==========================
Wednesday, 17 July 2013
Written by မဟာပထ၀ီ
( ရွှေဟင်္သာသတင်းဌာန )
“နိုင်ငံရေးအရ အသုံးချခံရတဲ့ ၀ ၀ိဖြစ်အောင် တည်ဆောက် လာနိုင်သော အခါ ” အပိုင်း(၁)
==========================
Wednesday, 17 July 2013
Written by မဟာပထ၀ီ
( ရွှေဟင်္သာသတင်းဌာန )
ဝလူမျိုးတို့သည် ယေဘူယျအားဖြင့် ရှမ်းပြည်နယ် မြောက်ပိုင်း ၊ မိုင်းမောနှင့် ကျိုင်းတုံ ခရိုင်ကြား နေထိုင်ကြပြီး အရှေ့ပိုင်းဖက်တွင် တရုတ်နိုင်ငံ နယ်စပ်နှင့် အနောက်ဖက်တွင် သံလွင်မြစ်တို့ကြားတွင် နေထိုင်ကြပါသည်။ လူဦးရေအားဖြင့် (၆) သိန်းခန့် ရှိသည်ဟု ၂၀၁၀ ခုနှစ် ရွေးကောက်ပွဲ ကော်မီရှင်၏ စာရင်းအရ သိရပါသည်။
ဝလူမျိုးတို့သည် ၄င်းတို့၏ အခြေခံ နယ်မြေတွင် ရာသီဥတု ကြမ်းတမ်းလှသဖြင့် ဘိန်းစိုက်ပျိုးမှုဖြင့် ရပ်တည်လာခဲ့ပြီး တောခေါင်လှသဖြင့် ယစ်ပူဇော်သည့် ကိုးကွယ်မှုသာ အခြေခံလာခဲ့သော လူမျိုးဖြစ်ပါသည်။ ဤအခြေအနေအပေါ် ဒေသခံ စော်ဘွားများက ၀တို့အား အုပ်ချုပ်လာခဲ့ပါသည်။
၁၉၅၈ ခုနှစ်သို့ ရောက်လာသောအခါ ဗမာပြည် ကွန်မြူနစ်ပါတီ (ဗကပ) တပ်ဖွဲ့များ ၀နယ်မြေထဲသို့ ရောက်ရှိလာခဲ့ပါသည်။ ဗကပသည် မြေရှင်ပဒေသရာဇ် အတွေးအခေါ်များကို တိုက်ဖျက်ရင်း ၀လူမျိုးတို့၏ လူမှုဘ၀ကို ပြောင်းလဲပေးခဲ့ပါသည်။ တနှစ်လျှင် (၃) လခန့်သာ စားဝတ်နေရေး ဖူလှုံမှုရှိသည့် ဘ၀မှ (၆)လ၊ တနှစ်စာ ဖူလုံသည်အထိ ပြောင်းလဲလာခဲ့ပါသည်။ ၄င်းတို့ အသက်မွေး ၀မ်းကြောင်းဖြစ်သော ဘိန်းစိုက်ပျိုးမှသည် အစား သီးနှံစိုက်ပျိုးလာသည်အထိ ဗကပမှ ဦးဆောင်လာခဲ့ပါသည်။
ထို့အပြင် ၀တို့၏ မူလရိုးရာဖြစ်သော ကလေးခေါင်းများဖြတ်ပြီး ယစ်ပူဇော်မှုဓလေ့ကို အာဏာသုံးပြီး ချုပ်ငြိမ်းအောင် ဗကပတို့က စွမ်းဆောင်လာခဲ့ပေသည်။ ဤသည် ဗကပတို့၏ ၀လူမျိုးတို့အပေါ် ကောင်းမွေများ စိုက်ထူပေးလာခဲ့သော လုပ်ရပ်များ ဖြစ်ပါသည်။
သို့သော် ၀လူမျိုးတို့သည် ဘိန်းစိုက်ပျိုးမှု အစားထိုးနိုင်ရန် ယနေ့အထိ အခက်အခဲ ဖြစ်နေဆဲဖြစ်ပါသည်။ ၄င်းတို့၏ ပထ၀ီအခြေအနေသည် အစားထိုး သီးနှံစိုက်ပျိုးမှုတွင် များစွာ ခက်ခဲနေသေးသဖြင့် ဘိန်းစိုက်ပျိုးမှုဖြင့် ရပ်တည်ရေးပြသနာကို ဖြေရှင်းလာခဲ့ပါသည်။ ဤသည် တရုတ်နိုင်ငံအဖို့ ကြီးမားသော မူးရစ်ဆေးပြသနာ၏ ရေသောက်မြစ်ဖြစ်ပါသည်။ စိုက်ပျိုးခြင်း၊ ရောင်းဝယ်ဖေါက်ကားခြင်းနှင်
ထို့အပြင် ၀တပ်များသည် ဗကပဦးဆောင်မှုဖြင့် အစိုးရ စစ်တပ်ကို တိုက်ခိုက်ရာတွင် အောင်မြင်မှုရှိသည်ဟု ဆိုနိုင်သော်လည်း ကျဆုံးမှုများပြားခဲ့ပါသည်။
တရုတ်ပြည်တွင်လည်း နိုင်ငံရေး အလှည့်အပြောင်း ဖြစ်လာသောအခါ တရုတ်အစိုးရသည် ၀ခေါင်းဆောင်များကို ဗကပဦးဆောင်မှုမှ ခွဲထွက်စေပြီးမြန်မာအစိုးရန
မြန်မာ စစ်အစိုးရ ဖက်ကလည်း အင်အားကြီးသော ၀တပ်တို့နှင့် အပစ်ရပ်စဲထားပြီး (၁၉၈၈)မှ ဒီမိုကရေစီ ဘက်တော်သားများကို ချေမှုန်းပစ်ချိန်နှင့် တိုက်ဆိုင်နေခဲ့ပါသည်။ ဤသို့ကြောင့် (၁၉၈၉) နောက်ပိုင်းတွင် ၀တပ် (UWSA) နှင့် အစိုးရတို့ အပစ်အခတ် ရပ်စဲလေတော့သည်။
ဤသို့ကြောင့် ၀လူမျိုးတို့၏ ဘိန်းစိုက်ပျိုးမှုကို ကာကွယ်လိုသော တရုတ်ပြည်နှင့် ရန်သူဝိုင်းနေသော စစ်အစိုးရတို့သည် အကြံတူဥာဏ်တူ ဖြစ်သွားခဲ့ပါသည်။ တရုတ်သည် ၀လူမျိုးများကို ၄င်းတို့နယ်စပ်နှင့် ဝေးရာ (သို့မဟုတ်) ဘိန်း လုပ်ငန်း၌ တရုတ်ဈေးကွက်အစား ထိုင်းနိုင်ငံဖက်သို့ ဈေးကွက်ရွှေ့သွားရန် ရည်ရွယ်ချက်ဟန်ဖြင့် မြန်မာစစ်အစိုးရနှင့် လက်တွဲခဲ့ပါတော့သည်။
“ ဤစီမံကိန်းသည် ဗိုလ်ချုပ် ခင်ညွန့်နှင့် UWSA ခေါင်းဆောင် ကျောက်ညီလိုင်တို့၏ စီမံကိန်း” ဟု ခေါ်ကြပါသည်။
ဤသို့ကြောင့် “ငါတို့ကို လာမတိုက်နဲ့ ငါတို့လည်း နင်တို့ကို မတိုက်ဘူး ဆိုပြီး အပေါ်ယံ လက်မှတ်ရေးထိုးလိုက်တာပဲ။ ဒီတော့ ရှမ်းပြည်တောင်ပိုင်းမှာ ခွန်ဆာတပ်တွေကို တိုက်နေတဲ့ ၀တပ်တွေကို အစိုးရ ခရိုင်တွေက ရိက္ခာထောက်ပံ့တယ်။ ဒဏ်ရာရတဲ့ ဝရဲဘော်တွေကိုလည်း ဆေးရုံတင်ပေးတယ်။ ၁၉၉၅ ခုနှစ် ခွန်ဆာလက်နက်ချတဲ့ အချိန်မှာ ၀ တပ်တွေဟာ အင်အား ၅၀၀၀ နဲ ၆၀၀၀ ကြားလောက်ဘဲ ရှိတယ်။ ဗမာစစ်သားတွေကို တိုက်စရာ မလိုတော့ဘူး” ဟု ဦးအောင်ကျော်ဇော်က ဆိုပါသည်။
ဤကဲ့သို့ ခွန်ဆာ၏ MTA တပ်ဖွဲ့ လက်နက်ချပြီး နောက်ပိုင်း၊ UWSA သည် စစ်အစိုးရ ထောက်လှမ်းရေး ညွန်ကြားရေး မှူးချုပ် ဗိုလ်ချုပ် ခင်ညွန့်နှင့် တရုတ်တို့၏ အစီအစဉ်ကြောင့် ရှမ်းပြည်တောင်ပိုင်းသို့ ၀လူထုများရွှေ့ချစေရန် ဖြစ်လာခဲ့ပါ သည်။
ဤသို့ကြောင့် (၁၉၉၆) ခုနှစ်တွင် ပမထ အဆင့်အနေနှင့် ၀လူထု (၉၀၀၀၀) ကိုးသောင်းကျော်ကို အစိုးရစစ်ကားကြီးများဖြင့် ပို့ဆောင်ပေးလေတော့သည်။ ဤအချိန်တွင် ယခုအခြေချနေထိုင်သော နေရာ၌ လူသူမနေသည့် တောရိုင်းကြီးများပင် ရှိနေသည်။ ဤနည်းဖြင့် ၀လူမျိုးများ ထိုင်းမြန်မာ နယ်စပ်သို့ ရောက်ရှိ လာခဲ့ခြင်းဖြစ်ပါသည်။
ရှမ်းပြည်တောင်ပိုင်းသို့ ရောက်ရှိလာသော ၀လူမျိုးများသည် ၄င်းတို့ဘ၀ ရပ်တည်ရေးအတွက် ရိုးရာ စိုက်ပျိုးနည်း ဖြစ်သည့် ဘိန်းစိုက်ပျိုးမှုဖြင့် စတင်လာခဲ့ခြင်းဖြစ်သည်။
“ဆင်းသွားတဲ့ အစီစဉ်မှာ တရုတ်လည်း ပါတယ်ဆိုတော့ အင်အားက ၉၀၀၀၀ ပတ်ဝန်းကျင်လောက်ရှိတယ်။ အခုတော့ တသိန်းကျော်သွားပါပြီး။ ဒီတော့ ၁၉၉၆ ကနေ အခုဆိုရင် အနှစ်၂၀ နီးပါး ရှိတယ်။ ကျနော်တို့ ၁၉၈၂ ကနေ ၁၉၉၅ ခုနှစ်အထိ တိုက်တဲ့အချိန်မှာ ကျနော်တို့ ဝရဲဘော်တွေ ၂၀၀၀ ကျော် ကျဆုံးသွားတယ်။ တောင်ပိုင်းကိုတည် တဲ့အခါမှာလည်းဒေသရဲ့အနေအထား
“နိုင်ငံရေး အရ အသုံးချခံ ရတဲ့ ၀ ၀ိဖြစ်အောင် တည်ဆောက် လာနိုင်သော အခါ ” အပိုင်း (၂)
==========================
Wednesday, 17 July 2013
Written by မဟာပထ၀ီ
( ရွှေဟင်္သာသတင်းဌာန )
အနီရောင်သည် ၀ကိုယ်ပိုင် အုပ်ချုပ်ခွင့်ရ နယ်မြေ အနီရောင်သည် ၀ကိုယ်ပိုင် အုပ်ချုပ်ခွင့်ရ နယ်မြေ
ရှမ်းပြည်တောင်ပိုင်းသို့ ရွှေ့ပြောင်း လာသော ၀ လူမျိုးများသည် တာချီလိတ်ခရိုင် မိုင်းဆတ်နှင့် မိုင်းတုံမြို့နယ်ရှိ ထိုင်းမြန် မာနယ်စပ်၌ အခြေချနေထိုင်ကြပါသည်။ စတင် အခြေချစဉ် ရှိနေသော UWSA အင်အားသည် (၆၀၀၀) ခန့် ရှိသော်လည်း ယခုအချိန်တွင် (၁၉၀၀၀) တစ်သောင်းကိုထောင်ကျော် ရှိနေပြီးဖြစ်ပါသည်။ တပ်မဟာ(၅) ခု ဖြင့် စုဖွဲ့ထားပြီး၊ အမှတ် (၁၇၁) စစ်ဒေသဟု ခေါ်တွင်ပါသည်။ စစ်ဒေသမှူးအဖြစ် စစ်ဒေသ တပ်မှူးကြီး ဝေ့ရှော်ယင် ဦးဆောင်ပြီး ဒု-စစ်ဦးစီးမှူး စိုင်းဆာမ် နှင့် တပ်မဟာ (၅) ခုမှ တပ်မဟာမှူးများက ဦးဆောင်ခဲ့ကြပါသည်။
ဦးအောင်ကျော်ဇော် အမြင်ကတော့ “၀တွေဟာ ဘိန်းစိုက်ချင်ကြတာ မဟုတ်ပါဘူး။ သူတို့နေတဲ့ နေရာဒေသကိုက ရာသီဥတုနဲ့ မြေဆီလွှာပြသနာကြောင့် စိုက်ရတယ်လို့ ဆိုနိုင်ပါတယ်။ ပြီးတော့ အစားထိုးသီးနှံဆိုတာကလည်း နည်း ပညာနဲ့ အရင်းအနှီးလိုတယ်လေ။ အဲဒါတွေကျတော့ ဘယ်သူကမှ လာကူညီတာ မဟုတ်ဘူး။ အသုံးချဖို့ဘဲ စဉ်းစားကြ တယ်လေ။ တကယ်တော့ ၀လူမျိုးတွေဟာ ရှမ်းပြည် အရှေ့မြောက်ပိုင်းတွေမှာဘဲ နေကြတာပါ။ နိုင်ငံရေး နောက်ခံတွေ နဲ့ အစိုးရတွေက အခုလို အသုံးချခဲ့လို့ တောင်ပိုင်းကို ရောက်လာတာဘဲလေ။ အဓိကကတော့ စစ်အစိုးရပါ” ဟုဆိုပါသည်။
စစ်အစိုးရသည် ၁၉၈၈ ခုနှစ် အာဏာသိမ်းပြီးနောက်ပိုင်း (၁၉၈၉) ခုနှစ်တွင် ရှမ်းပြည်တောင်ပိုင်း၌ UWSA တပ်မဟာ တခုသာရှိပါသည်။ ထိုအချိန်တွင် တောင်ပိုင်းဒေသ၌ UWSA ၏ အခြေခံဒေသ ဟူ၍မရှိခဲ့ပေ။ UWSA ၏ အင်အား သည်ပင် အားလုံးမှ နှစ်သောင်းနီးပါးသာ ရှိပါသည်။ ယခုအချိန်၌ အမြဲတမ်း အင်အား (၃)သောင်းခွဲခန့် ရှိနေပြီးသောင်း နှင့်ချီသော ပြည်သူ့ စစ်အင်အားများဖြင့် ၀ိုင်းရံထားပြီးဖြစ်ပါသည်။
“ တောင်ပိုင်းဆင်းရေးပေါ်လစီကိ
မြန်မာနိုင်ငံသည် ၁၉၄၈ ခုနှစ်တွင် လွတ်လပ်ရေး ရလာခဲ့သော်လည်း လွတ်လပ်ရေးနှင့် အပြိုင်၊ ၀ါဒရေးရာများ၊ အမျိုးသားရေး ၀ါဒီများဖြင့် နိုင်ငံတော်တွင်း နိုင်ငံရေး အရှပ်တော်ပုံကြီး ဖြစ်လာခဲ့ပါသည်။ ဤအရှုပ်တော်ပုံကြီးကို အဆက်ဆက်သော အစိုးရများက နေရာကျအောင် ယနေ့အထိ မဖြေရှင်းနိုင်ခဲ့သည်ကို တွေ့ရပါသည်။
ဤအရှုပ်တော်ပုံများကြောင့် ၁၉၆၂ ခုနှစ်တွင် စစ်အာဏာရှင်များ ပေါ်ပေါက်လာပြီး စစ်တပ် အာဏာသိမ်းခဲ့ပါသည်။ဤ အချိန်မှ စပြီး နေရာတိုင်းတွင် နိုင်ငံရေး ပုံစံထက် စစ်တပ်ပုံစံ ဖြစ်လာခဲ့ပြီး တဖြည်းဖြည်း ကျင့်သားရလာခဲ့ပါသည်။ နိုင်ငံတော်၏ ပြသနာမှန်သမျှအား စစ်တပ်အမြင် တခုထဲဖြင့် ဆုံးဖြတ်လာရာမှ အရာရာသည် စစ်တပ်အတွက် အသုံးချစရာ စနစ်ဆိုးများဖြစ်လာခဲ့ပါသည်
မြန်မာစစ်အစိုးရသည် ဗမာပြည်ကွန်မြူနစ် ပါတီမှ ခွဲထွက်ရန် ကြံစည်ခြင်း၊ ဦးခွန်ဆာ၏ ရှမ်းတပ်များ (MTA) တပ်ဖွဲ့အား တိုက်ခိုက်ရာတွင် ပံ့ပိုးခြင်း၊ အပစ်အခတ်ရပ်စဲပြီး၊ ဘိန်းစိုက်ခွင့် အထူးအခွင့်အရေးများပေးခြင်း
ဤအထဲတွင် ဦးခွန်ဆာ၏ ရှမ်းတပ်များ(MTA) တပ်ဖွဲ့ အား တိုက်ခိုက်ရာတွင် မည်ကဲ့သို့ ပံ့ပိုးပေးခဲ့သည်ကို အနည်း ငယ်တင်ပြချင်ပါသည်။
“ အဲဒီတောင်ပိုင်း ယိုးဒယား နယ်စပ်ကို ကျနော်တို့က ၁၉၈၃-၈၄ ခုလောက်က စပြီး ဆင်းတော့ နယ်စပ်မှာ ရှိတဲ့ ဦးခွန်ဆာတို့ တပ်ကို တိုက်ရတယ်။ တောင်ပိုင်းမှာက အဲဒီတုန်းက လားဟူ အဖွဲ့လည်း ရှိတယ်။ နောက် ၀ အမျိုးသား တပ်မတော်ဆိုတဲ့ WNA လည်းရှိတယ်။ အဲဒီတော့ ကျနော်တို့ မြောက်ပိုင်းတပ်ဖွဲ့ထဲကနေပြ
ထွက်ပြေးတော့ အဓိကက အဲဒီနေရာတွေ တစ်ဝိုက်ဟာ မူးယစ်ဆေးဝါး နယ်ပယ်လေ။ အဲဒီမှာ WNA လည်းရှိတယ်။ နောက်လားဟူ လက်နက်ကိုင် အဖွဲ့လည်း ရှိတယ်။ ဦးခွန်ဆာအဖွဲ့လည်းရှိတယ်။ ၁၉၈၁ ခုနှစ်မှာ ဆိုရင် ထိုင်း မြန်မာနယ် စပ်မှာ ကျနော်တို့က ဗကပတွေက ဘိန်းသယ်ဖို့ လုပ်ဖို့ဖြစ်လာတဲ့အခါကျတော့
၁၉၈၁ ခုနှစ်နောက်ပိုင်း ယိုးဒယားကို ဘိန်ရောင်းနိုင်တဲ့အခါမှာ ရောင်းပြီးရတဲ့ငွေနဲ့ ယူနီဖောင်းတွေ ကျည်ဆံတွေဝယ် ရပါတယ်။ အခြား တပ်ဖွဲ့တွေလည်း ဒီလိုပါပဲ။ KIA နဲ့ရှမ်း SSA အပါအ၀င် ဘိန်းရောင်းပြီး ရတဲ့ငွေနဲ့ ယူနီဖောင်း ကျည်ဆံတွေ ဝယ်ရပါတယ်။ ဒါတွေ ရဖို့ကျနော်တို့ base တစ်ခုရှိဖို့လိုတယ်။ တပ်မဟာ တစ်ခုကို တိုက်တယ်။ ၈၇-၈၈ခုနှစ် လောက်မှာဆိုရင် ပွဲကတော်တော်ပြင်းထန်ခဲ့တယ်
ဤသို့ကြောင့် ရှမ်း MTA အဖွဲ့၊ လားဟူအဖွဲ့၊ ၀အမျိုးသား တပ်မတော် အဖွဲ့နဲ့ ရန်စရှိလာခဲ့တာဖြစ်ပါတယ်။ ဤအခြေအနေကို သိရှိထားသည့် စစ်အစိုးရကလည်း တချက်ခုတ်နှစ်ချက်ပြတ်သည့် အနေဖြင့် အချင်းချင်း ရန်ဘက်ဖြစ်လာစေရန်နှင့် ဖြိုခွဲမှုမှ လက်နက် ချလာစေရန် ဖန်တီးလေတော့သည်။ ဤသို့ဖြင့် စစ်အစိုးရသည် အင်အားကြီးသည့် UWSA အဖွဲ့နှင့် ညှိပြီးဦးခွန်ဆာအဖွဲ့ လက်နက် ချလာသည်အထိ အသုံးချလေတော့သည်။
“နိုင်ငံရေး အရ အသုံးချ ခံရတဲ့ ၀ ၀ိဖြစ်အောင် တည်ဆောက် လာနိုင်သော အခါ ” အပိုင်း (၃)
==========================
Wednesday, 17 July 2013
Written by မဟာပထ၀ီ
( ရွှေဟင်္သာသတင်းဌာန )
ဝကိုယ်ပိုင် အုပ်ချုပ်ရေး (သို့) ၀ပြည်နယ်တောင်းခံခြင်း
UWSA သည် အင်အားတောင့်တင်းနေပါသည်။ တရုတ်ပြည်မှ စစ်ရဟပ်ယာဉ် (၅) စင်း ၀ယ်ယူထားသည်ဟု သတင်းများ ပျံ့နှံ့သည်အထိ အင်အားတောင့်တင်းနေပါသည်။ တပ်စခန်းများ အခိုင်အမာ တည်ဆောက်ပြီး နေရာယူ ထားကြပါသည်။ လက်နက် စက်ရုံများ တည်ဆောက်ပြီး ကိုယ့်ခြေထောက်ပေါ် အခိုင်အမာ ရပ်တည် ထားပါသည်။
ကုလသမဂ္ဂ မူးယစ်ဆေးဝါး တိုက်ဖျက်ရေး အဖွဲ့နှင့် မူးယစ်ဆေးဝါးများ တိုက်ဖျက်နေပြီး၊ ဒေသပြန်လည် ထူထောင်ရေးနှင့် ဘိန်းအစားထိုး စိုက်ပျိုးရေးဖြစ်သည့် ရော်ဘာ၊ ကော်ဖီနှင့် အစားထိုး သီးနှံစိုက်ပျိုးရေးပါ ပူးပေါင်း ဆောင်ရွက်နေပါသည်။ ပန်ဆန်းမြို့တော်ကို အကုန်အကျခံ တည်ဆောက်ပြီး မြို့ပြ တည်ဆောက်မှု လုပ်ငန်းများနှင့် လျှပ်စစ် လုပ်ငန်းများလည်း အခြေခံ ဒေသများ၌ တည်ဆောက် လာခဲ့ပါသည်။
ဗမာပြည် ကွန်မြူနစ် ပါတီသည် ၀လူမျိုးများအတွက် နိုင်ငံရေး၊ စစ်ရေး၊ ပညာရေး၊ ကျန်းမာရေး၊ နိုင်ငံခြားရေး၊ လူမှုရေး အသိများ စတင်ခဲ့ပြီး တဖြည်းဖြည်း တိုးပွား လာခဲ့ပါသည်။ ဤသည် ၀ လူမျိုးများအပေါ် ဗမာကွန်မြူနစ်ပါတီ၏ ကျေးဇူးပင်ဖြစ်ပါသည်။ ဤသို့ကြောင့် ဗမာပြည် ကွန်မြူနစ်ပါတီသည် ၀လူမျိုးများအတွက် ပထမကျေးဇူးရှင်ဟု ခေါ်ဆိုရမည်ဖြစ်သည်။
ထို့အပြင် UWSA နှင့် အစိုးရတို့သည် (၁၉၈၉) ခုနှစ်တွင် အပစ်အခတ် ရပ်စဲလိုက်ပါသည်။ ၄င်းတို့သည် စစ်အစိုးရမှ ကျင်းပသော (၁၉၉၃) အမျိုးသား ညီလာခံမှတဆင့် အကြိမ်ကြိမ် တက်ရောက် လာခဲ့ပါသည်။ ဤကဲ့သို့ တက်ရောက်ခဲ့ သဖြင့် ၀လူမျိုးများအတွက် ကိုယ်ပိုင် အုပ်ချုပ်ခွင့်ရ ဒေသကို တောင်းဆိုခဲ့ရာမှ အစိုးရသည် ၂၀၀၈ ခုနှစ်အခြေခံဥပဒေ တွင် ၀ကိုယ်ပိုင် အုပ်ချုပ်ခွင့်ရဒေသကို အသိအမှတ်ပြုလာခဲ့ပါသည်။
ဤသည် ၀လူမျိုးတို့အတွက် ဒုတိယအောင်မြင်မှုဟု ဆိုနိုင်ပါသည်။ UWSA သည် ကိုယ်ပိုင် အုပ်ချုပ်ခွင့်ရ ဒေသဖြင့် မလုံလောက်ဘဲ ၀မြောက်၊ ၀တောင်ဒေသနှစ်ခု အပါအ၀င် ဆက်စပ်ရာများကို ၀ပြည်နယ်အဖြစ် အသိအမှတ်ပြုပေးပါရန် ပြည် ထောင်စု ငြိမ်းချမ်းရေး ဖေါ်ဆောင်ရေးအဖွဲ့အား တောင်းဆိုလာပါသည်။
ဤကဲ့သို့တောင်းဆိုချိန်၌ အစိုးရ တပ်များသည် ကချင်လွတ်လပ်ရေးအဖွဲ့ KIA အား စစ်ဆင်နေပါသည်။ KIA နှင့် စစ် ဆင်ရေး အနည်းငယ် တည်ငြိမ်လာသောအခါ အစိုးရတပ်များသည် ရှမ်းပြည် တိုးတက်ရေးပါတီ (SSPP)နှင့် ရှမ်းပြည် ပြန်လည်ထူထောင်ရေး ကောင်စီ (RCSS) တို့ကို ပိုမိုဖိအားပေးသည့် တိုက်ပွဲများ ဆင်နွှဲခဲ့ပါသည်။
အစိုးရတပ်များသည် SSPP နှင့် RCSS အဖွဲ့များကို အပြန်အလှန် တိုက်ခိုက်ခြင်းနှင့်အတူ တွေ့ဆုံဆွေးနွေးခြင်း စသော နည်းလမ်းနှစ်သွယ်ဖြင့် စမ်းသပ်ခဲ့ပါသည်။ သို့သော် နှစ်ပါတီလုံးသည် ငြိမ်းချမ်းရေး ပျက်လောက်သော အခြေအနေမျိုး အထိ မစွန့်ရဲသည်ကို အစိုးရကသိရှိခဲ့ပေသည်။
မတူညီကြသည်မှာ SSPP သည် UWSA ၏ စစ်မဟာမိတ်ဖြစ်ပြီး ဗကပ ခေတ်ကတည်းကပင် အတူတူ လက်တွဲ တိုက်ပွဲဝင်လာခဲ့သော ပါတီဖြစ်သည်။ RCSS ကမူ ဦးခွန်ဆာ၏ MTAတပ်မတော်မှ လက်နက် မချဘဲ ကျန်ခဲ့သော တပ်ဖွဲ့ဖြစ် ပြီး ရှမ်း ပြည်ပြန်လည် ထူထောင်ရေးကောင်စီကို ပြန်လည် ဖွဲ့စည်းနိုင်ခဲ့သော အဖွဲ့ဖြစ်ပါသည်။
အစိုးရသည် SSPP အား ဖိအားပေးခဲ့သော်လည်း ၄င်းတို့ထင်သလို အောင်မြင်မှုမရဘဲ၊ တိုက်ခိုက်ရန် စစ်ပြင်ဆင်လာပါသည်။ RCSSကိုမူ ပြသနာတချို့ကို ရန်မရှာတော့ဘဲ သမ္မတနှင့် တွေ့ဆုံခွင့်ရရန်အထိ စီစဉ်ပေးလိုက်ပါသည်။ ဤအချိန်မျိုး၌ အစိုးရတပ်များသည် UWSA တောင်ပိုင်းတပ်များနှင့် ပဋိပက္ခဖြစ်ရန် ဖန်တီးလေတော့သည်။
UWSA နှင့် အစိုးရ တပ်ဖွဲ့တို့စတင်ဖြစ်ပွားခဲ့
သို့သော်လည်း ယခင်သဘောတူခဲ့သော သဘောတူညီချက် (၅)ချက်အတိုင်း ပြန်လည်ငြိမ်းချမ်းသွားစေသည
ဤသို့ကြောင့် UWSA ၏ ၀ပြည်နယ်တောင်းဆိုမှုသည် အစိုးရလိုက်လျှောရမည်လား၊ သို့တည်းမဟုတ် နည်းပရိယာယ် အသစ် ပဋိပက္ခများ ဆက်လက် ဖန်တီးလာမည်လား ဆိုသည်ကို စောင့်ကြည့်ရန် လိုအပ်ပေသည်။ UWSAက လည်း အသက်ပေါင်းများစွာ ရင်းလာခဲ့သော အခြေအနေတခုတွင် မိမိတို့ကိုယ်ကို ကာကွယ်သွားလိမ့်မည်မှာ ဧကန်မုချပင် ဖြစ်ပါသည်။
No comments:
Post a Comment