ဗိုလ်ချုပ်အောင်ဆန်း တကယ်ငိုခဲ့သလား ???

by Ter Tee on Saturday, December 15, 2012 at 1:14pm ·

FB Note တစ်ခုမှာ ဗိုလ်ချုပ်အောင်ဆန်းဟာ လွတ်လပ်ရေးမရမီကာလမှာ ဘုရင်ခံဖြစ်တဲ့
ဆာဟျူးဘတ်ရန့်စ် အိမ်ကိုသွားပြီး စကားပြောရင်း ချုံးပွဲချငိုခဲ့တယ်လို့ဆိုပါတယ်။
အဲဒီ Note ဟာ ဘယ်သူ့ပြောကြားချက် ဘယ်စာအုပ်စာတမ်း ဘယ်မှတ်တမ်းကိုမှ
ကိုးကားထားခြင်းမရှိတဲ့အတွက် ကျွန်တော်ကန့်ကွက်ပါတယ်။ Note ရဲ့လွဲချော်ချက်တစ်ခုကတော့
 ဗိုလ်ချုပ်အောင်ဆန်း ဟာ ဆာဟျူးဘတ်ရန့်စ် အိမ်သွားပြီး စကားပြောတယ်လို့ပါရှိပါတယ်။
မောရစ်ကောလစ်ရေးတဲ့ First & Last In Burma စာအုပ်မှာရေးတာက ဆာဟျူးဘတ်ရန့်စ် မဟုတ်ပါ …
ဆာဒေါ်မန်စမစ်အိမ်သွားတယ်လို့သာ ရေးထားပါတယ်။ ချုံးပွဲချ ငိုတယ်ဆိုတဲ့ အထောက်အထားကတော့
ဘယ်လိုမှ မဖြစ်နိုင်သလို ဘယ်မှာမှလည်းရှာမတွေ့ပါဘူး။ စာရေးဆရာ မောင်သာချိုက စာပေဟောပြောပွဲမှာ
အဲဒီလိုဟောတယ်လို့ FB Friend တစ်ယောက်ကပြောပါတယ်။ ဒါဆိုရင် ဆရာမောင်သာချိုကို
ကျွန်တော် တောင်းဆိုချင်တယ်။ ဗိုလ်ချုပ်အောင်ဆန်း ငိုတယ်ဆိုတဲ့ အထောက်အထားရှာပြပါ။
အဲဒီလိုမှမဟုတ်ဘဲ အထောက်အထားမပြနိုင်ဘဲ ဇာတ်နာအောင်သက်သက် ရေးခဲ့ပြောခဲ့မယ်ဆိုရင်
ဗိုလ်ချုပ်အောင်ဆန်းဟာ သူနဲ့ ဥာဏ်ချင်းပြိုင်နေခဲ့ရတဲ့ လူမျိုးခြား ဘုရင်ခံတစ်ယောက်ရှေ့မှာ
ချုံးပွဲချငိုတဲ့သူအဖြစ် နောင်လာနောက်သား ကလေးသူငယ်တွေ အမှတ်မှားသွားပါလိမ့်မယ်။


ဗိုလ်ချုပ်အောင်ဆန်း ငိုတယ်လို့ရေးတဲ့ Note ရဲ့ Link ===>    https://www.facebook.com/photo.php?fbid=179328728879894&set=a.105812606231507.11745.100004083038866&type=1&relevant_count=1





ဗိုလ်ချုပ်အောင်ဆန်း ဆာဒေါ်မန်စမစ် ထံသွားတွေ့တယ်ဆိုတဲ့ အထောက်အထား
---------------------------------------------------------------------------------------------------------

Last & Fast In Burma
Maurice Collics
ရန်ကုန်အရေးပိုင်ဟောင်း မောရစ်ကောလစ် - ရေး  .... အင်္ဂလိပ်-မြန်မာ နောက်ဆုံးတိုက်ပွဲ ( ၁၉၄၁-၁၉၄၈ )
ဦးခင်မောင်ကြီး ( ဆရာမိုးဝေ ) မြန်မာပြန်သည်။
( ၂၀၀၆ ဇွန်လ ဒုတိယအကြိမ်ထုတ်ဝေသည် )
စာမျက်နှာ ၂၄၆ - ၂၄၇


............... အချိန်ကာလ တစ်ညနေခင်းတွင် အောင်ဆန်းသည် ဒေါ်မန်စမစ်အား လာတွေ့ခဲ့လေသည်။ ထိုနေ့ကဖြစ်ပျက်မှုသည် တော်တော်ပင်ထူးဆန်းခဲ့ပေသည်။ အောင်ဆန်းသည် တွေ့ခဲ့ဖူးရသမျှ မြန်မာများနှင့်
ဘယ်လိုမှမတူလျှင် ဒေါ်မန်စမစ်မှာလည်း သူနှင့်တူသည့် ဘုရင်ခံမျိုးဆို၍ ရှိခဲ့ဖူးသည်မဟုတ်ချေ။
ဒေါ်မန်စမစ်မှာ အရာရှိစိတ် ဘယ်လိုမှ မွေးမြူ၍ရသူတစ်ယောက် မဟုတ်ချေ။ သူသည် မိမိအသည်းနှလုံး
စေခိုင်းချက်ကိုသာ လုပ်တတ်သူဖြစ်ရာ ရန်သူဖြစ်စေ ၊ ဘက်တော်သားဖြစ်စေ ၊ နိမ့်ကျသူဖြစ်စေ ၊
မြင့်မားသူဖြစ်စေ မည်သူမဆို ခင်မင်ယုံကြည်မှုကို ရယူရန် ကြိုးစားတတ်သူ ဖြစ်လေသည်။
အောင်ဆန်းမှာလည်း ဒေါ်မန်စမစ်၏ ယင်းသို့သော စိတ်သဘောထားကို သိထားသူဖြစ်ရာ
ယခု စိတ်အားညှိုးငယ်နေသည့်အခါ၌ သူ၏စိုးရိမ်ချက်များအား ဘုရင်ခံထံ ဖွင့်ဟတိုင်ပင်ရန်
ရောက်လာခဲ့ခြင်းဖြစ်လေသည်။ သူ့တွင် တိုင်ပင်ဖော်တိုင်ပင်ဖက်မရှိဘဲ တစ်ကိုယ်တည်းသာ
ရှိနေရကြောင်းကို အောင်ဆန်းက ထုတ်ဖော်ပြောကြားခဲ့လေသည်။ သူသည် မိတ်ဆွေများ
လိုချင်ခဲ့သော်လည်း ရှာရနိုင်ဖို့ အင်မတန်မှ ခဲယဉ်းခဲ့သည်ဟု ဆိုသည်။


"ဟာ ... ခင်ဗျားဟာ ပြည်သူလူထုကြီးရဲ့ အချစ်တော်ဖြစ်နေတာ မိတ်ဆွေမရှိဘူးလို့
ဘယ့်နှယ့်ပြောတာလဲ"   ဟု ဒေါ်မန်စမစ်က ပြောခဲ့သည့်အခါ၌ -


"ကျုပ်ဟာ ဒီအဖြစ်အပျက်ကို မရည်ရွယ် မလိုလားခဲ့ပါဘူး ၊ ကျုပ်တိုင်းပြည်ကို လွတ်လပ်စေဖို့ကိုသာ
ကျုပ်ရည်ရွယ်ခဲ့တာပါ ၊ ဒီတာဝန်ကြီးဟာ ဘယ်လောက်ကြီးလေးပြီး ၊ ကျုပ်ကို အဖော်မဲ့ဖြစ်စေမယ်ဆိုတာ
ကျုပ်မသိခဲ့ပါဘူး"   ဟု အောင်ဆန်းကပြန်ဖြေဆိုသည်။


ထိုသို့ပြောရင်းက အောင်ဆန်းသည် ၀မ်းနည်းပန်းနည်း ညည်းတွားခဲ့လေသည်။ ဒေါ်မန်စမစ်က ၄င်းအား
ဖျောင်းဖျနှစ်သိမ့်ခဲ့ပါသော်လည်း အောင်ဆန်းသည် မနှစ်သိမ့်ခဲ့ချေ။


"အမျိုးသား အာဇာနည်ခေါင်းဆောင်တွေဟာ ဘယ်လောက်ကြာကြာခံသလဲ ၊ ဒီတိုင်းပြည်မှာတော့
သိပ်မခံပါဘူး ၊ သူတို့မှာ ရန်သူတွေ သိပ်များလှတာကလား ၊ အလွန်ဆုံး ခံလှရင် ၃ နှစ်ပါပဲ ၊
ကျုပ်အတွက်ဆိုရင် နောက်ဆက်အသက်ရှင်လှ တစ်နှစ်ခွဲပေါ့"   ဟု အောင်ဆန်းသည်
စိတ်ပျက်နာကြဉ်းစွာ ပြောခဲ့လေသည်။


သို့အားဖြင့် အောင်ဆန်းသည် သူ၏နီးကပ်လာနေပြီဖြစ်သော သေဘေးကို ကြိုတင်ဖွင့်ပြောခဲ့လေသည်။
ဤအကြောင်းကို သူ့စိတ်ထဲက အလိုလို ရိပ်မိနေသည့်အပြင် နက္ခတ်ဗေဒင်ဆရာများကလည်း
သတိပေးထားကြလေသည်။ သူ့တွင် အချိန်သိပ်မကျန်တော့သည်ကို သူသိသည်နှင့်အမျှ ဒေါ်မန်စမစ်ကို
ထုတ်ဖော် မပြောဆိုဘဲ မနေနိုင်ခဲ့တော့ချေ။


သူ ဤသို့ ၀မ်းပန်းတနည်း ညည်းတွားခဲ့ခြင်းမှာ ကြောက်ရွံ့၍မဟုတ်။ သူ့ကံကြမ္မာကို မခံယူနိုင်၍လည်းမဟုတ် ၊
သူယုံကြည်စွာ ဤအကြောင်းကို ဖွင့်ဟတိုင်ပင်နိုင်သည့်လူ ရှာတွေ့ရပြီး စိတ်ထိခိုက်လှခြင်းကြောင့်သာ ဖြစ်လေသည်။ ............



--------------------------------------------------------------------------------------------------------------------



မောရစ်ကောလစ်ရေးတဲ့စာအုပ်အရ ( ဘာသာပြန်သူရဲ့ ပြန်ဆိုချက်အရ ) ဗိုလ်ချုပ်ဟာ ငိုခဲ့တယ်လို့မပါပါဘူး ...
ကျွန်တော်နောက်တစ်ချက် စဉ်းစားမိတာက ဖတ်ဖူးသမျှ ဖတ်မိသမျှ စာအုပ်တွေအရ ရန်ကုန်အရေးပိုင်ဟောင်း
မောလစ်ကောရစ် နဲ့ ဆာဒေါ်မန်စမစ်ဟာ အလွန်ခင်မင်ရင်းနှီးပြီး  ဗိုလ်ချုပ်တို့နဲ့ ဆာဒေါ်မန်စမစ်ဟာ သိပ်အဆင်မပြေလှပါဘူး ....
ဗိုလ်ချုပ်နဲ့အလွန် အဆင်ပြေခဲ့သူဟာ ဆာဒေါ်မန်စမစ်နောက်ပိုင်းမှာရောက်လာတဲ့ ဘုရင်ခံ ဆာဟျူးဘတ်ရန့်စ်ပါ ...
ဆာဒေါ်မန်စမစ်ဆိုတာ ဒုတိယကမ္ဘာစစ်အပြီးမှာ ဗိုလ်ချုပ်ကို စစ်အတွင်းက ဗြိတိသျှအပေါ် သစ္စာဖောက်မှုနဲ့
စွဲချက်တင်ဖို့ ကြိုးစားသူ ၊ ဗိုလ်ချုပ်ဦးဆောင်တဲ့ ဖဆပလ ကို တန်ပြန်ဖို့ ဂဠုန်ဦးစောကို ယူဂန်ဒါနိုင်ငံမှာ
အကျဉ်းချထားရာကနေပြန်ခေါ်သူ ၊ ဥိးစောနဲ့ အလွန် ပလဲနံပသင့်သူ ၊ ဂျူလိုင် ၁၉ လုပ်ကြံမှုကြီးကြောင့်
ဦးစော သေဒဏ်ပေးခံရစဉ်က ဦးစော လွတ်မြောက်အောင် အစွမ်းကုန်ကြိုးစားခဲ့
( ထိုစဉ်က  မြန်မာ အစိုးရထံ ဦးစောကို သေဒဏ်က လွှတ်ပေးဖို့မေတ္တာရပ်ခံခဲ့ ) သူတစ်ယောက်ဖြစ်ပါတယ် ....
  ဒါကြောင့် ဦးစောကို လွတ်လိုဇော ဒါမှမဟုတ် ဗိုလ်ချုပ်ကို လုပ်ကြံတာ ငါတို့မပါဘူး  သူတို့အချင်းချင်း
လုပ်ကြံတာဆိုတဲ့ ကိုယ်လွတ်ရုန်းတဲ့သဘောနဲ့များ အဲဒီလိုများ ပြောခဲ့လေမလား .... မောရစ်ကောလစ်ကလည်း
သူ့မိတ်ဆွေရင်းဖြစ်တဲ့ ဒေါ်မန်စမစ်အပေါ်မှာ ယုံကြည်ပြီး ဒီလိုရေးခဲ့လေသလား ....  သံသယဖြစ်စရာပါ ....











စဉ်းစားကြည့်ပါ .. အလွန်စိတ်ဓါတ်ခိုင်မာပြီး လုပ်ဖော်ကိုင်ဘက်တွေကို အလွန် သံယောဇဉ်ကြီးတဲ့ ဗိုလ်ချုပ်ဟာ
သူနဲ့ အဆင်မပြေတဲ့ ကိုလိုနီ ဘုရင်ခံ တစ်ယောက်ထံကို အဲဒီလိုသွားပြောပြီး ငိုမတဲ့လား ....
သူ့မှာတိုင်ပင်ဖော် တိုင်ပင်ဘက်တွေရင်ဖွင့်စရာလူတွေ များပါတယ် ...  သခင်မြ ၊ ဒီဒုတ်ဦးဘချို ၊ သခင်နု ၊
သခင်ဗဟိန်း ၊ ဦးသိန်းဖေမြင့် ၊ ဗိုလ်လက်ျာ ...  နောက်ဆုံး ကုန်ကုန်ပြောရရင်
ပါရမီဖြည့်ဘက် ဖြစ်တဲ့ ဒေါ်ခင်ကြည် ...  အဲဒီသူတွေအားလုံးကို ကျော်ပြီး ဆာဒေါ်မန်စမစ်နဲ့
သွားတွေ့တယ်ဆိုတာ သိပ်ယုတ္တိမတန်သလိုပါပဲ ... နောက်ပြီး သူဘယ်သွားသွားပါတဲ့ သူရဲ့ အပါးတော်မြဲ
ဗိုလ်ထွန်းလှကရော  အဲဒီကိစ္စဘာလို့မသိရတာလဲ ...


ဗိုလ်ချုပ်ဟာ သူ့ကို လုပ်ကြံဖို့ ရှိတယ်ဆိုတဲ့ သတင်းမှန်သမျှကို လက်မခံခဲ့သူတစ်ယောက်ပါ ....
ဥပမာ -  ဗိုလ်ချုပ်အမေ ဒေါ်စုက သတိထားဖို့ပြောတော့  "အမေရာ .. နိုင်ငံရေးလုပ်တာ
အတိုက်အခံကတော့ရှိမှာပဲ ဘုရားတောင် အတိုက်အခံရှိတာပဲ" လို့ သာမန်လောက်ပဲ သဘောထားခဲ့တယ် ...
ဒီးဒုတ်ဦးဘချိုက ပြောပြန်တော့လည်း "ကျွန်တော့်ကို သူတို့သတ်ရင် သူတို့ကိုရော တစ်ပြည်လုံးက အုံကြွပြီး
ဆော်ကြမယ်ဆိုတာ သူတို့ မသိဘဲနေမလား" လို့ ပြောခဲ့ဖူးပါတယ် ...
 ဥိးဘချို ပြောခဲ့တဲ့ စကားထဲမှာလည်း"အောင်ဆန်းက ဗေဒင်အကြောင်းပြောရင် မကြိုက်ဘူး ..
ငါ့တောင် ငေါက်သကွဲ့ .. သူ့ဇာတာကလည်း သိပ်ကောင်းတာမဟုတ်ဘူး" လို့  သတင်းစာဆရာတစ်ယောက်ကို
ပြောတယ်လို့ ဖတ်ခဲ့ဖူးပါတယ် ....


 အဲဒီလို သူ့အသက်ကို ဘယ်သူမှ လုပ်ကြံမယ် မထင်ခဲ့တဲ့ ဗိုလ်ချုပ်အောင်ဆန်းဟာ  လုပ်ကြံခံရမယ့်အရေးတွေးပူပြီး
အင်္ဂလိပ် ဘုရင်ခံရှေ့ သွားငိုတယ်ဆိုတာ ယုတ္တိရှိမရှိ စာဖတ်သူများ စဉ်းစားကြပါ .... ။


( မည်သူ့ကိုမှ ဆန့်ကျင်တိုက်ခိုက်ခြင်းမဟုတ်ပါ ...  သမိုင်းအဖြစ်အပျက်များ လွဲနေမှာကို စိုးရိမ်၍
ဖြေရှင်းရခြင်းဖြစ်ပါတယ် ... ကျွန်တော် မှားနေတယ် ဆိုရင် အထောက်အထား အချက်အလက်
ခိုင်ခိုင်လုံလုံနဲ့ ပြန်လည်ချေပနိုင်ပါတယ် )


                                                                                                                                                                           Ter Tee
                                                                                                                                                                       15.12.2012

တစ်ချိန်က ဗိုလ်ချုပ် တစ်ယောက်ထဲ ဘုရင်ခံ အိမ်တော်ကို ညကြီး မင်းကြီးသွားပြီး မြန်မာနိုင်ငံ ဘုရင်ခံ ဆာဟူးဘတ်ရန့် (စ)ရှေ့မှာ မျက်ရည် ကျဘူးတယ်…။ ဒီအချိန်တုန်းက ဗိုလ်ချုပ် မသေခင် တစ်လအလို၊ ၁၉၄၇-ခု၊ ဇွန်လ ထဲမှာ။

ရောက်တာနဲ့ ဟူးဘတ်ရန့်(စ)က အကြောင်းရင်းမေးတော့ “အထွေအထူး မဟုတ်ပါဘူး။ ကျနော့်မှာ စကားပြောရမယ့်သူ မရှိလို့ပါ” တဲ့။ ဟူးဘတ်ရန့်(စ)က ကြောင်သွားပြီး ပြန်မေးတယ်။ “ခင်ဗျားဟာ တပ်ရဲ့သေနာပတိ၊ ဖဆပလရဲ့ ဥက္ကဌ၊

နိုင်ငံရဲ့ခေါင်းဆောင်၊ ခင်ဗျားလို လူတစ်ယောက်မှာ စကားစမြည်ပြောရမယ့် အဖော် တစ်ယောက်မှ မရှိဘူးဆိုတာ အတော်အံ့သြစရာပဲ” ....ဆိုတော့

ဗိုလ်ချုပ်က “ကျနော် ဘယ်လောက် ဘယ်လို စွန့်လွှတ် စွန့်စားခဲ့တယ် ဆိုတာ ကျနော်အသိဆုံးပါ။ ဒီအချိန်မှာ ဒီလို ကျနော်တစ်ယောက်ထဲ အထီးကျန်နေလိမ့်မယ်လို့ ဘယ်တုံးကမှ မတွေးထင်ခဲ့မိဘူးဗျာ။ ပြောရင်း မျက်ရည်တွေ စကျလာတယ်။”

ပြီးတော့ “ဘယ်နိုင်ငံမှာမဆို အာဇာနည်ဆိုတာ ကြာကြာမခံပါဘူး။ ကြာကြာခံတဲ့သူလဲ အာဇာနည် မဖြစ်ပါဘူး။ ကျနော်ဟာ ကိုယ့်ကိုကိုယ် အာဇာနည် တစ်ယောက်ဖြစ်ဖို့ မွေးလာမှန်း အများကြီး နောက်ကျပြီးမှ သိလိုက်ရပါတယ်။ ကျနော့်အတွက် အချိန်တွေ သိပ်မကျန်တော့ဘူးဗျာ...” တဲ့။ ပြောရင်း မျက်ရည်တွေကျနေတဲ့ကြားက ဒူးပေါ်မှာ ထောက်ထားတဲ့ တတောင်ဆစ်နှစ်ခု အဖျားက လက်ခုပ်ပေါ်မှာ မျက်နှာအပ်ပြီး ရှိုက်ကြီးတငင် ငိုခဲ့တယ်….။

စကားချပ်။ ။ (ကျနော်တို့ ဗိုလ်ချုပ် ငိုခဲ့ရှာတယ်။ ဒီမျက်ရည်တွေရဲ့အကြွေးကို အခု ကျနော်တို့ဆပ်နေရတာဗျ။ နောက်ထပ်လဲ အများကြီးဆပ်ရဦးမှာ…..)

အာဇာနည်ကြီးတွေကို သဂြိုလ်ပြီးတာတောင် သတင်းမေးတွေက မပြတ်ဘူး။ တာဝါလိန်းလမ်းကထွက်၊ နတ်မောက်လမ်းကိုကျော်၊ ကမ္ဘာဧဘုရားလမ်းအတိုင်း၊ ဗဟန်း၃လမ်းထိပ်က ဓာတ်ဆီဆိုင်နားအထိ၊ လူတန်းကြီးက မပြတ်ဘူး။

အမေကြည်က ဗိုလ်ချုပ် ဓာတ်ပုံရယ်၊ ပန်းအိုးတစ်အိုးရယ်၊ ခေါက်ထားတဲ့ ယူနီဖေါင်းတစ်စုံပေါ်မှာ ဗိုလ်ချုပ် ဦးထုပ်တင်ထားတဲ့ စားပွဲလေးဘေးက ကုလားထိုင် တစ်လုံးပေါ်မှာ တစ်နေကုန်တစ်နေခန်း ထိုင်ပြီး၊ အနယ်နယ်အရပ်ရပ်က သတင်းမေးလာကြတဲ့ (အလိုက်ကန်းဆိုးမသိတဲ့ လို့ဖြည့်ပြောချင်လဲ ပြောနိုင်ပါတယ်။) ပြည်သူတွေကို ဧည့်ခံစကား ထိုင်ပြောနေရတာ မိုးလင်းကမိုးချုပ်….။

လာသမျှ ပြည်သူတွေကလည်း ဗိုလ်ချုပ်ကတော် အားမငယ်နဲ့နော်။ ဟော့ဒီမှာ ကျနော့်/ကျမ လိပ်စာ။ ကလေးတွေအတွက် ပညာရေး၊ ကျန်းမာရေး ဘာဘဲလိုလို အချိန်မရွေး အတတ်နိုင်ဆုံး (အသက်နဲ့ပဲ လဲရလဲရ) ကူမယ်။ ပြောလဲပြော၊ စာအိတ်ထဲမှာလဲ ပိုက်ဆံတွေ ရွှေတိုရွှေစတွေထဲ့၊ ဘေးစားပွဲပေါ်က ဗိုလ်ချုပ်ဦးထုပ်အောက်မှာ ထားခဲ့ပြီး ပြန်ပြန်သွားကြတာ….။

တအောင့်နေရင် (ဒီတုံးက လုံခြုံရေးကအစ တာဝန်ယူထားတဲ့) အရာရှိတစ်ယောက်က စာအိတ်တွေလာသိမ်းရပြီ။ (ဦးထုပ်က မောက်မောက် လာသကို…)

နောက်ဆုံးတော့ အဲဒီ အရာရှိကပဲ “ကြာလာရင် မမကြည် ကျန်းမာရေး စိုးရိမ်စရာဖြစ်လာမယ်၊ တစ်ခုခုလုပ်ကြပါဦး” ဆိုပြီး ဒီတုံးက သေနာပတိဖြစ်လာတဲ့ ဗိုလ်နေဝင်းကိုပြောတယ်။ လူကြီးတွေ (ဘကြီးဘဘေတို့၊ သခင်နုတို့၊ အဘမှိုင်းတို့နဲ့ပါ) တိုင်ပင်ပြီး တာဝါလိန်းလမ်းက ဗိုလ်ချုပ်အမေ ဒေါ်စု ဝယ်ပေးသွားတဲ့အိမ်ကို တစ်ချိန် လွတ်လပ်ရေး ရလာရင် ပြတိုက်လုပ်ဖို့ နိုင်ငံတော်က ယူမယ်။ အမေကြည်နေချင်တဲ့ နေရာမှာ အိမ်တစ်လုံးအစားပေးရမယ်...ဖြစ်လာရော။ ဒါနဲ့ အမေကြည်က သူ့ လင်ညီအမ (ဦးဘဝင်း ကတော် ဒေါ်ခင်စော)နဲ့ နီးနီးနားနား တက္ကသိုလ်ရိပ်သာလမ်းမှာနေမယ်လို့ စိတ်ကူးတော့ အမှတ် ၅၄၊ တက္ကသိုလ်ရိပ်သာလမ်းကို ပြောင်းပေးဖို့ စီစဉ်ကြတယ်။ လူထုကိုတော့ အမေကြည် ကျန်းမာရေးအရ အနားယူနေတယ်ဆိုပြီး လမ်းစဖြတ်လိုက်တယ်။

အိမ်မပြောင်းကြခင် “ကြည်ရေ...ပဲပြုပ်နဲ့ နံပြားရရင် စားချင်တယ်” ဆိုတဲ့ မှတ်စုလေး အပါအဝင် ဗိုလ်ချုပ်ရဲ့ မှတ်တမ်းမှတ်ရာတွေ အားလုံးကို တစ်ချိန်မှာ (ဒီတုန်းက လွတ်လပ်ရေးမရသေးဘူးလေ) ပြတိုက်ဖွင့်ဖို့ အဲ့ဒီ အရာရှိကလဲ စာရင်းလုပ်ပြီး အမေကြည်ဆီကနေ လက်ခံယူတယ်။ ပြီးတော့ အထက-၁ ဒဂုံရှေ့မှာ (အခု ယုဇနဂါးဒင်းဟိုတယ် ဖြစ်နေတဲ့) တပ်မတော်ပိုင် ဆိုရွန်တိုဗီလာရဲ့ ဒုတိယအထပ်မှာ သေတ္တာလိုက်ထည့်ပြီး သိမ်းထားခဲ့တယ်။

ဒီထဲမှာ ဗိုလ်ချုပ်ရဲ့ ဒိုင်ယာရီတွေလဲပါတယ်။ ဖြည့်ပြောရရင် ဗိုလ်ချုပ်က ဒိုင်ယာရီကို အင်္ဂလိပ်လို ရေးလေ့ရှိတယ်။ အင်မတန် စိတ်ဝင်စားစရာကောင်းတဲ့ အချက်က... ဗိုလ်ချုပ် ဘုရင်ခံအိမ်ကိုသွားပြီး ဆာဟူးဘတ်ရန့်(စ)ရှေ့မှာ မျက်ရည်ကျခဲ့တဲ့ည ၁၉၄၇၊ ဇွန်လ ၁၉ရက် က ရေးခဲ့တဲ့ ဒိုင်ယာရီစာရွက် ပြဲနေတယ်၊ ပါမလာဘူး။ ဒေါ်အောင်ဆန်းစုကြည်က ၁၉၄၅-ခု၊ ဇွန်လ (၁၉)ရက်နေ့မှာ မွေးတာ၊ သူ (၂)နှစ်ပြည့်တဲ့နေ့- ဗိုလ်ချုပ် မျက်ရည်ကျတဲ့ည၊ တစ်လအကြာမှာ ဗိုလ်ချုပ်လုပ်ကြံခံရတယ်။ အဲဒီ ဒိုင်ယာရီ စာမျက်နှာမှာ ဗိုလ်ချုပ်ဘာတွေရေးခဲ့လို့၊ ဘယ်သူကဖြဲခဲ့တာလဲ ?

စကားချပ်။ ။(ထင်ချင်ရာတွေထင် ပြောချင်ရာတွေပြော၊ ဗိုလ်ချုပ်ကို ဘယ်သူသတ်သလဲ... ဆိုတဲ့အဖြေ အဲဒီစာရွက်မှာ ပါကို ပါရမယ်။)

*(နိုင်ငံတော်ဈာပန အခမ်းအနား ဓာတ်ပုံအား ကမ္ဘာသစ်မြန်မာ Fan Page မှ ကူးယူပါသည်။) အခြေခံအချက်များအား ပေးသော ပြည်ပရောက် အစ်ကိုအား ကျေးဇူးတင်သည်။



မြတ်သုတ