Saturday, February 22, 2014

နယ်စည်းမထား ဆရာဝန်များအဖွဲ့ ထွက်ခွာသွားရေး စစ်တွေမှာ တောင်းဆိုဆန္ဒပြ

နယ်စည်းမထား ဆရာဝန်များအဖွဲ့ ထွက်ခွာသွားရေး စစ်တွေမှာ တောင်းဆိုဆန္ဒပြ
ရခိုင်ပြည်နယ်မှာ ကျန်းမာရေးစောင့်ရှောက်မှု အကူအညီတွေပေးနေတဲ့ နယ်စည်းမထား ဆရာဝန်များအဖွဲ့ MSF ရခိုင်ပြည်နယ်ကနေ ထွက်ခွာသွားဖို့ စစ်တွေမြို့ MSF ရုံးရှေ့မှာ ရာနဲ့ချီတဲ့ ရခိုင်တိုင်းရင်းသားတွေက ဒီကနေ့ တောင်းဆိုဆန္ဒပြခဲ့ကြပါတယ်။

ဆန္ဒပြခေါင်းဆောင် အမျိုးသမီးတစ်ဦးဖြစ်သူ ရခိုင်ပြည်နယ် အမျိုးသမီးကွန်ရက် ဥက္ကဌ ဒေါ်ညိုအေးက သူတို့ တောင်းဆိုချက်တွေကို အခုလိုပြောပါတယ်။

"နှစ်ဖက်စလုံးကို ကျန်းမာရေး စောင့်ရှောက်မှုတွေပေးမယ်လို့ သူတို့က လုပ်ထားတာတွေရှိတယ်၊ ဒါပေမဲ့ ဘင်္ဂါလီလူ့အဖွဲ့အစည်းကိုသာ သူတို့က ဘက်လိုက်ပြီးတော့ ဆောင်ရွက်တာတွေ ကျမတို့တွေ့နေရတယ်၊ ဒါပေမဲ့ ဒါကို ကျမတို့ သည်းခံနိုင်တယ်ပေါ့နော်၊ အခုကတော့ သူတို့ကတော့ ဒီ့ထက်ပိုပြီး တဆင့်တက်ပြီးတော့ အခုဆိုရင် ထင်သာမြင်သာတဲ့ ဘက်လိုက်မှု ဖြစ်လာတယ်ပေါ့နော်၊ ဒါကြောင့်မို့ ကျမတို့ ကန့်ကွက်လိုက်ရတာ ဖြစ်ပါတယ်ရှင့်"

ဆန္ဒပြသူတွေက MSF ခေါ် နယ်စည်းမထား ဆရာဝန်များအဖွဲ့ဟာ မောင်တောမြို့နယ် ဒုချီးရားတန်းကျေးရွာဖြစ်စဉ်မှာ အကြမ်းဖက် တိုက်ခိုက်ခံရမှုကြောင့် ဒဏ်ရာရမွတ်စလင် ၂၀ ကျော်ကို ဆေးကုသပေးခဲ့ရကြောင်း မဟုတ်မမှန်သတင်းဖြန့်ဝေမှုတွေ ပြုလုပ်ခဲ့တယ်လို့ ပြောပါတယ်။

ဒါ့အပြင် မွတ်စလင်တွေရဲ့အခွင့်အရေးတွေ ချိုးဖောက်ခံနေရကြောင်း နိုင်ငံတကာ မီဒီယာတွေအပေါ် ဝါဒဖြန့်မှုတွေ ပြုလုပ်ခဲ့တာတွေကြောင့် MSF အဖွဲ့ ရခိုင်ပြည်နယ်အတွင်း ဆက်လက်ရှိနေတာဟာ ဒေသအတွင်း မတည်ငြိမ်မှုတွေ ဖြစ်ပေါ်လာနိုင်တယ်လို့လည်း ဆန္ဒပြခေါင်းဆောင်တစ်ဦးဖြစ်သူ ဒေါ်ညိုအေးက ပြောပါတယ်။

MSF ခေါ် နယ်စည်းမထား ဆရာဝန်များအဖွဲ့ဟာ ရခိုင်ပြည်နယ်မှာ မွတ်စလင်တွေကိုပဲ အဓိကထား ကူညီနေသလို ရခိုင်တိုင်းရင်းသားတွေကို အကြမ်းဖက်သမားတွေအဖြစ် ပုံဖော်မှုတွေပြုလုပ်နေကြောင်းလည်း ဆန္ဒပြသူတွေက ပြောပါတယ်။

No comments: