Sunday, December 22, 2013

" ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်ပြီး ကိုကိုကြီးရဲ့ ဟောပြောချက် "

 
 
============================================ ''ဖွဲ့ စည်းပုံပြင်ဖို့ အတွက် အဓိက ဘာပြင်ရမလဲဆိုတော့ စိတ်နေစိတ်ထားတွေကို ပြင်ရမယ်.. ကိုယ်ကျိုးအတ္တတွေကို ရှေ့ တန်းတင်တဲ့ ကိုယ့်တယောက်စာ၊ ကိုယ့်တဖွဲ့ စာကိုဘဲ ကြည့်တဲ့သဘောထားတွေကို ပြင်ရမယ်.. မတူတာ ပြဿနာမရှိဘူး ဒါ သဘာဝဘဲ.. သူက လုံခြုံရေးရှုထောင့်ကနေပြီးတော့ လိုအပ်ပါတယ်လို့ ပြောနေတဲ့ ကိစ္စဟာ တခါတလေမှာ သူ့ အကျိုးစီးပွားနဲ့ ရောနေတာကို သတိမပြုမိဘဲနဲ့ .. နိုင်ငံတော်လုံခြုံရေးအတွက် ငါပြောနေတာဆိုတဲ့ အကာအကွယ်သဘောမျိုးနဲ့  တခါတလေမှာ သိရက်နဲ့ ဖြစ်စေ၊ အမှတ်တမဲ့ဖြစ်စေ ကိုယ့်ဥစ္စာ ကိုယ်မှန်တယ်လို့ ခံယူထားတယ်.. ဒီဖြစ်တဲ့ ဖွဲ့ စည်းပုံတွေ အားလုံးဟာ နိုင်ငံတော်လုံခြုံရေး ဆိုတဲ့ဟာကို အလေးပေးပြီးတော့ အဲဒီ့ရှုထောင့်ကနေပြီးတော့ ရေးသားထားတာ.. ဘာအားနည်းနေလဲဆိုတော့ State security ကိုဘဲ ဦးစားပေးတဲ့အချိန်မှာ့ Human security လူသားတွေရဲ့ လုံခြုံရေးရှုထောင့်ကို ကျွန်တော်တို့ ဆီမှာ တွေးလေ့တွေးထ မရှိဘူး..စဉ်းစားလေ့စဉ်းစားထ မရှိဘူး.. နိုင်ငံတော်ဆိုတဲ့ဘာမှန်းမသိတဲ့ဟာကြီးကိုဘဲ ပုံဖော်ပြီးတော့ ဥပဒေကိုရေးဆွဲတယ်..တကယ်တော့ Human security လူသားတစ်ဦးချင်း၊ နိုင်ငံသားတစ်ဦးချင်းရဲ့ လုံခြုံမှုကို ဦးစားပေးတဲ့ စိတ်နေစိတ်ထားမျိုး၊ အတွေးအခေါ်မျိုးပေါ်လာမှ ဒီဖွဲ့ စည်းပုံက လူတစ်ဦးချင်း ၊ နိုင်ငံသားတစ်ဦးချင်းကို အကာကွယ်ပေးတဲ့ ဖွဲ့ စည်းပုံ ဖြစ်ရမယ်.. ဘာတွေပါမလဲဆိုတော့ စားဝတ်နေရေးလုံခြုံမှု.. နိုင်ငံတော်ဆိုတဲ့ဘာမှန်းမသိတဲ့ဟာကြီးရဲ့ လုံခြုံရေးအတွက် ကျွန်တော်တို့ ငတ်နေရမယ်ဆိုတာကြီးက သဘာဝမကျဘူး.. နိုင်ငံတော် လုံခြုံရေးအတွက် တပ်မတော်အင်အားရှိမှဖြစ်မယ်.. တို့ ရသမျှပိုက်ဆံတွေအားလုံး စစ်တပ်အသုံးစရိတ်ထဲမှာ သုံးရမယ်ဆိုရင်.. နိုင်ငံတော်လုံခြုံရေးဆိုပြီး ကျွန်တော်တို့ က ဗိုက်ဟောင်းလောင်းနဲ့ ကိုယ်တုံးလုံးနဲ ့နေနေရမယ်.. ဆေးမကုနိုင်ဘူး..စာမသင်နိုင်ဘူး.. အဲဒါဘာလဲဆိုတော့ နိုင်ငံတော်လုံခြုံရေးဆိုတာကြီးကို ဇောင်းပေးပြီးတော့ ချဉ်းကပ်တဲ့အခါမှာ မှန်မလိုလိုနဲ့ လွဲနေတာ.. ဟုတ်ပြီ ..တကယ် ကျွန်တော်တို့ ဘက်ကလည်း စဉ်းစားရမှာက ဟုတ်တယ်.. ဒို့ နိုင်ငံတော်လုံခြုံရေးအတွက် ငါတို့ စစ်တပ်ပမာဏ ဘယ်လောက်ရှိရမလဲ.. ငါတို့ စစ်တပ်ရဲ့ အရည်အသွေး ဘယ်လောက်ရှိရမလဲ ဆိုတာကို စစ်ခေါင်းဆောင်တွေကချည်းပဲ ဆုံးဖြတ်ရမှာ မဟုတ်ဘူး.. ကျွန်တော်တို့ ပါ တာဝန်ရှိတယ်.. ဟုတ်တယ်..ငါတို့ စစ်တပ်ဟာ အိမ်နီးချင်းနိုင်ငံတွေနဲ့ ယှဉ်ရင် ဘယ်လောက်ဖြစ်ရမယ်၊ဘယ်လိုဖြစ်ရမယ် ဆိုတာမျိုး ကျွန်တော်တို့ လည်း ဝိုင်းပြီးတော့ စိုးရိမ်သောကဖြစ်မယ်.. ကျွန်တော်တို့ လည်း ဝိုင်းပြီးတော့ ပူပန်မယ်.. ကျွန်တော်တို့ ကို စိုးရိမ်ခွင့်ပေးပါ.. နိုင်ငံတော်လုံခြုံရေးမှာ ကျွန်တော်တို့ လည်း စိုးရိမ်ခွင့်ရှိတယ်.. ကျွန်တော်တို့ လည်း စိုးရိမ်ခွင့်ပေးပါလို့  ကျွန်တော်တို့  စစ်ခေါင်းဆောင်တွေကို တောင်းရလိမ့်မယ်....... တချိန်တည်းမှာဘဲ..အဲဒီ့ နိုင်ငံတော်လုံခြုံရေးဆိုတာကြီးဘဲ ထပ်ခါတလဲလဲ ကျယ်ကျယ်လောင်လောင် ပြောနေတဲ့ ပုဂ္ဂိုလ်များအတွက်ကိုလည်း..ခင်ဗျားတို့  လူသားလုံခြုံရေးကိုလည်း အလေးထားပါ.. နိုင်ငံသားတွေရဲ့ စားဝတ်နေရေးလုံခြုံရေး.. ကျန်းမာရေးဆိုင်ရာလုံခြုံရေး.. ပညာရေးဆိုင်ရာလုံခြုံရေး... ပိုက်ဆံမရှိလို့ လေး ငါး တန်း နဲ့ ကျောင်းထုတ်လိုက်ရတယ်.. အဲ့ဒါ သူ့ ရဲ့ လုံခြုံရေး.. ပိုက်ဆံမရှိလို့ မသေသင့်ဘဲနဲ့ သေသွားရတယ် မီးဖွားခန်းထဲမှာ သေဆုံးသွားရတဲ့ ပမာဏတွေ ဘယ်လောက်များနေမယ်ဆိုတာ..အဲ့ဒါ Human security .. ဒီနေ့ အလုပ်လုပ်နေတာ မနက်ဖန် အလုပ်ပြုတ်မလား အာမခံချက်မရှိတာ Job security ..လုပ်ငန်းခွင်လုံခြုံရေး..အဲဒါ နိုင်ငံသားတွေရဲ့ လုံခြုံရေး.. အဲဒီ့ Human security ရှုထောင့်ကနေမကြည့်ဘဲနဲ့ ၊ ကြည့်ဖို ့မကြိုးစားဘဲနဲ့  ဒီဖွဲ့ စည်းပုံအခြေခံဥပဒေကို ပြင်ဆင်နေအုံးမယ်ဆိုရင်လဲဘဲ မည်ကာမတ္တဘဲ.. ဒါ ကျွန်တော်.. တစ်ဦးချင်းကို ပြောတာ.. အရေးကြီးဆုံး တိုင်းရင်းသားတွေ ကိစ္စပြောမယ်.. တိုင်းရင်းသားတွေရဲ့ စိတ်ပိုင်းဆိုင်ရာလုံခြုံမှု.. ငါတို့ ဟာ ကချင် လို့ ပြောလိုက်လို့ ..ငါတို့ ဟာ ကရင် လို့ ပြောလိုက်လို့ .. စစ်တက္ကသိုလ်တက်ခွင့်မရဘူး..ငါတို့ ရာထူးတိုးခွင့်မရဘူးဆိုရင်.. အဲ့ဒီတိုင်းရင်းသားတွေရဲ့ လုံခြုံရေး ဘယ်မှာလဲ.. ငါတို့ ဒေသကို ငါတို့ စီမံအုပ်ချုပ်ခွင့်မရဘူး.. ငါတို့ ဒေသမှာရှိတဲ့ သယံဇာတတွေကို ငါတို့ ပိုင်ဆိုင်ခွင့်မရှိဘူးဆိုရင်..သူတို့ လုံခြုံရေး ဘယ်မှာလဲ.. ဆိုတော့ ကျွန်တော်တို့ ဖွဲ့ စည်းပုံအခြေခံဥပဒေပြင်တော့မယ်ဆိုတဲ့အခါမှာ နိုင်ငံရေးအရ အရေးပါတဲ့ သဘောထားတွေ ဆန္ဒတွေ.. အဲ့ဒါတွေဟာ လွတ်လွတ်လပ်လပ်နဲ့ ...တစ်ခုတော့ရှိတယ်.. လက်တွေ့ ကျကျနဲ့ ..တစ်ဆင့်ပြီးတစ်ဆင့်.. တထိုင်တည်းမှာ ပြဿနာအားလုံးကို ပြေလည်လိမ့်မယ်လို့  ကျွန်တော်တို့ မျှော်လင့်ချက်ထားလို့ မရပါဘူး.. အဲဒါ ကျွန်တော်တို့ လက်တွေ့ ကျဖို့ လိုပါတယ်.. အရင်ဆုံးက ဖွဲ့ စည်းပုံမပြင်ခင်မှာစိတ်နေစိတ်ထားတွေ ပြင်ဖို့ .. ကျွန်တော်တို့ ရဲ့ ရှုထောင့်မြင်ထောင့်တွေ ပြောင်းဖို့ .. နိုင်ငံတော်လုံခြုံရေးလို့ ပြောရင် ကျွန်တော်တို့ က ဒါ စစ်တပ်ကြီးစိုးဖို့ လုပ်နေတာဘဲဆိုပြီး ကျွန်တော်တို့ ကလည်း ဆန့် ကျင်မယ် ချမယ် ဆိုတာဘဲ ကျွန်တော်တို့ က အမြဲတမ်း ကျွန်တော်တို့ မြင်နေတယ်.. အဲ့တော့ ကျွန်တော်တို့ ဘက်က ဘာပြင်ရမှာလဲဆိုတော့.. ဟုတ်တယ် နိုင်ငံတော်လုံခြုံရေးဆိုတာလည်း ငါတို့ နိုင်ငံသားတွေ အလေးအနက်ထားရမယ့်ကိစ္စလို့  ကျွန်တော်တို့ ဘက်ကလည်း ပြင်မယ်.. ကျွန်တော့် စစ်သား ငတ်တလှည့် ပြတ်တလှည့်နဲ့  ထမင်းခြောက်ရေစိမ်စားပြီး နပ်မမှန်ဘဲ တိုက်ရတဲ့ စစ်သားမျိုးထက် ချောကလက်စားပြီး တိုက်ရတဲ့ စစ်သားဖြစ်ချင်တာပေါ့......... ဆိုတော့ ဒီစစ်သား တွေနဲ့ ပက်သက်ပြီး ကျွန်တော်တို့  တပ်မတော်နဲ့ ပက်သက်ပြီး စိုးရိမ်သောက ကျွန်တော်တို့ မှာလည်းရှိတယ်.. ကျွန်တော်တို့ လည်း ဝိုင်းစဉ်းစားမယ်.. အဲ့ဒီလိုဘဲ နိုင်ငံတော်လုံခြုံရေးရှုထောင့်သက်သက်က စဉ်းစားတဲ့သူများအနေနဲ့ လည်း တိုင်းရင်းသားတွေရဲ့ တန်းတူညီမျှမှု... နိုင်ငံသားတစ်ဦးချင်းရဲ့  လုံခြုံရေးကို ထည့်သွင်းစဉ်းစားတတ်တဲ့ စိတ်နေစိတ်ထားမျိုး အရင်ဆုံးပြောင်းဖို့ လိုတယ်.. အဲဒီ့ စိတ်နေစိတ်ထား မပြောင်းဘဲနဲ့ ဖွဲ့ စည်းပုံအခြေခံဥပဒေကို ပြင်ဆင်ရေး ဆိုပြီးတော့ ကိန်းဂဏန်းတွေ အချက်အလက်တွေနဲ့ ၇၅ ၂၅ ၄၄၀ ၁၁၀ အဲ့ဒါတွေ လျှောက်ပြောနေရုံသက်သက်နဲ့ ကတော့ ကျွန်တော်တို့  ဒီဖွဲ့ စည်းပုံကို ပြောင်းတာ အလကားဘဲ... အဲဒီတော့ ကျွန်တော်တို့ ပြည်သူတွေကြားထဲမှာလည်း ပြောချင်တာက ကျွန်တော်တို့ နိုင်ငံကို ကျွန်တော်တို့ လက်တွေနဲ့ တည်မယ်.. တစ်ဦးချင်းပါဝင်ပြီး တည်ဆောက်တဲ့ နိုင်ငံတော် ဖြစ်အောင်လုပ်မယ်.. အဲ့ဒါဟာ ဖွဲ့ စည်းပုံအခြေခံဥပဒေပြင်ဆင်ရေးရဲ့ အခြေခံအုတ်မြစ်၊ အယူအဆ၊ စိတ်နေသဘောထားဖြစ်တယ်လို့ ပြောကြားရင်းနဲ့ နိဂုံးချုပ်ပါတယ်.. ကျွန်တော်တို့ နိုင်ငံသားတွေအားလုံး ပူးပေါင်းဆောင်ရွက်ကြပါ.. အားလုံးကိုကျေးဇူးတင်ပါတယ်................ ++++++++++++++++++++++++++++++++++ ၈၈မျိုးဆက်ကျောင်းသားခေါင်းဆောင် ဦးကိုကိုကြီးမှ ဟင်္သာတမြို့ တွင် စက်တင်ဘာလ ၁၇ရက်နေ့ က ကျင်းပပြုလုပ်သော ၂၀၀၈ ဖွဲ့ စည်းပုံအခြေခံဥပဒေ ပြုပြင်ပြောင်းလဲရေးဆိုင်ရာ ဟောပြောဆွေးနွေးပွဲ၌ "ဖွဲ့ စည်းပုံ အခြေခံဥပဒေကို နိုင်ငံရေးရှုထောင့်မှ ရှုမြင် ဟောပြောခြင်း" ခေါင်းစဉ်ဖြင့် ဟောပြောမှုမှ ကောက်နှုတ်ဖေါ်ပြပါသည်။ 88 Generation Hinthada

No comments: