မင်းကွန်းဆရာတော်ဘုရားကြီးကိုယ်တိုင်မိန့်ကြားတော်မူခဲ့တဲ့စကား



" . . . သာသနာ့ အာဇာနည် . . . "  ===================  ကမ္ဘာ့ ဥာဏ်အကောင်းဆုံး လူသားအဖြစ် ဘာသာခြားတို့ ၏ဂင်းနစ်မှတ်တမ်းတင်ခံရသူ ..။  သံဃာတော် အပေါင်းတို့ ၏ ဥသျှောင် သံဃာ့မဟာနာယကကြီးအဖြစ် တာဝန်ထမ်းခဲ့သူ...။ဲမြတ်စွာဘုရားရှင်၏ ညီတော် အရှင်အာနန္ဒာကဲ့သို့  တရားတော်၊ မြတ်ဓမ္မတို့ ရဲ့ ဘဏ္ဍာတိုက် ..။  သူ့ ဥာဏ်တော်ကို အများအကျိုး အတွက်အချိန်ပြည့် မနေမနား အသုံးချပေးခဲ့သူ .. ..။  မျိုးဖျက် အဓမ္မတို့ ၏ ဘာသာရေးလွှမ်းမိုးမှုကို ပေါ်ပေါ်တင်တင် ရဲရဲဝံ့ဝံ့ဆန့် ကျင်ခဲ့သူ ...။  တပည့်သံဃာတော်တွေကို ထိလာလျှင် သူကိုယ်တိုင်ပင် ရှေ့ ကရပ်၍ ကာကွယ်ပေးရဲသူ . .။  မြတ်ဗုဒ္ဓ၏ သာသနာတော်အတွက် အတုယူဖွယ်ရာ နိဗ္ဗာန်ဆော် ပုဂ္ဂိုလ်ကြီး တစ်ပါး . .။  ဘ၀နေ၀င်ချိန်ထိတိုင် လက်နှိပ်စက်တစ်လုံးဖြင့် ဓမ္မစာပေများကို ဘာသာပြန်ဆိုပေးခဲ့သူ ...။  ကျေးဇူးတော်ရှင် မင်းကွန်းဆရာတော် ဘုရားကြီး၏ သေသည်အထိ သာသနာပြုနေပုံ . . .။   Admin - ဒေါက်တာကျော်လွင်  By မြန်မာပြည်မှမြန်မာလူမျိုး ----------------------------------------------------------------------- Posted By : မြန်မာ့သတင်းများစုစည်းရာ (MNC)
" . . . သာသနာ့ အာဇာနည် . . . "

===================

ကမ္ဘာ့ ဥာဏ်အကောင်းဆုံး လူသားအဖြစ် ဘာသာခြားတို့ ၏ဂင်းနစ်မှတ်တမ်းတင်ခံရသူ ..။

သံဃာတော် အပေါင်းတို့ ၏ ဥသျှောင် သံဃာ့မဟာနာယကကြီးအဖြစ် တာဝန်ထမ်းခဲ့သူ...။

ဲမြတ်စွာဘုရားရှင်၏ ညီတော် အရှင်အာနန္ဒာကဲ့သို့  တရားတော်၊ မြတ်ဓမ္မတို့ ရဲ့ ဘဏ္ဍာတိုက် ..။

သူ့ ဥာဏ်တော်ကို အများအကျိုး အတွက်အချိန်ပြည့် မနေမနား အသုံးချပေးခဲ့သူ .. ..။

မျိုးဖျက် အဓမ္မတို့ ၏ ဘာသာရေးလွှမ်းမိုးမှုကို ပေါ်ပေါ်တင်တင် ရဲရဲဝံ့ဝံ့ဆန့် ကျင်ခဲ့သူ ...။

တပည့်သံဃာတော်တွေကို ထိလာလျှင် သူကိုယ်တိုင်ပင် ရှေ့ ကရပ်၍ ကာကွယ်ပေးရဲသူ . .။

မြတ်ဗုဒ္ဓ၏ သာသနာတော်အတွက် အတုယူဖွယ်ရာ နိဗ္ဗာန်ဆော် ပုဂ္ဂိုလ်ကြီး တစ်ပါး . .။

ဘ၀နေ၀င်ချိန်ထိတိုင် လက်နှိပ်စက်တစ်လုံးဖြင့် ဓမ္မစာပေများကို ဘာသာပြန်ဆိုပေးခဲ့သူ ...။

ကျေးဇူးတော်ရှင် မင်းကွန်းဆရာတော် ဘုရားကြီး၏ သေသည်အထိ သာသနာပြုနေပုံ . . .။

ကျနော့်မိတ်ဆွေများအားလုံး
မင်္ဂလာရှိသော ၂၀၁၄ ခုနှစ်ကို ပျော်ရွင်စွာဖြတ်သန်းနိုင်ကြပါစေ။
ဘလော့ဂါ








Sunday, March 9, 2014

"သူ့...ဇတ်ရုပ်..."

 
 
"သူ့...ဇတ်ရုပ်..."
-------------------

သူ့ကိုကြည့်လိုက်ပြီဆိုလျှင် သူ့သွင်ပြင်မှာ နူးညံ့ပျော့ပြောင်းသဖွယ်ရှိသည်။
သူစတင် တာဝန်ယူခဲ့ပြီး အချိန်သိပ်မကြာခင်မှာပင် သူ့က အပြောင်းအလဲကို ဖေါ်ဆောင်လာသူအလား လူတွေရဲ့ ထင်ကြေးပေးခြင်းကို ခံခဲ့ရသည်။
အပြောင်းအလဲကို ဆာလောင်ငတ်မွတ်နေသူတွေကြား
သူဟာ လမ်းစသဖွယ် အထင်တကြီး မှတ်ယူမိကြသေးသည်။
သူသည် ဟိုအရင် က အာဏာရှင် ဗိုလ်ချုပ်မှူးကြီးလိုမဟုတ် နူးညံ့သည်
ညှင်သာသည် ရိုးသားသည်ဟု ထင်ကြေးပေးသူများ
အမှတ်ပေးသူများပင်ရှိခဲ့ကြသည်။

သူကား တစ်ခြားသူမဟုတ် ဟိုအရင် စစ်အာဏာရှင်ဧ။်
ဇတ်ကောင်တစ်ခု၊ မျိုးဆက်တစ်ခုဖြစ်သော သမ္မတဦးသိန်းစိန်။
သူရဲ့ မိန်းခွန်းတွေထဲမှာ သန့်ရှင်းသော အစိုးရ ကောင်းမွန်သော
အုပ်ချုပ်ရေးဆိုသော စကားရပ်ကို လှိုင်လှိုင်သုံး၍ လူတွေရဲ့ အာရုံကိုဖမ်းစားခဲ့သည်။

နိုင်ငံရေးအကျဉ်းသားများအတွက် လွတ်ငြိမ်းချမ်းသာခွင့်များ၊
မြစ်ဆုံစီမံကိန်းရပ်တန့်ပေးလိုက်ခြင်း၊ ဒေါ်အောင်ဆန်းစုကြည် နှင့်တွေ့ဆုံမှုအပြီး
ဖြစ်ပေါ်လာသော အားတက်ဖွယ်ရာ နိုင်ငံရေးအပြောင်းအလဲ၊ စာနယ်ဇင်းလွတ်လပ်ခွင့် နိုင်ငံရေးလုပ်ဆောင်ခွင့် နယ်ပယ်များဖွင့်ဟပေးခဲ့ခြင်း .. စသည့်ဆောင်ရွက်ချက်များက နှစ်ပေါင်းများစွာ ဖိနိပ်ခံရမှူဖြင့် နာကျင်နေသော စိတ်တွေကို အာရုံလွှဲပြောင်းနိုင်ခဲ့သည်။

ထိုသို့ဖြင့်ပင် သံသယဖြစ်ဖွယ်ရာ မဲပြားများဖြင့်
သမ္မတ ဖြစ်လာခြင်းကို လူတွေမေ့လျော့သွားကြသည်။
နိုင်ငံရေးဇတ်ခုံ ကာလန့်ကာ အပြောင်းအလဲမှာပင် လူမှု့ရေး ၊ စီးပွားရေး ပညာရေး.ကျန်းမာရေး အစစရာ နိမ့်ပါးနေစဲ မပြောင်းမလဲဘဲ ရှိနေသော အခြေအနေများကို လူတွေက မေ့လျော့သွားကြသည်။

လက်နက်ကိုင်တပ်ဖွဲ့များနဲ့ ငြိမ်းချမ်းရေး အခြေအနေ တိုးတက်အောင်
သူ့ နောက်လိုက်များဖြင့် အခြေအနေတစ်ခုရောက်အောင်သူ ဆောင်ရွက်သည်။
နိုင်ငံရေးအင်အားစုတွေကို တတ်နိုင်သမျှ သူ့ဘက်သို့ ပါဝင်လာအောင် စည်းရုံးသည်။ ကမ္ဘာကပင် သူ့အပြောင်းအလဲကို လက်ခံသည့် အခြေအနေများသို့ ရောက်ရှိလာခဲ့သည်။

မည်သို့ပင်စေ သူ့အပြောင်းအလဲ သူ့စေတနာ သူ့ရိုးသားမှုများဆိုသည်မှာ
အပေါ်ယံ သကာလောင်းထားသည့် ပုံရိပ်ဖြစ်သည်ကို အချိန်ကာလတွေက ဖေါ်ပြလာတော့သည်။

သူ့နိုင်ငံရေးဇတ်ကွက်၌ သူအစီစဉ်တကျ စီမံထားသော ချိန်ကိုက်ဗုံးများမှာ တစ်စတစ်စ သိသိသာသာပင် ပေါ်ထွက်လာတော့သည်။
သူ့ကို အပြောင်းအလဲဖေါ်ဆောင်သူအဖြစ် ကမ္ဘာက အသိမှတ်ပြုဖို့ လူတွေလက်ခံလာဖို့ ကူညီဖေးမခဲ့သော ဒေါ်အောင်ဆန်းစုကြည်ကိုပင် သူ့က နိုင်ငံရေးထောက်ချောက်များ ချိန်ကိုက်ဗုံးများဖြင့် ချောင်ပိတ်ထားရန် ကြံစီသည့်အနေအထားများ မြင်လာရသည်။

သူ့ အပြောင်းအလဲမှာ ၀ါဒဖြန့် သတင်းစာမျက်နာများပေါ်က
ဟန်ပြဇတ်ကွက်တွေအဖြစ်သာ ရှိခဲ့သည်။

နိမ့်ကျနေသည့် အခြေခံလူတန်းစားများရဲ့ လူမှု့ဘ၀တွေကတော့ သတင်းဂျာနယ်ဖတ်၍သာ ဖြေသိမ့်နေရသည်။
စီးပွားရေး လူနေမှု့အဆင့်အတန်း အစစအရာရာ သိသာသော
အပြောင်းအလဲ ဟူ၍ မရှိခဲ့။

အချိန်ကာလရွေ့လျားသည်နှင့်အမျှ သူ့ဇတ်ရုပ်အမှန်မှာ ပေါ်လွင်လာတော့သည်။

သူ့ နိုင်ငံရေး ကစားကွက်တွေအောက်က အကြမ်းဖက်ခံရသော ဘ၀များ၊
အကြိမ်ကြိမ်အခါခါ အဖိနှိပ်ခံ ဖယ်ရှားခြင်းခံနေရတဲ့ အိမ်ခြေယာမဲ့ဘ၀များ၊ ဘယ်တော့ပြန်ရမလဲဆိုတာ မသိဘဲ တရားရင်ဆိုင်နေသော လယ်ပျောက် မြေပျောက် တောင်သူတွေရဲ့ ဘ၀များ..။
စသည်ဖြင့် ဘ၀များစွာရဲ့ မျှော်လင့်ချက်တွေ အိပ်မက်တွေကတော့ မျှော်လင့်ချက်မဲ့နေစဲဖြစ်အောင်
သူက စွမ်းဆောင်ထားနိုင်သည်။

သူ့အပြောင်းအလဲက လက်တစုပ်စာ လူတစ်စုအတွက်နဲ့ ထိုလူတစ်စုရဲ့
နိုင်ငံရေးလုပ်ပိုင်ခွင့် အခြေအနေများတွင်သာ ရှိနေသည်။

သူက ဆင်းရဲမွဲတေမှုတိုက်ဖျက်မည်ဟု ဆိုခဲ့သည်။
သို့သော် တကယ့်အရှိတရားမှာတော့ ဆင်းရဲနိမ့်ပါး သူတွေရဲ့ ဘ၀တွေသာ
အလဲလဲ အပြိုပြို တိုက်ဖျက်ခံနေရသည်။
သူ့အပြောင်းအလဲက ထိုသို့ဖြစ်လေသည်။

"ပြဿနာ မျိုးစုံ ဖြေရှင်းကျော်လွှား နေရသော်လည်း
အခြားတစ်ဖက်တွင် အာမခံချက် ရှိသည့် မျှော်လင့်ချက် များကို တွေ့မြင်နေရပြီ ဖြစ်ပါတယ်။” ဆိုသော သူ့ပြောစကားက အခြေအနေမဲ့ လူမှု့စီးပွားအဘက်ဘက်နိမ့်ကျနေရတဲ့ ပြည်သူတွေကို
လှောင်ပြောင်နေသည့်အလားဖြစ်နေသည်။

သူဆုပ်ကိုင်ရရှိထားသော အာဏာသက်တမ်းမှာ
မကြာခင်ပြီးဆုံးတော့မည်ဖြစ်သည်။
သို့သော် သူ့အာဏာလောဘကတော့ မရပ်နိုင်သေး သူ့ပြိုင်ဘက်တွေအပေါ် နိုင်ငံရေးခြေထိုးမှုတွေ သိသိသာသာ လုပ်ဆောင်လာသည်။

သူစနစ်တကျ ရွေ့လျားထားသော နိုင်ငံရေးကစားကွက်တစ်ခုကို ထုတ်သုံးဖို့ ကြိုးစားလာသည်။ ထိုနိုင်ငံရေး ကစားကွက်က ဘာသာရေး အသုံးချ နိုင်ငံရေးဖြစ်သည်။
လူတွေရဲ့ ထိလွယ်ရှလွယ် ဖြစ်တတ် သည့် ဘာသာရေး သော့ချက်ဖြင့် နိုင်ငံရေးကို ကိုင်လှုပ်ဖို့သူကြိုးစားလာတော့သည်။

သူတာဝန်ယူလာသည့် အချိန်ကာလ သုံးနှစ်ကျော်အတွင်းမှာပင်
ဘာသာရေး လူမျိုးရေး ပဋိပက္ခများမှာ ထိတ်လန့်ဖွယ်ရာ အခြေအနေများဖြစ်သည်အထိအောင်ပင် ဖြစ်ပွားခဲ့သည်။

ဒီမိုကရေစီကပင် ပဋိပက္ခများဧ။် မီးစ ဖြစ်သယောင် အခြေအနေတွေကို
သူဖန်တီးနိုင်ခဲ့သည်။ ဒီမိုကရေစီနဲ့ လူ့အခွင့်အရေးစံနူန်းတွေကို လူတွေတန်ဖိုးမထားတော့အောင် ဖန်တီးနိုင်ခဲ့သည်။ သူ့ကစားကွက်များမှာ အစစအရာရာ အပေါ်စီးကရှိနေသော အနေအထားဖြစ်သည်။

ဒီမိုကရေစီ လူ့အခွင့်အရေးစံနူန်းပေါ်တွင်သာ ရပ်တည်နေရသော ငြိမ်ချမ်းရေး နိုဗယ်ဆုရှင်တစ်ယောက် အတွက် နိုင်ငံရေးအကျပ်အတည်းတွေ တွေ့စေနိုင်လောက်အောင် အထိ သူ့နိုင်ငံရေးကစားကွက်မှာ သေသပ်ကောင်းမွန်လွန်းလှသည်။
သို့သော် စတေးခံလိုက်ရသည့် ဘ၀များစွာကတော့ ရင်နင့်ဖွယ်ရာသာဖြစ်သည်။

သူ့နောက်ဆုံး ကစားကွက်မှာ ၀န်ကြီးချုပ်ဟောင်း ဦးနုကဲ့သို့ ဘာသာရေး ဖြစ်သည်။ တစ်ခြား ကြံစီထားသည့် နည်းဗျူဟာများစွာ လည်း ရှိနေနိုင်ဦးမည်။

ဘာသာရေးကို အသုံးချပြီး သူ့အာဏာသက်ကို ဆွဲဆန့်ဖို့ကြိုးစာနေဟန်ရှိသည်၊ လူကြိုက်များမှုကို ရယူမည့်အခြေအနေမှာရှိနေသည်။
မျိုးစောင့်ဥပဒေကို သူက စတင်ပြီး လွှတ်တော်သို့ တင်သွင်းခဲ့သည်။ လွှတ်တော်က ရှောင်တမ်းခဲ့ပေမယ့် သူကေ ရှေ့သို့ဆက်တိုးပြီး လုပ်ဆောင်လာသည်။
မဖြစ်မနေ သူဖန်တီးတော့မည် အခြေအနေမှာရှိသည်။

ဝန်ကြီးချုပ်ဟောင်း ဦးနုကဲ့သို့ ဘာသာရေးဖြင့် သူ့နိုင်ငံရေးသြဇာကို ဆက်လက်တည်ဆောက်မည့်အခြေအနေရှိနေသည်။

သူက ဦးနုထက် သာသည်မှာ သူ့နောက်၌ တပ်မတော်တစ်ခုလုံးရှိနေသည်။ သူ့အာဏာသက်ကို ဆွဲဆန့်ရန်မှာ သူ့အတွက် သိပ်ခဲယဉ်းသည့် အခြေအနေမှာ မရှိ။

လိုအပ်သလောက် မှိုင်းများကို သူဖြန့်ဝေထားနိုင်ခဲ့ပြီးပြီဖြစ်သည်။
လူမျိုးရေး ဘာသာရေး မှိုင်းများမှာ သူ့စိတ်ကြိုက်ရသည့် အနေအထားဖြစ်လောက်အောင် ဆွဲလောင်နေပြီဖြစ်သည်။

ထို့အတွက် အသက်သွေးများစွာ ဘ၀များစွာ စတေးခဲ့ရသည်။
သူကတော့ မှု့မည်မဟုတ်။ လိုအပ်လျှင် ထပ်ပြီး စတေးပစ်ဖို့ ဖန်တီးဖြစ်ဖို့ သူတွန့်ဆုတ်နေမည်မဟုတ်။

မြန်မာ့နိုင်ငံရေး အခင်းအကျင်း၌ ထိတ်လန့်စရာ အကောင်းဆုံး
အစုအဖွဲ့ဟု ဆိုလျှင် သူနှင့်သူနောက်လိုက်များသာဖြစ်သည်။
သူ့တွင် အာဏာရှိသည်။ ဖန်တီးလိုသော နိုင်ငံရေးအကျပ်အတည်းများစွာကို ဖန်တီးနိုင်သည့် အခြေအနေရှိသည်။
သူ့နောက်တွင် တပ်မတော်တစ်ခုလုံးရှိသည်။
အမျိုးသားရေးအင်အားစုဟု ဆိုသည့် အမည်တပ်ထားကြသူများရှိသည်။ အရောင်ပျက်နိုင်ငံရေးအင်အားစုများကိုလည်း သူခါးပိုက်ထဲ ထည့်ထားသည်။

သူနှင့် သူ့အစုအဖွဲ့မှာ အာဏာသက်ရှည်ရန်အတွက် အခြေအနေများစွာ ဘ၀များစွာကို စတေးပစ်ရန် အဆင်သင့်ရှိနေသည့် အနေအထားမှာရှိနေသည်။

သူနဲ့ သူ့ဇတ်ရုပ်အမှန်မှာ ထိတ်လန့်ဖွယ်ရာ ပေါ်လွင်လာနေပြီဖြစ်သည်။

မှူးသစ်

No comments: