..............................
ရန်ကုန်၊ ဇွန် ၅
The Voice Weekly
လက်နက်ကိုင် ပဋိပက္ခကြောင့် စစ်ဘေး ရှောင်သူများ ယာယီ နေထိုင်ရာ ကချင်ပြည်နယ်နှင့် ရှမ်းပြည်နယ် ...(မြောက်ပိုင်း) ရှိ ဒုက္ခသည် စခန်းများအတွက် ခေတ္တ ရပ်နားထားသော ကူညီထောက်ပံ့ရေး စီမံကိန်း ပြန်လည်စတင်ပြီ ဖြစ်ကြောင်း ကုလသမဂ္ဂ လူသားချင်း စာနာထောက်ထား မှုဆိုင်ရာ အကူအညီ ပေးရေးအဖွဲ့ (UNOCHA) က ထုတ်ပြန် လိုက်သည်။
ယင်း စီမံကိန်းကာလကို ၂၀၁၃ ခုနှစ် မတ်လမှ ဒီဇင်ဘာလ အထိ သတ်မှတ်ထား ပြီး အမေရိကန် ဒေါ်လာ သန်း ၅၀ ကျော် ကုန်ကျမည်ဟု ခန့်မှန်း ထားကြောင်း၊ သို့ရာတွင် ငွေကြေး ကူညီမှုပိုင်းတွင် မေလ ကုန်အထိ အမေရိကန် ဒေါ်လာ တစ်သန်း ကျော်သာ ရရှိသေးပြီး အမေရိကန် ဒေါ်လာ ၄၉ ဒသမ ၆၉ သန်း လိုအပ်လျက် ရှိကြောင်း ယင်းထုတ် ပြန်ချက်တွင် ဖော်ပြထားသည်။
အဆိုပါ ရွှေ့ပြောင်းဒုက္ခသည် တစ်သိန်းခန့်နှင့် ကချင်ပြည်နယ် နယ်စပ် ဒေသတစ်လျှောက် ပြောင်းရွှေ့နေထိုင် ကြသော ဒုက္ခသည် နှစ်သောင်းနီးပါး အတွက် ရည်ရွယ်ပြီး အစိုးရထံမှ နယ်စပ်တစ်လျှောက် စီမံချက်များ စတင်ရန် ခွင့်ပြုချက် ရရှိသည် နှင့် အကူအညီ လိုအပ်သော ဒေသအားလုံးကို ပံ့ပိုးပေးရန်စီစဉ်လျက် ရှိကြောင်း ယင်း ထုတ်ပြန်ချက်တွင် ဖော်ပြထားသည်။
လက်ရှိ အနေအထားအရ နိုင်ငံ တကာအဖွဲ့အစည်းများ၏ အကူအညီများ ခေတ္တ ရပ်ဆိုင်းထားသည့် အတွက် နယ်စပ် ဒေသရှိဒုက္ခသည် အချို့ကို စားနပ်ရိက္ခာ ကူညီထောက်ပံ့မှု ရပ်ဆိုင်း ထားကြောင်း ကူညီပေးနေသော အဖွဲ့အစည်းများ၏ ပြောဆိုချက်အရ သိရသည်။
“ပြည်တွင်း ဒုက္ခသည်တွေလည်း ၂နှစ်လောက်ကြာလာတော့ လှူတဲ့သူတွေ နည်းသွားပြီ”ဟု နယ်စပ်ဒေသရှိ ဒုက္ခသည် စခန်းတာဝန်ခံ တစ်ဦးက ဆိုသည်။
တရုတ်-မြန်မာ နယ်စပ် တစ်လျှောက် တွင် ကချင်စစ်ဘေး ဒုက္ခသည် စခန်း ၃၀ ခန့်ရှိပြီး ဒုက္ခသည် ပေါင်းနှစ်သောင်း ကျော်ရှိကြောင်း အကူအညီ ပေးနေသော အဖွဲ့အစည်းများ၏ ကောက်ယူထားသော စာရင်းများအရ သိရသည်။
No comments:
Post a Comment