သားသတ်သမား

အခန်း (၄) သားသတ်သမား

အပိုင်း (၂)
၈-၈-၈၈ ရက်နေ့ ၈နာရီ ၈မိနစ်တွင် ရန်ကုန်ဆိပ်ကမ်း အလုပ်သမားများ စတင် ချီတက်ခဲ့သည်။ ကျက်သရေ မင်္ဂလာအပေါင်းနှင့် ပြည့်စုံသော အခါ သမယပင် ဖြစ်သည်။ ထိုသို့ “သပိတ်စပြီဟေ”့ ဟူသော သတင်းကြောင့် မြို့လယ်သို့ အသီးသီး ချီတက်ကြတော့သည်။

“အစကတော့ ရန်ကင်းလက်ဘက်ရည်ဆိုင်မှာ ကျွန်တော်တို့ ၁၂ယောက်တည်း။ အရင်အာဏာ မသိမ်းခင်က ပြည်ထောင်စု အလံတွေ ခွပ်ဒေါင်းအောင်လံတွေ၊ ဗိုလ်ချုပ်အောင်ဆန်း ဓာတ်ပုံတွေကို ကျွန်တော်တို့ အစိုးရရုံးတွေ၊ အရပ်သားအိမ်တွေက လိုက်ပြီး စုထားကြတယ်။ မနက် ၈နာရီကျော်တော့ ကမ္ဘာအေးလမ်း အတိုင်း စထွက် ခဲ့ကြတယ်။ တစ်ခြား လူအုပ်တွေ ကျွန်တော်တို့နှင့် ပူးပေါင်းလာကြတယ်။ မကြာခင်မှာဘဲ လူအုပ်ကြီး က ထောင်နဲ့ ချီပြီး ဖြစ်လာတယ်။ ကျွန်တော်တို့ တိရိစ္ဆာန်ရုံနှင့် ကာကွယ်ရေး ဝန်ကြီး ရုံးကို ဖြတ်ပြီး ချီတက်လာကြတယ်။ လမ်းဆုံတိုင်းမှာ လိုဘဲ အခြား မြို့နယ်တွေက ချီတက်လာတဲ့ လူအုပ်ကြီးတွေနဲ့ ပေါင်းမိကြတယ်။ မြို့တော်ခန်းမကို ဦးတည်ပြီး ဆူးလေလမ်းမကြီးတလျှောက် အချင်းချင်း လက်တွဲ ချီတက် ကြတယ်။

ရန်ကုန်မြို့က လူတိုင်းလိုလို လမ်းမပေါ်ရောက်နေကြတာဟာ ယုံတောင် မယုံနိုင်စရာဘဲ။ အဖွဲ့တိုင်းရဲ့ ထိပ်မှာ ဘယ်မြို့နယ်က ဆိုတဲ့ ဆိုင်းဘုတ်ကြီးတွေ လွှင့်လို့ ရန်ကင်း၊ ဗဟန်း၊ မြောက်ဥက္ကလာပ၊ တောင်ဥက္ကလာပ၊ သာကေတ၊ သင်္ဃန်းကျွန်း အို-စုံလို့။ ဘယ်မြို့နယ်ကလူအများဆုံးလဲ၊ ဘယ်သံချပ်က အရဲဆုံးလဲ ဆိုတာဟာ ပြိုင်ပွဲ ကျနေတာဘဲ။ ၂နာရီလောက်ကြာတော့ မြို့တော်ခန်းမနှင့် မဟာ ဗန္ဓုလ ပန်းခြံရှေ့ကို ရောက်တဲ့အခါ ဆန္ဒပြသူတွေ သိန်းနှင့် ချီနေပြီး” ဟု ကိုလင်း ပြောပြသည်။

တစ်နေ့လုံး မြူးတူးနေကြသည်။ စစ်တပ်မှာ လမ်းဆုံများတွင် ကျောင်းသား အကာအကွယ်နှင့် ရှိနေကြသည်။ တိုင်ပင်မှုမရှိဘဲ ဆန္ဒပြသူ အချို့သည် အမျိုးသား သီချင်းနှင့် တပ်မတော် သီချင်းတို့ကို သံပြိုင် သီဆို ကြပြီးနောက် “ပြည်သူ့တပ်မတော် တို့တပ်မတော်” ဟု အော်ဟစ်ကြွေးကြော် ကြသည်။ စစ်သားများကို အစ်ကိုကြီး ဟု ခေါ်ပြီး လောကဝတ် ပြုကြသည်။ စစ်သားများ လူထု အုံကြွမှုတွင် ပူးပေါင်းပါဝင် လာပြီး အစိုးရကို ဖြုတ်ချရန် ကူညီကြလိမ့်မည် ဟု လူအများက ယုံကြည်ထား ကြသည်။ အကယ်၍ လူထုနှင့် မပူးပေါင်းပါက စစ်သားများသည် မိမိတို့ ပြည်သူများကို ပစ်သတ်ရလိမ့်မည် ပင် ဖြစ်ကြောင်း သိသာစေလိုသော ရည်ရွယ်ချက် ဖြင့် ဆန္ဒပြလူငယ်အချို့သည် တာဝန်ကျ စစ်သားများ ရှေ့သွားရပ်ပြီး အင်္ကျီ ကြယ်သီး ဖြုတ် ရင်ဖွင့်ပေးကာ “ပစ်ချင်ရင် ပစ်သတ်ပါ” ဟု ပြောကြသည်။

ဒါပေမဲ့ စစ်သားတွေဟာ စိတ်ဓာတ်ရေးရာအရ တစ်ခြားစီဖြစ်နေတယ်ဆိုတာ လွယ်လွယ်နဲ့ မြင်နိုင်တယ်။ သူ့တို့ရဲ့ အော်တိုမစ်တစ် ရိုင်ဖယ်တွေကို တုန်တုန်ယင်ယင်နဲ့ ဆုပ်ကိုင်ထားကြပြီး သူတို့ဟာ ပင်လယ်ထဲမှာ နစ်မြုပ်နေတယ်။ ထုထည် ကြီးမားလှတဲ့ ဆန္ဒပြပွဲကြောင့်လဲ အံ့သြ တုန်လှုပ်နေကြတယ်” ဟု ပီတာ ကောနားဒ်က သူမြင်တွေ့ခဲ့သမျှကို ပြောပြသည်။
အေပီ သတင်းဌာနက ရဲသွေး ရဲမာန် ဝင့်သော အောင်လံနီများ အောက်တွင် ဗိုလ်ချုပ်အောင်ဆန်း ဓာတ်ပုံများကို ကိုင်ဆောင်၍ ချီတက်လာကြသော ကျောင်းသားလူငယ်များ၊ အမျိုးသမီးများ၊ ဘုန်းကြီးများနှင့် ပြည်သူများသည် ဒီမိုကရေစီ ရရှိရေးနှင့် စီးပွားရေး ပြုပြင်ပြောင်းလဲမှု တို့ကို တောင်းဆိုကြသည်။ “ဆန္ဒပြလူတန်းကြီး ဘယ်မှာဆုံးသလဲဆိုတာ မမြင်ရဖူး။” ဟု ၂၂နှစ် အရွယ်ရှိ ဗြိတိသျှကျောင်းသူ ဂျော်ဂျီနာအလ်လန် က ပြောပြသည်။

“ကျစ်ကျစ်လစ်လစ် စနစ်တကျ စုစည်းထားတဲ့ လက်နက်မဲ့ ဆန္ဒပြသူတွေဟာ လက်သီးလက်မောင်းတန်း ဟစ်အော်ကြွေးကြော်ပြီး ရန်ကုန်မြို့ လမ်းမကြီးတစ်ခုမှာ ချီတက်လာကြတာကို ကျမမြင်ခဲ့ရတယ်” ဟု သူမကပြောပြသည်။
လူထုဆန္ဒပြပွဲများကို ရန်ကုန်မြို့၌သာ မဟုတ်ဘဲ နိုင်ငံတစ်ဝှမ်းလုံးပင် ဆန္ဒပြများ ပြုလုပ်နေကြသည်။ မြောက်ပိုင်းတွင် မန္တလေး စစ်ကိုင်းနှင့် ရွှေဘို၊ ဧရာဝတီမြစ်ဝကျွန်းပေါ်တွင် ပုသိမ်၊ အလယ်ပိုင်း မြေလတ်တွင် ပဲခူး၊ တောင်ငူ၊ ပျဉ်းမနားနှင့် မင်းဘူး၊ဧရာဝတီမြစ်ကမ်းရှိ ရေနံမြို့များဖြစ်သော ရေနံချောင်း၊ ချောက်၊ အရှေ့တောင်ပိုင်းတွင် မော်လမြိုင် မြိတ်၊ ထားဝယ်၊ ရှမ်းပြည်နယ်တွင် တောင်ကြီး၊ မြန်မာပြည်မြောက်ပိုင်း အစွန်းအဖျားမြို့ဖြစ်သော ကချင်ပြည် မြို့တော် မြစ်ကြီးနားတို့မှ လူထုကြီးသည် ၂၆နှစ်ကြာ ကြိတ်မှိတ် မျိုသိပ်ထားခဲ့ရသော မဆလ အစိုးရအပေါ် မကျေနပ်ချက်များကို ဖွင့်အန်၍ မြို့လမ်းမများပေါ်သို့ ထွက်ခဲ့ကြသည်။ အရှေ့တောင်ပိုင်းရှိ ဆိပ်ကမ်းမြို့ ဆန္ဒပြပွဲများတွင် အသက် ၂၀ရှိ ဓာတုဗေဒ ကျောင်းသား မင်းဝင်းထွဋ် ပါဝင်လှုပ်ရှားခဲ့သည်။

“မနက်ပိုင်းမှာ လူတစ်သိန်းလောက်ဟာ ကျိုက်သုတ်စေတီရှေ့မှာ စုဝေးလာကြတယ်။ ကျောင်းသားတွေ၊ ဘုန်းကြီးတွေ၊အရပ်သားတွေ အစုံဘဲ။ ရွာတွေက လမ်းသမားတွေဟာ လော်လီကားတွေ၊ နွားလှည်းတွေ စီးပြီး ဆန္ဒပြဖို့ ရောက်လာကြတယ်။ ကျွန်တော်တို့ မြို့ကို ဖြတ်ပြီး မိုင်ဒါ ကစားကွင်းကို ချီတက်ကြတယ်”

“ဒီမိုကရေစီ အပြည့်အဝ ရရှိရေး- ဒို့အရေး ဒို့အရေး” ဆိုသည့် ကြွေးကြော်သံသည် မော်လမြိုင်မြို့၏ ကိုလိုနီခေတ် အိမ်အိုများကြားတွင် ပထမဦးဆုံး အကြိမ် ပဲ့တင်ထပ်လျက် ရှိနေပေတော့သည်။ ဆိုင်းဘုတ်များ အလံများ လွှင့်ထူလျက် ဒေသခံ မွန်လူမျိုးများနှင့် အတူ ဗမာများလဲ ပါဝင်ကာ တိုင်းရင်းသား လူမျိုးစု နှစ်စုတို့၏ သွေးစည်း ခိုင်မာမှုကို ဖော်ပြခဲ့ကြသည်။

သို့သော် ရန်ကုန်မြို့လယ်တွင် စစ်တပ်က တုန့်ပြန် လှုပ်ရှားမှု တစ်ခုကို ညနေ ၅နာရီခွဲခန့်တွင် ပြုလုပ်လာသည်။ ရန်ကုန်တိုင်းမှူး ဗိုလ်မှူးချုပ် မျိုးညွှန်၊့ အခြားစစ် အရာရှိကြီးများနှင့် အတူ မြို့တော်ခန်းမ ပေါ်တီကို သို့ရောက်ရှိ လာသည်။ အသံချဲ့စက်မှ နေပြီး လူစုခွဲရန်၊ မခွဲပါက စစ်သားများက ပစ်ခတ်လိမ့်မည် ဖြစ်ကြောင်း တင်းမာစွာ ပြောကြားလိုက်သည်။ လမ်းတစ်ဖက်ရှိ ဝရန်တာ တစ်ခုတွင် အသက် ၂၅နှစ် အရွယ်ရှိ မမွှေးမွှေး ရှိနေခဲ့သည်။
“ဒါပေမဲ့ စစ်တပ်က ပြောသလို ဘယ်သူမှ မလုပ်ကြဖူး။ လူအုပ်ကြီးက ကြီးသထက်ကြီးလာတယ်။ မျိုးညွှန့်က နောက်တစ်ကြိမ် ထပ်ပြီး ခြိမ်းခြောက်တယ်။ သူ့အသံက တစ်ကြိမ်ပြီး တစ်ကြိမ် ပျော့ပျော့လာတယ်။ လူထုက “ဒါဟာ ငြိမ်းချမ်းတဲ့ ဆန္ဒပြပွဲ ဖြစ်တယ်။ စည်းကမ်းရှိကြ။ ညီညွတ်ကြ။ ရန်မစနှင့်” လို့ တုံ့ပြန်ခဲ့ ကြတယ်”

တစ်နေ့လုံး အောင်ပွဲ ခံနေကြသည်။ ညနေပိုင်းတွင် ထောင်ပေါင်း များစွာသော လူထုကြီးက ရွှေတိဂုံ ရင်ပြင် စည်းဝေးပွဲကို တက်ရောက်ခဲ့ကြသည်။ ထိုအချိန်တွင် ဘရင်းကယ်ရီယာများ လက်နက်ကိုင်စစ်သား အပြည့်ပါသော စစ်ကားကြီးများကို မြို့တော်ခန်းမ နှင့် ဘားလမ်းတွင် အသင့် ရပ်ထားကြသည်။ သို့သော်စစ်သားများကို အသုံးချလိမ့်မည်ဟု မည်သူမျှ မထင်ကြချေ။
“ကျွန်တော်တို့ နိုင်ပြီး အစိုးရ လက်လျှော့လိုက်ပြီလို့ ထင်ခဲ့တာ” ဟု ကိုလင်းက ပြောပြသည်။

ည ၁၀နာရီ အထိ ထောင်ပေါင်းများစွာသော လူများ ဆူးလေဘုရားတစ်ဝိုက်တွင် ရှိနေကြသေးသည်။ ည ၁၁နာရီခွဲတွင်မူ စစ်ကားများ မြို့တော် ခန်းမ နောက်ဝင်းမှ အရှိန်ပြင်းစွာ မောင်းထွက်လာခဲ့ ကြသည်။ စစ်ကားများ ဆက်တိုက် ထွက်လာကြပြီး ဘရင်းကယ်ရီယာများမှာလည်း အသင့်ပြင်ကာ နောက်က လိုက်လာကြသည်။ တစ်ပြိုင်တည်းပင် ဆန္ဒပြသူများသည် အမျိုးသား သီချင်းကို သံပြိုင် သီဆိုခဲ့ ကြသည်။ ပစ္စတိုသံ နှစ်ချက် ကြားလိုက်ရပြီး စက်သေနတ်သံတို့မှာ အမှောင်ထု အောက်ရှိ ဗန္ဓုလ ပန်းခြံ ဝန်းကျင် အဆောက်အအုံများ ကြားတွင် ပဲ့တင် ထပ်သွားသည်။ ကျည်ဆံ ထိပြီး လူများ အစုလိုက် အပြုံလိုက် လဲကျသွားကြသည်။ လမ်းများလည်း သွေးများဖြင့် ချက်ချင်းနီရဲ သွားတော့သည်။ “လူတွေဟာ အော်ဟစ်ပြီး အိမ်များ လမ်းကြားများထဲသို့ ကစဉ့်ကလျား ပြေးဝင် ပုန်းအောင်းကြသည်။ ရေမြောင်းများထဲသို့ အပြုံလိုက် ပစ်လှဲ၍ လည်းကောင်း၊ နံရံများဘေးတွင် ဝပ်တွား၍ လည်းကောင်း အကာအကွယ် ယူကြသည်။ ထိုမှ တစ်ဖန် ထိတ်လန့်စွာဖြင့် အစုလိုက် အပြုံလိုက် ထပြေးကြပြန်သည်။” ဟု စက်မိုင်ဒန် ( Seth Mydans ) က သြဂုတ်လ ၁၁ရက်နေ့ထုတ် နယူးယောက်တိုင်းစ် တွင် ရေးသားခဲ့သည်။

တစ်ပြိုင်တည်း၌ ရွှေဂုံတိုင်လမ်းတွင် စုဝေးနေသော ၂၀၀၀ခန့် ရှိသည့် လူထုကြီး အနီးသို့ စစ်သားများ အပြည့်ပါသော စစ်ကားများ ချဉ်းကပ်လာခဲ့သည်။ လူအုပ်ထဲတွင် ရှိနေသော ကိုလင်းက-----
“စစ်ကားတွေ ပေါ်က စစ်သားတစ်ချို့ ဆင်းလာပြီး လူထုကို သေနတ်နဲ့ ချိန်ထားတယ်။ တစ်ချို့က ကားပေါ်ကနေ ချိန်ထားကြတယ်။ သူတို့ အားလုံးက လူအများဆုံးနေရာကို အော်တိုမစ်တစ်သေနတ်တွေနဲ့ ပစ်ထည့်လိုက်တယ်။ ကျွန်တော်တို့ သေပြေး ရှင်ပြေး ပြေးကြရတော့တာပါဘဲ။

ကျွန်တော့်ရှေ့က ကျောင်းသား နှစ်ဦးဟာ ပွဲချင်းပြီး အသက် ပျောက်သွားတယ်။ ရှေ့ကနေ ပြေးနေတဲ့ ကျွန်တော့် သူငယ်ချင်းခြေထောက်ကို မှန်လို့ တွဲခေါ်ပြီး ပြေးခဲ့ရတယ်။ ကျည်ဆံ တွေ တဝီဝီ ကြားမှာ လူတွေက ဟိုပြေးဒီပြေးဘဲ။ ကျွန်တော်တို့ အထိအခိုက် မရှိဘဲ အိမ်ပြန်ရောက်လာ ခဲ့တယ်။ ဒါပေမဲ့ ကျွန်တော့် သူငယ်ချင်းက ဆေးရုံသွားဖို့ကြောက်လို့ အိမ်မှာဘဲ ကြိတ်ကု ရတယ်။ သူကံကောင်းလို့ မသေဘူး။”

ထိုကြမ္မာငင်သော တနင်္လာနေ့တွင် ရန်ကုန်၌ ရှိနေခဲ့သူ ရစ်ချားဒ် ဂေါ်လေး (Richard Gourlay)က ဖိုင်နယ်ရှယ် တိုင်းစ် သတင်းစာ ၌ ဤသို့ရေးသား ခဲ့သည်။
မျက်မြင်သက်သေများ ပြောဆိုချက်အရ သံချပ်ကာ ကားများသည် ဆန္ဒပြသူ လူအုပ်များ ထဲသို့ မောင်းလာပြီး အဆီးအတား မရှိ ပစ်ခတ်ကြသည်ကို တွေ့မြင်ခဲ့ရသည်။ ဤအချက်သည် အင်အား အနည်းငယ် ကိုသာ အသုံးပြုခဲ့သည် ဟူသော အစိုးရ၏ စကားကို စိန်ခေါ်နေသည်။ လမ်းမများတွင် လူအုပ်ကြီးသည် သေဆုံးသူများ အလောင်း ကို ခေါင်းပေါ်ရွက်ပြီး ချီတက်နေကြသည်ကိုလည်း တွေ့မြင်ခဲ့ရကြောင်း မျက်မြင်သက်သေများက သတင်းပို့ကြသည်။”

ထိုညတွင် သေဆုံးသူ အရေအတွက် ကို မည်သူမျှ မပြောနိုင်ကြပေ။ နံနက် ၃နာရီ အထိ စစ်တပ်က ပစ်ခတ်နေခဲ့သည်။ ဇွန်လ ဆန္ဒပြပွဲများတွင် ပါဝင်ခဲ့သော ဆေးကျောင်းသား စစ်နိုင် သည် ဆန္ဒပြသူများကို ပစ်ခတ်ကြောင်း သိရ၍ ရန်ကုန်ဆေးရုံကြီးသို့ လာရောက်ခဲ့သည်။
“ကျွန်တော့်အထင်ကတော့ လုပ်အားပေး လူငယ်တွေ လိုမယ်ထင်လို့ လာတာဘဲ။ ဒါပေမယ့် ဒီညမှာ ဒဏ်ရာ ရသူ နှစ်ဦး ဘဲ ရန်ကုန်ဆေးရုံကြီးကို ရောက်လာကြတယ်။ သူတို့ဟာ ရွှေဂုံတိုင်က လာခဲ့ကြပြီး အမွှာ ညီအစ်ကိုဖြစ်ကြတယ်။ တစ်ယောက်ကတော့ ဆေးရုံ ရောက်ပြီး မကြာခင်မှာ ဘဲ သေသွားတယ်။ ဆူးလေ ဘုရား ပတ်ဝန်းကျင်က လူသေအလောင်းတွေကို စစ်တပ်က ကောက်ယူသွားကြတယ်။ ဘယ်ကို ယူသွားကြမှန်း ကျွန်တော် မပြောတတ်ဖူး။”

ဆစ်ဒနီမြို့မှသြစတြေးလျား နယ်လှည့် ခရီးသည် ဂျိမ်းစ်ကိုးလ်စ် (James Coles)က ဘန်ကောက်မြို့ ရိုက်တာ သတင်းဌာနအား ဆန္ဒပြလူငယ်တစ်ဦးကို သူငှားထားသော ကားနှင့် တင်၍ လုံခြုံရာသို့ ပို့ပေးခဲ့ကြောင်း ပြောပြခဲ့သည်။ မျက်ရည် လွှမ်းနေသော မျက်လုံးများဖြင့် ခါးပိုက်မှ ကျည်ဆန်ခွံ ၂ခုကို ထုတ်ပြကာ သူ့သူငယ်ချင်းလေးဦးပစ်သတ်ခံရသော နေရာမှ ကောက်ယူလာသည်ဟု ပြောပြသည်။ သူတို့ အဖွဲ့မှာ မြို့အတွင်း ပစ်ခံရသော ဆန္ဒပြအဖွဲ့ငယ် များမှ တစ်ဖွဲ့ ဖြစ်သည်။ သြဂုတ်လ ၈ရက်နေ့တွင် စစ်ကိုင်းမြို့၌လည်း ပစ်ခတ်သတ်ဖြတ်ခဲ့ ကြသည်။ ဆန္ဒပြ လူအုပ် ကြီးကို ဒေသခံ ပုလိပ်များ ပစ်ခတ် ချိန်တွင် အခင်း ဖြစ်ပွားရာ၌ ရှိသော ဂျပန် ၂ဦးက-

“အဲဒီနေ့က ကျောင်းသားတွေဟာ ရဲစခန်းမှာ ဖမ်းချုပ်ထားတဲ့ သူတို့သူငယ်ချင်းတွေကို ပြန်လွတ်ပေးဖို့ တောင်းဆိုကြပြီး ရဲစခန်းရှိရာကို ချီတက်လာခဲ့ကြတယ်။ ပတ်ဝန်းကျင်တစ်ဝိုက်မှာ ရှိတဲ့ ရွာနေလူထုကလည်း ဆန္ဒပြကျောင်းသားတွေနဲ့ ပူးပေါင်း ချီတက်လာခဲ့ ကြတယ်။ ရဲစခန်းကို ရောက်လာတဲ့ အခါ လူတစ်သောင်းလောက် ဖြစ်လာတယ်။”

ရဲစခန်းကို အရောက်တွင် လူအုပ်ကြီး အထဲမှ အစိုးရ သူလျှိုဖြစ်မည်ဟု ထင်ရသူ တစ်ဦးက ရဲများကို စတင်၍ ခဲဖြင့် ပစ်ပေါက်ခဲ့သည်။ ရဲများကလည်း သေနတ်ဖြင့် စတင်၍ ပစ်ခတ်တော့သည်။ ကျောင်းသားတစ်ဦးက မတ်တပ်ရပ်ပြီး လူထုအား အကြမ်းမဖက်ရန် အော်ဟစ် ပန်ကြားနေချိန်တွင် ရဲများ၏ ပစ်သတ်ခြင်းကို ခံလိုက်ရသည်။ ဘုန်းတော်ကြီး တစ်ပါးကလည်း ထပ်မံ၍ လူထုအား အကြမ်းမဖက်ရန် ပန်ကြားပြန်သည်။ ထို ဘုန်းတော်ကြီး မှာ ရဲများ၏ ကျည်ဆံ ငါးတောင့် ထိမှန်၍ ပျံလွန်တော်မူသွားခဲ့သည်။

“ဘုန်းတော်ကြီး ပျံလွန်တော်မူ အပြီး ကျောင်းသူတစ်ဦးက ‘တည်တည် ငြိမ်ငြိမ် ရှိကြပါ။ ကျွန်မတို့ သေရမှာ မကြောက်ပါဘူး’ လို့ အော်ဟစ် ပြောလိုက်တယ်။ သူမလည်း ရဲတွေ ပစ်သတ်တာကို ခံလိုက်ရတယ်။ ခဏလောက် ငြိမ်သွားတယ်။ ပြီးတော့ ရဲတွေက လူအုပ်ကြီးကို မောင်းပြန် သေနတ်တွေနဲ့ ရက်ရက်စက်စက် ပစ်တော့တယ်။ ပစ်မိန့်ပေးသူက စစ်ကိုင်းတိုင်း ပြည်သူ့ ကောင်စီ ဥက္ကဋ္ဌ သူရကျော်စွာ ဖြစ်တယ်။ စက်သေနတ်နဲ့ မညှာမတာ ပစ်ခတ်မှုကြောင့် ရာနှင့် ချီတဲ့ ဆန္ဒပြသူတွေ သေဆုံးခဲ့ရတယ်”

စစ်ကိုင်းတိုင်း လူသတ်ပွဲကို ကိုယ်တွေ့မျက်မြင်တွေ့သူ တစ်ဦးမှာ မန္တလေးမြို့ ဆရာ အတတ်သင် ကောလိပ်တွင် သင်တန်း ပို့ချနေသူ အင်္ဂလန် နိုင်ငံ မန်ချန်စတာ မြို့မှာ အသက် ၅၃နှစ် ရှိသူ တစ်ဦး ဖြစ်သည။် စက်တင်ဘာလ ၂၃ရက်နေ့တွင် တိုင်းမ် သတင်းစာနှင့် တွေ့ဆုံရာတွင် လွန်ခဲ့သည့် တစ်လက ဖြစ်ပွားခဲ့သော အရေးအခင်းကို ဤသို့ပြောပြခဲ့သည်။
“ပွဲချင်းပြီး သေတာ ၂၀၀ နဲ့ ၃၀၀ ကြားမှာ ရှိမယ်။ ကျန်တဲ့ လူတွေက ဆေးရုံနဲ့ တစ်ခြားနေရာတွေမှာ သေသွားကြတယ်။ နှစ်ပတ် အကြာမှာ အရေးအခင်းမှာ ပါတဲ့ ဆရာဝန် တစ်ယောက်ကို ဒဏ်ရာ ရထားတဲ့ လူနာ ဘယ်နှစ်ယောက် ကုနေရသေးသလဲ လို့ ကျွန်တော် မေးကြည့်တယ်။ သူက တစ်ရာလောက် ရှိတယ်လို့ ပြန်ဖြေတယ်။ အားလုံးလိုလို ဒဏ်ရာ ကြီး တွေနဲ့၊ ဒဏ်ရာတွေကလည်း သူတို့ နောက်ကျောတွေမှာဘဲ၊ ပြေးနေတုန်း နောက်ကနေ ခံကြရတယ်လို့ သူက ပြောတယ်”

ဂျပန်ပြည်မှ အလည်အပတ်ရောက်နေသူ နှစ်ဦး၏ ပြောပြချက် အရ ရဲများသည် လူသေ အလောင်းများကို အစ ဖျောက်သည့် အနေဖြင့် အလောင်းများကို ဧရာဝတီ မြစ်ထဲသို့ ပစ်ချခဲ့သည်ဟု ဆိုသည်။
“ရေကူးပြီး ပြန်လွတ်လာကြတဲ့ ဒဏ်ရာရသူ တစ်ချို့ဟာ အဲဒီ လူသတ်ပွဲ အကြောင်းကို ပြန်ပြောပြတယ်။ မန္တလေး ကမ်းက ပစ်ချ ခံရတဲ့ လူတွေဟာ ရေစီးကြောင်းနဲ့ မျောပါသွားနိုင်ပေမဲ့ စစ်ကိုင်းဘက် ကမ်းက ပစ်ချခံရတဲ့ လူတွေမှာတော့ မြစ်ကြောင်းက ကောက်ကွေ့နေတဲ့အတွက် မိုင် အနည်းငယ်သာ ဝေးတဲ့ ‘နောက်ချင်’ ကျွန်းမှာ သွားတင်နေမယ် ဆိုတာ ဒေသခံတွေ သိထားကြတယ်။

မကြာခင် ရဲစခန်းထဲမှာလဲ ဆိုးဝါးလှတဲ့ လူသေ အနံ့တွေ ရလာတယ်။ လိုက်ရှာကြည့်ကြတော့ စခန်းထဲက ရေတွင်းထဲမှာ လူသေအလောင်း ၁၀လောင်းတွေ့လိုက်ရတယ်”
ကျော်စွာ အမည် ရှေ့က သူရဘွဲ့ကို စစ်တပ်တွင် ဗိုလ် အဆင့်ဖြင့် အမှုထမ်း နေစဉ်က အထက် မြန်မာပြည်တွင် ကွန်မြူနစ်များနှင့် တိုက်ခိုက်ရာမှ ရရှိခဲ့ခြင်း ဖြစ်သည်။ သူသည်ထိုအချိန်ကလည်း ကလေးများကိုပင် မချန် အနာဂတ်၏ ကွန်မြူနစ် မျိုးစေ့များဟု ဆိုကာ သတ်ဖြတ်ခဲ့သည်ဟု ဆိုသည်။

သူရကျော်စွာသည် နယ်များတွင် မဆလ အုပ်ချုပ်ရေး ရာထူးများကို ကိုင်တွယ်ထားသော ရက်စက် ကြမ်းကြုတ်ပြီး အာဏာရှင်ဆန်သည့် စစ်အရာရှိဟောင်းများအနက် တစ်ဖက်စွန်းရောက်သော ပုဂ္ဂိုလ် တစ်ဦးဟု ဆိုရပေမည်။ မြန်မာ့အသံမှာ သြဂုတ်လ ၈ရက် နေ့က စစ်ကိုင်းမြို့၌ ဖြစ်ပွားခဲ့သော အရေးအခင်းကို ဆန္ဒပြသူ ၅၀၀ခန့်က မြို့တွင်း ရှိ ရဲစခန်းကို တိုက်ခိုက်ကြကြောင်းဖြင့် အသံလွှင့် ခဲ့သည်။
“ဆူပူသူများ လက်ထဲသို့ ရဲစခန်းကျရောက်မသွားစေရန် ကာကွယ်သည့် အနေဖြင့် မလွှဲမရှောင်သာ ပစ်ခတ် ခဲ့ရသည်။ ထိုသို့ ပစ်ခတ်ရာတွင် ၃၁ဦး သေဆုံးခဲ့ပြီး ၃၇ ဦး ဒဏ်ရာ ရရှိခဲ့ကြောင်း သိရှိ ရသည်ဟု ဆိုသည်”


**************

သြဂုတ်လ ၉ ရက် အင်္ဂါနေ့တွင် ရန်ကုန်မြို့၌ ဆန္ဒပြပွဲများ ဆက်လက် ဖြစ်ပွားခဲ့သည်။ သို့သော် အင်အား မကြီးမားလှပေ။ ယမန်နေ့က ပျော်ရွှင်မှုတို့သည် ခါးသီးသော ဒေါသ အသွင်သို့ ပြောင်း သွားခဲ့သည်။ တနင်္လာနေ့တွင် လမ်းမကြီး တိုင်းကို ဘိလပ်မြေ အုတ်ပိုင်းများနှင့် နှစ်ပိုင်း ခွဲလိုက်သည်။ တစ်ပိုင်းမှာ စစ်တပ် အတွက် သီးသန့် လုံခြုံရေး လမ်းကြောင်း ဖြစ်ပြီး ကျန်တစ်ပိုင်းမှာ ပြည်သူများ သွားလာရန် ဖြစ်သည်။ တစ်မြို့လုံး လိုလို၌ ပြည်သူများက လမ်းများကို ပိတ်ဆို့ထားကြသည်။ ယင်း အုတ်ပိုင်းများကို ပြောင်းပြန်လှန်၍ သော်လည်းကောင်း စစ်သားများကို ပစ်ခတ်ရန် အုတ်ပိုင်းများကို ချိုး၍ သော်လည်းကောင်း ပြုလုပ်ထားကြသည်။ လမ်းမပေါ်တွင် ပစ်ခတ် ခံရသူများ နေရာကို အမှတ်အသား ပြု၍ အုတ်ပိုင်းများကို ပုံ ထားကြသည်။ မိုးကလည်း နေ့တိုင်းလိုလို သဲသဲမဲမဲ ရွာလျက်ရှိသည်။

ပီတာကောနားဒ်သည် မနက်ပိုင်းတွင် ဟော်တယ်မှ ထွက်ခွာလာခဲ့ရာ ဒေါသထွက်နေသော အဖိုးကြီး တစ်ဦးကို တွေ့လိုက်ရသည်။ “ဒီ အစိုးရဟာ လူသတ် အစိုးရပဲ၊ ဒီ အစိုးရဟာ ဟစ်တလာလို လူစားမျိုးတွေပဲ၊ ဗမာပြည်မှာ ဘာတွေ ဖြစ်နေတယ် ဆိုတာ ကမ္ဘာက သိအောင် ပြောပြပေးစမ်းပါ”ဟု အဖိုးကြီးက ဆိုသည်။ ပီတာ ကောနားဒ်သည် ဆူးလေ ဘုရားအနောက်ဘက်ရှိ အိန္ဒိယ လူမျိုးရှိရာ ရပ်ကွက်သို့ ဆက်၍ ထွက်လာခဲ့သည်။ သူ ယူလာသော ကင်မရာကို သတိပြုမိသူ တစ်ချို့က သူ့အား အိမ်နောက်ဖေး လမ်းကြားတစ်ခုသို့ ခေါ်သွားခဲ့သည်။

“သူတို့ အသက် ၁၅နှစ်သာ ရှိသေးတဲ့ မူဆလင် ယောက်ျားလေး တစ်ဦးရဲ့ အလောင်းကို ဓာတ်ပုံရိုက်ဖို့ လမ်းမပေါ် ထုတ်ယူလာကြတယ်။ သူတို့ အဲဒီအလောင်းကို ဝှက်ထားကြတယ်။ စစ်သားတွေက မူဆလင် ဓလေ့နဲ့ ဆန့်ကျင်ပြီး မီးသဂြိုလ် ပစ်မှာ စိုးလို့ ဖြစ်တယ်။ စစ်သားတွေ ခပ်လှမ်းလှမ်းက လမ်းဆုံတစ်ခုမှာ ရှိနေကြတော့ ကျွန်တော် သုတ်ခြေ တင်ခဲ့ရတယ်။ အဲဒီ အချိန်မှာ အသက် ၈နှစ် ၉နှစ် လောက် ရှိတဲ့ ကလေး တစ်ယောက်က စစ်သားတွေကို လက်ညှိုးထိုးပြီး မတတ်တတတ်နဲ့ အင်္ဂလိပ်လို အော်ဆဲလိုက်တာ ‘F__k Army’ တဲ့“
“စစ်ကားတွေ အပြင်းမောင်းနှင် သွားတယ်။ ကားပေါ်မှာ ပါသွားတဲ့ စစ်သား တွေဟာ လမ်းတဝိုက် ကို သေနတ် တွေနဲ့ ချိန်ထားကြတယ်။ အရပ်သား အကျဉ်းသမားတွေ တင်ထားတဲ့ ကားကို အင်းစိန်ထောင်ဘက် မောင်းသွားတာ တွေ့လိုက်ရတယ်” ဟု ပီတာကောနားဒ်က ဆိုသည်။ ထိုနေ့ ထောင်ချီ ဖမ်းဆီးခဲ့သူများအနက် အများစုမှာ လုံးဝ ပျောက်ကွယ်သွားခဲ့သည်။

အံ့သြဖွယ်ကောင်းသည်မှာ ထောင်ပေါင်းများစွာသော ဆန္ဒပြသူများ ဆက်လက် ဆန္ဒပြနေဆဲ ပင်ဖြစ်သည်။ သို့သော် မနေ့ကထက် ပို၍ သတိကြီးစွာဖြင့် လှုပ်ရှားနေကြသည်။ လမ်းထောင့် တစ်ခု၌ အလံများ လွှင့်ထူကာ အော်ဟစ် ကြွေးကြော်နေကြသော လူတစ်စု ပေါ်လာရာ ချက်ချင်းပင် အသင့် ပြင်ထားသည့် စစ်သားအပြည့်ပါသော စစ်ကားတစ်စီး အပြင်းမောင်းချသွားသည်။ ဆန္ဒပြသူများ မှာ လဲ ချက်ချင်းပင် ရှောင်တိမ်း ပျောက်ကွယ်သွားကြသည်။

ရန်ကုန်မြို့ လမ်းများ ပေါ်တွင် ရှိနေခဲ့သော အနောက်တိုင်း သံတမန်တစ်ဦးက ဤသို့သတင်းပို့ခဲ့သည် “လူအုပ်ထဲကို မောင်းပြန် ရိုင်ဖယ်တွေနဲ့ အသေအချာ ချိန်ပြီး ပစ်တာဘဲ။ လက်ဖြောင့် တပ်သားတွေဟာ အလံကိုင်လာတဲ့ လူတွေ၊ ဗိုလ်ချုပ်အောင်ဆန်း ဓာတ်ပုံ ကိုင်လာတဲ့ လူတွေကို ရွေးပြီး ပစ်သတ်ခဲ့တယ်။ ယုန်တွေကို ပစ်သတ်တာ ကြနေတာပဲ။ ရွံစရာကောင်းလွန်းပါတယ်။ ၉ရက်နေ့ ဆန္ဒပြပွဲမှာ ပါခဲ့တဲ့ ၁၅နှစ် အရွယ် ကလေးတစ်ယောက်ကို ကျွန်တော်သိတယ်။ သူ့တို့ စစ်သားတွေနဲ့ ရင်ဆိုင်တိုးတော့ လမ်းမပေါ် အကုန် ပစ်ထိုင်လိုက်ကြတယ်။

ဒီကလေး အတော် ကံကောင်းတယ်။ ကျည်ဆံက သူ့ခြေထောက် နှစ်ခုကြားက ဖြတ်သွားတယ်။ ပြီးတော့ စစ်သားတွေဟာ ကလေးတွေကို လှံစွပ်နဲ့ ထိုးသတ်ကြတယ်။ သူ့ကို စစ်သားတစ်ယောက်က လှံစွပ်နဲ့ ထိုးမယ် အလုပ် နောက်စစ်သား တစ်ယောက်က ‘မလုပ်နဲ့ ဒီကလေး ငယ်လွန်းသေးတယ်’ ဆိုလို့ သူလွတ်သွားခဲ့တယ်။ ဒါပေမဲ့ သူ့ သူငယ်ချင်းတွေ သူ့ မျက်စိရှေ့မှာ လှံစွပ်နဲ့ ထိုးသတ် ခံကြရတယ်”

ရန်ကုန် တက္ကသိုလ် (ပင်မ) နိုင်ငံတကာ ဆက်ဆံရေး ကျောင်းသားတစ်ဦး ဖြစ်ပြီး ဇွန်လ လှုပ်ရှားမှုတွင် ပါဝင်ခဲ့သော ဝင်းမိုးမှာ အင်္ဂါနေ့တွင် သင်္ကန်းကျွန်းမှ ချီတက်လာသော လူနှစ်သောင်းခန့်ရှိ ဆန္ဒပြပွဲတွင်လည်း ပါဝင်ခဲ့သည်။ ယင်း ချီတက်ပွဲကို ခေါင်းဆောင်သူမှာ အသက် ၂၀ ပတ်ဝန်းကျင်ရှိသော ကျောင်းသား မိုးသီးဇွန် ပင်ဖြစ်သည်။

“ကမ္ဘာအေး ဘုရားလမ်းနဲ့ ဂျပန်သံရုံးကို သွားတဲ့ လမ်းဆုံမှာ ကျွန်တော်တို့ဟာ အလံတွေ၊ ဗိုလ်ချုပ်အောင်ဆန်း ဓာတ်ပုံ တွေကို ကိုင်လာကြတဲ့ တခြား အုပ်စုနဲ့ ပေါင်းမိကြတယ်” ဟု ဝင်းမိုးက ပြောပြသည်။

ဘုန်းကြီးတွေက ရှေ့ဆုံးကနေ ချီတက်ကြတယ်။ စစ်သားတွေဟာ ဘုန်းကြီးတွေ ကိုတော့ ပစ်မှာ မဟုတ်ဘူးလို့ ကျွန်တော်တို့ ယူဆကြလို့ပဲ။ အဲဒီ အချိန်မှာ ပဲ တပ်မ ၂၂က စစ်သား တွေဟာ ကျွန်တော်တို့ကို ရှေ့ကရော နောက်ကရော ပိတ်ဆို့လာတာကို တွေ့ရတယ်။ သူတို့ ကျွန်တော်တို့ကို ပစ်ပြီး ဝင်စီးတော့တာပဲ။ လဲကျ သူတွေ၊ မပြေးနိုင်တဲ့ သူတွေဟာ လှံစွပ်နဲ့ ထိုးသတ်ခံကြရတယ်။ အနည်းဆုံး သုံးလေး ဆယ်လောက်တော့ ပွဲချင်းပြီး သေဆုံးခဲ့တယ်။ ရာ နဲ့ချီ ပြီး အဖမ်းခံခဲ့ ကြရတယ်။ မသေဘဲ ကျန်တဲ့ လူတွေက အနီးအနားမှာ ရှိတဲ့ အိမ်တွေ အထဲ ဝင်ပြေးကြတယ်။ အိမ်တွေကလည်း ကျွန်တော်တို့ကို ဝှက်ထားပေးပါတယ်”

တနင်္လာနေ့ည ပစ်ခတ်မှုကြောင့် မြို့လယ် တစ်ဝိုက်မှာ ရှင်းသွားခဲ့သည်။ သို့သော် အင်္ဂါနေ့၌ လည်းကောင်း၊ အထူးသဖြင့် ဗုဒ္ဓဟူးနေ့၌ လည်းကောင်း ဆန္ဒပြပွဲများမှာ ပုန်းရှောင်ရန် လွယ်ကူသော မြို့ပြင် ရပ်ကွက်များတွင်သာ ဆက်လက် ဖြစ်ပွားခဲ့သည်။ အလုပ်သမား လူတန်းစား ရပ်ကွက်ဖြစ်သော တောင်ဥက္ကလာပ၊ မြောက်ဥက္ကလာပနှင့် သာကေတ တို့မှာ အတက်ကြွဆုံးဖြစ်သည်။ ဤမြို့သစ်များတွင် ယင်းကို တည်ဆောက်ခဲ့သော ၁၉၅၈-၆၀ ခုနှစ် အိမ်စောင့် အစိုးရ လက်ထက်မှ စပြီး စစ်တပ်အပေါ် မကျေနပ်မှုများ ဖြစ်ပေါ်ခဲ့သည်။ စစ်အုပ်ချုပ်ရေးနှင့် ညမထွက်ရ အမိန့်များ ထုတ်ပြန်ထားသည့် ကာလများအတွင်း ထိုးတက်လာခဲ့သော ကုန်ဈေးနှုန်းများကြောင့် ရန်ကုန်မြို့၏ ဆင်းရဲသား ရပ်ကွက် များတွင် မကျေနပ်မှုများ ပိုမို ကြီးထွားလာခဲ့သည်။

ဧပြီလ မေလများ အတွင်း ဆန်တစ်ပြည် ဝယ်ပြီးသည့်နောက် လက်ထဲတွင် တစ်ကျပ်၊ နှစ်ကျပ်ခန့် ကျန်ခဲ့သည့် အခြေအနေမှ ကင်းကွာသော တစ်နေ့ ၆ကျပ် ပြား ၅၀ရသော နေ့စား အလုပ်သမား တစ်ဦးသည် ၃ရက် အလုပ်လုပ်မှ ဆန်တစ်ပြည် ဝယ်နိုင်သည့် ဒုက္ခနှင့် ကြုံတွေ့နေရသည်။
“၈ရက်နေ့က ကျွန်တော် အပါအဝင် လူတစ်ချို့ မြို့တော် ခန်းမကို ချီတက် ခဲ့ကြတယ်။ ဒါပေမဲ့ ည ၈နာရီ မှာတော့ မြောက်ဥက္ကလာပ ရပ်ကွက် တိုင်းက လူတွေဟာ လမ်းတွေ ပေါ်မှာ စုရုံးပြီး ရပ်ကွက် ထဲမှာဘဲ ဆန္ဒပြကြတယ်။ လူတန်း ရှည်ကြီး တွေဟာ လမ်းမကြီးတွေမှာ အစုန်အဆန် ချီတက်ပြီး တစ်ညလုံး အစိုးရ ဆန့်ကျင်ရေး ကြွေးကြော်သံ တွေ ဟစ်အော်ကြတယ်။

အလုပ်သမားတွေ၊ ကျောင်းသားတွေ၊ အိမ်ရှင်မတွေ၊ ဘုန်းကြီးတွေ ပြောရရင် လူတိုင်း လိုလိုပါပဲ။ စစ်သားတွေက ကျွန်တော်တို့ မြို့ကို ဝိုင်းပြီး ပိတ်ဆို့ထားတယ်။ ဒါပေမဲ့ တစ်ချို့ ဆန္ဒပြ လူတန်းကြီးတွေက ဖောက်ထွက်ပြီး ရန်ကုန်မြို့ထဲသို့ ချီတက်သွားကြတယ်” ဟု မြောက်ဥက္ကလာပ မြို့သား တစ်ဦးက ပြန်ပြောပြသည်။
အင်္ဂါနေ့ နံနက်ပိုင်းတွင် တံတားလေး အနီး မြောက်ဥက္ကလာပ သဇင် ရုပ်ရှင်ရုံ ရှေ့တွင် ထောင်ပေါင်းများစွာသော လူထုကြီး စုဝေးရောက်ရှိလာသည်။ စစ်သားများက လမ်းကို ပိတ်ဆို့ကာ နံနက် ၇နာရီ တွင် ပစ်ခတ်၍ ဆန္ဒပြသူ ၄ဦး သေဆုံးခဲ့သည်။ လူအုပ်ကြီးသည် တပ်ဆုတ်လာခဲ့ကာ ပြီးစလွယ် ဆောက်လုပ်လိုက်ကြသော စင်မြင့်များမှာ မိန့်ခွန်းများ ပြောကြားကြသည်။

မြောက်ဥက္ကလာပသား တစ်ဦးက “နံနက် ၁၁နာရီခွဲမှာ ဗိုလ်မှူးတစ်ဦးက စစ်သား တစ်ယောက်ကို လူအုပ်ထဲ ပစ်ခိုင်းတယ်။ စစ်သားက ပစ်ဖို့ ငြင်းဆန်နေတော့ သူ့ကို တစ်နေရာကို ခေါ်သွားကြတယ်။ အဲဒီ အရာရှိက အိမ်တစ်အိမ် ကနေပြီး တယ်လီဖုန်း ဆက်တယ်။ အိမ်ရှင်က ကြားနေရတာပေါ့။ ဆန္ဒပြသူတွေကို ပစ်ဖို့ အမိန့်ပေးနေတာလေ” ဟု ပြောပြသည်။
လူသတ်ပွဲ ကြီးမှာ ချက်ချင်း စတင်လေတော့သည်။ ပထမဆုံး ထိသူများမှာ ပဉ္စင်းပျို တစ်ပါးနှင့် ၁၈နှစ် အရွယ် မိန်းကလေး တစ်ဦးတို့ ဖြစ်ကြသည်။ သူမမှာ လမ်းပေါ် လဲကျ သေဆုံးသည့်တိုင် ဗိုလ်ချုပ်အောင်ဆန်း ဓာတ်ပုံကို ခိုင်ခိုင်မြဲမြဲ ဆုတ်ကိုင် ထားတုန်းပင်ဖြစ်သည်။ စစ်သားများနှင့် ဘရင်းကယ်ရီယာများသည် မြောက်ဥက္ကလာပ၏ မြွေလိမ်မြွေကောက် နောက်ဖေး လမ်းကြားများသို့ ဝင်ရောက်ကာ လူအုပ်ထူသော ဈေးများ လက်ဘက်ရည်ဆိုင်များ အိမ်အိုအိမ်ပြိုများ မရှောင် အတားအဆီး မရှိ ပစ်ခတ်တော့သည်။

လူထုမှာလည်း ဂျင်ဂလိများ၊ ဓားလွယ်များ၊ ဝါးရင်းတုတ်များ၊ ဓာတ်ဆီပုံးများ စသည်ဖြင့် ရရာ ဆွဲပြီး ခုခံ တိုက်ခိုက်ကြသည်။ မြောက်ဥက္ကလာပ လူထုသည် ဘရင်း ကယ်ရီယာ တစ်စီးကို လူအုပ်ဖြင့် ဝင်စီးပြီး မောင်းသူကို ဂျင်ဂလိဖြင့် ပစ်သတ်လိုက်ကြသည်။ သို့ရာတွင် စက်သေနတ် မပစ်တတ်ဘဲ ဖြစ်နေရာ ယင်း သံချပ်ကားကို မီးရှို့ ပစ်လိုက်ကြသည်။ ဘုန်းကြီးများလည်း ခုခံတိုက်ခိုက်ရာတွင် ပါဝင်လာခဲ့ကြရာ Yellow Army ဟု အမည် ရလာတော့သည်။ စစ်သားများက လူအုပ်ကြီးထဲသို့ လည်းကောင်း၊ အနီး ပတ်ဝန်းကျင်သို့ လည်းကောင်း ပစ်ခတ်စဉ် ဘုန်းတော်ကြီးများလည်း ပျံလွန်တော်မူခဲ့ကြသည်။

“ ကျွန်တော်ဟာ လမ်းဘေးမှာ ရပ်ပြီး ဝိပဿနာ ပွားများနေတဲ့ ဘုန်းကြီးတစ်ပါးကို မြင်မိတယ်။ သူ့ခေါင်းကို လက်ဖြောင့်တပ်သား တစ်ဦးက ပစ်ထည့်လိုက်ရာ ပွဲချင်းပြီး သေတာပဲ။ အဲဒီ အချိန်က ဘုန်းကြီး ၄ပါးနဲ့ လူ ၅ယောက် သေဆုံး ကြတယ်။ လူတွေက ကျည်ဆံ မထိအောင် တောင်ပြေး၊ မြောက်ပြေးပဲ”ဟု မြောက်ဥက္ကလာပမှ အောင်ကျော်က
ပြောပြသည်။

စစ်တပ်၏ ရက်စက် ကြမ်းကြုတ်မှုကြောင့် မြင့်မားသော စိတ်ဓာတ်တို့ ထိုးကျခဲ့လေပြီ။ မြို့တစ်ခွင်တွင် အာဏာပိုင်များ အပေါ် မုန်းတီးမှုနှင့် အမျက်ဒေါသတို့ ပေါက်ကွဲ ခဲ့တော့သည်။ ၉ရက် နေ့ ညနေပိုင်းတွင် အသေခံ ဆန္ဒပြသူ တစ်စုသည် မီးသတ်ကား တစ်စီးကို မြောက်ဥက္ကလာပ လုံထိန်း ဌာနချုပ်သို့ မောင်းယူသွားကြသည်။ ထိုလုံထိန်း စခန်းမှာ ဖြိုချပြီး မီးရှို့ခံလိုက်ရသည်။ ဗုဒ္ဓဟူးနေ့ နံနက်တွင် မော်တော် ဆိုင်ကယ်စီးလာသော စစ်ထောက်လှမ်းရေး တစ်ဦးကို မြို့ဆေးရုံ အနီး၌ တွေ့မြင်ကြရသည်။ တင်းမာသော မျက်နှာထားနှင့် နေကာမျက်မှန် တပ်ထားရာ အမ်အိုင် မှန်းသိသာလှသည်။ “အမ်အိုင်- အမ်အိုင်” ဟု အော်ဟစ်ကာ ပစ်ပေါက်လိုက်သော ခဲလုံးကြီး တစ်လုံးက သူ့အား မော်တော်ဆိုင်ကယ်ပေါ်မှ လွင့်ကျ သွားစေခဲ့သည်။ ဒေါသကြီးစွာ ထွက်နေသော လူထုက ရိုက်သတ်ပြီး အလောင်းနှင့် ဆိုင်ကယ်ကို မီးရှို့ပစ်လိုက်ကြသည်။

ပစ်ခတ်မှုများမှာ ဗုဒ္ဓဟူးနေ့တွင်လည်း ဆက်လက် ဖြစ်ပွားနေခဲ့သည်။ လူအုပ်ကြီးသည် မျက်ကန်း ဒေါသဖြင့် ထိန်းမရသော ဆင်ရိုင်းအုပ် သဖွယ် ဖြစ်လာသည်။ မြောက်ဥက္ကလာပတွင် ဒေါသမီး လောင်ကျွမ်း နေကြသော ရာနှင့် ချီသည့် လူအုပ်ကြီးသည် ရပ်ကွက် ရဲစခန်း တစ်ခုကို ဝင်စီးပြီး မီး ရှို့လိုက်ကြသည်။ ပုလိပ် ၄ဦးကို လမ်းမပေါ်သို့ ဒရွတ်တိုက် ဆွဲထုတ်လာကြသည်။ လူငယ်တစ်ဦးသည် သံချေးတက် ဓားတစ်လက် ယူလာပြီး ပုလိပ်များကို တစ်ယောက်တစ်လှည့် လည်လှီး ဖြတ်ကြရာ လူထုကြီးက သြဘာပေးခဲ့ကြသည်။ စခန်းမှ လက်နက်များကို သယ်လာပြီး ဝှက်ထားကြသည်။ မြောက်ဥက္ကလာပတွင် သစ်ပင်များ ခုတ်ပြီး မြို့အဝင် လမ်းများကို ပိတ်ဆို့ကာ လူနေထူထပ်သော မြို့တွင်းသို့ စစ်ကားများနှင့် ဘရင်းကယ်ရီများ ဝင်မလာနိုင်အောင် တားဆီး ထားကြသည်။

“ကျွန်တော်တို့ မြို့ရဲ့ ပါတီ ယူနစ် ရုံးထဲက စစ်သားတွေကို လူအုပ်ကြီး ပတ်လည် ဝိုင်းပြီး ပိတ်ဆို့ထားလိုက်ကြတယ်။ စစ်သားတွေဟာ သူတို့ရဲ့ ဌာနချုပ်ကို ရေဒီယိုနဲ့ ဆက်သွယ် စကားပြောပြီး အကူအညီတောင်းကြတယ်။ ညနေ ၅နာရီမှာ စစ်လေယာဉ် ၃စီး နိမ့်နိမ့် ကလေး ပျံနေတာ ၁နာရီလောက်ကြာတယ်။

လူတွေက အော်ဆဲ၊ ဓားတွေကို မိုးပေါ်ထောင်ပြနဲ့ မကြောက်ဘူး၊ ချဲမယ် ဆိုပြီး သတ္တိ ပြကြတာ” ဟု အောင်ကျော်က ပြောပြသည်။ “လေယာဉ်ပျံတွေက စာကြဲ ချလိုက်တယ်။ ပိတ်ဆို့မှုတွေ ရှင်းလင်းပြီး လူစုခွဲ ကြဖို့ အမိန့်ပေးစာ ဖြစ်တယ်။ အမိန့်ကို မနာခံရင် မြောက်ဥက္ကလာပ ကို ဗုံးကြဲမယ်လို့လဲ ဆိုတယ်။ ကျွန်တော်တို့ ပိုပြီး အော်ဆဲကြတာ နောက်ဆုံးတော့ လေယာဉ်ပျံတွေ ပျောက်သွားတယ်။ ဒီညမှာဘဲ စစ်သားတွေ ထွက်ပြေး သွားကြတယ်။ ကျွန်တော်တို့က အဓိက မြို့အဝင် လမ်းတွေ အားလုံးမှာ ကင်းချထားကြတယ်။ တစ်ညလုံး သတိနဲ့ နေနေကြတယ်။ ရဲတွေလည်း ကြက်ပျောက် ငှက်ပျောက် ပျောက်သွားကြတယ်။ သူတို့စခန်းတွေက ရိုင်ဖယ်တွေ တစ်ပုံကြီးပဲ ကျွန်တော်တို့ သိမ်းယူလိုက်ကြတယ်။ စစ်တပ်က မြောက်ဥက္ကလာပကို ဝင်လာရဲရင် ကျွန်တော်တို့ ခုခံ တိုက်ခိုက် ဖို့ အသင့် ပြင်ထားကြတယ်” ဟု အောင်ကျော်က ဆိုသည်။အသက် ၂၈နှစ် အရွယ်ရှိ ကချင် အမျိုးသား အဆိုတော် မွန်းအောင် အင်းစိန်မြို့ ဆန္ဒပြပွဲများ၌ ပါဝင်ခဲ့သည်။

“စစ်တပ်က လမ်းပိတ်လိုက်လို့ ရန်ကုန်မြို့လယ်ကို ရောက်လာတာ၊ ကျွန်တော်တို့ လူအုပ် နည်းနည်းလေး ရယ်။ ဒါပေမဲ့ အင်းစိန် ကားဂိတ်မှာ ဆန္ဒပြပွဲ နေ့တိုင်း ရှိနေတာပဲ။ အောင်လံတွေ လွှင့်၊ ဆိုင်းဘုတ်တွေ ကိုင်၊ ကြွေးကြော်သံတွေ ဟစ်နဲ့ ချီတက် ဆန္ဒပြကြတယ်။ လူထောင်နှင့် ချီပြီး ဆန္ဒပြ ပျော်ရွှင်နေကြတယ်။ ဒါပေမဲ့ ၁၀ရက် ဗုဒ္ဓဟူးနေ့ မွန်းလွဲ ၃နာရီမှာ စစ်တပ်က ပစ်တော့တာပဲ။ ဆန္ဒပြသူတွေရော ဈေးဝယ်သူတွေပါ သေဆုံးကြရတယ်။ စစ်သားတွေဟာ အတော်ငယ်ကြတယ်။ အရပ်သားတွေကိုလည်း ရန်သူလို သဘောထားပုံရတယ်။ လူစုမြင်ရင် ဝန်မလေးဘဲ ပစ်သတ်ကြတယ်။ ဒဏ်ရာရသူတွေ သေဆုံးသူတွေ အားလုံးကို စစ်ကားကြီး တွေနဲ့ သယ်ယူသွားကြတယ်”
ယင်း တစ်ပတ်လုံးပင် စစ်နိုင်မှာ ရန်ကုန်ဆေးရုံကြီး၌ လုပ်အားပေးနေခဲ့သည်။

စစ်တပ်မှ ဆေးရုံ ဝင်းတွင် ပစ်ချ ထားခဲ့ ကြသော ဒဏ်ရာရသူများကို ခွဲစိတ်ကုသရာ၌ သူသည် ဆရာဝန်များ၊ သူနာပြု ဆရာမများကို ကူညီနေခဲ့သည်။
“ဆေးရုံ အမှုထမ်းတွေက ဒဏ်ရာရလာတဲ့ ကျောင်းသားတွေ၊ ကလေးတွေကို မြင်တော့ ငိုကြတယ်။ ဒါပေမဲ့ သူတို့ရဲ့ တာဝန်ကို ကျေပြွန်စွာ ထမ်းဆောင်ကြတယ်။ သူတို့ဟာ စစ်တပ်ကို ဒေါသထွက်လွန်းလို့ ဒဏ်ရာရလာတဲ့ စစ်သားတွေကို ကုပေးဖို့ ငြင်းဆိုကြတယ်။ ဆေးရုံတိုင်းဟာ ငိုယို ညည်းညူ နေကြတဲ့ လူငယ်တွေနဲ့ ပြည့်ကြပ်နေတာပဲ”

၉ရက်နေ့ တွင် ဒဏ်ရာရခဲ့သော ဆန္ဒပြသူ တစ်ရာကျော်ကို ရန်ကုန်ဆေးရုံကြီး သို့ ယူဆောင်ခဲ့ကြသည်ဟု စစ်နိုင်က ပြောသည်။ အများစုမှာ အလုပ်သမား ရပ်ကွက်များ ဖြစ်သော မြောက်ဥက္ကလာပ၊ တောင်ဥက္ကလာပ၊ သင်္ဃန်းကျွန်း၊ သာကေတ တို့မှာ ဖြစ်ကြသည်။ သာကေတ တံတားကို ဖြတ်ကူးရန် ကြိုးစားကြသော ဆန္ဒပြသူများကို ရေတပ်မှ စစ်သားများက ပစ်ခတ်ခဲ့သည်။ သေဆုံးကြသူ အများစုမှာ အသက် ၁၆နှစ် နှင့် ၂၂နှစ်ကြား လူငယ်များ ဖြစ်ကြသည်။ စစ်နိုင် မြင်ခဲ့ရသည့် အငယ်ဆုံးမှာ ကာကွယ်ရေး ဝန်ကြီးဌာန၌ တစ်နေကုန် ပစ်ထားခြင်း ခံခဲ့ရသော ၁၅နှစ် အရွယ် ကလေးငယ်တစ်ဦး ဖြစ်သည်။ ထို ကလေးအား စစ်ကား တစ်စီး ဖြင့် ရန်ကုန် ဆေးရုံကြီးသို့ ရောက်ရှိလာချိန်တွင် အလွန်နောက်ကျ ခဲ့လေပြီ။ တစ်နာရီ အကြာတွင် သွေးလွန်၍ သေဆုံးသွားခဲ့သည်။

၉ရက်နေ့တွင် သင်္ဃန်းကျွန်း မြို့မှ အထက်တန်းကျောင်းသူ ကျောင်းသား တစ်စု ချီတက်ခဲ့ကြလေသည်။ ချီမတက်မီ ဆရာ ဆရာမများက စစ်သားများနှင့် တွေ့လျှင် မိမိတို့နှင့် ပူးပေါင်းပါရန် စည်းရုံး ကြပါဟု မှာကြားလိုက်သည်။ ကျောင်းသူကျောင်းသား ကလေးများသည် လမ်းပိတ်ထားသော လမ်းပိတ်ထားသော စစ်သားများနှင့် ရင်ဆိုင်တိုးသော အခါ မှာကြားလိုက်သည့် အတိုင်းပင် တသွေမတိမ်း ပြုလုပ်ကြလေသည်။ ယင်း ဆယ်ကျော်သက် အရွယ်များကို စစ်သားများက လမ်းမပေါ်တွင် ဒူးထောက်၍ ခေါင်းပေါ်သို့ လက်တင်ခိုင်းကြသည်။ ထို့နောက်တွင် ရိုင်ဖယ်အသံများ ဆူညံသွားတော့သည်။ လူငယ်များစွာ သေဆုံးခဲ့၍ ကျန်သူများ ထွက်ပြေးသွား ကြသည်။ ရန်ကုန်ဆေးရုံကြီးသို့ ထွက်ပြေး ရောက်ရှိ လာသူ ဒဏ်ရာများနှင့် ကလေး တစ်ဦးက ဒေါသဖြစ်နေကြသော ဆရာဝန်များ သူနာပြုများအား ယင်း ဖြစ်ရပ်ကို အောက်ပါအတိုင်း ပြောပြခဲ့သည်။

“အဆိုးဆုံးနေ့ကတော့ ၁၀ရက် (ဗုဒ္ဓဟူးနေ့)ပဲ။ စစ်ကားတွေဟာ ရန်ကုန်တစ်ဝိုက်က လူသေ တွေရော ဒဏ်ရာရသူတွေ ကိုပါ သယ်ယူလာပြီး ဆေးရုံကြီးမှာ ပစ်ချလိုက်တယ်။ တစ်ချို့ကလေးတွေ ဆိုရင် ခြေတွေ၊ လက်တွေမှာ သေနတ် ဒဏ်ရာ၊ ရင်ဘတ်နဲ့ လည်ပင်းတွေမှာ လှံစွပ် ဒဏ်ရာတွေနဲ့ ပွင့်ထွက်နေကြတယ်။ တစ်ချို့ဆို ပုံပျက်ပန်းပျက်ပဲ။ အလောင်း အများအပြား ကတော့ ကိုယ်တုံးလုံးနဲ့ ယောက်ျားတွေ၊ ပြီးတော့ ဘုန်းကြီးအလောင်း တွေ ဖြစ်တယ်။ စစ်သားတွေက ဒီအလောင်းတွေကို ဆေးရုံကြီးမှာ ပစ်မချခင် သင်္ကန်းတွေကို ချွတ်ပစ်ခဲ့ကြတယ်။ ကျွန်တော် ရေတွက်ကြည့်တော့ အလောင်း ၁၆၀လောက် ရှိတယ်။ ဒဏ်ရာရသူတွေက ရာနဲ့ ချီနေတာပဲ။ ဒါက ဆေးရုံကြီးမှာပဲ ရှိသေးတယ်။

ရန်ကုန် အခြား ဆေးရုံတွေမှာလည်း အများကြီး ရှိသေးတယ်။ ဒီသြဂုတ်လ ၁၀ ရက်နဲ့ ၁၂ရက် ကြားမှာ စစ်တပ်က ပစ်လို့ သေတဲ့လူ ၁၀၀၀ ထက်မနဲဘူး”
အဆိုးဆုံးသော ဖြစ်ရပ်တစ်ခုမှာ၁၀ရက်နေ့တွင်ရန်ကုန် ဆေးရုံကြီး ရှေ့၌ ဖြစ်ပွားခဲ့
သည်။ မွန်းလွဲ တစ်နာရီ ခန့်တွင် အသက် ၂၂နှစ်ရှိ ဆေးကျောင်းသား ကိုကို ဆေးရုံကြီး သို့ ရောက်လာရာ အရေးပေါ် ဌာနရှေ့တွင် လူအုပ်ကြီးကို တွေ့ရှိခဲ့သည်။

“လူတစ်ချို့က ‘ဒဏ်ရာရသူများကို ကုသနေကြသော ဆရာဝန်များ၊ သူနာပြုများ၊ ဆေးရုံ အလုပ်သမားများက အပစ်အခတ် ရပ်စဲရန် တိုက်တွန်းပါ၏’ ဆိုတဲ့ ဆိုင်းဘုတ်ကြီး တစ်ခုကို သွေးနဲ့ ရေးနေကြတယ်။ ဒဏ်ရာရသမျှ လူတွေကို ကြည့်ဖို့ လူမလောက်ဘူး။ ဆေးရုံမှာ သွေး၊ မေ့ဆေး၊ ပတ်တီးတွေ ကုန်နေပြီ၊ ခဏကြတော့ ဆေးရုံထဲက သူနာပြု ဆရာမ တစ်စု ထွက်လာကြတယ်။ အမျိုးသားအောင်လံကို ကိုင်ဆောင်ထားပြီး ခုနက ဆိုင်းဘုတ်ကိုလည်း သယ်လာကြတယ်။ သူနာပြု ဆရာ ဆရာမတွေနဲ့ ရောပြီး ချီတက်ရတာ လုံခြုံလိမ့်မယ်ထင်ပြီး ကျွန်တောလည်း သူတို့နဲ့ အတူ လိုက်သွားခဲ့တယ်။

ကျွန်တော်တို့ သူနာပြု ဆရာမ အဆောင်ဖက် အကွေ့မှာ စစ်ကားတစ်စီး လာနေတာကို မြင်ရတယ်။ ပစ်လိမ့်မယ်လို့ မထင်ခဲ့မိဘူး။ ဒေါသထွက်နေကြတဲ့ လူတစ်ချို့က ဆေးရုံဝင်း တံတိုင်းကို ကျော်ပြီး စစ်သားတွေကို ဆဲကြတယ်။ ပြီးတော့ သေနတ်သံ တစ်ချက် ကြားလိုက်ရတယ်။ နောက်တစ်ချက်။ ဒီနောက် အော်တို မစ်တစ် ရိုင်ဖယ် သံတွေ ဆူညံသွားတာပဲ။ ဆေးရုံ အမှုထမ်း လူတန်းကြီး ထဲကို ပစ်ထည့်လို့ ဆေးရုံကြီး ရှေ့ သွေးအိုင်တွေ ထဲမှာ သေတဲ့ သူတွေ လူးလှိမ့် နေကြတဲ့ သူတွေ ကိုယ်တိုင် တွေ့ခဲ့ရတယ်။ ဆေးရုံထဲ ကူသယ်ပေးခဲ့တယ်။ သူတို့ရဲ့ ဆေးရုံ ဝတ်စုံ အဖြူမှာ သွေးတွေ ရဲနေတာ မြင်ရတော့ လူတွေ ငိုကြတယ်”

သူနာပြု ဆရာမ နှစ်ဦးနှင့် ဆရာ တစ်ဦး ပြင်းထန်စွာ ဒဏ်ရာ ရရှိပြီး ကျန်နှစ်ဦး၏ ဒဏ်ရာတို့မှာမကြီးလှချေ။ ဆေးရုံကြီးတွင် သွေးလှူ နေကြသူများ၊ ဆွေမျိုးသားချင်းများကို ရှာဖွေနေကြသူများ အများအပြား သေဆုံးခဲ့ကြသည်။ ပစ်ခတ်သည့် အချိန်မှာ မွန်းလွဲ ၁နာရီခွဲခန့် ဖြစ်သည်။ နာရီဝက် အကြာတွင် စစ်သားများ ပြန်လှည့်လာပြီး ဆေးရုံကို ပစ်ခတ်ကြပြန်သည်။ ဤတစ်ကြိမ်တွင် အထိအခိုက် မရှိချေ။ ထိုနေ့တွင်ပင် ဆေးရုံဝန်ထမ်းများနှင့် လူအချို့သည် ဆေးရုံကြီး ရှေ့၌ ပန်းများ၊ ပန်းခွေများ ဘုန်းကြီးထီးများဖြင့် ဖြစ်သလို လွမ်းသူ ဗိမာန်များ ဆောက်လုပ် လိုက်ကြသည်။ ဆေးရုံကြီး ပစ်ခတ်မှုမှာ ရန်ကုန် တစ်ခွင် ပြန့်နှံ့ ခဲ့သည်။ လူတိုင်း၏ အသက်ကို ကယ်ဆယ်ရန် တာဝန် ထမ်းဆောင် နေကြသည့် ဆေးရုံ ဝန်ထမ်းများကို ပစ်ခတ်သည် ဟူသော အတွေးဖြင့် စစ်တပ်ကို စက်ဆုတ် ရွံရှာပြီး ဒေါသမီး အရှိန်မှာ ပိုပြင်းလာခဲ့သည်။

“ဆေးရုံကြီး ပစ်ခတ်မှုဟာ လူထုနဲ့ စစ်တပ်ကြား လမ်းခွဲတဲ့ အကွေ့ တစ်ခု ဖြစ်တယ်။ စစ်တပ်မှာ အမှုထမ်း တာဟာ ဂုဏ်ထူး တစ်ခု ဖြစ်တယ် ဆိုတဲ့ နေ့ရက် တွေကို ပြန်ရဖို့ ဆိုတာ လုံးဝ မဖြစ်နိုင် တော့ဘူး။ ကျွန်တော်တို့ နေ့ရော ညပါ အလုပ်လုပ် ကြတယ်။ နေရာ မရွေး အချိန်မရွေး ကြုံသလိုပဲ အိပ် ကြတယ်။ လူတိုင်းက စိတ်မှ မရွှင်ကြတာ။ တစ်ချို့ဆို အူလှိုက် သဲလှိုက် ငိုကြတယ်။ စစ်သားတွေ ကျွန်တော်တို့ ဘက် ပါလာလိမ့်မယ်လို့ ထင်ခဲ့ကြတာ။ ကိုယ့် ပြည်သူတွေကို ဘာကြောင့် ဒီလို ပစ်သတ်ရက်တယ် ဆိုတာ နားမလည် နိုင်ဘူး” ဟု စစ်နိုင်က ပြောပြသည်။

၁၁ရက်နေ့တွင် ရန်ကုန် ဆေးရုံကြီးသို့ သွားရောက်ခဲ့သည့် ပီတာကောနားဒ်က “လူတိုင်း ဒေါသထွက်နေကြတယ်။ ဆေးရုံ နံရံ ပေါ်က ကျည်ဆံရာတွေကို အမှုထမ်းတွေက သေသေချာချာ မြေဖြူနဲ့ ဝိုင်းပြထားတယ်။ ကပ်ထားတဲ့ ပိုစတာ တွေလဲ အများကြီးပဲ။အစိုးရက ပစ်သတ်တာတွေကို ရှုတ်ချကြတယ်။ ဆေးရုံ အခန်းတွေမှာတော့ ဒဏ်ရာရသူတွေနဲ့ ပြည့်ကြပ်နေတာပဲ။ သူတို့ကို မရှိတဲ့ ကြားက ရသမျှ ဆေးဝါးတွေနဲ့ ကုသ ကြတယ်။ ဒီ့ အပြင် ဒဏ်ရာရတဲ့ လူတွေကို ဆေးရုံ ခေါ်မလာကြဘူး ဆိုပဲ။ စစ်တပ်က မှတ်တမ်း ယူမှာနဲ့ ဖမ်းသွားမှာ ကြောက်တယ်လို့ မိဘ ဆွေမျိုးတွေက ပြောကြတယ်။ ဆေးဝါး ကုသမှု မရှိဘဲ အိမ်မှာ သေတဲ့ လူတွေလည်း အများကြီးပဲ” ဟု ဆိုသည်။

ထို ကြောက်ရွံ့မှု များမှာ အကြောင်းမဲ့ မဟုတ်ချေ။ ပစ်သတ်မှု များသည် ညများတွင် အမေရိကန် သံရုံးမှ ကားများ ဒဏ်ရာရသူများကို ကောက်ယူကာ ဆေးရုံသို့ ပို့ပေးနေသည် ဟူသော ကောလာဟလ သတင်းများ ထွက်ခဲ့သည်။ တစ်ခါတစ်လေ မှန်သော်လည်း စစ်နိုင်သည် ထူးဆန်းသော ကြုံကြိုက်မှု တစ်ခုကို ရန်ကုန် ဆေးရုံကြီးတွင် လုပ်အားပေးနေခဲ့သော ည တစ်ညတွင် ကြုံတွေ့ ခဲ့ရသည်။
“ဗန် အဖြူ ၄စီး ဟာ ဆေးရုံကို ရောက်လာပြီး လူသေ အလောင်းတွေ ဒဏ်ရာရသူတွေကို လာယူကြတယ်။ ဒရိုင်ဘာ တွေက သူတို့ အမေရိကန် သံရုံးက လာတာ။ အမေရိကန် တွေက ဒဏ်ရာ ရသူတွေကို သူတို့ သံရုံးမှာ ဆေးကု ပေးမယ်လို့ ပြောတယ်။ ဒါတွေ အားလုံးဟာ ထူးဆန်းနေလို့ ကားနှစ်စီးရဲ့ နံပါတ်တွေကို မှတ်ထားလိုက်တယ်”

ကားနံပါတ်များမှာ ဇ/၁၄၄၈ နှင့်ဇ ၄၂၂၇ တို့ ဖြစ်ကြသည်။ နောင်တွင် အမေရိကန် သံရုံးကို မေးကြည့်သော အခါ သံရုံး၌ ဤကား နံပါတ် မရှိကြောင်း အတိအကျ ပြန်ပြောသည်။ မည်သို့ပင် ဆိုစေ ရန်ကုန်မြို့ လူထု မှတ်မိသည်မှာ သူရဲ သူဘက် စီးသော ရက်သတ္တပတ်၏ ညတိုင်းတွင် ကြံတော သုသာန် မီးသင်္ဂြိုလ် စက်မှာ ညလုံးပေါက် မီးခိုးများ အူထွက် နေပြီး နေရာတစ်ခုလုံးကို စစ်သားများက ပိတ်ဆို့ ထားခြင်းပင် ဖြစ်သည်။


**********


မြန်မာ့ အသံမှ သောကြာနေ့ ညတွင် လူသတ်ပွဲများ လမ်းပေါ် တိုက်ပွဲများ ပြီးဆုံးခဲ့ပြီ ဖြစ်ကြောင်း ကြေညာသည်။ သတင်း ကြေညာသူသည် နိုင်ငံတော် ကောင်စီ အတွင်းရေးမှူး ဦးကျော်ထင် လက်မှတ် ထိုးထားသော ကြေညာချက် တစ်ခု ကို ဖတ်ကြားလိုက်သည်။

“ဦးစိန်လွင် သည် နိုင်ငံတော် ကောင်စီ ဥက္ကဋ္ဌ ရာထူးမှ လည်းကောင်း၊ နိုင်ငံတော် သမ္မတ ရာထူးမှ လည်းကောင်း၊ မွန်ပြည်နယ် မဲဆန္ဒနယ် အမှတ် (၂) ပြည်သူ့ လွတ်တော် ကိုယ်စားလှယ် အဖြစ်မှ လည်းကောင်း နှုတ်ထွက်ခွင့် ပြုပါရန် တင်သွင်းခဲ့သည်။ ရာထူးမှ နှုတ်ထွက်ခြင်း၊ အစားထိုးခြင်း၊ ရွေးချယ်တင်မြောက်ခြင်း ဆိုင်ရာ အခန်း ၄ ၏ စည်းမျဉ်းများ အရ ဦးစိန်လွင်အား နိုင်ငံတော် ကောင်စီ ဥက္ကဋ္ဌ ရာထူးမှ လည်းကောင်း၊ နိုင်ငံတော် သမ္မတ ရာထူးမှ လည်းကောင်း၊ ပြည်သူ့လွှတ်တော် ကိုယ်စားလှယ် အဖြစ်မှ လည်းကောင်း ယနေ့ ၁၉၈၈ခု သြဂုတ်လ ၁၂ ရက်နေ့မှ စ၍ နှုတ်ထွက်ခွင့် ပြုလိုက်သည်”

မိနစ်ပိုင်း အတွင်းမှာပင် အိမ်တိုင်းမှ လူများ တစ်ဦးပြီး တစ်ဦး ထွက်လာပြီး အချင်းချင်း ဖက်လှဲတကင်း ပြုကာ မျက်ရည် ရွှမ်းသော မျက်လုံးများဖြင့် ရယ်မောလျက် လမ်းတလျှောက် အစုံအဆန် ကခုန်ကြသည်။ အိမ်ရှင်မများသည် မီးဖိုချောင်တွင် အိုးခွက် ပုဂံများကို တီးကာ အောင်ပွဲ ခံကြသည်။ အသက်ပေါင်းများစွာ ဆုံးရှုံးခဲ့ရသော သွေးပင်လယ်ထွန်းသည့် ရန်ကုန်မြို့၏ ၅ ရက်တာ ကာလ နိဂုံးသည် ပျော်ရွှင်မှု လွှမ်းသော ညတစ်ည ဖြစ်ခဲ့သည်။

*********

မူရင်း-ဘာတီးလင့်တနာ Bertil Lintner- "Outrage Burma struggle for Democracy" first Burmese edition published in the UK in 1990 by Peacock press, Edinburgh. Scotland စာအုပ်ကို စံဝင်းမောင် နှင့် မင်းမျိုးနိုင် တို့ ဘာသာပြန်ထားသော “ဒေါမာန်ဟုန်- ဗမာပြည် ဒီမိုကရေစီတိုက်ပွဲ” အခန်း(၄) “သားသတ်သမား” အား မူရင်းအတိုင်း မျှဝေပါသည်။
ဓာတ်ပုံ- ၈.၈.၈၈ ရန်ကုန်မြို့လမ်းမပေါ်တွင် ကျောင်းသားများက စစ်သားများအား မပစ်ခတ်ရန် တောင်းပန် နေစဉ်

နောက်ထပ် အခန်းဆက်များအား ဆက်လက်ဖော်ပြပါဦးမည်။
လေးစားစွာဖြင့်
Kyaw Naing
July/18/2013