မအေးနက်ဟာ အမှောင်ညတွေမှာလင်းလက်တဲ့ လက်ပံတောင်းတောင်က ကြယ်တပွင့်ပါဘဲ။

U Aye Saung
လက်ပံတောင်းတောင်က ကြယ်တပွင့် - မအေးနက်
ဒီလထုတ် Hot News Weekly မှာ မောင်ကိုကို (အမရပူရ) ရဲ့ “ အသဲနာတယ်” ခေါင်းစဉ်နဲ့ လက်ပံတောင်းတောင် ၀က်မှေးရွာသူ မအေးနက် ပြောကြားချက်အသံဖိုင်ကို ဖတ်ရလို့ စိတ်လှုပ်ရှားပြီး ဂရုဏာ စိတ်ပွါးမိလိုက်တယ်။ တကယ်တော့လက်ပံတောင်းတောင်ကဖြစ်ရပ်တွေဟာ မြန်မာပြည်ရဲ့ နိမိတ်ပုံလိုဖြစ်နေ တယ်။
ဆင်းရဲသားကျောမွဲတွေက သူ့တို့ဝမ်းစာကိုအစဉ်အလာအတိုင်း ခက်ခက်ခဲခဲဖြေရှင်းနေရတာကို မအေးနက်တို့ ရှာဖွေစားသောက်ပုံမှာပေါ်လွင်လှတယ်။ သူတို့ဘ၀တွေရှင်သန်ရာ၊ သူတို့ဝမ်းစာရှာဖွေရာ တော တောင်တွေကို အုပ်ချုပ်သူစစ်အာဏာရှင်တွေက ပိုမိုကောင်းမွန်အောင် စည်ပင်အောင်လုပ်ပေးရမည့်အစား နိုင်ငံခြား တရုတ်စီးပွါးရေးသမား တွေနဲ့ ပေါင်းပြီး လုယက်ဖျက်ဆီးနေတာကလည်း ပေါ်လွင်နေပြန်တယ်။ ပြည်သူ့အစိုးရ မဟုတ်တဲ့ အာဏာ ရှင်တွေဟာ ပြည်သူလူထုမျက်နှာကို ငဲ့ကွက်ရကောင်း မှန်းမ သိတာကိုက အာဏာရှင် ဆိုသူတွေရဲ့ အကျင့်ဆိုးတာ အထင်းသားဘဲ။ ပြည်သူတွေအပေါ် စစ်အာဏာရှင်တွေ မတရား ဖိနှိပ် သွေးစုတ်နေတဲ့ လက်ပံတောင်းတောင်လိုကိစ္စတွေ မြန်မာပြည်အနှံ့ ယနေ့ ဒုနဲ့ဒေးဖြစ်နေပါတော့တယ်။ ဒါဟာ ဒီနေ့ မြန်မာပြည်ရဲ့ သရုပ်ပါဘဲ။
ဒီဖြစ်ရပ်တွေထဲက မအေးနက်ရဲ့ ဖြစ်ရပ်က အဖိနှိပ်ခံ နင်းပြား မြန်မာပြည်သူတွေရဲ့ ဘ၀ကိုကိုယ် စားပြုတယ်။ သုံးတန်းသာတတ်တဲ့ မအေးနက်ဟာ သူ့ဘ၀သူချို့ချို့ငဲ့ငဲ့နဲ့ကာကွယ် ရရှာတာပါ။ “အမေးက မွေးတောင် က ကျွေး။” ဆိုတဲ့ သူ့စကားဟာ နားထဲမှာ တွင်ကျန်နေရစ်ရပါတယ်။
လွတ်လပ်တဲ့ တောသူတောင်သားဘ၀ကို သန့်ရှင်းရေးသမအလုပ်နဲ့ မလဲနိုင်တာကိုလည်း “ သန့်ရှင် ရေးမလုပ်ပေါင်၊မန်ကျည်းရွက်တက်ခူးမယ်။ ဒါဆို ထမင်းစားလို့ဖြစ်တယ်။” မအေးနက်ရဲ့ ယုံကြည်မှု အပြည့် ရင်ထဲကအသံပါ။ စီမံကိန်းအတွက် ရွာတွေရွှေ့ခိုင်းတော့ ခိုင်းမရတဲ့ ရွာဥက္ကဌကို နေ့ချင်းညချင်းအဖြုတ်ခံရတာ ကိုလည်း မအေးနက်ကပြောပြပါသေးတယ်။အာဏာရှင်ပီသလိုက်ပုံပါဘဲ။ ရွာဘုန်ကြီး ဆိုတာကလည်း သိန်း ၅၀၊ ဆိုင် ကယ်တစီး၊ ဖုန်းတလုံးရလို့ ရွာကျောင်းရွှေ့ပေးဖို့ သဘောတူလိုက်ပုံကလည်း ဒီနေ့ သံဃာထုအတွင်း ဖြစ်ပျက်နေပုံနဲ့ အတိုင်းသားတူ နေပြန်တော့တယ်။
ဒီနေရာမှာ အုပ်ချုပ်သူတွေက“မြေမသိမ်းပါဘူး ကားလမ်းဖြတ်ရုံလာက်ပါ” ဆိုပြီး လှည့်စားပြောဆိုတာ၊ ရဲတွေ၊ ဌာနဆိုင်ရာတွေနဲ့ အတင်းအကြပ်အကွက်ချဖိနှိပ်တာတွေကိုလည်း သိနိုင်တယ်။ ရဲ တွေကိုယ်တိုင်က တရုတ်ကုမ္ပဏီဘက်ပါတာကိုတော့ မအေးနက်က “ ရဲတွေက ကျမတို့ မြန်မာရွာသူရွာသားတွေဘက်က မရပ်တည်ဘူး။ ၀မ်ပေါင်ဘက်ကရပ်တည်တယ်။”တဲ့ ။ ဆွေးနွေးမယ်လုပ်ပြန်တော့လည်း ၀မ်းပေါင်ဘက်က နှိမ်ပုံကို “ ကျမတို့က မြေကြီးပေါ်မှာထိုင်ရမယ်။ ၀မ်ပေါင်က ကုလားထိုင်တွေပေါ်မှာ ထိုင်ပြီး ဆွေးနွေးမယ်တဲ့၊ ကျွန်မနဲ့ သွဲ့သွဲ့ဝင်းက ဒါကိုလက်မခံဘူး။”
မအေးနက်တို့ မုံရွာဆုတောင်းပြည့်ဘုရား သွားဖူးရာမှာလည်း ရဲတွေက ဘုရားပရ၀ုန်ကို ပိတ်လှောင် ထား တာခံ ကြရပြန်တယ်။ ဒေသခံတွေက ၀ိုင်းဝန်းလာမှ ရဲကထွက်ခွင့်ပေးလိုက်ပြီး ရဲကားပေါ် အတင်းဆွဲ တင်လို မအေးနက်ခမျှာ ထမီတောင်ကျွတ်ရတဲ့ အထိဖြစ်ခဲ့ရတယ်တဲ့။ မြန်မာအမျိုးသမီးတဦး ရှိအပ်တဲ့ အိနြေ္ဒသိက္ခါကိုပါ ရဲဆိုတဲ့ ဖိနှိပ်သူတွေက စော်ကားခဲ့ကြတယ်။ အဖိနှိပ်ခံလူသားမှာ သိက္ခါဆိုတာ မရှိရ ဘူးတဲ့လား။
ဝမ်ပေါင်စီမံကိန်းက တရုတ်တွေ တောင်ပေါ်ကနေ မြေဖြိုချရင်း တောင်အောက်မှာ ကန့်ကွက်ဆန္ဒပြ နေတဲ့ မအေးနက်တို့ကို ကော့ပြတဲ့ အကြောင်းနဲ့၊ တောင်ပေါ်က မြေဇာခဲတွေကို တရုတ်တွေက လူလစ်ရင် လစ်သလို တောင်အောက်လယ်ကွင်းတွေထဲ ပုံချတာတွေလည်းစိတ်မကောင်းစရာဖြစ်ရတယ်။အကွယ်အကာမဲ့၊ အားကိုးရာမဲ့နေတဲ့ ပြည်သူတွေကို အာဏာပိုင်အရာရှိဆိုးတွေက ကြွက်ကို ကြောင် ကစားနေသလို လုပ်နေ တာပါ။ ဒီမြေတူး စက်ကြီး တွေ ရှေ့ အသေခံ တားဆီးရတဲ့ အလုပ်တွေကိုလည်း မအေးနက်တို့ လုပ်ခဲ့ကြ ပါတယ်။ နိုဝင်ဘာလ ၂၉ ရက်နေ့ ရဲတွေက မီးလောင်ဗုံးနဲ့ ပေါက်တဲ့ အချိန်မှလည်း မအေးနက်တို့ သပိတ်စခန်းမှာ ရှိနေကြပါတယ်၊ ကံကောင်းလို့ ပေါ့။မအေးနက်က “ အစိုးရကရက်စက်လိုက်တာ - အသဲနာတယ်။” တဲ့
လက်ပံတောင်းကြေးနီစီမံကိန်းဟာ မူလအစကပင် စစ်အာဏာတည်မြဲရေးအတွက်တရုတ်နဲ့လက်ဝါး ရိုက် လုပ်ထားတဲ့စီမံကိန်းဖြစ်လို့ ရည်ရွယ်ချက်ကလူထုဆန့်ကျင်ရေးဖြစ်နေပါတယ်။ လူထုအသက်မွေးဝမ်း ကျောင်း မှုကို တိုက်ရိုက် ဖျက်ဆီးနေတယ်။ သဘာဝပတ်ဝန်းကျင်ထိန်းသိမ်းရေးမှာလည်း သောက်သုံးရေများ ပျက်စီး၊ ရွာသားများ ကျန်းမာရေးထိခိုက်ခံကြရတယ်။ လက်ရှိ အုပ်ချုပ်နေတဲ့ မြန်မာအစိုးရ ဟာ တရုတ်တို့ရဲ သြဇာ အောက်လွှမ်းမိုး ခံနေရတာကို ပြောဆိုလုပ်ကိုင်ပုံတွေက ပေါ်လွင်နေလို့ အမျိုးသားသိက္ခါ ကျဆင်းရ တယ်။ သံဃာများကို မီးလောင်ဗုံးနဲ့ ပစ်ပေါက်ခဲ့ တဲ့အတွက် တောင်းပံလိုက်ရတာကြောင့် ပြည်တွင်ရောပြည်ပ မှာပါ အစိုးရသိက္ခါ ကျခဲ့ရပြီ၊ ဗုဒ္ဓဘာသာ ထွန်းကားတဲ့ နိုင်ငံမှာ သံဃာတွေကို မီးလောင်တိုက်သွင်းလို့ သမိုင်းမှာဖျက်မရတဲ့ အမည်စက် တင်သွားခဲ့ပြီ။ ဒါကြောင့် ဒီစီမံကိန်းက စက်သံတွေ ကြားနေရသ၍ မြန်မာပြည် သူတွေအတွက် ဒေါသကို ဆွသလိုသာဖြစ်နေတော့မှာမို့ ဒီလက်ပံတောင်းစီမ့ကိန်းကို ရပ်ယုံမှ တပါး အခြားမရှိ။
မအေးနက်တို့လို တောသူတောင်သားတွေရဲ့ လိုလားတောင့်တဲ့ ဆန္ဒတွေကို ပြည့်ဝစေရေးအတွက် မတရားဖိနှိပ်တဲ့ အာဏာရှင်တွေကို လူထုအားနဲ့ ဖြိုချနိုင်ဖို့ မအေးနက်တို့လို ရဲရဲတောက်စိတ်ဓါတ် နဲ့ တိုက်ပွဲ ၀င်ကြရမှာပါဘဲ။ မအေးနက်ဟာ အမှောင်ညတွေမှာလင်းလက်တဲ့ လက်ပံတောင်းတောင်က ကြယ်တပွင့်ပါဘဲ။
အောင်ပွဲကိုတိုက်ယူကြ။
စစ်အာဏာရှင် စံနစ် တိုက်ဖျက်ပစ်။

ဦးအေးဆောင်
ဇန်န၀ါရီ ၁၇ ။ ၂၀၁၃။