုံးစိတ်မှာတော့ဆန္ဒပြချင်နေတာသေချာတယ်။ ဘယ်သူဦးဆောင်မလဲ၊ဘယ်သူတွေစလုပ်မလဲ..
ဒါပဲလိုတယ်။မထူးဘူး၊လဘက်ရေဆိုင်ထိုင်နေကျကိုယ့်ဘော်ဒါတွေနဲ့တိုင်ပင်တယ်။
ဆန္ဒပြမယ်ဆိုကိုယ်ကဦးဆောင်တာထက်၊သြဇာရှိတဲ့သံဃာတော်တွေ၊ပညာတတ်ဆရာဝန်၊ဆရာမတွေပါရင် ပိုကောင်းမယ်။ဒါဆိုပွဲထိမ်းနိုင်မယ်ပေါ့။
ဒါနဲ့ကျနော်တို့သူငယ်ချင်းတစုကမ္ဘောဇ(ရှမ်းကျောင်းကြီး)ဘုန်းကြီးကျောင်းကိုအရင်သွားတယ်။ ရှမ်းကျောင်းကြီးသွားရတာအကြောင်းရှိတယ်။ကောလဟလသတင်းတွေကအဲဒီကျောင်းကရှမ်းသူပုန်နဲ့ အဆက်အသွယ်ရှိတယ်၊ဆရာတော်ကနိုင်ငံရေးထက်သန်တယ်၊မန္တလေးကဘုန်းကြီးတွေနဲ့အဆက်အသွယ်ရှိ တယ်ဘာညာပေါ့..။ကျနော်တို့ဘုန်းကြီးကျောင်းထဲဝင်တော့ဆရာတော်ကရှိနေတယ်။
ဆရာတော့ကိုဦးခိုက်ပြီး “တပည့်တော်တို့ကျောင်းသားတွေပါ”..လို့အစချီပြီးရန်ကုန်၊မန္တလေးနဲ့တပြည်လုံးမှာဆန္ဒပြပွဲတွေဖြစ်ကုန်ပြီ၊ တပည့်တော်တို့မြို့မှာလည်းတပါတီစနစ်ဖျက်သိမ်းရေးဆန္ဒပြသင့်ကြောင်းနဲ့အစိုးရဖိနှိပ်သတ်ဖြတ်လို့
ကျောင်းသားတွေသေဆုံးရပုံကိုကျနော်ကပဲဦးဆောင်ပြီးဆရာတော်ကိုရှင်းပြတယ်။
ဆရာတော်ကသေချာနားထောင်တယ်၊ကျနော်လေကြောရှည်ရှည်ရှင်းပြတာကိုဆုံးတဲ့အထိစိတ်ရှည်ရှည် နားထောင်တယ်။တချက်တချက်အင်း..အင်း..နဲ့တောင်သံယောင်လိုက်ပေးနေသေးတယ်။ပြီးတော့မှ. .“မင်းကဘယ်ကလည်း..ငါမမြင်ဖူးပါဘူး”လို့မေးတယ်၊ကျနော်က“ဒီမြို့ကပါဘဲ..၊မန္တလေးမှာကျောင်းတက်နေ လို့ပါ”လို့ဖြေတယ်(အမှန်ကကျနော်ကျောင်းပြီးတာ၁၉၈၆က၊မိုင်းငေါ့မြို့လေးမှာတွဲဘက်အထက် တန်းကျောင်းဆရာတနှစ်လုပ်ပြီး၊၁၉၈၇ငွေစက္ကူအရေးအခင်းတွေဖြစ်တော့ကျောင်းထွက်ပြီးအလုပ်လက် မဲ့ဖြစ်နေတာ)ဆရာတော်ကကျနောတို့အားလုံးကိုသေချာကြည့်တယ်။
ပြီးတော့ကျနော်တို့ပါးစပ်ဟောင်းလောင်းဖြစ်သွားအောင်အခုလိုမိန့်တယ်။
“ငါတို့မြို့ကအညိုရောင်နယ်မြေဖြစ်တယ်၊ဆူဆူပူပူဖြစ်မှာစိုးရိမ်တယ်”
“မင်းတို့ဆန္ဒပြမှဒီမိုကရေစီရမှာမဟုတ်ပါဘူး..ရန်ကုန်ဒီမိုကရေစီရရင်၊မန္တလေးဒီမိုကရေစီရရင်ကျောက်မဲ လည်းရမှာပါကွာ”ကျနော်တော့အရမ်းရှက်သွားတယ်။လာမိတာမှားပြီဆိုပြီးနောင်တတွေကြိတ်ပြီးရနေတယ်။
ဘုန်းကြီးရှေ့မှာအမြန်ဆုံးကိုယ်ပျောက်ချင်စိတ်ပေါက်နေပြီ။
ကိုယ့်နောက်မှာကြုံ့ကြုံ့လေးတွေထိုင်နေတဲ့သူငယ်ချင်းချိုကြီး၊အေးမင်းနဲ့အောင်ကျော်တို့ကိုမသိမသာကြည့် လိုက်တော့မျက်နှာတွေနီပြီးပျက်နေတယ်။“မင်းတို့ဆန္ဒပြမဲ့အစား၊ငါ့ကျောင်းဝင်းမှာမြက်လာပေါက်စမ်းပါ
ငါထမင်းကြွေးပါ့မယ်”
ဒါတော့ဘုန်းကြီးလွန်ပြီ။ကျနော်ရှက်တာထက်ဒေါသကထွက်နေပြီ။ဒါနဲ့ပြောထဲ့လိုက်တယ်။
“တပည့်တော်တို့ကဆရာတော်ပြောသလိုဆူဆူပူပူမဖြစ်ဘဲ၊ငြိမ်းငြိမ်းချမ်းချမ်းထိမ်းသိမ်းနိုင်စေဖို့ဆရာတော့ ကိုမေတ္တာရပ်ခံတာပါ၊ဆရာတော်လုပ်နိုင်မယ်လို့လဲမျော်လင့်ထားလို့ပါ”
“ဆရာတော်ကမစွမ်းဘူးဆိုလည်းတပည့်တော်တို့ဖာသာလုပ်ကြမှာပါ”
“ဘယ်သူပါပါမပါပါ..ကိုယ်လုပ်စရာရှိတာလုပ်မှာပါ၊ဒါပါဘဲ”
ကျနော်ပြောပြီးပြီးချင်းဦး၃ကြိမ်ချထလိုက်တယ်။အားလုံးရဲ့စိတ်ထဲမကြည်မလင်နဲ့ပေါ့။
ကျောင်းပေါ်ကအဆင်းလက်၂ဘက်လုံး..လက်ကောက်ဝတ်ကနေလက်မောင်းရင်းထိ
ရှမ်းစာဆေးမှင်တွေထိုးထားတဲ့ဆရာတော်က“နေကြအုံးခန..မင်းတို့နေ့လည်၁နာရီလောက်ကျောင်းကိုပြန် လာခဲ့ကြ”လို့လှမ်းပြောတယ်။ကျနော်ကလွဲလို့တခြားသူငယ်ချင်းတွေလုံးဝလှည့်မကြည့်ဘူး။
“ဘာဖြစ်လို့လဲဆရာတော်”“လာသာလာခဲ့ပါ၊နေ့လည်၁နာရီနော်”လို့ထပ်သတိပေးတယ်။
ကမ္ဘောဇရှမ်းကျောင်းကြီးဝင်းအပြင်ရောက်တော့..တယောက်မျက်နှာတယောက်ကြည့်ပြီး..မချိ သွားဖြဲလေးတွေနဲ့ရီလိုက်ကြတယ်။
အားလုံးစိတ်ဓာတ်အတော်ကျသွားကြတယ်။
ဘယ်လိုလုပ်မလဲတိုင်ပင်တယ်။ကျနော်ကအစောပိုင်းညှိထားသလိုပဲ၊ဆေးရုံကြီးကဆရာဝန်တွေကိုသွားစည်း ရုံးမယ်လို့ပြောတယ်။ကိုယ့်ထဲက၃ယောက်လောက်ကလုံးဝညစ်သွားပြီ။မလိုက်တော့ဘူး။ဒါနဲ့ကျန်တဲ့ ၄ယောက်နဲ့တမိုင်လောက်ဝေးတဲ့ဆေးရုံကြီးကုန်းကိုခြေကျင်ချီတက်သွားတယ်။မြို့နယ်ဆရာဝန်ကြီးရဲ့အိမ် ကိုတိုက်ရိုက်သွားတယ်။ဆရာဝန်ကြီးကကပျူပျူငှာငှာပဲ၊ထောင်ထောင်မောင်းမောင်းအသားဖြူဖြူ၊ ပါးဖောင်းဖောင်းနဲ့ကြည့်ရင်းကြည့်ရင်းမြင်ဖူးသလိုလိုပဲ။(နောက်မှပြန်သိရတာ၊မြိုနယ်ဆရာဝန်ကြီး
ဦးနေလင်းဟာ၊မဆလတရားရေးဝန်ကြီးချုပ်ဦးတင်အောင်ဟိန်းရဲ့ညီအရင်းဖြစ်နေတယ်။
ဦးတင်အောင်ဟိန်းဟာဖြောင့်မတ်မှန်ကန်ပြီးဝန်ကြီးတွေထဲမှာအခွင့်အရေးမယူ၊လဂ်မစားသမာသမတ်ရှိတယ် လို့သတင်းထွက်တယ်။မဆလ၀န်ကြီးတွေထဲမှာရှားရှားပါးပါးနာမည်ကောင်းထွက်တဲ့ဝန်ကြီးပဲ)
မြိုနယ်ဆရာဝန်ကြီးဦးနေလင်းကို၊ကျနော်တို့ဆန္ဒပြမှာဖြစ်လို့ဆေးရုံဝန်ထမ်းတွေပူးပေါင်းပါဝင်ဖို့ရှင်းပြတယ်။ ဆရာဝန်ကြီးက“သားတို့သဘောထားကိုအန်ကယ်ဘာမကန့်ကွက်စရာမရှိပါဘူး၊
သားတို့ဆန္ဒနဲ့လုပ်စရာရှိတာလုပ်ပါ၊လားရှိုးကဆရာကြီးကမ္ဘောဇခင်လှိုင်ကလည်းဆေးရုံဝန်ထမ်းတွေဆန္ဒပြ ရင်မပိတ်ပင်ဘို့မှာကြားထားပါတယ်”လို့ပြောပြတယ်။
ကျနော်တို့သိတ်ပျော်သွားတယ်၊စောစောကအားငယ်စိတ်တွေ၊လုံးဝပျောက်သွားတယ်။
ဆရာကြီးဦးနေလင်းကိုကျေးဇူးတင်စကားတွေအထပ်ထပ်ပြောပြီးဆေးရုံကနေအူမြူးထွက်လာကြ တယ်။အော်..ပြောဖို့မေ့တော့မလို့..၊ရှမ်းကျောင်းကြီးဆရာတော်ကနေ့လည်၁နာရီလာခိုင်းထားတာ. .ကျနော်တို့သိတ်စိတ်မပါတော့ဘူး။ဘုန်းကြီးကိုသိတ်မယုံတော့ဘူး။
ဒါနဲ့၁နာရီကျော်လောက်တယောက်ကိုဘုန်းကြီးကျောင်းဘက်သွားကြည့်ခိုင်းတယ်။
သိတ်မကြာခင်ဘဲ၊သွားစုံစမ်းတဲ့သူငယ်ချင်းရောက်လာတယ်။
“ကျောင်းဝင်းထဲမှာပါတီကောင်စီကားပြာကြီးရပ်ထားတယ်၊ကောင်စီလူကြီးတွေလဲတွေ့တယ်”
သေချာတာပေါ့၊ဘုန်းကြီး..ဂျလယ်ကျတာ၊ကောင်စီလူကြီးတွေနဲ့ကျနော်တို့ကိုမျက်နှာချင်းဆိုင်ပေးပြီးထပ် ဆုံးမခိုင်းတာ။
ဘယ်ရမလဲ၊သူတို့နဲ့သွားတွေ့မဲ့စိတ်ကူးကဆရာကြီးဦးနေလင်းနဲ့တွေ့ပြီးကထဲကမရှိတော့ဘူး။
ကျနော်တို့မှာနက်ဖန်ဆန္ဒပြမယ်ဆိုတဲ့ဆုံးဖြတ်ချက်ကချပြီးသားဖြစ်သွားပြီ။

                            (၄)
အဲဒီညနေဆေးရုံကလာပြီးကျနော်တို့အုပ်စုတွေအလုပ်ရှုတ်ပြီပေါ့။ချက်ချင်းဘဲလက်ကမ်းစာဆောင်တွေရေး တယ်၊ဈေးထဲကပိတ်စအနီဝယ်ပြီးကပ်ကြေးနဲ့ညှပ်၊ခေါင်းစီးတွေဝေဖို့လုပ်တယ်။ဘက်ထရီးအိုးနဲ့လော်စပီကာ ဌားထားတယ်၊ကြွေးကြော်သံတွေရေးတယ်၊တတ်သလောက်မှတ်သလောက်တွေအကုန်လုပ်တယ်။ တချို့ကမြို့ထဲပိုစတာကပ်ပြီးနက်ဖန်ဆန္ဒပြမယ်ဆိုပြီးတပ်လှန့်တယ်၊တချို့ကလက်ကမ်းစာတွေဝေတယ်၊ ကျနော်တို့မြောက်ကုန်းရပ်ကွက်နှင်းဆီခြံမှာ၊တညလုံးစာရေး၊မဆလတူတံဇင်အလံဇောက်ထိုးထူ၊
ပိုစတာရေးနဲ့တက်ကြွနေတယ်။
မနက်၇နာရီထိုးတော့ဘက်ထရီအိုးနဲ့ချိတ်ထားတဲ့လောစပီကာအသေးတခုကိုကလေးလက်တွန်းလှည်း တခုပေါ်တင်ပြီးရပ်ကွက်လမ်းမပေါ်တက်လူစုလိုက်တယ်။
ခေါင်းစီးကိုယ်စီနဲ့ကျနော်တို့၉ယောက်၁၀ယောက်လောက်တော့ရှိမယ်။ကျနော်ကမိုက်ကိုကိုင်လိုက်တယ်။
“မိဘပြည်သူများခင်ဗျား။၂၆နှစ်ကြာပြည်သူတွေဂုတ်ပေါ်ခွစီးခဲ့တပါတီအာဏာရှင်စနစ်ကြီးကိုဆန့်ကျင် ဆန္ဒပြဘို့ကျနော်တို့ကျောင်းသားတွေချီတက်လာပါပြီ”
“တပါတီအာဏာရှင်စနစ်ဖက်သိမ်းရေး…ဒို့အရေးဒို့အရေး”
“ကျောင်းသားသမဂ္ဂဖွဲ့စည်းရေး.ဒို့အရေးဒို့အရေး”
“ဒီမိုကရေစီရရှိရေး..ဒို့အရေးဒို့အရေး.”
ရပ်ကွက်ထဲကမိန်းမကြီးတွေစောစောစီးစီးအော်သံကြားလို့ထင်တယ်
တခါးတွေဖွင့်ကြည်ံကြတယ်။အကြော်ဆိုင်ကလူတွေလှည့်ံကြည့်ကြတယ်၊
သူတို့အားလုံးပြုံးစိပြုံးစိမျက်နှာပေးတွေနဲ့။ဟုတ်မှာပေါ့၊သူတို့မြင်နေကျရပ်ကွက်ထဲကကောင်လေးတွေကိုး..၊
ညညအုတ်ခုံပေါ်ဂစ်တာတီးပြီးအော်အော်နေတဲ့ကောင်လေးတွေ..ဆိုတော့၊သူတို့အဓိပ္ပါယ်နဲ့သူတို့ပြုံး စိစိဖြစ်နေတာပေါ့လေ။ကျနော်တို့ကတော့ခတ်တည်တည်ဘဲ၊မျက်နှာထားတွေတင်းတင်းနဲ့လည်ချောင်း
ကြောတွေထောင်နေအောင်အသံကုန်အော်တယ်။
“အရေးတော်ပုံ..အောင်ရမည်” “မိဘပြည်သူများခင်ဗျား”..အစချီပြီးတပါတီအာဏာရှင်စနစ်ကိုတိုက်ဖျက်ဘို့ကျနော်တို့ကျောင်းသားတွေချီ တက်လာပါပြီ..ဆိုပြီးနှိုးဆော်လိုက်နဲ့။
ဘူတာနားကယာယီဈေးထိတ်လမ်းဆုံရောက်တော့..ဈေးသွားဈေးလာ၊လူငယ်၊လူကြီးတွေကျနော်တို့နောက် မှာတန်းစီပြီးပါလာတယ်။အစတော့လူတရာကျော်..နောက်လေးငါးရာ၊တဖြေးဖြေးထောင်နဲ့ချီလာတယ်။မြို့ လည်ခေါင်ရောက်တော့မိုက်ကြီးကိုင်ပြီးလှည့်ကြည့်လိုက်တယ်..လူအုပ်ကြီးကမျက်စေ့တဆုံးပဲ။
ဆေးရုံကနပ်စ်မတေ၊ွဝန်ထမ်းတွေကယူနီဖောင်းဆင်တူနဲ့၊ကိုရင်လေးတွေလဲပါလာတယ်။တရုတ်တွေရော၊ ကုလားတွေရော၊လူမျိုးစုံဘဲ။“ဒီမှာခနရပ်ရင်ကောင်းမယ်”။တယောက်ကအကြံပေးတယ်။ကျနော်တို့သူငယ် ချင်းတွေ၊အလံတွေကိုင်ပြီးရပ်လိုက်တယ်။
“အလံတော်အလေးပြုမယ်..အားလုံးငြိမ်”
“ပြည်ထောင်စုဆိုရှယ်လစ်သမတနိုင်ငံတော်အလံအားအလေး…ပြု”
ကျနော်အသံပြဲနဲ့တိုင်လိုက်တယ်။တချို့ကအလေးပြုတယ်၊တချို့အူကြောင်ကြောင်နဲ့ကျနော့်ကိုပြူးကြည်ံ့နေ တယ်။အဲဒီအချိန်အသက်၅၀၀န်းကျင်ခတ်တောင့်တောင့်နဲ့လူတယောက်လှမ်းအော်တယ်။
“ရဲဘော်၊မှားနေပြီ၊တပါတီဆိုရှယ်လစ်စနစ်ကိုမကြိုက်လို့တိုက်နေတာဖြစ်တယ်၊ပြန်ပြင်ပြီးတိုင်ပေးပါ”လူတွေ အားလုံးဟေး…ကနဲလက်ခုတ်တီးထောက်ခံတယ်။
ကိုယ့်ကိုယ်ကိုဘာတိုင်မိမှန်းတောင်မသိပါဘူး၊အလံတော်အလေးပြုတိုင်းဆိုရှယ်လစ်ဆိုတာကြီးပါးစပ်ထဲစွဲပြီး အကျင့်ပါနေတာလေ။
“ဟုတ်တယ်၊ကျနော်မှားသွားတယ်”
“အားလုံးသတိ”
“ပြည်ထောင်စုနိုင်ငံတော်အလံအားအလေးပြု”
ဘယ်သူတွေယူလာမှန်းမသိဘူး၊ဦးနုခေတ်ကြယ်ငါးပွင့်အလံကြီးကိုအားလုံးဝိုင်းအလေးပြုကြတယ်။
ကျနော်တို့တတွေတပ်ဦးကနေလူအုပ်ကြီးကိုဦးဆောင်ခေါ်လာခဲ့တာ၊မြို့ထဲလမ်းဆုံတနေရာရောက်လိုက်၊ လမ်းဘေးနားရပ်ထားတဲ့ကားခေါင်မိုးပေါ်တက်မိန့်ခွန်းပြောလိုက်၊ဆက်ချီတက်လိုက်၊နောက်ထပ်လမ်းဆုံ တနေရာရောက်ရင်အုတ်နီခဲပုံကိုစင်မြင့်လိုမှတ်ပြီးလူအုပ်ထဲကထင်ရှားတဲ့မြို့မိမြို့ဖတွေကိုခေါ်စကားပြောခိုင်း လိုက်လုပ်တော့တာပဲ။
အစောပိုင်းကကျနော်တို့ဘဲဦးဆောင်လာပေမဲ့လူအုပ်များလာတော့ကိုယ့်ထက်ဝါရင့်တဲ့ကျောင်း သားဟောင်းကြီးတွေကကျနော်တို့နဲ့တွဲပြီးဆက်ဦးဆောင်လာခဲ့တယ်။လိုအပ်တဲ့အကြံတွေကပ်ပြီးပေးနေ တယ်။အားပိုရှိလာတယ်။မြို့တပတ်ပတ်မိသွားတော့ဒီလူအုပ်ကြီးကိုဘယ်ခေါ်သွားရမှာလဲဆိုတဲ့မေးခွန်း ကပေါ်လာပြီ။
ကျနော်တို့အဲဒါကိုလုံးဝကြိုမစဉ်းစားထားဖူး။ဆန္ဒပြမယ်ဘဲလုပ်တာ၊ဘယ်လိုရုတ်သိမ်းမယ်၊
ဘယ်မှာသပိတ်စခန်းဖွင့်မယ်ဆိုတာလုံးဝအစီအစဉ်ရှိမထားဘူး။ကျောင်းသားဟောင်းနောင်တော်ကြီးတွေ ကကပ်ပြီးမေးတယ်၊“ဘယ်သွားမလဲ၊ဒီလူအုပ်ကြီးကိုဘယ်ခေါ်သွားမလဲ၊ဘာစီစဉ်ထားလဲ”
ကျနော်ကခတ်တည်တည်ဘဲပြောလိုက်တယ်။
“ရှမ်းကျောင်းကြီးကိုချီတက်မယ်”
ဟုတ်တယ်လေ၊“ရန်ကုန်ဒီမိုကရေစီရရင်ကျောက်မဲလည်းရမှာပါကွာ”
“ဆန္ဒပြမနေပါနဲ့ငါ့ကျောင်းမှာမြက်ပေါက်စမ်းပါ၊ထမင်းကျွေးပါ့မယ်”လို့ပါးစပ်ကပြောထွက်ရဲတဲ့ဘုန်းကြီးကို စိတ်ထဲကမကြည်မလင်ဖြစ်နေတာတော့အမှန်။
..ကျနော်တို့တတွေထောင်နဲ့ချီတဲ့လူအုပ်ကြီးကိုကမ္ဘောဇရှမ်းကျောင်းကြီးဆီဦးတည်ခေါ်သွားခဲ့တယ်။
မြို့လူထုကြီးသူ့ကျောင်းဝင်းထဲကြွေးကြော်သံတွေနဲ့ဝင်လာတာကိုဘုန်းကြီးလဲကြိုတင်မျော်လင့်ထားပုံမရဘူး။
ပြီးတော့မြို့မိမြို့ဖတွေဆုံးဖြတ်ချက်နဲ့အဲဒီကျောင်းမှာဘဲမြိုနယ်အထွေထွေသပိတ်စခန်းကြီးဖွင့်ဖြစ်သွားတော့ တယ်။
ကောင်းလေစွ။

-------------------------------xxxxxxxxxxxxxxx-------------------------------
(ကိုညို)
http://www.facebook.com/notes/ko-nyo
http://8888linker.blogspot.ca/2012/10/blog-post_6407.html#more