ငြိမ်းချမ်းရေး လိုလားသူ ကျောင်းသားလေး ကောင်းရာသုဂတိလားပါစေ

Category: မောက္ခနိုင်ငံတကာသတင်း

Published on Wednesday, 17 April 2013 02:38

Written by မြတ်ပန်းရှင်

လွန်ခဲ့သော တစ်နှစ်ခန့်ကာလတွင် အသက် ၈ နှစ်အရွယ် မာတင်ရစ်ချဒ်သည် ရိုးစင်းသော စကားလုံး ၄ လုံးကို ကျောင်းပိုစတာတွင် ရေးသားခဲ့ပါသည်။
“No More Hurting People လူတွေကို နောက်ထပ်ပြီး မနာကျင်ပါစေနဲ့တော့။”
ဒီပိုစတာလေးနှင့်သူ ဓါတ်ပုံအရိုက်ခံခဲ့ပါတယ်။ အသည်းနှလုံးပုံလေးတွေ ၀ိုင်းရံထားတဲ့ Peace ငြိမ်းချမ်းရေးဆိုတဲ့ စကားလုံးလေး ပါရှိတဲ့ အပြာရောင်းပိုစတာတစ်ခုပါ။
အခုတော့ အကြမ်းဖက်သမားတွေရဲ့ လက်ချက်နဲ့ ဘော့စတွန်မာရသွန်ပြိုင်ပွဲ ဗုံးကွဲတိုက်ခိုက်မှုမှာ မာတင်ရစ်ချဒ်လေးဟာ သေဆုံး သွားခဲ့ပါပြီ။ မာရသွန်ပြိုင်ပွဲ ပန်းဝင်ခါနီးနေရာကနေ အားပေးနေခဲ့စဉ်မှာ ဗုံးပေါက်ကွဲခဲ့တာဖြစ်ပါတယ်။
သူ့ရဲ့ မိခင်ဖြစ်သူ Denise နဲ့ ညီမလေးဟာလည်း ဒဏ်ရာအပြင်းအထန် ရရှိခဲ့ပါတယ်။
ဘယ်သူ့၊ ဘယ်အဖွဲ့အစည်းရဲ့ လက်ချက်ဆိုတာ မသိရသေးပေမယ့် အပြစ်မဲ့တဲ့ လူ ၃ ဦး သေဆုံးသွားခဲ့ပြီး အခြားသူ ၁၇၆ ဦး ဒဏ်ရာ ရခဲ့တယ်။ အဲဒီအထဲက လူ ၁၇ ဦးဟာ အတော်ကြီးကို ပြင်းထန်နေပါတယ်။
အမေရိကန် သမ္မတ ဘားရခ်အိုဘားမားကတော့ အခုလို ပြောဆိုခဲ့တယ်။
“ဒီတိုက်ခိုက်မှုကို ဘယ်သူက လုပ်တယ်။ ဘာကြောင့်လုပ်တယ်။ စီစဉ်ချမှတ်ပြီး အကောင်အထည် ဖော်တာဟာ အကြမ်းဖက် အဖွဲ့အစည်း တခုလား။ ပြည်ပက လား။ ပြည်တွင်းကလား ဒါမှမဟုတ် မကျေမနပ်ဖြစ်နေတဲ့ လူတဦးရဲ့ လုပ်ရပ်လား စသဖြင့် ကျနော်တို့ မသိရသေးပါဘူး။ စပြီးတော့ စုံစမ်း စစ်ဆေးနေဆဲဖြစ်ပါတယ်။ သဲလွန်စတိုင်းကို လိုက်ပြီးတော့ ခြေရာခံပြီးတော့ ဖြစ်ပျက်ခဲ့တာတွေကို စုံစမ်းစစ်ဆေးရမှာမို့ အချိန်ကြာမြင့်မှာဖြစ်ပါတယ်။ ဒါပေမဲ့ ကျနော်တို့ အဖြေထွက်အောင် ရှာနိုင်မှာပါ။ အမေရိကန်နိုင်ငံသားတွေကို ထိခိုက် အန္တရာယ် ကျရောက်စေခဲ့တဲ့ ဘယ်သူပဲဖြစ်ဖြစ် တွေ့အောင်ရှာပြီးတော့ တရားဥပဒေအရ အရေးယူမှာဖြစ်ပါတယ်။”
တနင်္လာနေ့က ဗုံးခွဲတိုက်ခိုက်မှု ဖြစ်ပွားခြင်းပြီး ရုပ်မြင်သံကြားတွေပေါ်မှာ တွေ့ရှိခဲ့တဲ့ ဖြစ်ရပ်တွေကို သက်သေပြုကာ အမေရိကန် နိုင်ငံသားတွေရဲ့ အကြင်နာထားတဲ့ ကရုဏာစိတ်ဓာတ်နဲ့ အကြမ်းဖက်မှုကို အညံ့မခံတဲ့ စိတ်ဓာတ်ကို ကမ္ဘာက မြင်တွေ့ခဲ့ရပြီလို့လည်း သမ္မတ က ပြောပါတယ်။
“အမေရိကန်နိုင်ငံသားတွေအနေနဲ့ အကြမ်းဖက်မှုကို လက်မြှောက်အရှုံးမပေးပါဘူး။ ပေါက်ကွဲမှုတွေအပြီး မနေ့တုန်းက ကမ္ဘာက တွေ့ခဲ့ရတာကို ကြည့်မယ်ဆိုရင် သတ္တိရှိကြတယ်။ ကြင်နာမှုတွေ ပြကြတယ်။ စေတနာ၊ မေတ္တာထားကြတာတွေကို တွေ့ရပါလိမ့်မယ်။ တာဝေးအပြေးသမားတွေ ခြေကုန်လက်ပန်း ကျနေကြပေမဲ့ အနီးဆုံး ဆေးရုံတွေကို ပြေးသွားကြပြီးတော့ သွေးလှူကြတယ်။ ဒဏ်ရာရတဲ့ သူတွေကို ပြုစုဖို့ အနားမှာ နေပေးကြတယ်။ သူတို့ဝတ်ထားတဲ့ အင်္ကျီတွေကို ဆုတ်ပြီးတော့ ပတ်တီးအဖြစ် စည်းပေးကြတယ်။ အသက် ကယ်တင်နိုင်ဖို့ ပြေးကူကြတယ်။ ကမ္ဘာ့အကောင်းဆုံးထဲမှာ ပါတဲ့ ဆေးရုံတွေမှာ ဒဏ်ရာရသူတွေကို ဆေးဝန်ထမ်းတွေက မနားမနေ ကုသပေးနေကြတယ်။ ဒါကြောင့် အမေရိကန် ပြည်ထောင်စုဟာ ဘယ်လိုမျိုး နိုင်ငံဖြစ်တယ်။ သူများမကောင်းကြံတာကို ဘယ်လို တုံ့ပြန်သလဲဆိုတာကို ကြည့်ခြင်းအားဖြင့် သိနိုင်ပါတယ်။ အတ္တစိတ်ကင်းတယ်။ စေတနာ၊ မေတ္တာထားတယ်။ သတ္တိရှိရှိ တုံ့ပြန်ကြ ပါတယ်။”
ငြိမ်းချမ်းရေးလိုလားသူ ကျောင်းသားလေး မာတင်ရစ်ချဒ်တစ်ယောက် ကောင်းရာသုဂတိလားပါစေ။
မောက္ခပညာရေးမဂ္ဂဇင်း