Congretulation! Thank you everyone.

ဘယ်သူ မှ မခိုင်းပဲ
တစ်တိုင်းပြည် လုံး
မအိပ်မနေ ထပ်ခါ ထပ်ခါ
mouse တွေပျက်တဲ့ အထိ
vote ရလောက် အောင်
ပြည်သူတွေရဲ့ ရင်ကို လွှမ်းမိုးတဲ့ လူ
သူလိုလူ ဒီ ကမ္ဘာမှာ
နောက်တစ်ယောက်ရှိပါ့မလား

MyanmarTodayNews မှကူးယူဖော်ပြပါသည်။
--------------------------------------------------------------------------
Posted By : မြန်မာ့သတင်းများစုစည်းရာ (MNC)

TIME 100 ဆယ်နှစ်ပြည့်အထိမ်းအမှတ်အဖြစ် ၁၀ နှစ်တာကာလအတွင်း ကမ္ဘာပေါ်တွင် လွှမ်းမိုးမှုအရှိဆုံးပုဂ္ဂိုလ်ကို အင်တာနက်မှ
မဲပေးရွေးချယ်စေရန် TIME မဂ္ဂဇင်းကက စီစဉ်ခဲ့ပြီး၊ ဧပြီ ၁၇ရက်နေ့က နောက်ဆုံးရွေးချယ်မှုပြုရာတွင် ဒေါ်အောင်ဆန်းစုကြည်က ကမ္ဘာတစ်ဝန်းရှိ အင်တာနက်ပရိသတ်၏ ထောက်ခံရွေးချယ်မှု ၆၁ % ရရှိပြီး ၁၀ နှစ်တာကာလအတွင်း ကမ္ဘာပေါ်တွင် လွှမ်းမိုးမှုအရှိဆုံးပုဂ္ဂိုလ်ဖြစ်လာခဲ့သည်။

ဒေါ်အောင်ဆန်းစုကြည်နှင့် ယှဉ်ပြိုင်အရွေးချယ်ခံခဲ့သော လေဒီဂါဂါမှာ မူ ထောက်ခံရွေးချယ်မှု ၃၉% ရရှိခဲ့သည်။

TIME 100 ဆယ်နှစ်ပြည့်အထိမ်းအမှတ်အဖြစ် ၁၀ နှစ်တာကာလအတွင်း ကမ္ဘာပေါ်တွင် လွှမ်းမိုးမှုအရှိဆုံးပုဂ္ဂိုလ်များစာရင်း ရလာဒ်ကို TIME မဂ္ဂဇင်းမှ အယ်ဒီတာအဖွဲ့က မကြာမီတွင် ထုတ်ပြန်ကြေညာမည်ဖြစ်ကြောင်းသိရသည်။

TIME မဂ္ဂဇင်းရဲ့ Vote ကတော့ ပြီးသွားပါပြီ
Posted by Hmuu Zaw https://www.facebook.com/hmuu.zaw on Wednesday, April 17,2013 at 6:19 PM

ဒေါ်စုဟာ မြန်မာနိုင်ငံရဲ့ အမှတ်တံဆိပ်တစ်ခု ဖြစ်ပါတယ်။ သမ္မတကြီးဟာလည်း မြန်မာနိုင်ငံ ရဲ့ ပြုပြင်ပြောင်းလဲရေးရဲ့ သင်္ကေတတစ်ခုပါ။ ဘာပဲဖြစ်ဖြစ် ကျွန်တော်တို့နိုင်ငံသားတွေ ဟာ မြန်မာနိုင်ငံကို ကိုယ်စားပြုမှုအတွက် Vote ခဲ့တာပါ။ ကျွန်တော်တို့ နိုင်ငံသားတွေရဲ့ ဇာတိပုညဂုဏ်မာနကို ဒီနေရာမှာ တွေ့နိုင်မှာပါ။

လေဒီဂါဂါရဲ့ ဖန်တွေကလည်း ဖန်ပေ့ခ်ျတွေကနေ စည်းရုံးမှုတွေ လုပ်နေတာ တွေ့ခဲ့ရပါတယ်။ အားပေးထောက်ခံသူ အရေအတွက်၊ အင်တာနက်အသုံးပြုမှုနှုန်းထား၊ အသုံးပြုနိုင်သူဦးရေ၊ အင်တာနက်အမြန်နှုန်း ဘက်စုံမှာ နှိုင်းယှဉ်ကြည့်ရင် အကွာကြီးပါ။ Vote ရတဲ့ (၂) ဦးကို နှိုင်း ယှဉ်ကြည့်ရင် ဘာပဲပြောပြော အကွာကြီးပါ။ ဒါပေမယ့် TIME ရဲ့ အစီအစဉ်ကြောင့် ဘာမှ မပြော လိုပါဘူး။

ဒီ Vote အပေါ်မှာ အမျိုးမျိုး သဘောထား ရှိကြပါလိမ့်မယ်။ ဒါပေမယ့် ကြိမ်ဖန်များစွာ Vote ဖို့ ခွင့်ပြုပေးထားတဲ့ အစီအစဉ်ကို ကြည့်ရင် TIME ရဲ့ သဘောထားကို သိမြင်ကြလိမ့်မယ်လို့ပဲ ထင်မြင်ယူဆမိပါတယ်။ တစ်ချို့က ဒါဟာ မလိုအပ်ဘူး လို့ ဆ်ိုကြပေမယ့် အခုမှ တံခါးဖွင့် အပြင်ကို လှမ်းလျှောက်ခွင့်ရခဲ့တဲ့ ကျွန်တော်တို့နိုင်ငံသားတွေအတွက်တော့ အဓိပ္ပါယ် အများကြီး နက်ရှိုင်းနေပါလိမ့်မယ်။ လေဒီဂါဂါရဲ့ ဖန်တွေနဲ့ TIME မဂ္ဂဇင်းက စီစဉ်သူတွေဟာလည်း အံ့သြနေကြပါလိမ့်မယ်။ (IP တွေ စစ်ကြည့်လိုက်ရင် ဘယ်သူတွေ Vote နေလဲ ဆိုတာ သူတို့ သိကြပါလိမ့်မယ်)။

ပြည်တွင်းမှာရှိတဲ့ နိုင်ငံသားတွေရော ပြည်ပရောက် မြန်မာနိုင်ငံသားတွေရော အားလုံးဟာ ဆုံမှတ်တစ်ခုကို ရောက်ရှိခဲ့တယ်လို့ ဆိုနိုင်ပါတယ်။

ဒါဟာ အနှစ်နှစ်အလလ ချဉ်ခြင်းတပ်ခဲ့ကြရတဲ့ မြန်မာ ဆိုတဲ့ စကားလုံး(၂)လုံးရဲ့ လူရာဝင်မှု ကို ဖော်ပြနေတာလို့လည်း ယူဆပါတယ်။ နှစ်သစ်ကို မင်္ဂလာသတင်းတွေနဲ့ ဖွင့်လှစ်နိုင်ခဲ့တယ် လို့ ပြောနိုင်ကြပါပြီ။

ရှေ့လာမယ့် အနာဂတ်နေ့ရက်တွေမှာ တစ်မျိုးသားလုံး ညီညွတ်ရေး၊ ဖွံ့ဖြိုးရေးအတွက် ညီညွတ်ရေး၊ ငြိမ်းချမ်းရေးအတွက် ညီညွတ်ရေး၊ မြန်မာဆိုတဲ့ နေရာမှန်အတွက် ညီညွတ်ရေး ကို ဖော်ဆောင်နိုင်မယ်လို့လည်း အပြည့်အဝ ယုံကြည်မိပါတယ်။

TIME မဂ္ဂဇင်းရဲ့ Vote ကတော့ ပြီးသွားပါပြီ။ ဒါပေမယ့် ကျွန်တော်တို့ရဲ့ အမျိုးသား တည်
ဆောက်ရေး Nation Building ကတော့ မပြီးသေးသလို နိုင်ငံတည်ဆောက်ရေး State Building ကလည်း အခုမှ (၂)နှစ်သားပဲ ရှိပါသေးတယ်။ ကျွန်တော်တို့ ရှေ့ဆက်ပြီး လျှောက်ကြရဦးမှာပါ။ ကျွန်တော်တို့ ရှေ့ဆက်ပြီး ကြိုးစားကြရဦးမှာ ပါ။ နိုင်ငံတော်သမ္မတကြီး ပြောကြားခဲ့ သလိုပါ ပဲ နှစ်ဟောင်းက ဖြစ်စဉ်တွေ၊ စိန်ခေါ်မှုတွေကို သင်ခန်းစာယူပြီး နှစ်သစ် ကို လျှောက်လှမ်းကြ ရ မှာ ဖြစ်ပါတယ်။