တူတံစဉ်နဲ့
နိုင်ငံတော် (ကဗျာ)
တူ၊
တံစဉ် ဆိုတာ
နိုင်ငံတော်ရဲ့
အင်အား၊
လယ်သမား၊
အလုပ်သမား
ဆိုတာ
နိုင်ငံတော်ရဲ့
လုပ်သား။
ဖြေကြစမ်းပါ-
မိတ်ဆွေတို့ရာ၊
လယ်သမားအရေး
အလုပ်သမားအရေးကို
ရှေးမရှုပဲ
နိုင်ငံတော်သစ်ကို
တည်ဆောက်လို့
ရနိုင်မတဲ့လား။
ဖြေကြစမ်းပါ-
မိတ်ဆွေတို့ရာ၊
ထမင်းငတ်လယ်သမား၊
အစာပြတ်အလုပ်သမားတွေနဲ့
နိုင်ငံတော်ဖွံ့ဖြိုးတိုးတက်ရေး
လုပ်ဆောင်လို့
ရနိုင်မတဲ့လား။
ဖြေကြစမ်းပါ
မိတ်ဆွေတို့ရာ-
အဖိနှိပ်ခံနင်းပြား
လယ်သမား၊
အလုပ်သမားတို့ရဲ့
မျက်ရည်စက်၊
သွေးစက်တွေကို
ခရိုနီယဇ်ပလ္လင်ပေါ်မှာ
ပူဇော်ပသလိုက်မှ
ဒီမိုကရေစီ
နိုင်ငံတော်သစ်ကြီးက
ပေါ်ထွန်းနိုင်တော့မတဲ့လား။
တူ၊
တံစဉ် ကို
ဖယ်ရှားဖို့
ကြိုးစားတဲ့အခါ
နိုင်ငံတော်အင်အား
ပြိုလဲတတ်တယ်၊
လယ်သမားနဲ့
အလုပ်သမားတွေ
မျက်ရည်ကျတဲ့အခါ
နိုင်ငံတော်
အနာဂတ်
ပျက်သုဉ်းတတ်တယ်၊
ဒါဟာ-
နိယာမ
ဘယ်တော့မှ
ပြောင်းလဲမှာ
မဟုတ်တဲ့
နိယာမ။
မိတ်ဆွေတို့ရေ-
နိုင်ငံတော်သစ်အတွက်
အလုပ်သမား၊
လယ်သမားအရေး
ရှေးရှုကြ။
No comments:
Post a Comment