အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် မြိတ်ခရိုင်၊ ကျွန်းစုမြို့နယ်တွင် ပြောကြားသောမိန့်ခွန်း ကောက်နှုတ်ချက်တချို့

၂၀၁၅ ရွေးကောက်ပွဲတွင် အနိုင်ရရှိရေးနှင့် ဒီမိုကရေစီကို မမျှော်လင့်သော် လည်း ရအောင်လုပ်ယူမည်ဟု အမျိုးသား ဒီမိုကရေစီအဖွဲ့ချုပ်ဥက္ကဋ္ဌ
ဒေါ်အောင်ဆန်းစုကြည် ပြောကြား.............

၂၀၁၅ ရွေးကောက်ပွဲ၌ အနိုင်ရရှိရေးနှင့် ဒီမိုကရေစီရရှိရေးကို မမျှော်လင့်သော်လည်း ရအောင်လုပ်ယူမည်ဟု အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ၎င်း၏ကော့သောင်း-မြိတ် ခရီးစဉ်အတွင်း ပြောကြားခဲ့သည်။

ဒီဇင်ဘာလ ၂၂ ရက်တွင် မြိတ်မြို့ ဦးစိန်ဂျက် ခန်းမ၀န်းအတွင်း၌ ပြည်သူလူထုနှင့် တွေ့ဆုံပွဲတွင် ပြည်သူများထံမှ ၂၀၁၅ ခုနှစ် ရွေးကောက်ပွဲတွင် NLD အနိုင်ရရှိရန် မျှော်လင့်ပါသလားဟူသော မေးခွန်းကို ဒေါ်အောင်ဆန်းစုကြည်က ထိုသို့ပြန်လည် ဖြေကြားခဲ့ခြင်းဖြစ်သည်။

“မျှော်လင့်တယ်ဆိုတာဟာ ကိုယ်မကြိုးစားရင် အလကားပဲ။ စိတ်ကူးယဉ်အိပ်မက်ပဲ။ အဲဒီတော့ ရွေးကောက်ပွဲအနိုင်ရဖို့ မျှော်လင့်လားဆိုရင် မမျှော်လင့်ဘူး။ လုပ်ယူမယ်။ ဒီမိုကရေစီရဖို့ မျှော်လင့်လားဆိုရင် မမျှော်လင့်ဘူး။ ရအောင်လုပ်ယူမယ်။ အဲဒီလို ဒီမိုကရေစီရဖို့ လုပ်ယူမယ့် လုပ်ငန်းတွေမှာ ပြည်သူတွေက အားလုံး ၀ိုင်းဝန်းပြီးတော့ ပါဝင်ကူညီကြပါလို့ မေတ္တာရပ်ခံချင်ပါတယ်” ဟု ဒေါ်အောင်ဆန်းစုကြည်က ပြောကြားခဲ့သည်။

မြန်မာနိုင်ငံတွင် ဒီမိုကရေစီ တကယ်ဖြစ်ပြီလားဟူသော မေးခွန်းကို “မဖြစ်သေးပါဘူး” ဟု ဒေါ်အောင်ဆန်းစုကြည်က ပြန်လည်ဖြေကြားခဲ့သည်။

ထို့အပြင် လက်ရှိနိုင်ငံ၏ ပညာရေး၊ ကျန်းမာရေးနှင့် တရားဥပဒေ စိုးမိုးရေးနှင့် ပတ်သက်၍ ပြုပြင်ရန် လိုအပ်နေသေးသည်ဟုလည်း မိန့်ခွန်းတွင် ဝေဖန်ပြောကြားခဲ့သည်။

ဒေါ်အောင်ဆန်းစုကြည် အနေဖြင့် ပြည်တွင်း၌ခရီးစဉ်များ သွားလာနေရခြင်းမှာ ပြည်သူများ၏ အခြေအနေကို သိရှိရန်နှင့် မိမိ၏အတွေးအခေါ် အယူအဆများကို ပြည်သူများသို့ သိရှိစေရန် ရည်ရွယ်၍ သွားလာခြင်း ဖြစ်ကြောင်းလည်း ပြောကြားခဲ့သည်။ ထိုမှသာ ပြည်သူများနေဖြင့် မိမိတို့၏ လုပ်ရပ်များကို ထောက်ခံသင့်၊ မထောက်ခံသင့်ကို စဉ်းစားဆုံးဖြတ်နိုင်မည်ဖြစ်ကြောင်း ပြောကြားခဲ့သည်။

ထို့အပြင် နိုင်ငံတွင် ပြဿနာတစ်ခု ပေါ်ပေါက်လာပါက စဉ်းစဉ်းစားစားနှင့် ချဉ်းကပ်ရန် လိုအပ်ကြောင်းနှင့် ယင်းပြဿနာမှာ တစ်နိုင်ငံလုံးရှိ ပြည်သူပြည်သားများနှင့် သက်ဆိုင်သည်ကို မမေ့ရန်အတွက်လည်း ပြောကြားခဲ့သည်။

ပြည်သူများ ဖြစ်စဉ်များအပေါ် သုံးသပ်နိုင်ရန်အတွက်လည်း “ဦးနှောက်ကို စပြီးလှုပ်ရှားရမယ်။ ဒီနိုင်ငံမှာ ကိစ္စတစ်ခု ဖြစ်ပေါ်ပြီဆိုရင် ဦးနှောက်လှုပ်ရှားပြီးတော့ သုံးသပ်ပါ။ ပြောတိုင်းလည်း မယုံပါနဲ့၊ သတင်းစာဖတ်တိုင်းလည်း မယုံပါနဲ့။ တခြားဆောင်းပါးတွေ ဖတ်တိုင်းလည်း မယုံပါနဲ့။ အဲဒါတွေကို ဆင်ခြင်ပိုင်ခွင့်ရှိတယ်။ ဒီဟာ ဓမ္မဓိဋ္ဌာန်ကျရဲ့လား။ မျှတရဲ့လား။ နိုင်ငံရဲ့ အများအကျိုးနဲ့ သက်ဆိုင်ရဲ့လားဆိုတာကို ပြည်သူတွေက သုံးသပ်တဲ့ အလေ့အကျင့်ကို ပြုစုပျိုးထောင်ရလိမ့်မယ်။ ဒီလိုမျိုး အရိုးစွဲသွားမှ အစိုးရလုပ်တဲ့ သူတွေက ပြည်သူရဲ့အကျိုးကို မှန်မှန်ကန်ကန်နဲ့ လုပ်ဆောင်မှာ ဖြစ်ပါတယ်” ဟုလည်း ထည့်သွင်းပြောကြားခဲ့သည်။

ယင်းတွေ့ဆုံပွဲ၌ ဒေါ်အောင်ဆန်းစုကြည်က ပြည်သူလူထုမှ မေးမြန်းသော မေးခွန်းများကို ပြန်လည်ဖြေကြားပေးခဲ့သည်။

EMG

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် မြိတ်ခရိုင်၊ ကျွန်းစုမြို့နယ်တွင် ပြောကြားသောမိန့်ခွန်း ကောက်နှုတ်ချက်တချို့
“ဒီနိုင်ငံဟာဒီလောက်တောင်မှ သဘာဝသယံဇာတတွေပေါများနေရက်နဲ့ ကျမတို့ပြည်သူပြည်သားတွေက ၀၀လင်လင်မစားရဘူးဆိုလို့ရှိရင်တော့ ဒီစနစ်ကမှားနေပြီလို့ ကျမတို့ပြောရမှာပါပဲ။ တကယ်တော့တစ်ခု မဟုတ်ဘူး အများကြီးမှားနေပြီလို့တောင်ပြောလို့ရပါတယ်။”

“အခုတလောပေါ့နော် ကြားဖြတ်ရွေးကောက်ပွဲပြီးတဲ့နေရာမှာ ကျမသတင်းထောက်တွေနဲ့တွေ့ရင် အထူးသဖြင့် နိုင်ငံခြားကသတင်းထောက်တွေကမေးတယ်။ ၂၀၁၅ ကျရင် သမ္မတဖြစ်ချင်လားလို့မေးတယ်။ ကျမကလည်းဖြစ်ချင်တယ်လို့။ ဖြစ်မှပဲ ကိုယ်လုပ်ချင်တာလုပ်လို့ရမှာလို့။ ဟေး(ပရိတ်သတ်အသံ)
ဒီတော့ ဟိုတလောက တစ်ရက် နှစ်ရက်လောက်ကလည်း သတင်းထောက်တစ်ယောက်နိုင်ငံခြားကသတင်းထောက် တစ်ယောက်ကမေးတယ်။ ကျမကိုနိုင်ငံ့ အာဏာလိုချင်လားတဲ့။ လိုချင်တယ်လို့ကျမကပြောလိုက်တယ်။ ဟေး(ပရိတ်သတ်အသံ)။

လိုချင်တယ်ဆိုတော့ သူကဘယ်လိုပြောလဲဆိုတော့။ သူကနိုင်ငံခြားသတင်းထောက် အင်မတန်မှဝါရင့်တဲ့သတင်းထောက်ဆိုတော့ နိုင်ငံအသီးသီးက နိုင်ငံရေးသမားတွေကို ဗျူးဖူးတယ်။ သူပြောတယ်။ သူဒီလောက်အများကြီး နိုင်ငံရေးသမားပေါ့နော်။ လူမျိုးပေါင်းစုံ နိုင်ငံပေါင်းစုံက နိုင်ငံရေးသမား အများကြီးကို ဒီမေးခွန်းမေးခဲ့ဖူးတယ်တဲ့။ တစ်ယောက်ကမှ အာဏာလိုချင်ပါတယ်လို့ မ၀န်ခံခဲ့ဘူးတဲ့။ ကျမတစ်ယောက်ထဲ အာဏာလိုချင်တယ်လို့ပြောတယ်။

ဒီတော့ ကျမကပြောလိုက်တယ်။ ဟုတ်တယ်။ ကျမကအာဏာလိုချင်တယ်။ နိုင်ငံရေးအာဏာရမှ အစိုးရအာဏာရမှ ကျမတို့လုပ်ချင်တဲ့ ကိစ္စတွေကိုနိုင်ငံ အတွက် လုပ်ပေးနိုင်မှာမို့လို့လိုချင်တယ်လို့ပြောတာ။ တခြားနိုင်ငံရေးသမားတွေက အာဏာမလိုချင်ဘူးလို့မေးလိုက်တော့ သူကပြောတယ်လိုချင်တယ်တဲ့။ ဒါပေမယ့် သူတို့ကဘယ်တော့ မှမှန်မှန်ကန်မ၀န်ခံဘူးတဲ့။ အာဏာလိုချင်လို့မဟုတ်ပါဘူး။ ပြည်သူလူထုအတွက်ပါ အစသဖြင့် အဲလိုပြောတယ်တဲ့။

အဲ့တော့ ကျမရှင်းရှင်းလင်းလင်းပြောပါရစေ။ ပြည်သူလူထုအတွက်လုပ်နိုင်ဖို့ ကျမ အာဏာကိုလိုချင်ပါတယ်လို့ပြောပါရစေ။”
23-12-2012

 

အမျိုးသားဒီမိုကရေစီအဖွဲ့ချုပ် ဥက္ကဌ၊ ပြည်သူ့လွှတ်တော် အမတ်ဒေါ်အောင်ဆန်းစုကြည် မြိတ်၊ ကံမော်၊ ကျွန်းစုခရီးစဉ်မှတ်တမ်း

Posted: 22 Dec 2012 11:07 AM PST

ဒေါ်အောင်ဆန်းစုကြည် မြိတ်ခရီးစဉ်ဟောပြောပွဲအတွက် အသုံးပြုမည့်နေရာ(ဦးစောဂျက်မင်္ဂလာခန်းမခြံဝင်း)

ဓာတ်ပုံ ..NLD ၊ အင်တာနက်စာမျက်နှာများ မှပြန်လည်ဖော်ပြလိုက်ပါသည်.။