တပ့်မတော်(ရေ) စစ်ရေယာဉ်မှ တရားမ၀င် ယိုးဒယားဆီတင်လှေ(သံခွံ) တစ်စီးအား ဖမ်းဆီးရမိ

တနင်္သာရီ ရေတပ်စခန်းဌာနချုပ် ကွပ်ကဲမှုအောက်ရှိ ဗိုလ်မှူး စိုင်းမောင်မောင် ဦးစီး အမှတ်(၅၅၆)စစ်ရေယာဉ်သည် ပင်လယ်ပြင်စိုးမိုးရေး ဆောင်ရွက်နေစဉ် မြန်မာရေပိုင်နက်အတွင်းရှိ စူလာကျွန်း အနောက်မြောက်ဖက် မိုင် ၁၂၀ ခန့်အကွာ၌ မြန်မာ့ရေပြင်ပိုင်နက်အတွင်း ခိုးဝင်လာသည့် ယိုးဒယားစာတမ်းပါ စက်မကြီး CUMMINS INLINE KTA 19 – M3 (6) လုံးထိုး အမျိုးအစား မြင်းရေကောင် (၆၄၀)ခန့် အင်ဂျင်တပ်ဆင်ထားသည့် အလျား (၉၅)ပေ ၊ အနံ (၁၈) ပေ၊ ရေစူး (၁၀)ပေ အရွယ်ရှိ တရားမ၀င် ယိုးဒယားဆီတင်လှေ (သံခွံ)တစ်စီးအား ၂၀၁၄ ခုနှစ် မတ်လ (၁၇) ရက်နေ့ ည (၁၀) နာရီ အချိန်ခန့်၌ မြန်မာသင်္ဘောသား(၆)ဦးနှင့်အတူ ဖမ်းဆီးရမိခဲ့ကြောင်း သိရသည်။

အဆိုပါ ဖမ်းဆီးရမိသော ဆီတင်လှေ၊ပစ္စည်းနှင့် တရားခံများအား တရားစွဲဆိုနိုင်ရေးအတွက် တပ်မတော်(ရေ)မှ မြိတ်မြို့နယ် ရဲတပ်ဖွဲ့စခန်းသို့ လုပ်ထုံးလုပ်နည်းနှင့်အညီ လွဲအပ်ထားပြီး မြိတ်မြို့မ ရဲစခန်းမှ တရားစွဲဆို ဆောင်ရွက်နိုင်ရေး စစ်ဆေးဆောင်ရွက်လျက်ရှိကြောင်း သတင်းရရှိသည်။
Photo:
စစ်ရေယာဉ်(၅၅၆) ။
ဖမ်းဆီးမိသော စက်လှေအား မြိတ်မြို့ ဆိပ်ငယ်တံတားတွင် တွေ့ရစဉ်။
မောင်သပြေ(Myanmar Navy)
Credit: မြိတ်ပုလဲမြေ