၁၉၇၄ မေ-ဇွန် အလုပ်သမားအရေးအခင်း
ဆင်မလိုက်သင်္ဘောကျင်းတိုက်ပွဲ
ရဲဘော်ဝင်းထိန်
သင်္ဘောကျင်းမှာ ကျနော်က အလုပ်သမားကောင်စီဝင်တဦးဖြစ်ပါတယ်။ အလုပ်သမားထုကရွေးချယ်ပြီး တင်မြှောက်လိုက်တဲ့ ကိုယ်စားလှယ်ပါ။ ကောင်စီကနေပြီး ကျနော့်ကို ထုတ်လုပ်ရေးအတွင်းရေးမှူး၊ စည်းကမ်းထိန်းသိမ်းရေးအတွင်းရေးမှူး၊ စံပြရွေးချယ်ရေး အတွင်းရေးမှူးဆိုပြီး တာဝန်သုံးခု ပေးပါတယ်။
အခု VOA မှာ လုပ်နေတဲ့ ဦးချစ်ဦး (၃၇) နှစ်ဆိုတာက ကျနော်တို့ ကောင်စီဥက္ကဋ္ဌပါ။ သူက စာရင်းကိုင်ချုပ်။ ကျနော်တို့ သင်္ဘောကျင်းမှာ လခ ကျပ် ၁၂ဝဝ နဲ့ ဘားဆုံးနေပါတယ်။
ကောင်စီအစည်းအဝေးကို အပတ်တိုင်းထိုင်ရတယ်။ တက်ရောက်တဲ့သူတွေထဲမှာ ဦးချစ်ဦး၊ ဗိုလ်မှူးရဲညွန့်၊ ကောင်စီအထွေထွေ အတွင်းရေးမှူး၊ နောက် ဌာနဆိုင်ရာ အလုပ်သမားကိုယ်စားလှယ်တွေ။
ဆင်မလိုက်သင်္ဘောကျင်းကို ယူဂိုစလပ်က အကူအညီပေးတာ၊ သိန်း ၆၅ဝ ကုန်ကျတယ်။ ယူဂိုစလပ်အင်ဂျင်နီယာတွေနဲ့ အတူ တူအလုပ်လုပ်ရတယ်။ လျှပ်စစ်နဲ့ပတ်သက်တဲ့ အနောက်ဂျာမနီ လျှပ်စစ်ဆီးမင်းကုမ္ပဏီ ရှိတယ်။ တပ်ဆင်ထားတဲ့စက်တွေက အရှေ့ ဂျာမဏီကစက်တွေ။ စက်ရုံထဲမှာ သင်္ဘောလွန်းလမ်းတွေ၊ သင်္ဘောကို တနေရာက တနေရာကူးပြောင်းပေးတဲ့ Transmitter ရေကန်ကြီးတွေ၊ သင်္ဘောတည်ဆောက်ရေးစက်ရုံ အလုပ်ရုံတွေပေါင်းစုံ၊ ဌာနပေါင်းစုံရှိပါတယ်။
အလုပ်သမားတွေဆိုတာကလည်း များ သောအားဖြင့် ကိုးတန်း ဆယ်တန်းသမားတွေ အလုပ်သမားပေါင်း ၁ဝဝဝ ခန့်ရှိတယ်။
ကျနော်တို့အနေနဲ့ တန်ချိန်သုံးထောင်ရှိတဲ့ မေယုသင်္ဘောကအစ ရန်မျိုးအောင်စစ်သင်္ဘောအထိ ကုန်းပေါ်တင်ကြရတယ်။ ကြယ်ငါးပွင့် က ပြည်တော်ညွန့်သင်္ဘောလည်း တင်ရတာပဲ။ လုပ်ရတဲ့အလုပ်က အတတ်ပညာမြင့်တယ်။ တချို့အလုပ်တွေက သိပ်ပင်ပန်း တယ်။ ဘာကြောင့်လဲဆိုတော့ စက်နဲ့လုပ်ရမယ့်ဟာတွေကို လူအားနဲ့လုပ်နေရလို့ဖြစ်တယ်။ ဥပမာ...ဆိုပါတော၊့ တန်ဝက်လောက် လေးတဲ့ဟာဆိုရင် ချိန်းဘလောက်နဲ့ မ,ရမှာဖြစ်ပေမယ့် လူ ၄-၅ ယောက်နဲ့မ,နေရတော့ လူတွေဟာ အကြောအခြင်တွေ ပြတ်ထွက် ကုန်ပြီလား ခံစားရတယ်။ နောက် သင်္ဘောပန်ကာကြီးတွေ ဖြုတ်တဲ့အခါ ၁၂ ပေါင်တူကြီးနဲ့ တအားလွှဲ,လွှဲရိုက်ပြီး ဖြုတ်ကြရတာ၊ မေယုပန်ကာဆိုရင် ၂ တန် ၃ တန်လောက်လေးတယ်။ အဲဒါကြီးကို ချိန်းဘလောက်နဲ့ဖြုတ်၊ တူနဲ့ရိုက်ရတဲ့ အလုပ်သမားတွေဟာ တပေါင်း တန်ခူး နေပူကြီးထဲမှာ စဉ်းစားသာကြည့်ပါ။ သင်္ဘောဝမ်းထဲ လေးဖက်ထောက်ဝင်ပြီး ရပစ် (Rivet) ရိုက်ရတဲ့အခါမျိုးဆိုရင် သေချင်စော်နံတယ်။ ဒါပေမဲ့ ရတဲ့လခကျတော့ သိပ်နည်းတယ်။
ကျနော်တို့ကောင်စီက လူတွေဟာ ရန်ကုန်တိုင်းမှာရှိတဲ့ စက်ရုံအလုပ်ရုံတွကို မကြာမကြာ လေ့လာခွင့်ရပါတယ်။ ဘီပီအိုင်၊ ဂုန်နီစက်ရုံ၊ သမိုင်းချည်မျှင်နဲ့ အထည်စက်ရုံ စသည်ဖြင့်ရောက်ဖူးတယ်။ ဒီအပေါ်က ကျနော်တို့အလုပ် သမားတွေ နှိုင်းယှဉ်ပြီး ဆွေးနွေးခဲ့ကြတယ်။ အလုပ်သမားတွေရဲ့ နေထိုင်စားသောက်မှုဘဝ၊ အလုပ်ခွင်ကအခြေအနေ၊ လစာ၊ ထောက်ပံ့မှု၊ စောင့်ရှောက်မှု ... စသည် ထောင့်ပေါင်းစုံကကြည့်ပါတယ်။
ဥပမာ...ဘီပီအိုင် (ဆေးဝါးစက်ရုံ) မှာဆိုရင် ကလေးထိန်းဌာနရှိတယ်။ စည်းကမ်းသတ်မှတ်မှုမြင့်တယ်။ အခန်းထဲဝင်ရင် ဘိနပ် ချွတ်ဝင်၊ ပိုးသတ်ထားတဲ့ဝတ်စုံတွေ လဲပြီးမှဝင်ရတာမျိုး။
လေ့လာရေးက ပြန်လာရင် ကောင်စီအစည်းအဝေး ထိုင်ရတယ်။ ထုတ်လုပ်ရေး ဘယ်လိုတိုးအောင်လုပ်ရ မလဲ ဆွေးနွေးကြ တယ်။ ဒီနေရာမှာ မဆလခေတ်အရာရှိကြီးတွေနဲ့ သူတို့လည်ပတ်နေတဲ့ ယန္တရားကြီးအကြောင်းကို မိမိနဲ့ဆက်စပ်နေတဲ့ အပိုင်းကနေပြီး ပြောချင်တယ်။
တယောက်က ဗိုလ်မှူးကြီးတင်စိုး၊ သယ်ယူပို့ဆောင်ရေးမှာ ဦးသာကျော်ပြီးရင် သူပဲ။ သူက ‘ဒီမှာ ကိုဝင်းထိန်၊ ခင်ဗျားသိတဲ့ အတိုင်း ကျနော်ဟာ အစိုးရအကြီးတန်းအရာရှိဖြစ်တယ်။ ဒါပေမဲ့ ကျနော် ဘာမှလုပ်လို့မရဘူး’ တဲ့။
အဲဒီ ကောင်စီအစည်းအဝေးမှာပဲ ကျနော်က ‘ထုတ်လုပ်ရေးမှာ M ၆ လုံးလို့ ပြောကြတယ်။ man လူ၊ machine စက်ကရိ ယာ၊ market ဈေးကွက်၊ money ဆိုတဲ့ ပိုက်ဆံ၊ method နည်းပညာနဲ့ management ခေါ်တဲ့ စီမံခန့်ခွဲမှု။ ကျနော်တို့စက်ရုံမှာ ခေတ်မှီဖို့ဆိုရင် ကျနော်တို့အလုပ်သမားအားလုံးကို အတတ်ပညာမြှင့်ရမယ်။ စက်ရုံကို ခေတ်မီဖို့ M ၆လုံး တပ်ဆင်ရမယ်။ ကျနော် တို့ သိပ်ပင်ပန်းနေတယ်။ လစာကနည်းတယ်၊ အာဟာရကမလိုက်နိုင်၊ ခွန်အားလည်းမရှိ၊ ခေတ်ကလည်းမမီတော့ ကရိန်းနဲ့လုပ်ရမယ့် ဟာကို လူတွေနဲ့ မ,နေရတယ်။ ဒါကြောင့် M ၆လုံး ကိစ္စ အမြန်စဉ်းစားပေးကြပါ’ လို့ပြောလိုက်တယ်။
ဒုဗိုလ်မှူးကြီးညွန့်အောင် ဆိုတာရှိတယ်။ အဲဒီတုန်းက သူက ရန်လုံးအောင်စစ်ရေယာဉ်ရဲ့ C.O. ဖြစ်တယ်။ ဗိုလ်နေဝင်း စာတိုက် ကြီးစာရေးလုပ်နေစဉ်က သူ့ကိုထိန်းပေးရတာဆိုတော့ ဘယ်သူ့မှဂရုမစိုက်ဘူး။ သူ့အထက်က ဗိုလ်ချုပ်သောင်းတင်လာရင်လည်း salute မပေးဘူး။ မမြင်ချင်ယောင်ဆောင်နေတာ။ ကျနော်တို့ရဲ့ အထွေထွေမန်နေဂျာက ဦးမျိုးခင်ဆိုတဲ့ ရခိုင်ကုလားကြီး၊ သူက စက်ရုံကို သိပ်ဖွံ့ဖြိုးစေချင်တယ်။ သိပ်တိုးတက်စေချင်တယ်။ အလုပ်သမားတွေရဲ့ဘဝကို ကောင်းစေချင်တယ်။ ဒါကိုသိတဲ့အခါ သူ့ အထက် အရာရှိဦးသာကျော်က ‘ဟေ့မျိုးခင်’ ဆိုပြီး ‘ငါ’ နဲ့ကိုင်တုတ်တယ်။ ဦးသာကျော်ဟာ ရခိုင်တွေထဲမှာ ဘုရင်လို ဆက်ဆံရ တာ၊ တော် တော်များများက သူ့ကို ဘုရားမထူးရရုံတမယ်ပဲ။
ရေတပ်ရဲ့အထာကတမျိုး။ ဗိုလ်တွေကိုထမင်းပို့ရတဲ့ AP တပ်သားတွေရှိသေးတယ်။ ထမင်းပို့တဲ့အခါ သူတို့မကြည်လို့ရှိရင် ထမင်းထဲ တံတွေးထွေးထည့်ပေးလိုက်တာ၊ မိသွားတဲ့အခါ ထိုးကြကြိတ်ကြ ဖြစ်ကြတယ်။ သူတို့နဲ့ ကျနော်တို့အလုပ်သ မားတွေ ယေဘုယျအားဖြင့် ခင်ကြတယ်။ အရာရှိရော တပ်သားတွေပါ ခင်ကြတယ်။ ဘဝအရကို မခင်လို့မဖြစ်ဘူး။ လူ ၂ဝဝ-၃ဝဝ လောက်စီး တဲ့၊ တန်ချိန် ၃ဝဝဝ လောက်ရှိတဲ့စစ်သင်္ဘောကြီး ပင်လယ်ထဲသွားတဲ့အခါ အလုပ်သမားတွေ လုပ်ပေးလိုက်တာ မသေသပ်ရင် လိုရာမရောက် သေရွာရောက်သွားနိုင်တယ်။ သင်္ဘောပေါက်ဆင်းရင် ကျနော်လက်မှတ်ထိုးမှ ထွက်ခွင့်ရတာဆိုတော့ ကျနော့်ကိုအရေးပေး ပါတယ်။
မေဒေးတို့၊ ပြည်ထောင်စုနေ့တို့ဆိုရင် ကျနော်တို့သင်္ဘောကျင်းအလုပ်သမားတွေပဲ ထမနဲထိုးပေးရတယ်။ လူထောင်သောင်း အတွက်ထိုးပေးရတာပါ။ ကျနော် အလုပ်သမားတွေနဲ့ အတူထိုး အတူစားနေခဲ့တယ်၊ သင်္ဘောကျင်းမှာ စာကြည့်တိုက်ဖွင့်တယ်၊ အတူ ဖတ်ကြ လေ့လာကြတယ်။ ဒီအလုပ်သမားတွေထဲမှာ ရုရှား၊ ပိုလန်၊ အရှေ့ဂျာမဏီ ... စတဲ့ ဆိုရှယ်လစ်နိုင်ငံတွေကိုသွားပြီး ပညာသင်ခဲ့ရသူတွေရှိတယ်။ ဒါကြောင့် ဆိုရှယ်လစ်စနစ်အပေါ် တိမ်းညွတ်မှုတွေရှိကြတယ်။
အထက်မှာ ပြောခဲ့တာတွေဟာ အရေးအခင်းမပေါ်မီ နောက်ခံအနေအထားတွေ ဖြစ်ပါတယ်။ အခု ကျနော်တို့ဌာနနဲ့ဆိုင်တဲ့ အရေးအခင်းအကြောင်း တင်ပြပါမယ်။
ဇွန်လ ၅ ရက်နေ့က စပါမယ်။ ကျနော်တို့ ဆင်မလိုက်သင်္ဘောကျင်းနဲ့ လှည်းတန်းမီးရထားလမ်းနဲ့က ကပ်နေတယ်။ ရန်ကုန် ဘက်က မီးရထားအလုပ်သမားတွေ အင်းစိန်ဘက် ချီတက်သွားကြပြီ ဆိုတဲ့သတင်းကြားနေကြရပြီ။
ဇွန် ၆ ရက်နေ့မှာ ထုံးစံအတိုင်း ဌာနကို အစောကြီးသွားတယ်။ သန့်ရှင်းရေးလုပ်၊ ရေနွေးတည်၊ စာကြည့်တိုက်ဖွင့်၊ စက်ရုံဖွင့် ပေးပြီး ကဲန်တင်းထဲသွားထိုင်စောင့်နေတုန်း အလုပ်သမားတွေ ဝင်လာတယ်။ ‘ကိုဝင်းထိန်၊ ဟိုမှာ မီးရထားမှာတော့ ဆန္ဒပြမှုတွေ ဖြစ်နေပြီ။ ဘာလုပ်ကြမလဲ’ လို့ အလုပ်သမားရဲဘော်ကိုဘာစိန်ကမေးတယ်။ ‘သူတို့တောင်မှောက်ရင် ကျနော်တို့လည်းမှောက်ပေါ့ ဗျာ။ ဒါကိစ္စကောင်းပဲ’ ဆိုပြီး လက်မြှောက်ပြလိုက်တယ်။ အလုပ်သမားတွေကလည်း အားလုံးလက်မြှောက်ပြလိုက်ကြကာ ‘ဒီလိုဆို ရင် ကျနော်တို့သပိတ်မှောက်ကြမယ်’ လို့ညှိလိုက်ကြတယ်။ ကပျာကရာစားသောက်ပြီး ထွက်လာကြတယ်။ ဆိုင်ရှေ့မှာ ကျနော်က ‘သပိတ် သပိတ်’ တိုင်တာနဲ့ ‘မှောက် မှောက်’ ဆိုတဲ့အသံတွေ ဟိန်းထွက်ခဲ့တယ်။
အလုပ်သမားတွေကို ကျနော်က ‘ရဲဘော်တို့၊ ခုအချိန်ကစပြီးတော့ သပိတ်မှောက်မယ်။ ဒို့အလုပ်သမားတွေရဲ့ အခွင့်အရေးတွေ ရဖို့အတွက် ဒို့သပိတ်မှောက်ကြမယ်။ ဆန္ဒပြကြမယ်။ ဒီအခွင့်အရေးတွေရရှိဖို့ စည်းစည်းလုံးလုံးနဲ့ တိုက်ပွဲဝင်ကြမယ်’ လို့ လှုံ့ဆော် လိုက်တယ်။ အလုပ်သမားတွေ တဖြောဖြောရောက်ရှိလာချိန်မှာတော့ ကျနော်က စားပွဲတလုံးပေါ်တက်ရပ်လိုက်ပြီး ‘သပိတ် သပိတ်’ လို့တိုင်လိုက်တာနဲ့ ‘မှောက် မှောက်’ ဆိုတဲ့အသံကြီးက တုန်ဟီးထွက်ပေါ်လာတယ်။ နောက်တော့ တခြားစက်ရုံတွေဘက် ချီတက်ကြတယ်။ ဝယ်ဒါရှော့ (Weldershop) ဘက်ရောက်တော့ ‘ရဲဘော်အလုပ်သမားအပေါင်းတို့၊ ဒို့ရဲ့အခွင့်အရေးတွေကိုရဖို့ တိုက်ပွဲဝင်ကြမယ်။ ဒီအတွက် ဒို့ အလုပ်မလုပ်ကြတော့ဘူး။ စက်ရုံတွေပိတ်မယ်’ လို့ ကြေညာလိုက်တယ်။ ရဲဘော်ဘန်ရွှေက ‘အလုပ်သမားသပိတ် မှောက် မှောက်’ လို့တိုင်ပေးတယ်။ နောက် ကျနော်က ဖိတင်ရှော့ကသော့နဲ့ ဝယ်ဒါရှော့ကသော့နှစ်ချောင်း သိမ်းထား လိုက်တယ်။
ရဲဘော်ဘန်ရွှေဦးဆောင်ပြီး အလုပ်သမားတွေက ဒေါက်ကာ (Docker) ဘက်ကိုထွက်သွားကြတယ်။ ရဲဘော်ဘန်ရွှေဟာ ကရိန်း ပေါ်တက်လိုက်ပြီး ‘အလုပ်သမားရဲဘော်အပေါင်းတို့၊ ခုအချိန်မှာ ကျနော်တို့အလုပ်သမားတွေရဲ့ အခွင့်အရေးကို တောင်းဆိုမယ်။ ရ အောင်တောင်းဆိုမယ်။ နွားမွေးရင် မြက်ကျွေးရမယ်။ လူမွေးရင် ဆန်ပေးရမယ်’ လို့ ဟောပြောတယ်။ အလုပ်သမားထုကြီးက ‘ဒို့အရေး ဒို့ အရေး’ လို့ ကြွေးကြော်ကြတယ်။
အဲဒီလိုနဲ့ ကျနော်တို့တတွေ အယ်လက်ထရီကယ်ရှော့၊ မရှင်းရှော့၊ ရှစ်ဘီလ်ဒင် (shipbuilding)၊ နောက် ဝယ်ဒင်ရှော့၊ ကာပင်တာ (carpenter)၊ ဘော်ဒီ (Body) ရှော့၊ အင်ဂျင်ရီပဲရားရှော့ (engine repair shop)၊ ဝန်ကြီးရုံး (TLC)၊ ဦးသာကျော်ရုံး (သင်္ဘောကျင်းထဲမှာပဲသုံးတယ်) တွေဘက် လှည့်လည်ကြတယ်။
အဲဒီနေ့က ဦးသာကျော်မလာဘူး။ သူက အလယ်ထပ်မှာနေတယ်။ ဝန်ကြီးရုံးမှာ အမျိုးသား အမျိုးသမီးဝန်ထမ်းတွေ ရှိတယ်။ သူတို့ကို ကျနော်ကပြောတယ်။ ‘သင်္ဘောကျင်းတခုလုံးကို အလုပ်သမားတွေသိမ်းလိုက်ပြီ။ အဲဒီတော့ ခင်ဗျားတို့ အလုပ်သမားတွေ နဲ့လက်တွဲပြီး သပိတ်မှောက်ပါ။ အတူတကွ ကျနော်တို့အခွင့်အရေးတွေကို တောင်းဆိုကြမယ်။ မရမချင်းတောင်းမှာဖြစ်တယ်။ ခင်ဗျား တို့ အလုပ်မဆင်းကြပါနဲ့’ လို့။
သူတို့တုံ့ပြန်မှုက ကောင်းပါတယ်။ အလုပ်မဆင်းကြပါဘူး။ အဲဒီကနေ ဆေးခန်းထဲသွားတယ်။ ဒေါက်တာစီစီနဲ့ နာ့စ်မလေး တင်တင်မူ ရှိတယ်။ သူတို့နှစ်ယောက်လုံး အလုပ်သမားတွေနဲ့ခင်တယ်။ စေတနာလည်းကောင်းကြတယ်။ ဆေးပေးလည်း ရက်ရော တယ်။ တက်ထရာဆိုက်ကလင်းဆို လက်တခုပ်ကြီးပေးတာ။ သူတို့က အိမ်ပြန်ဖို့ပြင်နေကြပြီ။ ကျနော်က အလုပ်သမားတွေကို ပစ် မသွားဖို့၊ အတူလက်တွဲတိုက်ဖို့ တောင်းပန်ပါတယ်။ သူတို့လည်း အလုပ်သမားတွေကို စာနာပြီး မျက်ရည်ဝိုင်းလာကြတယ်။ နောက် တော့ အတူလက်တွဲတိုက်ဖို့ သန္နိဋ္ဌာန်ချကြတယ်။
အလုပ်သမားရဲဘော်တွေက ကျနော့်ဆီ ရောက်လာကြတယ်။ ‘ရဲဘော်ဝင်းထိန်၊ တချို့အရာရှိတွေ သပိတ်ကိုဖြိုခွဲဖို့ ကြိုးစားနေ တယ်။ အဲဒီတော့ ကျနော်တို့ ဘာလုပ်မလဲ၊ ရိုက်ကြမှာလား'လို့ ပြောတာနဲ့ ‘ဟာ၊ မလုပ်ကြပါနဲ့၊ ထိန်းသိမ်းထားပါ။ ဒီမှာရုံးဖွင့်ထား တာပဲ၊ ဒီကိုခေါ်ခဲ့ပါ’ ဆိုတော့၊ မကြာခင် ကောင်စီဥက္ကဋ္ဌဦးချစ်ဦး၊ ဒုဥက္ကဋ္ဌဦးအုန်းမောင်၊ နောက် အတွင်းရေးမှူးကိုလှမြင့် ပါလာတယ်။ သူတို့မျက်နှာတွေလည်း မကောင်းကြဘူး။ ကျနော်က ‘ဦးမျိုးထွဋ်တို့၊ ဦးချစ်ဦးတို့ခင်ဗျား။ စိတ်မရှိပါနဲ့၊ လုံခြုံရေးအတွက် ခေါ်ရတာပါ။ ကျနော်တို့ကို ယုံစေချင်တယ်။ ခင်ဗျားတို့ကိုမသတ်ပါဘူး။ ခုလိုအပြင်မှာလုပ်နေတာကို အလုပ်သမားတွေက ခင်ဗျားတို့အပေါ် သံသယဖြစ်နေတယ်။ ဒါကြောင့် လုံခြုံရေးအခန်းမှာနေကြပါ’ လို့ပြောပြီး ထိန်းထားလိုက်ရပါတယ်။ လုံခြုံရေးသော့တွေအပါ သော့ အားလုံးကို ကျနော်ကိုင်ထားပါတယ်။
သပိတ်တိုက်ပွဲကို ၈ နာရီ ၉ နာရီမှာ စလိုက်ကြပြီမို့ အလုပ်သမားသပိတ်ကော်မတီလည်းဖွဲ့ကြရတယ်။ ဥက္ကဋ္ဌကျနော်၊ ဒုဥက္ကဋ္ဌ ကိုဘန်ရွှေ၊ အကြံပေးကိုတင်မြင့် စသည် တာဝန်ပေးကြတယ်။ ဥက္ကဋ္ဌအနေနဲ့ အုတ်တိုင်တတိုင်ပေါ်တက် မိုက်ကရိုဖုန်းကိုင်ပြီး မိန့်ခွန်း ပြောရတယ်။
‘ရဲဘော်အလုပ်သမားအပေါင်းတို့။
ခုအချိန်ကစပြီး ဒို့တွေ ဆင်မလိုက်သင်္ဘောကျင်းကိုသိမ်းလိုက်ပြီး၊ စက်ရုံတွေအားလုံးကို ဒို့သိမ်းပိုက်လိုက်ပြီ။ စက်ရုံတွေနဲ့အတူ စစ်သင်္ဘောကိုလည်း သိမ်းထားလိုက်ပြီ။ ဒါကြောင့် စက်ရုံတွေအားလုံး သင်္ဘေင်္ာတွေအားလုံးဟာ ဒို့အလုပ်သမားတွေရဲ့ အာဏာ အောက်မှာရှိတယ်။ ဒါကြောင့် ဒို့သိမ်းပိုက်ထားတဲ့ စက်ရုံတွေအတွက် ဒို့အလုပ်သမားတွေ ပြည်သူတွေရဲ့အကျိုးအတွက် ဒို့သပိတ် မှောက်ဆန္ဒပြမယ်။ တောင်းဆိုချက်တွေမရမချင်း ဆက်လက်တိုက်ပွဲဝင်သွားမယ်။ ဒို့ဟာ အညံ့မခံဘူး၊ အလျှော့မပေးဘူး။ ရဲဘော် အလုပ်သမားအပေါင်းတို့၊ စုစုစည်းစည်းနဲ့ တိုက်ပွဲဝင်ကြပါ’ လို့လည်းတောင်းဆိုလိုက်ရော အလုပ်သမားတွေက ‘ဒို့အရေး ဒို့အရေး’ လို့ ကြွေးကြော်လိုက်ကြတယ်။
ကျနော်ကဆက်ပြီး ကောင်စီမှာ ကျနော်တင်ပြဆွေးနွေးထားတဲ့ M ၆ လုံးကိစ္စ ရှင်းပြပါတယ်။ နောက်မှ
‘ဒီ M ၆ လုံး ပြည့်ပြည့်စုံစုံမရှိပဲနဲ့ ဒီလောက်ခေတ်မီတဲ့သင်္ဘောကျင်းကြီး မလည်ပတ်နိုင်ဘူး။ ကရိန်းနဲ့မ,ရမယ့်ဟာကို လူတွေနဲ့ မ,နေကြရတယ်။ ရဗစ်ရိုက်နေတဲ့ အလုပ်သမားတွေကို ကြည့်လိုက်ဦး။ စစ်ဖိနပ်က ကျွဲတဖက် နွားတဖက်၊ ကိုယ်ပေါ်မှာ စက်ဆီတွေ ပေ၊ တပေါင်း တန်ခူး၊ ဧပြီလကြီးထဲမှာ ခွေးတွေလို လေးဘက်ထောက် ရဗစ်ရိုက်နေကြရတယ်။ သံဂဟေဆော်တဲ့ အလုပ်သမားတွေ ခဏခဏ ဓာတ်လိုက်ခံရတာတို့ ဘာတို့ဖြစ်ကုန်တယ်။
ဆိုချင်တာက လုပ်ငန်းခွင်ဟာ အန္တရာယ်မကင်းဘူး။ အန္တရာယ်ကင်းအောင် ရဲဘော်တို့ တောင်းဆိုကြရလိမ့်မယ်။ နောက်တခု ရဲဘော်တို့ အလုပ်ဆင်းတဲ့အခါ ၇ နာရီခွဲ ရောက်လာနိုင်ဖို့ ၆ နာရီကတည်းက အိမ်ကထွက်ရတယ်။ မိုးချုပ်မှအိမ်ပြန်ရောက်တယ်။ အချိန်တွေ အများကြီးကုန်သွားပြီ။ တနေကုန် အလုပ်ထဲမှာပဲ နစ်နေကြရတယ်။ ရတဲ့လစာကသိပ်နည်းတယ်။ ဒါကြောင့် ဒီမှာ အခန်း ရဖို့ လိုလာပြီ။ အိမ်ခန်းရဖို့ တောင်း ဆိုရမယ်။
အိုဗာတိုင်ကိစ္စလည်း ပြောရမယ်။ အိုဗာတိုင်ကို တလ ၂၇ နာရီပဲ လုပ်ခွင့်ရှိတယ်။ ဒို့ လက်တွေ့လုပ်ပေးကြရတာက နာရီ ၁ဝဝ ကျော်တယ်။ နာရီကျော်တွေဟာ ဒေးအော့ဖ် (dayoff) နဲ့ပဲပြန်ရတယ်။ ဆိုချင်တာက အိုဗာတိုင်လုပ်ခ အပြည့်မရဘူး။ ရတဲ့လစာက သိပ်နည်း။ တချို့ကျ ဘားဆုံးနေပြီ။ ပရိုမိုးရှင်း တင်ပေးသင့်ပြီ။ ချုပ်လိုက်ရင် လုပ်ခတွေသိပ်နည်းတယ်။ အိုဗာတိုင် တအား လုပ်နေရ တယ်။ လုပ်ငန်းခွင်ကလည်း အန္တရာယ်ကြီးမားတယ်။ ဒါကြောင့် ဒါတွေအတွက် ဒို့တိုက်ကြမယ်။ ဆန်လုံလောက်စွာရဖို့ တောင်းဆိုရ မယ်။ လစာတိုးပေးဖို့၊ ရာထူးတိုးပေးဖို့၊ နေအိမ်ရရှိဖို့၊ ကုန်ဈေးနှုန်းကျဆင်းဖို့တွေလည်း တောင်းဆိုကြရမယ်။’
နောက်တော့ ကျနော်က ကြွေးကြော်သံ တိုင်ပေးလိုက်ပါတယ်။
ဆန်လုံလောက်စွာရရှိရေး (ဒို့အရေး၊ ဒို့အရေး)
ကုန်ဈေးနှုန်းကျဆင်းရေး ( ။ )
နေအိမ်ရရှိရေး ( ။ )
လုပ်ငန်းခွင်အန္တရာယ်ကင်းရေး ( ။ )
လစာတိုးမြှင့်ရေး ( ။ )
နောက်တဆက်တည်း သင်္ဘောကျင်းမှာရှိတဲ့ ရေတပ်ကိုလည်း ထပ်ပြီးတော့ ပန်ကြားရတယ်။ ဒီအချိန်က ဒေါက်တင်ထားတဲ့ ရေတပ်သင်္ဘော ၅ စင်းရှိတယ်။
‘ရန်လုံးအောင်၊ ရန်မျိုးအောင်၊ သုတေသီ၊ နဂါးကြေး၊ နဝရတ် သင်္ဘောပေါ်က တပ်မှူးတပ်သားအပေါင်းတို့၊ ရဲဘော်တို့ကို ကျနော် တို့ အိမ်ပြန်ခွင့်မပေးတော့ဘူး' လို့လည်းကြေညာလိုက်တယ်။ (ကျနော်က ကြားဖြတ်ပြီး ရဲဘော်တွေကိုမေးလိုက်တယ်။)
မေး။ ။ ဒေါက်တင်နေတဲ့အချိန် သင်္ဘောပေါ်မှာ စတင်းဘိုင် (standby) လား။
ဖြေ။ ။ သူတို့ဘာသာ လုပ်နေကြတာပဲ၊ ရိုးရိုးနေကြတာပေါ့။ အိမ်မှာနေသလိုနေကြတာပဲ။
မေး။ ။ သူတို့က သင်္ဘောကြီးထားခဲ့ပြီး ကမ်းပေါ်တက်တာရှိသလား။
ဖြေ။ ။ မရှိဘူးလေ။
ဒီနေရာမှာ ပြောဖို့လိုတာက သင်္ဘောတစီးမှာ တပ်ခွဲတခွဲရှိတယ်။ ၅ စီးဆို ၅ ခွဲရှိတယ်။ တစီး တစီးကို ဒုဗိုလ်မှူးကြီး (C.O.) သို့မဟုတ် ဗိုလ်မှူးတယောက် အုပ်ချုပ်တယ်။
သုတေသီသင်္ဘောက အဏ္ဏဝါဆိုက်စမစ် (Seismic) ၊ ဒီကောင်က တန်ဖိုးသိပ်ကြီးတယ်။ အဲဒီခေတ်ငွေဈေးနဲ့ကို သိန်း ၅ဝ-၆ဝ လောက်ပေးရတယ်။ ရန်မျိုးအောင်က စတီးသင်္ဘော၊ ဒုတိယကမ္ဘာစစ်တုန်းက မဟာမိတ်ရေယာဉ် (ဒုဗိုလ်မှူးကြီး အုပ်ချုပ်တယ်)၊ ရန်မျိုးအောင်မှာ အမြောက်ပါတယ်။ သုတေသီ၊ မေယုတို့မှာလည်း အမြောက်ပါတယ်။ တခြားလက်နက်မျိုးစုံ တပ်ဆင်ထားရာမှာ ဘော်ဖာ၊ ပွိုင့်ဖိုက် စသည်တို့ရှိကြတယ်။ နေဝင်းစတင်းကို ရိုးရိုးတပ်သားတွေ ကိုင်ကြရတယ်။ သင်္ဘောတိုင်းမှာ ရိက္ခာတွေရှိကြတယ်။ ပဲအိတ်၊ ဆန်အိတ်အပြင် အခြေခံရိက္ခာ ပြည့်ပြည့်စုံစုံ တင်ထားရတယ်။ သူတို့အတွက် ပြဿနာမရှိ။ ဒါနဲ့ ‘သင်္ဘောပေါ်မှာရှိတဲ့ တပ်မှူး တပ်သားအပေါင်းတို့၊ ရဲဘော်တို့ အိမ်မပြန်ကြပါနဲ့။ ဒီအထဲမှာပဲနေကြပါ။ ကျနော်တို့နဲ့ တိုက်ပွဲအတူဝင်ကြပါ။ ကျနော်တို့ရဲ့တိုက်ပွဲကို ရဲဘော်တို့ထောက်ခံကြလိမ့်မယ်လို့ ယုံကြည်ပါတယ်’ လို့ ဆက်ပန်ကြားလိုက်တယ်။
အဲဒီတော့ ရေတပ်ကရဲဘော်တွေ ကျနော်တို့နဲ့အတူ လာပြီးဆန္ဒပြတယ်။ သင်္ဘောပေါ်ရှိတဲ့သူတွေဟာ မြို့ထဲသွားချင်ရင် ကျနော် တို့ဂိတ်တွေဖြတ်မှရတယ်။ ရေလမ်းပေါက်က ထွက်မယ်ဆိုရင်လည်း သင်္ဘောတွေကို ကျနော်တို့က ကိုင်ထားလိုက်ပြီ။ ရှုပ်ထွေးမှုတွေ အများကြီးဖြစ်လာနိုင်တဲ့ အနေအထားပါ။ ရေတပ်အနေနဲ့ ပစ်မယ်ခတ်မယ်ဆိုရင် အချိန်မရွေးပစ်နိုင်ပါတယ်။
မကြာလိုက်ပါဘူး။ ရန်လုံးအောင်သင်္ဘောက ဗိုလ်မှူးစိုးလှိုင် ကျနော့်ဆီကိုရောက်လာတယ်။ ဝန်ကြီးရုံးမှာဆွေးနွေးတယ်။ သူက ‘ဆရာဝင်းထိန်၊ ဘယ်လိုလဲ’ တဲ့။
ကျနော်က ‘ဗိုလ်မှူးစိုးလှိုင်၊ ကျနော့်တို့ကိုကူညီပါ။ ရိက္ခာတွေ လိုချင်တယ်။ ရမလား’ ဆိုတော့ ‘ယူပါ၊ ရပါတယ်’ တဲ့။ ဆက်ပြီး သူက ‘ခင်ဗျားတို့သပိတ် နိုင်ပါ့မလား’ ပေါ့။ ကျနော်က နိုင်ပါတယ်၊ ကျနော်တို့ကို ဗိုလ်မှူးထောက်ခံစမ်းပါ။ ဗိုလ်မှူးတို့လုံခြုံရေးကို အာမခံပါတယ်’ လို့ ပြောလိုက်တော့ နှုတ်ဆက်ပြီး ဗိုလ်မှူးစိုးလှိုင်ပြန်သွားတယ်။ ကျနော်လည်း ပင်ပန်းလွန်းတာနဲ့ နားနေစဉ် အလုပ် သမားရဲဘော်တယောက် လာသတင်းပို့တယ်။
‘ဗိုလ်မှူးရဲညွန့် လာနှောင့်ယှက်နေတယ်။ အလုပ်သမားတွေ သပိတ်မမှောက်ရဘူးလို့ ပြောနေတယ်’။
ဗိုလ်မှူးရဲညွန့်ကို သွားအခေါ်ခိုင်းပေမဲ့ လိုက်မလာပါ။ သူက ညွှန်ကြားရေးမှူး၊ သူ့ရုံခန်းကို ကျနော်လိုက်သွားပြီး ‘ဗိုလ်မှူးခင်ဗျား၊ ကျနော်တို့နဲ့ လိုက်ခဲ့စေချင်တယ်’ လို့ပြောတော့ ပထမ ငြင်းနေသေးတယ်။ ကျနော်က ‘ခင်ဗျားရဲ့လုံခြုံရေး အန္တရာယ်ရှိတယ်နော၊ လိုက်ခဲ့ပါ’ ဆိုတော့မှ လိုက်လာပါတယ်။ ‘မောင်ရင် ကြည့်လည်းလုပ်ပေးပါ’ လို့လည်းပြောတယ်။
‘ဒါတွေ ထားလိုက်စမ်းပါ’ ဆိုပြီး ခေါ်ထုတ်လာခဲ့တယ်။ ကျနော်တို့နှစ်ယောက် တွဲထွက်လာတာမြင်တော့ အလုပ်သမားတွေက လက်ခုပ်တီးကြိုကြပါတယ်။ ‘ဒို့အရေး ဒို့အရေး၊ သပိတ် သပိတ် မှောက် မှောက်’ ‘ကုန်ဈေးနှုန်းကျဆင်းရေး ဒို့အရေး’ ကြွေးကြော်သံ တွေ ထွက်ပေါ်လာပါတယ်။
သပိတ်မှောက်အလုပ်သမားတွေအတွက် ရိက္ခာကိစ္စ စဉ်းစားရပြီ။ ဒါကြောင့် ကားတစီးကိုအလံထိုးပြီး ရဲဘော်တချို့ အင်းစိန် ဘက်ထွက် အလှူခံကြတယ်။ ပြန်လာကြတော့ ရိက္ခာတွေက ကားနဲ့အပြည့်ပဲ၊ ထမင်းထုပ်တွေ၊ လက်ဖက်သုပ်ထုပ်တွေလည်းပါလာ တယ်။ ထမင်းထုပ်တွေထဲမှာ လက်ရေးလှလှနဲ့ ‘အလုပ်သမားသပိတ်ကိုထောက်ခံတယ်’ ဆိုတဲ့စာတွေတွေ့ပြီး အားတက်ကြတယ်။ တချို့အထုပ်တွေထဲမှာ ပိုက်ဆံတွေပါတယ်။ ပစ္စည်းတွေကတော့မျိုးစုံပဲ။ ရပ်ကွက်ထဲက အရပ်သူအရပ်သားတွေကလည်း ထမင်းအိုး ကြီးတွေနဲ့ ရောက်လာကြတယ်။ ဟင်းတွေကလည်းမျိုးစုံပဲ။
ကျနော်တို့စက်ရုံမှာပဲ လက်ကမ်းစာစောင်တွေရိုက်တယ်။ တောင်းဆိုချက်တွေ ကြွေးကြော်သံတွေပါတယ်။ ကုန်ဈေးနှုန်းကျဆင်း ရေး၊ ဆန်လုံလောက်စွာရရှိရေး၊ လုပ်ငန်းခွင်အန္တရာယ်ကင်းရေး၊ လစာတိုးမြှင့်ရေး စသည့်အပြင် ဆိုရှယ်လစ်ခေတ်ပြောင်း တော်လှန် ရေး အောင်ရမည် ဆိုတာလည်း ထည့်ရိုက်တယ်။ ကျနော်တို့အလုပ်သမားတွေက ဆိုရှယ်လစ်စနစ်ကို ဆန့်ကျင်တာမှမဟုတ်ဘဲ။ မဆလ လုပ်ချင်သလိုလုပ်နေတာကတပိုင်းပဲ။ ဂက်စတင်နာ (Gestener) နဲ့ရိုက်ပြီးးဝေငှတယ်။
နောက် မိန်းခလုတ်ရှိရာ တယ်လီဖုန်းရုံးမှာ ကျနော်သွားထိုင်တယ်။ စက်ရုံအသီးသီးကို ဆက်သွယ်ကြည့်တယ်။ ကျနော်တို့စက်ရုံ ဘေးမှာတင်ရှိတဲ့ သုံးထပ်သားစက်ရုံမှာလည်း စတိုက်ပွဲဝင်နေပြီ။ သူတို့က ကိုယ်စားလှယ်လွှတ်လာတယ်။ ဘယ်လိုလုပ်ရမလဲပေါ့။ ကျနော်က ‘သပိတ်ကတော့ ဆက်မှောက်ရမယ်။ ကျနော်တို့ကတော့ အညံ့မခံဘူး။ တောင်းဆိုချက်တွေ ရတဲ့အထိ တိုက်သွားမယ်’ ပြောတာကို လက်ခံသွားတယ်။ နောက် အမှတ် ၁-၂ သစ်စက်တွေက ကိုယ်စားလှယ်တွေ ရောက်လာတယ်။ ဆွေးနွေးကြတယ်။ ဘဝတူအလုပ်သမား အချင်းချင်း သွေးစည်းကြတယ်။ ကျနော်တို့ကလည်း ဆက်သားကိုယ်စားလှယ် လွှတ်ဆွေးနွေးတာတွေရှိတယ်။ ဆက်လွှတ်ဖို့ ပြင်နေစဉ် စက်ရုံပေါင်းစုံက အလုပ်သမားတွေ ရောက်လာပြန်တယ်။ သူတို့ခံစားချက်တွေ ရင်ဖွင့်ကြတယ်။ သမိုင်း ချည်မျှင်၊ ဂုန်နီစက်ရုံက အလုပ်သမားတွေ ရောက်လာပြီး ဟောပြောကြ၊ ရင်ဖွင့်ကြတိုင်း ‘ဒို့အရေး ဒို့အရေး’ ထောက်ခံသံတွေနဲ့ လက်ခုပ်သံတဖြောင်းဖြောင်းတီးကြတယ်။ ညနေပိုင်းလောက် ဗိုလ်မှူးစိုးလှိုင်နဲ့ထပ်တွေ့တော့ ‘ဗိုလ်မှူးခင်ဗျား၊ ကျနော်တို့ကိုကူညီပါဦး’ ဆိုတော့ ‘ဘာများလဲ၊ ကူညီတာပေါ့’ လို့ပြောတယ်။ အဲဒီအချိန်က ကျနော်တို့ဌာနမှာ ရေတပ်ကလာတည်ပေးထားတဲ့ လျှပ်စစ်ဌာန ရှိတယ်။ တချို့လျှပ်စစ်ပညာတွေကမြင့်တော့ ရေတပ်ကသင်ထားတဲ့လူတွေမှ လုပ်လို့ရတာရှိတယ်။ ရေတပ်က PO တွေအားလုံးကို လည်း အရေးကြီးတဲ့ဌာနတွေကို အလုပ်သမားတွေနဲ့တွဲပြီး စောင့်ရှောက်ပေးဖို့ မေတ္တာရပ်ခံထားတယ်။
ညနေဘက်မှာ အလုပ်သမားရဲဘော်တချို့ကို အင်းစိန်ဘက်ထပ်လွှတ်တယ်။ ၆ နာရီလောက်ရှိမယ်ထင်တယ်။ သူတို့ပြန်လာပြီး သမိုင်းဘာတာရှေ့ သမိုင်းဈေးမှာ အလုပ်သမား အရပ်သားတွေ ပစ်သတ်ခံရတဲ့အကြောင်း ပြောပြကြတယ်။ ဒါနဲ့ ကျနော်က ‘ရဲဘော်အလုပ်သမားအပေါင်းတို့၊ ဒို့ရဲ့တောင်းဆိုချက်တွေကတော့ တဖြည်းဖြည်းနဲ့ခက်လာပြီ။ ဒါပေမဲ့ ဒို့ဟာ ဒူးမထောက်ဘူး။ အညံ့ မခံဘူး။ ဆက်လက်တိုက်ပွဲဝင်သွားမယ်။ အခု သမိုင်းဘာတာရှေ့မှာ တို့အလုပ်သမားရဲဘော်တွေ အသတ်ခံရတယ်။ ပစ်သတ်ခံရ တယ်။ ဒါကြောင့် နောက်ဆုံး ဒို့ဟာ ဒူးမထောက်ဘဲနဲ့ အသေခံတိုက်ပွဲဝင်သွားမယ်။ ဒို့တောင်းဆိုချက်တွေမရမချင်း တောင်းဆိုတိုက်ပွဲ ဝင်သွားမယ်။ ဒို့ စုစုစည်းစည်းနဲ့ တိုက်ပွဲဝင်မယ်။ ရဲဘော်တို့ကို ကျနော်ကတိပေးတယ်။ ကျနော် ဘယ်တော့မှ သစ္စာမဖောက်ဘူး။ ရဲဘော်တို့နဲ့အတူ ကျနော်ရှိမယ်’ လို့ မိန့်ခွန်းတိုပေးခဲ့တယ်။
နောက်တော့ တယ်လီဖုန်းနဲ့ ဂုန်နီစက်ရုံကို လှမ်းဆက်တယ်။ ကောင်စီအတွင်းရေးမှူးက ဖုန်းလက်ခံတယ်။ ကျနော်က သမိုင်း ချည်မျှင်စက်ရုံရှေ့မှာ အလုပ်သမားတွေ ပစ်သတ်ခံရတဲ့အကြောင်း သတင်းပေးပြီး ‘ကျနော်ကတော့ မလျှော့ဘူး၊ ဒူးမထောက်ဘူး။ ဆုံးခန်းတိုင်အောင် တိုက်ပွဲဝင်သွားမယ်၊ မရမချင်းတိုက်ပွဲဝင်သွားမယ်။ လိုအပ်တာရှိရင် အကြောင်းကြားမယ်။ ခင်ဗျားတို့ဘက် ကလည်း အကြောင်းကြားပါ’ လို့ပြောတယ်။ သူတို့စက်ရုံကလည်း ဒီသဘောအတိုင်းရှိကြောင်း ပြန်ပြောတယ်။
အဲဒီအချိန် ဂုန်နီစက်ရုံမှာ ဗဟိုကော်မတီအသစ် ရွေးချယ်ပွဲစနေပြီ။
အဲဒီညနေမှာ မိုးတွေရွာချလာတယ်။ အခြေအနေက အရေးကြီးလာချိန်မို့ ဝန်ကြီးရုံးမှာ အိပ်စောင့်နေကြတဲ့ အမျိုးသမီးတွေကို ကျနော်ကပြောတယ်။ ‘ခင်ဗျားတို့ ကျနော်နဲ့လိုက်ခဲ့ပါ။ ဒီတိုင်းနေလို့မဖြစ်ဘူး၊ လုပ်စရာရှိတာတွေ လုပ်ကြရမယ်။ အခြေအနေ သိပ် မကောင်းဘူး’ ဆိုတော့ ကျနော့်နောက်လိုက်လာကြတယ်။
ဆက်သွယ်ရေးနဲ့ပတ်သက်ပြီး ရေတပ်ကအရာရှိတွေနဲ့ ကျနော်တို့အလုပ်သမားတွေ တွဲကိုင်ထားကြတယ်။ လုံခြုံရေးလည်း အလားတူပဲ။ တယ်လီဖုန်းရုံးကို ကျနော်တို့သွားကြတယ်။ ကက်ဆက်နဲ့ ကျနော့်အသံကိုသွင်းပြီး စပီကာနဲ့ ‘ပြည်သူသို့ပန်ကြားချက်’ ထုတ်လွှင့်လိုက်တယ်။ စက်ကြီးကသိပ်ကောင်းတော့ စက်ရုံတွအားလုံးဆီ တပြိုင်တည်းရောက်ရှိသွားပါတော့တယ်။ ‘မိဘပြည်သူ အပေါင်းတို့ခင်ဗျား။ အစိုးရဟာ သမိုင်းဘာတာရှေ့မှာ ရိုးသားစွာဆန္ဒပြနေတဲ့ အလုပ်သမားတွေကို ပစ်သတ်ခဲ့ပါတယ်။ အဲဒီတော့ မိဘပြည်သူအပေါင်းတို့၊ ကျနော်တို့နဲ့လက်တွဲပါ။ စစ်အစိုးရက အခု အပြစ်မဲ့တဲ့ ကျနော်တို့အလုပ်သမားတွေကို ပစ်သတ်နေပါပြီ။ ကျနော်တို့ကို ကာကွယ်စောင့်ရှောက်ပါ’ လို့ပန်ကြားပါတယ်။ ဒီအသံကို အသံချဲ့စက်ကနေ အမြဲဖွင့်ပေးထားပါတယ်။
ဒီအချိန်မှာ အစိုးရအလိုတော်ရိတယောက်က သပိတ်ကော်မတီ ပြင်ဖွဲ့ရမယ်။ သူလည်းပါမယ်ဆိုပြီး ရုတ်ရုတ်ရုတ်ရုတ် လုပ်လာ တယ်။ အတွင်းပိုင်းကနေ သပိတ်ဖြိုခွဲဖို့ လုပ်လာတာမို့ ဖမ်းထိန်းသိမ်းလိုက်ရတာရှိတယ်။
မိုးကချုပ်သထက် ချုပ်လာပြီ။ ဒီအချိန် ဗိုလ်မှူးရဲညွန့်က ကျနော့်ကိုလှမ်းခေါ်ပြန်ရော။ ‘ဘာလုပ်ချင်လို့လဲ’ ဆိုတော့ ‘မောင်ရင် တို့ကို စစ်တပ်ကပစ်တော့မယ်။ ကိုယ်လည်းအရာရှိပဲ၊ မောင်ရင် စေ့စပ်လိုက်စမ်းပါ’လို့ ပြောတယ်။ ‘တော်စမ်းပါ၊ လုပ်မနေစမ်းပါနဲ့၊ ထားလိုက်စမ်းပါ’ လို့ ကျနော်ကဟန့်လိုက်တော့ ဦးချစ်ဦးတို့ ဦးမျိုးထွဋ်တို့က ကျနော်ကိုကြည့်တယ်။ သူတို့ကိုတော့ စာနာပါတယ် ဆိုတဲ့ အမူအယာလောက်ပဲ ပြလိုက်မိတယ်။ သူတို့ကိုလည်း အချုပ်ထဲထည့်ထားရတယ်လေ။
ဒီလိုနဲ့ အချိန်တွေကုန်လိုက်လာတယ်။ ထမင်းလည်းမစားရ၊ ရေလည်းမသောက်မိတာ ဘယ်လောက်ကြာသွားပြီလည်းမသိ။ ဝန်ထမ်းအမျိုးသမီးတယောက်ပေးတဲ့ ထမင်းဘူး နဲ့ကိစ္စပြီးလိုက်ပြီး တယ်လီဖုန်းရုံးခန်းထဲရောက်နေချိန် ဦးမြဟန်ကြီး ရောက်လာ တယ်။ မူလက PO ၊ ပင်စင်ယူပြီးတဲ့နောက် ကျနော်တို့ဆီ ဖစ်တာအဖြစ်နဲ့ ဝင်လုပ်နေသူပဲ။
သူက ‘ကိုဝင်းထိန်၊ ကမ်းနားမှာ ကွန်မင်ဒိုသင်္ဘောကပ်နေပြီ။ သူတို့ပစ်လိမ့်မယ်’ လို့ပြောတော့ ‘ဦးမြဟန်၊ ဒီကိစ္စနဲ့ပတ်သက်ပြီး ကျနော် ဘာမှမဆွေးနွေးချင်ဘူး။ ထားလိုက်ပါ’ လို့တားလိုက်တယ်။ သူထွက်လာပြီးမကြာခင် ကျော်ကြီးခင်နဲ့ ရောက်လာပြန်တယ်။ ‘ရေလယ်မှာ ဗိုလ်မှူးသိန်းထွန်း စောင့်နေတယ်။ ခင်ဗျားနဲ့စကားပြောချင်လို့တဲ့’ ဒီတော့ ကျနော်တွက်လိုက်မိပြီ။ ‘ငါ့တော့ ဆွဲတော့ မယ်။’
သူတို့ခေါ်တဲ့နေရာ လိုက်သွားပြီဆိုတာနဲ့ ဖမ်းပြီးလေ။ ဒီလိုဆိုရင် အလုပ်သမားတွေကို ညွှန်ကြားလို့မရတော့ဘူး။ လှုပ်ရှားမှု ပြိုကွဲသွားတော့မယ်၊ မဖြစ်ဘူး။
‘ကျနော် မလာနိုင်ဘူး။ တွေ့ချင်ရင် ဗိုလ်မှူးသိန်းထွန်း ကျနော့်ဆီလာပါစေ’ လို့ ပြောလိုက်တယ်။ ဦးမြဟန်ပြန်ထွက်သွားတယ်။ ခဏနေတော့ တခေါက်ပြန်လာကြတယ်။ ကျော်ကြီးခင်က ‘ကိုဝင်းထိန် သူတို့ တကယ်ပစ်တော့မယ်’ တဲ့။ ‘ပစ်ရင်လည်း ပစ်ပစေ ကွာ’ လို့တုံ့ပြန်လိုက်တယ်။
စဉ်းစားရတာတွေကတော့ အများကြီး။ ရေတံခါးကြီးပျက်စီးသွားရင်၊ ပေါက်ကွဲသွားလို့ရှိရင် အားလုံးအထိနာမယ်။ စက်ရုံတွေ ပျက်စီးမယ်။ စက်ရုံထဲ ဝင်ပစ်ရင်လည်း သေကြကြေကြ အထိနာကြမယ်။ စက်ရုံရဲ့လုံခြုံရေး၊ အလုပ်သမားတွေရဲ့လုံခြုံရေး စဉ်းစား လာရတယ်။ နောက်ထပ်ဆုံးရှုံးမှုကြီးတခုရှိသေးတယ်။ ခုလို တောင်းဆိုလာကြပြီးမှ တောင်းဆိုချက် ဘာမှမရဘဲနဲ့ ကျနော်တို့သပိတ် ကြီး ပျက်စီးသွားမှာ၊ ပြီးဆုံးသွားမှာပဲ။
ဒါကြောင့် ကျနော်ချက်ချင်းပဲ ဆုံးဖြတ်လိုက်တယ်။ မိုက်ကရိုဖုန်း ကောက်ကိုင်လိုက်ပြီး ‘ရဲဘော်အလုပ်သမားအပေါင်းတို့၊ စက်ရုံရဲ့ လုံခြုံရေးကို ဒို့အားလုံး တာဝန်ယူရမယ်။ နောက် ရေတံခါး၊ သင်္ဘောတွေရဲ့လုံခြုံမှုနဲ့ စက်ရုံတွေအားလုံးရဲ့လုံခြုံမှု၊ ဒို့အားလုံးရဲ့လုံခြုံမှုကို ဒို့ တာဝန်ယူရမယ်။ ဒီစက်ရုံဟာ ဒို့ရဲ့စက်ရုံဖြစ်တယ်။ ဒို့ဟာဒို့ တောင်းဆိုချက်တွေမရမချင်း ဆက်လက်တိုက်ပွဲဝင်သွားမယ်။ ဒို့အညံ့မခံဘူး။ ဒူးမထောက်ဘူး။ ရတဲ့အထိ တိုက်ပွဲဝင်သွားမယ်။
‘အခုသပိတ်မှောက်မှုဟာ ဗမာတပြည်လုံးဖြစ်နေပြီ။ ဒို့ယုံကြည်စိတ်ချရတဲ့ ရန်ကုန်ဆိပ်ကမ်း ဆိုလို့ရှိရင်လည်း အခုသပိတ်မှောက် နေပြီ။ ရန်ကုန်ဆိပ်ကမ်းဆိုတာက ဒုဗိုလ်မှူးကြီးလှမြင့်၊ ဘဲကြီးလှမြင့် (ဘဲလ်အဲယားလှမြင့်) ဆိုတာဟာ တက္ကသိုလ်ကျောင်းသားတွေကို ပါးရိုက်တဲ့ဘဲ။ ဒီကောင် သရဲ သရဲ။ အဲဒီမှာ သူက နာယကဖြစ်နေတာ။ ခု သူ့ဆိပ်ကမ်းမှာ အလုပ်သမားတွေ သပိတ်မှောက်နေပြီ။
‘ပြီးတော့ ဒို့ရဲ့သပိတ်ဟာ တပြည်လုံးလက္ခဏာဆောင်တယ်။ ဒို့တောင်းဆိုချက်တွေရ,ရမယ်။ ဒို့တတွေ ရတဲ့အထိ တိုက်ပွဲဝင် သွားမယ်။ ရအောင်တိုက်မယ်။ ဒို့အညံ့မခံဘူး။ လျှော့လို့မရဘူး’ လို့ပြောချလိုက်တယ်။
ဒါကိုကြားပြီး ချက်ချင်းပဲ သုံးထပ်သားစက်ရုံကလည်း ကျနော်တို့နဲ့တသဘောထဲရှိကြောင်း လုံးဝအညံ့မခံဘူး၊ ဆက်လက်တိုက်ပွဲ ဝင်သွားမယ်၊ တောင်းဆိုချက်တွေ ရအောင်တိုက်မယ် ဆိုတဲ့အကြောင်း အကြောင်းကြားလာတယ်။ စစ်တပ်က နေဝင်ရင်ပစ်မယ်လို့ သတင်းတွေ ထွက်နေတာရှိတယ်။ ဒါကြောင့် သစ်စက်ကလာပြောတယ်။ ကျနော်တို့ သစ်တုံးတွေနဲ့ ကာထားတယ်။ စက်ရုံထဲဝင်ပစ် လို့မရအောင်ဖြစ်တယ်တဲ့။ ကွန်မင်ဒိုတွေဝင်ပစ်မှာကို တားဆီးတဲ့သဘောပဲ။ ကျနော်တို့ရဲ့အနောက်ဘက်မှာ အက်ဆစ်စက်ရုံရှိတယ်။ ကော့စတစ်စက်ရုံရှိတယ်။ အဲဒီကလည်းအတူတူပဲ။ ကျနော်တို့နဲ့အတူ တိုက်ပွဲဝင်မယ်တဲ့။
ဂုန်နီစက်ရုံ သမိုင်းချည်မျှင်စက်ရုံတို့ကိုလည်း စစ်တပ်က ဝင်ပစ်မယ့်အခြေအနေရှိတယ်။ ဘာပဲဖြစ်ဖြစ် ဒို့ရအောင် တိုက်ပွဲဝင် သွားမယ်။ မစေ့စပ်တော့ဘူး။ သပိတ်ကတော့ တပြည်လုံးဖြစ်နေပြီ။ ရန်ကုန်ဆိပ်ကမ်းသပိတ်ကြောင့် ကမ်းနားမှာ ကုန်တင်ကုန်ချ လုပ်ငန်းတွေရပ်တော့မယ်။ ရပ်တာနဲ့ အစိုးရ အခက်အခဲရှိပြီ။ တပြည်လုံးအလုပ်သမားနဲ့ဆိုင်တဲ့ ကိစ္စဖြစ်တယ်။ ဒါကြောင့် တောင်းဆို ချက်တွေရအောင် တိုက်ပွဲဝင်သွားမယ်လို့ ဖုန်းနဲ့အကြောင်းကြားလိုက်တယ်။ နောက်တော့ အခန်းသော့ဖွင့်ပြီး ဗိုလ်မှူးရဲညွန့်ကို ခေါ်ထုတ်လာခဲ့တယ်။ ချက်ချင်းလိုပဲ ကျနော်တို့ရဲ့မိန်းဂိတ်ရှေ့မှာ စစ်ကားတွေရောက်လာတယ်။ ကွမ်းခြံဘက်ကလာတာဖြစ်တယ်။ ရေတပ်ကမဟုတ်ဘူး၊ လှည်းတန်းဘက်က။ ကျနော်တို့ခေါင်းဆောင်မှုအဖွဲ့ သပိတ်ကော်မတီဝင်တွေက အလုပ်သမားထုကြားမှာရှိနေ တယ်။
(ဆက်ရန်)
တော်ဝင် ပရိဘောဂစက်ရုံသပိတ် (၂၀၁၂ နိုဝင်ဘာ)
လက်ပန်တောင်း ကြေးနီစီမံကိန်း (၂၀၁၂ နိုဝင်ဘာ)
No comments:
Post a Comment