အခန်း
(၈)
နောက်ပိုင်းမှာတော့
Philadelphia
စမ်းသပ်ချက်ရဲ့
အမှန်တရားတွေကို ရှာဖွေဖော်ထုတ်ဖို့
ကျွန်မရဲ့ အာရုံတွေကို
နှစ်မြှုပ်ထားလိုက်ပါတယ်။
ဒါကို နည်းလမ်းစုံနဲ့
သုတေသနပြုလေ့လာဖို့အတွက်
နှစ်အနည်းငယ်ကြာ အချိန်ပေးခဲ့ရပါတယ်။
ကနဦးအစတုန်းကတော့
အထက်တန်းကျောင်းက
ပရောဂျက်သင်ခန်းစာအနေနဲ့
စတင်ခဲ့ပေမယ့် နောက်ပိုင်းမှာတော့
အိုင်းစတိုင်းရဲ့ Unified
Field Theory ဟာ
ဖြစ်နိုင်ချေရှိတယ်ဆိုတာ
သက်သေပြဖို့ ကျွန်မ
ဆက်ကြိုးစားခဲ့ပါတယ်။
အသက်
(၁၆)
နှစ်မှာပဲ
ကောလိပ်တခုကို ကျွန်မ
တက်ခွင့်ရခဲ့ပါတယ်။ အဲဒီကောလိပ်မှာ
ကျွန်မက အသက် အငယ်ဆုံးပါပဲ။
အထက်တန်းမပြီးသေးပဲ
ကောလိပ်ဝင်ခွင့်စာမေးပွဲကို
ကျွန်မသွားဖြေခဲ့တာကြောင့်ပါ။
တခြားအထက်တန်းပြီးသူတွေက
ဝင်ခွင့်စာမေးပွဲမှာ
ခြောက်ဆယ်ရာခိုင်နှုန်းရဖို့
အသည်းအသန် ကြိုးစားနေကြရချိန်မှာ
ကျွန်မကတော့ ၁၀၀ ရာခိုင်နှုန်းနဲ့
အောင်မြင်ခဲ့ပါတယ်။
ဒါပေမယ့်
ကောလိပ်မှာ သင်တဲ့ သင်ခန်းစာတွေကလဲ
ကျွန်မသိပြီးသားတွေချည်း
ဖြစ်နေပြန်ပါတယ်။ ကောလိပ်ကျောင်းမှာ
ကျွန်မကို သင်စရာ သင်ရိုးဘာမှ
မကျန်တော့ပါဘူး။ ဒါကြောင့်
ကျွန်မရဲ့ သုတေသနကို
အာရုံစိုက်ဖို့အတွက်
ကောလိပ်ကျောင်းကိုလဲ ကျွန်မ
ဆက်မတက်တော့ပါဘူး။
သင်္ချာပညာရပ်ဆိုင်ရာ
တွက်ချက်မှုတွေနဲ့ ပတ်သက်ရင်တော့
အဖိုးက အကူအညီပေးပါတယ်။
ဒါပေမယ့် တခြား လုပ်ငန်းဆောင်တာတွေမှာတော့
သူပါဝင်ပတ်သက်ခြင်း မရှိပါဘူး။
ရေတပ်ရဲ့ သုတေသနဖိုင်တွေကို
hacking
လုပ်ပြီး
ကျွန်မ ၀င်မွှေကြည့်ပါတယ်။
anti-gravity
နဲ့ပတ်သက်တဲ့
သတင်းအချက်အလက်တွေကို
ထိပ်တန်းလျှို့ဝှက်ချက်အဖြစ်
ယနေ့ချိန်ထိ သတ်မှတ်ထားဆဲဆိုတာ
ထင်ရှားပါတယ်။ သတင်းအချက်အလက်တွေကို
'Classified'
codes တွေနဲ့
ထိန်းသိမ်းထားပါတယ်။
ဒါပေမယ့်
ဒီကုတ်တွေက ကျွန်မအတွက်တော့
ကစားစရာဖြစ်နေပါတယ်။ hacking
နဲ့
ပတ်သက်ပြီး ကျွမ်းကျင်လာလေလေ၊
ကျွန်မ မဖောက်နိုင်တဲ့
ကုတ်ဆိုတာက ရှားလာလေလေပါပဲ။
ဒီလိုနဲ့
တနေ့မှာတော့ ရေတပ်ရဲ့
နောက်ဆုံးပေါ် သုတေသနတွေကို
ကျွန်မ hack
လုပ်ကြည့်ပါတယ်။
သိပ်ပြီး
အံ့သြဖွယ်ကောင်းတာက တစုံတယောက်ဟာလဲ
ကျွန်မလုပ်တဲ့ သုတေသနနဲ့
အလားသဏ္ဍာန်တူ သုတေသနကို
လုပ်နေတယ် ဆိုတာပါပဲ။
တစုံတယောက်ဟာ Philadelphia
Experiment ကို
လေ့လာနေပါတယ်။
ဒီလေ့လာမှုအတွက်
နောက်ကွယ်မှာ သန်းနဲ့ချီတဲ့
အစိုးရအသုံးစရိတ်တွေက
ပံ့ပိုးပေးထားပါတယ်။ ဒီလို
စမ်းသပ်ချက်မျိုးနောက်တခု
ထပ်မံလုပ်ဖို့အတွက် ဘတ်ဂျက်တွေကလဲ
အဆင်သင့်ရှိနေပါတယ်။
ကျွန်မရဲ့
စိတ်ထဲမှာ သုတေသန ပြိုင်ဘက်တယောက်
ပေါ်လာသလို ခံစားရတာကြောင့်
ဖိုင်တွေကို ကျွန်မ လောဘတကြီးနဲ့
လိုက်ဖတ်မိပါတယ်။ အဲဒီမှာတင်
ကျွန်မတွေ့လိုက်ရတာက လေ့လာမှု
တချို့မှာ အမှားတွေ ရှိနေတယ်
ဆိုတာပါပဲ။
ကျွန်မရဲ့
သင်္ချာဦးနှောက်က ဘာတွေမှားနေတယ်၊
ဒီလိုတွက်ချက်မှုတွေကနေ
ဘယ်လို dead-end
street ကို
ရောက်သွားနိုင်တယ်ဆိုတာတွေကို
သိနေပါတယ်။ ဒီလောက် ပံ့ပိုးမှုတွေ၊
အရင်းအမြစ်တွေ အများကြီး
သုံးပြီးမှ အမှားတွေနဲ့
အဆုံးသတ်မှာကို ကြိုသိနေရတာက
ကျွန်မအတွက် စိတ်အနှောင့်အယှက်ဖြစ်စေပါတယ်။
ဒါကြောင့်
သူတို့ရဲ့ ဖိုင်တွေကို ကျွန်မ
hack
လုပ်ပြီး
ဝင်သွားလိုက်ပါတယ်။ ဘာတွေ
မှားနေလဲဆိုတာ ၀င်ပြောလိုက်ပါတယ်။
ကျွန်မက စိတ်ခံစားမှုနဲ့
အလောတကြီး လုပ်လိုက်မိတာဖြစ်ပါတယ်။
တကယ်တမ်း ကျတော့ ကျွန်မ ဒီလို
risk
မျိုးကို
မယူသင့်ပါဘူး။ ပြီးတော့
Philadelphia
စမ်းသပ်ချက်နဲ့
ပတ်သက်တဲ့ ပြဿနာတွေရဲ့ အဖြေကို
ဖြေရှင်းနိုင်သူက ကျွန်မကိုယ်တိုင်ပဲ
ဖြစ်ချင်တာပါ။
ဒါပေမယ့်
နောက်ကျသွားပါတယ်။
ဒီလိုလုပ်လိုက်ခြင်းအားဖြင့်
ရေတပ်ရဲ့ သုတေသန ကွန်ယက်ထဲမှာ
တစုံတယောက် ၀င်ရောက်နေပြီဆိုတာ
သူတို့ကို alert
လုပ်လိုက်သလို
ဖြစ်သွားပါတယ်။ အနှေးနဲ့
အမြန် ဆိုသလိုပဲ တစုံတရာက
ဖြစ်ပွားလာတော့မယ်ဆိုတာ
ကျွန်မကြိုသိနေခဲ့ပါပြီ။
အဖိုးရဲ့
အဆိုးဝါးဆုံး အိပ်မက်တွေ
မှန်ကန်လာပါတော့တယ်။
သူတို့တွေ
ကျွန်မဆီ ရောက်လာခဲ့ပါတယ်။
(ဆက်လက်ဖော်ပြပါမည်)
ရေးသားသူ-
Terry Deary
စာအုပ်အမည်-
The Philadelphia Experiment
စာအုပ်ထုတ်ဝေသည့်နှစ်-
(၁၉၉၆)
ခုနှစ်
စာအုပ်အမျိုးအစား-
လူငယ်စာပေ
ဘာသာပြန်သူ
– ခင်မမမျိုး (၀၉၊
၀၄၊ ၂၀၁၂)
No comments:
Post a Comment