၁၇-၁၈ "မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ" အပိုင်း ၁၇

"မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ" အပိုင်း ၁၇

February 14, 2014 at 7:47am

၂၀၁၄ ခုနှစ်၊ ဖေဖော်ဝါရီလ ၁၃ ရက် ကြာသာပတေးနေ့ထုတ်မှာပါတဲ့ ကျွန်တော့်ရဲ့ ကိုယ်တွေ့မှတ်တမ်း အခန်းဆက်ဆောင်းပါးရှည် "မြန်မာနိုင်ငံလုံးဆိုင်ရာ
ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ" အပိုင်း ၁၇

အေဘီအက်စ်ဒီအက်ဖ် (ကျောင်းသားတပ်မတော်) ဖွဲ့စည်းခဲ့သည်မှာ နှစ်ပေါင်း ၂၅ နှစ် ရှိနေပြီဖြစ်သည့်အတွက် ကျောင်းသားလက်နက်ကိုင်တော်လှန်ရေး ဘာကြောင့် ကျုးဘားတော်လှန်ရေးကဲ့သို့ အောင်မြင်မှု မရသေးသနည်း ဆိုသည့် အချက်အပြင် ၂၅ နှစ် အကြာတွင် ဘာတွေဖြစ်ခဲ့သည်ဆိုသည်ကို ပြည်သူများကို တင်ပြချိန်ရောက်ပြီဟု ယူဆသည့်အတွက် ရေးရန်ဆုံးဖြတ်လိုက်ခြင်း ဖြစ်ပါသည်။  ကျောင်းသားတပ်မတော်မှ တချို့ရဲဘော်များ ကျွန်တော့်အား မကြာခဏ မေးမြန်းကြ၊ စကားနာထိုးကြ၊ သူတို့ကိုထားခဲ့ပြီး ထွက်သွားသည်ဟု အပြစ်တင်ကြနှင့် ကျွန်တော် ဘာကြောင့် ကျောင်းသားတပ်မတော်ကို စွန့်ခွာထွက်သွားရသည်ကို မေးမြန်းကြသူများကိုလည်း ဤကျွန်တော်၏ကိုယ်ရေးအတွေ့အကြုံမှ အဖြေထုတ်ပေးပါလိမ့်မည်။

တော်လှန်ရေးမပြီးသေးဘူး၊ ဒါကြောင့်မရေးပါနဲ့ဦး၊ အပုပ်ချသလို ဖြစ်နေမယ် တော်လှန်ရေးပြီးမှ ရေးပါဆိုသူများလည်း ရှိပါသည်။ အချို့က သူတို့ထောက်ခံထားသော၊ သူတို့အပေါ်ကောင်းခဲ့သော ခေါင်းဆောင်များကို ထိခိုက်မည်ကို စိုးရိမ်ပူပန်ကြပါသည်။ အချို့ကလည်း လက်ရှိတာဝန်ယူနေသောခေါင်းဆောင်များနှင့် ရဲဘော်များကို ထိခိုက်မည်ကို စိုးရိမ်သဖြင့် တားကြပါသည်။ သို့ရာတွင် ၂၅ နှစ်တာကာလသည် အဖြစ်မှန်များကို ပြည်သူများနှင့် ကျဆုံးသွားသော ရဲဘော်များ၏မိဘများကို သူတို့ခေါင်းမချခင် သိခွင့်ပေးရန် လုံလောက်သည့် အချိန်ဟု ယူဆပါသည်။

ဤကိုယ်တွေ့မှတ်တမ်းကို ရေးသားရာ၌ အမှန်အတိုင်း ရေးသားရသဖြင့် အချို့ရဲဘော်များ၏ ကောင်းဆိုး မှန်သမျှလည်း ပါဝင်မည်မှာ အမှန်ဖြစ်ပါသည်။ထို့ကြောင့် မိမိအမှားလုပ်ခဲ့သူများ၊ ကိုယ်ကျိုးရှာခဲ့သူများ၊ ဖေါက်ပြန်ခဲ့သူများ ငြင်းချက် ထုတ်ကောင်း ထုတ်ကြမည်ကိုလည်း ရင်ဆိုင်ဖြေရှင်းဖို့ ဆုံးဖြတ်ထားပြီး ဖြစ်ကြောင်းလည်း ကြေညာအပ်ပါသည်။

တော်လှန်ရေးသစ္စာဖြင့်

ထွန်းအောင်ကျော် (၇၄)

ယခင်အပတ်မှအဆက်

သံလွင်ဦးသုထစခန်း၌ အရေးပေါ်ညီလာခံ ကျင်းပခြင်း

အရေးပေါ်ညီလာခံမကျင်းပမီ မဲဆောက်တွင်နေသော ကိုဝင်းမိုး၊ ကိုအောင်နိုင်၊ ကိုကိုဦးတို့ကိုလည်း ဖေဖော်ဝါရီလ ၁ ရက်နေ့အမီ ညီလာခံတက်ရောက်ရန် အကြောင်းကြားခဲ့သည်။ ကိုဝင်းမိုးက “ဒီဘဲတွေလည်းပြုတ်မှာပဲ၊ သွားမနေပါဘူး” ဟု သရော်သည်ဟု ကြားသိရသည်။ သူတို့သုံးယောက်က မဲဆောက်တွင် အိမ်ငှားနေပြီး ဆေးကျောင်းသား ကိုအောင်နိုင်နှင့် သူ့ချစ်သူမြိုင်တို့က ဆေးခန်းဖွင့်ထားသည်။ ကိုအောင်နိုင်တို့ ဆေးခန်းသည် ယနေ့နာမည်ကျော် ဒေါက်တာစင်သီယာမောင်၏ဆေးခန်းထက် စောစီးစွာ ဖွင့်ခဲ့သည့်ဆေးခန်းဆိုက မမှားချေ။ သူတို့နှင့်အတူ သူတို့နောက်လိုက်များ၊ သူငယ်ချင်းများ၊ သေ့ဘောဘိုး စခန်းတွင် မနေနိုင်၍ မြို့တက်လာသောကျောင်းသားများ လာနေကြသည့်အတွက် လူအင်အား ၅၀ ကျော်ခန့် ရှိသည်။ ထို့ပြင် ဝင်းမိုး၊ အောင်နိုင်၊ ကိုကိုဦးနာမည်ဖြင့် ကေအင်န်ယူကို ပုတ်ခတ်တိုက်ခိုက်ထားသည့်စာကို ထုတ်ပြန်ပြီး မဲဆောက်မြို့တွင် ဖြန့်ဝေခဲ့သဖြင့် ကေအင်န်ယူမှ သူတို့သုံးဦးကို နယ်မြေဖြတ်သန်းခွင့် ပိတ်ခဲ့သည့်စာကို ကရင်နယ်မြေတွင် စာထုတ်ပြီး ထားခဲ့သည်အထိ တင်းမာနေခဲ့သည်။

ကေအင်ယူကို ဗြောင်တိုက်ခိုက်ထားသည့်အတွက် ကရင်နယ်မြေတွင် ကျင်းပသည့် ညီလာခံသို့ သူတို့မလာရဲကြဟု ထင်သည်။ ကေအင်န်ယူကို စာထုတ်၍ တိုက်ခိုက်သည်ဆိုကတည်းက သူတို့သည် ကေအင်န်ယူနယ်မြေကို မသွားတော့ရန် စိတ်ပိုင်းဖြတ်ထားပြီး ဖြစ်ဟန်ရှိသည်။ နောက်ပိုင်း ယင်းကိစ္စကို ကိုကိုဦးအား မေးကြည့်ရာ စာထုတ်ခြင်းကို သူ့အားမတိုင်ပင်ဘဲ ကိုအောင်နိုင်က သူ့သဘောနှင့် သူရေးသားပြီး ထုတ်ခဲ့ခြင်းဖြစ်ကြောင်း၊ ယင်းအတွက် ကိုအောင်နိုင်နှင့်စကားများခဲ့ကြသည်ဟု သူကဆိုသည်။ သို့ရာတွင် ထိုစဉ်က သူမပါဝင်ကြောင်း ကိုမူ ရှင်းလင်းခဲ့ခြင်း မရှိသည့်အတွက် သူလည်း သဘောတူခဲ့ပြီး ထုတ်ခဲ့ကြသည်ဟု အများက ထင်ခဲ့ကြသည်။

သံလွင်ဦးသုထစခန်းတွင် ကေအင်န်ယူအကူအညီဖြင့် အရေးပေါ်ညီလာခံကို ဖေဖေါ်ဝါရီလ ၁ ရက်နေ့ ကတည်းက ညီလာခံအတွက် လိုအပ်သော စည်းမျဉ်းစည်းကမ်းများ၊ အခြေခံဥပဒေတွင် ဖြည့်စွက်ရမည့် အချက်များစသည်တို့ကို လက်ကျန်ဗဟိုကော်မတီ ကျွန်တော်တို့လေးဦးနှင့် ရောက်ရှိလာသော စခန်း ကိုယ်စားလှယ်များက အဝေးမှတက်ရောက်လာမည့် ကျန်ကိုယ်စားလှယ်များကို စောင့်ရင်း လိုအပ်သည်များကို အကြိုညှိနှိုင်းဆွေးနွေးခဲ့ကြသည်။ 

မဟာမိတ်ကေအင်န်ယူအဖွဲ့အစည်းက စားဖိုဆောင်ကို တာဝန်ယူ၍ အစားအသောက်များကို ပင်တိုင်ချက်ပြုတ်ကျွေးမွေးပြီး စခန်းအသီးသီးမှ ကျောင်းသားကိုယ်စားလှယ်များ တက်ရောက်လာကြသည်။ ထို့နောက် အရေးပေါ်ညီလာခံကို ဖေဖော်ဝါရီလ ၁၄ ရက်နေ့တွင် တရားဝင် စတင်ကျင်းပခဲ့သည်။ ဝမ်ခစခန်းမှ ကျောင်းဆရာကြီးဦးယုနွယ်နှင့် တစ်မြို့တည်းသား ဒေါက်တာမြင့်ချိုတို့လည်း စခန်းကိုယ်စားလှယ်များအဖြစ် တက်ရောက်သလို ကျွန်တော်နှင့်ရင်းနှီးခဲ့သော ဒေါက်တာသောင်းထွန်းလည်း ဝမ်ခကိုယ်စားလှယ်အဖြစ် ပါဝင်လာခဲ့သည်။

ဘုရားသုံးဆူကိုယ်စားလှယ်အဖြစ် ကိုတင်စိုးနောင်၊ သန်းလှိုင်ဦး (ယခုပအို့အဖွဲ့) နှင့် ဒေါက်တာနိုင်အောင်၊ ကိုစိုးလေးတို့လည်း ပါလာခဲ့သည်။ ကျွန်တော်တို့အား အမြဲကန့်လန့်တိုက်နေသော ခရက်ဒေးစခန်းမှ တပ်ရင်းမှူးအောင်ဟိန်း၊ ဒေါက်တာ ကျော်သက်ဦး၊ ကိုထွန်းသိန်းတို့အုပ်စု၊ စောထစခန်းမှ အမြဲဂျစ်တိုက်ပြီးလုပ်သမျှ အကောင်းမမြင်သော ကိုမောင်မောင်စိုး (ကွယ်လွန်)၊ ကိုတင်စိုး၊ ကိုသိန်းထိုက်နှင့် မောင်ဆန်းလင်း (မဆလ-ကျဆုံး) တို့လည်း တက်လာသည်။ ကေအင်န်ယူဗဟိုကော်မီတီ ဆယ်ပြားကျော်ကျော်တို့အုပ်စုမှ ကိုစံရွှေမောင်၊ ဦးအောင်ခင်၊ မင်းသမီးစခန်း ကိုယ်စားလှယ် ကိုအောင်သန်းဝင်း၊ ကိုခင်မောင်ဝင်း (ဒီဗီဘီ) မိုးထောင်စခန်းမှ ကိုကျော်ဇေယျ (ကွယ်လွန်)၊ သံလွင်စခန်းမှ ကိုမောင်မောင်တိတ်၊ စိုင်းမြင့်သူ၊ ကိုဒီ၊ ကိုအောင်သူ၊ ကရင်နီစခန်းမှ ဂရီဂိုရီမန်းထွန်း၊ ကိုမောင်မောင်လွင်၊ ဆန်နီမရင်ဒါ၊ စိုင်းစံခေး (ကွယ်လွန်)၊ သေ့ဘောဘိုးစခန်းမှ ဌေးနိုင် (ကျဆုံး)၊ နှုတ်ခမ်းမွှေး အောင်သန်း (ကွယ်လွန်) တို့နှင့် ကျွန်တော်တို့ကျန်ရှိနေသောဗဟိုကော်မီတီဝင်၎ ဦး၊ လုပ်သားကောလိပ်ဥက္ကဋ္ဌ ကိုအောင်ကြည်ဦး၊ ကျွန်တော်တို့ဗဟိုရုံးမှ ကိုရွှေထီးနှင့် သံလွင်စခန်းမှရဲဘော်များ တက်ရောက်ကြသည်။

အခြားသူများကို အကုန်မမှတ်မိတော့။ ညီလာခံကျင်းပရေး ကော်မတီတွင် ချာလီအေးကျော်၊ မှတ်တမ်းတင်သူများအဖြစ် ကိုအောင်ကျော်လှိုင် (ယခုဥပဇင်းအောင်ကျော်လှိုင်၊ ဖို့ဝိန်း)၊ ကိုကျော်ကျော်ဝင်း (LA အမေရိက) တို့က ဆောင်ရွက်သည်။ လုပ်သားတက္ကသိုလ်ဥက္ကဋ္ဌ ကိုအောင်ကြည်ဦးသည် ညီလာခံ ကျင်းပရေးကော်မတီတွင် ပါဝင်ပြီး အင်တိုက်အားတိုက် ညီလာခံ ဖြစ်မြောက်ရေး၊ ကျောင်းသား ညီညွတ်ရေးတို့တွင် စေတနာဖြင့် ကြိုးစားလုပ်ဆောင်သော်လည်း ဘူရားသုံးဆူတွင် သူ့ရဲဘော်များနှင့် ရန်ကုန်ကျောင်းသားများသည် ၁၀၁ မှ ထွက်ပြီး ထိုင်းနိုင်ငံတွင်း ဟွေးကော့စခန်းသို့ ပြောင်းရွှေ့၍ စခန်းသစ်ထောင်မှုအပေါ် ဒေါက်တာနိုင်အောင်တို့မှ အစာမကြေဖြစ်ပြီး ဘုရားသုံးဆူစခန်း ကိုယ်စားလှယ် အဖြစ် မပေးနိုင်ကြောင်းပြောသည့်အတွက် ညီလာခံတွင် ကိုယ်စားလှယ်မဖြစ်ဘဲ နှုတ်ထွက်လိုက်ရသည်။ ကိုထွန်းဦးသည် မိုးထောင်စခန်းကို စည်းရုံးပြီး မိုးထောင်စခန်းကိုယ်စားလှယ် အဖြစ်တက်သည်။

ကျွန်တော်၊ ကိုသန်းဝင်းနှင့် ကိုကိုလေးသည် ဗဟိုတွင်လုပ်နေရင်း စခန်းပျောက်သွားသည့် သူများဖြစ်သည်။ မူလစခန်းတွင် ကျွန်တော်တို့လူများ မရှိတော့ချေ။ သို့ရာတွင် လက်ရှိဗဟိုတွင် တာဝန်ယူနေသူများ ဖြစ်သဖြင့် ကျွန်တော်တို့အား ဒေါက်တာနိုင်အောင်တို့က မလိုလားသော်လည်း ဆန့်ကျင်ပြောဆိုကန့်ကွက်မှု မပြုလုပ်ရဲ ကြပေ။ အဘယ့်ကြောင့်ဆိုသော် ကျန်စခန်းများမှ ကိုယ်စားလှယ်များက ကျွန်တော်တို့အား သူတို့စခန်းများသို့ ပြောင်းရွေ့ရန် ခေါ်ကြသည်အထိ လေးစားခံရမှုက ရှိနေခဲ့သည့် အတွက်ကြောင့် ဖြစ်သည်။

ညီလာခံကျင်းပစဉ် ဝမ်ခစခန်းမှ ကျောင်းဆရာ ဦးယုနွယ်က ကိုသန်းဝင်းအားလာပြီး ညှိသည်၊ ကျွန်တော်ကိုဖြုတ်ပြီး ၈၈ မျိုးဆက် ကျောင်းသားခေါင်းဆောင်ဖြစ်သည့် ကိုသန်းဝင်းကို တင်မည်အားလုံးကို ညှိထားပြီးဖြစ်သည်ဟု လာပြောသည်။ ထိုအချက်ကို ကိုသန်းဝင်းက ငြင်းလိုက်သည်၊ သူ့အနေနှင့် ကျွန်တော့်ကို ဖြုတ်ချပြီး နေရာမယူလိုကြောင်း၊ ကိုထွန်းမှားတာ မရှိဘဲ သူနေရာမယူလိုကြောင်း ကိုထွန်းကိုသာ ပြန်ရွေးရန် ပြောသဖြင့် ဦးယုနွယ် နောက်ဆုတ်သွားသည်။

ထိုအချက်ကို နောင်အမေရိကန် နိုင်ငံရောက်ပြီးမှ ကိုသန်းဝင်းပြောပြ၍ သိရသည်။ ဖြစ်နိုင်သည်မှာ ဝမ်ခစခန်းသင်တန်းဆင်းပွဲတွင် ကရင်အလံကိုင်၍ သစ္စာပြုရန် ဦးယုနွယ်က သဘောတူထားသည်ကို ကျွန်တော်က ပယ်ဖျက်ခဲ့သဖြင့် အမျက်ထားခြင်းဖြစ်နိုင်သည်။ ထိုစဉ်က မည်သူတွေ ဘာတွေလုပ်နေသည် အုပ်စုဖွဲ့နေသည် ဂရုစိုက်ကြည့်မနေခဲ့မိ။ ကိုကိုလေးကလည်း ဒေါက်တာ နိုင်အောင်တို့အုပ်စုက ကျွန်တော့်ကို ဖြုတ်မည်ကြားသဖြင့် လက်မခံနိုင်ကြောင်း ပြန်လည်တုံ့ပြန်ရလိမ့်မည် ဖြစ်ကြောင်း ကျွန်တော့်ကို ဖြုတ်ချဖို့ မကြိုးစားရန် ဆွေးနွေးခဲ့သည်ဟု အမေရိကန်ရောက်ပြီး မကြာသေးခင်က ပြောပြ၍ သိရသည်။ အရေးပေါ်ညီလာခံတွင် မဲဆွယ်စည်းရုံးမှုကို ကျွန်တော် စိုးစိမျှမလုပ်ခဲ့။ ထိုသို့ လုပ်ရန်လည်း စိတ်မဝင်စားခဲ့ပေ။

ထို့နောက် ညီလာခံတက်ရောက်လာကြသော ကိုယ်စားလှယ်များကို ကျွန်တော်က ABSDF တွင် ဗဟိုနှစ်ခု ဖြစ်ပေါ်နေကြောင်း ဗဟိုကော်မီတီနှင့်စင်ပြိုင် ကေအင်န်ယူနယ်မြေဗဟိုကော်မီတီဟူ၍ ရှိနေကြောင်း ထိုကိစ္စကို ရဲဘော်တို့ မည်ကဲ့သို့ စဉ်းစားဆုံးဖြတ်မည်နည်းဟု အားလုံးကို ရှင်းပြလိုက်သည့်အခါ၊ ညီလာခံတစ်ခုလုံး ဒေါသဖြင့် ဆူညံသံများဖုံးလွှမ်းပြီး အော်ဟစ်မေးမြန်းခဲ့ကြသည်။

မင်းသမီးစခန်းဥက္ကဋ္ဌအဖြစ် တက်ရောက်လာသူ ကိုအောင်သန်းဝင်းက “ဘယ်ကောင်တွေလဲကွ၊ မလိုဘူး ဗဟိုဆိုတာ တစ်ခုပဲရှိ်ရမယ် အပြိုင်ထားတာကိုဖျက်ပစ်” ဟု အော်သည်။ တချို့ကလည်း  “ဗဟိုစင်ပြိုင်လုပ်တာ ရန်သူအားပေးတာနဲ့အတူတူဘဲ ညီညွတ်ရေးကို ပျက်ပြားစေတဲ့အတွက် လက်မခံနိုင်ဘူး” ဟု သဘောထား ပေးကြသည်။ စင်ပြိုင်ဖွဲ့စည်းထားခြင်းကို ထောက်ခံသူ မည်သူမျှ မရှိချေ။ ထိုအခါ ဗဟိုကော်မတီကို လေးစားသမှုမပြုခဲ့သည့် ကေအင်န်ယူနယ်မြေဗဟိုဥက္ကဋ္ဌဖြစ်သူ ကိုကျော်ကျော်က မျက်နှာငယ်လေးနှင့် “ကျွန်တော်တို့ကလည်း လုပ်ချင်လို့ လုပ်နေတာမဟုတ်ပါဘူး၊ ဗဟိုနှစ်ခုဖြစ်နေတာ ကျွန်တော်တို့လဲ သဘောမကျပါဘူး” ဟု လေပြေထိုးလာခဲ့သည်။ ထို့ကြောင့် ညီလာခံမှ ကရင်နယ်မြေဗဟိုကော်မီတီကို အများသဘောတူ ဖျက်သိမ်းလိုက်သည်။

ထိုနေ့ညပိုင်းတွင် ကေအင်န်ယူအထွေထွေအတွင်းရေးမှူး ဖဒိုဘသင်စိန်ရောက်လာပြီး ညီလာခံအဆောက်အဦ နောက်ရှိအပြင်ဘက်တွင် စကားပြောရန်ခေါ်သဖြင့် သွားတွေ့ရာ ဖဒိုဘသင်စိန်က “ဥက္ကဋ္ဌ ကိုထွန်းအောင်ကျော် ကေအင်န်ယူဗဟိုကော်မတီကို ဆက်ထားပေးပါ ခင်ဗျားတို့ဗဟိုကိုလည်း ကျွန်တော်တို့ ကူညီပါ့မယ်” လို့ပြောလာခဲ့ပါသည်။ ထိုအခါ နဂိုစိတ်တွင်း မခံချင်စိတ်ကြောင့် စိတ်မထိန်းနိုင်ဘဲ “ဖထီး၊ ကျွန်တော်တို့ အဖွဲ့အစည်းကြားမှာ ဝင်မပါပါနဲ့၊ ကျောင်းသားကေအင်န်ယူနယ်မြေဗဟိုကိုထားခွင့် ခွင့်မပြုနိုင်ဘူး” ဟု ခါးခါးသည်းသည်း ငြင်းဆိုလိုက်သည့်အခါ ဖဒိုဘသင်သည် “ဟင်း” ဟု တစ်ချက် မာန်ဖြင့်အသံပြုပြီး ဘာမှမပြောတော့ဘဲ ချာကနဲလှည့်ထွက်သွားခဲ့သည်။
နောက်တနေ့ညီလာခံစသည့်အခါ ထမင်းဟင်းချက်ကျွေးသည့် ကရင်စားဖိုမှူးများတယောက်မှ မရှိတော့ဘဲ ပျောက်ကုန်ကြသည်။ စားစရာ ဆန်၊ ပဲ၊ ဆီ ကအစ ဘာတခုမျှ ဖိုရုံထဲတွင် မကျန်တော့။ ညတွင်းချင်း သိမ်းသွားပုံရသည်။

သူတို့သဘောကိုမလိုက်၍ ကေအင်န်ယူက ပညာပေးခြင်းဖြစ်ကြောင်းရိပ်မိလိုက်သည်။ ညီလာခံကို မည်ကဲ့သို့ဆက်လုပ်ရမလဲ၊ ဘယ်လိုစားကြမလဲ ပြဿနာစတက်တော့သည်။ ကံကောင်းချင်တော့ ကျွန်တော့်အိပ်ကပ်ထဲတွင် ဦးတင်မြင့်ဦးပေးလိုက်သည့် သွားစိုက်ရန်ငွေ ဘတ်သုံးထောင် ရှိနေသည့်အတွက် ကိုသန်းဝင်းအားခေါ်ပြီး “သန်းဝင်းရေ တော်လဲထသွားပြီး ဆန်နှစ်အိတ်၊ ပဲနဲ့ ဆီဆား အမြန်ဝယ်ခဲ့ကွာ” ဟု ပါသမျှငွေပေး၍ လွှတ်လိုက်ရသည်။ သွားပြန်စိုက်ဖို့မစဉ်းစားနိုင် ကိုသန်းဝင်းပြန်ရောက်လာမှ ညီလာခံကို ပြန်စရသည်။ ညီလာခံပြန်စသည့်အခါ ကေအင်ယူနှင့် ပြဿနာမတက်စေရန် ဗဟိုဟူသော အသုံးအနှုန်း မပါဘဲ ကေအင်ယူနယ်မြေကော်မတီအဖြစ်ထားခြင်းကို ခွင့်ပြုခဲ့ရသည်။

ညီလာခံတွင် ယခင်က ဗဟိုကော်မီတီဝင်ဟောင်းများကို မူလသူတို့ရာထူးများကိုဆက်ထားပြီး ကျန်နေရာများကို ဖြည့်သွားရန် သဘောတူကြသည်။ ထို့နောက် အပြောအဆိုကောင်းသော သေ့ဘောဘိုး စခန်းမှ ကိုအောင်သန်းကို တွဲဘက်အတွင်းရေးမှူးနေရာကို အများသဘောတူညီလာခံမှ ရွေးချယ်လိုက်သည်။ ကျန်နေရာများအတွက် သင့်တော်သူများကိုရွေးချယ်ရန်နှင့် အဆိုပြုခံရသူများကလည်း တကယ်တာဝန်ယူနိုင်မှ လက်ခံကြရန် တိုက်တွန်းရသည်။ ထိုသို့ရှိနေစဉ် တင်မောင်ဆန်းတစ်ယောက် ညီလာခံခန်းမထဲသို့ ဒေါကြီးမောကြီးနှင့်ဝင်လာပြီး “ထွန်းအောင်ကျော် ဥက္ကဋ္ဌဖြစ်ရင် ကျုပ်တို့စခန်းက လုံးဝလက်မခံဘူး၊ ABSDF က ထွက်မယ်” ဟု ပြောဆိုခဲ့သည်။ ထို့နောက် တွဲဘက် အထွေထွေအတွင်းရေးမှူး ၁ အဖြစ် အရွေးခံထားရသော ကိုအောင်သန်း(ကွယ်လွန်) သည် သေ့ဘောဘိုးစခန်း ကိုယ်စားလှယ်မဟုတ်ကြောင်း သူသာလျှင် တရားဝင် ခန့်အပ်လိုက်သည့် ကိုယ်စားလှယ်ဖြစ်ကြောင်း ပြောဆိုပြီး ကိုအောင်သန်းကို ဆက်လက်တိုက်ခိုက် ပြန်လေသည်။ ကိုအောင်သန်းသည် အသားညိုညို ခပ်ဖိုင့်ဖိုင့် အရပ် ၅ ပေ ၄ လက်မ ခန့်ရှိပြီး နှုတ်ခမ်းမွှေး စစနှင့်ဖြစ်သဖြင့် သူ့ကို နှုတ်ခမ်းမွှေးအောင်သန်းဟု သိကြသည်။ အရက်ကြိုက်သဖြင့် မင်းကြီးအောင်သန်းဟု လည်းခေါ်ကြသည်။ 

ခင်မင်နှစ်လိုဘွယ်ရာ အပြုံးကို ဆောင်ထားတတ်ပြီး လူကြီးဆန်သည်။ စကားပြော ဆိုရာတွင်လည်းကောင်း ဆွေးနွေးတင်ပြရာတွင်လည်းကောင်း၊ ချက်ကျကျပြောတတ်သဖြင့် ကိုယ်စားလှယ် များက သူ့ကို တွဲဘက်အတွင်းရေးမှူးနေရာပေးရန် သဘောတူထားခြင်းဖြစ်သည်။ ကိုအောင်သန်းက သေ့ဘောဘိုးကိုယ်စားလှယ်အဖြစ်မှ သူထွက်ပေးမည်ဖြစ်ကြောင်း၊ သူ့အစား စခန်းကိုယ်စားလှယ်အဖြစ် တင်မောင်ဆန်းအားပေးကြောင်းတို့ကို ငြင်းခုန်ခြင်းမပြုဘဲ နေရာမှဆင်းပေးလိုက်သည်။ ထိုအခါ ကိုယ်စားလှယ် များထဲမှ ကိုကိုလေး၊ ကိုထွန်းဦး၊ ကိုသန်းဝင်း၊ ကိုစိုးလေးတို့က ညီလာခံခေတ္တနားပြီး တင်မောင်ဆန်းနှင့် ညှိကြသည်။ ကိုအောင်သန်းက ထွက်ပေးသဖြင့် ကိုအောင်သန်းကို ပေးထားသော တွဲဘက်အထွေထွေ အတွင်းရေးမှူးနေရာကို တင်မောင်ဆန်းအားပေးလျှင် ကျေနပ်မည်လားဟု ဖြစ်သည်။ ကိုကိုလေးက သူတို့အနေနှင့် စခန်းတစ်ခု ပဲ့မထွက်သွားစေရန် တင်မောင်ဆန်းကို ကိုအောင်သန်းနေရာပေးဖို့ ကမ်းလှမ်းမည်ဟု ကျွန်တော့်ကို လာပြောခဲ့သည်။ ကျွန်တော်က “ငါ့အနေနဲ့ ပုဂ္ဂိုလ်ရေးဘာပြဿနာမှမရှိဘူး၊ သူ့ကိုလည်း ငါဘယ်တုံးကမှ မတိုက်ခိုက်ခဲ့ဘူးဘူး၊ ဒါပေမယ့်၊ မင်းတို့ဟာက အဓိပ္ပါယ်ရှိပါ့မလား။ ဘာဖြစ်လို့လဲဆိုတော့ အောင်သန်းကိုရွေးတာ သူ့အရည်အချင်းကို ကြိုက်လို့ရွေးကြတာ၊ အောင်သန်းက သေ့ဘောဘိုးကိုယ်စားလှယ်ဖြစ်လို့ သူထွက်သွားတဲ့အတွက် သူ့စခန်းကလူပဲ သူ့နေရာယူရမယ်ဆိုတာ အဓိပ္ပါယ်မရှိဘူး၊ ဒီနေရာဟာ သေ့ဘောဘိုးစခန်းတစ်ခုထဲအတွက် ရာထားတဲ့ နေရာမဟုတ်ဘူး၊ ဘယ်စခန်းကိုယ်စားလှယ်ကဖြစ်ဖြစ် အရွေးခံပိုင်ခွင့်ရှိတယ်။ တော်ကြာညီလာခံမှာချပြပြီးမှ လက်မခံရင် မကောင်းဘူး” ဟု ပြန်ပြောခဲ့သည်။ ကိုကိုလေးက သူတို့ကြည့်လုပ်မည်ဟုပြောပြီး ပြန်ထွက်သွားသည်။ နောက်ညှိကြသည့်အခါ ကိုကိုလေးက တင်မောင်ဆန်းကို “ခင်ဗျားကို ကိုအောင်သန်းနေရာ တွဲဘက် အထွေထွေအတွင်းရေးမှူးပေးမယ်၊ ကျေနပ်လား” ဟု ပြောသည့်အခါ တင်မောင်ဆန်းက “ဒါဆိုကျေနပ်တယ်” ဟု ပြောသည်ကို ကြားသိရသည်။ နောက် “ခင်ဗျား၊ ကိုထွန်းအောင်ကျော်အပေါ် ပြဿနာရှိသေးလား၊ ကျေလည်သလား” ဟု ထပ်မေးရာတွင် “မရှိတော့ပါဘူး၊ ကျွန်တော် ဘာပြဿနာမှ မရှိတော့ပါဘူး။ ကျေလည်ပါတယ်” ဟုဆိုပြီး သဘောတူသည့်အတွက် ညီလာခံကိုပြန်စခဲ့သည်။

ညီလာခံပြန်စသည့်အခါ သဘာပတိလုပ်သည့် ကျွန်တော်၊ ဦးယုနွယ်တို့ကို အမှူးထားပြီး အခန်းနားမှူး ကိုသန်းဝင်းက ကိုအောင်သန်း ညီလာခံကိုယ်စားလှယ်အဖြစ်က နှုတ်ထွက်သွားသည့်အတွက် သူ့နေရာတွင် တင်မောင်ဆန်းကို တွဲဘက်အထွေထွေအတွင်းရေးမှူးပေးဖို့ ညှိုနှိုင်းခဲ့ကြောင်းကို ညီလာခံ၌ သဘောတူညီချက် ရယူရန် တင်ပြသည့်အခါ ညီလာခံကိုယ်စားလှယ်များက ကိုအောင်သန်းကဲ့သို့ အရည်အချင်းရှိသည့်သူက ထွက်ပေးရပြီး ညီလာခံထဲကို လူမိုက်ပုံစံဖြင့် ဗြုံးစားကြီးဝင်လာပြီး သူတို့စခန်းခွဲထွက်မယ်ဟု ချိမ်းခြောက်သည့် တင်မောင်ဆန်းကို နေရာပေးမယ်ဆိုသည့်အခါ လက်မခံနိုင်တော့ဘဲ ဝိုင်းပြီးကန့်ကွက်ကြပြီး မဲနှင့်သာ မည်သူဖြစ်သင့်သည်ကို ရွေးချယ်မည်ဟု ကန့်ကွက်ပြောဆိုကြသည်။

ထိုအခါ တင်မောင်ဆန်းက နေရာမှထပြီး “ကျုပ်တို့စခန်းက ထွန်းအောင်ကျော် ဥက္ကဋ္ဌဖြစ်ရင် လက်မခံဘူး၊ သူက ဦးတင်မြင့်ဦးဆီမှာ သွားစိုက်ဖို့ ဘတ်ငွေ သုံးထောင် တောင်းယူသွားတယ်၊ ခင်ဗျားလို သွားကျိုးနေတဲ့သူတွေ ကျုပ်တို့စခန်းမှာ အများကြီးရှိတယ်” ဟု ဆိုပြီး ဆူပူသောင်းကျန်းပြန်သည်။ ထိုအခါ ကျွန်တော် တော်တော်အံ့သြသွားမိသည်။ ဦးတင်မြင့်ဦးက သွားစိုက်ရန် ဘတ်ငွေ သုံးထောင်ကို ကျွန်တော်က မတောင်းဘဲ သူသဘောနှင့်သူ ပေးခဲ့သည်ကို သူနှင့် ကျွန်တော်သာ သိသည်။ အခြားမည်သူမျှမသိ။ ထိုအကြောင်းကို တင်မောင်ဆန်းကသိနေခဲ့သည်။ ဦးတင်မြင့်ဦး မပြောဘဲ မသိနိုင်သည့်ကိစ္စ ဖြစ်သည်။ ဘာကြောင့် ဦးတင်မြင့်ဦးက တင်မောင်ဆန်းကို ပြောခဲ့သနည်း။ ကျွန်တော့်ကို တိုက်ခိုက်ရန် လမ်းကြောင်းပေးလိုက်သည်လား။ ဖြစ်နိုင်ချေ များစွာရှိနေသည်။

တင်မောင်ဆန်းက ပုဂ္ဂိုလ်ရေးကို ရှေ့တန်းတင်ပြီး တိုက်ခိုက်လာသော်လည်း ညီညွတ်ရေးကို ရှေးရှူပြီး စခန်းခေါင်းဆောင်တစ်ဦးတင်ပြလာသည်ကို ညီလာခံကိုယ်စားလှယ် အများစုက မှန်မှန်ကန်ကန်ဆုံးဖြတ်နိုင်ရန် ညီလာခံကြီးကို ခေတ္တရပ်နားလိုက်ပြီး ဒေါက်တာသောင်းထွန်းက မေးမြန်းသူ နေရာတွင်နေ၍ ကျွန်တော်နှင့် တင်မောင်ဆန်းကို မေးခွန်းများထုတ်၍ တစ်ဦးချင်းစီ၏ လုပ်ဆောင်ချက်များကို ညီလာခံကိုယ်စားလှယ်များကို နားထောင်စေခဲ့သည်။

ပထမဦးစွာ တင်မောင်ဆန်းအား ကိုသောင်းထွန်းက အေဘီအက်စ်ဒီအက်ဖ်ပို့စကတ်များကို မဲဆောက်မြို့တွင် ကုန်သည်များကို တင်မောင်ဆန်းက ရောင်းချခဲ့သည်ဟု ကြားရကြောင်း ထို့ကြောင့် ပို့စကတ် မည်မျှရောင်းချ၍ မည်မျှရရှိခဲ့သနည်းဟု မေးမြန်းခဲ့ရာ တင်မောင်ဆန်းက ပို့စကတ် ၅၀ ခန့်ကို အောင်နိုင်က ပေးသဖြင့် ရရှိခဲ့ပြီး ကုန်သည်များကို တစ်ခုလျှင် ဘတ် ၅၀၀ မှ ဘတ် ၁၅၀၀-၂၀၀၀ အထိ သူတို့ပေးလျှင် ပေးသလောက်နှင့် ရောင်းချခဲ့ရာ စုစုပေါင်း ရောင်းရငွေ ဘတ် ၇၅၀၀ ခန့်ရပြီး ပို့စကတ်တစ်ခုကို ၁၀ ဘတ်နှုန်းဖြင့် ဈေးဖြတ်၍ အခု ၅၀ အတွက် ဘတ်ငွေ ၅၀၀ ကို အောင်နိုင်တို့ကို ပေးအပ်ခဲ့ကြောင်းနှင့် ကျန်ငွေများကိုမူ တပ်ရင်းမှူး သုံးပိုင်ခွင့်နှင့် သုံးပစ်လိုက်ကြောင်း ဖြေကြားခဲ့သည်။

ထို့နောက် ကိုသောင်းထွန်းက ကျွန်တော့်ကို ပို့စကတ်များကို ဘန်ကောက်တက်စဉ် ရောင်းချခဲ့ကြောင်း သိရသည်။ ထို့ကြောင့် မည်ကဲ့သို့ ရောင်းချခဲ့ပြီး မည်မျှရရှိခဲ့သနည်းဟု မေးမြန်းခဲ့သည်။ ကျွန်တော်က ဘန်ကောက်တွင် အသိမိတ်ဆွေများ၊ နိုင်ငံခြားသားများကို ရောင်းချရာတွင် ပို့စကတ် ၄၀ - ၅၀ ခန့်ရောင်းရပြီး အချို့က ဘတ် ၂၀၀၊ အချို့က ဘတ် ၁၀၀၀ အစားစား ပေးကြကြောင်း၊ စုစုပေါင်း ဘတ်ငွေ ၈၀၀၀ ခန့်ရရှိခဲ့ပြီး ထိုငွေအားလုံးကို ဘဏ္ဍာရေးသို့ အပ်လိုက်ကြောင်း ပြန်လည်ဖြေကြားခဲ့ပြီး ဘဏ္ဍာရေးကော်မတီမှလည်း လက်ခံရရှိကြောင်း အတည်ပြုခဲ့သည်။

ထိုအခါတင်မောင်ဆန်းကထပြီး “ခင်ဗျာအရှက်မရှိ ဘတ်ငွေသုံးထောင်ယူထားတယ် အဲဒါကိုရှင်းပါ” ဟုဆိုသည်။ ကျွန်တော်က “အဲဒီဘတ်ငွေသုံးထောင်နဲ့ အခုညီလာခံကို ကျင်းပနေတာ၊ ညီလာခံ ကိုယ်စားလှယ်တွေ စားဖို့ဆန်နဲ့ပဲကို ဒီငွေနဲ့ဝယ်ပြီး လုပ်နေတာငါကိုယ်ကျိုး လုံးဝသုံးမထားဘူး၊ သန်းဝင်းကို မေးကြည့်ဟုတ်မဟုတ်ဆိုတာ၊ အခု မင်းတို့အားလုံးစားနေတာ အဲဒီငွေနဲ့ စားနေတာ” ဟု ပြန်ပြောခဲ့သည်။ ကိုသန်းဝင်းကထပြီး “ဟုတ်တယ်၊ ကိုထွန်းက ဘတ်ငွေသုံးထောင်ထုတ်ပေးလို့ တော်လဲထမှာ ဆန်နဲ့ ပဲသွားဝယ်ပြီး ညီလာခံ လုပ်နေတာဖြစ်တယ်” ဟု ထောက်ခံပြောခဲ့သည်။ ထို့နောက် အပြန်အလှန် စွပ်စွဲချက်များကို ရှင်းပြီးဖြစ်သည့်အတွက် ညီလာခံကြီးကို ပြန်စတော့မည်ဖြစ်ကြောင်း ကြေညာပြီး ညီလာခံ၌ ရွေးချယ်ပွဲကို ပြန်စကြသည်။

အားလုံးက ကျွန်တော့်ကို ဥက္ကဋ္ဌအဖြစ် ပြန်ရွေးချယ်ခဲ့ကြပြီး တင်မောင်ဆန်းကို မည်သည့်နေရာမှ မပေးခဲ့ကြပေ။ ထိုအခါ တင်မောင်ဆန်းက ထပြီး “ကျုပ်တို့စခန်းက ထွန်းအောင်ကျော်ကို လုံးဝမထောက်ခံဘူး။ ABSDF ကနေ ခွဲထွက်တယ်။ ထွန်းအောင်ကျော် မဲဆောက်မြို့ကို လာရဲရင် လာကြည့်” ဟု ကြိမ်းဝါးပြီး လှေနှင့်ပြန်ရန် လုပ်သည့်အခါ  ကိုဌေးနိုင်က “အကိုကြီး ကျွန်တော်လိုက်ပို့မယ်” ဟု ဆိုပြီး တင်မောင်ဆန်းနှင့်အတူ လှေဆိပ်သို့ ဆင်းသွားသည်။ ကိုဌေးနိုင်သည် တင်မောင်ဆန်းစခန်းမှဖြစ်သည်။ တင်မောင်ဆန်းကိုလည်း အလွန်ကြည်ညိုသူ ဖြစ်သည်။ တစ်လမပြည့်ခင် တင်မောင်ဆန်းက သူ့စခန်းမှရဲဘော်များကို ဆက်နေလျှင် ကရင်လက်အောက်ခံဖြစ်သွားလိမ့်မည်ဟု ပြောပြီး ထိုင်းဖက်သို့ထွက်ရန် ခေါ်သဖြင့် စခန်းရှိရဲဘော်များ ထွက်လိုက်လာကြရာ မဲဆောက်တွင် သောင်တင်ကာ ဘုန်းကြီးကျောင်းတွင် ကပ်နေကြရရာ အများစု စိတ်ဓါတ်ကျလာသည့်အတွက် မြဝတီမှတစ်ဆင့် မြန်မာပြည်သို့ ပြန်သည်ဟု ကြားသည်ရ၍ စိတ်မကောင်း ဖြစ်ခဲ့ရသည်။ တင်မောင်ဆန်း၏စခန်းလည်း ညီလာခံတွင် သူနေရာ မရခဲ့ခြင်းကို အကြောင်းပြု၍ သူဖျက်စီး လိုက်သဖြင့် ပျက်သွားခဲ့သည်။

နောက်အပတ်ဆက်ရန်။

ဝဲမှ ယာ။ အခမ်းအနားမှူး ကိုသန်းဝင်း (အထွေထွေအတွင်းရေးမှူး)၊ သဘာပတိများ ဦးမောင်မောင်လွင် (ဟွေစေတီစခန်း ဒုဥက္ကဋ္ဌ)၊ ထွန်းအောင်ကျော် (ဥက္ကဋ္ဌ)၊ ဒေါက်တာနိုင်အောင် (ဘုရားသုံးဆူ) နှင့် ဦးယုနွယ် (ဝမ်ခ)

အရေးပေါ်ညီလာခံကျင်းပနေစဉ် သဘာပတိလေးဦး ဦးမောင်မောင်လွင် (ဟွေစေတီစခန်း ဒုဥက္ကဋ္ဌ)၊ ထွန်းအောင်ကျော် (ဥက္ကဋ္ဌ)၊ ဒေါက်တာနိုင်အောင် (ဘုရားသုံးဆူ) နှင့် ဦးယုနွယ် (ဝမ်ခ)

အရေးပေါ်ညီလာခံတက်ရောက်လာသူများ ဝဲမှယာ။ ရှေ့တန်း-ရွှေထီး/ဒုတိယတန်း။ ကိုကိုလေးနှင့် ထွန်းဦး (ကျဆုံး)/ တတိယတန်း။ ဦးမောင်မောင်လွင်၊ ဆန်းလင်း (မဆလ-ကျဆုံး)၊ ကျော်ထင်/စတုံထတန်း ဦးအောင်ခင်၊ ဆယ်ပြားကျော်ကျော်၊ စံရွှေမောင် စံရွှေမောင် နောက်တည့်တည့်မှာ ဌေးနိုင် (ကျဆုံး) ဖြစ်သည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ အပိုင်း ၁၈

February 15, 2014 at 9:55am

ယခင်အပတ်မှအဆက်

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ အပိုင်း ၁၈

အရေးပေါ်ညီလာခံကြီးကို ဖေဖေါ်ဝါရီလ ၁၄ ရက်နေ့မှ ၂၂ ရက်နေ့အထိ ၉ ရက်ကြာ ကျင်းပပြီးနောက် အောက်ပါအတိုင်း ဗဟိုအလုပ်အမှုဆောင်ကော်မတီကို ပြန်လည်ဖွဲ့စည်းနိုင်ခဲ့သည်။

၁။ ထွန်းအောင်ကျော်                  ဥက္ကဋ္ဌ
၂။ ဦးယုနွယ်                             ဒု ဥက္ကဋ္ဌ (၁)
၃။ ဒေါက်တာနိုင်အောင်               ဒု ဥက္ကဋ္ဌ (၂)
၎။ ကိုသန်းဝင်း                          အထွေထွေအတွင်းရေးမှူး
၅။ စိုင်းစံခေး                             တွဲဘက်အတွင်းရေးမှူး (၁)
၆။ ကိုတင်စိုးနောင်                      တွဲဘက်အတွင်းရေးမှူး (၂)
၇။ ဒေါက်တာသောင်းထွန်း             အတွင်းရေးမှူး (နိုင်ငံခြားရေးဌာန)
၈။ ကိုထွန်းဦး                             အတွင်းရေးမှူး (နိုင်ငံရေးနှင့်စည်းရုံးရေးဌာန)
၉။ ကိုကိုလေး                             အတွင်းရေးမှူး (ပြန်ကြားရေးနှင့်လူမှုဆက်ဆံရေးဌာန)
၁၀။ ကိုဆန်းလင်း                         အတွင်းရေးမှူး (ထောက်ပံ့ရေးဌာန)
၁၁။ ကိုအောင်သန်း                      အတွင်းရေးမှူး (စီးပွါးရေးကြီးကြပ်ရေးဌာန)
၁၂။ ဒေါက်တာကျော်သက်ဦး          အတွင်းရေးမှူး (ကျန်းမာရေးနှင့်လူမှုရေးဌာန)
၁၃။ ကိုမန်းထွန်း                          အတွင်းရေးမှူး (ဘဏ္ဍာရေးဌာန)
၁၄။ ကိုဆန်နီ                             အတွင်းရေးမှူး (စစ်ရေးဌာန)

အရေးပေါ်ညီလာခံပြီးနောက် ညီညွတ်သောဗဟိုကော်မီတီဖြင့် တော်လှန်ရေးကို အားကျိုးမာန်တက်လုပ်မည် ဟူ၍ မျှော်လင့်ခဲ့သည်။


မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး အရေးပေါ်ညီလာခံ ကြေညာချက် (၇)


မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး အရေးပေါ်ညီလာခံ ကြေညာချက်
 
 
 နိုင်ငံရေးနှင့်စည်းရုံးရေးဌာန အတွင်းရေးမှူး ကိုထွန်းဦး (ကျဆုံး) ၏ အရေးပေါ်ညီလာခံအပြီး ထုတ်ပြန်ကြေညာချက်
 


 အရေးပေါ်ညီလာခံအပြီး အမှတ်တရ
ဝဲမှယာ။ တင်စိုးနောင်၊ ကျော်ထင်၊ ဆန်းလင်း၊ အောင်ဟိန်း၊ သန်းဝင်း၊ ထွန်းအောင်ကျော်၊ ရွှေထီး၊ စိုးလေး၊ ကိုကိုလေး၊ ကျော်ကျော်ဝင်း။ စိုင်းစံခေး၊ သန်းလှိုင်ဦး၊ ဆန်နီမရင်ဒါ၊ ထွန်းဦး

သစ္စာသွေးသောက်၍ သစ္စာဆိုကြခြင်း
ညီလာခံနောက်ဆုံးနေ့တွင် ရဲဘော်သုံးကျိတ်ကဲ့သို့ အတိတ်နမိတ်ဆောင် တော်လှန်ရေးအောင်မြင်စေရန်ဟု ရည်ရွယ်ပြီး လက်မောင်းသွေးဖေါက်၍ သွေးသစ္စာသောက်ရန် အဆိုပြုသည်ကိုလက်ခံပြီး လက်မောင်းသွေး　ဖေါက်ကြသည်။ ဒေါက်တာကျော်သက်ဦးနှင့် စိုးမြတ်သူတို့က သွေးဒိုင်ခံဖေါက်ပေးပြီး ငွေဖလားထဲတွင်　ထည့်သည်။ ထိုနောက်　လက်နက်ကိုင်တော်လှန်ရေးတွင်　သစ္စာစောင့်သိပါမည်။ ရဲဘော်ရဲဘက်များအပေါ် သစ္စာစောင့်သိ ရိုသေပါမည်ဟု သစ္စာပြု၍　သွေးသောက်ကြသည်။ စိတ်ထဲတွင် “ဒီတစ်ခါတော့ တစ်ဦးကို　တစ်ဦး ယုံယုံကြည်ကြည်နဲ့ သေအတူ　ရှင်မကွာ လက်တွဲနိုင်မဲ့ လူကောင်း　သူကောင်းတွေ　ဖြစ်ပါစေ။ ကတိသစ္စာတရား တည်ကြည်သူများဖြစ်ပါစေ။ လက်နက်ကိုင်တော်လှန်ရေးကို ယုံကြည်သူများဖြစ်ပါစေ” ဟု ဆုတောင်းနေမိသည်။ သို့ရာတွင် ကျွန်တော့် ဆုတောင်း မပြည့်ခဲ့ချေ။

 
ရဲဘော်သုံးကျိတ်ကဲ့သို့ အယောက်သုံးဆယ် သွေးဖောက်၍ သစ္စာသွေးသောက်ခြင်း
သွေးဖောက်နေသူ။ ဒေါက်တာကျော်သက်ဦး၊ သွေးဖောက်ခံနေသူ။ ထွန်းအောင်ကျော်
နောက်မှကြည့်နေသူများ။ ဆန်းလင်း၊ ရွှေထီးနှင့်ဇော်နိုင်မိုး
 
 
ရဲဘော်သုံးကျိတ်ကဲ့သို့ အယောက် သုံးဆယ် သွေးဖောက်၍ သစ္စာသွေးသောက်ခြင်း
သွေးဖောက်နေသူ။ စိုးမြတ်သူ သွေးဖောက်ခံနေသူ။ ဒေါက်တာ ကျော်သက်ဦး
(သွေးဖောက်နေသည်ကို ရှေ့မှကြည့်နေသူ ဆန်းလင်း၊ နောက်မှကြည့်နေသူ ကိုကိုလေး)

 
အရေးပေါ်ညီလာခံအပြီးအမှတ်တရ
ဝဲမှယာ။ သန်းဝင်း (အင်္ကျီအဖြူ)၊ ထွန်းအောင်ကျော်၊ ရွှေထီး၊ စိုးလေး၊ ကိုကိုလေး၊ ကျော်ကျော်ဝင်း

ကျောင်းသားစခန်းများအား လှည့်လည်ကြည့်ရှုခြင်း
အရေးပေါ်ညီလာအပြီး စခန်းများ၏အခြေအနေကိုလေ့လာရန် အမေရိကန်နိုင်ငံဒုက္ခသည်များဆိုင်ရာကော်မတီ (United States Committee for Refugees (USCR)) အဖွဲ့မှ ပေါ်လစီလေ့လာသူ ကုတ်ရော်ဘင်ဆင် (Court Robinson) ဦးဆောင်သော ၄ ဦးအဖွဲ့ ရောက်လာသောအခါ သူတို့က စခန်းများကို လိုက်ကြည့်ချင်ပါသည်ဆို၍ သူတို့ကို လိုက်ပြမည်၊ သူတို့က စားရိတ်ခံရမည်ဟု ပြောသည်ကို လက်ခံသဖြင့် တစ်ချက်ခုတ်နှစ်ချက်ပြတ် စခန်းများကို သူတို့စားရိတ်နှင့် လိုက်ပြရင်း လိုသည်များကို စီမံခန့်ခွဲနိုင်သဖြင့် ဝမ်းသာခဲ့ရသည်။

သေ့ဘောဘိုးစခန်း
ကျောင်းသားစခန်းများတွင် လူအင်အားအများဆုံးနှင့် ပြဿနာအများဆုံးစခန်းသည် သေ့ဘောဘိုးစခန်း ဖြစ်သည်။ ရန်ကုန်၊ မော်လမြိုင်၊ သထုံ၊ မုဒုံ၊ ဘီးလင်း၊ တောင်ငူ၊ ကျောက်ကြီးစသည့် နေရာအသီးသီးမှ ကျောင်းသားများ၊ ရဟန်းပြည်သူများ အများဆုံး အုပ်စုလိုက် ရောက်လာကြသည့်စခန်း ဖြစ်သည်။ မော်လမြိုင်သပိတ်တွင် ထင်ရှားခဲ့သည့် ဦးမျိုးချစ် (ယခုကွယ်လွန်) တို့ အုပ်စုလိုက် ရဲများထံမှ သိမ်းယူခဲ့သည့် သေနတ်များနှင့်ရောက်လာကြပြီး၊ ဖုန်းကိုနှင့် သန်းနိုင် (ကွယ်လွန်) တို့နှင့်အတူ ၂၀၆ တပ်ရင်းတွင် နေခဲ့သည်။ သေ့ဘောဘိုးစခန်း ဥက္ကဋ္ဌ အက်စ်အောင်လွင်၊ အတွင်းရေးမှူး ကိုအောင်နိုင်ဦး (ယခု မြန်မာ့ငြိမ်းချမ်းရေး ပြန်လည်ဖေါ်ဆောင်ရေးဗဟိုဌာန၏ တွဲဖက်ဒါရိုက်တာ) တို့၏ ဗဟိုစခန်းတွင် တပ်ရင်း ၂၀၄ နှင့်၂၀၅ တို့ ရှိကြသည်။ တပ်ရင်း ၂၀၅ ကို ဒီအက်စ်အေနောက်ဆုံးနှစ်တွင် အထုတ်ခံရပြီး ရောက်လာသူ တင်မောင်ဆန်းက ဦးစီးသည်။ အက်စ်အောင်လွင်သည် ကရင်အမျိုးသားတစ်ဦးဖြစ်ပြီး ပြည်တွင်းမှာ နေစဉ်ကတည်းက နိုင်ငံခြားသားသနာပြုအဖွဲ့များနှင့်လည်း ရင်းနှီးသူဖြစ်သဖြင့် သူ ဥက္ကဋ္ဌ ဖြစ်လာသည့်အခါ ဘန်ကောက်သို့ ဆက်သွယ်ပြီး သူ့သာသနာပြုအဖွဲ့များထံ အကူအညီတောင်း၍ စခန်းကို ကောင်းစွာ ထောက်ပံ့နိုင်သည့် ခေါင်းဆောင်ကောင်းတစ်ဦးဖြစ်သည်။ အသားဖြူဖြူ ပိန်ပိန်ပါးပါးနှင့် မျက်နှာသွယ်သော အက်စ်အောင်လွင်သည် အင်္ဂလိပ်စကားကို ကျွမ်းကျင်စွာပြောဆိုနိုင်ပြီး လူကြီးဆန်သူတယောက် ဖြစ်သည်။ စကားပြောလျှင် လေးလေးပင်ပင် ရှိသည်။ စခန်း ၃ ခု ပေါင်းလိုက်လျှင် လူဦးရေ ၃၀၀၀ ကျော် ၄၀၀၀ ခန့်ရှိခဲ့သည့်စခန်းကြီးဖြစ်သည်။
 

ဝဲမှယာ - ကာရင် (Karin), အက်စ်အောင်လွင် (စစ်ဝတ်စုံနှင့်)၊ ထွန်းအောင်ကျော်(စာဖတ်ပြနေသူ)၊ ဒေါက်တာသောင်းထွန်း၊ မီမီမြင့်ဖူး၊ တွမ်မနော်လ်စကီး၊ အမည်မသိ၊ သန်းဝင်း

ဦးမျိုးချစ်တပ်ရင်း။
ဦးမျိုးချစ်၏ ၂၀၆ တပ်ရင်းသည်လည်း သေ့ဘောဘိုးစခန်းတွင်းတွင် ရှိသည်။ ဦးမျိုးချစ်သည် အရပ်ပုပု၊ ခင်မင်ဖွယ်မျက်နှာရှိပြီး ပျော်ပျော်နေတတ်သူတစ်ဦး ဖြစ်သည်။ ခင်မင်စရာကောင်းပြီး အလွန်ပွင့်လင်းသည်။ အသက်အရွယ်အား ဖြင့်  ၄၀ ကျော် ၅၀ ဝန်းကျင်ရှိသော်လည်း လူငယ်တစ်ယောက်လို ဖြတ်ဖြတ်လတ်လတ် ရှိသည်။ ကျွန်တော် သူ့စခန်းသွားလည်စဉ် ဝမ်းပန်းတသာကြိုဆို၍ မီးပုံပွဲလုပ်ပြီး သီချင်းဝိုင်းဆိုကြ ဆွေးနွေး တိုင်ပင်ကြနှင့် မာန်မာနမရှိ ရိုးသားသူတစ်ယောက်ဖြစ်သည်။ စစ်ရေးကို အထူးဝါသနာပါပြီး စစ်အာဏာရှင် စနစ်ကို ရွံ့မုန်းသူတစ်ယောက်ဖြစ်သည်။ သေ့ဘောဘိုးစခန်းကျပြီးနောက် ဦးမျိုးချစ်တစ်ယောက် ဘန်ကောက်တွင် ကွယ်လွန်ကြောင်း ကြားသိရ၍ အထူးစိတ်မကောင်းဖြစ်ရသည်။
 
 
ဦးမျိုးချစ်တပ်ရင်းတွင်ပြုလုပ်သည့် မီးပုံပွဲတွင် အမှတ်တရ
ဝဲမှယာ။ အောင်မြင့်ကြည်၊ အမည်မသိ၊ ထွန်းအောင်ကျော်၊ ဦးမျိုးချစ်၊ အမည်မသိ


ဦးမျိုးချစ်တပ်ရင်းတွင်ပြုလုပ်သည့် မီးပုံပွဲတွင် အမှတ်တရ

ဦးမျိုးချစ်နှင့် ကိုသန်းနိုင်တို့သည် ၂၀၆ တပ်ရင်းကို ဦးစီးသည်။ ကိုသန်းနိုင်သည် အသားညိုပြီး ပိန်သေးသေး ဖြစ်သည်။ ကိုဖုန်းကိုသည် ကရင်တစ်ယောက်နှင့်တူပြီး မေးရိုးကားကား၊ အသားဖြူဖြူ ဖြစ်သည်။ သူတို့နှစ်ယောက်လုံး အရပ်အမောင်း ၅ ပေ ၃ လက်မ ခန့်ရှိမည်။ သူတို့စခန်းတွင် ထောက်ပံ့ကြေး မရသဖြင့် ရဲဘော်များ ငတ်မွတ်ကြသည်။ ထို့ကြောင့် အက်စ်အောင်လွင်တို့ ဗဟိုစခန်းသို့သွား၍ ယင်းစခန်းစတိုတွင် ထားသောရိက္ခာများကို သေနတ်နှင့်ချိန်ပြီး ခွဲယူကြသည်။ အက်စ်အောင်လွင်တို့စခန်းက လူကြီးဆန်ဆန် အလျော့ပေးလိုက်သဖြင့် တိုက်ပွဲမဖြစ်ခြင်းသာ ဖြစ်သည်။ ကိုဖုန်းကိုသည် နောက်ပိုင်းတွင် အလင်းပြန်ဝင်သွား ခဲ့သည်။ မျက်ခင်းသစ်၊ မြန်မာ့အလင်း၊ ကြေးမုံတို့မှ သေ့ဘောဘိုးစခန်းတွင် လူအင်အား ၅၀ လောက်သာကျန်ပြီး စခန်းမှာလည်း ပျက်နေပြီဖြစ်ကြောင်း ပြည်တွင်းတွင် ရေးသားဝါဒဖြန့်သည်ကို ဖတ်ရသည့်အခါ အက်စ်အောင်လွင်နှင့် ဗိုလ်မှူးစိုးစိုးအိမ်တွင်တွေ့စဉ်က “ခင်ဗျားတို့ စခန်းပျက်နေပြီလို့ သတင်းစာတွေထဲမှာ ရေးပြီးဝါဒဖြန့်နေတယ်ဗျ” ဟု သူအားပြောပြခဲ့ဖူးသည်။ နောင် ၃လလောက်အကြာတွင် သူနှင့်ပြန်တွေ့သည့်အခါသူက “ကိုထွန်းအောင်ကျော်၊ ခင်ဗျား သေ့ဘောဘိုးစခန်း ပျက်နေပြီလို့ ပြောခဲ့တာ ကျွန်တော့်ဒိုင်ယာရီထဲမှာ နေ့ရက်အတိအကျနဲ့ ရေးမှတ်ထားခဲ့တယ်။ အဲဒါ ခင်ဗျားငြင်းမလား” ဟု ပြောလာခဲ့သည်။ ကျွန်တော် အတော် ဦးနှောက်ခြောက်သွားခဲ့ရသည်။ “ကိုယ့်ကျောင်းသားစခန်း ပျက်စီးသွားပြီလို့ ကျွန်တော် ပြောခဲ့သလား ဘာတွေမှားနေသလဲ” ဟု စဉ်းစားနေမိသည်။ သူကလည်း “သူ့ဒိုင်ယာရီထဲမှာ နေ့ရက်အတိအကျနဲ့ ရေးမှတ်ထားခဲ့တယ်လို့ အခိုင်အမာပြောနေတော့ ဘယ်လိုဖြစ်တာဘာလိမ့်” ဆိုပြီး စဉ်းစား၍ မရနိုင်လောက်အောင်ဖြစ်ခဲ့သည်။ နောက်မှသတိရလာပြီး “ကိုအက်စ်အောင်လွင်၊ ခင်ဗျားကို ကျွန်တော် ပြောခဲ့တာ ဒီလိုမဟုတ်ဘူး။ သတင်းစာတွေထဲမှာ ခင်ဗျားတို့စခန်း ပျက်နေပြီလို့ ရေးထားတာကို ကျွန်တော်က ပြန်ပြောပြတာသာဖြစ်တယ်၊ ကျွန်တော်ကိုယ်တိုင်က စခန်းပျက်နေပြီလို့ ပြောတာမဟုတ်ဘူး၊ ခင်ဗျားက ကိုယ်လိုတဲ့ အပိုင်းကိုပဲ ဖြတ်ပြီး ယူတာကတော့ အဓိပ္ပါယ် ကောက်လွဲအောင်လုပ်လိုက်တာပဲ၊ မလုပ်ကောင်းပါဘူး” ဟု ပြန်ပြောသည့်အခါ သူဘာမှမပြောတော့ပဲ ငြိမ်သွားသည်။ အဓိက ပြဿနာမှာ ဥက္ကဋ္ဌလုပ်သူ ကျွန်တော့်ကို ပြဿနာရှာလိုခြင်းသာ ဖြစ်သည်။ အစစအရာရာ မမှားရအောင် အနေအထိုင် ဆင်ခြင်နေသည့်တိုင် တစ်ခါတစ်ရံ မလွတ်ချင်ပဲ ဝေ့ဝေ့လာ သေးသည်။ အတော် ရင်မောစရာ ကောင်းသည်။


မင်းသမီးစခန်း

 
၁၉၈၉ ခုနှစ်၌ မင်းသမီးစခန်းရဲမေ ဝင်းဝင်းမူ ဦးဆောင်ပြီး လက်ပစ်ဗုံးပစ် အနီးကပ်တိုက်ပွဲနေသည့်ပုံကို ကျွန်တော်ကိုယ်တိုင်ရိုက်ကူးခဲ့ပြီး ပို့စ်ကတ်ထုတ်ရန် စီစဉ်ခဲ့သော်လည်း မထုတ်ဖြစ်ခဲ့။

ကျောင်းသားစခန်းများတွင် စိတ်ဓါတ်ကောင်းကောင်းနှင့် စခန်းတွင်းစည်းကမ်းသေဝပ်မှုအားကောင်းသောစခန်း ကို ပြောပါဆိုလျှင် တောင်ဖက်စွန်း မင်းသမီးနှင့် မိုးထောင်စခန်းကို ပြောရမည်ဖြစ်သည်။ မင်းသမီးစခန်းနှင့် မိုးထောင်စခန်းတို့သည် တစ်ခုနှင့် တစ်ခုကပ်နေကြသည် သိပ်မကွာဝေးလှ။ ကေအင်န်ယူ ဘိတ်၊ ထားဝယ်　ခရိုင်ထဲတွင် ရှိသည်။ ဘိတ်၊ ထားဝယ်မှ တောခိုလာသော ကျောင်းသားအများစု စုဝေးရောက်ရှိရာ နေရာ ဖြစ်သည်။ မင်းသမီးစခန်းတွင် လူပေါင်း ၇၀၀ ခန့်ရှိသည်။ ကျောင်းသားများအပြင် ကျောင်းသူများလည်း ပါသည်။ တက္ကသိုလ်ကျောင်းသားများ အစ၊ အထက်တန်းကျောင်းသားများ အလယ်၊ အလယ်တန်း ကျောင်းသားများအဆုံး တန်းလုံးကျွတ် တောခိုလာကြသည့် အုပ်စုများပါ ပါဝင်သည်အထိ တော်လှန်ရေး　စိတ်ဓါတ် ပြင်းထန်သော စခန်းနှစ်ခုဖြစ်သည်။ မိုးထောင်စခန်းတွင် လူပေါင်း ၃၀၀ ခန့်ရှိသည်။
ဗိုလ်ချုပ်အောင်ဆန်းတို့ ရဲဘော်သုံးကျိတ် ပြည်ဝင်သည့်အခါ ဘိတ်၊ ထားဝယ်သားတို့ မြန်မာလွတ်လပ်ရေး တပ်မတော်နှင့်အတူ ပူးပေါင်းခဲ့ကြသည့်နည်းတူ။ ရှစ်လေးလုံး အရေးတော်ပုံကြီးတွင်လည်း ဘိတ်၊ ထားဝယ်သားတို့ တက်ကြွစွာ ပါဝင်ဆင်နွဲခဲ့ကြပြီး စစ်အာဏာသိမ်းပြီးနောက် တင်္နသာရီတိုင်းတွင်ရှိ တက္ကသိုလ် ကျောင်းသားများ၊ အထက်တန်းကျောင်းသားများနှင့် အလယ်တန်းကျောင်းသားများပါ အစုလိုက်အပြုံလိုက် ထွက်ခွါလာခဲ့ကြသည်။ မြန်မာ့လွတ်လပ်ရေးတပ်မတော်တွင် ဘိတ်၊ ထားဝယ်သားတို့အများစုပါဝင်ခဲ့သလို မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးတွင်လည်း ဘိတ်၊ ထားဝယ် ကျောင်းသားတို့က နောက်ကျခြင်းမရှိဘဲ မျိုးချစ်စိတ်အပြည့်၊ တိုင်းပြည်ချစ်စိတ်အပြည့်နှင့် ကျောင်းစာသင်ခန်းများကို စွန့်၍ ပါဝင်လာခဲ့ကြသည်။


ပလော အလယ်တန်းကျောင်းဆရာ ဦးဟန်လင်းက ဦးဆောင်ပြီး တောမခိုခင် သရဏဂုံတင်နေစဉ်


ပလော အလယ်တန်းကျောင်းသားများတောမခိုခင် ကျောင်းရှေ့အမှတ်တရ


ပလောမှကျောင်းသားများ တောမခိုခင် ဆံပင်ညပ်နေစဉ်


မင်းသမီးစခန်းသို့ရောက်ရှိပြီး စစ်သင်တန်းတက်နေသော ကျောင်းသား၊များကို Court Robison တို့မှ မေးမြန်းနေစဉ်


မင်းသမီးစခန်းသို့ရောက်ရှိပြီး စစ်သင်တန်းတက်နေသော ကျောင်းသူအေးအေး (လက်ရှိ ABSDF ဒုဥက္ကဋ္ဌ မျိုးဝင်း၏ဇနီး) ကို Karin မှ မေးမြန်းနေသည်ကို ထွန်းအောင်ကျော်မှ စကားပြန်ပေးနေစဉ်

ပလောမြို့မှ ကျောင်းဆရာ ဦးဟန်လင်းခေါင်းဆောင်၍ ပုလောကျောင်းသားများ အစုလိုက်တန်းလုံးကျွတ် တောခိုလာခဲ့ကြသည်။ တောမခိုခင် ဆံပင်ညှပ်ခြင်း၊ စုပေါင်းသရဏဂုံတင်ခြင်းတို့ကို ပြုလုပ်ကြပြီးမှ တောတွင်းသို့ ထွက်ခွါလာခဲ့ကြသည်။　ထို့အတူ ထားဝယ်မြို့နယ်လုံးဆိုင်ရာ ကျောင်းသားသမဂ္ဂဥက္ကဋ္ဌ ကိုတင်လေးဦးစီးသည့် ထားဝယ်ကျောင်းသားများသည်လည်း ထားဝယ်မြို့ နယ်လုံးဆိုင်ရာ ဒီမိုကရေစီတပ်ဦး ဥက္ကဋ္ဌ မြောင်းပုလဲ၊ အလကကျောင်းအုပ်ဆရာကြီး ဦးပန်းကျော်အား စစ်တပ်က ဆွေးနွေးရန် ဖိတ်ခေါ်ပြီး တပ်ဦးရုံးတွင် တင်ထားသောဆိုင်းဘုတ်နှင့် ခွပ်ဒေါင်းအလံတော်အား စစ်ကြောင်းမှူး ဒုတိယဗိုလ်မှူးကြီး မြင့်သိန်းက ဖြုတ်ချခိုင်းရာ ဆရာကြီးက ဖြုတ်ချရန်မဖြစ်နိုင်ကြောင်းငြင်းဆိုပြီးနောက် ဗိုလ်မှူးကြီးမြင့်သိန်းက ၅ မိနစ် အချိန်ပေးမည်ဟု ရာဇသံပေးသည့်အခါ ဦးပန်းကျော်အား စည်းရုံးရေးမှူး ကိုအောင်မြင့် (နောင်တွင် မင်းသမီးစခန်း ဒုရင်းမှူး ဖြစ်လာသူ) က အခြေအနေမကောင်းသဖြင့် ဆွဲခေါ်လာရာ ဦးပန်းကျော်က လိုက်လာပြီး ၃ မိနစ်အတွင်းမှာ ဗိုလ်ကြီးတင်ဝင်းဆိုသူက ပစ္စတိုသေနတ်ကို ဖြောက်ကနဲ မောင်းတင်လိုက်သံ ကြားရသဖြင့် ဦးပန်းကျော်က လှည့်ကြည့်စဉ် ဗိုလ်ကြီးတင်ဝင်းက ဦးခေါင်းကိုချိန်၍ နောက်မှပစ်ထည့်လိုက်ရာ ဆရာကြီး ပွဲချင်းပြီး သေဆုံးသွားခဲ့သည်။ ကိုအောင်မြင့်လည်း ဒိုင်ဗင်ထိုး၍ ကျဉ်ဆံများ ပလူပျံနေသည့်ကြားမှ ထွက်ပြေးလွတ်မြောက်လာခဲ့သည်။

ကိုတင်လေးတို့ ထားဝယ်ကျောင်းသားသမဂ္ဂမှ ခေါင်းဆောင်များ ဦးဆောင်ပြီး ကေအင်န်ယူ ဘိတ်၊ ထားဝယ်ရုံး တည်ရှိရာ ထီးထာနှင့် ထိုင်းနယ်စပ်ရှိ နတ်အိမ်ထောင်စသည့် နယ်စပ် ကေအင်န်ယူနယ်မြေစခန်းများသို့ ရောက်ရှိလာခဲ့ပြီး ထိုမှတဆင့် မင်းသမီးနှင့် မိုးထောင်စခန်းများကို ကေအင်န်ယူအကူအညီနှင့် တည်ထောင်ပြီးနေကြသည်။ ကိုတင်လေး (တတိယနှစ်။ ရုက္ခဗေဒ၊ မော်လမြိုင်တက္ကသိုလ်) နှင့် ပါလာသော ကိုကျော်အောင် (ပထမနှစ်၊ စိတ်ပညာ၊ ရန်ကုန်တက္ကသိုလ်)၊ ကိုအောင်မိုးမြတ် (နောက်ဆုံးနှစ်အပိုင်း (က)၊ သွားဘက်ဆိုင်ရာဆေးတက္ကသိုလ်၊ ရန်ကုန်)၊ ကိုစိုးစိုး (ပထမနှစ်၊ ပါဠိ၊ ကြည့်မြင်တိုင်နယ်မြေ၊ ရန်ကုန်တက္ကသိုလ်)၊ ကိုစိုးအောင်ခင် (ဒုတိယနှစ်၊ ရူပဗေဒ၊ ထားဝယ်ကောလိပ်)၊ ကိုမြင့်သိန်း (LLB, နောက်ဆုံးနှစ်အပိုင်း (က)၊ ဆေးတက္ကသိုလ် (၂) မင်္ဂလာဒုံ၌ ပညာသင်ကြားနေစဉ်၊ ဦးသန့်အရေးအခင်းတွင် ဦးဆောင်ပါဝင်ခဲ့ပြီး ထောင်လေးနှစ်ကျခဲ့သည်)  ကျောင်းသားခေါင်းဆောင် ၅ ဦး စုစုပေါင်း ၆ ဦး ကရင်စခန်းတွင် မနေဘဲ စခန်းသစ်ရှာမည်ဟု ထွက်သွားရာ လမ်းတွင် ပျောက်သွားခဲ့သည်။ မှတ်တမ်းများအရ ကိုတင်လေး၊ ကိုကျော်အောင်နှင့် ကိုအောင်မိုးမြတ်တို့သည် ၁၉၈၈ ခုနှစ်၊  ဒီဇင်ဘာလ၊ ၁၆ ရက်နေ့တွင် မင်းသမီးစခန်းမှ ထိုင်းနိုင်ငံသို့သွားရာ  ကေအင်န်ယူနယ်မြေ၊ ထားဝယ်ခရိုင်တွင် ပျောက်ဆုံးသွားခဲ့သည်ဟု ဖော်ပြထားသည်။ ကိုစိုးစိုး၊ ကိုစိုးအောင်ခင်နှင့် ကိုမြင့်သိန်းတို့သည် ၁၉၈၉ ခုနှစ်၊  ဖေဖော်ဝါရီလ၊ ၂၂ ရက်နေ့တွင် မင်းသမီးစခန်းမှရှေ့တန်းနယ်မြေသို့ ထွက်ခွာစဉ် လမ်းခရီး၌  ပျောက်ဆုံးသွားခဲ့သည်ဟု ဖော်ပြထားသည်။ ယင်းကျောင်းသားခေါင်းဆောင် ၆ ဦးကို ကေအင်ယူဘိတ်ထားဝယ်စခန်းမှ ရှင်းပြစ်လိုက်သည်ဟု မင်းသမီးစခန်းဥက္ကဋ္ဌ ဖြစ်ခဲ့သူ ကိုတင်လေးသူငယ်ချင်း ကိုအောင်သန်းဝင်းက ပြောပြ၍ သိရှိရသည်။ သို့ရာတွင် မည်သည့်နေရာတွင် မည်သူက အမိန့်ပေး၍သတ်ခဲ့သည်ကို ယနေ့ထက်ထိ မသိရသေးချေ။ မင်းသမီးစခန်းတွင် မိန်းကလေးများလည်း ပါဝင်သည်။

မင်းသမီးစခန်းရှိ ရဲဘော်ရဲမေများသည် စည်းကမ်းသေဝပ်မှုရှိသည်။ ညီညွတ်မှုရှိသည်မှာ အားရစရာ ကောင်းလှသည်။ မင်းသမီးစခန်းသို့ ကိုယ့်စားရိတ်နှင့် ကိုယ်လာပြီး စစ်သင်တန်းပေးသော ပြင်သစ်စစ်သားက ကျွန်တော့်အား ပြောပြသည့် စကားကို ယနေ့ထက်တိုင် မှတ်မိနေသေးသည်။ သူက “မင်းတို့ ကျောင်းသားရဲဘော်တွေကို ငါစစ်ပညာ သင်ပေးရတာ သိပ်အားရတယ်၊ ကရင်စစ်သားတွေနဲ့မတူဘူး” ဟု သူက ပြောသည်။ “ဘယ်လိုမတူတာလဲ” ဟု မေးသည့်အခါ သူက “မင်းတို့လူတွေမှာ သင်ချင်တတ်ချင်တဲ့ စိတ်ပြင်းပြင်းထန်ထန်ရှိတယ်၊ တိုက်မယ်ဆိုတဲ့ စိတ်နဲ့ယုံကြည်ချက်ရှိတယ်၊ ကရင်စစ်သားတွေက တက်ခိုင်းလို့သာ လာတက်ရတာ စိတ်ပါလို့မဟုတ်ဘူး အဲဒါကွာတယ်” ဟု ပြောပြဖူးသည်။ ထူးဆန်းသည်မှာ သူနှင့် ကျွန်တော်တို့ ၁၉၈၈ ခုနှစ် ရှစ်လေးလုံး အရေးတော်ပုံအတွင်း ဦးထွေးမြင့် အကူအညီဖြင့် ဒေါ်အောင်ဆန်းစုကြည်ကို ကျောင်းသားသမဂ္ဂပြန်ကြားရေး အနေဖြင့် ကျွန်တော်တို့သူငယ်ချင်းတစ်သိုက် ဗီဒီယိုအင်တာဗျူးလုပ်စဉ် ဒေါ်စုက မေတ္တာရပ်ခံ၍ ဆရာကြီးဦးဝင်းတင်က သူ့အားမေးပြီး သူကဖြေသည်ကို ပြုလုပ်လိုသည် ဆိုသဖြင့် သဘောတူပြီး လုပ်ခဲ့ကြသည်။ ထိုစဉ်က ယင်းပြင်သစ်လူမျိုးသည်လည်း သတင်းထောက်အဖြစ် လာရောက်ခဲ့သဖြင့် စကားပြောဖြစ်ကြသည်။ မိုက်ကယ်အဲရစ်ကလည်း တိုက်ပုံဝတ်လျက် သူနှင့်ကျွန်တော်တို့ကို မွန်မွန်ရည်ရည် နှုတ်ဆက်ခဲ့သည်ကို မှတ်မိနေသေးသည်။ သူ့ကို မင်းသမီးစခန်းတွင် စစ်သင်တန်း ပေးနေသောစစ်သားအဖြစ် ပြန်တွေ့ရသည့်အခါ တစ်ယောက်ကို တစ်ယောက်မှတ်မိကြသဖြင့် ဝမ်းသာအဲလဲ နှုတ်ဆက်ခဲ့ကြသည်။  

မင်းသမီးစခန်းတွင်ရှိ မိန်းကလေးတွေထဲမှာ စီစီအေး၊ စန္ဒာခိုင်၊ အေးအေး၊ ဝင်းဝင်းမူ၊ သန်းထွေးကြူ၊ ခင်ထွေးကြူတို့ ညီအစ်မ၊ အင်ယု၊ မိချာ၊ နတ်အိမ်ထောင်တပ်ခွဲမှူး ဘိုင်သိန်းမြင့် (ရေးတိုက်ပွဲ၌ အရှင်ဖမ်းမိပြီး အသတ်ခံရ) ၏ ညီမ မိဂန်း တို့ကို မှတ်မိနေသေးသည်။ ငယ်ရွယ်နုပျိုသောမိန်းကလေးများ ယောက်ျားလေး များနှင့်ရင်ဘောင်တန်းပြီး တောခိုလာသည့်စိတ်ဓါတ်ကို အထူးလေးစားမိခဲ့သည်။