ဘယ်လမ်းကို ဘယ်လိုရွေးမှာလဲ

၂ဝ၁၅ အထွေထွေ ရွေးကောက်ပွဲ၊ သမ္မတ ဆက်ဖြစ်လိုဟန်ရှိသူ ဦးသိန်းစိန်နှင့် သမ္မတ ဖြစ်လိုပါသည်ဟု လူသိရှင်ကြား ကြေညာထားသည့် ဒေါ်အောင်ဆန်းစုကြည်နှင့် ဦးရွှေမန်း။ ပီ၊ အာလို့ ခေါ်တဲ့ မဲအချိုးကျနှုန်းဖြင့် ပါလီမတ်အမတ် ရွေးချယ်တင်မြှောက်ရေး။ ၂ဝဝ၈ ဖွဲ့စည်းပုံ အခြေခံ ဥပဒေ ကို ပြင်ဆင်ရေး။ ငြိမ်းချမ်းရေး စကားများ ပြောနေသော်လည်း တိုင်းရင်းသား နယ်မြေများတွင် ပေါက်ပေါက် ဖောက်သလို
သေနတ်သံများ။ ၂ဝ၁၅ ရွေးကောက်ပွဲအပြီး လိုအပ်ပါက ညွှန့်ပေါင်းအစိုးရ ဖွဲ့စည်းဖို့ ကြိုတင်ကမ်းလှမ်းလာသူ။ ဘာပဲဖြစ်ဖြစ် အန်အယ်ဒီသည် ကြံ့ဖွံ့နှင့် ညွှန့်ပေါင်းအစိုးရဖွဲ့မည် မဟုတ်ဟု ပြောကြားလာသည့် အန်အယ်ဒီ ဝါရင့်ခေါင်းဆောင် တဦး။ အစရှိသဖြင် ဒါတွေက အခုလတ်တလောမှာ ဟော့ ဖြစ်နေသည်။

မိမိပါတီ အနိုင်ရ၍ သမ္မတဖြစ်မှ မိမိဖော်ဆောင်လိုသည့် ကိစ္စအတော်များများ အောင်မြင်လိမ့်မည်ဟု ဒေါ်စုဖက်မှ တွက်ချက်ဟန်ရှိသည်။ ဒါကြောင့် သမ္မတဖြစ်လိုသည်ဟု ပြောခဲ့တာဖြစ်သည်။ ဦးရွှေမန်းကလည်း သမ္မတ ဖြစ်လိုသည်လို့ ပြောလိုက်တော့ ကြံ့ခိုင်ရေးပါတီသည် အန်အယ်ဒီကို အစွမ်းကုန် ပြိုင်ဆိုင်မည်ဟု ကြေညာလိုက်ခြင်း သဘောပင် ဖြစ်သည်။ ကြံ့ခိုင်ရေးကို လူမုန်းများတာ ဦးရွှေမန်းတို့လည်း မသိမဟုတ် သိသည်။ ဒါကြောင့် ကြံ့ခိုင်ရေးကိုယ်စား ဦးအောင်သောင်းက ပီ၊အာ စနစ်ကို ပြောလာခြင်းပင် ဖြစ်သည်။ ရွေးကောက်ပွဲတွင် ခြေချော် လက်ချော် ဖြစ်ခဲ့သည် ရှိသော် ကြံ့ခိုင်ရေးအတွက် ကာမိစေရန်ဟု တွက်နိုင်သည်။ လက်ရှိအာဏာရအစိုးရ၏ စိုးရိမ်မှုကြောင့် ပီ၊ အာ စနစ်ကို ပြောလာခြင်းဖြစ်သည်ဟု ဆိုလျှင်လည်း မမှား။ 

အမှန်ကတော့ ပါလီမန်ထဲတွင် စစ်သား ၂၅% အလိုအလျှောက် ထိုင်ခုံရထားပြီးသား ဖြစ်တာမို့ သိပ်တော့ စိုးရိမ်စရာ မလိုပါ။ ဒါ့အပြင် ၂ဝ၁၅ ရွေးကောက်ပွဲ မတိုင်ခင်စပ်ကြား ဖွဲ့စည်းပုံထဲက တချို့အချက်တွေ လူကြားကောင်းအောင် ပြင်ဆင်သည် ဆိုဦးတော့ စစ်သားအမတ် ၂၅% ကို လျော့ပေးစရာမလိုပါက ကြံ့ခိုင်ရေးအတွက် ဒီလောက်ကြီး စိတ်ပူစရာမလိုသေးပါ။ ဆိုလိုတာကတော့ ဒေါ်စု သမ္မတ ဖြစ်နိုင်အောင် ဖွဲ့စည်းပုံထဲက ဥပဒေတချို့ကို ပြင်နိုင်ခဲ့သည်ဆိုဦးတော့ စစ်သားအမတ် ရာခိုင်နှုန်းလျော့ မသွားသေးပါက ကြံ့ခိုင်ရေးအတွက် အများကြီး ခံသာသေး၍ ဖြစ်သည်။ 

ဦးရွှေမန်း ဘာကြောင့် အန်အဲဒီနှင့် ညွှန့်ပေါင်းဖွဲ့ဖို့ ပြောသလဲ။ ကြံ့ခိုင်ရေးအနေနှင့် မဲအရေအတွက် အလျှော့အတင်းကို ကြိုတင်တွက်ဆ ထားတာကြောင့်လည်း ဖြစ်နိုင်သည်။ ဦးရွှေမန်းက သမ္မတဖြစ်လိုသည်ဟု ပြောခြင်းသည် ဒေါ်စုကို ဒုတိယ သမ္မတရာထူးထက် ပိုမပေးနိုင်ဟူ၍ ဆိုသည့် သဘောလား။ စောကြောစရာပင်။ 

ရွေးကောက်ပွဲ မတိုင်ခင်စပ်ကြား ဖြစ်လာနိုင်သေးသည့် နောက်ထပ်အချက်တခုကတော့ လူလုပ်ပြဿနာများပင် ဖြစ်သည်။ တိုင်းရင်းသား ဒေသတချို့တွင် တိုက်ပွဲတွေ ဖြစ်လာ၍ နယ်မြေလုံခြုံရေး အကြေင်းပြု၍ ရွေးကောက်ပွဲ လုပ်မပေးတာမျိုးလည်း ရှိလာနိုင်သည်။ ဒါ့အပြင် ဘာသာရေး လူမျိုးရေး ပဋိပက္ခများကို နေရာများစွာတွင် ဖန်တီးကြ ပေလိမ့်မည်။ ရှေးဟောင်း နည်းအတိုင်း အမျိုး၊ ဘာသာ၊ သာသနာဟု ဟစ်ကြွေးပြီး ဗုဒ္ဓဘာသာ သံဃာတော် တချို့အား အသုံးချပေလိမ့်မည်။ လက်ရှိအာဏာရထားသော ဦးသိန်းစိန် အစိုးရက ဒါမျိုးတွေဖြစ်လာပါက အရေးယူနှိမ်နင်းမှာလား ဒါမှမဟုတ် ဖြစ်ချင်ရာဖြစ်ဆိုပြီး လွှတ်ထားပေးမှာလား ဆိုတာကလည်း စောင့်ကြည့်ရပေဦးမည်။ 

ရွေးကောက်ပွဲ မတိုင်ခင်စပ်ကြားနှင့် ရွေးကောက်ပွဲ ကာလများအတွင်း ရွေးကောက်ပွဲ အောင်နိုင်ရေးအတွက် ကြံ့ခိုင်ရေးက ညစ်ပတ်သည်များ၊ ဥပဒေလက်လွတ် မတရားလုပ်သည်များရှိလာပါက သတင်းမီဒီယာများအနေဖြင့် လွတ်လွတ်လပ်လပ် ဖော်ထုတ်ရေးသား တင်ပြခွင့် ရှိပါ့မည်လော ဟူသည်ကလည်း နောက်ထပ် စောင့်ကြည့်ရဦးမည့် အချက်ပင် ဖြစ်သည်။ 

အားလုံးသိထားသည့်အတိုင်း ကြံ့ခိုင်ရေးပါတီ ခေါင်းဆောင်များ အဖွဲ့ဝင်များသည် စစ်တပ်ကလာသူများဖြစ်သည်။ ဒါကြောင့် ကောင်းတာဆိုးတာ အပထား သူတို့တွင် အထက်အမိန့်ကို နာခံတတ်သည့် အလေ့အထ ရှိနေသည်။ အန်အဲဒီတွင် ဤကဲ့သို့ သဘောသဘာဝမရှိ။ ဒါကြောင့် ၂ဝ၁၅ ရွေးကောက်ပွဲမှာ ရရှိလာတဲ့ မဲရာခိုင်နှုန်းကြောင့် ဘယ်ပါတီမှ မိမိပါတီတခုထဲဖြင့် လွတ်လွတ်ကျွတ်ကျွတ် အစိုးရ မဖွဲ့နိုင်ပါက ညွှန့်ပေါင်းအစိုးရဖွဲ့ရတော့မည်။ ဤသို့ ဖြစ်မည်ဆိုပါက အန်အယ်ဒီ ပါတီတွင်း၌ ပထမဆုံး သဘောထားကွဲလွဲတော့မည်။ ဆက်တိုက်ဆိုသလို လူထုထဲမှာလည်း ကြံ့ခိုင်ရေးနှင့် ညွှန့်ပေါင်းဖွဲ့ရေး မဖွဲ့ရေး သဘောထား ဆက်ကွဲကြပေတော့မည်။ ၂ဝ၁ဝ ရွေးကောက်ပွဲနှင့် ကြားဖြတ်ရွေးကောက်ပွဲတုန်းကလည်း ရွေးကောက်ပွဲဝင်သင့် မဝင်သင့် သဘောထား ကွဲခဲ့ကြသေးသည် မဟုတ်လော။ ဤသို့သော အခြေအနေကို ရင်ဆိုင်ရသည်ဆိုပါက အမတ်နေရာအချို့ရရှိထားသော ပါတီငယ်များနှင့် တိုင်းရင်းသားပါတီကြီးများ၏ အခန်းကဏ္ဍက အရေးပါလာမည်ဖြစ်သည်။ 

ထို့ကြောင့် အန်အယ်ဒီတွင် ယခုကထဲက ရွေးကောက်ပွဲရလဒ်ကို ကြည့်၍ မည်သို့မည်ပုံ အစိုးရဖွဲ့မည်ဆိုသည်ကို ပေါ်လစီတခုအနေဖြင့် အဆင့်လိုက် အဆင့်လိုက် သတ်သတ်မှတ်မှတ် ခြထားဖို့လိုသည်။ ပါတီတွင်းတွင် သဘောထားကွဲနိုင်သည့် ကိစ္စရပ်များကို ပါတီထိပ်ပိုင်း ခေါင်းဆောင်ပိုင်းများအတွင်း အခုကထဲက ညှိနှိုင်းထားဖို့လိုသည်ဟု ဆိုလိုရင်း ဖြစ်သည်။ ဥပမာ ဆိုရပါက ဒေါ်စု သမ္မတမဖြစ်ဘဲ ဒုသမ္မတရာထူးသာ ရမည်ဆိုပါက ထိုရာထူးကို ယူမယူဆိုသည့် ကိစ္စမျိုးလည်း အကြုံးဝင်သည်။ နောက်တချက်ကတော့ ဖဲကြိုးဖြတ်သည့် ကိစ္စများတွင် အချိန်ကုန်နေခြင်းထက် လက်တွေ့ကျသော အလုပ်များပိုလုပ်နိုင်ဖို့ လိုအပ်သည်။ 

ပါတီကြီးများအနေဖြင့်လည်း ရွေးကောက်ပွဲနိုင်ယုံ သက်သက်စကားလုံးများဖြင့် နိုင်ငံသားလူထုကို စည်းရုံးမည့်အစား လက်တွေ့ အကျိုးရှိသော အလုပ်များလုပ်ပြသင့်သည်။ ဥပမာ ဆိုရပါက မြန်မာပြည်၏ ဆင်းရဲနွမ်းပါးမှုကို ဘယ်ကာလအတွင်း ဘယ်လောက်ရာခိုင်နှုန်း လျှော့ကျအောင် ဆောင်ရွက်မည်။ အလုပ်လက်မဲ့များ အလုပ်အကိုင်ရရှိရေးအတွက် ဘယ်လိုဘယ်ပုံ ဆောင်ရွက်မည် စသည်များကို ထင်သာမြင်သာရှိရှိ လုပ်ပေးဖို့လိုအပ်သည်။ ကြံ့ခိုင်ရေးအနေဖြင့် လာမည့် ရွေးကောက်ပွဲတွင် မဲများများရလိုပါက ခေတ်အဆက်ဆက် သိမ်းယူထားသည့် လယ်မြေယာမြေများကို မူလပိုင်ရှင် လယ်သမားများလက်ထဲ အမြန်ဆုံးပြန်လည် ပေးအပ်ဖို့ ဆောင်ရွက်သင့်သည်။ အကယ်၍ ရွေးကောက်ပွဲပြီးလို့ အာဏာရသည့်တိုင် မြစ်ဆုံလို စီမံကိန်းမျိုးနှင့် သဘာဝပတ်ဝန်းကျင်ကို ထိခိုက်စေသော စီမံကိန်းများအား ပြန်ပြီးအကောင်အထည် မဖော်ပါဟူသော ကတိစကားမျိုးလည်း လူထုကိုပေးဖို့လိုသည်။ အစိုးရနှင့် ပြည်နယ်များအကြား သဘာဝအရင်းအမြစ်များကို တရားမျှတစွာ ခွဲဝေသုံးစွဲပါမည်ဆိုသော ကတိစကားမျိုးလည်း အတိအလင်း ပေးဖို့လိုသည်။ ထို့အပြင် တိုင်းရင်းသား နယ်မြေများအတွင်း သေနတ်ပေါက်လေလေ ကြံ့ခိုင်ရေးအနေဖြင့် မဲရနည်းလေလေ ဆိုသည်ကိုလည်း မမေ့သင့်။ 

ဦးရွှေမန်းက သူ့အနေဖြင့် သမ္မတတာဝန် ထမ်းဆောင်လိုသည်၊ လိုအပ်ပါက အန်အယ်ဒီနှင့် ညွှန့်ပေါင်းလည်း ဖွဲ့ဖို့ ဆန္ဒရှိပါသည်ဟု ပြောလာခြင်းသည် အားအားလျှားလျှား ပြောသည့် စကားမဟုတ်သည်ကို သတိချပ်သင့်သည်။ သူသမ္မတ ဖြစ်လိုသည်ဟု ဆိုခြင်းသည် ဒေါ်စုကို သမ္မတရာထူး မရစေရဟူသော အသွင်ကို ဆောင်ထားသည်။ တဖက်မှာလည်း ညွှန့်ပေါင်းလို့ ဆိုထား ပြန်တာကြောင့် ဒေါ်စုကို ဒုသမ္မတ ရာထူးအထိသာ ကမ်းလှမ်းမည်ဆိုသော သတင်းမက်ဆေ့ခ်ျကို ကြိုတင်၍ ပြောထားခြင်း ဖြစ်သည်ဟု ယူဆနိုင်သည်။ 

ဒါကြောင့် ထပ်၍ အကြံပြုလိုသည်မှာ ၂ဝ၁၅ တွင် အန်အယ်ဒီသည် ရွေးကောက်ပွဲ ရလဒ်ကြောင့် ကြံ့ခိုင်ရေးနှင့် ညွှန့်ပေါင်းဖွဲ့၍ အစိုးရတရပ် ဖွဲ့ရေးမဖွဲရေးနှင့် ဒေါ်စု သမ္မတမဖြစ်ဘဲ ဒုသမ္မတရာထူးသာ ရပါက ထိုရာထူးကို လက်ခံမခံဆိုသည့် ကိစ္စများအတွက် အခုကထဲက ဝိုင်းဝန်းစဉ်းစား ထားဖို့လိုကြောင်း ပြောလိုပါသည်။ အခုကထဲက ရှင်းထားမှ နောင်မှာ မရှုပ်မှာဖြစ်သည်။ အကြောင်းမှာ လောကကြီးတွင် အမှန်တရားဖက်က အမြဲ ရပ်တည်သည်ဆိုသော်လည်း အခြေအနေ အချိန်အခါက အခွင့်အရေးမပေးပါက ကိုယ်ဖြစ်ချင်တိုင်းဖြစ်တာ မဟုတ်သည့် အတွက်ဖြစ်သည်။ 

ဇော်မင်း
၂၁ ရက်၊ ဇွန်လ၊ ၂ဝ၁၃ ခုနှစ်
ရွက်မွန်ဘလော့ခ်မှ ...