လူမိုက်

Zaw Win

၁၉၉၅-၉၆ လောက် နန်းတွင်းရေးရာနဲ့ ပတ်သက်တဲ့ သတင်းတခု ကျနော်ကြားခဲ့ဖူးပါတယ်။ ဘာလဲဆိုတော့ .. တိုင်းမှူးတွေစုံညီတက်တဲ့ ညီလာခံ (လေးလပတ် ဦး၊ရေးထောက် ညှိနှိုင်းအစည်းအဝေး လည်းဖြစ်နိုင်ပါတယ်) မှာ ထုံးစံအတိုင်း ဗိုလ်ချုပ်ကြီးတွေ အတင်းတုပ်တဲ့ ပွဲပေါ့ဗျာ။ သူတို့အတွက် ခြောက်အိပ်မက်ဖြစ်နေတဲ့ မဒီကြီး အကြောင်း အစည်းအဝေးတိုင်း မရိုးနိုင်အောင် ထပ်ခါတလဲလဲ ပြောနေကြတာဆိုတော့။ တကြိမ်မှာ အဲဒီအချိန်က နတခ တိုင်းမှူး ဗိုလ်ချုပ် ညွန့်တင်က ထပြောပါသတဲ့..
‘ခင်ဗျားတို့ ပြောသလို ဒီအမျိုးသမီး ဟာ တိုင်းပြည်အတွက် အန္တရာယ်၊ သူရှိနေလို့ တိုင်းပြည်တိုးတက်အောင် လုပ်ဖို့ခက်နေတယ်၊ အခွင့်အလမ်းတွေ ပိတ်ဆို့နေတယ်ဆိုရင်.. သူ့ကို ရှင်းပစ်ဖို့ ကျနော့်တာဝန်ထား… ဖြစ်လာမယ့် ပြဿနာ အားလုံးကိုလည်း ကျနော်ပဲတာဝန်ယူတယ်၊ ခံစရာရှိ ကျနော်ခံမယ်ဗျာ… ဒါပေမဲ့ ခင်ဗျားတို့ ဘက်က ကတိတခုတော့ ပြတ်ပြတ်သားသားပေးရမယ်။ သူမရှိတဲ့နောက်ပိုင်း တိုင်းပြည်ကို တကယ်ကောင်းစားအောင် လုပ်ပေးပါ့မယ် လို့ တာဝန်ယူရမယ်… ဘယ့်နှယ်လဲ’
လို့… မေးလိုက်တော့ ဘယ်သူမှ တိတိပပအဖြေမပေးနိုင်ဘဲ ဟိုလိုလို ဒီလိုလို လုပ်နေကြတယ် တဲ့။ ဒါနဲ့ ဗိုလ်ချုပ် ညွန့်တင်က
‘အဲဒါဆိုလည်း နောက်ဒီအကြောင်း ရမယ်ရှာပြောမနေနဲ့တော့ဗျာ… နားညည်းတယ်..’ လို့ပြောပြီး အစည်းအဝေး ခန်းမထဲက ထွက်သွားတယ်။
ဗိုလ်ချုပ် ညွန့်တင် အဲလိုချဲလင့်လုပ်လိုက်တဲ့စကား ဒေါ်အောင်ဆန်းစုကြည် နားကို ပေါက်သွားတဲ့အခါ .. ဒေါ်စုက ‘ကျမတော့ ဗိုလ်ချုပ်ညွန့်တင်ရဲ့ စိတ်ဓာတ်ကို သဘောကျတယ်.. ဒါစစ်သားစိတ်ဓာတ်ပဲ’ လို့ ချီးကျူး စကားဆိုကြောင်း သိရတယ်ခင်ဗျ။
အဖြစ်အပျက်က တကယ်ဟုတ်မဟုတ်တော့ မသိ။ အဲဒီသတင်းထွက်ပြီး လပိုင်းအကြာမှာပဲ.. ဗိုလ်ချုပ် ညွန့်တင် တိုင်းမှူးဘဝကနေ လယ်/ဆည် ဝန်ကြီးဖြစ်လာ.. နောက်ထပ်သိပ်မကြာခင်.. အောင်ဖေ သွားတာ ကတော့ အမှန်ပဲ။
ထားလိုက်ပါတော့… အဲဒီဖြစ်ရပ်ကို ပြန်စဉ်းစားရင်း အတွေးတခု ပေါ်လာမိတာက ခုဖြစ်နေတဲ့ ကချင်ပြည်နယ် စစ်ပွဲနဲ့ ဆက်စပ်စဉ်းစားကြည့်မိတာပါ။
အပြတ်လည်းမတိုက်.. ပြေငြိမ်းရေးလည်း မလုပ်နိုင်ဖြစ်နေတာရဲ့ နောက်ကွယ် ဘယ်အကြောင်းတရား.. ဘယ်အကျိုးစီးပွားတွေ ရှိနေလဲ… ဗိုလ်ချုပ် ညွန့်တင် လို လူမိုက်တယောက် ပေါ်လာဖို့ လိုနေပြီထင်ပါတယ်။

(Credit: Seaman Nayminthu )