ပြန်လည် ဆုံဆည်းကြရာဝယ်

by Khin Ma Ma Myo (Notes) on Monday, May 6, 2013

(၁)

အချိန်က (၁၉၉၇)ခုနှစ်၊နေရာက ဆူးလေဘုရားအနီးမှာပါ။
ဒီတုန်းကရန်ကုန်မှာ ကွန်ပျူတာသင်တန်းတက်ရင်း၊စာတိုပေစလေးတွေ ရေးဖြစ်ခဲ့ပါတယ်။စာစောင်တခုမှာ လစဉ်ရေးခွင့်ရတာကြောင့်၊ရေးထားတဲ့စာမူလေးတွေကိုဆူးလေဘုရားအနီးကလမ်းဘေးလက်နှိပ်စက်ရိုက်တဲ့အစ်မကြီးတွေဆီမှာလက်နှိပ်စက်ရိုက်ခိုင်းပြီး၊စာပေတိုက်ကို သွားပို့နေကျပါ။ပြီးတဲ့အခါ စာပေတိုက်ကမိတ်ဆွေများနဲ့ လက်ဖရည်သောက်ရင်းစကားပြောပြီး၊ ဆူးလေ-ပန်းဆိုးတန်းတ၀ိုက်ကစာအုပ်အဟောင်းဆိုင်တွေမှာစာအုပ်မွှေ၊ အဟောင်းဆိုင်ကဦးလေးကြီးများနဲ့စကားပြောနှုတ်ဆက်ပြီးမှအိမ်ကို ပြန်လေ့ရှိပါတယ်။

ဒီလိုနဲ့ တနေ့တော့ဆူးလေဘုရားအနီးမှာသီလရှင်အိုကြီးတပါးနဲ့သက်တော်ဆယ်နှစ်ကျော်လောက်ပဲရှိမယ့် သီလရှင်ဆရာလေးတပါးတို့လမ်းကူးဖို့ ခဲယဉ်းနေတာတွေ့ရပါတယ်။ လူကူးမျဉ်းကြားနေရာလဲမဟုတ်လေတော့ လမ်းပေါ်ခြေလှမ်းတိုးလိုက်၊ကားတွေကလဲ လာလိုက် (ရန်ကုန်မှာကလူကူးမျဉ်းကြားမှာတောင်ကားနဲ့ လူ အပြိုင်လုကြရတာပါ)၊ခြေလှမ်းနောက်ဆုတ်လိုက်ဖြစ်နေကြတာ တွေ့ရပါတယ်။ဒါကြောင့် ဆရာလေးတို့ကိုမျဉ်းကြားရှိရာခေါ်သွားပြီး၊လမ်းကူးပေးရင်း၊ အကျိုးအကြောင်းလျှောက်ထားတော့ နယ်ကနေရန်ကုန်တက်လာကြတာမှန်းသိရပါတယ်။ မသွားတတ်၊ မလာတတ်နဲ့ဘုန်းကြီးကျောင်းတကျောင်းကိုသွားဖို့ ဘတ်စ်ကားတွေကိုလိုက်မေးနေကြတာပါ။ ဒါနဲ့ပဲအဲဒီနေ့က ထုတ်လာတဲ့ စာမူခလေးနဲ့တည်းခိုရာကို တက္ကစီလေးငှားပေးလိုက်ပါတယ်။သွားရင်းလာရင်း ဒီလိုအဖြစ်လေးတွေကကြုံတတ်တာကြောင့် နောက်ပိုင်းကျတော့လဲမေ့မေ့ပျောက်ပျောက်ပါပဲ။

ဒါပေမယ့်ဒီသီလရှင်နှစ်ပါးကို မထင်မှတ်ပဲပြန်လည်ဆုံဆည်းခဲ့ရပါတယ်။ဒီတခါ ဆုံဆည်းရတဲ့ နေရာကတော့ဒေးစွန်ပါ မှာပါ။ တခါတရံကျွန်မရဲ့ စိတ်ထဲမှာပုတီးစိပ်အဓိဌာန်ဝင်လိုစိတ်ဖြစ်လာတဲ့အခါ မြန်မာပြည်ကဘုရားတွေကို လိုက်ဖူးပြီး၊ပုတီးစိပ်လေ့ရှိပါတယ်။အလွန်ဆုံး ကိုးရက်ကနေ (၂၇)ရက်အထိပါ။တခါတုန်းကတော့ ဗိုလ်တထောင်ဘုရားမှာ(၄၅)ရက်တိတိ၊ရက်ရှည် အဓိဌာန်ဝင်ခဲ့ဖူးပါတယ်။ဒီလိုနဲ့ (၂၀၀၁)ခုနှစ်ထဲကကာလတခုမှာတော့ ဒေးစွန်ပါမှာပုတီးသွားစိပ်လိုစိတ်ဖြစ်လာတာကြောင့်ရန်ကုန်ကနေ ထွက်သွားလိုက်ပါတယ်။အရင်တုန်းက ရောက်ဖူးပေမယ့်၊ပုတီးစိပ်အဓိဌာန်တော့မ၀င်ဖူးခဲ့ပါဘူး။ ဒီလိုနဲ့ရောက်သွားတော့ ခရီးကပဲပမ်းလို့လားမသိ၊ ဘုရားပေါ်ကိုမရောက်ခင်မှာပဲ ခေါင်းမူးလာပါတယ်။

ဘုရား တည်ထားတဲ့တောင်ပေါ်ကို တက်ရာလမ်းတလျှောက်မှာသီလရှင်မြေစိုက်တဲလေးတွေရှိပါတယ်။ ဒါကြောင့် သီလရှင်တဲကတိုင်လေးကို အားပြုပြီး၊မှီထားလိုက်ချိန်မှာသီလရှင်လေးတပါးက တဲလေးပေါ်ကိုတက်ပြီးနားဖို့ လာခေါ်ပါတယ်။ဒီသီလရှင်လေးဟာ ရန်ကုန်ဆူးလေဘုရားအနီးမှာတွေ့ခဲ့ဖူးတဲ့ သီလရှင်လေးမှန်းအစပိုင်းမှာ မမှတ်မိခဲ့ပါဘူး။သီလရှင်အိုကြီးကို တွေ့ရတော့မှမှတ်မိသွားပါတယ်။ သီလရှင်လေးကတော့ကလေးမှတ်ဥာဏ်ကြောင့်လားမသိ။ ကျွန်မကို မှတ်မိနေပါတယ်။တိုက်တိုက်ဆိုင်ဆိုင်ပြန်လည်ဆုံစည်းကြရတာကြောင့်အားလုံးပဲ ၀မ်းသာခဲ့ရပါတယ်။တဦးမေတ္တာ၊ တဦးမှာ............................။

(၂)

အချိန်က (၁၉၉၉)ခုနှစ်၊နေရာက မန္တလေး ရွှေမြို့တော်ကြီးမှာပါ။

ဒီတုန်းကမန္တလေးမှာ ကျောင်းသွားတက်ဖြစ်ခဲ့ပါတယ်။မန္တလေးသားတွေအတွက်တော့မသိဘူး။ ကျွန်မလိုတောင်ပေါ်သူတယောက်အတွက်တော့မန္တလေးရဲ့ နေက အတော်ကိုပူပါတယ်။ ကျွန်မတို့ခေတ်တုန်းကတက္ကစီတွေကလဲ တော်တော်နည်းပါတယ်။စက်ဘီးတွေကလဲ များ၊ ဆိုင်ကယ်တွေကလဲများတော့ အိမ်က ကားကိုလဲတာရှည်မယူထားရဲပါဘူး။ တခါတရံလိုရင်ပဲ ကားမောင်းသမားနဲ့ကားကို တောင်ကြီးကိုလှမ်းမှာဖြစ်ပါတယ်။ စက်ဘီးကျတော့လဲမစီးတတ်ပြန်ဘူး။ ဆိုင်ကယ်ကျတော့လဲမေမေက စိတ်မချ။ ဒါကြောင့်မြို့ထဲမှာ ဟိုနားဒီနားသွားရင်ဆိုက်ကားကို အားပြုရပါတယ်။ကိုယ့်ဝန်တာကို သူများကိုသယ်ဆောင်ခိုင်းရတာကြောင့်ဆိုက်ကားဆရာတွေကိုတော့အားနာမိသလို ရှိသား။ ဒါပေမယ့်လဲအထက်ပူ၊ အောက်ပူနဲ့မို့အားနာနာနဲ့ပဲ စီးရပါတော့တယ်။

ဒီလိုနဲ့ တနေ့မှာကိစ္စတခုရှိတာနဲ့ ဆိုက်ကားစီးပြီး၊အပြင်ထွက်ပါတယ်။ မန္တလေးမှာကတချို့နေရာတွေမှာ လူအရမ်းများပေမယ့်၊လူပြတ်တဲ့လမ်းတွေလဲ ရှိပါတယ်။ဒီလို လူပြတ်တဲ့ လမ်းတနေရာမှာအဒေါ်ကြီးတယောက် အထုပ်အပိုးတွေနဲ့လမ်းပေါ်မှာ ဆောင့်ကြောင့်ထိုင်နေတာတွေ့ရပါတယ်။ ဒီလောက် နေပူကြီးထဲမှာဒုက္ခပါပဲ ဆိုပြီး၊ ဆိုက်ကားဆရာကိုရပ်ခိုင်း၊ အကျိုးအကြောင်းမေးတော့ဘူတာကြီးသွားမလို့တဲ့။ဆိုက်ကားစီးဖို့လဲ ပိုက်ဆံမရှိလို့တပြစီ နားနားပြီး လမ်းလျှောက်နေတာပါတဲ့။ဒါနဲ့ပဲ စီးလာတဲ့ ဆိုက်ကားဆရာကိုလမ်းကြောင်းပြောင်းပြီး၊ဘူတာကြီးဘက်ကိုပဲပို့ခိုင်းလိုက်ရပါတယ်။ပြီးတော့မှ ကိုယ်လိုရာခရီးဆက်သွားဖြစ်ခဲ့ပါတယ်။ ဒီလိုတွေကြုံရဆုံရ ဆိုတော့လဲမေ့မေ့ပျောက်ပျောက်ပါပဲ။

ဒါပေမယ့်တိုက်တိုက်ဆိုင်ဆိုင်ဒီအဒေါ်ကြီးနဲ့ တခါပြန်ဆုံခဲ့ရပါတယ်။ဒီတခါဆုံတာကတော့ အုန်းချောဘက်မှာပါ။အုန်းချောရွာကြီးကိုသဘောကျတာကြောင့် နေ့ချင်းပြန်ခရီးသွားလည်ဖြစ်ခဲ့တာ အကြိမ်ကြိမ်ပါပဲ။အုန်းချောကိုသွားလေ့ရှိတာကဈေးသည်တွေနဲ့ ကုန်သည်တွေများပါတယ်။ ကျွန်မကတော့အလည်သွားတာဆိုတော့ ရှေ့ခန်းရတဲ့ဒိုင်နာကားကို စောင့်စီးပြီး၊ခရီးသွားဖြစ်ခဲ့ပါတယ်။တခါတလေတော့လဲ သူငယ်ချင်းတချို့အဖော်လိုက်ပါတယ်။

နောက်ပိုင်းမှာဒိုင်နာကား ဆရာတယောက်နဲ့ရင်းနှီးသွားတာကြောင့်ကျွန်မတို့ သူငယ်ချင်းတွေအတွက် ကားဦးစရာ၊ စောင့်စီးစရာသိပ်မလိုတော့ပါဘူး။မန္တလေးတက္ကသိုလ်ထဲမှာသူ့အမျိုးသမီးက အစားဆိုင်ဖွင့်ထားပြီး၊ကားစပယ်ယာကလဲ သူ့ယောက်ဖဖြစ်တာကြောင့်အုန်းချောဘက် ကားမထွက်ခင်တကူးတကကို အဆောင်မှာလာကြိုပေးပါတယ်။ ညနေပိုင်းသူ့ကားပြန်ထွက်ချိန်နဲ့ညှိပြီး၊ ရွာထဲသွားလည်လို့ရတာကြောင့် ကျွန်မအတွက်ကတော့အတော် အဆင်ပြေသွားပါတယ်။

ဒီလိုနဲ့ရွာထဲသွားလည်ဖြစ်ချိန်တရက်မှာ နို့ထမင်းရောင်းတဲ့အဒေါ်ကြီးတယောက်တွေ့တာနဲ့နို့ထမင်းဝယ်စားဖြစ်ပါတယ်။မန္တလေးဘက်၊ ကျွဲဆည်ကန်ဘက်၊အမရပူရဘက်၊ စစ်ကိုင်းဘက်တွေမှာဒီလိုပဲ မုန့်ပဲသရေစာလေးတွေကိုအိုးထဲမှာ ထည့်ပြီးဈေးလှည့်ရောင်းသူတွေရှိပါတယ်။ အိုးထဲမှာပါလာတဲ့အစားအစာတွေက အမျိုးအစားလဲစုံပါတယ်။ ကျွန်မကတော့အစားကြိုက်သူဆိုတော့တွေ့ရင်တွေ့တဲ့နေရာမှာလှမ်းခေါ်ပြီး ၀ယ်စားတော့တာပဲ။

ဒါနဲ့ စားပြီး၊ပိုက်ဆံပေးတော့ မယူပါရစေနဲ့၊ကျေးဇူးပြန်ပြုတာလို့ဆိုပါတယ်။ အစက မမှတ်မိပါဘူး။သူပြန်ပြောပြတော့မှ ဘူတာကိုလိုက်ပို့ပေးခဲ့ဖူးတဲ့အဒေါ်ကြီးမှန်း မှတ်မိသွားရပါတော့တယ်။ပိုက်ဆံကိုလဲ တောင်းတောင်းပန်ပန်နဲ့ပေးလိုက်ရပါတယ်။ တနေ့လုပ်၊တနေ့စားတွေရဲ့ ဘ၀မှာဒီနေ့ရောင်းရငွေဟာ နောက်တနေ့ရဲ့အရင်းအနှီး ဖြစ်နေတတ်တာမဟုတ်ပါလား။ ဒါပေမယ့်ကျေနပ်အောင် နို့ထမင်းတပွဲတော့ကျသင့်ငွေထဲ ထည့်မတွက်ပဲစားပေးလိုက်ရပါတယ်။ မေတ္တာတရားတို့ရောယှက်နေခဲ့သောနို့ထမင်းတပွဲ.................။

(၃)

အချိန်က (၂၀၀၁)ခုနှစ်။နေရာက တောင်ကြီး-ရန်ကုန်အဝေးပြေးကားလမ်းမ။

ရန်ကုန်မှာစာမေးပွဲတခု ဖြေစရာရှိတာကြောင့်တောင်ကြီးကနေ ရန်ကုန်ကိုကားစီးသွားဖြစ်ခဲ့ပါတယ်။ကျွန်မရဲ့ဘေးမှာတော့အသက်သုံးဆယ်အရွယ် အမျိုးသမီးတယောက်စီးလာပါတယ်။ တောင်ကြီး-ရန်ကုန်ကားတွေကနေ့လည်ဆယ့်နှစ်နာရီ ၀န်းကျင်မှာထွက်လေ့ရှိပါတယ်။ ညနေပိုင်းမှာလက်ဖရည်သောက် ခဏနားပြီး၊ ညရှစ်နာရီလောက်မှာတခါ ညစာစားဖို့ထပ်နားလေ့ရှိပါတယ်။ အဲဒီကနေဆက်ထွက်လာလိုက်တာ သန်းခေါင်ကျော်မှတခါ ထပ်နားလေ့ရှိပါတယ်။ကားစထွက်စ ကတည်းက အဲဒီအစ်မရဲ့မျက်နှာက သိပ်မကောင်းလှဘူး။ပင်ပန်းပြီး နွမ်းနေသလိုပဲ။လက်ဖရည်သောက် နားတုန်းကလဲဆင်းတာမတွေ့ရဘူး။ ညစာစားချိန်တုန်းကလဲအအေးပုလင်း တပုလင်းပဲမှာသောက်တာတွေ့ရတယ်။

ဒီလိုနဲ့ကားပြန်ထွက်ပြီးနောက်ပိုင်းကျတော့နေမကောင်းဖြစ်နေတာမှန်းအတော်ကိုသိသာနေပြီ။အဖျားတက်နေတာပဲ။ ဆရာဝန်သမီးဆိုတော့ခရီးသွားရင် ဆေးတွေဆောင်သွားတတ်တာအကျင့်ပါနေပြီမို့ ကျွန်မရဲ့လက်ထဲမှာ ဆေးတချို့ပါပါတယ်။ဒါပေမယ့်လဲ ကော်ဖီနဲ့ဖြစ်ဖြစ်ဆေးတိုက်မှ ဖြစ်မယ်ထင်တာကြောင့်ညသန်းခေါင်ကျော်နောက်ပိုင်းကားရပ်ချိန်ကျတော့ အဖျားတက်နေတဲ့အစ်မကို တွဲဆင်းပြီး ဆိုင်ထဲမှာကော်ဖီမှာ၊ ဆေးတိုက်ရပါတယ်။နေမကောင်းချိန်ဆိုတော့စကားတော့ အများကြီးမပြောဖြစ်ကြပါဘူး။ ၀န်ထမ်းဆိုတာရယ်၊ရန်ကုန်ကို အလုပ်တာဝန်တခုနဲ့သွားတယ်ဆိုတာလောက်ပဲပြောဖြစ်ခဲ့ကြပါတယ်။

ဒီလိုနဲ့ (၂၀၀၂)ခုနှစ်ရောက်တော့နိုင်ငံခြားကို မဖြစ်မနေထွက်ဖို့ အခြေအနေတခုကလှုံ့ဆော်ထားလိုက်ပါပြီ။ဒါကြောင့် D-formအတွက်အခွန်ကင်းရှင်းကြောင်း စာကိုတောင်ကြီးက အခွန်ရုံးမှာသွားယူရပါတယ်။ အချိန်ကသိပ်မရတာကြောင့် ကားလမ်းခရီးကိုကြိုက်ပေမယ့် မသုံးဖြစ်တော့ပါဘူး။လေယာဉ်နဲ့ပဲ ခရီးသွားရပါတယ်။ဒါပေမယ့် ဟဲဟိုးလေဆိပ်ရောက်တော့ကျွန်မမှာ မျက်လုံးပြူးစရာကိစ္စတခု ကြုံရပါတယ်။ ပုံမှန်ပဲလား၊သတင်းအရလားတော့ မသိ။ အဲဒီမှာရှာဖွေရေးတွေ လုပ်နေပါတယ်။ကျွန်မရဲ့ လက်ဆွဲအိတ်ထဲမှာကမိတ်ဆွေတယောက်ပေးလိုက်တဲ့စာစောင်တခု။ ဒီတုန်းကနိုင်ငံရေးအခြေအနေအရဒီစာစောင်လက်ဝယ်ရှိမှုဟာကျွန်မရဲ့ ဘ၀ကို တစုံတရာပြောင်းလဲမှုဖြစ်သွားစေနိုင်ပါတယ်။

အဲဒီမှာပဲယူနီဖောင်းဝတ် အမျိုးသမီးတယောက်ကကျွန်မကို လာခေါ်ထုတ်သွားပါတယ်။အစပိုင်းမှာ ဒီအမျိုးသမီးကိုကျွန်မ မမှတ်မိပါဘူး။အခန်းတခုထဲကို ခေါ်သွားချိန်မှာကျွန်မ စိတ်လျှော့ထားလိုက်ပါပြီ။ကြုံသမျှ ရင်ဆိုင်ရုံပဲရှိတော့တာပေါ့လေ။ ဒါပေမယ့်အခန်းထဲကို ရောက်တော့ သူကမေးပါတယ်။ သူ့ကို မှတ်မိလားတဲ့။တခါတုန်းက ရန်ကုန်ခရီးမှာညီမလေးကိုယ်တိုင် ကော်ဖီပူကိုမှုတ်ပေးပြီး၊ ဆေးတိုက်ပေးခဲ့တာလေတဲ့။ဘာပဲပြောပြော ဒီအချိန်အထိကျွန်မရဲ့ ရင်ထဲမှာတဒိတ်ဒိတ်ရှိနေဆဲပဲ။ သူကဆက်ပြောပါတယ်။ ဘာမှစိတ်မပူနဲ့။ညီမလေးမူပျက်နေတာကိုအတွေ့အကြုံအရ အစ်မ ရိပ်မိပါတယ်တဲ့။ဒီမှာက မူးယစ်ဆေးဝါး ရှာဖွေနေကြတာ။ညီမလေးက ရာဇ၀တ်မှုကျူးလွန်မယ့်လူမဟုတ်ဘူးဆိုတာ အစ်မယုံပါတယ်တဲ့။နောက်ဆိုရင် အသွားအလာသတိထားပါတဲ့။ ကျွန်မရဲ့အိတ်ကို သူခဏ ယူထားလိုက်ပြီး၊လေယာဉ်ပေါ်တက်ခါနီးမှာပြန်လာပေးသွားတယ်။ စာစောင်တော့မပါလာတော့ဘူး။ ရန်ကုန်လေဆိပ်ရောက်ချိန်အထိကျွန်မရဲ့ စိတ်ထဲမှာအိပ်မက်မက်နေသလိုခံစားနေရဆဲ............။

(၄)

အချိန်က (၂၀၀၄)ခုနှစ်၊နေရာက အင်္ဂလန်နိုင်ငံ၊လန်ဒန်မြို့မှာပါ။

ဒီနိုင်ငံမှာထူးခြားတာတခုက သက်ကြီးရွယ်အိုအများစုက ကျန်းမာတယ်ဆိုရင်သူတို့အိမ်မှာပဲ ကိုယ့်ဘာသာကိုယ်နေကြတာပါ။ သားသမီးတွေကအသက်ဆယ့်ရှစ်နှစ်ကျော်အရွယ်ရောက်ရင် အိမ်က ထွက်ပြီး၊ကိုယ့်ဘာသာကိုယ် အိုးအိမ်ထူထောင်ကြပါတယ်။မိသားစုဘ၀ တည်ဆောက် ကြပါတယ်။နီးရင်တော့ တလတခါ၊ ဝေးရင်တော့တနှစ်တခါ ခရစ်မတ်ကာလမှာမိဘတွေကို ပြန်လာတွေ့ကြပါတယ်။မိဘများကို သားသမီးတွေကလုပ်ကျွေးတယ်ဆိုတာ မရှိပါဘူး။လက်ဆောင်တွေ ၀ယ်ပေးတာ၊အပန်းဖြေခရီးခေါ်သွားတာလောက်ပဲရှိပါတယ်။ သက်ကြီးရွယ်အိုများကိုအဓိက စောင့်ရှောက်တာကတော့နိုင်ငံတော်ပါပဲ။

ပင်စင်စားဖြစ်သွားချိန်မှာအလုပ်လုပ်ချိန်တုန်းက အလုပ်ရဲ့ပင်စင် အစီအစဉ်တွေ ရှိထားရင်အလုပ်ပင်စင်ခံစားခွင့်၊မဟုတ်ရင်လဲ နိုင်ငံတော်ပင်စင်ခံစားခွင့် ရှိပါတယ်။ဒီတော့ သက်ကြီးရွယ်အို များကလဲသူတို့ဘာသာနေပြီး၊ကျန်းမာရေးမကောင်းရင်တော့သူနာပြုများနဲ့ စောင့်ရှောက်သူများရှိတဲ့care homes များမှာသွားနေကြပါတယ်။ ဒီလိုနေချိန်တွေမှာသူတို့ရဲ့ အိမ်ကို ရောင်းပြီး၊စောင့်ရှောက်ခ ပေးကြပါတယ်။သားသမီးတွေက စောင့်ရှောက်ခပေးတယ်ဆိုတာကတော့ခပ်ရှားရှားပါပဲ။ ဘယ်လိုပဲဖြစ်ဖြစ် ပန်းစည်းလေးတွေ၊ကတ်လေးတွေ အချိန်မှီပို့ပေးတာ၊မြေးမြစ်တွေခေါ်ပြီး အလည်လာတာ၊ဓာတ်ပုံလေးတွေ ပို့ပေးတာ၊ခရစ်မတ်နေ့လည်စာ လာစားတာလေးတွေနဲ့မိဘ-သားသမီးကြားကတွယ်နှောင်မှုလေးတွေတော့ရှိနေတတ်ပါတယ်။

ဒီလိုနဲ့ တနေ့မှာကျွန်မသူငယ်ချင်းရှိတဲ့လန်ဒန်မြောက်ပိုင်းကိုအလည်သွားရင်း လမ်းမှာအသက်ရှစ်ဆယ်အရွယ် အဖွားတယောက်ဈေးဝယ်တွန်းလှည်းလေးကိုဖြည်းဖြည်းချင်းတွန်းပြီး၊တရွေ့ရွေ့သွားနေတာ တွေ့ရပါတယ်။အတော်လဲ မောနေပုံပေါက်ပါတယ်။ဆောင်းတွင်းရဲ့ အေးစက်စက်လမ်းတလမ်းပေါ်မှာ အဖွားအိုတယောက်နဲ့လူငယ်တယောက် နှစ်ယောက်ထဲလမ်းလျှောက်နေချိန်မှာဒီလိုအခြေအနေမျိုးကိုမြန်မာစိတ်ရှိတဲ့ လူငယ်တယောက်ကဘယ်လို ဥပေက္ခာ ပြုနိုင်မှာတဲ့လဲ။ဒါနဲ့ပဲ အဖွားကို ကူညီဖေးဖရင်းသူ့အိမ်လေးဆီကို အရောက်ပို့ပေးခဲ့ပါတယ်။

အိမ်ရှေ့ရောက်တော့အဖွားက အိမ်ထဲမ၀င်သေးပဲကျွန်မကို လက်ကလေးကိုင်ထားပြီး၊အကြိမ်ကြိမ် ကျေးဇူးတင်စကားပြောပါတယ်။အဖွားက အိမ်ထဲကိုလဲ အလည်ခေါ်ပါတယ်။လက်ဖရည်သောက်ဖို့ပါ။အဖွားနှစ်ယောက်နဲ့ ကြီးပြင်းလာတဲ့ကျွန်မအတွက်တော့ ရေခြားမြေခြားမှာအဖွားတယောက်ရဲ့ ဒီလိုကြင်နာယုယမှုခံရတာ တကယ့်ထီပေါက်တာပါပဲ။ ဒါနဲ့ပဲအိမ်ထဲ အတူ ၀င်ဖြစ်ခဲ့ပါတယ်။သူ့ရဲ့ ဈေးဝယ်လာတဲ့ ပစ္စည်းတွေကိုကူသိမ်းပေးပြီး၊ လက်ဖက်ရည်သောက်စကားပြောဖြစ်ကြပါတယ်။

ဆယ့်ငါးမိနစ်လောက်ကြာတော့အဖွားရဲ့ သားဖြစ်သူ ရောက်လာပါတယ်။တခါတလေ အလုပ်ဆင်းချိန်မှာအမေကို လာဝင်ကြည့်တတ်တယ်တဲ့။အသက်လေးဆယ်ကျော်၊ ငါးဆယ်ဝန်းကျင်လူတယောက်ပါပဲ။ အင်္ဂလိပ်လူမျိုးတွေကသီးခြားနေတတ်သူတွေပါ။လူတွေကိုလဲ သိပ်ယုံတတ်ကြတာမဟုတ်ပါဘူး။ ဒါပေမယ့်လဲအဖွားက အကျိုးအကြောင်းတွေပြောပြတော့ ကျေးဇူးတင်စကားဆိုပါတယ်။ မြန်မာပြည်ကဆိုတော့မြန်မာပြည်အကြောင်းလေးတွေတောင်ပြောဖြစ်လိုက်ကြပါသေးတယ်။ နောက်ပိုင်းကျတော့လဲအလုပ်တွေကတဘက်၊ ကျောင်းကတဘက်နဲ့မေ့မေ့ပျောက်ပျောက်ပါပဲ။

ဒါပေမယ့်တိုက်ဆိုင်ချင်တော့ ဘဏ်အလုပ်တခုရဲ့အင်တာဗျူးမှာ အဲဒီလူကိုပြန်တွေ့ရပါတော့တယ်။ဘဏ်အလုပ်အတွက် စာမေးပွဲတွေ၊အင်တာဗျူးတွေ အဆင့်ဆင့်ဖြေရပါတယ်။ပထမဆုံး လျှောက်လွှာတင်၊ပြီးရင် သင်္ချာနဲ့ analyticalskills စာမေးပွဲတွေကိုအွန်လိုင်းကနေ ဖြေရပါတယ်။အဲဒါအောင်ရင် တယ်လီဖုန်းနဲ့အင်တာဗျူး၊ ပြီးရင်တခါလူတွေ့အင်တာဗျူး၊ နောက်တော့တခါ မြို့တမြို့ (ဘဏ်အလိုက်မြို့ကကွဲပြားပါတယ်)ကို သွားပြီး၊လူအများနဲ့ စုပေါင်းလုပ်ဆောင်တတ်တဲ့အရည်အချင်းတွေ၊ ဆုံးဖြတ်ချက်ချတဲ့အရည်အချင်းတွေအတွက်စစ်ဆေးခံရပါတယ်။

သူတို့စစ်ဆေးအကဲဖြတ်တာတွေထဲမှာ လူတွေကိုအုပ်စုခွဲပြီး၊ အကြောင်းအရာတခုကိုဆွေးနွေးခိုင်းတာတွေ၊အလုပ်တခုတွဲလုပ်ခိုင်းတာတွေလဲပါဝင်ပါတယ်။ ပြီးရင်တော့အင်တာဗျူးဘုတ် အဖွဲ့နဲ့နောက်ဆုံး တွေ့ဆုံရပါတယ်။တပတ်လောက်အခါကျရင်တော့အရွေးခံ ရမရကို အကြောင်းကြားလေ့ရှိပါတယ်။ရှေ့ပိုင်းအဆင့်ဆင့်ကလဲအရေးကြီးတယ်ဆိုပေမယ့်၊နောက်ဆုံး အဆင့်ဖြစ်တဲ့အင်တာဗျူးဘုတ် အဖွဲ့ကတော့အရေးကြီးဆုံးလို့ ဆိုရပါလိမ့်မယ်။အဲဒီဘုတ်အဖွဲ့ထဲမှာ တခါကဆုံဖူးခဲ့တဲ့ အဖွားရဲ့သားဖြစ်သူ ပါလာတာကတော့ကျွန်မရဲ့ ကံကြမ္မာပဲ ထင်ပါရဲ့။အင်တာဗျူးခန်းထဲကနေ အားလုံးကိုနှုတ်ဆက်ထွက်ခွာချိန်မှာသူလှမ်းကြည့်လိုက်တဲ့ အကြည့်တချက်နဲ့တင် အလုပ်ခန့်စာကိုစောင့်စရာ မလိုတော့ဘူးဆိုတာကျွန်မ ကြိုသိသွားခဲ့ပါပြီ။

နိဂုံး

မွေးဖွားချိန်ကနေသေဆုံးချိန်အထိ ဖြတ်သန်းရတဲ့လူ့ဘ၀ဟာ ခရီးတခုကို သွားနေရတာနဲ့အတူတူပဲလို့ ကျွန်မယူဆမိပါတယ်။ဒီခရီးလမ်းပေါ်မှာ လူအများနဲ့ကြုံတွေ့ရလေ့ရှိပါတယ်။တချို့လူတွေကို ခေတ္တခဏသာဆုံဆည်းရတတ်ပါတယ်။တချို့လူတွေကိုတော့ဘ၀တလျှောက်လုံးမှာကြုံတွေ့ရတတ်ပါတယ်။ခေတ္တဆုံတွေ့ပြီး၊ နောက်ပိုင်းအတန်ကြာမှမမျှော်လင့်ပဲ ပြန်ဆုံရတတ်တာတွေလဲ ရှိပါတယ်။ ဘ၀ခရီးလမ်းကိုဖြတ်သန်းခဲ့စဉ်မှာ မေတ္တာ၊ကရုဏာ၊ မုဒိတာ၊ ဥပက္ခာတရားတွေကိုင်စွဲမိတဲ့ အခြေအနေတွေလဲရှိခဲ့သလို၊ သူတော်စင်တယောက်မဟုတ်တဲ့အတွက်လောဘ၊ ဒေါသ၊ မောဟ၊ မာန်မာနတွေကိုင်စွဲသွားမိတဲ့ အခြေအနေတွေလဲရှိကောင်းရှိခဲ့ပါလိမ့်မယ်။ဘယ်လိုပဲဖြစ်ဖြစ် ရှေ့ဆက်ရမယ့်ဘ၀ခရီးမှာတော့ မေတ္တာတရားကိုအခြေခံ ဆုံတွေ့ကြရပြီး၊တိုက်တိုက်ဆိုင်ဆိုင် ပြန်လည်ဆုံဆည်းရချိန်တွေမှာလဲမေတ္တာတရားကို အခြေခံသောဆုံဆည်းမှုများရှိတဲ့ခရီးတခုကိုပဲ ဆက်လက်ဖြတ်သန်းခွင့်ရပါစေလို့ ဆုတောင်းမိပါရဲ့။

ခင်မမမျိုး(၆၊၅၊ ၂၀၁၃)