အခြေခံဥပဒေ ပြင်ဆင်ဖို့ ပြည်ခိုင်ဖြိုးပါတီ ဆုံးဖြတ်ပြီ
**************************
၂၀၀၈ အခြေခံ ဥပဒေထဲမှာ ပြင်ဆင်ဖို့နဲ့ ပယ်ဖျက်ဖို့ အချက်ပေါင်း ၇၃ ချက်ကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီရဲ့ ဗဟိုကော်မတီ အစည်းအဝေးက အပြီးသတ် ဆုံးဖြတ်လိုက်ပါတယ်။
လွှတ်တော်ထဲမှာ ကိုယ်စားလှယ် ဦးရေ ၈၀ ရာခိုင်နှုန်းကျော် နေရာရထားတဲ့ အာဏာရ ပါတီကိုယ်တိုင်က တနင်္လာနေ့မှာ အခုလို ဆုံးဖြတ်ခဲ့ကြတာပါ။
နိုင်ငံတလွှားက ကိုယ်စားလှယ်ပေါင်း ၂၀၀ လောက် တက်ရောက်ခဲ့တဲ့ ဒီ အစည်းအဝေးက သဘောတူလိုက်တဲ့ ၂၀၀၈ အခြေခံဥပဒေ ပြင်ဆင်ဖို့နဲ့ ပယ်ဖျက်ဖို့ အချက်တွေထဲမှာ ဒေါ်အောင်ဆန်းစုကြည် သမ္မတ ဖြစ်ရေး အဟန့်အတား ဖြစ်နေတဲ့ အချက်လည်း ပါဝင်ပါတယ်။
ပါတီက အဆိုပြုတဲ့အတိုင်း ဖြစ်လာရင် ဒေါ်အောင်ဆန်းစုကြည် အနေနဲ့ ရွေးကောက်ပွဲဝင်ဖို့ အခက်အခဲ မရှိနိုင်ဘူးလို့ ညီလာခံ တက်ရောက် ခဲ့တဲ့ ကြံ့ခိုင်ဖွံ့ဖြိုးရေးပါတီ ဗဟိုကော်မတီဝင် မကွေးတိုင်း ဒေသကြီး ပြည်သူ့ လွှတ်တော် ကိုယ်စားလှယ် ဦးလှဆွေက ပြောပါတယ်။
အလားတူ တိုင်းဒေသကြီး ဝန်ကြီးချုပ်တွေကို အစိုးရက တိုက်ရိုက်ရွေးတဲ့ စနစ် အစား တိုင်းဒေသကြီး လွှတ်တော်ကနေ ရွေးကောက်ဖို့အတွက်လည်း အကြိတ်အနယ် မဲခွဲပြီး ပြင်ဆင်မယ့် အချက်တွေထဲမှာ ထည့်နိုင်ခဲ့တယ် လို့လည်း ဦးလှဆွေက ပြောပါတယ်။
http://www.bbc.co.uk/
News : BBC
No comments:
Post a Comment