ဗိုလ်ချုပ်မှူးကြီးသန်းရွှေရဲ့
ကိုယ်ပိုင်ယတြာဘုရား
မင်းနန္ဒာလွန်း
ဗိုလ်ချုပ်မှူးကြီးသန်းရွှေနဲ့ မိသားစုဟာ မြန်မာနိုင်ငံမှာ စစ်အုပ်ချုပ်ရေးကို ပုံစံအမျိုးမျိုးနဲ့ သက်ဆိုးရှည်ဘို့နဲ့ အခြေခံဥပဒေ ၂၀၀၈ကို နှောင်းလူတွေ မပြင်နိုင် မဖျက်နိုင်အောင်ဆိုတဲ့ ယတြာ ရည်ရွယ်ချက်နဲ့ ၂၀၀၆ ခုနှစ်မှာ သန်လျင် ရေတပ်စခန်းထဲမှာ ဗိုလ်ချုပ်မှူးကြီးသန်းရွှေ မိသားစုပိုင် သီးသန့် ဘုရားတဆူ တည်ခဲ့တာလို့ အလိုတော်ပြည့်နဲ့ နီးစပ်တဲ့ သတင်းရပ်ကွက်က ပြောပါတယ်။
သကျမာရဇိန်စေတီတော်
သန်လျင်ရေတပ်စခန်း ဟံသာဒီပ ကုန်းတော်ပြင်မှာ တည်ထားတဲ့ ဗိုလ်ချုပ်မှူးကြီးသန်းရွှေမိသားစု ဘုရားကို သကျမာရဇိန်စေတီတော်လို့ အမည်ပေးထားပါတယ်။ ဘုရားအ၀င် ဆိုင်းဘုတ်ကို ခုလိုမြင်ရပါတယ်။
ဒီဘုရားတဆူလုံးပေါ်က ရှိသမျှ သာသနအဆောက်အဦမှန်သမျှကို
အရပ်သားကောင်းမှု တဦးမှ မပါစေရဘဲ စစ်အစိုးရ ထိပ်ပိုင်း
စစ်ခေါင်းဆောင်တွေသာ ကောင်းမှုရှင်ဖြစ်နေတာ
ထူးခြားစွာတွေ့ရပါတယ်။
ဘုရားအ၀င်ဝ မုတ်ဦးက ခြင်္သေ့နှစ်ကောင်ဆိုရင် ဘယ်ဘက်က ခြင်္သေ့ကို ဒုဗိုလ်ချုပ်ကြီးတင်အောင်မြင်ဦး(ယခု ဒုသမ္မတ) နဲ့ဇနီးကောင်းမှုဆိုတာတွေ့မှာဖြစ်တယ်။
ငတက်ပြား အောင်သောင်း ကုသိုလ်
ဘုရားရင်ပြင်တော်ပေါ်တက်လိုက်တာနဲ့ ဘယ်ဘက်ထောင့်က ဂြိုလ်တိုင်ကို အကတိလိုက်စားမှုတွေနဲ့
နာမယ်ပျက်နေတဲ့
အဲဒီအချိန် အမှတ်(၁) စက်မှုဝန်ကြီးဌာန၀န်ကြီး
ဦးအောင်သောင်းနဲ့ဇနီးတို့က လှူဒါန်းထားတာ
တွေ့ရပါတယ်။ တခြားဂြိုလ်တိုင်တွေအားလုံးလဲ ထိပ်တန်းစစ်ခေါင်းဆောင်တွေအမည်သာ ကောင်းမှုရှင်အဖြစ် တွေ့ရမှာဖြစ်တယ်။
ဗိုလ်ချုပ်မှူးကြီးသန်းရွှေရဲ့
သီးပင်ယတြာ
ဗိုလ်ချုပ်မှူးကြီးသန်းရွှေရဲ့ အခြေခံဥပဒေ အဓွန့်ရှည်စေရေး
ယတြာ
အထူးခြားဆုံးကတော့ ဘုရားအနောက်ဘက်မုခ်ကဆင်းလိုက်ရင် ဗိုလ်ချုပ်မှူးကြီးသန်းရွှေဆိုတဲ့ သောကြာသားက ၂၀၀၈ ခု ဒီဇင်ဘာ ၂၃ ရက်နေ့မှာ သီးပင်ကို ခုလို စိုက်ပျိုးထားပါတယ်။
ဗိုလ်ချုပ်မှူးကြီးသန်းရွှေစိုက်ထားတဲ့ သီးပင်ရဲ့ ညာဘက်မှာတော့ ပါရမီဖြည့်ဘက် တပည့်ကျော် ဒုဗိုလ်ချုပ်မှူးကြီးမောင်အေးက ယတြာ နံ့သာဖြူပင် စိုက်ထားတာ ခုလို မြင်ရမှာဖြစ်ပါတယ်။
ဇာတ်ပေါင်းတဲ့အခါ ဒေါ်အောင်ဆန်းစုကြည်နဲ့အန်အယ်ဒီက သိန်းစိန်အစိုးရကို အသိအမှတ်ပြုပြီး ကြားဖြတ်ရွေးကောက်ပွဲဝင်လိုက်တဲ့အတွက် ညစ်နည်းမျိုးစုံနဲ့ ဗိုလ်ချုပ်မှူးကြီးသန်းရွှေ ရေးဆွဲခဲ့တဲ့ အခြေခံဥပဒေ ၂၀၀၈ ကို အနောက်နိုင်ငံတွေက အသိအမှတ်ပြုခဲ့တာမို့ သီးပင်ယတြာ အောင်မြင်တယ်လို့ ဆိုရမှာဖြစ်ပါတယ်။
Swe Swe Kyi- FB
No comments:
Post a Comment