မှောင်ခိုလှေဖြင့် မလေးရှားသို့သွားသည့် ဘင်္ဂလီ ၁၇၅ ဦး ၂ ပတ်ကြာပြန်ဆိုက်ရောက် ဖမ်းဆီးခံ

Written by သဇင်ဥ    Sunday, 25 November 2012 18:15

ဘင်္ဂလာဒေ့ခ်ျနိုင်ငံမှ မလေးရှားသို့ မှောင်ခိုလှေဖြင့် ထွက်ခွာသွားခဲ့ပြီးဖြစ်သော ဘင်္ဂလီ ၁၇၅ ဦးပါ လှေတစင်းနှင့်အတူ ဒီဇယ်ဆီ ၈၀၀ လီတာအား BGBက သောကြာနေ့က ကော့စ်ဘဇားခရိုင်အတွင်းမှ ဖမ်းဆီးရမိကြောင်း သတင်း ရရှိသည်။ ယင်းလှေမှာ ကော့စ်ဘဇားခရိုင်အတွင်းရှိ မိုဟေဆ်ခါးလီ (ရခိုင်အခေါ် မဟားဇိုးကျွန်း)မှ နိုဝင်္ဘာလ ၁၁ ရက်နေ့က မလေးသို့ ထွက်ခွာ သွားခဲ့ပြီး ၁၃ ရက်ကြာ ဘင်္ဂလားပင်လယ်ပြင်အတွင်း ခုတ်မောင်းရှိနေခဲ့ရာမှ ပြန်လည်၍ ဆိုက်ကပ်လာခိုက် ဖမ်းဆီးရမိခြင်းဖြစ်သည်ဟု တာခ်နာ့အခြေစိုက် BGB အမှတ် ၄၂ တပ်ရင်းမှူး ဇာဟိဒ်က ပြောဆိုသည်။ သို့သော်လည်း ယမန်နေ့ကထုတ် ဒေသအက်တာနက်စာမျက်နှာများက လှေပေါ်တွင် လိုက်ပါလာကြသူများမှာ ကမ်းကပ်သည်နှင့် ခုန်ဆင်းပြီး ထွက်ပြေး လွတ်မြောက်သွားကြောင်း မျက်မြင်များက ပြောဆိုသည်ဟု ဖေါ်ပြသည်။ အဆိုပါ စက်လှေဖြင့် မလေးသို့သွားမည့် သူများအနေဖြင့် တဦးလျှင် တာကာ ၃၀၀၀၀ (မြန်မာကျပ် ၃၀၀၀၀၀ ကျော်)ပေးဆောင် ခဲ့ရကြောင်း ထွက်ပြေးသွားသူများက ပြောကြောင်း သတင်းများက ဆိုသည်။ ထို့ပြင် မိုဟေဆ်ခါးလီကျွန်းမှ မလေးသို့သွားရန် ပြင်ဆင်နေကြသော စက်ဘုတ်နှစ်စီးနှင့် ဆက်စပ်နေသည့် သူများအား သတင်းအရ ယင်းBGBမှ သွားရောက်ဖမ်းဆီးမည်ဖြစ်ကြောင်း သိရှိရသည်။ ယင်းကဲ့သို့ စက်လှေများ အနေဖြင့် များသောအားဖြင့် မလေးသို့သွားမည့်သူများအား တင်ဆောင်ပြီး ဘင်္ဂလာဒေ့ခ်ျနိုင်ငံ Mobile Network အပြင်သို့ သွားရောက်ပြီး လိမ်လည်ခုတ်မောင်း၍ နီးစပ်ရာကမ်းသို့ တင်ဆောင်၍သော်လည်းကောင်း၊ ဆီကုန် စက်ပျက်၍ ဖြစ်စေလည်းကောင်း၊ ကျောက်ဆောင်ကို တိုက်ခိုက်၍သော်လည်းကောင်း အခက်အခဲများကို ကိုယ်တိုင်ဖန်တီးလေ့ရှိကြောင်း ဒေသအတွင်း လေ့လာသူများက ဆိုသည်။ ယခုအခါ ယင်းဘင်္ဂလီများမှာ မလေးရှားနိုင်ငံသို့သွားမည့် မှောင်ခိုစက်လှေများဖြင့် မိသားစုများပါ ယူဆောင်သွားမှုများ ရှိလာကြကြောင်း သတင်းများက ဆိုသည်။ အဆိုပါ လိမ်လည်ပြီး မလေးသို့သွားရောက်အလုပ်လုပ်ကိုင်ရန် ခေါ်ဆိုနေကြသူများအား ယခုအချိန်ထိ ဘင်္ဂလာဒေ့ခ်ျနိုင်ငံမှ မလေးသို့ သွားရောက်အလုပ်လုပ်ကိုင် နေထိုင်ချင်ကြသူများ အနေဖြင့် ယုံကြည်နေကြသေးကြောင်း တွေ့ရှိရသည်။ ကော့စ်ဘဇားခရိုင် အိုခီးယားမြို့ ရဲဋ္ဌာနက ဒေသအတွင်းမှ မလေးသွားရန် ပြင်ဆင်နေကြသော ဘင်္ဂလီ ၁၁ ဦးအား စနေနေ့က ဖမ်းဆီး ရမိကြောင်း သက်ဆိုင်ရာက ထုတ်ဖေါ်ပြောဆိုကြောင်း ဒေသထုတ်သတင်းများက ဆိုသည်။ လွန်ခဲ့သော နှစ်များက မြန်မာ-အိန္ဒိယ-ထိုင်း-မလေးရှားနှင့် တချို့နိုင်ငံများ အနေဖြင့် ဆောင်းရာသီအတွင်း ယင်းကဲ့သို့ မှောင်ခိုလှေဖြင့် ဘင်္ဂလီများ မိမိကမ်းခြေဒေသအတွင်းသို့ ဆိုက်ရောက်လာမည်ကို စိုးရိမ်မှုများ ကြီးထွားခဲ့ပြီး ကာကွယ်ပြင်ဆင်မှုများ ပြုလုပ်ခဲ့ကြောင်း သိရှိရသည်။

Last Updated ( Sunday, 25 November 2012 19:10 )