မည်သူမဆိုလွတ်လပ့်စွာကူယူနိုင်သည်။
အ၀တ်လဲခန်း၌ စကားများခြင်း
@ အ၀တ်လဲခန်း၌ စကားများခြင်း @ .. ဆလိုင်းနွေ(မင်းတပ်)
၁၉၆၅ ခုနှစ်မှာ
လီကွမ်ယုကြီးက ကြုံးဝါးတယ်
နောင် အနှစ်နှစ်ဆယ် မြန်မာနိုင်ငံကို မီရမယ်
ကဲ .. အခု မီနိုင်ပြီလား။
(ယ)ယပက်လက်တွေက ငယ်နိုင်ပါဆိုရင်
လာအိုကို မနည်းကျုံးနေရတဲ့အခါ
ကျွန်တော် အသံပြာလာတယ်။
ဗီယက်နမ်မှာ အောင်ကျော်ကျော်က အစ
သုဝဏ္ဏကွင်းမှာ ကျော်ကိုကို အဆုံး
သင်ခန်းစာတွေ ကုန်သွားပြီလား
သယံဇာတတွေ ပေါကြွယ်ဝတာ မှန်တယ်
ကျွန်တော်က သစ်ပင်တစ်ပင် ခုတ်မရောင်းဘူး
ကျောက်ခဲတစ်လုံး အပြင်မထုတ်ဘူး
တိုးစရာ ပင်စင်မရှိတော့လည်း
ငေးနေကျအတိုင်း ကျွန်တော်ငေးတယ်။
ဆင်းရဲမွဲတေမှုပပျောက်ရေးမှာ
ဆေးညွှန်းတွေကို ကျွန်တော်မဖတ်တတ်ဘူး
ဈေးကွက်စီးပွားရေး ပြောနေရုံနဲ့
သူတစ်ပါးလက်ထဲက ပိုက်ဆံတွေ
ကျွန်တော့်အိတ်ကပ်ထဲ ခေါင်းထိုးမ၀င်ဘူး။
ချက်တင်ဝင်ဖို့ ဖေ့စ်ဘုတ်ဟာ
အပေါစား အချစ်ဗိုင်းရပ်စ်တွေ
စက္ကန့်တံတွေကို ၀ါးမြိုတယ်
အဆင့်မြင့်တိုက်ခန်းပေါ်က ခုန်ချဖို့
စင်္ကာပူနိုင်ငံကိုပဲ ရွေးချယ်ရမလား
နောက်ကြောင်းတော့ ပြန်မလှည့်ဘူး
နောက်ကြောင်းမှ မကောင်းခဲ့တာ။
ဆလိုင်းနွေ(မင်းတပ်)
ရုပ်ရှင်တေးကဗျာ
မေ၊ ၂၀၁၂။
No comments:
Post a Comment