ဘင်္ဂလားဒေ့(ရှ်) အခြေစိုက် Winrock အဖွဲ့မှ ဆိတ်မွေးမြူရေး ဖွံ့ဖြိုးရန်ကူညီပံ့ပိုးမည်

Tuesday, 20 November 2012

မြန်မာနိုင်ငံတွင် ဆိတ်မွေးမြူရေးဖွံ့ဖြိုးတိုးတက်မှုဆိုင်ရာပရောဂျက်အဖြစ် ဘင်္ဂလားဒေ့(ရှ်)အခြေစိုက် Winrock အဖွဲ့မှ နည်းပညာ ဆိုင်ရာ

အထောက်အပံ့များဖြင့် ပံ့ပိုးကူညီ ဆောင်ရွက်ပေးသွားမည်ဖြစ်ကြောင်း
မွေးမြူရေး လုပ်ငန်း အဖွဲ့ချုပ်မှ သိရှိရသည်။

“ပြည်တွင်းစားသုံးမှုဖူလုံပြီးတော့ ပိုလျှံတဲ့အသားကိုအိတ်စပို့(စ်)သွားလို့
ရတယ်လေ။ ဆိတ်မွေးတဲ့ အပိုင်းမှာရင်းနှီးမြုပ်နှံမယ်ဆိုရင် ၃နှစ်လောက်
ရင်းလိုက်ရင်မတည်ရင်းနှီးငွေပြန်ရလာနိုင်သလို နိုင်ငံတကာ
ဈေးကွက်ရမဲ့ ကိစ္စလည်းဖြစ်လို့ ဆိတ်မွေးဖို့တွန်းအားပေးချင်တယ်”
ဟု မွေးမြူရေး လုပ်ငန်း အဖွဲ့ချုပ်မှဥက္ကဌဦးဝင်းစိန်က ပြောသည်။

အဆိုပါအဖွဲ့သည် ၂၀၁၂ခုနှစ် ဒီဇင်ဘာလပိုင်းမှစတင်ကာ မြန်မာနိုင်ငံတွင်
ဆိတ်မွေးမြူခြင်းဆိုင် ရာ ဟောပြောပွဲ များပြုလုပ်ခြင်း၊ ရွေးချယ်ထားသည့်
နေရာများသို့ သွားရောက်လေ့လာခြင်း၊ မွေးမြူတောင်သူများ
နှင့်တွေ့ဆုံခြင်း၊ မွေးမြူရေးဆိုင်ရာရက်တိုသင်တန်းပို့ချခြင်းများအား
ဆောင်ရွက်သွား မည်ဖြစ်ကြောင်းသိရှိရသည်။

မြန်မာနိုင်ငံသည် ဆိတ်မွေးမြူရာတွင်အခြားနိုင်ငံများနှင့်နိူင်းယှဉ်ပါက
မြေသယံဇာတပေါများစွာရှိခြင်း၊ ဈေးကွက်တွင်လည်း ဆိတ်သားမှာ
အမဲသားထက်ဈေးပိုရရှိခြင်း၊ တိုးချဲ့မွေးမြူရန် အလားအလာ
ကောင်းများစွာရှိနေခြင်းတို့ကြောင့် ယခုကဲ့သို့ Winrock အဖွဲ့မှ လာရောက်၍နည်းပညာဆိုင်ရာ အကူအညီပံ့ပိုးခြင်းဖြစ်ကြောင်းကိုလည်း သိရှိရသည်။

“အသားဈေးထဲမှာ ဆိတ်ဈေးက မြင့်တယ်။ နယ်ပိုင်းတွေဆိုရင်
မွေးရတာအဆင်ပြေတယ်။ ရန်ကုန်လို ရာသီဥတုကျတော့ အပူအအေး မမျှတတော့ဆိတ်ကအရမ်းအေးရင် သွားရော။ အခုလိုသူတို့ဘက်က လယ်သမားနဲ့ကိုယ့်ဘက်ကလယ်သမားတွေ Farmer to Framer လာဆွေးနွေးပြီး နည်းပညာတွေဖလှယ်တာဟာ အရမ်းကောင်းပါတယ်” ဟု မွေးမြူရေးလုပ်ငန်းအဖွဲ့ချုပ်မှ အကြံပေးဒေါက်တာ သန်းလှက ပြောသည်။

ဘင်္ဂလားဒေ့(ရှ်)အခြေစိုက် Winrock Internatoinal အဖွဲ့မှကျွမ်းကျင်
ပညာရှင် ၂ဦးသည် ဒီဇင်ဘာ (၃)ရက်နေ့တွင် လာရောက်ကာ သားသတ်ရုံ၊ဆိတ်မွေးမြူရေးခြံများ သို့သွားရောက်လေ့လာကာ ဆိတ်ကုန်သည်၊အသားဖြန့်ဖြူးရောင်းချသူများ၊ တစ်ပိုင်တစ်နိုင် ဆိတ်မွေးမြူသူများနှင့်တွေ့ဆုံ၍ အကျိုးဖြစ်ထွန်းကောင်းမွန်သည့်မွေးမြူမှု
စနစ်များအား ဆွေးနွေးသွားမည်ဖြစ်ကြောင်း သိရသည်။

ထို့ပြင် မန္တလေးတိုင်း၊ မကွေးတိုင်းဒေသကြီးများရှိ ဆိတ်မွေးမြူရေးနှင့်
ဆိတ်ရောင်းဝယ်ဖောက်ကားမှု ပြုလုပ်သည့် နေရာ၊ ဌာန၊ ကုန်သည်နှင့်
တောင်သူများအား ကျယ်ကျယ်ပြန့်ပြန့် ဆိတ်မွေးမြူသည့် စနစ်အား
သရုပ်ပြသွားမည်ဖြစ်ကြောင်း ကိုလည်း သိရှ်ိရသည်။

ဆ်ိတ်မွေးမြူခြင်းလုပ်ငန်းများကို မြန်မာပြည်အလယ်ပိုင်း(အပူပိုင်း)ဒေသများတွင် အများအပြားမွေးမြူလုပ်ကိုင်ကြပြီး သားငါးဈေးကွက်တွင်း ဆိတ်သား တစ်ပိသာလျှင် ကျပ် ၁၀၀၀၀(တစ်သောင်း)၀န်းကျင်ဈေးရှိကြောင်း သိရှိရသည်။

ယမင်း(မြစ်မခ)
Myit Makha Mediagroup